رواية تائهه في بحور الذكريات الفصل السادس عشر 16 والسابع عشر 17 بقلم دودو محمد
اشرقت شمس يوم جديد بنورها الساطع فى سماء العاصمه لتستيقظ نيره من نومها على صوت خبط على باب الشقه لتقوم تجرى وتلبس طرحتها وتفتح باب اوضتها ووتخرج منه لتنصدم بوجود ظباط وقفين على الباب مع اخوها نادر
نيره :- فى ايه يانادر
نادر :- خشى البسى هدومك يا نيره علشان هتروحى معاهم وانا مش هسيبك
نيره :- ل.ل.ليه
نادر :- صاحب الشركه متهمك انك اختلستى من خزنة الشركه فلوس
نيره :- مستحيل محصلش والله د.د.ده واحد كداب
الظابط :- لو سمحتى الكلام ده قوليه فى القسم مش هنا
نادر :- خشى البسى هدومك بسرعه ومتخفيش يا حبيبتى
نيره :- دخلت لبست هدومها ونزلت مع الظباط ومعها اخوها ووصلو القسم وكان عاصم وقف ومستنى
واول ما شفها راح عندها وقال
عاصم :- فيها ايه لو كنتى قضيتى معايه الليله كنتى هتتمتعى وكمان كان زمانك فى الوظيفه وبعيده عن كل المشاكل دى
نيره :- بدموع متفرحش اوى بظلم ده علشان ساعة الظلم قصيره جدآ وفى ربنا رب المستضعفين ومش بيتخلى عن عباده وانا واثقه فى ربنا ان هو هيجيب ليا حقى منك وهيقف جمبى وحسبى الله ونعم الوكيل فيك ومشت مع العسكرى
……………………………………………………
عند وليد مكنش نام طول الليل لبس هدومه وراح خبط على باب رقيه
رقيه :- فتحت الباب صباح خير وليد
وليد :- صباح النور
رقيه :- اللى انا لبس هدومه وقعد يستنا انتى
وليد :- معلش يا رقيه انا مضطر انزل دلوقتى ومش هينفع استناكى
رقيه :- انا مش يزعل من انتى علشان انتى زعلانه
وليد :- انا هبعت ليكى الفطار دلوقتى واقفلى الباب على نفسك ومتفتحيش لاى حد
رقيه :- انتى مش تخافى على اللى انا مش هفتح الباب لاى حد خالص
وليد :- ماشى سلام
ونزل وليد وطلب الفطار لرقيه ونزل راح عند القائد فى المعسكر
……………………………………………………
عند نرمين وصلت ودخلت على اوضتها علطول من غير ما تكلم حد وغيرت هدومها ومسكت الاسكتش بتعها وقلمها ونزلت تقعد قصاد البحر واخدت نفس عميق وطلعته وفتحت الاسكتش بتاعه وبصت للبحر وقعدة ترسم فى الاسكتش وشويه وجت تقى
تقى :- نونه دورت عليكى وملاقتكيش قولت اكيد هلاقيكى فى مكان منعزل بتعملى ايه
نرمين :- بركب مراجيح
تقى :- ايه
نرمين :- هقولك ايه مسكه الاستكتش والقلم وقعده قصاد البحر على الرمله هكون بعمل ايه
تقى :- بترسمى
نرمين :- الله ينور عليكى امشى بقى
تقى :- مش همشى غير لما اشوف بترسمى ايه
نرمين :- تقى امشى بقى بتكلم جد سبينى علشان مخنوقه
تقى :- ليه.طيب
نرمين :- يا تقى متزهقنيش يقى ولو على المكان هسبهولك خالص
تقى :- خلاص خلاص هسيبك وهبقى اجى ليكى وقت تانى ومشت وسابتها
نرمين :- كملت رسم وهى بترسم دمعه نزلت من عنيها وقالت لنفسها تانى تانى يا نرمين هتنزلى دموع تانى ومسحت دموعها وبتمسح الرسمه لاقت ان هى رسمت وش ادم
نرمين :- ارحمنى بقى واطلع من دماغى انا تعبت ومسكت صورت ادم اللى هى رسمتها قطعتها ورمتها فى الارض وقامت دخلت اوضتها
……………………………………………………
فى القسم
دخلت نيره ونادر ومعاهم عاصم
الظابط :- ايه اقوالك على اتهام المدعو عاصم السيد رمضان
نيره :- وهى بتعيط وجسمها بيترعش
و.و.والله انا معرفش حاجه عن الفلوس دى انا اه مضيت على استلامهم وعدتهم وحطتهم فى الخزنه كاملين ومعرفش مين اللى اخد منهم
الظابط :- طب انتى كنتى فين امبارح
نيره :- ك.ك.كنت معاه فى عشا عمل
الظابط :- مين معاه مفتاح الاوضه والخزنه غيرك
نيره :- انا والاستاذ عاصم بس
الظابط :- طب المفتاح بتاع الخزنه اى حد اخده منك او سبتى فى مكان
نيره :- لا علطول المفتاح معايه فى الشنطه والشنطه مش بسبها من ايدى
الظابط :- انتى بكلامك ده بتثبتى على نفسك التهمه
نيره :- لالالا انا مأخدش فلوس والله انا عمرى ما اعمل كده
الظابط :- والله انا شايف موقفك صعب وتقومى محامى
نيره :- انا بوكل اخويه نادر محمد إبراهيم يكون هو المحامى بتاعى
الظابط :- طب هو فين
نادر :- انا يا فندم نادر محمد إبراهيم وطلع الكارنيه واده للظابط
