رواية اسرار خلف الأبواب الفصل التاسع والعشرون 29 بقلم نوسه حمد
غيث قال لي نوسه قبلت عليهو وهو كان شايل كريم نزلو في الارض ومسكو من يدو وجاني قال لي ماشه وين قلت ليهو الجامعه عندي محاضرات عاوز حاجه قال لي جامعه شنو ومحاضرات شنو اتزكرت انو هو م فاهم شي كان قلت ليهو بتاخر عاي المحاضرات انا كلمت البت تجهز ليكم الاكل ودايره اطلع مسكني من يدي قال لي عارفه اني م بحب الاكل الا من يدك فكيت يدو وقلت ليهو وانا برجف دا كان زمان ي غيث قال لي زمان شنو ومالك بتتكلمي كده واسلوبك بقا كده اتزكرت شخصيتي الزمان قعدت اضحك قلت ليهو اول شي حمد لله ع السلامه انك رجعت غيث وتاني شي بس عايزه انبهك تنبيه بسيط غيث انا وانت منفصلين تالت شي نسيبه الزمان المسكينه البتودي فيها بهنا وبهنا ديك مااتتتتتت انا نسيبه غيرتني تجربتها الزوجيه السيئه معاك قال لي دا كلام شنو قلت ليهو غيث انا محاضراتي بتفوتني انا ح اتصل علي سفيان يجي يتفاهم معاك قال لي سفيان الجابو من بورسودان هنا شنو قلت ليهو دا علي اساس انو دي شقتنا بقا يعاين للشقه واولادي صحو يبكو البت جابتهم بره قال لي ديل منو ودي منو حسيت انو طاشي شبكه قلت ليهو دي البت الشغاله معاي وديل كرم ومنه اولادي قال لي اولادك كيف يعني قلت ليهو انت قلت انهم م اولادك وكنت ح تشتكيني وترفع فيني بلاغ قال لي منو انا قلت ليهو عازراك كنت م براك وانا هسي اتاخرت حاولت قاصده اني اهرب منو طلعت الشارع وكنت ببكي وحالتي سيئه جداااا ما نفسي احرجو بس لازم اتعامل معاهو بقساويه عشان يكرهني مشيت الجامعه وقعدت براي المحاضرات م دخلتهن اتصلت علي سفيان كلمتو بس غيث فرح شديد وكان مبسوط قال لي هسي بمشي ليهو قفلت منو اتصلت علي اختو مني كلمتها لمن بقت تزغرت وتكبر وتهللي واتصلت كلمت نمارق وقالت لي ح اجي مع سفيان وكانت مبسوطه قالت لي اخيرا ح اشوف زوجك يا نوسه قلت ليها نمارق غيث طليقي مازوجي انتو مالكم مبقينو زوجي انا اتطلقت قالت لي كدي هسي م تخربي لينا فرحتنا قالت لي ح نجي نقيل معاك قفلت منها واقرب رقشه ركبتها لقيت سفيان اظنو م انتظر نمارق اجيبا جا قبليها ومبسوط لمن شافني قام قال لي الف حمد لله ع سلامه الراجل اخيرا شفناهو بخير انا منططه عيوني وبعاين ليه سفيان بتعامل معاي كانو غيث م طليقي في خلعتي ديك جات نمارق وبقت تعاملني اكعب علي سفيان كاني م كنت مطلقه ومشرده بالولايات سفيان مسك من نمارق بتهاا وقال ليها ادخلي المطبخ مع البت دي انا جبتا ليكم اي شي ناس الشركه هسي بجو وانا قال لي شوفي راجلك لو محتاج حاجه صريت ليهو وشي ومشيت في عين غيث انا م عاينتا دخلت المطبخ ونمارق فرحانه بي علاج غيث وتشيل وتقول لي نوسه لمن يطلعو الضيوف ترسمي وتتميزي مسكتها من يدها قلت ليها نمارق انتي اكتر واحده عارفه اني غيث لو بقا قبله م بقبل عليهو انتو ليه عملتو كده قدام غيث كانو م مطلقني وكانو م جدعني وكانو م عرس فيني صحبتي ليه عايزين تندموني اني وقفت معاهو وعالجتو قالت لي دا م وقت الكلام دا جايننا ضيوف ارح نجهز اتمغست منها قلت ليها اها م بشتغل ولا شي م بعملو ولو جا عمر البشير غير اعاين لي مابعملي شي قعدت تضحك وقالت لي بهظار انتي زاتك عروس اقعدي ارتاحي قلت ليها ياهو الفضل كمان غيث بقا كويس دايرين تجننوني انا م اشتغلت بي طلعت قعدت في الصاله بعاين لي سفيان مع غيث وسرحانه نهاي م حسسو غيث انو هو مطلقني بس غيث حسا بي اني م طايقاهو شويه كده وجو ناس الشرقه بنات سمحات واولاد مرتبين وناس هاي سلمت عليهم برا نفس قالو لي انتي نوسه زوجه غيث م رديت عليهم قلت الناس ديل بجننوني كدي الندخل منهم جوه دخلت الغرفه وبقيت سرحانه ومتغاظه