رواية ما هو ذنبي الفصل الثامن عشر 18 بقلم شفق الغروب
كلهم وشهم اتقلبت ملامحوا وانا لما لمحتهم موجودين رجعت لوش البرود القاسي وقلت :
- بتبصوا عليا ليه يشيفني لبسه بدلة رق*ص ...مش فهمه بجد!!
قلت كده بغرور وانا بصه ليهم بقرف ومفيش حد يقدر يكلمني اصل كلهم شالو اديهم مني ورمو طوبتي...مفيش حد هينصح او يعاتب... الناصح المعاتب زعلتوا وديقتوا النهارده...!
اترميت علي السرير من غير ما اغير هدومي حتي كنت بفكر قلبي موجوع ...كنت بقول نادر اكيد هيزعل يومين وبعدين هيجي يصلحني هو مش هيسبني اكيد هو قالها بنفسوا اني مليش غيرو اكيد مش هيسبني ....لما التفكير زاد معايا جامد لدرجة اني حسيت بصداع في راسي مقدرتش استحمل وايدي اتجهت للدرج اللي حطة في منوم ده رفيق الليالي الصعبة اخدت واحدة علشان اهرب من مشاكلي وبعد دقايق نمت ..وانتهي اليوم بالنسبه ليا ....!
تاني يوم صحيت ورحت علي الشغل وصراحة كنت متأخره علي شغلي شويه كنت بجري بالعربيه...اففف بقي ودي مشكله المنوم ...واول ما دخلت الشركة بتألقي المعتاد لقيت واحده بتقول :
- مستر نادر عوزك فوق وقال اول ما تيجي خليها تطلعلي
البنت همست وهي بتقول:
- خلي بالك علشان متعصب وكان نازل تهزيق في المتأخرين
وشي جاب الوان المتأخرين كانو متأخرين دقايق وانا متأخرة ساعة !!!!
قولت للبنت تروح تكمل شغلها وانا اتجهت علي الاسانسير وطلبت اخر دور ولما وصلت لقيت سكرتيرة جديدة عندو ...وبما انو عوزني فا اكيد مش هينفع ادخل كده انا زي زي اي حد عندو هنا ..نادر صادق في موضوع انسي كأنك متعرفنيش وانتهت كل حاجه
رحت عند السكرتيرة وقلتلها : تبلغ مستر نادر انتي جيت
وهي عملت كده كان نفسي اهرب او تيجي هي تقول انو خلاص مش عوزني بس طلعت وقالت انو مستنيني جوه
دخلت ببرود وانا جوايا انهيار من كل الاتجاهات :
- ممكن افهم سبب تأخيرك ؟
(قالها بهدوء مرعب بالنسبه ليا )
- غصب عني..المنبه مصحنيش
قال بحده :
- ميخصنيش.. الالتزام بالوقت هنا اهم حاجه كل دقيقة بتعدي وانتي مهملة بتضيعنا...لو حبه تدلعي يبقي تروحي تشفيلك شغل غير هنا ...فهمه !!
- نادر انت بتتكلم بجد؟ ؟" قالتها في صدمة "
- مستر نادر ومتنسيش نفسك " قالها بحده وحسم"
ضغطت على سننها وضمت أديها وهي بتضغط عليها وقالت :
- تمام يا مستر نادر ...حاجه تاني؟
- لا ...اتفضلي
لفت ظهرها لي علشان تمشي وهي وقفة علي الباب قالت :
- كنت عوزاه احكيلك ان امبارح كان من اسوء ليالي حياتي...وكنت بعاني فيها ...وانا اسفه على التأخير بس مفعول المنوم كان مستمر فا معرفتش اصحي
" قالت جملتها بصوت مخنوق بالدموع ومشيت "
راحت علي شغلها وبعد ما خلصت قبل الفطار قامت علشان تمشي بس نادر وقفها ببرود وقال:
- علي فين ؟؟
- خلصت شغلي ومشية
- خلصتي ازاي انتي نسية انك متأخره ساعة النهارده!
- يعني؟؟
- يعني الساعه اللي اتأخرتيها هتقعدي تكملي شغل فيها دلوقتي بدل اللي فاتت
- يعني ايه طيب والفطار !!
نادر رفع حاجبوا باستنكار لانو عارف انها مش بتصوم بس رد وقال :
- هاتي فطارك هنا وكملي شغل ...وبعد كده اي حد هيتأخر هيقعد يكمل شغل ضعف اللي اتأخرهم
- مش هينفع انا لازم امشي !
- قلت تقعدي اللي اتأخرتيهم
- بكره هاجي ساعة بدري عن المعاد بس سبني امشي دلوقتي
- لا
- نادر ...لازم امشي " قالتها بضيق واعتراض "
رفع حاجبوا ليها وهي عدلت كلامها :
- مستر نادر مش هينفع اقعد
- انا قلت اللي عندي وهتقعديهم علشان تتأخري تاني بعد كده
قال كلاموا ومشي وبر قعدت بتوتر وضيق هي قالت لهدي انها هتيجي تفطر معاها قعدت تفكر هتعمل ايه هي مش مهم تفطر هي مش صيمه اصلاً بس الطفلة دي زنبها ايه ؟
جتلها فكرة اخيرا بعد ما كانت هتعيط علي هدي فتحت الفون وطلبت اكل وخلت العنوان عنوان الورشه والاوردر باسم هدي وحولت فلوس الاوردر وهي قعدة في مكانها لما عملت كده أتنفست الصعداء ...وفضلت بتفكر حبه وهي بصه للسقف وبعدين طلعت ورقه من الدرج وبدأت تكتب حاجه فيها وحطتها علي جنب وكملت شغل ولما خلصت الساعة قامت مشيت واتجهت علي الورشه اللي هدي بتشتغل فيها ولقتها بتبيع مناديل و ورد وقفت بالعربيه قدمها وفتحت الشباك
- اكلتي؟
- ايوه الحمد لله
- انا لسه تعالي اركبي نروح ناكل مش بحب اكل لوحدي
- مش هينفع
- ليه ؟؟!!!
- لازم ابيع كل دول ولو سبت الشغل ومشيت عمو سمير هيزعل مني
- بكام المناديلوالورد ؟
- المناديل ب ٥ والورد ب ١٠
- ودول ١٢ باكو في خمسة ... و ٣٠ في ١٠ ب ...اتفضلي انا هشتريهم يلا اركبي
- لا مش هينفع
- ليه ؟؟!!!
- انتي بتشتريهم علشان اجي معاكي حرام لي تدفعي كل ده !
- يا بنتي انا عوزاهم تعالي اقولك هنعمل بيهم
هدي وقفت شوية وبر قالت :
- يا بنتي اركبي وهقولك هعمل بيهم ايه
هدي ركبت وبر اتجهت علي محل الشورما وراحت طلبت أوردر وهي مستنية الاوردر يجهز فتحت باب العربية لهدي وقالت:
- تعالي يلا هاتي الورد
بر اخدت منها الورد واديتها عشر وردات وراحت وبقت توزع علي الناس هي وهدي
__________________________________
من بعيد في حته ظلمه كانت عربيه وقفة وساندين عليها اتنين
- نادر بص .....مش اللي هناك دي بر ...بس مين البنت الصغيره اللي معاها ؟؟
- فين؟ ....يمكن مش هي
- مستحيل انا متهش عنها
- يخلق من الشبه أربعين
- لا هي
- بر عمرها ما تعمل حاجه حلوة وتوزع علي الناس ورد علشان تبسطهم !!!
