رواية فتاة انحنت من أجل الحب
الفصل الخامس والثلاثون 35 والسادس والثلاثون 36
بقلم دودو محمد
فى المدرسه عند روز
وصلت روز المدرسه وكانت بدور بعينيها على سامح وقابلت جهاد فى سكتها
جهاد / صباح الخير يا رورو
روز / صباح النور
جهاد/ فيه ايه بتلفى حوالين نفسك كده ليه
روز / سامح كان مفروض يجى امبارح يدينى الدرس مجاش وبتصل بيه مش بيرد عليا خايفه ليكون عندهم حاجه
جهاد / اممم هى حاجه تقلق فعلا ولسه موصلش لحد دلوقتى
روز / طيب اتصلى بأخوكى أحمد اكيد عارف مش هما أصحاب
جهاد / مش عارفه احمد يعرف ولا لاء اصبرى اتصل بيه واتصلت بأحمد وانتظرت الرد
أحمد / عايزه ايه يا مصيبه مش لسه شايفك
جهاد / ما براحه عليا يا عم الكتكوت انت انا متصله بيك علشان أسألك على حاجه
أحمد / امممم ارغى
جهاد / انت بتعاملنى كده ليه معاملة مرات الاب
أحمد / اخلصى الله يحرقك مش فاضى ليكى ورايا محاضرات
جهاد / ماشى ماشى بس متزقش كده احم هو انت مشوفتش مستر سامح
أحمد / لاء ليه
جهاد / أصله أتأخر على الحصه بتاعته ومجاش لحد دلوقتى
أحمد / ومش هيجى ساره بتقولى أخته زهره تعبانه فى المستشفى وهو عندها من امبارح
جهاد / ااااااه أخته طيب متشكرين يا ابو حميد ومتتصلش هنا تانى يا حيوان
أحمد / ده انتى النهارده هتتنفخى يومك مش فايت لما اشوفك بس فى الفيلا سلام وقفل السكه فى وشها
جهاد / هههههههه احمد اخويه ده عسل ابن اللذينه طالع ليا هههههههه
روز / اخلصى انتى لسه هتضحكى
جهاد/ طيب طيب ما براحه المستر أخته تعبانه من امبارح فى المستشفى وهو قاعد معاها
روز / يا قلبى يا سامح تلاقيه زعلان انا لازم ابقى جنبه يلا بينا
جهاد / نعم يا روح ماما يلا فين
روز / عند سامح
جهاد / وانا مال امى انتى ومتنيله على عينك وبتحبيه انا ايه دخلنى بقى
روز/ اخس عليكى يا جوجو هتسبينى اروح لوحدى
جهاد / اممم ودى تيجى برضه هروح معاكى ويتفقع مرارتى من محنكم مش كفايه ياربى عليا محن احمد وساره لاء وكمان لازم استحمل محن روز وسامح صبرنى ياربى على ما بلتنى
روز/ قلبى يا جوجو وبستها من خدها
جهاد/ امشى يا اختى امشى وخرجو الاتنين من المدرسه بس قابلو اسلام فى سكتهم جهاد اتوترت وحاولت تعمل نفسها مش واخده بالها منه
اسلام / جهاد
جهاد / مشيت وعملت نفسها مسمعتهوش
روز / الحقى اسلام بينادى عليكى
جهاد / اعملى نفسك مسمعتيش حاجه مدى شويه
أسلام / طلع يجرى ووقف قدام جهاد وقال انا عارف انك سمعانى
جهاد / وتنادى عليا بتاع ايه
اسلام / عايزه اتكلم معاكى لوحدينا
جهاد / وانا مش هروح معاك فى حته واحنا مش بنا كلام اصلا واللى عايز تقولو قولو قدام صحبتى
اسلام / ماشى يا جهاد انا عبير اختى حكت ليا على اللى انتى عملتيه علشانى لما اغمى عليا
جهاد / اتوترت وقالت ا.ا احم ع.ع عملت ايه ع.ع.عادى يعنى صعبت عليا واى حد كان مكانك كان هيصعب عليا برضه
ومسكت ايد روز بتوتر
أسلام/ لاء يا جهاد خوفك عليا مكنش عادى عبير قالت ليا الكلام اللى قولتيه وانك كنتى بتعيطى علشانى ليه بتحاولى تدارى وتخبى
جهاد / احم ق.ق.قصدك ايه
أسلام / قرب منها وقال انتى بتحبينى يا جهاد
جهاد / بعدت عنه وقالت ا.ا ايه التخاريف دى لاء طبعآ مفيش حاجه من دى
اسلام / ليه بتنكرى يا مزتى وانا اطول أن واحده فى جمالك وحلاوتك دى تحبنى ده انا حتى همتعك احلى متعه ومش هتندمى ومشى أيده على خدها
جهاد / بعدت وشها عن أيده وقالت انت واحد حقير وقليل الادب وانا ايه يجبرنى احب واحد زيك انت بنأدم زباله واختك ازبل منك
أسلام/ مسكها من دراعها وقال متعملهومش عليا يا قطه انتى هتموتى عليا وعينك فضحاكى يبقى ليه العند بس تعالى و هتبقى مبسوطه معايا اوى
جهاد / بدموع ابعد ايدك القذره دى عنى حتى لو هموت عليك انا عندى الموت اهون مليون مره من أن أسلم نفسى ليك واغضب ربنا انا احط قلبى تحت رجليه وادوس عليه لو هو هيبقى سبب ان اغضب ربنا ولا اعمل حاجه تكسر اهلى اه بحبك بس بحب ربنا اكتر من الكل وبخاف اغضبه بموت فيك بس سمعتى وسمعت اهلى فوق الكل صوابعك مش زى بعضيهم يا اسلام وانا مش زى البنات اللى بتعرفهم انا جسمى غالى عليا اوى وهفضل محافظه عليه لحد ما يكون من حق اللى يستحقه بالحلال وبصت ليه بقرف ومشيت هى وروز بس اتفاجئو بحاجه اتحطط على مناخيرهم ومحسوش بحاجه تانى
_____________________________
فى المقابر عند زهراء وامير
كانو قاعدين فى الارض وزهراء بتعيط
أمير / يعنى مش هترجعى لعاطف تانى يا زهره
زهراء/ لازم ارجع ليه يا أمير
أمير / وقف وقال بعصبيه تانى يا زهره تانى هتختارى البعد
زهراء / وقفت وراحت عنده ومسكت أيده وقالت بدموع انا هرجع لعاطف علشان خاطرك انت يا أمير
أمير / شد ايده من ايديها وقال لو بتعملى علشان خاطرى يبقى خليكى جنبى متبعديش عنى متعذبنيش بوجودك مع راجل تانى غيرى ومسك ايديها وشاور على دبلتها وقال دى هتفضل ما بينى وما بينك يا زهره
زهراء / بصت على الدبله وسحبت ايديها وقالت بدموع بس انت عارف ان انا بحبك انت يا أمير
أمير / بعصبيه وايه فيدت الحب وانتى عايزه تسبينى وترجعى ليه لو بتحبينى بجد اقلعى الدبله دى وارميها ليه فى وشه وانا هخليه يطلقك بطريقتى بس بلاش ترجعيلو تانى يا زهره ومد أيده وقال ارجوك يا زهره شليها من ايدك
زهراء / بصت لايده وبصت لدبله اللى فى ايديها وهزت راسها بدموع وقالت مقدرش يا امير مقدرش
أمير / تمام يا زهره يبقى انتى اللى اخترتى طريقك
زهراء / بدموع ارجوك يا أمير افهمنى انا بعمل كل ده علشان ابقى معاك من غير ما يكون فيه خطر بيهددنا
أمير / شدها ليه وقال طول ما احنا فى حضن بعض مستحيل الخطر يقدر يقرب لينا انا هفضل احميكى طول عمرى
زهراء / رفعت وشها ليه وبصت فى عينيه وقالت ارجوك يا أمير بلاش تصعبها عليا ارجوك وحطت راسها عند شفايفه وقالت انا بحبك يا أمير بحبك
أمير / بسها من راسها وقال وانا بحبك يا زهره ومش هقدر استحمل اشوفك مع غيرى انا بموت لما بشوف أيده بتلمسك
زهراء /صدقنى يا امير وانا بكره لمسته اكتر منك بس خلينى ارجع ليه وانا اوعدك مش هخليه يلمس شعره منى وهخليه يطلقنى فى أقرب وقت
أمير / بعد عنها وقال عايزه ترجعى يا زهره ارجعى بس انسينى عمرك كله وافتكرى انك لتانى مره بتبعينى علشان خاطره
زهراء/ ا.ا.امير اس
أمير / قطعها وقال امشى يا زهره امشى
زهراء / بصت ليه بدموع وقالت ارجوك يا أمير اسمعنى
أمير / انا طلبت منك تختارى يا انا يا الدبله اللى فى ايديكى وانت اختارتي هو يبقى روحى ليه
زهراء / امير ومسكته من دراعه
أمير / سحب دراعه من ايديها وقال خليكى مذلوله ليه خليه يضربك ويعذبك ويهينك خليه يعمل اللى هو عايزه فيكى وانتى خليكى راضيه بس بلاش تعملى دور المضحيه اللى بتعمل كده علشان تحمى حبيبها لأن انا مش محتاج حمايه من حد وسابها ومشى
زهراء / بصت عليه وهو ماشى ودموعها نزلت منها وقعدت فى الارض تعيط وفى الوقت ده حست بأيد حد على كتفها بصت لاقته السواق بتاع التاكسى قالت بأستغراب انت لسه هنا
السواق / مرضتش امشى واسيبك واستنيتك بره كتير لاقتك اتأخرتى جيت اطمن عليكى
زهراء / مسحت دموعها وقالت ش.ش.شكرآ
السواق / مد أيده وقال تعالى اقومك يا بنتى
زهراء / مدت ايديها وقامت وقفت وقالت مش عارفه اقولك ايه
السواق / متقوليش حاجه يا بنتى انا عندى بنات فى سنك وبخاف عليهم من الهوا الطاير ولما شوفتك لاقت فيكى من بنتى الكبيره كتير بس الفرق ما بنكم انها بتبص لعيشه اعلى من عشتنا وعايزه توصل للفلوس بأسرع وقت وبأى طريقه
