رواية اسرار خلف الأبواب الفصل الواحد والثلاثون 31 بقلم نوسه حمد
سوسن قالت لي نوسه انا ح اوريك الكلم سلمي منو بس تسمعيني للنهايه قلت ليها انتي عارفه يعني الكلمها منو ي سوسن قالت لي كلمها غيث انا قلبي قال شح وهبطتا عديل وخلاص عايزه استفرغ الاكلتو وبقيت ابكي وجدعت التلفون وسوسن تتكلم وتتكلم انا بس حسيت بي طمام فظيع معقوله غيث بعد الحصل من سلمي دا كلو يتواصل معاها تاني بتي الشغاله جات جاريه وقالت لي بسم الله فشنو ي نوسه مالك الزعلك منو قلت ليها ماف شي وصوت سوسن كان عالي شالت التلفون اظنها بتقول ليها اديني الحيوانه دي ولا افتحي ليها الاسبيكر وانا شغاله ابكي قلت ليها زحي التلفون مني فتحت لي الاسبيكر سوسن قالت لي انا اتوقعت منك اي شيء الا انك غبيه انتي م بتفهمي عشان انا عارفاك متسرعه قلت ليك اسمعيني للنهايه ياخ ندمتيني ي نوسه وادبتيني ادبه افهمي شوف غيث كلمها لي والحصل شنو ي بت انتي ناسيه انو عندك قضيه مرفوعه وبيت اتباع واتأكلت قروشو انا وصلاح لمن عرفنا غيث بقا كويس قلنا ندخلو هو في الصوره ونخت النقط تحت الحروف اتصلنا عليهو وكلمناهو انو بيتو اتباع واخوهو الله يرحمو كان واقف قصاد الزوله دي في المحكمه وقدرت تكتبو ويموت بمرض مجهول ودا كلو عشان الزوله دي طمعانه في البيت عايزه بي اي طريقه قروش تستسمرهن وغيث الكلام دا كلو م عارفو وحتي اخوهو المات بسبب اعمالها م عارفو مفتكر انو مات ساي اليوم الكلمنا فيهو غيث كان يوم صعب جداااااا بس كان لازم اخش هو في الصوره انتي تاني ماف سبب بوقفك في محكمه وصاحب البيت بكامل قواهو العقليه والخلانا نفتح الموضوع شنو البيت الناس الاشترو جابو باقي عفشهم وقعدو فيهو لانو سلمي باعتو بالعفش قلت ليها كمان حسبي الله ونعم الوكيل فيها قلت ليها اها وبعداك قالت لي غيث اظنو بعرف محامي شاطر وكلو للقضيه وطعن في سلمي وقدمو اوراق غيث البتثبت انو هو في اتم الصحه والعافيه وما من حقها هي تبيع البيت وهي عرفت الخبر دا من المحكمه يعني غيث لا لاقا سلمي لا شافا لا شافتو بس المعلومه العرفت بيها انو غيث بقا كويس من غيث لانو وكل المحامي والمحامي طعن فيها والكلام دا قالو لي صلاح تقومي ي نوسه قبل اكمل كلامي تبكي وتاخدي موقف من غيث نوسه م عارفه لكن الفيهو دا كلو سببو انتي وعاطفيتك الزياده عن اللزوم افهمي الكلام وبحتيهو بحيت بس م تقفلي من مجرد م عرفتي خبر او عرفتي كلام 🗣️ م ممكن ياخ انا ساعه اكورك وانتي يا استاذه عامله فيها زعلتي وانكسرتي من غيث وبطنك طمت اتريسي يا اختي التسرع بدمر اي شي قلت ليها اعمل شنو الطبع يغلب التطبع انا افتكرت غيث اتصل واتكلم معاها قالت لي طيب فلنفترض غيث رفع سماعه التلفون اتكلم معاها افهمي اتكلم معاها قال ليها شنو او مضمون المكالمه كان شنو حب ولا كلام ولا نقاش حاد افهمي واحكمي مش تحكمي وما تفهمي دا غلط وغلط زي دا تاني م تكررري وعلي فكره نحنا قلنا لي غيث اعمل المستحيل ورجع مرتك والشي الما عارفاهو اختو لا ولدا كسر يدو ولا اي شي وراجلا ولا شغال بيهو بس عملوها حركه عشان انتي ترجعي لغيث الناس دي كلها عايزاك ترجعي لبيتك ولو راجعه نسيبه الزمان م ترجعي اقعدي ساي وراجلك شاريك ي نوسه قلت ليها ياخ انا هسي وقعتي قلبي قالت لي ليه قلبك يقع براك يختي مدمره نفسك انا تعبت من مسكنتك دي اتلحلحي يختي الحياه عايزه مره قادره وملحلحه قلت ليها خلوني بس في حياتي الزمان ورجعو لي غيث قالت لي استقرارك الزمان ممكن ترجعي بنفسك بس حياتك الزمان ترجع