رواية دنيتي انتي الفصل الرابع 4 بقلم جيجي
٤...عز قال.. ما قدرتش انا ما قدرتش اسيبك في الحفله واكسر فرحتك واحلامك ما حبتش اكسرك انت مش ذنبك في اللي حصل ده كله فكملت الحفله بس ماما زعلت وقالت انها لا ربت ولا خلفت يعني باختصار تقدري تقولي اتبرت مني
دنيا قالت ....مستحيل بابا يعمل كده انا متاكده يعني بابا مستحيل يكون اخد الفلوس بتاعتكم بعدين ازاي يعني كده باباك معاهوش ورق او اى دليل مع مامتك
عز قال ... لا ما فيش هم ما كانوش بيجيبوا ورق هو بابا كان بيفهم في الشغل ده كويس باباكى كان معاه الفلوس جاب الشركه بس هو كان فاشل اول ما يفتح الشركه بتقفل بتفلس على طول ما بيعرفش يديرها لاكن لما بابا فتحها فى نفس السنه اللى فتحها فيها كبرت ونجحت شغل فيها ناس موثوقه ناس بتفهم في الشغل لان ابوكى كان مخربها واما مات بابا
ابوكى قال... يعني ان هو زيه زي اي مدير او موظف شغال عندي وانكر انه شريك معاه مع ان هو لما اشتغل هو وبابا من الاول قالوا ان انت هتبقى شريك معايا انا هفتحها وانت بالمجهود بتاعك و اول ما الشركه تنجح اخد انا فلوس عادي قد اللي انت هتاخدها والارباح اللي هتطلع
هنشيلها على جنب لحد ما نجمع ثمن الشركه اللي انا دفعته واخده انا مكان فلوسى وتبقى بالنص وده حصل الشركه بقت بالنص بس لما بابا اتوفى هو ماادلناش حاجه ولا مكان في الشركه ولا ادانا فلوس الشركه دي اللى بابا دفعها مع بابا كان يشتغل اكتر بس بابا قال ..هيدفع
بس دنيا قطعت وقالت..... والفلوس دى طبعا ال10 مليون حق المهر مش كده
عز قال ....بالظبط الفلوس اللي حطها بابا كانت 10 مليون جنيه وسكت شويه
وقال.... بس انا حبيتك حبيتك قوي يا دنيا هو كان المفروض انك انتى اللي تقعي في حبي عشان تبقوا لعبه في ايدي وكل اللي اقوله يحصل وكل اللي اخططله وارسمه يحصل بس السحر اتقلب عليا وانا اللي وقعت فى حبك وقعت لدرجه ان خططي كلها فشلت قدام عيني ومش قادر اعمل حاجه لا قادر اكمل ولا قادر اكسرك
المفروض انى اضايقك عشان ترفعي خلع وتديني المؤخر بتاعي ال 10 مليون يعنى بس حتى دي مش عايزه تحصل مش عايزك تمشي مش عايزك تبعدي عنى
دنيا قالت ببكى..... انا مش عارفه دلوقتي افرح ولا ازعل مش عارفه افرح لانك بتحبني وانى اخيرا اتجوزتك ولا انا عارفه ازعل لان كلام بابا طلع صح وانا طلعت بالنسبالك مجرد وسيله للانتقام توصل بها لبابا مش اكتر ولا عارفه انت فعلا بتحبني بعد كل الكلام اللي قلتهولي
هو انت لما قولتلى انك بتحبني وانك عايزني انا الكلام ده كله كنت بصدقه و انت كل اللى كان في دماغك بس انك تخليني احبك حطمت ثقتى انا مش قادره اصدقك حتى لو انت مش بتكدب دلوقتى روح يا عز انا مش عايزه اشوفك بس سكتت شويه
وقالت....لا انت مش هينفع تمشى دلوقتى ما احنا اتجوزنا قدام الناس مش هينفع تمشي دلوقتي علشان سمعتى طبعا ده لو تهمك فعلا زي ما بتقول شهر كده وامشي وانا هخلي بابا يرجعلك فلوسك ما تقلقش مش علشانك على فكره لا عشان الفلوس دي بتاعته باباك يعني وكده حرام لو اخدناها وانا ما اقبلش على نفسي اعيش بحاجه حرام انت لو كنت قلتلي من اول يوم انا كنت ساعدتك مكانش في داعى تورط نفسك وتورطني معاك ما كانش في داعي انك تكدب عليا وتخليني اسيب بابا واسيب البيت واروح معاك واصدقك