زهراء / بدموع هتندم ندم عمرها الفلوس عمرها ما كانت هى السعاده السعاده فى راحت البال والرضا بالمقسوم وعشتها وسط ناس بتحبها وبتحبهم دى السعاده الحقيقيه
السواق / ياريت كانت عقله زيك كده وتسمع كلامك ده وتعمل بيه
زهراء / لازم تفوق قبل فوات الاوان وسعتها هتندم والندم عمره ما هيفدها بحاجه اسأل مجرب وضحكة بأنكسار وقالت اصل انا كنت زيها ودلوقتى بتمنى العمر يرجع لواره وارجع اعيش تانى فى اوضى وسط امى وابويه واخواتى نقعد ناكل على طبليه بسيطه بأكلها البسيط بلبسى البسيط وارجع اعيش مع حب عمرى فى وسط الحاره وناسها الطيبه هى دى السعاده بجد ياريت ترجع الايام دى تانى واعشيها براحة بال وانا سعيده ومبسوطه
السواق / يااااااه يا بنتى شكلك اتعذبتى فى حياتك اوى
زهراء / بدموع اوى اوى بس ده حصد اللى زراعته زمان انا بقيت حاسه نفسى واحده عندها سابعين سنه من كتر القهر والحزن اللى عيشاهم
السواق / سبيها على الله وهى هتفرج أن شاءالله ما ضاقت الا لما فرجت يا بنتى قربى من ربنا كتير صلى وادعى واقرى فى المصحف هما دول اللى هينورو طريقك يا بنتى
زهراء / عندك حق محتاجه اقرب من ربنا اكتر من كده
السواق / امشى يا بنتى اوصلك
زهراء / مسحت دموعها ومشيت معاه ركبت التاكسى ووصلها فيلة عاطف ومشى
______________________________
فى المستشفى
دخل عاطف الاوضه ملاقاش زهره خرج من الاوضه زى المجنون وبعصبيه ونده بصوت عالى وقال
عاطف / زهررررررررررره
شريف وسامح جم يجرو على صوت عاطف وهو بينادى بأسم اختهم
شريف / مالها زهره
عاطف / اختكم هربت من المستشفى مش فى الاوضه
سامح / بعصبيه ازاى دى تلاقيها فى الحمام ولا حاجه
شريف / زقه وقال اوعى كده ودخل الاوضه وخبط على باب الحمام وقال زهره ردى عليا زهره
عاطف / اوعى كده انت لسه هتخبط وفتح الباب وبص جوه الحمام ملاقاش حد وقال برضه محدش جوه
سامح / يعنى هتكون راحت فين
عاطف / بص حواليه وقال امال فين التانى
شريف / تانى مين
عاطف / اللى اسمه امير
شريف / منعرفش
عاطف / وهو بيدوس على سنانه قال يبقى هربت معاه اختكم هربت مع عشقها
سامح / مسكه من هدومه وقال احترم نفسك اختى متربيه ومستحيل تعمل كده
عاطف / زق سامح وقال ولما هى محترمه هربت فين
شريف / انت ليك عين تتكلم ما اكيد هربت من الخوف منك يا ويلك لو اختى حصل ليها حاجه
عاطف / بدل ما انتو عاملين تهرو فى الكلام كده انزلو دورو على اختكم وادعو ربنا أنها متكونش مع اللى اسمه امير علشان ساعتها هقتلو واقتلها
سامح / ابقى فكر تلمس شعره من شعرها وشوف اللى هيحصلك وبص لشريف وقال تعال نشوف اختك فين ونزلو ونزل وراهم عاطف وقعدو يدورو عليها فى الشوارع وفى الوقت ده تليفون عاطف رن
عاطف / بيبص لاقه رقم الفيلا رد بسرعه وقال الو مين معايه
زهراء / انا يا عاطف
عاطف / زهره انتى فى الفيلا
زهراء / اكيد امال بكلمك ازاى
عاطف / انا جاى بسرعه
زهراء / ياريت بس تطمن اخواتى
عاطف / م.م.ماشى وقفل معاها واتصل على رقم لميس وقال ليها تبلغ شريف أن زهره فى الفيلا عنده وشغل العربيه وراح على الفيلا ونزل يجرى ودخل وقال انتى ايه خلاكى تمشى من المستشفى من غير ما تقولى
زهراء / وده يهمك فى حاجه مش المهم رجعت الفيلا عندك ومروحتش عند اهلى
عاطف / ومين كان هيسمح ليكى تروحى عند أهلك
زهراء / انا لو عايزه اروح عند اهلى محدش يقدر يمنعنى
عاطف / قرب منها وقال شايف قلبك قوى وبتتكلمى بجرأه
زهراء / بعدت عنه وقالت ومن هنا ورايح معنديش غير الاسلوب ده
عاطف / انا لسه محسبتكيش على لمس امير ليكى
زهراء / وفيها ايه ما هو حب عمرى
عاطف / اتغاظ وقال وانا جوزك
زهراء / بس مش حبيبى
عاطف / بس بحبك يا زهره وسبق وقولتلك مش بفرط فى الحاجه اللى بحبها لحد
زهراء / وانا مش من ممتلكاتك يا عاطف وقلبى عمرك ما هتقدر تخده قلبى فيه امير وبس
عاطف / مسكها من شعرها وقال كل حاجه فيكى بتاعتى انا فاهمه انا بحبك ولازم تحبينى وامير تشليه من قلبك وعقلك نهائى فاهمه
زهراء / رغم الألم بس حاولت تكون متماسكه وقويه وقالت الحب عمره ما كان بالضرب والاهانه اللى عندك ده مرض حب الامتلاك وانا مش ملكك وامير عمرى ما اقدر اكرهو لان هو بيحبنى بجد عمره ما فكر يأذينى ولا يوجعنى بيخاف عليا اكتر من نفسه عنده استعداد يتعذب ويتوجع فى مقابل انا متأذيش
عاطف / بأمارة لما سابك واتجوز غيرك ولا لما كان عايز يبيعك لواحد تانى يتجوزك
زهراء / اكيد كان ليه اسبابه لما اتجوز بنت عمه ولما اتخلى عنى علشان انا اتجوز واحد تانى عمل كده علشان مصلحتى علشان مقعدش وسط المجرمين جه على نفسه علشان يخرجنى من القسم يعنى بيحبنى لدرجة أن استحمل عذابه هو علشان انا متعذبش
عاطف / انا بحبك اكتر منه يا زهره انا اللى اقدر اعيشك العيشه اللى بتحلمى بيها اقدر اسفرك كل يوم بلد شكل اقدر اجيب ليكى كل اللى بتحلمى بيه
زهراء / وانا مش عايزه كل ده يا عاطف
عاطف / قرب منها اكتر وبسها فى رقبتها وقال انا جوزك وانا اللى بحبك يا زهره
زهراء / زقته وقالت ابعد عنى يا عاطف انت لو كنت بتحبنى صحيح كنت عملت الحاجه اللى تفرحنى وتعيشنى سعيده انما انت بدور على السعاده ليك وبس شخص انانى اللى بيحب حد بيضحى بكل حاجه علشان خاطر اللى بيحبه يا عاطف
عاطف / اللى انت عايزاه اعملو ليكى يا زهره
زهراء / طلقنى
عاطف / مستحيل يا زهره مقدرش اطلقك انا بحبك ومقدرش اعيش من غيرك اطلبى اى حاجه غير انك تبعدى عنى
زهراء / وجودى جنبك اكتر حاجه بتوجعنى
عاطف / وبعدك عنى هيوجعنى اكتر
زهراء / عندك ملك يا عاطف بتحبك ومستعده تعمل اى حاجه علشان خاطرك وعلشان تبقى مع اولادها طلقنى ورجعها ليك وفرح الاولاد وفرحها هى كمان
عاطف / لالالا ملك دى واحده خاينه د.د.دى كانت بتخونى يا زهره وبعدين انا بحبك انتى مش عايز غيرك انتى
زهراء / ملك عمرها ما خانتك ملك شريفه يا عاطف احنا كلنا مش زى زينب
عاطف / اول ما سمع الاسم ده اتعصب وقال متقوليش الاسم ده مين قالك عليها انطقى
زهراء / انا عرفت يا عاطف حكاية زينب واللى انت بتشوفنا كلنا هى مش معنى انها خانتك يبقى احنا كلنا خاينين صوابعك مش زى بعض
عاطف / حط أيده على ودنه وقال اسكتى يا زهره اسكتى
زهراء / لاء مش هسكت يا عاطف انت لازم تنساها وتنسى خيانتها ليك علشان تقدر تشوفنا كلنا على حقيقتنا ملك مش خاينه ملك بتحبك وانت ظلمتها كتير ولازم تصلح كل اللى فات وأبدأ حياة جديده من غير وجود زينب فيها صدقنى هتحس بالسعاده الحقيقيه لما تشوف ولادك مبسوطين وسط ابوهم وامهم هتحس بالجوى الأسرى اللى حرمت نفسك منه بسبب تفكيرك فى الماضى
عاطف / بعصبيه اسكتى يا زهره اسكتى ارجوكى
زهراء / قربت منه وحطت ايديها على كتفه وقالت عاطف انا عرفت انك كنت بتتعالج بسبب اللى حصلك ده ليه وقفت العلاج
عاطف / زق ايديها وقال انا مش مجنون يا زهره علشان اخد أدوية انا سليم بتكلم معاكى طبيعى ولا انتى عايزه تثبتى أن انا واحد مجنون علشان اطلقك طيب مش هطلقك يا زهره حتى لو اخر نفس فيا مش هسيبك ومتحاوليش كتير علشان سبق وقولتلك الحاجه بتاعتى مش بفرط فيها لحد وسابها ومشى
زهراء / قعدت على الكرسى وقالت انا وراك يا عاطف لحد ما اخليك تطلقنى
______________________________
فى فيلا لميس
اتصلت بشريف كذا مره مردش عليها بعتت ليه رساله تقولو فيها أن زهره فى فيلا عاطف وشويه واتصل بيها
شريف / مين قالك أن زهره فى الفيلا