كيف قلت ليها كيف م بترجع قالت لي اول شي مشكله البيت معقده جدا م معروفه نتنهي متين سنه سنتين وتاني شي انتي بقيتي عندك جامعه يعني ما ح ترجعي هنا الا بعد تخلصي ما تربطي حياتك الزمان بي سعادتك في مكانك القاعده فيهو دا ح تكوني سعيده ومبسوطه والدنيا حلوه معاك ❤️ قلت ليها ان شاء الله بس امي وابوي قالت لي امي وابوي خليهم لينا انا وصلاح بس غيث اجي لي اهلي ودي الاصول ي نوسه قلت ليها انا م بقدر اتكلم هسي يعني محتاجه زمن حتي اقول ليهو موافقه عليك قالت لي زمن شنو يختي انتي اظنك الجامعه دي نستك انك متزوجه وبي اولادك انتي م مخطوبه قعدت اضحك قلت ليها كان م تقولي بكره عايز يوصلني الجامعه يعني ي سوسن ح اعيش دور اني مخطوبه لسه قالت لي وبعد داك اي اقعدي اتهابلي كده لمن سلمي البتسال منو دي تلم فيهو وتغطس حجرو تاني و سلمي بتكون جاياهو عشان اكلت قروش البيت عاوزه تحنكو وتكتبو تاني قلت ليها سجمي انا سلمي دي اتخلص منها متين قالت لي قريب ي نوسه ح تسمعي سلمي وابوها في خبر كان قلت ليها كيف قالت لي كيف دي خليها بس حقك يخلص تالت ومتلت وح تشوفي قلت ليها النبي وريني قالت لي اوريك شنو يا زوله انا زاتي م فاهمه شئ قلت ليك كده ساي قلت ليها الله يهدها زي م هدتني واها اخبار الولد شنو قالت لي نوسه م كلمتك والله فاتتك جنس شمارات قلت ليها شنو قالت لي الولد صلاح كلم اهلو عديل عشان يتخلصو من سلمي العارض دي ابوهو قال ليهو تطلقا دا لو اصلا زواجك منها نافع الولد طلقا وهي بقت متلحاهو لغايه م ابوهو سفرو السعوديه وهو زول قاري لغات قالو اشتغل طوالي وطبعا من سافر متواصل مع صلاح وقال عايز يتقدم ليك قعدت اضحك قلت ليها الولد العاجبو فيني شنو انا كنت مبهدله وقبيحه عديل الزمن داك وغير كده مطلقه وعندي تلاته اطفال قالت لي النوريك يلا قال لي صلاح نوسه دي شكلها محترم شديد لانو قرا دردشه غيث مع سلمي في الاول غيث شفتيهو كان بقول عنك شنو لي سلمي المهم قال ليهو م ندر اشوف متزوجين والراجل يكون متعلق بي مرتو زي غيث الا بت الاصول وانا والله م عايز شكل عاوز بت ناس بالذات انا سمعتي في الحله بسبب سلمي م ح تكون كويسه والبنات ح يرفضني ودي احتمال تقبل بي عشان مطلقه قلت ليها والله شكرا ليهو انو اختارني بس قصه اني اتزوج غير غيث دي شبه مستحيله ح تكون والولد صغير م يقول سمعتي اتشوهت اكون نفسو والف بت تتمناهو قالت لي اي والله ناس عز طبعا صلاح كان داير يحنسك تتزوجيهو وتسافري معاهو قال لي اختك مالا ومال البهدله والبشتنه وجامعه شنو العاوزاها والكلام دا قبل غيث يبقا كويس قلت ليها م كان ح اوافق وهسي الحمد لله غيث رجع لي وانا والله تاني اموت معاهو م ح اخلي واحده تدخل في حياتي وصحبه تاني غير نمارق م بصاحب ولا بدخل بيتي قالت لي اي والله اكتفي بي نمارق دي افضل ليك قلت ليها اكيد والله الحمد لله ع كل حال ❤️قلت ليهو هوي خلاص انا عايزه انوم عشان ح الاقي غيث الصباح قالت لي بي عافيتك ي نوسه قفلت منها وغلبني النوم التقول طار لي افكر للصباح في غيث وح الاقي كيف وكده نومتا لي ساعتين بالحساب قومتا صليت الصبح وجهزت الشاي وشربتا ولبستا غيث اتصل علي قال لي جاهزه اي قال لي طيب مسافه السكه واكون جنبك قلت ليهو تمام بقيت اعدل في نفسي وطرحتي واعاين لي روحي في المرايا واتكلم براي واضحك واتلفت خفتا اشوفني زول اقولو جنت دقايق م عديتا وغيث قال لي انا تحت نزلت ليهو لقيتو لابس بنطلون اسود ومعاهو قميص لونو كيف انا زاتي م عرفتو ولابس الجزمه