منهم عشان اتعاملو معاي كاني لسه في عصمتو واهل غيث جو مبسوطين وفرحانين وشايلين الشقه دي في راسهم انا كانو دخلت فيني حاجه بعاين بس وساكته وحتي اهل غيث بتعاملو معاي كانو م مطلقني وكلهم فرحانين الا انا اول مره احس نفسي م فرحانه اخوات غيث ونمارق جهزو الاكل وكفؤ الضيوف واخر ونسه وضحك الا انا كرهاناهم كلهم ومنتظراهم يطلعو عشان اتكلم مع غيث يشوف مكان يرحل فيها طلعو مننا بليل واهل غيث جو بي عربيه خاصه لمن جو يطلعو قالو لي خلي بالك من غيث وربنا يسعدكم قلت ليهم خلو يخلي بالو من روحو انا م عندي فيهو شغله حسيت عيون الناس كلها عايزه تختني امام الامر الواقع بس علي منو انا الطفحت الكيل ما بالساهل كده خليتهم كلهم طلعو وجيت لقيت غيث يصلي انتظرتو لمن خلص وكنت شايله ولدي كرم ومنه كانت نايمه قلت ليهو غيث من بكره تشوف مكان غير دا انا م بقدر ارحل واتجهجه اولادي صغار خفيف انت اطلع قال لي اطلع ليه نوسه انتي مالك قلت ليهو شنو المالي لو هم هسي عملو فيها انو انا وانت م منفصلين عشان يختوني امام الامر الواقع م ح يقدرو ولا انت ح تقدر ومن بكره تشوف مكان غير دا دخلت في الغرفه واديتو الباب في وشو بقا يطق لي فيهو قلت ليهو لو سمحت عندك غرفه اترزع فيها لغايه ما الصباح يصبح واطلع ليك انا مدام م عايز تطلع انت دخلت غرفتي وكنت ببكي اكتشفت انو م عندي مقدره عشان ارجع لي غيث ومن جواي بقيت م عايزاهو اتصلت لي سوسن وريتا قلت ليها سوسن غيث طبعا بقا كويس قالت لي انتي جاده بركه والله لي اولادو قلت ليها الله يبارك فيك وانا بقيت معاهو براي لانو اختو زوجها قال ليها لو م جيتي طلقانه وهو كانو م مطلقني وكل م حاول يتكلم معاي وقفتو وم كده اهلو جو ونمارق وسفيان وكانو بعاملوني كاني انا زوجتو ولسه في عصمتو قعدت تضحك قالت لي الناس عاوزنكم ترجعو لبعض قلت ليها م علي كيفهم وين كانو لمن رما علي يمين الطلاق قالت لي كان م واعي ي نوسه وهسي غيث وعا يعني ح يرجع ليك غيث الزمان اسمعيها مني بدل تجهجهي وتجهجهي اولادك ارجعي لي راجلك لكن م بي اسلوبهم العملو ليك دا تجي هنا معززه مكرمه ويجي هو يكلم ابوي وتفكري وتديهو رد قلت ليها سوسن افكر شنو انا هسي مجرد احساس انو مطبول علينا شقه عايزه استفرغ غيث خلاص ماعندو مكانه جواي انا م عايزاهو ولا عايزه غيرو انا عايزة اتعلم واربي اولادي يكبرو هم البسندوني م عايزه راجل في حياتي قالت لي ماف واحده بتعيش من غير راجل عشان كده م تكذبي علي نفسك ساي عقلي روحك قلت ليها لا وانتي كمان عايزه تكوني زيهم كلكم بقيتو اعدائي في الحاجه دي قالت لي بالعكس نحنا كلنا مع مصلحتك افهمي ي نوسه قلت ليها انا بعرف مصلحتي وعايزه اقفل عشان انوم بكره اقوم افتش لي مكان غير الشقه دي قفلت منها وما نومتا كويس صحيت قبل يصحو وهو غيث اساسا كان صاحي دايره اطلع قال لي نوسه لمن قعدت اكورك قلت ليهو ياخ م تخلعني كل مره قال لي صوتي بقا يخلعك معقوله قلت ليهو اي لاني م متعوده عليهو عايز شنو قال لي كدي اول شي صباح الخير قلت ليهو صباح النور قال لي ممكن نقعد نتفاهم انتي مفتكره اني بستهبل عليك بس والله ي نوسه انا م فاهم اي شي ممكن تراعي للحته دي قلت ليهو خليك من الهسي والما فاهمو وانت شكلك نسيت بس انا بزكرك غيث تتزكر سلمي سكت م ردا علي قلت ليهو م بتكون نسيتا سلمي السمحتا ليها تدخل حياتك بالحرام وتدمر حياتك الحلال بس سبحان الله عداله ربنا فوق كل شي واي شي اتبنا علي باطل باطل وم كده ربنا شال حقي عقبال م اشيل حقي منها قال لي يعني انتي هسي شمتانه علي وعلي مرضي قلت ليهو لو شمتانه عليك م كان جبتك عالجتك وخليت بلدي واخترت مكان بعيد من الناس عشان م يقولو