لميس / عاطف
شريف / ماشى
لميس / شريف ارجوك بلاش تحملنى ذنب انا مليش دعوه بيه
شريف / والله دلوقتى بقيتى البريئه وملكيش ذنب فى حاجه بس قبل كده كنتى مطلعه ابن خالتك ملاك وبجناحين لدرجة اقنعتى امى وخلتيها هى اللى طلبت منه يتجوزها
لميس / انا والله العظيم قولت عنه اللى اعرفه
شريف / يا سلااااااام وليه مقولتيش أنه كان فى مستشفى امراض نفسيه
لميس / ل.ل.لان هو بقى كويس ومش شايفه أن فيه داعى اجرحه واقول الموضوع ده
شريف / كويس اممم واللى كان بيعملو فى اللى بيتجوزهم ومازال بيعملو فى اختى ده طبيعى
لميس / انا معرفش حاجه من دى يا شريف لان برضه علاقتنا مش متدخله اوى أن اعرف كل حاجه عنه ومش عندى وقت علشان أسأل عليه واعرف كل تفاصيله
شريف / لاء اقنعتينى تصدقى انا مصدوم فيكى صدمة عمرى يا لميس
لميس / شريف بالله عليك بلاش تزعل منى على موضوع انا مليش دعوه بيه انا والله العظيم كنت عايزه الخير لاختك مش قصدى اذيها
شريف / لاء واضح من اول يوم اتقابلتو فيه وانتى مش طيقها علشان كده عملت بكل طريقه علشان تجوزيها جوازه زى دى
لميس / بدموع انا انت شيفنى حقيره اوى كده علشان اعمل اللى انت قولته ده
شريف / مش قادر الاقى ليكى اسباب مقنعه الصراحه
لميس / شكرآ اوى على طريقة تفكيرك فيا يا شريف ومدام انا واحده وحشه اوى كده طلقنى وارتاح من قرفى سلام وقفلت السكه وحدفت التليفون على السرير وقعدت تعيط
______________________________
فى شقة توفيق
فى اوضت ريم
كانت نايمه واتصل بيها محمود ردت عليه بالعافيه وقالت
ريم / ايوه يا محمود
محمود / انتى لسه نايمه ومصحتيش يا ريمو
ريم / حرام عليك يا محمود يعنى احنا راجعين بعد الفجر وما صدقت انام ساعتين تيجى انت تصحينى
محمود / مش هتروحى الجامعه
ريم / لالالا مش قادره انا هكمل نوم
محمود / طيب مدام مش رايحه الجامعه وانا معنديش شغل النهارده ايه رأيك اجى اخدك ونقضى اليوم مع بعض
ريم / نعم يا اخويه ماتلم نفسك خدك ربنا احنا اتكتب كتابنا اه بس لسه الفرح
محمود / يخربيت البكابورت اللى اتفتح ده انا قصدى نخرج نتفسح
ريم / احم اه فهمتك غلط سورى
محمود / دماغك شمال تملى مش عارف ليه ظلمانى
ريم / علشان بسم الله ماشاءالله سمعتك اشهر من النار على العلم نسيت ولا افكرك
محمود / ده كان زمان يا ريمو إنما دلوقتى انت اللى مالى القلب والعين
ريم / احم ماشى اقفل بقى علشان انام
محمود / نهارك اسود ومنيل بعد كل ده تقولى انام
ريم /حرام والله اللى بتعملو فيا ده مش قادره انا تعبت منك
محمود / يخربيتك ويخربيت طريقة كلامك اللى يسمعك يفهم حاجه غلط ريم صحصحى يا اما وفوقى معايا كده انا هلبس وجاى ليكى تكون انتى صحيتى وجهزتى نفسك علشان ننزل ماشى
ريم / كانت غمضت عنيها ونامت
محمود / روحتى فين يا مخفيه
ريم / ها معاك معاك هتلاقينى جاهزه ومستنياك سلام وقفلت معاه وحطت التليفون جنبها ونامت تانى
وبعد وقت وصل محمود وسأل عليها وامها قالت إنها لسه نايمه واستأذن منها ودخل ليها الاوضه وقفل الباب وراه وبصلها بغيظ وقال
محمود / انتى اللى جبتيه لنفسك وراح نام على السرير بتاعها جنبها وشدها فى حضنه
ريم / فكرتها المخده قربت اكتر وحطت رجليها على رجله ولفت دراعها عليه
محمود / بضحك طب والله النومه دى احلى من مليون خروجه وبسها فى خدها وقال يااااااا ده انا هتشلفط منها لما تقوم وتشوف المنظر ده
ريم / قعدت تشم فى مناخيرها بأستغراب لما شمت ريحة برفان محمود وفتحت عينيها بصعوبه وقالت هو انا اتجنيت لدرجاتى علشان اشم برفان محمود بالطريقه دى وبترفع راسها شافت محمود وهو حضنها وبيبص ليها وبيضحك
محمود / وهو بيضحك صباح الخير يا عمرى
ريم / بصدمه عااااااااااا
محمود / حط أيده على بؤقها وقال أهدى يا مجنونه
ريم / زقته وقع على الأرض وقالت انت ايه جابك على سريرى عملت فيا ايه يا واطى يا ندل يا جبان
محمود / اااااااه يا عمودى الفقرى يا انى عملت ايه الله يحرقك معملتش حاجه وشكلى مفيش امل اعمل حاجه بعد الواقعة السوده دى اااااه شكل الفقرات اتلغبطت على بعض وجه يقوم قال اااااااه منك للى اكلت دراع جوزها يا بعيده انا متجوز زينه ولا ايه
ريم/ احمد ربنا ان جنبى مفيش سكينه ولا حاجه كان زمانها فى بطنك دلوقتى
محمود / لييييييه متجوز سفاحه
ريم / اطلع بره يا محمود
محمود / لاء مش طالع بت انتى مش قولتلك تجهزى علشان خارجين
ريم / احم اه سورى عينى راحت فى النوم غصب عنى
محمود / تمام عقابآ ليكى بقى هتغيرى هدومك وانا قاعد وكتم ضحكته
ريم / نعععععم يا اخويه محمود بلاش تستفزنى علشان مطلعش العفاريت اللى جوايا عليك
محمود / هههههههه لسه شيفهم دلوقتى لما وقعتينى على الارض ههههههههههههه
ريم / محمووووووود
محمود / قلب محمود
ريم / وهى بدوس على سنانها اطلع بره يا حوده
محمود / يا خراشى يا ناس على كلمة حوده من شفايفك
ريم / قربت منه وقالت بجد ومسكت أيده وحطتها عند شفايفها
محمود / ايوه بقى ورينى ريمو الرومانسى
ريم / بصت ليه بصه لئيمه وفتحت بؤقها وعضته من أيده
محمود / اااااااااااااه يا بنت العضاضه
ريم / هتطلع بره يا حوده ولا اكمل عض
محمود / هطلع هطلع ايه مش بيأكلوكى لحمه ومسك أيده وبص على العضه وقال يخربيتك دى جابت دم
ريم /وهى بتكتم ضحكتها اخس عليا متزعلش منى يا حوده
محمود / بت انتى اتعدلى لاعدلك
ريم / الله لا كده عجبك ولا كده عجبك اعملك ايه
محمود / متعمليش حاجه البسى وخلصى يا اختى ومسك أيده اللى فيها العضه وخرج من الاوضه
ريم / هههههههههههههههههههه
محمود/ فتح الباب تانى وقال اضحكى يا اختى اضحكى كله هيطلع عليكى بعد الجواز إن شاءالله وقفل الباب تانى
ريم / هههههههههههههههه
وبدأت تجهز نفسها للخروج
____________________________
فى فيلا امير
وصل امير الفيلا وحدف المفاتيح والتليفون على الترابيزه وقعد جنب أمه على الكنبه وحط راسه على رجلها من غير ولا كلمه
امينه / وهى بتمشى ايديها على شعره كنت فين كده يا حبيبى
أمير / طلعت من المستشفى روحت عند قبر بابا
امينه / انت متروحش هناك غير لما تكون مضايق
أمير / وانا ايه فى حياتى مش بيضايق يا امى
امينه / طول ما حب زهره فى قلبك هتعيش تعبان وحزين
أمير / مش بأيدى يا امى حب زهره عامل شبه المرض اللى بيمسك صحبه وميسبهوش غير لما يموت
امينه / بعد الشر عليك يا حبيبى ربنا يحرسك لشبابك ويخليك لابنك اللى جاى
أمير / الموت عمره ما كان شر ده راحه كبيره للى زى
امينه / بلاش توجع قلب امك عليك يا حبيبى
أمير / مسك ايديها وبسها وقال ربنا يخليكى لينا يا ست الكل انا كويس متقلقيش
امينه / طيب زهره عامله ايه
أمير / كويسه رجعت تانى لجوزها
امينه / بأستغراب رجعت لجوزها ازاى مش هى قالت إنها هترجع مع اخواتها
أمير / معرفش يا ماما هى وراحتها بقى وقام قعد وقال هطلع انام شويه
امينه / اطلع يا حبيبى
أمير / طلع اوضه وشاف سهى نايمه نفخ وخرج من الاوضه وراح على اوضه تانيه نام فيها
سهى / حست بأمير لما دخل وخرج تانى وقامت قعدت على السرير وقالت ماشى يا امير من امبارح بايت عندها ولما رجعت مش طايق حتى تنام فى نفس الاوضه اللى انا نايمه فيها بس انا اللى فى الاخر هفوز بيك انا ام ابنك ومشيت ايديها على بطنها وقامت دخلت الحمام وشويه وخرجت ونزلت عند امينه تحت وقالت صباح الخير
امينه /صباح النور يا بنتى
سهى/صحيح يا مرات عمى هى زهره عامله ايه
امينه / الحمدالله محصلش ليها حاجه وحشه دراعها بس اللى اتجبس
