رواية احلام ودموع الفصل السادس 6 بقلم ماريه عبدالله مسعود
يا أبا هُريرة.. أتبكي على الدُّنيا؟
لا والله، دُنياكم هذهِ لا تُبكيني..
إنَّما أبكي مِنْ ثِقَلِ الحِمْلِ، وسوء الرفيق، ومن قلةِ الزاد، وبُعدِ الطريق،
أبكي خوفًا مِن أسقُط يوم القيامة مِن على الصراط ولا أدخُل الجنَّة..
وَدِدتُ أنِّي لَم أُخلق.
سحر بنت المايقوما 💔
جريت جري يقين كانت خاته الطربيزه فوق لي السرير ورابطه التوب في سقف الغرفة وطالعة في الطربيزه انا صحيت بصوت وقعت الطربيزه من رجوله علقت روحه في التوب واظن دفرت الطربيزه كانت بترجف جريت طلعت في السرير ورفعتها من رجوله وكوركت علي ياسين طارق جو جارين طارق طلع في السرير وفكا التوب نزلنها في السرير وكانت بتكح ماقدره تتنفس شلنها وجرينه المستشفى الحمد لله في مستشفى قريب مننا دخلنها الدكتورة كشفت عليها عملت ليه الإسعافات وقالت لي تعالي معاي مشيت معها قالت لي دي محاولة انتحار ولا قتل؟دموعي نزلو وقعد حكيت ليه قالت لي لا حول ولاقوة الابالله العلي العظيم قالت لي كنت تمشي المايقوما طوالي وتجيب ورق التبني وتجيبيها المستشفى وتفتحي بلاغ قلت ليه انا من وين اعرف عاينت فيني بنظرات كلها حزن قالت لي انا بحولك لي دكتورة نساء وتوليد تشوفه لو حصل ضرر كبير لا قدر الله تكتب ليك شادة ليها وانا بنصحك امشي المايقوما وامشي احكي ليهم لانو دي مسؤلية كبيره شديد شلت منها الورقة وشكرتها مشينا لي أخصائي نساء وتوليد حكيت ليه اي حاجه كشفت عليها قعت تتحسبن قالت لي ياخي ديل مابشر طوالي بجوني حالات كتيره لي اطفال والله الدنيا دي فيها العجب قلت ليه فعلا حسبي الله ونعم الوكيلل
طلعت ليه شهادة شلتها منها وشكرته واتحركنا على البيت شفت لي دفار ونقلت العفش قلت لي الاولاد رتبو واتحركت على المايقوما اصلا كنت بمشي ليه كل فتره بعد ماما حليمة اتوفت بقيت بمشي في الشهره مره وصلنا انا ويقين ومشيت مكتب المديره من شافت يقين قعدت تتحسبن عليه كانت عايزه تضربه لما انا مسكتها قالت ليه تسرقي الراجل وتهربي دي نهاية تربيتنا ليك
طوالي قمت فيه قلت ليه سرقه سرقة شنو انتي والله العظيم مانصيحه دي طفله كيف تسرق وتهرب معقول انتي بتصدقي كلام زي دا وبدخل عقلك خلي موضوع السرقة دا بي جنبه عشان انا احكي ليك انو هو عمل فيه شنو
خلينا في المهم انتي كيف تشيلي أوراق تبني من راجل وهو ماجاب معاو مره وانتي عارفه انو لو ماشوفتي الأسرة كلها ومشيتي شوفتي البيت البعيش فيو الطفل مابتبصمي على اي ورق تبني انا عشت في المايقوما واتربيت هنا وعارفه القوانين كويس
مانتي كيف بتسلمي ليك طفلة لي راجل وانتي ماعارفه عنو اي حاجه و جدعت فيه أوراق يقين حقت المستشفى قلت ليه الراجل اغتصبه اتفضلي بتقدري تمشي تواجهي القانون ولا هو بقدر ينكر
قعدت ترجف قالت لي هو شخصيه معروفه ومشهورة وطوالي بجي بتبرع لي الدار وانا ما افتكرت انو هو عندو مرض نفسي وخصوصا يقين متعلقه بيو شديد بتحبو قعدت في الكرسي ترجف قلت ليه ذنب يقين في رقبتك ورقبتو وكوركت فيها حسبي الله فيكم حسبي الله فيكم
وقلت ليه اسمعي هناااا تطلعي ورق تبني لي يقين وانا عايزه اتبناها والا وقسم بالله امشي افتح فيك وفيو بلاغ