الظابط :- اوك اتفضل اقعد
وبص للمحضر وقال اكتب ياابنى
امرنا نحنو بحبس المتهمه اربع ايام على زمة التحقيق
نيره :- ايه ا.ا.انا هقعد هنا وبصت لنادر وقالت اعمل حاجه هنا انا اخاف انام هنا لوحدى والنبى يا نادر
نادر :- طب ممكن يا فندم تطلع من هنا بكفاله على زمة التحقيق
الظابط :- لا وبص لنيره وقال انتى تقربى لعيلة وحيد الدمنهورى
نادر :- ايوه يا فندم تبقى مرات ابنهم رامى الله يرحمه
الظابط :- تمام انا هطلع واسيبك معاها شويه وبص لعاصم وقاله وانت تقدر تتفضل وهنبلغك لما يكون فى جديد
عاصم :- انا عايز حقى يا باشا عايز فلوسى من بنت ال دى
نادر :- احترم نفسك ومطولش لسانك بدل ما اعمل ليك محضر سب وقذف وحضرة الظابط موجود وسمع بودنه
الظابط :- خلص الموضوع وانت اتفضل روح على بيتك
عاصم :- حاضر يا باشا
وخرج عاصم والظابط وقعد نادر مع نيره
نيره :- مسكت ايد اخوها وقالت نادر اعمل اى حاجه وطلعنى من هنا انا مش هقدر اقعد وسط المجرمين ده انا كنت بخاف منهم وهما فى التلفزيون يبقى ازاى هقعد معاهم على الحقيقه
نادر :- اهدى يا نيره انا هتصرف وهعمل بكل طريقه واخرجك من هنا بس انتى متأكده ان محدش اخد منك المفتاح
نيره :- اه متأكده المفتاح معايه فى الشنطه اللى فى البيت
نادر :- وقف وقال ماشى يا نيره متخفيش وانا هحاول اخرجك بأى طريقه سلام
نيره :- بدموع نادر انا خايفه
نادر :- حضنها وقال متخفيش يا حبيبتى اوثقى فيا
نيره :- مسكت فيه اكتر بسرعه والنبى يا نادر
نادر :- ماشى يا حبيبتى وخرج من الاوضه ودخل الظابط ونده على العسكرى واخدها نزلها الحجز
……………………………………………………
عند نرمين كانت قعده فى اوضتها وهى حزينه
وسمعت باب اوضتها خبط فتحت الباب وكانت تقى
تقى :- ايه يا نرمين انتى جايه الرحله تقضيها فى الاوضه
نرمين :- تقى والنبى سبينى فى حالى
تقى :- لا مش هسيبك يا نرمين ويلا علشان نتغدا
نرمين:- مليش نفس يا تقى
تقى :- شدتها من ايديها وقالت يلا بقى متبقيش غلسه ونزلت تقى ونرمين المطعم وهما قعدين اتصدموه
تقى :- نهااااااااار اسود ومنيل ايه جاب ادم هنا
نرمين :- اتصدمة وقالت ومين دى اللى قعده معاه
تقى :- مش عارفه تعالى نشوفهم وقامو الاتنين وراحو مكان ما ادم قعد مع البنت
تقى :- ادم انت بتعمل ايه هنا
ادم :- عندى ندوه طبيه
تقى :- ومقولتش ليه ماانت عارف ان احنا كمان عندنا معرض
ادم :- مكنتش موافق وفى اخر لحظه مدير المستشفى غصب عليا اجى الندوه فى مانع
تقى :- لا عادى مفيش مشكله بس مش تعرفنا
ادم :- اه دى نهى دكتوره زميلتى وبص لنهى وقال ودى تبقى تقى اختى
تقى :- بقرف هاى
نهى :- هاى وامال مين دى يا دومى وشورت على نرمين
ادم :- دى تبقى صاحبة تقى واخت مرات اخويه
نهى :- اه اهلا
نرمين :- كانت حبسه الدموع فى عنيها وبصت ليهم ومشيت
تقى :- ليه يا ادم ليه وطلعت تجرى وراه نرمين
نهى :- بغمزه 😉😉لا دى وقعه وقعه
ادم :- طب ما انا عارف بس عايز اعرفها ان الله حق
نهى :- هههههه لا دى بقى سبها عليا
ادم :- شكرآ يا نهى انك راضيتى تساعدينى
نهى :- انت زى اخويه يا ادم ومقدرش اتخلى عنك وانت محتاجنى
ادم :- ربنا ما يحرمنيش منك يا احسن اخت
نهى :- بغمزه مستعد للخطوه التانيه
ادم :- طبعآ ده احنا عايزين نسوى الزبون على نار هاديه
نهى :- هنسويه على شمعه كمان
ادم ونهى :- ههههههههههههه😂😂
……………………………………………………
فى المعسكر فى اوضة القائد
كان وليد قاعد مع القائد
القائد :- عامل ايه فى المهمه يا سيادة المقدم
وليد :- كله تمام يا فندم بس كنت عايز مساعد معايه علشان نقدر نريح بعض ونوفر الحمايه 24ساعه ليها يا فندم
القائد :- اممم طب انت عايز حد محدد ولا احنا نرشح ليك مساعدين
وليد :- ايوه يا فندم سيادة المقدم خالد احمد
القائد :- اختيار موفق يا سيادة المقدم
وليد :- شكرآ يا فندم عن اذن حضرتك
القائد :- اتفضل يا سيادة المقدم وبلغ المقدم خالد بالمهمه
وليد :- تمام يا فندم عن اذنك
وخرج وليد وراح لاوضة خالد
خبط على الباب وفتح ليه خالد