سهى / وهو اللى حصلها ده من ايه
امينه / حدفت نفسها من البلكونه
سهى / ليه بقى
امينه / مش عارفه يا بنتى بتقول بسبب جوزها
سهى / امممم وهى دلوقتى راحت فين
امينه / رجعت عند جوزها
سهى / والله عملت خير برضه ها فطرتى يا مرات عمى ولا لسه
امينه / لاء مليش نفس حضرى وافطرى انتى علشان اللى فى بطنك
سهى / حطت ايديها على بطنها وقالت حاضر يا مرات عمى صح امال فين ساره
امينه / نامت ساعتين وقامت راحت الجامعه
سهى / ومحمود
امينه / نزل عند مراته
سهى / ماشى هو امير جه
امينه / ايوه يا بنتى جه وطلع عندك الاوضه مشفتهوش
سهى / لاء يا مرات عمى الاوضه فاضيه ممكن يكون راح نام فى اوضه تانيه عادى ما هو مش اول مره يعمل كده وبتمثيل عملت نفسها بتعيط
امينه / أهدى يا حبيبتى علشان اللى فى بطنك الزعل مش كويس عليه وبعدين انا مش كلمتك وفهمتك قبل كده تعملى معاه ايه يعنى بأيدك انتى يا خيبه تحببيه فيكى وتخليه ميشوفش غيرك قدامه
سهى / عملت يا مرات عمى ولبست ليه قمصان نوم اشكال والوان وهو برضه مش سأل فيا ولا شيفنى قدامه خالص مش شايف غير زهره وبس
امينه / معلش يا حبيبتى حاولى تانى وانا هكلمه
سهى/ حاضر يا مرات عمى ربنا ميحرمنيش منك
امينه /ولا منك يا بنتى ويقومك بالسلامه يارب روحى كلى يلا يا حبيبتى
سهى / حاضر عن اذنك ومشيت وسابتها
امينه / وبعدها معاك يا امير الوضع كده ذاد عن حده ربنا يهديك لنفسك ولمراتك يا ابنى
____________________________
فى الجامعه عند ساره وأحمد
ساره / زهره بقت منكسره اوى يا احمد
أحمد / صعبه لما تكونى بتحب واحد وتعيش مع واحد تانى مش بتحبه تلاقيها مش بتنام الليل من وجاعها
ساره / وكمان شكل جوزها بيعاملها وحش علشان كده حاولت تنتحر
أحمد / ربنا يهديه ليها اختيارها من الاول غلط
ساره / صعبانه عليا اوى علطول الدمعه محبوسه فى عينيها وبجد امير وزهره حالتهم وحشه اوى
أحمد / كل شئ قسمه ونصيب وهما مش مكتوبين لبعض يعنى دى حاجه لا بأيديها ولا بأيديه
ساره / ربنا يصبر قلبهم
أحمد / المهم كان فيه موضوع كده انا كلمت امير فيه
ساره / موضوع ايه ده
أحمد / المفروض كنت متفق مع امير أن انا هخطبك والبسك الخاتم يوم خطوبة محمود بس لما حصل موضوع ابن عمك ده انا مشيت واتصلت بأمير واعتذرت ليه وهو أتفهم الموقف وانا الصراحه ندمان اوى أن عملت كده وعايز اجى اخطبك رسمى ايه رأيك
ساره / بكسوف احم اللى انت شايفه اعملة
أحمد / يعنى موافقه
ساره / بكسوف هزت راسها بمعنى ايوه
أحمد / وربنا بموت فيكى
ساره / احم م.م.ماشى يلا بينا علشان منتأخرش على المحاضره
أحمد / استنى هنا انتى مقولتيش اجى امته
ساره / أسأل امير هو اللى يقولك
أحمد / طيب ايه مفيش بحبك ولا حاجه حلوه تبلى بيها ريقى
ساره / احمد بس بقى علشان بتكسف وسابته ومشيت
أحمد / اه يا انى يا مغلبانى استنى يا ساره ومشى وراها
_____________________________
فى شاليه مهجور وضلمه
فتحت روز عينيها بصعوبه واتصدمت لما شافت الدنيا ضالمه ومش شايفه حاجه وايديها مربوطه قالت بخوف
روز / ا.ا.انا فين حد هنا
جهاد / فتحت عينيها وقالت ايه ده انا فين
روز / جهاد انتى هنا
جهاد / روز احنا فين
روز / بخوف مش عارفه
جهاد / احنا اخر حاجه كنا قدام المدرسه ورايحين عند مستر سامح المستشفى وبعد كده وسكتت
روز / ايوه وبعد كده قابلنا اسلام ومش فاكره حاجه بعد كده
جهاد / طيب حد يفهمنا احنا فين وبنعمل ايه هنا
روز/ بخوف انا خايفه اوى يا جهاد احسن ما يكون الناس بتوع الاعضاء هيموتونا وياخدوه الكلاوى بتاعتنا
جهاد / تصدقى أن تكتيفت ايدى دى رحمتك منى كلاوى ايه أم كلاوى واحنا داخلين مسمط
روز / ايوه يا بنتى انتى مش بتسمعى عن تجار الاعضاء
جهاد / بغيظ اقسم بالله لو مسكتيش يا روز الكلب انتى يا لون ملهوش اى لازمه فى الالوان لكون انا اللى نطه فى كرشك ومطلعه الكبده والفشه والكلاوى واصفيكى وارتاح منك
روز / انتى ازاى كده مش خايفه
جهاد / اتنيلى على عينك ده انا عملت
بي بي على نفسى من كتر الخوف
روز / ههههههههه
جهاد / بتضحكى ده احنا شكلنا ايامنا سوده
وفى الوقت ده سمعو صوت الباب بيتفتح والنور نور
روز / بصدمه انتى
_____________________________
بقلمى دودومحمد
🌹فتاة انحنت من أجل الحب 🌹
🌷الفصل السادس والثلاثون🌷
فى شقة توفيق
كان سامح نايم على سريره وماسك تليفونه وعمال يتصل على روز بس محدش رد جرب كذا مره ومحدش رد قلق عليها وفى الوقت ده احمد اتصل على سامح
سامح/ ازيك يا أحمد
أحمد / الحمدالله يا سامح انت اخبارك ايه وزهره عامله ايه
سامح / الحمدالله كويسين
أحمد / مشوفتش جهاد وروز النهارده
سامح / لاء ليه
أحمد / اصل جهاد اتصلت بيا النهارده سألتنى عنك علشان انت مروحتش المدرسه وقولتلها انك فى المستشفى وقفلت معاها ومن ساعتها برن على تليفونها ومش بترد ومجتش لحد دلوقتى
سامح / يمكن راحت مشوار كده ولا كده
أحمد / طيب اتصل على روز شوف كده يمكن فى مشوار فعلا وتليفون جهاد صامت ولا حاجه
سامح / بقلق انا برضه بتصل على تليفون روز ومش بترد عليا
أحمد / ليه القلق ده طيب والعمل ايه
سامح / صح هتصل على الفيلا عندهم وأسأل ابوه روز
أحمد / ماشى وطمنى وقفل معاه
سامح / طلب رقم الفيلا بتاعة روز وشويه والخدم ردو على التليفون
سامح / ممكن اكلم روز
الشغاله / ست روز مش موجوده
سامح / بقلق طيب اكلم اى حد
الشغاله / حاضر ثوانى وسابت التليفون شويه وجه سليم مسك التليفون وقال
سليم / الو ايوه يا ابنى
سامح / هى روز فين
سليم / مش عارف وعاملين نتصل بيها مش بترد علينا وامها منهاره من الخوف عليها
سامح / بقلق وأحمد اخو جهاد بيقول برضه أن اخته مظهرتش لحد دلوقتى وقلقان عليها وبيحسبها عندكم
سليم / انا لسه كنت هقولك أسأل اهل جهاد لتكون روز راحت عندهم
سامح / بقلق هتكون راحت فين
سليم / لاء الوضع يقلق ا.ا.انا هبلغ الشرطه
سامح / للاسف الشرطه مينفعش لازم يمر اربعه وعشرين ساعه على الاختفاء
سليم / بعصبيه ده ايه التخلف ده ازاى نقعد على اعصابنا اربعه وعشرين ساعه والبنت مختفيه
سامح / بص انا جاى ليك حالا
سليم / تمام مستنيك
سامح / قفل السكه مع سليم واتصل على أحمد واداه عنوان الفيلا وقال ليه يروح هناك وقفل مع أحمد ولبس هدومه ونزل يجرى
_____________________________
فى شاليه مهجور
كانت روز وجهاد قاعدين خايفين فى اوضه ضلمه وفجأه الباب اتفتح عليهم
روز / بصدمه انتى
عبير / هههههههه منورين لالالا اقصد مضلمين المكان هههههههه
جهاد / انا قولت برضه أن الحركات الزباله دى متطلعش الا منك
عبير / اووووه عشيقت اخويه هههههههه ايه رأيك فى المفاجئه دى ههههههههه
روز / انتى واحده مجنونه بجد انتى خطفانه ليه
عبير / هههههههه خطفاكم علشان نلعب لعبه صغننه خالص ونزلت عندها وقالت انا هتجوز سامح وانتى هتروحى فى الباى باى
جهاد / انتى بتحلمى يا عبير سامح بيحب روز ومستحيل هيسكت ليكى وانا متأكده أن هيعمل بأى طريقه وهيوصلنا وينقذنا من جنانك ده
عبير / اه هو انا مقولتش ليكى ان انا هخيره ما بين سلامة رورو ومابين أن هو يتجوزنى وبصت لروز وقالت لو بيحبك بجد هيتجوزنى ولو بيكرهك هيرفض وفى تلك الحالتين انتى ميته ميته هههههههههههههه
جهاد / ايه الغل والغيره اللى جواكى دى طول عمرك شخصيه انانيه ومش بتحبى الا نفسك وكل ما بتكبرى بيزيد الغل والحقد جواكى فوقى يا بنتى قبل فوات الاوان