وهما وقفين بيتناقشوا لقوا البنت الصغيره قربت منهم وادت لصاحب نادر اخر ورده معاها وبصت علي نادر وقالت : انا معيش تاني ليك بس هروح اجبلك من بر وحدة زي صحبك
نادر اتصدم.... بر !!!
الطفلة دي تعرفها منين اصلاً ...ممكن تكون دي هدي اللي بر عملت علشانها الدراما بتاعت امبارح؟
بر كانت وقفة بتدور بعيونها علي هدي اللي اختفت من جنبها فجأة وشها بان عليه القلق بصت حوليها وهي بتمشي وبتدور بعيونها شافت حد قصير من بعيد بيمشى بعكذاتو في الظلمة بر جريت عليها ازاي تبعد عنها كده ولما وصلت ليها نزلت لمستواها وحضنتها وقالت : متبعديش عني بخاف عليكي
هدي ابتسمت وقالت: متخفيش كنت بدي لعمو وردة ...معاكي ورده تاني ؟؟صاحب عمو عايز ورده هو كمان
بر بصت علي اخر ورده في أديها ومدت أديها لهدي بحنان
- اتفضلي يا روحي
- ثواني اروح اوديها وجيا
بر مسكت أديها وقالت :
- هوديها معاكي متروحيش حته لوحدك طول ما انا معاكي ...فهمه ؟
- حاضر
- حبيبتي اللي بتسمع الكلام...هو انتي ممكن تديني بوسه؟ ؟
ضحكت هدي بطفولة وهي بتبوس بر
بر قامت ومدت أديها لهدي وقالت:
- يلا نودي الوردة لعمو
بر هحضنتها ....بر بتعامل هدي كأنها بنتها ...بر مش مشتاقه لنادر طول ما هي مع هدي ...بر نسيت اللي حصل مع نادر ..!
وعند نادر وصحبوا كان نادر مصدوم من المشهد اللي شيفوا قداموا دي بر بجد !!!! ازاي؟؟!!!
بر كانت مسكة ايد هدي لحد ما وصلت عن عمو واتصدمت ان عمو ده نادر
صاحب نادر : اختك دي يا بر ؟؟؟
- ميخصكش
- لا بجد مين دي ؟؟
- بنتي يا رامي استريحت
- معزمتنيش علي فرحك ولا افتكرتيني بحته جاتوه
- هضربك لو مسكتش
نادر كان متابع حورهم وهو لسه سرحان في المشهد اللي لسه شيفوا وهو سرحان حس بحد بيلمس رجلو وبيشد في بص لقي هدي اللي قالت :
- بقالي ساعة بنده عليك وانت نايم انت ووقف ...انا اعرف ان الحصان بس هو اللي بينام وهو واقف انت حصان ؟
ضحك ونزل لمستواها:
- لا انا نادر وانتي؟؟
- هدي
- اسمك جميل يا هدي
- اسم حضرتك هو اللي جميل يا عمو ..اتفضل
قالتها وهي بتمد أديها وتديله الوردة
ابتسم واخدها منها
- شكراً
- عفواً الشكر لله
بر مسكت ايد هدي
- يلا بينا يا دودي
هدي هزت راسها ليها ومشيت معاها وهي بتشاور لنادر ورامي وبتقول بضحكتها الطفولية
- سلام يا عموهين
نادر ضحك لما سمعها بتقول كده تثنيتها لعمو كانت تحفه
بر قعدت هي وهدي في العربية بعد ما استلموا الطلب علشان يكلوا وهدي كانت رفضه تاكل
- بس انا عملت حسابك معايا
- مش عوزاه
- ليههه ...انا هموت من الجوع!
- كلي انتي
- مش هاكل من غيرك
- بر مش عوزاه
بر بصت علي هدي وقالت :
- ليه مش عوزاه تكلي؟
- اقولك بصراحة ومتزعليش مني؟؟
- مش هزعل
- انا حسه نفسي تقيلة عليكي ..انتي كل شوية تجيبي ليا حاجات وانا مش بعرف اجبلك حاجه.
- مين قلك انك مش جيبه ليا حاجه انتي جيبه حاجه انا كنت بحلم بيها طول عمري وملقتهاش
- بجد !!! ايه ؟
- السعادة والفرح والونس....انا كنت طول الوقت مفتقداهم ودول اغلي عليا من عمري
هدي قالت بحزن :
- انتي بتحاولي تقنعيني بكده علشان اكل صح ؟؟
- لا مش صح وبعدين مش انتي وعدتيني هتغيرلي حياتي وتخليني احس بالنعم اللي انا فيها ...اعتبري ان اللي بعملوا ده برد بيه جميلك عليا ....وثانيا انا زعلانه منك
- ليه انا معملتش حاجه؟ ؟
- لا عملتي انتي بتفرقي مبنا ومش معتبراني اختك ...ده انا اعتبرتك بنتي
- لا والله انا بحبك اوي انتي أطيب واحن واحدة انا عمرو ما في حد عمل معايا كده ديما كانو بيزعقوا ليا وفي اللي بيتريق ويتنمر عليا
بر حست بوجع في كلمها شكل البنت دي اتكسرت كتير وقالت وهي بتمسح علي وشها:
- مفيش حد هيقدر يعمل ليكي حاجه طول ما انا معاكي
قاطع حدثهم صوت تخبيط علي شباك العربية المقفول من نحيت هدي
كان نادر بر فتحت الشباك ونادر مد ايدو بكيسة مليانة حلويات لهدي هدي رفضت تأخدها لأنو حد غريب بالنسبه ليها لاكن بر قالت ليها تاخدها عادي وهدي شكرت نادر بر وهي مبتسمة قالت موجهه كلامها لنادر:
- طيب وانا يا نيدو مليش في الحلو نصيب ؟
نادر بعد عيونوا عنها وقال:
- بلاش شغل عيال يا بر مش بحبوا
قال كده ومشي واول ما مشي رامي صاحب نادر خبط علي شباك بر ونولها كيس زي بتاع هدي وقال بعد ما اتأكد أن نادر مشي
- بقولك نادر هو اللي جيبوا ليكي وقالي أديها علي اساس انت اللي جيبوا ...بس انتي عرفاني الا الكذب ....انا بقولو ميكبرش الموضوع بنكم ...بس هو دماغوا نشفه المرة دي شوية
- سيبوا برحتوا يا رامي
- متزعليش منوا او من طريقتوا هو ....~
بر قطعتوا مفيش حاجه يا رامي خلاص ...انا هكلموا بس سيباه علي رحتوا شويه
- ماشي بس بلاش عند بالله عليكي
- متقلقش
رامي مشي وسابها وهي وجهت نظرها لهدي علشان تكمل جلستها معاها
رامي راح عند نادر
- كنت بتكلمها في ايه ..كل ده ؟
- وانت مالك مش قلت كأني انا اللي جيباها...ملكش دعوه بقا
نادر ضيق عنيه وهو بيقول:
- عارف لو عرفت انك قولتلها حاجه عني يا رامي الكلب قول علي نفسك يا رحمن يا رحيم
- يعم عيب عليك كل كلمه قلتها في بير
- مبلاش بير ...بيشرب منوا كتير
- بيري انا مش بيشرب منوا حد
- لما نشوف
------------------------------------------------------
وعند هدي وبر كان بيتناقشوا في موضوع وهدي كان عندها اصرار تثبت رأيها وان بر غلط النقاش كان ان لما رامي مشي هدي بصت لبر وقالت باستغراب:
- انتي تعرفيهم ؟؟
- ايوه صحابي ...نادر اللي جبلنا الحلويات دي هو صاحب الشركة اللي بشتغل فيها
- انتي بتكلميهم عادي!!!!