خالد :- لالالالا سيادة المقدم وليد بنفسه جاى ليا فى اوضى المتواضعه
وليد :- وحياة امك طب تصدق ان انا غلطان ان عبرتك
خالد :- فين اللى عبرتك ده انا هبوس ايديك تخدنى معاك وانت مش راضى
وليد :- وانا هنا علشان كده
خالد :- بجد يا وليد
وليد :- وانت شايف ان الموضوع ده فيه هزار
خالد :- والقائد وافق
وليد :- اه
خالد :- بصوت محمد سعد فى فيلم كتكوت بجد جميلك ده فوق فوق راسى يا سيد الناس ياااااااااااه اخيرآ
وليد :- بذمتك انا راضى ضميرك ده منظر مقدم فى القوات الخاصه عارتنا الله يعرك اكتر ما انت
خالد :- لو مش عجبك طلقنى 😂😂
وليد :- لا بجد انت لا تطاق
خالد :- انا حلوه وزى الفل انا مزه وقيده الكل😂😂
وليد :- هقول ايه الرجوله لمت والله الله يرحمك يا رجوله
خالد :- تبقى اقرلها الفاتحه يا روح امك😂😂
وليد :- بتقولى انا روح امى طب وحياة امك ما انا سايبك وطلع يجرى وراه
خالد :- يااااااااااااختى الحقونى يا ناس 😂😂😂
……………………………………………………
عند نرمين كانت قعده فى اوضتها بتعيط
وتقى خبطت على الباب
تقى :- افتحى يا نرمين
نرمين :- تقى سبينى لوحدى دلوقتى
تقى :- لا مش هسيبك وافتحى بقى
نرمين :- تقققققققققى روحى دلوقتى
تقى :- من وراه الباب لوزعلك ده علشان ادم يبقى ميستهلش وخليكى وثقه فى نفسك انك احلى منها الف مره ومش واحده زى دى اللى هتخلى نرمين البت الجدعه القويه تنزل دمعه من عنيها ولو هى حلوه بلبسها فأنتى احلى منها بقلبك وجدعنتك انا هسيبك دلوقتى وعلى بليل هاجى الاقى نرمين القويه اللى مفيش حاجه تكسرها تكون جهزها للحفله اللى الشله عاملها سلام
نرمين :- كانت بتسمع كلام تقى ودموعها نزله وراه بعضيها ومسكت مذكراتها الصغيره وقلم وكتبت فيهم
(صعب أن تحب شخصا لا يحبك
الأصعب أن تستمر في حبه رغم عدم إحساسه بك
صعب أن ينتهي الحب الصادق نتيجه لأمر تافه
الأصعب أن يستمر الفراق لأن كل طرف ينتظر إشاره الرجوع من الآخر
صعب الوداع في الحب
الأصعب أن ينتهي الحب دون كلمة وداع
صعب الفراق في الحب
الأصعب أن يظل طرف واحد فقط أسير لذلك الحب والحبيب
صعب أن تختار من تحب
الأصعب أن تحاول كراهية من كنت تحب
صعب أن تقع في الحب في الزمن الخاطئ
الأصعب أن يتوافق ذلك مع الشخص الخاطئ
صعب أن يجفاك الحبيب لأسباب غير واضحه
الأصعب أن لايبرر لك غيابه رغم سؤالك الدائم عنه
صعب أن تشعر بالحاجة الى الحب
الأصعب فقدان القدره على الحب
صعب أن يتحول الحب الى صداقه
الأصعب أن يتحول الحب الى عداوه
صعب أن يأتي الحب قبل الزواج
الأصعب أن يأتي الحب بعد الزواج
صعب أن يعود الحب كما كان بعد الفراق
الأصعب أن نظل ننتظر عودته كما كان
صعب أن تختار بين أكثر من حب
الأصعب أن لاتجد من يستحق الإختيار
صعب محاولة إرضاء الحبيب
الأصعب أن يكون من النوع الذي لا يرضى بسهوله
صعب أن يغار عليك من تحب
الأصعب أن لايغار عليك مطلقا
صعب الاختيار بين الحب والكرامه
الأصعب أن تكون مجبرا على التنازل عن أحدهما
صعب أن تقتل الحب من قلبك
الأصعب أن يحاول الأخرون قتل هذا الحب
صعب أن تضحي من أجل الحب
الأصعب أن لا تجد من تضحي لأجله)
وبعد كده مسحت دموعها وحطت المذكره فى شنطتها وقامت دخلت الحمام واتوضت واداة فرضها وبدءة الاستعداد للحفله
……………………………………………………
عند وليد كان نزل وركب عربيته ولسه هيشغلها تليفونه رن برقم
وليد :- السلام عليكم
المتصل :- وعليكم السلام
وليد :- ايوه حضرتك مين
المتصل :- انا الظابط عمار
وليد :- اذيك يا عمار عاش من سمع صوتك
عمار :- الحمدالله حضرتك عارف بقى اشغال واذى ادم عامل ايه من زمان مسألش عليا
وليد :- تمام كويس الحمدالله
عمار :- وليد باشا كان فى حاجه عايز اقولها لحضرتك
وليد :- خير يا عمار قول
عمار :- احم م.م.مرات اخوك رامى الله يرحمه عندنا فى الحجز
وليد :- ايه بتقول ايه انت
عمار :- بس متخفش يا باشا انا عملتها كويس ومنعت اى حد من المساجين يجى جمبها
وليد :- وهى ليه مقبوض عليها
عمار :- واحد اسمه عاصم السيد رمضان