عبير / تصدقى كلامك اثر فيا ههههههههههه لاء محضرت الأخلاق دى تقوليها فى مكان تانى مش هنا يووه نسيت ان ده اخر مكان ليكم فى الدنيا فى الاخره بقى يا جوجو هههههههههههههه
روز / ما لو انتى كان عندك اهل مكنتيش قدرتى تعملى كده
عبير / مسكت شعرها بغيظ وقالت عندى اللى احسن من الاهل عندى فلوس كتير أخرج واتفسح براحتى لا حد يقولى رايحه فين ولا جايه منين فيه احسن من كده حياه ههههههههه
روز / سيبى شعرى يا حيوانه انتى
عبير / كيوت اوى حيوانه انتى ههههههههه
وبعدين وقفت وقالت سومه يا سومه انت روحت فين
اسلام / دخل وحط أيده على كتف أخته وضحك وقال ازيكم يا مزز عاملين ايه
جهاد / بصت ليه بقهره وحبست دموعها فى عينيها
عبير / اموت اعرف ازاى شيفهم مزز دول جثث يا ابنى وبالذات البت المصديه ديه وشاورت على جهاد
اسلام / قرب من جهاد ومشى أيده على وشها وقال زهقت من الحلوين قولت اغير شويه ههههه
جهاد / بعدت وشها عن ايد اسلام وبصت الاتجاه التانى
أسلام/ مسكها من عند بؤقها ولف وشها تانى ليه وقرب منها ونفسه بيجى على وشها وقال انتى هتعملى بنأدمه عليا ده انتى حتة بنت متسواش مليم وسط البنات انا بس اللى قولت ارفع من روحك المعنويه شويه واعمل ليكى قيمه وقرب منها ولسه هيبوسها دمعه من عين جهاد نزلت على ايده
جهاد/سحبت وشها من أيده وبصت ليه فى عينيه وهى عينيها كلها دموع ورجعت بصت لاتجاه تانى
اسلام / بصلها شويه ووقف وخرج من الاوضه من غير ولا كلمه
عبير / بصت على اخوها وهو خارج بأستغراب ورجعت بصت ليهم وقالت أجهزى يا حلوه منك ليها هتروحو مشوار لحد الاخره بس للاسف مش هترجعو تانى وخرجت وقفلت الباب وراها
روز / جهاد
جهاد / بدموع ايوه يا روز
روز / انتى ازاى بتحبى البنأدم ده رغم بشاعته
جهاد / بضحكة وجع انا نفسى مش عارفه قلبى بيحبه ازاى وبعد اللى بيعملوا ده كله مش قادره اكرهو
روز / لدرجاتى بتحبيه
جهاد / بدموع ارجوكى بلاش نتكلم فى الموضوع ده
روز / طيب احنا هنعمل ايه
جهاد / الناس دول اغبيه
روز / ازاى مش فاهمه
جهاد / خطفنا من غير ما ياخدو مننا التليفون
روز / اه صح احنا معانا التليفونات بس هنعمل بيها ايه
جهاد / هنتصل بأى حد ينقذنا
روز / وهنتصل بيهم وهنقولو ليهم العنوان ازاى واحنا منعرفش مخطوفين فين
جهاد / من ال GPS جهاز التتبع بتاع التليفونات بتاعتنا
روز / اوك طيب هنتصل ازاى واحنا متكتفين
جهاد / زحفت وهى قاعده وقالت انتى حطه تليفونك فين
روز / فى الجيب ده
جهاد / راحت عنده وقالت ده
روز / ايوه
جهاد / قربت اوى وحاولت تمد ايديها بس ملاقتش حاجه قالت مفيش حاجه
روز / NO انا حطيته هنا طيب تعالى بصى كده فى التانى
جهاد / زحفت ملاقتش حاجه برضه وقالت ولا هنا
روز / شكله وقع منى
جهاد / بغيظ حبكت يقع النهارده
روز / طيب انتى معاكى تليفون
جهاد / ايوه بس هتعرفى تطلعيه
روز / هحاول قربى
جهاد / قربت منها وقالت مدى ايدك زى ما كنت بعمل عندك
روز / OK ومدت ايديها وقالت مش عارفه أطلعه قربى شويه
جهاد / قربت وقالت اخلصى الله يحرقك
روز / اهو مسكته وطلعته من جيبها بس وقع من ايديها
جهاد/ يخربيت سنينك ياروز الكلب وحاولت تمسك التليفون وبصعوبه وبعد معاناه قدرت تمسكه وقالت روز ركزى ابوس ايدك انا همسك التليفون وانتى حاولى تضربى رقم سامح أو ابوكى بس بسرعه
روز / ح.ح.حاضر واتصلت على رقم سامح
سامح / الو مين معايا
روز / بصوت عالى سامح بليز الحقنا عبير خطفانه
وفى الوقت ده عبير دخلت عليهم وقالت
عبير / شدت التليفون وقالت يا ولاد انتو بتعملو ايه وقربت التليفون من ودنها سمعت صوت سامح وهو بيقول
سامح / الو الو روز رودى عليا الو
عبير / حبيب قلبى واحشتنى
سامح / عبير بلاش جنانك ده سيبى البنات
عبير / لو عايز البنات يبقو كويسين اتجوزنى
سامح / ايه اللى انتى بتقوليه ده يا عبير الجواز عمره ما كان بالطريقه دى
عبير / وانت مخلتش ليا اى طريقه تانيه انا بحبك ومستحيل اسيبك لاى حد تانى فاهم
سامح / اللى انتى عايزاه هنفذه ليكى بس قولى انتى فين وانا جاى ليكى
عبير / شيفنى عبيطه لدرجاتى اقولك علشان تجيب الشرطه وتاخد حبيبت القلب
سامح / طيب انتى عايزه ايه دلوقتى
عبير / تتجوزنى وامسك ورقة المأذون بأيدى هسيبهم يروحو بيتهم كويسين هتفكر تلعب بيا هيوصلو ليكم جثث
سامح / وليه تضيعى مستقبلك يا عبير
عبير / وانا ايه هيضيع مستقبلى هقتلهم واسافر عند بابا بره ومحدش هيقدر ويوصلى ها قولت ايه هتتجوزنى ولا اخلص
روز / بلاش يا سامح ارجوك بلاش تعمل كده
عبير / مسكت شعرها وقالت مسمعش نفسك فاهمه
روز / ااااااه شعرى سيبى شعرى
سامح / عبير عبير ابعدى عنها واللى انتى عايزه هيحصل
عبير / سابت شعر روز وقالت بفرحه بجد
سامح / ايوه قولى مكانكم فين
عبير / لاء انا اللى هاجى ليك عند المأذون وهجيب اخويه وكيلى واى لعبه مش تمام رجالتى هيخلصو عليهم بأشاره واحده منى
سامح / لاء انا صادق معاكى يا عبير
عبير / خلاص انا هاجى عند المأذون اللى فى (..…)
سامح / انا مستنيكى بس عبير اوعى تأذى حد فيهم
عبير / والله ده يرجع ليك
سامح / ادينى روز
عبير / امممم ماشى هعتبر ده وداع لحبك القديم وحطت التليفون على ودن روز
سامح / روز انا هعمل المستحيل علشان تخرجو من عندكم
روز / اوعى تتجوزها يا سامح اوعى
سامح / لو ده هينقذك من الخطر والموت هعمل كده يا روز
روز / انت كده مش هتنقذنى من الموت انت كده هتقتلنى بسكينه بارده
عبير / اخدت التليفون وقالت كفايه عليكم وداع لحد هنا
سامح / طيب طلب اخير اطمن على جهاد واسمع صوتها
عبير / ماشى طلباتك كلها أوامر يا قلبى وحطت التليفون على ودن جهاد
سامح / جهاد عامله ايه
جهاد / كويسه يا مستر متقلقش
سامح/ جهاد انتى ذكيه وفاهمه هتعملى ايه
جهاد / هخلى بالى من روز حاضر واداوى قلبها المفتوح
سامح / تمام
عبير / اخدت التليفون وقالت انا جايه ليك يا حبيبى بس برضه هغيب عليك شويه لحد ما اجهز نفسى زى اى عروسه انت عارف قصدى بقى يا حبيبى
سامح / ها ا.ا اه طبعآ هتلاقينى مستنيكى فى المكان اللى قولتى عليه بس خلى بالك اياكى تأذى حد فيهم سلام
عبير /مع السلامه يا قلبى وقفلت مع سامح ونزلت عند روز وقالت كلها كام ساعه وهكون مرات سامح وهنخلف اولاد وبنات كتير ونعيش قصة حب نحكيها لأولادنا سلام يا قطه نتقابل فى الاخره وخرجت وسابتهم
روز / بدموع سامح هيتجوزها يا جهاد مستحيل اخلى الجوازه دى تتم
جهاد / أهدى يا روز
روز / انتى ازاى بالبرود ده
جهاد / اعمل ايه ما انتى بغبائك سمعتيهم اننا بنتكلم فى التليفون
روز / اندفعت من خوفى وبعدين سامح كان بيقولك ايه
جهاد / ولا حاجه بيوصينى عليكى
روز / بشك بس
جهاد / ايوه واتكتمى بقى شويه
روز / قعدت تعيط وتقول مستحيل سامح يتجوز غيرى مستحيل
جهاد / تصدقى انا بتمنا يدخلو يموتونه دلوقتى قبل شويه بسببك حطى لسانك جوه بؤقك واسكتى شويه
روز / معندكيش دم
جهاد / رفعت عينيها لفوق بقلة حيله وسكتت مردتش عليها
_____________________________
فى فيلا عاطف
دخل عاطف الاوضه عند زهره وقال
عاطف / جهزى نفسك راجعين الاسكندريه
زهراء / لاء يا عاطف عايز ترجع اسكندريه ارجع انت لكن أنا مش هتنقل من هنا
عاطف / مسكها من دراعها وقال زهره انا قولتلك بحب اقول كلمتى مره واحده
زهراء / سحبت دراعها من ايد عاطف وقالت وانا مش ملزمه اسمع كلامك انا مش هبعد عن امى واخواتى
عاطف / بعصبيه مش عايزه تبعدى عن امك واخواتك ولا مش عايزه تبعدى عن حبيب القلب
زهراء / سميها زى ما تسميها بس رجوع اسكندريه مش راجعه