بس افترض ان انت ما حبتنيش وانك قدرت تسيبني في الحفله وتمشي عارف انا كان هيبقى شكلي ايه عارف الناس هتقول عليا ايه عارف انا كنت هعيش بعدها ازاي طب وحتى لو بابا سابني وحبيتو ترجعوني ولا انا متجوزه ولا مطلقه وراجعه بفضيحه ليه تعملوا فيا كده وتكسر قلبي ده انا كل كلمه قلتهالي وقتها انا صدقتك فيها صدقت انك بتحبني وانك عايز تتجوزني صدقت ان انا لقيت الحب الحقيقي حب حياتي اللي هعيش بيه وانت كنت بتفكر وقتها انك تغدر بيا وتعمل فيا كده طيب ليه انا ذنبي ايه انا لا شفت باباك ولا شفت بابايا وقتها ولا شفت الفلوس اللي اتقسمت على الفلوس اللي اتاكل حقكم فيها انا تقريبا ما كنتش اتولدت اصلا فى الايام دي ليه تعملوا فيا كده انا ذنبي ايه روح من هنا يا عز لو سمحت انا مش عايزه اشوف وشك
بس لا انت مش هينفع تروح دلوقتي ومسحت دموعها
وقالت بجمود......صح روح الاوضه اللي كنت فيها ما تجيش اوضتي ابدا وطلعت على اوضتها ودموعها على خدها عز كمان دموعه خانته ونزلت بحرقه في صباح يوم جديد كانوا كلهم على طاوله الفطار وعز كان طالع بره البيت بس ما لقاش دنيا معاهم على السفره
سامي قال بسخريه ..... ايه ده انت نازل من غير مراتك ليه في دنيا
عز قال.. فوق انا هطلع اناديها اهوه
سامي قال.... انت كنت بايت في اوضه تانيه ولا انا بيتهيالي عز طلع من غير ما يرد عليه و راح عند دنيا و خبط على الباب
ودنيا قالت...مين عز فتح الباب ودخل
ودنيا قالت.. بغضب انت ايه اللى جابك هنا اطلع بره انا مش عايزه اشوف وشك عز قعد جمبها
وقال... شوفي يا دنيا انا شرحتلك اللي حصل كله تمام انا اسف انا
بس دنيا قاطعته وقالت .....انت واحد كذاب انت غشيتنى انت لو فاكر ان عشان انت جيت وقلتلى الموضوع وحكيتلي انا مش هزعل منك وهقول لا هو حكالي هو قالي لا انت كدبت كذبت عليا لما قلتلي انك بتحبني لما قلتلي انك عايز تتجوزني عشان انت بتحبني لما قلتلي ان انا ما ليش اي دعوه وان انا مش زي ما باباكي فاكر ان انا طمعان فيكي انتى عندي اهم من فلوس الدنيا انا عايزك لو تعيشي معايا في البيت ده انا عايزك فاكر طبعا ما لحقتش تنساه انا دلوقتي كارهاك ومش طايقه اشوف وشك تمام خليك في حالك بقى لحد الفتره دي ما تخلص وتروح من خلقتي
عز قال.. لا انا مش همشي ومش هسيبك انا عايز اقعد هنا معاكي انتى مراتي وعلى ذمتي لحد ما تطلبي الطلاق ونتطلق انا مش هسيبك لوحدك تمام
دنيا قالت بسخريه ....كتر خيرك والله لا بجد كتر خيرك يعني مش عايز تسيبني وانا زعلانه ليه هو كان مين اللي زعلني مش حضرتك روح من هنا يلا
عز قال.. قلتلك مش همشى انتى مراتي وانا قاعد مع مراتي حاوط وسطها بايديه
وقال.. انا بحبك تمام ومش همشي حتى لو انتى طلبتى مني كده صح انا في الاول كانت نيتى وحشه بس حبيتك ما تفكريش انك لو قلتيلي امشي هقدر امشي لان انا لو كنت اقدر امشي ما كنتش زعلت امي علشانك فحاولي تتاقلمي مع الوضع خلاص انت لبستيني وعلى ذكر اللبس بقى الهدوم اللي احنا جبناها دي مشؤمه على فكره ملحقتيش تلبسيهملي شوفي من وقت ما جبناهم وانت ضاربه بوز لا وبوز مصري اصيل كمان مش اي بوز بس دنيا بصتله بغيظ
وقالت.. ده اللي همك في الوضع اللي احنا فيه
