رواية اسرار خلف الأبواب الفصل الثلاثون 30 بقلم نوسه حمد
بقيت محتاره منو الكلم سلمي وسلمي جات تفتش لي غيث ليه قلت ليهو سفيان انت كلمت غيث بي سلمي قال لي م كلمتو عشان سبب واحد قلت ليهو شنو قال لي غيث حالف يقتلها قلت ليهو ليه قال لي م عارف شكلو في قصص كتيره كانت حاصله وانتي م عارفاها وغيث قال دا ماضي سيء وما عايز سيرتو تاني وغيث غلط ومعترف بي غلطو ومتندم ندم ياريتك لو تسمعي كلامو وراك واديهو فرصه ي نوسه م ح تخسري حاجه ربنا بغفر الذنوب نحنا منو عشان م نغفر للناس اغلاطهم فكري وقرري وح تشوفي غيث تاني غير القسا عليك وزوجك زول م ساهل اوعك تضيعي من يدك قلت ليهو سفيان انت م عارف اهلي بعد الحصل لي من غيث جاتهم فوبيا عديل انو ممكن غيث يهددني ويقول عاوز يشيل اولادي واني اطلع وهم م عايزين يفقدوني لانهم تعبو لمن انا المره الفاتت اختفيت وم كلمتهم وما بقو كويسين الا لمن انا رجعتا واطمنو علي قال لي اهلك تقعديهم انتي وسوسن اختك وتحكو ليهم عديل بالكان حاصل لي غيث وتوريهم انو غيث كان مكتوب عشان كده م واعي لي اي تصرف نوسه خليك انتي شوفي غيث ما شاف امو لمن ماتت في احر من الام في زول واعي وبراهو بحارب امو نوسه انتي زوله واعيه وفاهمه واهلك لو م فاهمين فهميهم ولو م فهمو نوسه دي حياتك وصدقيني لو لفيتي الدنيا دي كلها م ح تلقي زي غيث م شفتي غيث تعب كيف عشان يبعد صاحبتك دي منو وعشان هي صاحبتك دخلت بيتكم وعملت العمل وشربتو لي وشربتك ليهو لدرجه انك م اكتشفتي عرسو لمده سنين نسيبه م تبقي انتي والزمن علي غيث هو قال لو قعد دهر يستغفر م ح يكفيهو وانا والله لو غيث بتاع لعب براي كان منعتك منو بس غيث قدرو يقع في الفاجره دي وتدمرو بالكتابه وبالشيوخ بس غيث والله حلف لي انو في الاول حظرها عديل ومنعها تجيكم بس هي ختتو في راسها وقال تاني بقا م فاهم اي شي وطلقح كيف زاتو م كان عارف وهو اساسا م كان بتاع لعب انتي حضرتك جبتي البت دي البيت وحسدتك ودمرتك بس تمشي وين من ربنا وهسي قومي ارجعي البيت هو قال ماشي يشوف اولادو بعدين م يلقاك ماف قلت ليهو تمام مشيت لقيتو قاعد سلمت عليهو قال لي نوسه كنتي وين شفتا الغيره في عيونو قلت ليهو مع نمارق قال لي وكيف هم كويسين قلت ليهو تمام والله اتفضل قال لي جيت افسح اولادي ممكن تطلعي معاهم قلت ليهو م بقدر قال لي نوسه عشانهم هم والله انا م ح اغصبك انك تتقبليني بس خلينا نعمل الحاجه دي عشان اولادنا قلت ليهو طيب دخلت قلت للبت جهزي لي منه وكرم وانا ح اجهز كريم لانو غلباوي وح يعذبك قالت لي ماشين وين قلت ليهل طالعين واجهزي انتي عشان تطلعي معانا في الاول رفضت بس تاني قالت لي تمام مشيت لبست ولبست كريم وعملت لي مكياج بسيط وطلعت غيث لمن شافني غمض عيونو وحسيت انو بقول في كلام بس م سمعتو كريم من شافو بقا يكورك بابا بابا شالو وقال ليهو ماما بقت حلوه كريم اول مره يشوفني متمكيجه غيث قال ليهو امك اصلا حلوه بس انا السبب في انها تتبهدل انا بقيت