عاطف / انتى عايزه توصلى لايه بالظبط
زهراء / انت شايف ايه
عاطف / طلاق مش هطلقك يا زهره
زهراء / وقلبى مش هتاخده يا عاطف
عاطف / زهره بلاش تستفزينى
زهراء / انا مش بستفزك انا بقولك الحقيقه اللى انت مش عايز تصدقها
عاطف / قرب منها وقال انتى مراتى ولا نسيتى
زهراء / مراتك على الورق يا عاطف
عاطف / على الورق وعلى الحقيقه يا زهره نسيتى الليله اللى اخد منك حقى
زهراء / وهى حابسه الدموع فى عينيها قالت دى انا بعتبرها اغتصاب يا عاطف لأنك اخدها غصب عنى وعمرى ما هسمحك عليها
عاطف / قرب منها اكتر وقال ومستعد اعملها مره واتنين وتلاته لو مسمعتيش الكلام يا زهره
زهراء / بعدت عنه وقالت انت لو تعرف انا بكرهك قد ايه مكنتش خلتنى ثانيه واحده على ذمتك
عاطف / شدها فى حضنه وقال هتحبينى بالذوق بالعافيه هتحبينى يا زهره
زهراء /قعدت تزق فيه وتقول ابعد يا عاطف
عاطف / قعد يبوس فى رقابتها ويقول لاء يا زهره مش هبعد وزقها على السرير ونام فوقيها وقعد يبوس فيها
زهراء / قعدت تزق فيه بالدموع وتقول ابعد عنى انا بكرهك بكرهك
عاطف / كتفها وربط ايديها فى السرير وقرب من رقابتها وقال وانا بحبك يا زهره بحبك وبسها وبعدين حط أيده على رقابتها وخنقها وقال بحبك يا زهره بحبك
زهراء / بصوت مخنوق هموت يا عاطف هموت
عاطف / انا بحبك يا زهره وقرب من شفايفها وبسها
زهراء / بدأ يظهر عليها علامات الاختناق وقالت عاطف ارجوك ه.م.وت وسكتت مره واحده
عاطف / حس أن زهره سكتت بص عليها لاقها ساكته ومش بتتحرك وايده على رقابتها خنقها شال أيده ودموعه نزلت منه وخبط على وشها وقال زهره ارجوك اوعى تموتى وتسبينى ز.ز.زهره ردى عليا ارجوكى وقعد يخبط على وشها وقال انا عملت فيكى انا غبى غبى وقام جرى جاب برفان ورشه على أيده ومشاها تحت مناخيرها
زهراء / فاقت وقعدت تكح
عاطف / ز.ز.زهره حقك عليا ا.ا انا مش قصدى اذيكى
زهراء / بصوت ضعيف ابعد عنى ارجوك ودموعها نزلت منها
عاطف / قرب وفكها وقعد فى الارض ومسك ايديها وقال حقك عليا انا بحبك ومكنتش اقصد اعمل فيكى كده ارجوكى سامحينى
زهراء / قامت قعدت بصعوبه وقالت لو انت بتحبينى بجد متأذنيش يا عاطف انت كنت هتموتنى لو بتحبنى بجد هتخاف عليا من نفسك وهطلقنى علشان تحمينى منك ومن اللحظه اللى زى دى اللى ممكن اموت فيها مره بجد
عاطف / بعد الشر عليكى انا اسف بجد انا بحبك ومقدرش اعيش من غيرك يا زهره ارجوكى بلاش تحكمى عليا بالموت وتسبينى
زهراء / لو بتحبنى بجد ارجع خد علاجك من اول وجديد
عاطف / وقف وقال بعصبيه انا مش مجنون يا زهره مش مجنون
زهراء / وقفت وراحت عنده ومشت ايديها على وشه وقالت مش معنى أن اعصابك تعبانه تكون مجنون انت عاقل يا عاطف بس محتاج تاخد العلاج علشان لحظه زى اللى مرت علينا من شويه
عاطف / مسك ايديها زى الطفل الصغير وبص فى عينيها وقال لو عملت كده مش هتسبينى وتحبينى
زهراء / غمضت عينيها واتنهدت وبضحكة توتر بصت فى عينيه وقالت ا.ا ايوه
عاطف / بفرحه طفولى انا موافق وتيجى معايا جلساتى
زهراء / ابتسمت ليه وقالت انا موافقه
عاطف / قرب ايديها من شفايفه وبسها برقه وقال بحبك
زهراء / سحبت ايديها بتوتر وبعدت عنه وقالت ليا طلب كمان
عاطف / اطلبى واللى انتى عايزاه هيتنفذ
زهراء / ملك
عاطف / ارجوكى يا زهره بلاش نتكلم فى الموضوع ده
زهراء / علشان خاطرى يا عاطف خليها تيجى تعيش مع اولادها
عاطف / مش هينفع يا زهره دى واحده خا
زهراء / قطعته ومسكت أيده وقالت بليز يا عاطف خليها تيجى تعيش مع اولادها
عاطف / بص على ايد زهره اللى ماسكه أيده وضحك بحب وقال حاضر يا زهره
زهراء / شكرآ يا عاطف
عاطف / ممكن احضنك
زهراء / بصت ليه بتوتر وقالت ع.ع.عاطف ارجوك
عاطف / زهره ارجوكى انتى نفس احضنك برضاكى انتى مش عايز اكتر من كده
زهراء / اتوترت وسكتت
عاطف / قرب منها وقال ارجوكى حضن واحد بس
زهراء / هزت راسها بمعنى موافقه
عاطف / قرب منها اكتر واخدها فى حضنه
زهراء / غمضت عينيها وهى متوتره ورفعت ايديها ببطئ وحطتها على ضهره
عاطف / يااااااه يا زهره حضنك حلو اوى اوى وضمها اكتر ليه
زهراء / بعدت عنه براحه وقالت احم عاطف بليز كفايه كده
عاطف/ ضحك وقال وانا مش عايز اكتر من كده
وفى الوقت ده جرس الباب رن
زهراء / انزل افتح لملك
عاطف / بأستغراب ملك
زهراء / ايوه انا اخد رقمها من على تليفونك واتصلت بيها
عاطف / وليه عملتى كده
زهراء / علشان كنت متأكدة انك مش هترفض ليا طلب
عاطف / بصلها ولسه هيتكلم
زهراء / انزل افتح يا عاطف
عاطف / خرج من الاوضه ونزل يفتح
زهراء / اتنهدت وقعدت على سرير ومسكت شعرها وغمضت عينيها وقالت يارب يخف بسرعه ويرجع ليه ملك ويطلقنى بقى وحدفت نفسها لوراه ونامت على السرير
______________________________
فى فيلا امير
صحى امير على صوت أمه وهى بتقول
امينه / امير اصحه يلا قوم يا حبيبى احنا بقينا المغرب
أمير / فتح عينه وقال خلاص يا ماما صحيت
امينه / انت نمت هنا ليه، ليه مش نايم فى اوضك
أمير / مفيش يا ماما انا لاقيت الاوضه دى اقرب وكنت هموت وانام نمت فيها
امينه / امير بلاش كدب انا بعرفك لما بتكذب
أمير / خلاص بقى يا امى انا لسه صاحى من النوم
امينه / امير الحال ده ميرضيش ربنا ذنب مراتك ايه فى اللى عملته زهره فيك حرام تعاملها بالطريقه دى
أمير / ارجوكى يا امى بلاش نتكلم فى الموضوع ده
امينه / لاء هتكلم يا أمير علشان الحال ده ميتسكتش عليه ولو الكلام ده وصل لعمك فى الصعيد هيزعل اوى واكيد هياخد بنته وابننا معاه وهيبقى من حقه يعمل كده ومحدش هيقدر يقول نص كلمه وانا عايزه حفيدى يتربى وسطنا ومش هستحمل يبعد عن حضنى لو عايز تقهرنى يا امير خليك اعمل اللى بتعملو ده
أمير / وقف وقال يا امى افهمينى سهى مش زى ما انتى فاهمه سهى دى مش سهله وبتلعب عليكى علشان توصل لحاجه فى دماغها
امينه / ضربته بالقلم وقالت اخرس وصل بيك الحال انك تشوه صورة مراتك ام ابنك اللى هى بنت عمك علشان جنابك مش قادر تنسى حبك القديم
أمير / حط أيده على خده وقال انتى بتضربينى يا امى علشانها
امينه / ايوه يا أمير لازم تفوق بقى خرج زهره من حياتك وانتبه لبيتك ولمراتك زهره خلاص بقت مع راجل تانى افهم دى بقى يا امير
أمير / قعد على السرير وقال مقدرش انساها مقدرش انتى ليه مش حاسه بيا وحاسه بعذابى ووجع قلبى لو كنت اقدر أخرجها من قلبى واكرها كنت عملت كده من زمان على الأقل مش هحس بالوجع اللى حاسس بيه بضيقت النفس اللى بتحصلى لمجرد ما افتكر أن جوزها لمسها ولا نام جنبها انا عايش فى نار يا امى نار بتحرقنى فى اليوم مليون مره واكتر كمان محدش بأيده يعيش الحاله دى ده شعور وإحساس ربانى يا امى ده قدر ومكتوب واحنا عايشين فيه
امينه / لازم تدى فرصه لمراتك علشان تقدر تنسيك حبك القديم
أمير / غمض عينه وقال حاضر يا امى حاضر
امينه / خبطت على كتفه وقالت ربنا يهديك ويصلح حالك يارب يا ابنى وخرجت وسابته
بص على أمه وهى خارجه وقام قفل الباب وراها ومسك تليفونه واتصل برقم انتظر الرد
أمير / السلام عليكم
......../وعليكم السلام
أمير / عامل ايه
........./ الحمدالله اخبارك ايه
أمير / تمام الحمدالله كنت عايز منك خدمه صغيره
......../ اطلب عينيه علشانك
أمير / تسلم عنيك فى واحد عايز اعرف عنه شوية تفاصيل
......./ قولى اسمه بالكامل وانا اجبلك تفاصيله
أمير / تسلم يارب اسمه ريان اسامه امين بيشتغل فى مستشفى فى الاسكندريه اسمها (......)