واظن اخدتي منو قروش خيالية عشان اوراق التبني قعدت تتمتم وترجف
قالت لي انا بطلع ليك اوراق تبني وانتي تتبنيها وتنسي حكاية البلاغ والمحاكم
وانتي ماعارفه دا منو قلت ليه منو قالت لي .....انخلعت دا من أكبر رجال الأعمال في السودان وشخصية مشهورة ومحترمة معقول النفوس مريضه كده
قلت ليه عايزه عنوان شركتو قالت لي يابتي اختصري واتكتمي على الموضوع قلت ليه ما شغلتك وانتي طلعي لي الورق طلعتو وبصمة عليو قبل ما اتحرك قلت ليه شوفتي انا يومي بجي وبسال وبراقب وقسم بالله تاني يتكرر موضوع زي دا الا يكون بينا القانون والصحافة ومواقع التواصل واتحركت شلت الاورق ومسكت يقين من يدها واتحركت على الشركة وقفت جنب الباب الحرس قال لي وين طلعت ليو اروق شهادتي قلت ليو جايه لي معاينه بعد شاف الارق قال لي اتفضلي اتحركت دخلت سألت من مكتبو وصفو لي قلت لي السكرتيرة عايزه اقابل....قالت لي عندك موعد قلت ليه لا قالت لي ممنوع من غير موعد خليتها ولا كملت كلامه مسكت يقين من يدها وجريت على باب المكتب ودخلت قفلت الباب لقيت لي راجل كبير قاعد في مكتبو من شافني وشاف يقين قام يكورك اطلعو ياولاد الحرام انتو كيف دخلتو هنا واتحرك علينا قلت ليو اوع تتحرك انا معاي اورق من المستشفى وخاته نسخه عند زول بره قلت ليو نحنا لو حصل لينا اي حاجه امشي مركز الشرط وانشر التقرير في مواقع التواصل وانت عارف التقارير دي انا طلعتها طوالي بعد العملتو انت يعني التحليل بتثبت انت العملت كده كذبت عليو عشان اخوفو قال لي بنات حرام لا معروف ليكم اصل ولا فصل منو البشتغل بيكم قلت ليو اااي نحنا اولاد حرام وعارف ليه نحنا كده ما منك ومن امثالك المريضين قلت ليو بتمشي من الله وين دي طفلة حسبي الله ونعم الوكيل فيك رفع يدو ضربني كف قال لي انا مابعرف عن شنو بتتكلمي قلت ليو التقارير هي البتتكلم انا ومعاي شهادة يقين و شهادة المديره حقت داير الايتام قال لي عايزه كم من الاخر كده قلت ليو القروش وسخ الدنيا اخر همي القروش وعارفه لو رفعت فيك قضية بتطلع منها عادي مهو نحنا عشان منبوزين في دنيتكم الوسخه دي مافي زول بقيف معنا الكل بقيف مع القروش لكن جايه اقول ليك في الاحسن مني ومنك ومن يقين ومن دنيتكم دي في رب العالمين وعند الله بجتمعو الخصوم حسبي الله ونعم الوكيل فيك وفي امثالكم نحنا المنبوزين ديل جينا بسبب مريضين نفوس زيكم قلت لي يقين اضربي كوركت فيها يلاااا وقامت تضرب فيو وتبكي وانا ضربتو قلت ليو الورق لسه عندي وقسم بالله اسمع تاني انو انت عملت في طفلة كده كان امشي انشر التقارير في المواقع واخلي الناس كلها تقيف معنا وقعدت ارددد حسبي الله ونعم الوكيل فيك وفي امثالك مسكت يقين من يدها واتحركنا يقين كانت بتبكي شديد قلت ليه انا من الليلة امك واختك وانتي اختي وبتي وحضنتها علي شديد[ وغدأ في محكمة الله نلتقي وهناك العدل يقام 🤍]
وصلنا البيت لقيت الاولاد نزلو العفش وقعدت ارتب فيو انتهيت فرشت لي الاولاد في العريشه قلت ليهم من الليلة تقعدو هنا