اتبسم وقلبي جوه يدق طولت م سمعت كلام حلو ولا غزل البت الشغاله معاي جات غيث خجل منها وقال لينا يلا قفلو الشقه كويس قفلناها ونزلنا البت قالت لي راجلك سمح وشكلو بحبك انتي زاتك بتحبي ما تعملي فيها مافارق معاك قلت ليها عارفه انا عمري م شفت راجل غيرو حتي لمن اتطلقت منو وطلعت بي اولادي عريسين اتقدمو لي اول ما اتزكر غيث بطني بتطم منهم وبشوفهم قدام غيث ولا حاجه انا لي سنين مافي عصمتو بس السنين دي كلها هو من قلبي ما طلع قالت لي طيب ي نوسه خلي يرجعك قلت ليها م بالساهل كده وبحكي ليك هسي قدامو م بقدر اتكلم وكان منتظرنا وجاب عربيه حلوه م سالتو منها فتح لي الباب وركبت وختا كريم ورا قال ليهو اقعد رايق كريم بقا جايط قال ليهو الا اقعد معاك قدام قال ليهو لا دي مكان ماما وعاين لي وابتسم اشهد الله الدنيا بسمت لي معاهو غيث يستاهل احبو وادمنو وم اشوف راجل غيرو حتي لمن قسي علي وطلقني كنت بقنع في نفسي اني كرهتو بس مجرد تفكير في اني ح اتزوج غيرو بحسهم كلهم م زي غيث فعلا هم م زيو غيث احترمني وقدرني وماقصر مني من كل النواحي م قصر مني لدرجه انو نساني اهلي الله اعلم اكون في راجل زي غيث اقدر انسي مرتو اهلا حسسني اني عظيمه واني ملكه ومفترض ادلل كنت بهاتي بيهو عديل في كل المجتمعات لمن اذكر اسمو الكلام انتهي قصتنا ما كانت ساهله بس الله يلعنها سلمي دمرتني ربنا ينتقم منها فجاه اتزكرت القضيه الرافعاها في سلمي والبيت الاتباع قلت ياربي غيث بكون عارف قلت اسالو بس ماف داعي م ح اقدر اسالو وصلنا المنتزه غيث قال لي اقعدي هنا وادوني الاولاد العبهم وكريم كان طاير من الفرحه وجود الاب بفرق انا كان اخر همي بيتي واكلهم وشرابهم بس فسحه وكده م فكرت فيها غيث اشترا ليهم اللعبات وكريم فرحان لدرجه حسيت انو بتصرف ساي وحركتو زايده وغيث يلعب فيهو ويضحك ومنه كانت نايمه وشايل كرم ويلعب فيهم الاتنين بتي الشغاله قالت لي عليك الله ي نوسه في احلي من كده قلت ليها عارف انا كنت مفتكره نفسي وصلت سن اليأس بس وجود غيث خلاني احس اني لسه في فتره المراهقه قعدت تضحك قالت لي واضح وعلي فكره عيونك فاضحاك اول مره احسك بتحبي غيث شديد قلت ليها خليها بالنيه بس م تزكريني 🥹 غيث جا وكان تعبان من اللعب مع كريم من غير م اشعر شايله لي منديل وهو كان وشو معرق قومتا علي حيلي وشلت منو كرم وبقيت امسح ليهو في العرق من وشو بالمنديل وغيث بقا اعاين لي وانا م واعيه والله بعمل فشنو قام مسك المنديل وقال لي شكرا حبيبتي 💖 انا اضاني صنت المكان ماشي بي وبقيت اعاين لي بتي الشغاله حست بي متوتره جات مسكت مني كرم وساقتني من يدي كاني م بشوف غيث حسا بي مرتبكه 🫨 مشا مننا البت قالت لي نوسه مالك قلت ليها فشنو انا والله مافاهمه اي شي قعدت تضحك قالت لي مشهد رومانسي ياريتني لو صورتك بقيت اضحك قلت ليها اقسم بالله انا م فاهمه شي قالت لي بس خليك كده انتي رجعتي للحياه غيث جا شايل ليهو مويه وعصير اداني العصير في يدي قال لي