- ايوه مالك!
- حرام يا بر
- هو ايه اللي حرام !
- ان البنت والولد يكلموا بعض غير للضرورة القصوى قال تعالى في سورة النساء " وَلَا مُتَّخِذَٰتِ أَخْدَانٍ " متخذات النساء اخذان صداقات المقصود بالصداقات هنا الصداقة بين الراجال والنساء
- مش هتفرق صدقيني وبعدين انا مش مقطنعة بالموضوع
- يعني ايه مش مقتنعه بالموضوع بقولك حرام.....واحنا كمسلمين شرع ربنا هو حدودنا
بر ضحكت بسخرية لو الطفلة دي عرفت انها عملت كل حاجه حرام ممكن تتخيلها و متتخيلاهاش....هي لحد دلوقتي مشفتش الوشم اللي علي أديها اللي كان سبب مشكلتها هي ونادر...هي لبست جاكت علشان يداري أديها كاملة هي مش عوزاه هدي هي كمان تسبها
- بتضحكي ليه ؟؟
- علشان حتي لو بطلت دي في مليون حاجه غلط بعملها عجزة اني ابطلها فا مش هتفرق
- واحدة واحدة وهتقدري تبطليهم كلهم
- إيجابية زياده عن اللزوم انتي
- ودي حاجه حلوة ولا وحشه
- في العادي المفروض حلوة بس احنا عيشيين في مجتمع سلبي محطم للاحلام يعني ايجابيتك وسطهم هتبقي ملهاش لزمه ..كأنك بطفي نار ببنزين
- لا ليها ... تفألي خيراً سوف تجديه
- صدقيني مش بلاقيه ياما حاولت
- علشان بعيدة عن ربنا ومش مؤمنه ان ربنا يقدر يحللك مشكلك كلها في حديث عن الرسول صلى الله عليه وسلم قال والمعنى من عند الله والفظ رواه الرسول 《أنا عند ظن عبدي بي 》لازم يبقي ظنك ويقينك بقدرة الله كبير
- واهو دي حاجه عمرها ما كانت عندي
- ليه؟؟
- بلاش انتي بالذات
- ليه ؟؟
- علشان انتي نسخة كان نفسي ابقي زيها وعجزت عن اني اوصلها مش عوزاه افكاري تدخل تدمر عقيدتك
- اممم لا متخفيش قولي
- تعبان مش قادر
- برحتك ..انا مكنتش عوزاه اعرف اصلاً
قالتها وهي مربعة أديها وبتبص النحيه التانية
بر ضحكت
- بقولك ؟
- نعم
- اجهزي بكرة بعد التراويح هنروح انا وانتي نعمل شوبنج ونشتري شوية هدوم
- مش عوزاه
- انتي تاني...مش احنا اتفقنا انك تعتبريني اختك الكبيره ؟
- بر كفايه
- كفايه ايه ؟؟
- اللي بتعمليه
- تاني بتفرقي مبنا...طيب بصي انا كده كده ريحا اعمل شوبنج فا هتيجي معايا يعني هتيجي
ويلا بينا علشان تروحي تنامي وبكره استنيني علشان هاجي اخدك نفطر سوا
بر راحت وصلت هدي واتجهت علي بيتها مروحه
راحت اخدت شور واترمت علي السرير وهي بتفكر في أحداث اليوم كانت سعيدة لأنها قعدت مع هدي مدة طويلة بس كان في غصة مخليه راحتها وفرحتها متكملش وهي نادر حتي وهما متخصمين جبلها حاجات هو عارف انها بتحبها صحيح لبسها لرامي اللي فتن عليه ...بس هو مش نسيها ....هي عرفه انو زعلان علشان كده فتحت الفون فتحت الوتساب كان نفسها تشوف رساله من نادر انها تنزل تقبلوا زي بتاعت امبارح بس ملقتش ....فتحت الشات وبعتت لي :
" انا عرفه انك زعلان مني ومضايق بس انا بجد اسفه ياريتني موت قبل ما ازعلك ....انت وحشتني علي فكرة وبصراحة اضيقت جدا منك وانت بتعاملني بالجفاء ده بس انا عزراك....هدي فرحت جدا بالحلويات وانا كمان متشكرة جدا ....بس عوزاه اقولك انها مستحيل تبقي حلوة لانك الحاجه الحلوة الوحيدة اللي في حياتي يا نادر "
بعتتها وهو شافها ومردش ولا ادي اي رأكت وبر اتنهدت وضبطت المنبه ونامت تاني يوم لما راحت الشركة اتجهت لأول مرة علي مكتبها من غير ما تروح لنادر عيونها جت علي ورقه علي مكتبها ركنتها امبارح مدت اديها ليها و فتحتها وبصت فيها وكأنها تذكرت وقررت انها تاخدها لنادر قامت واتجهت علي الاسانسير وطلبت اخر دور وطلعت لمكتبوا ملقتش السكرتيرة فا دخلت علي طول ولما دخلت شافت السكرتيرة عندو جوه وكانت مقربة منوا جدا وهي مسكة في ياقة قميصوا وهو باصص ليها بغيام ولما دخلت بعدت عنوا بسرعه وقالت بتوتر:
- احم قفلتلك يا مستر نادر الزرار بتاع القميص حضرتك عوز حاجه تاني؟
ابتسم وغمز ليها وقال :
- لا لما احتاجك هنديكي
هي ضحكت وخرجت من المكتب ونادر بص لبر ببرود وجفاء وقال:
- أفندم محتاجه حاجه يا انسه بر ؟
بر كانت بتشيط ونفسها تروح تضربوا كانت متغاظه وكان باين عليها الضيق ضغطت على سننها وضمت أديها وهي بتضغط عليها وقالت وهي بتمد ورقة لي :
- اتفضل
- اه دي ؟؟!!
- استقالتي انا وشركت حضرتك مبقناش متفاهمين مع بعض ابداً
- استقالتك مقبولة ....بس مش دلوقتي حضرتك هتفضلي تشتغلي لحد ما يجي حد بدالك...انا مش هنقص موظف واعمل عجز في المكان علشان عيون حضرتك...يجي البديل هتلقيني بقول متدخليش الشركة دي تاني....حاجه تاني؟
قالت بحزن داخل علي قلبها :
- لا
- تمام...والمرة الجيه تخبطي قبل ما تدخولي لو ملقتيش السكرتيرة بره
- تمام وبعتذر لحضرتك...ممكن امشي؟ " قالتها وعيونها في الأرض بضيق وهي بتحاول تقاوم دموعها "
- اتفضلي...وابعتي ليا السكرتيرة
حزنها فجأة اتغير لضيق وعصبية وقالت بحده:
- ده مش شغلي حضرتك تقدر تقوم تتلحح وتناديها ...قالت كده واتجهت علي الباب بعصبيه وقبل ما تطلع رجعت بسرعه عند نادر وزقت الكرسي بتاعوا علي الحيطة.....بتستهبل صح ؟؟ المرة الجاية لو شفت النظر ده تاني هكون قتلاك انت وهي !!!!
قالتها وخرجت بعصبيه وكان نفسها تولع فيه بس مقدرتش للأسف.....علشان في كاميرات!!!