وانا ويقين في الغرفة استحميت وصليت ختيت لينا حاجه ناكله بعد ما اكلنا انا ويقين مسكت يد يقين من يدها مشيت العريشه وقعدت مع الاولاد قلت ليهم عايزين تقعدو معانا قالو لي اي قلت ليهم اول حاجه تحلفو انو يقين دي اختكم الصغيره لو لقيتهوها مكشوفه تستروها لو لقيتوها في الغلط تنصحوها قالو لي بنحلف قلت ليهم وانا اختكم الكبيره وانتو اخوانني ومن الليله تتغيرو
قلت لي يقيني امشي استني في الغرفة قلت ليهم اول شي تحاول تخلو البتشربو ولا البتشمو فيو دا وتاني الصلاة ماعارفين بعلمكم ومستعده اقيف معاكم والعايز يكمل دراستو انا معاو علي قعد يضحك قال لي بعد ماكان شاب ودو الكتاب والمعاو ضحكو قلت ليهم مالو الزول عمرو مابكبر على الدراسه لو عايزين انا بقيف معاكم ونهاي مابقصر ماعايزين تمام انا بشوف ليكم شغل
وقلت ليهم اها قلتو شنو وانا مابجبر واحد فيكم عايزين تقعدو معاي لازم تتغير ماعايزين ارجعو البيت داك قالو لي ماصدقني بقى عندا اسره ونحنا معاك يا زولة قلت ليهم تمام واتحركت
مع انو انا نفسي ماقادره اشيلها بس مابقدر مابقدر اخليهم تاتي يرجعو الشارع ضميري مابريحنين وخصوصا انا عايشه نفس الوجع دخلت لي يقين شغلت ليه التلفزيون قلت ليه بكرا نمشي نسجل ليك في المدرسة انا شلت كل اوراقك من المايقوما التفت علي وحركت رأسه بس
سرحت فيها بتذكر بعد ما الرجال اتحرش بي انا شهر ماكنت بنوم حتى مره مسكت لي موس وكنت عايزه انهي حياتي جات ماما حليمة وشافتني قعدت جنبي وقالت لي انتي اسه عايشه في الدنيا دي وشايفها كعبه ما حلوه بس في الاخره فيه جنه انتي عايزه تنهي حياتك منتحره انتي كده بتخسري الدنيا وبتخسري الجنه الفي الاخره رب العالمين قريب مننا شديد انتي ارفعي يدك وقولي يارب الستره في الدنيا والاخره جدعت الموس وحضنته وقعدت ابكي صحيت على صوت على قال لي طالعين مديت ليو قروش قلت ليو اشترو ليكم ملابس في الأول رفض قلت ليو انا اختك الكبيره ولا نسيت بكرا لما تشتغلو انا بشيل منكم وبقلع منكم قلع القروش نزلت منو دمعة مسحه سريع وشال القروش واتحرك انا جبت الصينيه وقعدت اقطع في البصل
خلصت ولعت الكانون وقعدت احمر في البصل خلصت اتوضيت وصليت وقعدت مع يقين في التلفزيون كل شوية بعاين فيه كانت ساكته قلت يقين دي الا دكتور نفسي انا مابعرف اخفف عليه. ولا بقدر مع سرحتي جو ناس علي دخلو الغرفة ويكورك شايلين أكياس في يدهم قلت ليهم لما تجو داخلين دقو الباب علي ضحك قال اها اااا قوانين الاسره والبيت قعدت اضحك
علي قال ليهم ارجعو رجعو وقفو جنب باب الغرفة وعلي قعد يدق في الباب قعدت اضحك ويقين ضحكت التفت عليه سريع دمعتي نزلت مع ضحكته يقين جميلة شديد مشاء الله شعره طويل لونه ابيض عيونه حلوه شديد سبحان المبدع وضحكته ترد الروح
سرحت في ضحته علي قال لي ياخي دقيت ماتقولي اتفضلو التفت عليو و ضحكت قلت ليو اتفضلو دخلو فتحو الاكياس وكان اي واحد برفع في ملابسو وانا ويقين نعاين فيهم علي جا ومد لي يقين طرحة قال ليه من اخوك علي
يقين عاينت فيو قلت ليه شيليها الرسول صلى الله عليه وسلم قبل الهدية مدت يدها وشلته
طلعو فاتو استحمو ولبسو وجو علي دخل تاني قال لي نسيت ياخي مامتعودين على الاحترام رجع وضرب الباب ودخل قال لي اها اخوك دا كسار ولا ما كسار قلت ليو قرد ناقصو شجره ضحكو عليو قعدت اعاين فيهم وهم يشغالو في بعض طارق قال لي ياسين نضفت ياخي والله طلعت مز ونحنا ماعارفين وغمز ليو صحبتهم حلوه شديد