وشاكيها الشهاده والعمل الصالح لمن شفتو لمن انخلعت وهو بادلني نفس الشعور احساسنا كان احساس ناس كانت الدنيا ممرمطاهم ومبهدلين فجاه رجعو لبعض والحياه رجعت ليهم وفي ايام بسيطه شكلهم اتغير ومن هنا عرفت الراحه والبال الهادي بظهر في وش الزول الهموم بتخطف ملامح الزول وفعلا الحب بنور انا المقوله دي بصمت عليها بالعشره غيث فتح لي باب العربيه وقال لي اركبي ركبتا ولحظات نحنا ساكتين غالبني انطق حرف وهو زاتو فجاه قال لي نوسه انتي كويسه ابتسمت وقلت ليهو كنت م كويسه بس هسي الحمد لله قال لي وانا كمان عارفه يا نوسه الجن عقاب بسيط لي قلت ليهو غيث الزيك م بجن والعندك م كان جن الله انتقم من الكان السبب قال لي نوسه حقك علي انا خجلان زاتو اتكلم في الموضوع دا نوسه الكلام دا كانو حلم نوسه انا م اوصف ليك انكسرت قدرت شنو لمن عرفت اني اتناقشت مع اهلي وامي لمن ماتت نفسها تشوفني انا كنت ما واعي امي القرتني وتعبت فيني ما اشوفها لمن ماتت وكان ببكي غلبني اسكتوا لانو احساس صعب جدا انو والدتك تموت وتكون انت مزعلها بس حسب كلام مني امو لمن ماتت بتقول عافيه ليهو بس اكيد ماتت قلبها مقطوع عليهو قلت ليهو غيث ادعي ليها محتاجه لدعوات قال لي م ح انساها لا هي لا محمد قلت ليهو غيث محمد اخوك الحمد لله ع كل حال بس اتاثر تاثير عليك وقال لو يقعد العمر كلو يعلاجك ح يعالجك ولمن تعب قال لي تعالي عاوزك واخر وصيه قالا لي اني اقيف جنبك اسبوع م عديتو وسمعت خبر وفاتو محمد طيب وبحبك وبقيت ابكي قال لي كل مني انا الله ينتقم منها انا والله كنت مفتكر انو مات ساي م كنت فاكر انها عملت ليهو عمل يدمر صحتو لغايه م كلمني صلاح بس ربنا كريم ي نوسه ح ينتقم منها اشد الانتقام وانا م ح اخليها لو اقتلوني قلت ليهو غيث. م تفكر انك تنتقم منها انساها ي غيث الله بياخد لينا حقنا قال لي ليه نخاف منها هي منو عشان نعمل ليها الف حساب انا لو علي احرقها بي جاز الحيوانه قلت ليهو تضيع نفسك بسببها قال لي م قادر ي نوسه قلت ليهو معليش الله قادر يبعدها مننا وعالم بالفي قلوبنا وما بي يدنا حيله قال لي فعلا ربنا يورينا فيها يوم وبيتي لو كسرت رقبتا م بخلي ليها وصلت الجامعه وغيث قال لي نازل اشوف معاك الوضع كيف نزلتا ودخلنا والجامعه كلها تعاين لي انا لمن دخلت في ضفوري وعندي شله بنات كده مجنونات بتونس وبضحك معاهم اول ما شافن غيث جن جاريات وقالن لي نوسه الليله دا شنو المعاك دا وطبعا الاسئله كلها قدامو وانا اشيل واغمز ليهن وم رديت عليهن عندنا واحده مجنونه جن قالت ليهو متزوج انت قال ليها لا مطلق انا بقيت صادمه وبعاين ليهو وغلبني اقول حاجه قالت ليهو معقوله الزيك دا بطلقو منو غبيه بس مرتك قال ليهم لا م غبيه بس قسمه وانقطعت وربنا يسعدها انا بس مخلوعه بعاين ليهو قالت ليهو طيب م عايز عروسه قعد اضحك قال ليها الحمد لله لقيت العروسه وان شالله اليوم ح امشي لي اهلا واطلب ايدها بس ادعو لي انو اهلا يوافقو لانو ابوها صعب انا ماباقي لي الا اقع وغلبني انطق حرف غيث قال لي نوسه ادعي لي انا اليوم ماشي اطلب يدها من ابوها بقيت ابلع في ريقي واقول ليهو ربنا يوفقك وفات انا بقيت بعاين ليهو وهو ماش والبنات اسالن فيني دا منو المبارياهو السمح دا واي ي نوسه قلنا مسكينه طلعتي م هينه بتصاحبي الناس الهاي ياحليلهم اولاد جامعتنا ديل م اظن تعايني ليهم هن اتكلمن وانا مصدومه ومخلوعه في قرار غيث ومعقول بعد دا كلو يخطب ويخليني احيا من الدنيا دي وياربي دي منو العاوزها غيث .