عده الوقت وبر راحت علي هدي علشان تاخدها تفطر بس كانت عملة مفاجأة لهدي لما شافت ساعدتها إمبارح وهي بتوزع علي الناس ورد قررت انها تعمل حاجه شبيها تخلي هدي تفرح اكتر راحت اشترت بكتات عصير وحطتهم في العربية هتوزعهم علي الناس هي وهدي قبل الفطار ....هدي بتحب الخير لو اشتركت في إفطار صائم هتطير من الفرحه
راحت علي هدي وخلتها تركب وهما ماشيين وكانو بيوزعوا علي الناس وبر كانت عيونها متعلقة علي الهدي اللي كانت فرحتها وسعدتها وهي بتعمل الخير ده لا تقدر بثمن
وهما ماشيين بر فتحت كنز وشربت ولما هدي شافتها صرخت عليها بزعر :
- الاذان لسه يا بر!!!!
- اممم منا عرفه
- وبتشربي!!
- ايوه منا مش صيمه
- ليه ؟؟ لعذر شرعي ؟
- لا مليش مزاج مش اكتر وكده كده انا بقالي اكتر من عشر سنين مصمتش
هدي شهقت:
- عشر سنين يعني عدي عليكي عشر رمضان مصمتيش فيهم !!!
- ايوه
- حرام يا بر...ده فرض مش نفل " قالتها بحزن "
بر ابتسمت ليها :
- فكك يعني دي اللي هتفرق معايا ؟
- بر متكلمنيش انا زعلانه منك
بر وقفت العربية وهي بتبص لهدي:
- ليه ؟؟
- علشان مش بتصومي
بر اتنهدت وسابتها ورجعت تسوق أصلها مش هتصوم ....بر كانت بتكلمها تحاول تفكها بس هي مكنتش رضيا ترد عليها وده زعل بر اذان المغرب اذن وهدي نزلت من غير ما تبص لبر حتي واخدت عكزتها وراحت تصلي وبر وقفت استنتها وهي مسكة ليها العصير وتمر علشان لما تخرج تكسر صيامها بيهم والناس بدأت تطلع مع انتهاء الصلاة وبر فتحت العربية وبقت توزع علي اللي خارج عصير وهي بتراقب هدي....هدي طلعت من المسجد وكانت مشيه بعكزتها لبعيد مكنتش رجعة لعربية بر ...بر راحت ورها وقالت :
- العربية هناك علي فكرة
- مش عوزاه اقعد في عربية واحدة مش بتصوم
- هدي متهزريش!
- مش بهزر ومتكلمنيش مش بكلم حد مش بيصوم حتي من غير عذر شرعي
قالت كده ومشيت وبر قلبها اتكسر وقعدت تغالب دموعها :
- حتي انتي نبذاني وعوزاه تسبيني مش كفايه نادر!
قالتها وقعد في الشارع ظمه رجلها وبتبكي هدي بصت ورها لما سمعت جملتها وشافت بر قعدة بتعيط....مقدرتش تسبها وراحت عندها وطبطبت عليها وهي بتقول:
- خلاص متعيطيش
بر مدت أديها بالعصير وهدي مردتش تخدو
- مش عوزاه ومش هاخد منك حاجه غير لما تصومي ...ثانياً مش يمكن اتنبذتي علشان مش بتحولي تغيري من نفسك للأحسن؟؟
- مش عرفه اتغير انا كل يوم بسوء
- بس انا هساعدك تتغيري يا بروري وبداية التغيير من النهارده اتصحري وصومي بكرة
ابتسمت وقالت وهي بتمسح دموعها :
- يعني مش هتسبيني غير لما اتغير ؟
- لا
بر ملامح وشها اتغيرت لحزن بس هدي كملت بابتسامها الطفولية :
- مش هسيبك لحد ما تتغيري وبعد ما تتغيري في حد يسيب اختوا الكبيرة ؟
بر قالت وهي بصة ليها بمشاعر متلخبطة :
- هو انا ممكن احضنك؟
هدي ضحكت وهي بتقرب منها وبتحضنها ولما بعدت عنها بر مدت ليها العصير :
- هخدو لو وعدتيني انك هتصومي
- وعد مني هصوم
هدي ضحكت بفرحة واخدت العصير من بر وقالت :
- ان شاء الله في ميزان حسناتك
- طيب يلا علشان نروح نفطر وتصلي التراويح ونسهر بقي للسحور واحنا بنشتري ونعمل شوبنج...قالتها بحماس طفولي
فعلاً بر راحت مع هدي بعد ما فطرو يعملوا شوبنج والحاجه اللي بر لحظتها ان هدي بتقف قدام الزي الشرعي وتتأملو كأنها شيفه فستان لاميرات دزني لما كانت بر بتختار ليها فستان قصير او مفتوح جامد كانت بترفض كانت مياله للاحتشام وهي بتتأمل أحدي الازياء الشرعية بصت لبر وقالت :
- متجربيه....حساه هيبقي تحفه عليكي ....نفسي اشوفك لبساه
بر مكنتش عوزاه تزعلها او تكسر بخاطرها علشان كده دخلت وراحت للبروفة تقيسوا ولما خلصت بصت علي نفسها واتصدمت من شكلها معرفتش نفسها كانت فكرة هيبقي شكلها وحش بس بالعكس كان شكلها كأنها أميرة بيه كانت حسه بأحساس غريب براحة اول مرة تلبس حاجه زي كده ديما لبسها يأما ضيق يأما قصير يأما مفتوح طلعت من البروفة توري هدي اللي عيونها لمعت بحماس بعد ما اتصدمت من شكل بر بيه وقالتلها انها شكلها كأنها أميرة خيالية بر ضحكت وراحت للبروفة علشان تغير هدومها ولما كانت مشيه وقفت لسبب هي تجهلوا وقفت بتفكر بعدين لفت واشترت الزي الشرعي ده لسبب هي تجهلوا يمكن علشان عجب هدي ؟...هي متعرفش !!
- شكلوا كان حلو عليا
- تحفه يا بروري
- اممم بتحبي اللبس ده انتي
- وقلبي في حب اللبس الشرعي والمحتشم ميال
بر ضحكت وقالت: بس شكلي بطريقة لبسي العادية احلي من الزي الشرعي
- اكيد
بر باستغراب : اكيد!!
- ايوه اكيد كل البنات بشعرهم احلي من الحجاب وبالبس القصير والمفتوح احلي وبيبين أنوثتها وهكذا لما بنبين شعرها من الحجاب احلي ولما بتبين رقبتها من الحجاب احلي
- انتي مع ولا ضد الاحتشام مش فهمه ؟
- مع طبعاً ...وكلامي بيأكد وجوب الاحتشام....احنا أجمل بكل اللي قلتوا علشان كده ربنا فرض الحجاب علشان يستر الجمال ده مش كل الناس لازم تشوف جمالك في عقول مشوهه...الجمال ده لازم يستخبي لحد ما يجي اللي يستحقوا يشوفوا يا بروري
- بحب دلعك ليا او مرة اسمعوا
- خلاص هقولك ديما بروري
- قلب برورك انتي ...هنتسحر سوا النهارده و قبل ما ترفضي انا بكرة صيمه ومحتاجه حد يشجعني فا انتي هتيجي معايا تشجعيني
هدي ابتسمت وهي بتقول:
- لو ده هيسعدك علي الصوم يبقي تمام
عده الوقت وبر راحت اتسحرت مع هدي وبعدين وصلتها وروحت ولما روحت فتحت الشات بتاعت نادر وبعتت " بقولك لسه زعلان؟؟ طيب اتوحشت الكلام معاك مش ناوي تحن عليا يا جن ...صح لو شفتك مع البت الميصة دي تاني هطربق الشركة دي علي نفوخك ده اللي هو حرفيا!! ...ثانياً انت ملكش حق تزعل المفروض انا اللي ازعل من طريقتك معايا...واشتريت هدوم وكنت عوزاه اوريهم ليك علشان تقول هما حلوين بس عليكي هيبقوا احلي ...عمتاً قلبي اتكسر لما لقيتك وافقت علي استقالتي توقعت اني بالنسبة ليك حاجه اكبر من كده ..."
