رواية ضماد جرح الفصل الثامن 8 بقلم نوسه حمد
#ضماد_جرح8
#نوسه_حمد
فادي قال لي نوسه افتحي الباب وم تقفلي الخط لانك براك قلت ليهو عادي اتعودتا قال لي دا كان زمان قبل م اجي انا من الان تسمحي لي اكون معاك ف اي شي قلت ليهو حاضر مشيت فتحت الباب ولقيتهم اولاد عبدالله المرحوم سلمت عليهم وكان معاهم راجل اتغظت منهم شديد قالو لي الزول دا جا اشتري البيت نحنا عاوزين نوزع الورثه انا انخلعت وبطني طمت قلت ليهم خلوني اتم الحبس وتاني بيعوهو قالو لي لا نحنا خلاص ادينا الراجل دا كلمه وبعدين انتي منو عشان نجي نستأذنك جينا نوريهو البييت وهسي لو البيعه تمت ح نديك نصيبك واتلمي علي اهلك قلت ليهم نصيب شنو انتو مفتكرني لو بعتو بيت ابوكم ح اكون دايره نصيب يا خساره الولاده ما اشتغلو بي كلامي والراجل احقر منهم دخلو البيت وانا بقيت واقفه جنب الباب وشكلو فادي قفل الخط ولقيتو كاتب لي نوسه اجيك قلت ليهو لا يافادي يقولو علي شنو اولادو ديل كعبين شديد ممكن اقولو فيني اي كلام ممكن م تتهور وتخليني اشوف الحاصل شنو وكان متغاظ من حركتهم قال لي هو ابوهم متين مات عشان يوزعو الورثه قلت ليهو اتوقعتها منهم بس م مشكله كرامتي فوق كل شي قلت ليهو النشوف الفهم شنو وافهمك بقيت واقفه في مكاني والراجل بحت البيت حته حته اظنو وافق علي البيعه اولاد عبدالله قالو لي اعملي حسابك اسبوع وتمشي اهلك نحنا ح نكتب العقد م رديت عليهم بقيت اتحسبن عليهم في قلبي وغضب الدنيا كلها في وشي وكان نفسي اقول ليهم كلام قلبي بس قلت اخلي المقامات محفوظة يقولو انا عرستو عشان قروشو وهم م عارفين اساسا اني م كنت ليهو زوجه رجعت لي فادي كلمتو قلت ليهو حاصل حاصل حاصل قال لي ديل ما محترمين قلت ليهو عادي ابوهم لمن مات كل م اتزكرهم ببكي عديل مات بشوقو ليهم كان نفسو يزوروهو كان نفسو اولاد اولادو وبناتو يلعبو حولينو ويقولو ليهو جدو كل م اتزكرو بعرف قيمه الاب قال لي اكيد الاب عظيم ربنا يخلي ليك ابوك ي نوسه سرحت بعيد وقربت اقول ليهو ابوي منو بس مسكت نفسي فادي طيب شديد وانا اتعودت عليهو كنت بنوم وبقوم بي صوتو اخترع علي انو اجي اسكن معاهم قلت ليهو كان ممكن زمان بس هسي بعد العلاقه البينا دي مستحيل انا اجيكم بقا اترجا فيني قلت ليهو م بقدر والله بمشي اهلي قال لي تمام ي نوسه م ح اغصبك بس اتزكري كلامي دا بيتنا دا ح تدخليهو وتكوني مرتي انا قلبي قال شح بس كل م اتزكر اني بت حرام بطني تطم قلت ي نوسه كلميهو بس انا كنت محتاجه لي فادي وحب فادي كلامو واهتمامو لو عرف اني مجهوله الابوين ممكن يبعد مني وانا م نفسي ابعد مني وم نفسي اكذب عليهم بقيت في نارين كل نار اصعب من التانيه حبيتو شديد فادي اول ولد دقا ليهو قلبي ويستاهل حبي وشبه انفصل من حبيبتو بس كانت م مرياحاو وجاريه وراهو وهو ما برد عليها
مرت الايام والاسبوع جرا زي الطلقه لغايه م يوم لقيت اولاد عبدالله ومعاهم المشتري في وشي قالو لي تخلي البيت اليوم وادوني قروش قالو دا نصيبي قروش شويه انا متاكده دا م نصيبي م اتحاججت معاهم قلت طالما قبلو الحرام علي نفسهم ربنا برد لي حقي اتصلت كلمت ابوي خمسه دقايق جا وم اتناقش معاهم بقيت الملم في حاجاتي يوم كامل انا وابوي نلملم في حاجاتي وختيت ملابس عبدالله في شنطه وصورو وكل حاجه بتخصو قلت لي اولادو وزعو الملابس دي للمحتاجين ودي كل حاجات ابوكم خلوها زكري معاكن