........./ ادينى اربعه وعشرين ساعه والمعلومات كلها تكون عندك
أمير / انا مش عارف اشكرك ازاي على مساعدتك ليا دى ومش اول مره تساعدنى ساعدنى قبل كده بنشر خبر اختفاء قربتى ربنا يقدرنى وارد نص جمايلك
........./عيب تقول كده ياراجل احنا مش صحاب ولا ايه
أمير /اكيد طبعآ يلا مش هعطلك سلام وقفل التليفون وقال ورينى هتهرب منى ازاى يا ريان الكلب انت وقام دخل الحمام
_____________________________
عند ريم ومحمود
خرجو الاتنين مع بعض وركبو العربيه وراح بيها عند المطعم وطلبو اكل
محمود / مسك ايديها وقال مبسوطه يا قلبى
ريم / بكسوف هزت راسها وقالت ايوه
محمود / باس ايديها وقال ربنا يقدرنى واخليكى اسعد مخلوقه على الأرض
ريم / بكسوف انا سعيده طول ما انت جنبى ومعايا
محمود / ايه قولتى ايه
ريم / محمود متغلسش بقى
محمود / ههههههههه خلاص ماشى بحبك اوى يا ريمو
ريم / محمود ممكن توعدنى أن عمرك ما تبص لوحده غيرى ولا تخونى لأنك لو عملت كده بجد هموت فيها
محمود / ليه بتقولى كده يا ريمو انا بحبك ومستحيل ابص لوحده غيرك
ريم / عارفه بس خايفه يكون الطبع غلاب وزى ما قالت الزفته دى هتفرح يومين بالجواز وترجع لطبعك القديم تانى
محمود / انتى مش واثقه فيا
ريم / واثقه فيك طبعآ بس
محمود / بس الماضى بتاعى مخليكى خايفه منى صح
ريم / هزت راسها وقالت ايوه
محمود / يبقى انتى كده مش بتثقى فيا يا ريم واساس الجواز الثقه معنى كلامك ده لو جه حد قالك أن هو شافنى ماشى مع واحده هتصدقيه على طول صح
ريم / لاء مش صح يا محمود انت لو تفتكر قولت ليك مره أن انا هديك فرصه واحده بس لو ضيعتها من ايديك يبقى خسرتنى العمر كله علشان كده بأكد عليك وبفكرك تانى علشان متعملش حاجه تخسرنى بيها وتبعدنى عنك لأن انا بحبك وبقيه عليك
محمود / احسن حاجه فى الموضوع ده انك اعترفتى بحبك ليا غير كده كل كلامك ملهوش اى لازمه لأن انا بحبك ومش شايف غيرك قدامى لو جابو ليا ملكة جمال العالم هختارك انتى ملكة متوجه على عرش قلبى
ريم / بصت ليه بكسوف وقالت ماشى يا حوده
محمود / يا قلب حوده من جوه بعشق امك يابت
ريم / صوتك يا محمود الناس تسمعنا
محمود / ما يسمعو فيها ايه انتى مراتى يا عبيطه
ريم / احم طيب كل قبل الاكل ما يبرد
محمود / ماشى يا عمرى
وقعدو ياكلو وبعد وقت خلصو وخرجو من المطعم وقال تحبى تروحى فين بعد كده
ريم / اممممم الملاهى
محمود / نعم يا اختى الملاهى هو انا مخرج بنت اختى معايا
ريم / بليز يا حوده علشان خاطرى
محمود / اه منكم مش ساهلين لما يكون ليكم مصلحه ولا عايزين حاجه تدلعو إنما لما تتنفذ خلصتى حاجتى من جارتى وتقلبو لعبده موته من تانى
ريم / نعم يا اخويه مين دى اللى بتقلب لعبده موته
محمود / اهو شوفتى ده انتى محصلتيش حتى الألمانى
ريم / محمووووووود
محمود / احم بهزر يا رمضان ايه مبتهزرش
ريم / لاء بهزر يا اخويه امشى وزقته
محمود / عنيفه اوى على فكره بس بحبك ومسك ايديها وقال طلباتك مجابه يا برنسيسة قلبى
ريم / بصت على الارض بكسوف
محمود / يارررررربى على الجمال اغتصب امك ويقولو عليا الراجل المجنون اللى اغتصب مراته فى الشارع فيه كده جمال يا شيخه حرررررررام عايز اتجوز واعمل دخله بقى
ريم / يخربيتك ايه الكلام اللى بتقولو ده انت اتجننت
محمود / اه اتجننت فيه حد يبقى معاه القمر وميتجننش
ريم / امشى يا محمود امشى شكلى ادبست فى واحد مجنون وبصوت واطى جدآ مجنون بس بحبه وركبت العربيه
محمود / مشى أيده على راسه من وراه وقال لنفسه بضحك هو انا لو خطفت منها بوسه هيحصل حاجه والنبى ماهيحصل حاجه اهى موته ولا اكتر وركب العربيه وقال ريمو هو ايه ده
ريم/ ايه
محمود / قرب منها وقال ده وسحبها ليه وبسها من شفايفها
ريم / بعدت عنه وضربته على كتفه وقالت بغيظ انت بتستعبط يا محمود
محمود / ايه يا ريمو احنا بنعمل حاجه حرام انتى مراتى وانا كاتب الكتاب علشان يطلع عين امى على بوسه امال بعد الفرح هتعملى ايه
ريم / لاء هخليها ليك مفاجئه اتفضل امشى
محمود / يخربيت طعمتك يا شيخه وشغل العربيه ومشى راحو على الملاهى قضو اليوم مابين ضحك ولعب وحب وبعد وقت روحها البيت
_____________________________
فى فيلا روز
كان قاعد سامح مع سليم وأحمد ومعاه اتنين ظباط
سليم / احنا عايزين نوصل ليهم قبل ما المجنونه دى تعمل فيهم حاجه
الظابط 1/ سليم بيه احنا بنعمل الخدمه دى علشان خاطر حضرتك اكيد عارف القانون المصرى وان ممنوع اى بحث من الشرطه غير لما يمر اربعه وعشرين ساعة على الاختفاء احنا بنعمل كده خدمه ودى فياريت حضرتك تهدا شويه واحنا عارفين شغلنا كويس
سامح / مش تدخل فى شغلكم والله بس راعو برضه أن هو اب وخايف على بنته
الظابط2/ والله احنا مقدرين برضه بس بنحاول نوصل ليهم من خلال الGps بس المكان اللى هما فيه مش لاقت على امل ان التليفون ده يخرج فى مكان يسهل علينا التواصل
أحمد / انا عندى فكره ممكن سامح يتصل على تليفون جهاد ويعمل أن هو بيستعجلها وان الصوت بيقطع ومفيش شبكه وهى اكيد هتحاول تخرج فى مكان بره وبكده يبقى قدرنا نوصل التليفون لمكان سهل نوصل منه ل GPS
سامح / صح فكره وخرج تليفونه وطلب رقم جهاد وردت عليه عبير
عبير / ايوه يا حبيبى
سامح / ايوه يا عبير انتى فين دلوقتى خرجتى ولا لسه
عبير / لاء لسه شويه لدرجاتى مشتاق ليا
سامح / ها الو الو يا عبير مش سامع حاجه الشبكه بتقطع عندك
عبير /طيب ثوانى واخدت التليفون وخرجت بيه بره وقالت سامعنى كده يا حبيبى
سامح / بص لظابط
الظابط / شاور ليه بصوبعه أن تمام
سامح / ايوه كده الشبكه حلوه ها لسه كتير
عبير / لسه شويه عروسه وبتجهز نفسها بقى
سامح / ها ا.ا اه على أقل من مهلك لما تتحركى من مكانك ابقى عرفينى
عبير / من عنيا يا قلبى باى
سامح / باى وقفل مع عبير وقال ها قدرت توصل لمكانهم
الظابط / ايوه فى شاليه فى اسكندريه ووقف وقال يلا بينا يدوب نتحرك
سامح / وقف وقال هنيجى معاكم
الظابط / خليكم مرتاحين والبنات هتكون عندكم فى أقرب وقت
أحمد / مش هنقدر نقعد هنا احنا هنروح معاكم
سليم / تعالو معايا بالعربيه بتاعتى نمشى وراه الظباط