بر مستنتش انو يشوفها هو اكيد عارف انها بتلعب بعوطفوا...قفلت الفون وهي مقررة انها اخر مسدج هتبعتها وهتنسحب وتبعد عن نادر
عده اسبوع وبر فعلا انسحبت مبقتش تكلم نادر ومتلعطش مكتبوا ولا مرة من ساعت اخر مرة قررت انها تسيب لي مسحتوا...الاسبوع ده كلوا بر قضتو مع هدي اشترت لهدي فون وخط علشان تكلمها منوا ومن ساعت ما عملت كده كل ما تروح لهدي تلقيها لبسه السماعة وبتسمع قرآن ...علقتها بهدي كان بتطور يوم بعد يوم قلب بر كان بيتعلق بالطفلة دي اكتر كل يوم وكأنها لقت فيها السكينة اللي كانت بتدور عليها ...ولأول مرة بعد ١٠ سنين بر رجعت تصوم ...صامت طول الاسبوع علشان خاطر هدي وعلشان متزعلش منها صحيح علشان متزعلهاش مش علشان ربنا بس علي الأقل صامت الطفلة البريئة قدرت تغير حاجه بسيطه في بر وتعمل اللي عجز الكل عن انو يعملها
وعند نادر اللي كان بطل يخرج وحاسس بفراغ في حياتوا وهو قاعد بيشوف شغلوا وصلت لي رسالة لما فتحها لقي انها من رامي علي جروب الشلة كانو عوزين يتفقوا علي خروجة للنايت بعد الفطار يشوفوا بعض ويتجمعوا زي ما كانو بيعملوا ...نادر كان رافض بس بسبب ضغطهم وافق كان عارف ان بر في الجروب صحيح انها متكلمتش بس شافت كل المسدج
رامي دخل لنادر برايفت وبعت :
- يا عم ابسط ده انا عملت فيك جميلة اكيد القطة بتعتك جيا
- مش قطة ولا بتعتي وبعدين مين اللي قالك انها جيه
- انا عارف
- وعرفت منين مخاوي ؟
- هزارك ده اللي مقلل من قدراتي
- انت هتستهبل ..علي اساس انك عندك قدرات ؟
- طب والله عندي
- عمري ما شفت واحده فيهم
- منا مخبيهم علشان بخاف عليهم يتحسدو
- اقفل ...اليوم لسه في أولو مش عايز افطر عليك
- هتيجي؟
- ايوه خلاص
- اشطا يا هندسة
نادر قفل معاه وكمل شغل وعده الوقت وجه الليل بعد الفطار علي الساعة ٩ ونص كان نادر والشلة كلهم اتجمعوا معادا بر نادر سرح وهو باصص علي المدخل ومجرد ما عمل كده ...رامي نغذو وهو بيقول:
- باصص مستنيها تيجي
نادر رفع حاجبوا وبص لي بقرف لانو مكنش واخد بالو انو باصص علي الباب وقال وهو بيسربوا:
- روح شفلك حاجه تشربها ولا واحدة تشقطها
نادر طلع سجارة وولعها علشان يشربها بوش بارد ورامي قالو:
- مالك لاوي بوزك علينا ليه كل ده علشان مجتش؟
- رامي اقسم برب العباد انا معنديش دماغ ليك
قال كده وهو بينفث دخان سجرتوا
وفي نفس اللحظة سمع واحدة اسمها اريج بتقول وهي بتشاور :
- بر جت هناك اهي
نادر نفث نفس تاني بضيق وقال :
- كملت ...أصلها كانت نقصة
رامي كان مستغرب نادر وطريقتوا علشان كده لما بر كانت جيه عليهم قال قبل ما يروح يسلم عليها :
- براحة...اممم متزعلهاش منك وترجع تندم
" رامي قالها بجدية علي غير عادة منوا "
كلهم قاموا وسلموا عليها الا نادر اللي مهتمش لوجودها اصلاً
بر كانت بصه لي بحزن ولما رامي شافها كده قال :
- بس ايه القمر ده...لو عليا اتجوزك بس انا خاين ونسونجي مينفعش لاشكالي الجواز
- بحب تصالحك مع نفسك
"قالتها بعد ما ضحكت "
ونادر رفع طرف عينوا لما سمعها بتضحك وغصب عنوا ابتسم بس رجع جمد ملامح وشوا
بر راحت اتجهت عند نادر وهي بتقول : رجع الأرنب لاموا وعيونوا مليانة دموع قالها اسف يا ماما ما بيتكرر ها الموضوع
نادر رفع عينو بص ليها وبعدين نزلها بلا مبالاة وهو بيقول:
- اتكرر وكتير كمان
- خلاص انا اسفه مش هيتكرر تاني
- ماشي
- ماشي بس!!!
- المفروض اعمل ايه؟
كان بيتكلم ببرود وجفاء
- انت وحشتني علي فكرة
- ماشي
" قالها بنفس البرود "
قالت بحزن وهي بتمسك ايدو :
" انا اسفة "
- هيعمل ايه الاعتذار هيشيل القرف اللي في ايدك
كان بيتكلم بنفس النبرة الباردة اللي ضيقت بر
مسكت ايدو وسحبتو وهي بتقول :
- قوم عوزاك
- مش عايز اقوم قولي عوزاه ايه؟ ؟
قالت بتذمر وهي بتحاول تسحبوا :
- يا نادر قوم بقا
رامي :
- يا عم قوم متبقاش تقيل كده ...هو حد لاقي
- انا عوزك تعرف اني خلاص فطرت فا لو قمت ضربتك دلوقتي عادي
قال كده وقام معاها وطلعوا بره النايت
- اممم عوزاه ايه ؟؟
ضحكت وهي بتقول :
- ولا حاجه اتوحشت خروجتنا مش اكتر وقلت نبعد عن الدوشة ونخرج مع بعض
- ممكن تبطلي دلع
قالها وهو متجه للنايت بس بر قالت وهي بتحرك المفاتيح بتاعت عربيتوا قدمها :
- لو مش هتيجي هاخد عربيتك الجديدة وحط مليون خط تحت الجديدة امم واروح لوحدي وانا بسوق بغشوميه وهترجعلك ملهاش ملامح
بص ليها بتعجب:
- اخدتيهم ازاي!!!!