قمت ختيت الاكل قلت لي علي يلا الاكل في العريشه طلعو ختينا انا ويقين اكلنا رفعت الصينيه غسلت العده ختيت لي شاي قلت لي يقين انا طالعة الشغل ارح اسجل ليك في المدرسه اتحركنا وصلت العريشه قلت لي علي دي الطبلة ونسخه من المفتاح لو طلعت و اطبلو الباب واتحركت
سجلت لي يقين في المدرسة واتحركنا على الشغل دخلت المطعم خلصت وطلعت ركبت المواصلات فتحت التلفون لقيت في فرصة عمل لي شركة ازياء هي شركة صغيره وياداب فتحوها قلت بكرا امشي اقدم فيها واشوف انشاء الله خير وصلت البيت فتحت الباب استحميت وصليت قلت لي يقين قومي استحمي عس
عشان تصلي قامت
فتحت التلفزيون واتحركت المطبخ جهزت لينا حاجه ناكله الباب الشارع فتح كانو ناس علي علي شايل اكياس في يدو ومد لي فتحتهم كان فيهم فواكة وخضار ولحمة قلت ليو اشتغلتو ولا شنو ياسين ضحك وقعدو يضحكو معاو رفعت راسي قلت ليهم مالكم بتضحكو علي قال لي لا لكن نشلنا لينا تلفون تلفونين رجعت الاكياس لي علي قلت ليو اتفضل انا حاجه حرام ماباكله ولا بتدخلها البيت انتو لو عايزين براحتكم بس انا ويقين لو عايزين نموت من الجوع مابناكل الحرام واتحركت المطبخ سامعه باب الشارع عاينت في الباب لقيتهم طلعو جهزت الاكل واتحركت الغرفة وقعدت بعد ساعة سمعت الباب بفتح على وقف جنب باب الغرفة ودق الباب قلت ليو اتفضل قال لي اتصرفنا في االاكياس قلت ليو اها عملتو فيو شنو قال لي كان في اولاد في الشارع ادينا ليهم قلت ليو كويس يلا عشان تاكلو ختيت لي عدس في صحن وعيش وشطه وشلت الصينيه ليهم علي قال لي عليك الله تخلي اللحمة عشان العدس قلت ليو علي العدس دا بقروش حلال وانت شايفو حاجه كعبه بس طعمو غير عشان من قروش حلال انت عارف لما تاكل حاجه حرام زي البتاكل ليك حجاره من نار لانو بكون تعب زول وانت جيت سرقتو علي قال لي لو لقينا الحلال كنا بنرفضو حتى لو كان عدس قلت ليو اسه لقيتو ياعلي واسه ممكن تتغير وتاكل الحلال واتحركت منهم ختيت لينا اكلنا واكلنا غسلت العده وطلعت نمت صحيت الصباح قلت ليهم ارح اطلعو معاي كان في ورشه قريبه من البيت مشيت سلمت على سيد الورشة وقلت ليو شايف الشباب ديل خليهم يشتغلو معاك والبسيط العندك ادي ليهم قال لي ابشري ناديت عليهم خليتهم اتعرفو على سيد الورشه واتحركت مع يقين المدرسة وصلتها ومشيت الشغل
خلصت قعدت ارتب في نفسي عشان امشي اشوف الشركة وطلعت كانت بعيده شوية ركبت لي مواصلات وصلت وقلت بسم الله يالله ودخلت لقيت سكرتيرة وسالتها قالت لي اتفضلي اقعدي هنا كان في بنات وأولاد والبدخل بتاخر جا دوري اتحركت ضربت الباب وانا برجف جاني صوت اتفضلي دخلت كان شاب في ٣٠ سلمت عليو قعدت حكيت ليو انا انا دراسة تصاميم وازياء وكان مركز في كلامي سبحان الله ماعاين لي شكلي ولا كان منتبه ليو وانو عاملة الخدمة ودخلت كم معهد خياطة حتى فتحت الشهادات وريتها ليو ورسوماتي كان مهتم شديد مع الشهادات والرسومات شاف الشهاده وقال لي مشاء الله متخرجه بي امتياز وشاف الشهادات قال لي شكلك شاطره مشاء الله فتح الدفتر وانصدم قال لي ديل تصاميمك انتي ..اصبر…[ فالله لا يؤخّر الخير إلا ليأتي كاملًا.🤍..]....يتبع