انتي كويسه قلت ليهو كويسه وصراحه خجلت علي هبالتي بس جد م كنت فاهمه حاجه والبت بقت تونس في غيث وهو يحكي ليها بي زمن كان خاطبني قعدنا كتير وشربنا قهوه حلوه وقال لينا نتعشاء وارجعكم ودانا محل اتعشينا ورجعنا كريم بكا بكا ما عايز ابوهو يمشي قال ليهو لا لا بجيكم بس م هسي غيث احترم رغبتي وماعايز يقعد معاي من غير م اوافق ويكلم اهلي حنس كريم تحانيس عشان يسكت ودخلو جوه غرفتو لغايه م نام وطلع قال لي عندي شغل كتير قلت ليهو انا زاتي عندي محاضرات قال لي اغشاك اوديك الجامعه ومنها امشي الشغل قلت ليهو لا م عايزه اتعبك قال لي اساسا انا بجي بي شارعكم يعني مافيها تعب قلت ليهو ظابط قال لي اديني رقمك اديتو رقمي لانو رقمي القديم ضاع وفات كنت مبسوطه وطايره من الفرحه وبقيت انطط عديل قلت ليها اقسم بالله بحبو قالت لي الحمد لله انك رجعتي لصوابك انتي زاتك م بتفهمي راجل طيب زي دا وحنين بخلي لي واحده جنيتي والله والله لو في مكانك اقول ليهو طلقتني م عندي مشكله بس بيتي م بطلع واراقبهم واعرف اي شي واطيرا منو لغايه م اطفشا هي وبالاخص زوجك كان م واعي لاي شي امش لي شيخ يبطل لي السحر المعمول ليهو قلت ليها انتي مفتكره انا كنت قايلا معمول ليهو عمل قالت لي ما هو بالعقل ي نوسه زول قلتو كان ملتزم وبخاف ربنا في نفسو واهلو وفيك فجاه اتزوج متزوجه وبعد من امو لمن ماتت م شاافا وقسا عليك هل دا بكون براهو قلت ليها فعلا بس انا جد كنت علي نياتي م فاهمه شي قالت لي هسي فهمتي وعرفتي وعالجتي زوجك بي نفسك اوعك تدي اي زول فرصه يدخل بيناتكم قلت ليها بس اهلي قالت لي اهلك انا متاكده م ح يرفضو وانتي خلي يكلم اهلك قلت ليها م هسي شويه شويه وكدي فكري معاي بكره البس شنو اسمعيني انا عايزه اتميز قالت لي لازم مشت معاي دولابي واخترنا فشتان بي طقمو وقلت ليها بكره بتمكيج نهاي م بمش ساي قالت لي اي خليك متهمه بنفسك زوجك م شاء الله الشغالات معاهو نظيفات وظريفات م تقلي عنهن بي شي قلت ليها ان شاءالله ح ابقا زوله تانيه قالت لي نومي عشان تصحا مفرفشه قلت ليها ان شاء الله مسكت تلفوني واتصلت علي سوسن قالت لي اها وين انتي غاطسه قلت ليها سوسن م شفتي غيث بقا كيف واي ي سوسن قعدت تضحك قالت لي م قلنا نوبه والله ي نوسه عرفتك ح تفصلي وصلاح زاتو قال لي بترجع براها خلوها قلت ليها غايتو م عارفه لو ابوي وامي قالو م ارجع ليهو بموت قالت لي انتي هبله امك وابوك غير سعادتك عاوزين شنو وطبعا هم لسه م عارفين انو غيث بقا كويس قلت ليها اي خليهم م تكلميهم انا بتصل بتونس ساي بس م حكيت ليهم اي شي قلت ليها سوسن م وريتك سلمي جات تفتش لي غيث انا نفسي اعرف الكلما منو نمارق وسفيان م بكلموها ولا اهلو بكلموها قالت لي يعني انا الكلمتها قلت ليها م قصدي بس انتي قلتي لمنو قالت لي نوسه النوريك الكلما منو واسمعي الكلام للنهايه قلت ليها الوراها منو قالت لي غيث انا قلبي قال شح وبطني طمت والاكل الاكلتو دايره استفرغو …………..يتبع