مطلقه وجدعا ومعاهو انا عالجتك لي اولادك قال لي وانتي ي نوسه معقوله نسيتيني قلت ليهو الما بنسيني شنو انت ضوقتني المره قال لي نوسه ممكن طلب الماضي خلي وراك ونبدا صفحه جديده ولو كررت الحصل دا تاني ما تعايني لي واولادي زاتهم م يسامحوني انا والله مرضي كلو سببو تفكيري فيك وفي حياتنا القديمه وحسيت في لحظه انها بقت مستحيله بس ربنا كريم ي نوسه وحقك علي والعايزه كلو بعملو ليك قلت ليها العايزاهو يا تفتش شقه يااطلع انا افتش شقه قال لي ولا واحد قلت ليهو لا انا المجبوره ح افتش شقه وارحل فيها انا واوالادي وانت ربنا يرزقك ببت الحلال تسعدك وتسعدا ومشيت منو بقيت ابكي وحسيت نفسي م فاهمه حاجه ورافضه تماما فكره وجود غيث في حياتي خلصت محاضراتي ورجعت متاخره لقيت غيث منتظرني ولابس ملابسو رجع غيث الزمان قال لي نوسه انا ح امشي طالما انتي م طايقاني وح اخليك تفكري قلت ليهو بتمش وين لكن قال لي عندنا هنا السكن بتاع الشغل ح انزل معاهم عشان عاوز انزل شغل وعايز اقول ليك انا لو قعدت ميه سنه ح اكون منتظرك انتي واولادي ومن بكره كل حاجه بتخص اولادي ومصاريفهم ح تجيك حدي عندك واكتبي لي كل مستلزماتهم والحاجات البحتاجوها وتصلك باذن الله انا كانو مرجعني الفرع الفي الخرطوم بس طلبت منهم اقعد هنا م بخليك براك قلت ليهو لو علي انا والله امش ساي نمارق جنبي وانا اتعودتا علي بورسودان قال لي لا م بمشي لغايه م تخلصي جامعتك وع فكره مبسوط انك رجعتي للقرايه الف مبروك النجاح عقبال م نفرح بتخريجك قلت ليهو امين يارب تسلم شال شنطتو وودع اولادو وفات كريم بكا بكا قطع قلبي بقا اقول ليهو بابا انا ماشي معاك غيث يبكي وكريم يبكي البت الحبشيه الشغاله لي قالت لي حرام عليك قلت ليها م بي يدي انا م قادره ارجع ليهو. مرت الايام وغيث بجي يوميا يطمئن علي اولادو وم كنت بتكلم معاهو نهاي بس سلام وبمشي شال ارقام كرم ومنه الوطنيه قال لي عايزه اضيفهم لي في الشركه قلت ليهو تمام قال لي ح اجدد ليك بطاقتك قلت ليهو لا م صاح انا طلعت من عصمتك قال لي انا م اديتك قسيمتك يعني احتمال نرجع قلت ليهو لا م احتمال نحنا م ح نرجع م ردا علي وفات مرت الايام وانا مجتهده في قرايتي
سفيان اتصل علي قال لي عاوزك قلت ليهو خير قال لي انتظريني مع نمارق لبست عبايتي ومشيت جا من الشغل وقال لي نوسه انا اخوك ممكن تسمعي كلامي قلت ليهو علي عيني وعلي راسي قال لي غيث والله ندمان وبقا يسرح كتير لو م رجعتي لي ح يموت عديل وح تبقي انتي السبب قعدت ابكي قلت ليهو دا احساسي لمن غيث طلقني وجدعني وكل الناس كانت بتقول لي انسيهو مافي زول فكر معاي لحل عشان ارجع لغيث سنين وانا تعبانه نفسيا شايفه غيث في كل الرجال البشوفهم تعبت نفسيا بس كان باقي لي الجن انا م صدقتا اني اتجاوزتو وبقا بالنسبه لي عادي وكل الناس كانت بتقول لي اتجاوزي لمن اتجاوزت واتخطيط عايزني ارجع ليهو لا ي سفيان انا م ح ارجع لغيث وخلي يفتش لي بت يتزوجها سفيان قال لي نوسه اسمعيني انتي كده ح تخسري ابو اولادك للابد والشي الجديد سلمي جات تسال من غيث منو القال ليها انو غيث بقا كويس قلت ليهو شنو قال لي السمعتي ي نوسه في زول قال لي سلمي غيث رجع وجات تسال منو انا قلت ليها القال ليك كذب عليك غيث في بلدهم ولسه مريض وكانت مصره انو هو هنا وبقا كويس قلت ليهو سلمي عرفت من وين طيب ياهكم انتو العارفين قال لي انا سلمي مستحيل اكلمها وم عندي ليها رقم ولا نمارق وناس الشغل عارفين زوجه غيث نوسه سلمي دي نهاي م بعرفوها راسي بقا جايط ماهو يا سوسن يا اخوات غيث الكلموها بس ياربي منو الكلمها وقاصد شنو توقعاتكم دا منو الكلم سلمي بي غيث بقا كويس ……………..يتبع