رفعت درعتها لمستوى وشها علامة لعدم المعرفه وقالت:
- انت مسطول
- هاتي يا بر
- ونخرج؟؟؟ " قالتها بحماس "
- لا
اتقلبت ملامح وشها وقالت:
- برحتك انا هروح
- هاتي مفاتيح عربيتي وروحي ببتعتك
- لا ...هروح ببتعتك واهو حاجه من رحتك
ضغط على سنانو وايدو بعصبيه واتجه عليها وسحب المفتاح:
- اركبي
ركبت وهو ركب وهمس بصوت هي تسمعوا المرة الجاية ...هتنازل عن مبدأي ان مفيش راجل يضرب بنت واعملها قريب
بر عملت نفسها مش سمعة ووصلت عربيتوا بالبلوتوث عندها وفتحت اغاني بإعلي صوت ونادر كان كل ما يتعصب من دوشتها يزيد السرعة وهي لما شافت السرعة زادت طلعت نص جسمها من الشباك وهي بتغني بصوت عالي وهي سعيدة
نادر لما شافها كده ابتسم عليها وللحظة نسي الخصام وهو شيفاها مبسوطه ...بالعكس وفضل مبتسم وهو شايفها كده وفي لحظة عربيه نقل عدت جنبهم بسرعه ولولا ان نادر سحبها بسرعه ودخلها كان زمان العربية فصلت رأسها عن باقي جسمها
نادر وقف العربية علي جنب يحاول يجمع انفاسوا اللي راحت منوا من ثواني
قلب نادر كان هيقف للحظة من الخوف عليها غبية مش بتفكر
بص ليها وهو بيضغط علي أديها اللي سحابها منها وقال :
- متطلعيش كده متبقيش غبية.....لما نروح شارع فاضي هقولك تعملي اللي عوزاه......كان زمانك عند اللي خلقك ...ربنا سترها المرة دي المرة الجاية مش هتبقي كده
بر بصت لي وابتسمت:
- الموت أهون عليا من العيشه وانت مش بتكلمني وزعلان مني
نادر وجه نظرو لقدامو وهو بيدور العربية علشان يتحرك وقال :
- بلاش الطريقة دي ...مش بحبها
- بس دي مش طريقة دي حقيقه
بر قعدت سكتة لحد ما وصلوا والأغاني كانت شغالة كسرة هدوء الجو
وبعد وقت كانو وصلوا للمكان الظلمة اللي هي ونادر واللي كانت آخر مره خرجوا مع بعض فيها كان هنا مكان ظلام وهادي مفيهوش نفس مخلوق قدمهم في حيطة فاضية
نادر طلع من العربية وسند جسموا علي كبوت العربية وكان باصص علي النجوم بتأمل بر نزلت ووقفت جنبوا وهو لسه باصص للسما
بر اتكلمت وقالت :
- هنت عليك قلبك يقصي عليا ؟
نادر وجه نظرو قداموا بعد ما شالو من علي السماء وقال :
- مقصاش ولا عمروا هيقصي
- لا قصي ...وقصي اوي كمان لدرجة انو وجعني
- وانا هان عليكي زعلي
- عمرو ما ما هان لو كان هان مكنتش اتفقت معاهم علشان يجبوك النايت علشان اعرف اخرج معاك
نادر اتحرك ووقف قدمها وقال وعيونوا عليها:
- وتفتكري الغلط كان علي مين ؟؟
- اكيد مش انا ...انا كنت بحاول وانت كنت عايش دور الزعل
- الفستان حلو اوي عليكي
ضحكت وهي بتزوقوا وبتمسح دمعة هربت من عيونوها :
- مش باخد منك غير التثبيت
وهو ابتسم ابتسامة بسيطة هدية وهو بيقول:
- وحشتيني
- كذاب كنت سألت لو وحشتك فعلاً
- انتي الغلطانة وعوزاني أصلحك مشفتش كده قبل كده!!
- طيب ايه خلاص.... ؟
بص في عيونها وقال بعتاب :
' - انا بخاف عليكي يا بر وفي كل مرة بمنعك من حاجه مش علشان افرض رأي ولا علشان أتدخل في حياتك ولاكن علشان بتبقي حاجه غلط او حاجه وحشه بخاف عليكي منها ....يا بر انا بخاف عليكي اكتر من نفسي ...انا الوحيد اللي فهمك وعرفك وعارف مصلحتك ....انا عمري ما هئذيكي ذي ما الكل اذاكي! عمري ما هجرحك...انا الوحيد اللي عارف مصلحتك وبيخاف عليكي ...انا اللي لو حطوا الدنيا كلها في كفه وانتي في كفه هختارك انتي ..ورغم كل ده بتشوفي نصحتي ومنعي ليكي من انك تعملي حاجه تدخل !!....صدقيني بيكون في كل مرة علشانك وانتي بردو بتعملي العكس ..بر انتي أغلى عليا من روحي عمري ما همنعك من حاجه غير وهي فعلاً لمصلحتك...!
- عارفه ...وانا اسفه لاني بزعلك بتصرفاتي ....هاااا خلاص...صافي؟
ابتسمت وهو بيقول:
- صافي
- ايوه كده يا نيدو كانت فين من زمان دي
قالتها بضحك وكانت هتتحرك بعيد عن قداموا وهي بتعمل كده اخدت بالها من الظل بتاعها الظاهر كامل وواضح ضحكت وهي بتتجه للعربيه وبتطلع الصب من شنطتها اللي في عربية نادر وبتشغل اغنية بصوت عالي عليه وخلعت الهيلز اللي كانت لبساه وراحت ترقص وتلف قدام الحيطة وهي بصة علي ظلها وشكلوا والفستان اللي فيه كلوش بسيط بيلف معاها نادر كان واقف بيبص عليها وهي حافيه وبتلف وشعرها المتوسط الطول بيلف معاها ....كانت عيونوا متثبتة عليها بتراقب حركتها بس الاغنيه خلصت وجت اغنية باللحن المكسيكي بس الكلام عربي لحنها المكسيكي مشجع علي الرقص ومش فرادة ابدا لا ثنائي ...تحس انها اتعملت للرقص الثنائي بر لما سمعت ان دي اللي اشتغلت بصت علي نادر وابتسمت ومدت أديها لي وهو رفع حاجبوا باستنكار بعدها ابتسم مع بداية الموسيقى وأخد أديها سحبها يرقص معاها رقصة نشيطة مليانة حيوية كان شكلهم فاتن الجمال والحركتهم كانت دقيقه جداً ...الليل مع النجوم والقمر والنور الخافت اللي موجة عليهم من عربيه نادر خلي شكلهم خيالي كأنهم لوحة رسمها فنان فستان بر اللي بيدور معاها وشعرها كل حاجه مخليه الرقصه بتاعتهم تحفه.... كملوا الرقصة بدقة وتناغم وفي نهاية الاغنيه نادر قرر يختم الرقصه بعد بر ومسك دراع واحد وبعدين سحبها ومال بيها وايدو في ظهر و الايد التانية مسكة أديها كانت حركة سريعة واول ما مال بيها قرب ايدو اللي مسكة أديها وباسها وعيونوا في عيونها وانتهت رقصتهم مع انتهاء الاغنيه بالشكل الفاتن ده واول ما خلصت رقصتهم بالحركة اللي نادر عملها سمعوا صوت تسقيف وتصفير كانو صحبهم جاهوا وراهم يشوفوا اللي هيحصل كانو متوقعين ان الدنيا تشتد بينهم بس شافوا عكس كده نادر عدل بر وساب أديها وهي مشت تسند علي العربية كانت ديخة من كل اللف والدوران ده ومن عيون نادر اللي كانت بصة ليها بعد ما باس أديها
نادر عدل هيئتوا وراح عندهم
- جيين ورانا ترقبونا ؟؟
رامي : افففف اه ده جامد يا نادر ..مكنش اعرف انك محترف كده...علمني علشان اثبت البنات بالطريقة دي بعد كده
وحده بصت لنادر:
- انتو ليقين علي بعض اوي
- والله يا بت يا جني معاكي حق متتجوزها يا نادر
مهند : انا رأي كده برضو جي علي نفسك اوي انت ...شكلكم جنب بعض جامد .. بعدين انت بتحبها
نادر: انتو هبل صح؟ ؟ انا وبر عمرنا ما نتجمع بطريقة تفكركم انا وبر زي الميه والنار مش بيجتمعوا
- مين قالك مش بيجتمعوا دول بيجتمعوا وبيندمجوا ويبقوا بخار
- كنتي بتزوغي من حصة الفيزياء يا اريج صح ؟
- يا ابني مش الميه لما تحطها علي النار الميه بتتبخر وبتبقي بخار يعني اندمجوا مع بعض ونتج عن اندمجهم بخار
- اقفلوا علي الموضوع بر جيا
بر وهي بتجري وبتصرخ بحماس وهي مسكه في هدوم نادر:
- نااااااااادر كنت تحفه ...مكنتش اعرف انك بتعرف ترقص ....كان نفسي اشوف شكلنا بجددددد
- انا صورت( قالتها اريج )
نادر وجه نظرو لاريج بتعجب وضيق:
- امسحيه!