مقدم فيها بلاغ اختلاس من خزنة الشركه
وليد :- يبقى هو اللى كان معاها امبارح
عمار :- انا قولت ابلغ حضرتك علشان يبقى عندك علم بالموضوع
وليد :- شكرآ يا عمار انا جاى ليك دلوقتى وقفل معاه ومشى بالعربيه بسرعه على القسم
ووصل هناك ودخل المكتب عند عمار وامر العسكرى ان هو يجبها وشويه وجت نيره
عمار :- احم استآذن انا هستناك بره
وخرج من المكتب واتبقى وليد ونيره
وليد :- ممكن افهم بقى ايه اللى حصل
نيره :- بدموع والله ما حصل حاجه ولا مديت ايدى على فلوس فى الخزنه انا عمرى وما اعمل كده ده هو بينتقم منى علشان مخلتهوش يلمسنى وكان جسمها كله بيترعش
وليد :- صعبت عليه نيره وقال اهدى طب انا مصدقك بس عايزه اعرف ايه حصل فى اليوم كله لحد اللى حصل بليل فى الفندق
نيره :- بدموع ا.ا.انا نزلت ورحت الشركه ودخلت المكتب وقعد وشويه واتصل بى وقلى تعالى عايزك ضرورى
وليد :- والمفتاح كان فين فى الوقت ده
نيره:- كان فى الشنطه على مكتبى
وليد :- ها كملى وبعدين
نيره :- وكلمنى على موضوع عشا العمل ورجعت تانى على مكتبى واستلمت الفلوس ومضيت عليها وعدتها وحطتها فى الخزنه وقفلت بالمفتاح وروحت الشقه وجهزت ونزلت لاقيته وقف ليا بالعربيه والباقى اللى انت عارفه
وليد :- طب ملاحظتيش اى حاجه عليه
نيره :- مش عارفه مأخدش بالى
وليد :- فين نادر
نيره :- راح يعرف الحقيقه
وليد :- بصى انا مش عايزك تخافى وانا هطلب من عمار ان يخليكى هنا فى المكتب لحد ما هجيب ابن ال*** ده واعرف منه كل حاجه وهخليه يجى يتنازل عن المحضر بس اهم حاجه خليكى واثقه فى
نيره :- ا.ا.انا خايفه اوى يا وليد وكانت بتترعش
وليد :- صعبت عليه اوى وقلع الجاكت بتاعه وحطه على كتفها وفى الوقت ده دخل عمار ووليد طلب منه ان هو يخلى نيره عنده فى المكتب ووافق عمار ومشى وليد
……………………………………………………
عند نادر سأل على بيت عاصم وراح ليه البيت وخبط على الباب وفتحت ليه سميه
سميه :- ايوه حضرتك
نادر :- اكلم عاصم
سميه :- اقوله مين
نادر :- قوليله المحامى بتاع نيره
سميه :- بستغراب محامى
نادر :- ايوه ممكن اكلمه
سميه :- اتفضل خش
نادر :- دخل وسميه قفلت الباب وراه ودخلته اوضة الاستقبال وقفلت الباب وراحت الاوضه لعاصم
عاصم :- وهو نايم على السرير مين يا قلبى
سميه :- بيقول المحامى بتاع نيره
عاصم :- ارتبك ها ا.ا.اه وقام لبس بنطلونه وتيشرت وقال ليها خ.خ.خليكى انتى هنا متطلعش بره
سميه :- حاضر
وخرج عاصم من الاوضه وراح اوضة الاستقبال ودخل وقفل الباب وراه
سميه :- طلعت ووقفت وراه الباب علشان تسمع
عاصم :- نعم جاى ليه
نادر :- جاى اقولك ليه تعمل كده فى اختى هتستفاد ايه
عاصم :- انا معملتش حاجه اختك تستاهل اللى حصلها
نادر :- تستاهل اللى حصلها ليه علشان حفظت على نفسها منك علشان مردتش تبيع نفسها ليك علشان محترمه علشان طيبه وبتأمن للناس بسهولا وفى الوقت ده رن التليفون بتاع نادر وكان وليد
وليد :- انت فين يا نادر
نادر :- انا فى بيت اللى اسمه عاصم
وليد :- قول العنوان
نادر :- قال العنوان لوليد
وليد :- ربع ساعه واكون عندك وقفل معاها
عاصم :- انتو ناوين تعملو اجتماع عندى بقى
نادر :- ومش هنمشى من هنا غير لما تيجى معانا وتبرئ اختى وطلعها من القسم
عاصم :- ههههههههههه ده انت ساذج اوى ده الواضح ان عيلتكم كلها فيها عرق العبط ده
نادر :- اتغاظ منه وقام خنقه وقال لا وكمان فى عرق الصعايده الحامى واللى لو مااتعدلتش كده وجيت خرجت اختى هتشوفه بجد
وفى الوقت ده وصل وليد وفتحت ليه سميه ودخلته الاوضه عند نادر وعاصم وكان عاصم وشه بدء يزرق من الخنقه
وليد :- دخل يجرى وحاش عاصم من ايد نادر وقال ايه اللى انت بتعمله ده انت كده مش هتخلص اختك انت كده هتلبس نفسك قضيه وقعد نادر وقال اهدى كده وسبهولى
نادر :- قعد وقال اعمل حسابك انا اختى مش هتنام فى القسم ولا يوم واحد
وليد :- ومين قلك هتبات وبص لعاصم وقال ما هو زى الشطوره كده هيقوم معانا وهيجى يتنازل عن المحضر يا اما هو عارف ايه هيحصله وهو جرب ايدى امبارح