عز قال.. اي حاجه تخصك تهمني لان انتى تهميني يلا بقى تعالي عشان نفطر سوا قلتلك انتى اللي بتخلينى اتحمل شوفت ابوكى على الصبح
دنيا قالت ....اتلم وما لكش دعوه ببابا
عز قال.....طب يلا ولا انتى عايزاه يشوفني وانا نازل من الاوضه التانيه او نازل من غيرك ويقولي فين دنيا واقوله ان هي مخصمانى وانها عرفت ان انا غشاش وان انت كان عندك حق كل ده ليه كده هتزعلي يلا
دنيا قالت.... لا وانت خايف على زعله قوى يلا
عز قال...... لا طبعا خايف على زعلك انت يا جميل انا كله يهون الا زعلك انت الناس اللي في الدنيا ديه كوم وانت لوحدك كوم يعني هم يزعلوا اه انتى لأ انتى لو زعلتى القلب يبطل دق
دنيا ابتسمت بخفه وعز قال.... ايوه كده طب شوفي الشمس قصادها غيمه من الصبح لولا ابتسامتك بس لولا ماظهرت يلا بقى انزلى معايا
دنيا قالت.... خلاص نازله مش علشانك على فكره نازله علشان بابا بس
عز قال....لا عشان بابا عشان ماما كلو بطيخ انتى نازله عشاني عشان انا ما هنتش عليكى يلا بقى
دنيا قالت...كده طب مش نازله ها
عز قال...لا لا وعلى ايه بابا بابا يلا ونزلوا سوا و كانوا قاعدين على طاوله الفطار
دنيا قالت.... بابا انت هتدى لعز الفلوس بتاعته ال10 مليون اللي دفعهم ابوه هو مش كان صاحبك ازاي هتاكل فلوسه
سامي قال.... انتى بتصدقي ده ابو ما ادانيش حاجه الفلوس اللي حطهم احنا خسرناهم من اول ما حطهم دى فلوس دي بتاعتي انا
دنيا قالت..... بابا لو ليه فلوس اديهاله ماشي علشان خاطري انا كفايه قوي ان اللي انت عملته انا اللي دفعت تمنه تمام فلو سمحت اديله فلوسه وارميهم في وشه كده على الجزمه وخليه يغور من هنا
سامي قال بفرحه.....ايه يعني انتى عايزاني اديله الفلوس علشان عايزه يمشي
دنيا قالت ...امم
سامى قال.....ده انا بدل ال10 مليون هديلو 11مليون وما اشوفش وشه في البلد كلها
عز قال....لا البلد مش ماشيه منها ابدا البلد قاعدلك فيها عشان البلد مش بتاعتك ولو غيرت رأيى ومشيت من البلد هاخد مراتي معايا مش كده يا دودو
دنيا قالت..... خلصوا حساباتكم دي بعيد مني لو سمحتوا اما تخلصوها قولوالي
عز قال....اي حاجه تتم الا بعدك خليكى فاكره الموضوع ده كويس يا دنيتى
دنيا قالت..... انت لو تحل عني وتخليني انساك اكون شاكره افضلك
عز قال.... طيب انت شوف فلوسي واكتبهملى وانا معايا مشوار كده لحد امى عشان اقوللها ان انت هتديني فلوسي عشان نخلص الموضوع ده عشان امي قالت إنها هتكمل لوحدها ماشي وانا عايز اطلع دنيا من الموضوع ده شوف ده مش وقت نختلف فيه انا وانت خالص انا خايف على دنيا وانت كمان خايف عليها مصلحتنا هنا واحده لازم نبعد دنيا
سامي قال.. ماشي بس اخلص عز مشى وبعد وقت كان وصل عند مامته
وقال.... ماما سامى بيقول ان هو هيدنى الفلوس بتاعتي ال 10 مليون كلها فلوس بابا يعنى علشان خاطري انا انا عايز اكمل مع دنيا ماشى يا سموحه ايه مش هتقدري تنسي علشاني
سماح قالت ....بتحبها ولا صعبانه عليك
عز قال..... احيه ليه السؤال ده عملتى ايه في البنت يا سماح
سماح قالت.... خطفتها هقول لابوها لو ما ادانيش 20 مليون مش 10 مش مرجعاه تانى بس يعني انا موقفه ثلاث اربع رجاله كده عليها كانو مستنينك تنزل ويشقطوها كنت متاكده انك مش هتسيبني زعلانه يعني حديلك العنوان و تروح تلحقها