- لا...سيبوا شكلكم كان حلو
بر بصت لنادر وقالت :
- سبها برحتها
- .يا اريج انا عوزاه اشوفوا ممكن ؟
- تعالي يا قلبي ده انتي هتشوفي الجمال
اريج اخدت بر بعيد شوية وبر قالت بحماسها الطفولي :
- افتحيه وهاتي اوريه لنادر
- بتحبيه ؟
- الفيديو؟!!
- لا اللي معاكي في الفيديو
- اكيد نادر ده تحفه انا اعرفوا من زمان اوي وانا مليش غيرو ...هو كل ما ليا نادر اخويا اللي مش من امي وابويا
قالت كده واخدت الفون توريه لنادر
وأريج قالت من غير ما بر تسمعها :
- بس مش قصدي الحب ده كان قصدي الحب من منظور تاني يا بر ...!
بر كانت مسكة الفون وبتوري نادر وهي مبتسمة ابتسامه هادئة وعيونها سعيدة ....كان سايب الفيديو وبيبص عليها وكأنو متمتع بيها هي وفي احساس غريب مجتاح قلبوا ...كأن كلمهم بيفتح باب نادر كان طول الوقت عامل نفسوا انو مش شيفوا
الفيديو خلص وبر بصت لنادر وقالت :
- ايه رأيك؟ خطير مش كده هخلي اريج تبعتوا ليا
- تبعتوا ليكي وتمسحوا من عندها
- ليه ؟
- مش قابل ان فيديو زي ده يبقي عند حد.....انتي مش شيفه نفسك فيه؟
- انت بتغير يا نونو ؟!!!
- اتلمي !
ضحكت وقالت :
- خلاص خلاص
هو ابتسم علي ضحكتها وقال :
- عرفه بيقولوا ايه علينا ؟؟
- لا ...بيشتمونا ؟؟
- لا بيقولوا اننا ليقين علي بعض والمفروض نتجوز
قالت بادراك:
- اه فهمت ....علشان كده اريج كانت بتسأل بتحبي نادر
- وقولتلها بتحبيه ولا لا ؟
- قلتلها انو غالي عليا لاني مليش غيرو ...وانو اخويا اللي مش من امي وابويا
- اممم طيب انتي ايه رأيك؟؟ موافقه تتجوزيني لو انا وفقت ؟
- مستحيل انت متحرش قليل الادب
ضحك بصوت عالي ومال عليها بابتسامه شيطانية وهمس في ودنها:
- بس شكلك حلو اوي النهارده..ما تيجي معايا شقة الخامس ...في موضوع عاوز اكلمك فيه لوحدنا في أوضة والباب مقفول
- شفت مش قلتلك ...بعدين انت تعرف كل مصايب حياتي فا يأما احباب يأما الموت يا نادر
نادر ضحك وهو بياخد منها الفون وبيقول هخليها تبعتوا ليكي وتمسحوا من عندها قال كده ومشي
وبر رقبتوا وهو ماشي وعيونها عليه وسرحت في الفكرة اللي بيفكرو فيها ....فاقت وهي بضحك وبتقول مستحيل....!
بر اتجهت عليهم هناك وقالت:
- نتسحر سوا طلاما متجمعين كده
- فكرة حلوة انا معنديش مانع " قالتها جني "
- ولا انا
كلهم قالو انهم معندهمش مانع فا نادر راح وقف جنب بر وقال :
- خلاص يبقي يلا بينا
وقبل ما حد يتحرك رامي قال :
- طب والله ليقين علي بعض يا نادر انت والقطة ما تتجوزها وتعمل عش زوجي جميل....انا صراحة زهقان وعاوز احضر فرح و اكل جاتوه
نادر عيونوا مالت تبص علي بر بعد جملة رامي ولقاها وبتضغط علي أديها ووشها أحمر....اول مره يشوفها مكسوفه كده ...و بدأت تبعد عن نادر براحة وهي بتقول:
- هروح اشيل الصب
نادر اتجه لرامي
- بتلمح ليه قدمهم كلهم بر بتتكسف وبالذات في موضوع زي ده
- زعلان علي قطتك انت
- رامي انا فاضل ليا تكه معاك واخلي وشك ملوش ملامح.....الاسطفه شكلها ضربت دماغك
نادر قلها واتحرك يمشي ورامي بيقول بصوت عالي:
- ما رامي الحيطة الميلة هناا...كلكم جيين علي رامي الغلبان
نادر اتجه لبر اللي كانت سرحانة وهي بصة للسما
- للدرجه دي الموضوع محرج ولا ايه...انا اول مرة اشوف وشك مكسوف كده
- انا مش بتكسف علي فكرة
- واضح... واضح الاحمرار ده كلوا كان حساسيه
بر أضيقت وسحبت من شنطتها موس بسرعه وحطوا علي دقن نادر وهي وقفة علي أطراف صوابع رجلها علشان تطولو وهي بتقول:
- لو متلمتش هجبلك وشك بالطول
نادر قال وهو باصص في عيونها بغيام:
- الحركة رجعتني سنين وراه ....لما كنت بقف علي باب المدرسه اشقط فيكي واخر ما زهقتي سحبتيني في حته مفيهاش حد حطيتي الموس بنفس الطريقة ونفس التهديد ورفع كفوا قدمها وفي الاخر جت في ايدي
بر ابتسمت وهو لسه فاكر الموضوع بتفصيلوا ولما تذكرت اخدت بالها انها تعرفوا من زمان اوي عدت معاه بحاجات كتير ..محدش يلومها علي تعلقها بيه
نادر لما شافها سرحت وهي مبتسمة رفع ايدو يلفها حوليها وهو لسه عيونوا عليها و اول ما لمسها بر شهقت وبعدت بسرعه عنوا
- نسيت انك مستغل للفرص!!
نادر ضحك وهي مشيت وهي بتبرط وراحت تلبس الهيلز بتاعتها اللي خلعتوا ورمتو لما بدأت ترقص لما شافت ظلها لقت فردة وفضلت تدور عليه وملقتهوش وهما كانو بيستعجلوها علشان تدور علشان يمشوا ونادر لما شافهم بيستعجلوها وهما قعدين ومحدش بيساعها وبسببهم اتوترت زعق فيهم:
- بدل ما قعدين تتكلموا من غير ما يكون ليكم لزمه قوموا دورو معاها
كلهم بقوا يدور معها بالكشافات علي فردة الهيلز التانية وبعد نص ساعة وملقوش حاجه نادر قالها :
- خلاص اركبي مش هنلقيها
- وامشي حفيه صح ؟؟!