عاصم :- انتو مفكرين كده انكم بتخوفنى وهسمع كلامكم لا ده بعنكم ومش هروح اتنازل
وليد :- حلو خليك على كلمتك بس اعمل حسابك مفيش شركه تانى ومن الصبح هتكون متشمعه وبلاغ بأوراق رسميه ان اللحوم اللى بتستوردها فاسده ودى قضيه وتانى حاجه متهرب ودى قضيه تانيه وكمان قرار صغنون من وزارة الصحه ان فى وفيات تسمم بسبب اللحوم بتاعتك ودى اعدام وحبايبى كتير الصراحه وكله نفسه يخدمنى والاوراق هتكون موجوده وكله بالقانون
عاصم :- اتوتر وقال م.م.متقدرش تعمل حاجه
وليد :- هههههههههه دمك خفيف يا مضروب ومسكه من لاقيته وقال ده انا الحكومه يلا
عاصم :- حتى لو الحكومه مفيش ولا شاهد
سميه :- دخلت وقالت لا فى انا هشهد عليك بقى انا ياواطى بعمل كل حاجه علشانك وفى الاخر تجرى وراها هى
عاصم :- سميه ايه اللى انتى بتقوليه ده
سميه :- ايوه سمعت كله دلوقتى
وليد :- حلو واهو بقى معانا شاهد مهم فى القضيه ها قولت ايه هتتنازل عن القضيه ولا تشرف فى السجن مد حياتك
عاصم :- ها لالالالا هروح اتنازل
وليد :- بص بصت انتصار لنادر واخد عاصم هو نادر وراحو على القسم واتنازل عاصم عن القضيه وروحت نيره على البيت مع نادر ووليد راح على الفندق
……………………………………………………
بقلمى (دودو محمد )
«تائهه فى بحور الذكريات»
الفصل السابع عشر
عند نرمين جهزت نفسها للحفله والباب خبط
نرمين :- فتحت الباب
تقى :- نهارك اسود انتى لسه مجهزتيش
نرمين :- انتى اتعميتى ولا ايه ما حهزه اهو
تقى :- الله يحرقك يا شيخه فى واحده تحضر حفله ببنطلون جينز
نرمين :- اه انا
تقى :- انتى مفروض فنانه وعندك احساس بس العكس الصراحه معندكيش ريحة الاحساس وزقتها وقالت ليها خشى يا نرمين
نرمين :- بت انتى اتلمى ويلا علشان منتأخرش
تقى :- على جثتى تروحى الحفله بالمنظر ده وقعدتها على السرير وبصت على هدومها وقالت يخربيتك معندكيش ولا فستان
نرمين :- لا وريحى نفسك علشان مش هروح غير كده
تقى :- طلعت تجرى وخرجت من الاوضه وقفلت على نرمين بالمفتاح
نرمين :- افتحى يا تقى افتحى بدل ما افتح دماغك واعدت تخبط على الباب وبعد شويه الباب اتفتح
تقى :- فتحت ودخلت راسها من الباب وقالت خليكى عارفه ان البلد فيها قانون اوعى تتهورى عليا
نرمين :- شدتها ووقعتها على السرير وقعدة تضرب فيها وتقول بقى انا يابنت ال تقفلى عليه الباب ده انا هطلع روحك فى ايدى
تقى :- من تحت ايد نرمين احنا اسفين يا صلاح خلاص يابنت المفتريه دراعى ازرق
نرمين :- قامت وقالت احسن علشان بعد كده متستظرفيش عليا
تقى :- قامت من على السرير وقالت ااااااااااه ربنا على المفتريه خدى يا اختى
نرمين :- ايه ده
تقى :- انتى شايفه ايه فستان من بتوعى
نرمين :- لا يعنى لا مش هغير على جثتى
وبعد شويه
تقى :- اثبتى شويه علشان اقفل سوستة الفستان
نرمين :- انا مش بحب الفساتين خلينى البس هدومى التانيه
تقى :- طب والله الفستان عليكى احلى من عليا شكله تحفه
نرمين :- طب يلا علشان البس الطرحه علشان هنتأخر
تقى :- نونه حبيبت قلبى هحط ليكى ميكب خفيف اوى
نرمين :- اهو ده المستحيل مش بحبه ولو اتكلمتى نص كلمه هخش اغير ومش رايحه الحفله خالص
تقى :- لالالا خلاص بس حطى كحل وروج والله مش هقولك حاجه تانى
نرمين :- لبست الطرحه وحطت كحل وروج
تقى :- صفرت ببؤقها وقالت مزه مزه والله لو كنت راجل كنت طلعت بيكى على المؤذون حالا
نرمين :- هههههه طب الحمدالله انك بنت علشان لو كنتى راجل كان زمانك هتبقى متكسره فى المستشفى
تقى :- ها لالا الف حمد وشكر ان انا بنت
نرمين :- طب يلا بينا
ونزلت هى وتقى وكان عمرو مستنيهم
عمرو :- اول ما شفهم صفر ببؤقه وقال ايه الجمال ده طلقه يا بنتى
تقى :- بكسوف ميرسى
عمرو :- زقها وقال يااختى اتنيلى انا مش بقولك انتى انا بقول للغزال ده وشاور على نرمين
نرمين :- وهى بتكتم ضحكتها ميرسى يا عمرو
تقى :- اتغاظت😣😣 وقالت كده ماشى يا عمرو ومشت وسابته
عمرو ونرمين :- ضحكه عليها ههههههههه هههههههههههههه😂😂