الظابط / اللى يريحكم بس ياريت محدش يدخل فى شغل الشرطه
سامح / لالالا محدش هيدخل
مادلين /بدموع خدونى معاكم عايزه اطمن على بنتى ارجوكم
سامح / خليكى هنا واحنا هنجبها ليكى سليمه
سليم / متقلقيش يا مادلين بنتنا هترجع تانى فى حضننا وبسها وقال يلا بينا
أحمد / وانا هطمن بابا وماما احسن ماما منهاره فى البيت وبابا بيلف على اختى فى الشوارع
سامح / كلمهم فى السكه علشان نلحق وقتنا ونزلو كلهم راحوا على مكان روز وجهاد
___________________________
فى الشاليه عند روز وجهاد
دخلت عبير عند اسلام وهو نايم على السرير وقالت
عبير / فيه ايه يا سومه مالك قاعد كده فى اوضك ومتكلمتش نص كلمه من ساعة ما طلعت من عند مقصوفة الرقبه جهاد
اسلام / ها م.م.مفيش بس مستنى اشوف اخرت اللى بنعملو ده ايه
عبير /احنا مش اتفقنا اننا هنكسر احمد فى أخته وهتكسر رقبة البت الزفته دى جهاد واللى اسمها روز وهنخوفهم ونقول ليهم اننا هنقتلهم وبعد ما انا اتجوز سامح نخدروهم تانى ونرميهم فى الشارع
اسلام / معاكى فى كل اللى قولتيه ده بس يعنى
عبير / بس ايه
اسلام / ها و.و.ولا حاجه
عبير / اسلام انا عرفاك وحفظاك انطق بس ايه
اسلام / مش عارف يا عبير بس اول مره دمعة بنت تأثر فيا كده نظرتها ليا مش قادر انساها فيها حاجات كتير قوه وضعف كسره وحزن وعزه وكرامه حاجات كتير كده فى بعض مش قادر افهمها
عبير / ايه يا عم كلام الافلام ده حد يرفس النعمه برجليه مزه وجت لحد عندك هتقول لاء يا عم متع نفسك وعيش انا عارفه ايه اللى نقصك خد
اسلام / بأستغراب حشيش بيعمل ايه ده معاكى يا عبير
عبير / كنت طلبت من واحده صحبتى تجيب ليا من ابوها قولت افركه واحطه لسامح فى اى حاجه لما يتجوزنى علشان متأكده أن هو هيدينى البوز لما نروح قولت افرفشه بس متغلاش عليك اشرب ومتع نفسك
اسلام / اخدها منها وقال متعمليش كده تانى ومشفش الحاجه دى معاكى تانى اوعى تكونى بتشربي يا عبير
عبير / ها ل.ل لا طبعآ المهم اشرب وانبسط وانا هروح اجهز نفسى وبعدت ليه بوسه فى الهوا وخرجت
اسلام / بص لحتة الحشيش وغمض عينه شاف نظرة جهاد ليه فتح عينه وقال شئ ولابد منه وشرب الحشيش وقام دخل الاوضه عند روز وجهاد ومسك جهاد من شعرها واخدها وقفل الباب تانى وراه ودخل بجهاد الاوضه وحدفها على السرير وفك ايديها ورجليها
جهاد / خافت اول ما شافت إسلام بالحاله دى ووجعها شعرها وقالت بدموع ااااااه شعرى سبنى يا اسلام ارجوك سبنى واول ما حدفها على السرير بصت ليه بدموع وقالت بلاش ارجوك تعمل فيا حاجه كفايه تشوه فى صورتك قدامى كفايه تعذيب فيا
اسلام / غمض عينه وفتحها وضرب جهاد بالقلم وقال كفايه بقى كفايه
جهاد / بدموع اضربنى موتنى بس ارجوك بلاش تقرب منى وتكسرنى فى اعز ما املك ارجوك يا اسلام ابوس ايدك
اسلام / قطع البلوزه اللى عليها وقرب منها وقعد يبوس فى وشها
جهاد / لا يا اسلام لالالا اسلاااااااام ابوس ايدك بلاش
اسلام / قام من فوقها وصرخ وقال عااااااااااا كفايه كفايه وحط أيده على ودنه وقال مش عايز اسمع نفسك صوتك بيهز حاجه جوايا بيخلينى مش قادر اعملك حاجه كفااااايه كفااااااايه
جهاد / قامت وراحت قعدت على السرير من جوه وضمت رجليها لبعض ولفت ايديها حاولين رجليها وجسمها كله بيترعش وقعدت تعيط
اسلام / حط أيده على ودنه وقال قولتلك كفايه عياط كفاااااااايه بقولك
جهاد / كتمت بؤقها علشان مطلعش صوت وبصت ليه بخوف
اسلام / بص ليها وقرب منها وقال هى دى النظره نفسى افهمها فيها كتير بحس انها بتنادينى وفى نفس الوقت بتقولى ابعد بحس فيها بحبك وفى نفس الوقت بحس بقرفك منى بحس فيها انك مكسوره وفى نفس الوقت بحس بعزة نفسك وكبريائك بحس فيها بعندك وفى نفس الوقت بحس بضعفك وقرب اكتر ومسك وشها وقال نفسى افهم نظرتك بتعمل فيا ايه بلاش تبصيها ليا بلاش
جهاد / شدت وشها من أيده وبصت الاتجاه التانى وقعدت تعيط
اسلام / قلع الجاكت بتاعه ولبسه ليها وسابها فى الاوضه وخرج
جهاد / بصت على جاكت اسلام اللى عليها وعيطت بصوت عالى وقالت يااااااارب نجينا من اللى احنا فيه وفى الوقت ده سمعت صوت ضرب نار
قامت وهى خايفه وجت تفتح الباب لاقته مقفول عليها قعدت تخبط على الباب بدموع وتقول حد يفتح الباب افتحولى وفى الوقت ده لاقت اسلام بيفتح الباب وبيمسك ايديها وبيقول
اسلام / تعالى
جهاد / شدت ايديها بخوف ورجعت لوراه
اسلام / متقلقيش انا مش هأذيكى هخرجك بره بس بعيد عن ضرب النار
جهاد / بصت ليه بخوف
اسلام / متخفيش منى يا جهاد ومد أيده
جهاد / بصت فى عنيه وبعد كده بصت على أيده ومدت ايديها براحه ليه
اسلام / مسك ايديها وخرج يجرى
عند روز
كانت بتعيط خايفه على جهاد وسمعت صوت ضرب نار قعدت تصرخ من الخوف لحد ما اغمى عليها وفى الوقت ده الباب اتفتح عليها ودخل سامح وابوها وأحمد واتخضو لما شافو روز وقعه على الأرض ومغمى عليها
سامح / جرى عليها وقال روز ردى عليا روز يا روز
سليم / ردى علينا يا بنتى
أحمد/ هروح ادور على اختى
سليم / شال بنته وقال روح انت معاه يا سامح دور على أخته وانا هاخد روز الإسعاف
سامح / بص على روز فى ايد ابوها وقال ماشى ومشى هو وأحمد وراحو يدورو على جهاد
عبير / اول ما سمعت ضرب النار طلعت تجرى وركبت العربيه ومشيت وهى بتجرى بالعربيه وبتبص وراها العربيه خبطت فى عمود كهربا خبطه جامده وراسها اتخبطت فى تريكسون العربيه وراسها جابت دم واغمى عليها
عند اسلام اخد جهاد وطلع بيها من الشباك ولسه بيجرو على العربيه سمعو صوت الظابط بيقول
الظابط / سلم نفسك لضرب في المليان
اسلام / اثقى فيا هروحك البيت سليمه بس ارجوكى بلاش تقفى
جهاد / هزت راسها وجريت معاه
أحمد / جهاد اقف عندك يا اسلام
جهاد / احمد بينادى
أسلام / لو وقفت دلوقتى هتأذى يا جهاد
جهاد / وقفت وقالت أجرى انت يا اسلام انا هروح مع اخويه
اسلام / وقف وقال تعالى معايا يا جهاد هروحك والله
وفى الوقت ده الظابط وصل عندهم ومسك اسلام
اسلام / بص لجهاد وزق الظابط ولسه بيجرى الظابط وجه المسدس عليه وضرب الرصاصه
أحمد / جهاااااااااااد