- يا ستي هنزل اشتريلك واحد واحنا مشيين
- بس ده جديد اول مرة البسوا ...قالتها بحزن وهي في الحقيقة زعلانه لان هدي اللي اختارتو ليها لما راحوا يعملوا شوبنج
نادر قرب من عندها :
- فداكي يا بري ....اخد الشر وراح ...اجبلك بدالو مليون واحد بس متزعليش ♡
- خلاص يلا بينا
قالتها باستسلام
وكلهم ركبوا عربيتهم واللي كان جي مع حد ركب وبر ركبت مع نادر وهما ماشيين نادر وقف ونزل اشتري ليها هيلز بدل اللي ضاع وعلشان تلبسوا اكيد مش هتمشي حفيه
نزل جابوا ورجع ولما رجع راح وفتح الباب عندها وطلع اول فردة ولبسها ليها بنفسوا وبعدين التانية ولما لبسهم ليها وقال :
- عجبوكي ؟
- اي حاجه من نيدو تحفه
- تتهني بيه يا غاليه
- بكام؟
- ليه ؟!!!
- قول بس
- قولي ليه الاول
- هحولك تمنوا
- انتي هبلة صح ؟
- نادر!!
- والله ما يرجع جنيه ...!
ابتسمت وقالت:
- تعيش وتجبلي يا نيدو
الجملة خلت نادر يبتسم كأنها جرعة سعادة
كلهم راحو اتسحروا وودعوا بعض وقالو أنْ إن شاء الله ليهم لقاء قريب وأنهم لازم يكرروها وفي الواقع لا يعلم احد غير الله متي هذا اللقاء
________________________________________
تاني يوم بر كانت دخلة الشركة وبعد اسبوع كامل مش بتخطي فيه مكتب نادر ...طلعت علي مكتبوا واول ما طلعت شافت السكرتيرة الميعة بتاكل مستيكة بصوت تكاد انها تيقن انو وصل لجزر المالديف
بر بصت ليها بقرف وقالت:
- بلغي مستر نادر اني عوزاه أقبلوا
هزت رأسها وهي بتنفخ بلونه باللبانة وتفرقعا ....بصت عليها وهي مشية وقالت في نفسها طول عمري اسمع عن لبس السكرتيرة سيئه السمعة اول مرة اشوفوا
طلعت الميعه وقالت وهي بتحط أديها جنبها:
- مستر نادر مستنيكي
بر دخلت عند نادر والميعة وراها بر قعدت و الميعة قالت بدلع مش لايق علي الروج الأحمر الفاقع اللي حطه:
- حاجه تاني يا مستر
نادر وهو كاتم ضحكوا علي بر اللي مبصتش في وشوا من اول ما دخلت وبصة علي الميعة بقرف :
- لا اتفضلي
مشيت بنفس المياعة وقفلت باب المكتب وهي بترقع بلونة من اللبانة
بر بصت علي نادر اول ما طلعت الميعة وقالت :
- جبتها منين الميعة دي بجد !!!!
نادر وهو بيضحك:
- عجبك؟
- عجبتني ده انت روحك حلوه علشان تشوف الشكل ده يوميا ....حسيتك جيبها من كبرية بالمنظر اللي هي في ده
- عرفتي ازاي؟
بر بصدمة :
- يخربيتك......كبرية يا نادر!!!
- ياستي متخفيش انا همشيها اصلاً
- بجد ..ليه بقي رقصاها معجبكش؟" قالتها بر بسخرية "
- لا بس سهله اوي وانا مليش في السهل
- امممم صح صح
- وبعدين العيب عندك
- انا!!!!
- ايوه انا قلتلك عايز سكرتيرة وانتي مجبتيش فا قلت اتصرف لحد ما تفرج
- فا تروح تجيب واحدة من كبرية ؟
- اللي لقيتها قدامي بقا
- امممم
نادر ابتسم وهو بيفتح الدرج وبيطلع باكو شوكولاته وبيدهولي مع ورقه استقالتي اللي ادتهالو من اسبوع
رفعت حاجبي
- دي رشوة علشان اسحب استقالتي؟
- لا دي حاجه حلوه للحلو ....ودي ورقه انا مش عايز اشوفها طول ما انتي شغالة هنا
- مش كنت موافق عليها؟
- تؤ كنت بسيسك لحد ما نتصافي
- بجد ؟
- ايوه والله
قالت وهي بتاخد الورقه والشوكولاته :
- هبقي اكسر صيامي عليها علشان تاخد ثواب إفطار صائم
نادر باستغراب:
- انتي صيمه!!!!
- مصدوم ليه حد قالك اني ملحدة!!!
نادر وهو مش مصدق نفسوا:
- طب ازاي......وامتي ؟
- ما انت مكنتش بتسأل اعملك ايه ؟
- لا طلاما كده احنا النهارده نفطر سوا النهارده
- بس انا هفطر مع هدي
- هدي مين ؟؟
بر ابتسمت وهي بتقول باشتياق انها تشوفها :
- اللي انا بدأت أصوم علشانها
- اللي ادتني وردة ؟
- ايوه
- الشبر ونص هي اللي عملت اللي بقالي سنين وعجزت اعملوا
- مش شبر ونص دي احلي حاجه حصلتلي في حياتي روحي ونور عيني
نادر قال بغيره طفولية :
- طيب وانا؟ ؟؟
بر ضحكت وهي بتقول:
- وانت كمان من احلي الحاجات اللي حصلتلي في حياتي...ده انت بركتنا يا جدع
- ايوه كده ...افتكرت الشبر ونص خلتك تنسيني
- انسي اسمي وعمري ما انساك...انت مش مدرك انت بالنسبه ليا ....انا لما بحلف بحلف بغلوتك في قلبي علشان عرفه انها اغلي حاجه بحلف بيها وعمري ما بحنث بيه لأنك جزء منوا
نادر كان بيسمعها وفي حاجه في قلبوا بتتمسك بيها اكتر هو مش مدركها
بر قامت علشان تمشي بس استوقفها نادر:
- هاتي هدي معاكي ونفطر سوا
هزيت راسي ومشيت علي مكتبي وفتحت ورقه الاستقالة ابص عليها قبل ما ارميها ولقيت نادر كاتب عليها بقلم مركر " نور الشركة هيطفي لو مشيتي ، الشركة من غيرك ملهاش لزمه زي ما الدنيا من غيرك ملهاش لزمه "
ابتسمت وشلت الورقه في شنطتي بدل ما ارميها
وبعد انتهاء وقت الشغل بر قالت لنادر يسبقهم وهي هتروح تجيب هدي ويتقبلوا هناك وبر لما راحت لقت هدي قعدة علي الرصيف بحزن بر راحت عندها تشوفها ملها ولما قربت اكتشفت انها بتعيط راحت عندها رفعت وشها وشافت علي وشها علامات خربيش عميقة .....بر حست بنار بتشتعل جوها بصت علي هدي وهي بتحاول تمسك اعصابها وتنظم انفسها الغاضبة
- مين اللي عمل فيكي كده؟ ؟
- مفيش انا وقعت وانا نزلة من علي السلم ووشي اتحك في الحيطة
بر صرخت:
- بتكذبي عليا ليه ؟؟
هدي زاد بكائها اللي كانت بتحاول تخبيه علي بر
بر بصت ليها بحنان وهي بتحط أديها علي كتفها وكانت لسه هتتكلم تطمنها بس هدي اتئوهت بألم
عيون بر اتفتحت بصدمة وفتحت سوسته جاكت هدي وشافت كدمات علي كتفها نزلة علي درعها
كل حبال الصبر في اللحظة دي ومحولتها في ضبط اعصابها انهارت وغضبها عمها و.............