عمرو :- جرى وراه تقى وقال خدى يابت والنعمه طالعه عسل يابت هقولك
نرمين :- ههههههههههههه مجانين ومشت وراهم ووصله التلاته للحفله
وقعدة نرمين على التربيزه ومتحركتش وبعد وقت جه ادم ومعاه نهى
تقى :- لا كده كتير وراحت لادم وقالت انت جاى ليه
أدم :- تبع الدكتوره نهى اصل هى اللى منظمه الحفله دى
تقى :- نعممممممم ازاى يعنى ده اللى منظم الحفله الشباب هنا
أدم :- ماهو الشاب اللى نظم الحفله يبقى اخو الدكتوره نهى وهى ساعدته
تقى :- لا والله يا محاسن الصدف يا اخويه
ادم :- دور بعينه على الطربيزات على نرمين وجت عينه عليها وانبهر بجمالها رغم باسطت اللى هى حطاه بس كانت فى قمة الجمال
نهى :- قربت على ودن ادم وقالت بلاش تبص عليها كده احسن عنيك فضحاك وكل اللى بنعملو هيروح على الفاضى
نرمين :- عنيها جت على ادم واتصدمة لما شافت معا نهى وحبست الدموع فى عنيها لما شافت نهى مقربه جدآ لادم وبتكلمه فى ودنه
تقى :- راحت لنرمين وقالت ولا يهمك وانبسطى بالحفله
نرمين :- وهى بتحاول تكون طبعيه عادى انا مش شغله بالى بى اصلا
وفى الوقت ده جه ادم وقال سورى يا جماعه لو هنزعجكم بس مفيش مكان فاضى غير على الطربيزه دى وهنقعد عليها انا ونهى
تقى :- بقرف لا مفيش ازعاج ولا حاجه
نهى :- بدلع ميرسى يا تقى يا حبيبتى طالعه كلك ذوق زى دومى
تقى :- بضحكة قرف هههههه ده من زؤق بس
نهى :- دومى حبيبى ممكن تدينى الميه اللى جمبك دى
ادم :- من عنيه يا نونى واداها الميه
نهى :- تسلملى يا قلبى وشربت الميه وحطتها قدمها وقالت اوه سورى يا حبيبتى مأخدش بالى منك مش انتى نسمه باين
نرمين :- لا نرمين ومفيش مشكله اصلا انا معرفكيش علشان اسلم عليكى
ادم :- وتصدقى انا كمان يا نونى نسيت اسلم عليها اذيك يا نرمين اهو انا تعرفينى علشان تسلمى عليا
نرمين :- الحمدالله احسن من الاول بكتير واكيد اعرفك يعنى ده انت اخ عزيز على قلبى اوى
ادم :- وانتى برضه اخت عزيزه وفى الوقت ده الاغانى السلو اشتغلت
نهى :- مسكت ايد ادم وقالت تعالى نرقص يا دومى
ادم :- مشى معاها وقال يلا يا نونى
نرمين :- كانت قعده وهطق من جنبها
تقى :- يابنتى براحه على نفسك ده انتى هتتشلى وانتى قعده
نرمين :- على ايه يا اختى انا ولا هتشل ولا حاجه وقامت من على الطربيزه
تقى :- ربنا يستر ومشيت
عند ادم ونهى
نهى :- هههههههههههه البنت هتموت من الغيظ والله صعبت عليا
ادم :- احسن علشان اكسرها تكبرها ده وعنادها
نهى :- بس حرام ده باين عليها بتحبك اوى
ادم :- حتى دى بتعاند فيها ومش عايزه تعترف بحبها ليا
نهى :- ده مش بعيد تقتلنى وتولع فيا كمان
ادم :- هههههههه الصراحه مجنونه وتعملها
نهى :- منك لله يا ادم وسيبنى اعمل كده ده الشرار بينط من عنيها
ادم :- ههههههه لا اجمدى كده لسه احنا فى اولها التقيل جاى وراه
نهى :- ههههههههه ربنا يستر
وفى الوقت ده لاقها جايه ومعاها عمرو وبدءة ترقص معاه
ادم :- لنفسه يابنت ال بقى بترقصى مع واحد غريب ودينى لاوريكى
نهى :- مالك
ادم :- شاور بعينه على نرمين
نهى :- بصت مكان ما بيشاور ولاقت نرمين بترقص مع واحد
ادم :- بتغظنى بنت المبقعه
نهى :- ههههههههههههه من حفر حفره لاخيه وقع هو فيه
ادم :- ده انا هنفوخها
نهى :- اهدى كده هى بتعمل كده علشان تستفذك وانت لو اتعصبت هضيع كل اللى بنعملو وهتعرف انك لسه بتحبها وبتغير عليها
ادم :- مش قادر استحمل هطق يا نهى مش مستحمل اشوف ايد راجل عليها
نهى :- لا ابوس ايدك اهدى كده وانسى
ادم :- قعد يبص عليهم والشرار هينط من عنيه
عند عمرو ونرمين
عمرو :- الله يخربيت شورتك السوده ده شكله ناوى يولع فيا
نرمين :- ما تجمد كده يا ابنى واسترجل
عمرو :- ايوه يا اما ما انتى مجربتيش ايده دى مرظبه يا اما ده لحد دلوقتى سايبه اثر فى وشى
نرمين :- تبقى تشرب بريل
عمرو :- ليه هيضيع اثر الضربه اللى فى وشى
نرمين :- لا علشان تسترجل شويه
عمرو :- تصدقى انك واطيه يعنى انا مضحى بحياتى ورامى نفسى فى الخطر علشان خاطرك وتقوليلى استرجل منك لله انتى وهو واخته بالمره بسبب المرمطه اللى شايفه على ايديكم يا بعده ربنا على المفترى
نرمين :- طب ارقص وانت ساكت
عمرو :- حاضر اتكتمت اهو اتكتمت
……………………………………………………
عند وليد فى الفندق
دخل اوضه ورمى نفسه على السرير وحط ايده على وشه وقال
وليد :- ااااااااه يارب انا غلط فى حقها وظلمتها يارب سامحنى على الظلم ده
انا تهورت وحكمت عليها بسرعه وارتكبت ذنب كبير وظلمتها وفى الوقت ده الباب خبط قام من على السرير وراح يفتح الباب
رقيه :- انا زعلانه منك انتى
وليد :- هههههههه لالا كله الا زعلك
رقيه :- علشان انتى سيبتى اللى انا لوحده
وليد :- معلش يا رقيه كان عندى كذا شغلانه كده كنت بخلصهم
رقيه :- ههههههه انا مش اعرف يزعل من انتى
وليد :- يعنى كنتى بتشتغلينى انتى اتعديتى من المصريين ولا ايه
رقيه :- ههههههههه اللى انا يحب الهزار المصرى داد كانت تهزار مع اللى انا كده
وليد :- هههههه بتحبى الهزار المصرى دى مصر كلها بتحبك
رقيه :- ههههه انتى خلبوصه
وليد :- انا ده انا غلبان
رقيه :- انتى عسل بس ممكن انتى تآكل اللى انا
وليد :- اوك يلا ونزل وليد ورقيه ياكلو
……………………………………………………
فى بيت محمد إبراهيم
كانت نيره قعده فى الاوضه وعلى سريرها وضمه رجليها لصدرها وعماله تعيط وتقول
نيره :- ليه ليه تملى الطيب ملهوش نصيب فى الدنيا ليه تملى الكل يدوس عليه انا تعبت مش قادره على العيشه فى الدنيا دى ولا عارفه اتعامل مع البشر يارب خدنى وريحنى بقى وفى الوقت ده سمعت الاذان وكأنها اشاره من ربنا بيصبرها بيه وبيطلب منها اللجوء لله
نيره :- استغفرت ربنا وقامت من على سريرها دخلت اتوضة وطلعت صلت فرضها وصلت ركعتين لله ومسكت المصحف وقعدة تقراه فيه
……………………………………………………
فى الحفله عند نرمين وادم
خلصو رقص والكل قعد على طربيزه واحده
نهى :- الله ينور عليك يا دومى كان راقصك فظيع
ادم :- ميرسى يا قلبى
نرمين :- لا يا حبيبتى ده الرقص اسهل ما يمكن ده لو طبلتى لقرد هتلاقيه يرقصلك قسمآ بالله
الكل كان بيكتم فى ضحكته معاد ادم اللى كان متغاظ منها
ادم :- اه تصدقى وبالاماره كنتو انتو الاتنين شبه القرود بالظبط وانتو بترقصو مع بعض
نرمين :- لا حاسب مش كل القرود زى بعض فى قرود بتبقى نضيفه وواخده على الغالى وفى قرود بلدى معفنه مهما تستحمى هتفضل جربانه
ادم :- قصدك ايه
نرمين :- مش قصدى حاجه واللى على راسه بطحه هو ده اللى بيحسس عليها
نهى : - علشان تهدى الوضع شويه
قالت اهدى يا حبيبى هى مش قصدها حاجه
عمرو :- صح والله المزه دى بتفهم وبعدين انتو ليه قلبتوها جبلاية القرود كده احنا عايزين ننبسط
تقى :- كانت متغاظه من عمرو وقالت طب اهدى بدل ما انططك على الشجره
عمرو :- ها😒😒 احم احنا اسفين يا كبير
نرمين :- بدلع مورى
عمرو :- ها
نرمين :- ممكن بس تيجى توصلنى الحمام احسن الشباب هنا مش مبطلين معاكسه فيا من ساعة ما جيت
عمرو :- احلفى انتى بتكلمينى انا
نرمين :- ضربته بكوعها فى صدره وقالت امال بكلم مين
عمرو :- اااااااه طب ليه العنف طيب اتفضلى
وقامت نرمين مع عمرو وكان ادم هيطق منهم وقام وراهم
تقى :- حلو هتحصل مجزره دلوقتى وعمرو هيتشلفط هههههههههههههه
عمرو :- وهو ماشى مع نرمين حسى بيا يحس بيكى ربنا ده بيبص ليا بعنيه هيموتنى وانا شاب وعايز ادخل دنيا
نرمين :- ما تجمد يلا انت مالك خيخه كده
عمرو :- شاف ادم جاى والشرار بينط من عنيه بص لنرمين وقال حلو قوى كمان شويه هبقى المرحوم وصيتك امى والعيال اللى مخلفتهمش
نرمين :- متخفش مش هيقدر يعملك حاجه
عمرو :- اسكتى يااختى اسكتى ليه بقى انتى يا قزمه هتمنعيه ولا انا صوبع المحشى هقدر امنعه والنبى اتنيلى وفى الوقت ده وصل ادم
ادم :- استاذ عمرو ممكن كلمه
عمرو :- وهو بيبص لنرمين متنسيش بقى زى ما وصتك الوداع يا مهجة القلب ومشى مع ادم
نرمين :- استنا هنا واخده ورايح على فين
ادم :- بصلها من فوق لتحت وقالها حاجه متخصكيش ومشى هو وعمرو
ورجعت نرمين تانى على الطربيزه
تقى :- فين عمرو
نرمين :- احم مع اخوكى
تقى :- اخويه يبقى الله يرحمه كان ابن ناس والله ودمه خفيف ههههههههههه
نرمين :- متخفيش ميقدرش يعمله حاجه
تقى :- هههههه اسألينى انا واللى هيحصل فيه ده ادم ماشى من هنا شعله ملتهبه
نرمين :- ههههههههه ربنا يستر بقى
وانتهت الحفله والكل مشى وعمرو مجاش
تقى :- نرمين انا خايفه على عمرو قوى
نرمين :- الصراحه وانا كمان
تقى :- طب يلا الكل مشى
وطلعت نرمين وتقى من الباب وكان ادم وقف بالعربيه
ادم :- تقى تعالى اركبى وخليها تيجى معاكى
نرمين :- روحى انتى يا تقى انا هركب تاكسى
ادم :- خليها تيجى بدل ما هى عارفه انا ممكن اعمل فيها ايه زى المره الفاتت
نرمين :- نفخت وراحت ركبت وراه وتقى ركبت جمبه
ومشى بالعربيه
تقى :- ادم
ادم :- امم
تقى :- احم هو عمرو فين
ادم :- فى اوضه
تقى :- فى اوضه سليم
ادم :- لا فى شوية خرابيش وكان بيبص على نرمين فى المرايه
تقى :- طب كويس انها جت على شوية خرابيش
نرمين :- بصت لتقى وقالت وهو بيمد ايده عليه ليه اصلا
ادم :- بص لتقى وقال وهى مالها
نرمين :- بصت لتقى وقالت لا ليا فيه مش زميلى
تقى :- لا والله وده اسمي ايه ما تقولو كلام ده لبعض
نرمين :- مبكلمش الاشكال دى
ادم :- لا حوشى يا بت انا اللى هموت واكلمك انتى مش شايفه نفسك ولا ايه ده انتى متسويش حاجه فى وسط البنات ده انتى محسوبه من الرجاله ويمكن مسترجله عن الرجاله نفسها
نرمين :- وهى بتحبس دمعتها والله انا عجبانى نفس كده واللى مش عجبه يخبط راسه فى اى حيطه وفى الوقت ده وصل ادم الفندق اللى قعدين فيه
نرمين :- فتحت الباب ونزلت من غير ما تنطق ولا كلمه
تقى :- حرام عليك يا ادم جرحت البت بكلامك
ادم :- احسن علشان تعرف مقامها
تقى :- والله يا ادم لو خسرت نرمين عمرك ما هتلاقى زيها بجد وسابته ونزلت وادم مشى بعربيته
……………………………………………………
عند عمرو كام قاعد وحاطط تلج على وشه
عمرو :- اه ياللى اتكسرت ياانى اه ياللى مبقدش انفع ياانى بقى جاى اتفسح يوميآ مع البت بتاعتى اتشلفط كده واقضيه فى السرير جات الحزينه تفرح ملاقتلهاش مطرح ااااااااااه
وفى الوقت ده خبط الباب
عمرو :- ايوه ياللى على الباب استنى انا جاى افتح وقام من على السرير اااااااه
والباب خبط تانى
عمرو :- ماقولنا ا ستنا ياللى بتخبط انا واحد صاحب مرض وقال وهو ماشى منك لله يا ادم يا ابن ام ادم اشوف فيك يوم يا بعيد وفتح الباب
تقى :- اول ما شافت عمرو اتفتحت فى الضحك ههههههههههههههههه ههههههههههههههههههههه
عمرو :- بتضحكى منك لله انتى واخوكى ربنا على المفترى يا بعده اشوف فيكم يوم
تقى :- وهى بتكتم ضحكتها ادم اللى عمل فيك كده
عمرو :- لا دى ناموسه قرصتنى
تقى :- هههههههههه ده انت مدمر ياابنى
هو ايه اللى حصل
عمرو :- بعيد عنك اخدنى فى مكان مفهوش صريخ ابن يومين وعنيكى ما تشوف الا النور بس شهاده لله طلع كريم معايه ساب ليا دراع سليم
تقى :- ههههههههههههههههه وجيت هنا ازاى
عمرو :- ما هو لما طحنى واخد العلقه السخنه جابنى هنا بعربيته وكتر خيره انقذ ما يمكن انقاذه منى بس مش عارف ليه حاسس بهوا عند سنانى
تقى :- هههههههههههههههههههه
عمرو :- انتى بتضحكى لا بجد ليه
تقى :- ههههههه وهى مش قادره تمسك نفسها من الضحك اصل عندك سنه اتكسرت
عمرو :- نهاركم اسود ومنيل كل الا سنانى ودينى ما انا سايبه ااااااااه
تقى :- اهدى بس وانت مش قادر تتحرك والمرادى لو رحت فيها موتك
عمرو:- انا بقول استنى شويه لما اشد حيلى تعالى يا بنتى سندينى ووصلينى للسرير
تقى :- هههههههههه تعال وسندته
عمرو :- بقولك ايه ما تجيبى بوسه
تقى :- زقته على السرير وقالت يا اخويه اتنيل انت قادر تصلب طولك
عمرو :- ااااااااه يابنت المفتريه هلاقيها منك ولا من اخوكى كان يوم اسود لما عرفتكم
تقى :- كده والله اروح اجبهولك
عمرو :- ها لالالا يا توتى ده انا عموره حبيبك
تقى :- هههههههه ايوه كده اتعدل ناس متجيش غير بالعين الحمرا
عمرو :- ربنا على المفترى
تقى :- بتقول حاجه يا حبيبى
عمرو :- بدعلكم يا حبيبتى بدعلكم