بس صدموني ختو الشنطه في نص الحوش وحرقوها بي صورها انا غلبني اسكت بقيت انبز فيهم لمن ابوي شاكلني قال لي مالك ومالهم دا ابوك ولا ابوهم قلت ليهو ابوهم بس بغيظو والله وابوهم طيب م يستاهل الاولاد الكعبين ديل قال لي مالك ومالهم لينا في حالنا ابوي مسالم شديد شيلت شنطي ومشي البيت امي طبعا شكلها كانت طماعنه في البيت بقت تنبز فيني وتتكلم فارغ قلت ليها م عندي منو جنا عشان اقول حقي وعشان م تتكلمي كتير شيلي القروش دي بس اسكتي م تشغليها لي قالت لي اسكت ليه انا في بيتي اقول البعجبني طبعا انصدمتا وشغلتا لي شغله طممت بطني وابوي يقول لي استحملي امك بتتكلم ساي وانا لازم استحمل اقول لي فادي شنو اقول ليهو انا بت حرام وامي شاماني بقيت مستحمله كلامها قالت لي مدرسه ماف اقولو ارمله ولافه بالشوارع والاولاد يطمعو فيها امي بتديني احساس اني كعبه ودي اكتر حاجه م بحبها وبضايق منها عديل والف مره فهمتهما بس هي م عايزه تفهم تاني جيت راجعه للنار وممثله لي فادي اني مبسوطه بس انبسط كيف وامي قالت لي مدرسه ماف وانا لازم اقرا المهم اتكلمت معاهو قلت ليهو امي رافضه حته التعليم قال لي اخلي امي تتكلم معاها قلت ليهو فادي لا امك تقول علي شنو تقول انا بتكلم معاك من وراها قال لي نوسه امي فاهمه مستحيل تخت في بالا كده وبعدين نحنا عندنا الحريه في اي شي امي م ح تدخل في اي شي بخصني قلت ليهو ولو انا م عايزه ليك النقاشات وانت عارفني بحترم امك شديد قال لي عارف ي نوسه بس ما عاوزك تنحرمي من حاجه طيب اجي اتناقش معاها قلت ليهو لا يا فادي وعلي فكره المره الفاتت امي قالت لي الولد دا مهتم بيك كده لشنو انا قلت ليها انا كنت زي اختهم قال لي طيب اتصل عليها اقول ليها بحب نوسه قلت ليهو فادي ممكن بس ماتهظر دا م وقتو قال لي عمري م بهظر وجادي انا ي نوسه ومستعد قدام اي زول اقول بحبك وقريب ي نوسه هسي م بقدر خليني اخلص جامعتي واول حاجه قبل الشغل بجي اخطبك قلت ليهو فادي انت جادي فادي انا م عايزه اظلمك معاي ممكن بس تخلينا مع بعض انا م اكذب عليك اتعودت عليك وحبيتك بس م عايزاك تستعجل قال لي نوسه انا م مستعجل انا فتره زواجك دي كلها مفترض انساك بس م قدرتا والله كل مره بتزكرك وبتزكر تفاصيلك وعارف انا بقول فشنو وعاوز شنو بس انتي ممكن م تقولي لي كلامك دا انتي بتحبيني ولا لا سكتا وم رديت قال لي نوسه ممكن تردي قلت ليهو فادي انت اول ولد احبو ويدخل قلبي قال لي عشان كده انا متمسك بيك وعاوزك ي نوسه ممكن انتي تساعديني قلت ليهو بس انا م بستاهلك قال لي القال منو بجد انا سعيد ح اكون لو اتزوجتك وعلي فكره نوسه انا عايز اسلم قلت ليهو فادي خليك جادي قال لي انا جادي ي نوسه اسالي لي من اي شي مفترض انا اعمل شنو وصراحه انا حابي ديانتك جدا وحابي الزي بتاعك الاسلامي الصوره الراسخه في ذهني اول م شفتك قاعده في الصاله ولابسه الزي بتاعكم بتاع الصلاه ولمن سالتك قلت لي دي عبايه صلاه جابتا لي امك للان شكلك بيها وبرائتك في وشي م قادر اتجاوزك نوسه انا بحبك ومستعد اعمل اي حاجه عشانك قلت ليهو فادي انت لسه م بتعرف عني حاجات كتيره فادي م تتسرع قال لي نوسه انا عارف عنك اي شيء وعاجباني بكل صفاتك غلبني اقول ليهو انا بت حرام قفلت الخط وقلت لازم ابعد منو الولد دا حباني م عاوزه اكسرو رسلت ليهو رساله قلت ليهو فادي انا اسفه م ح اقدر اكمل معاك لاسباب م بقدر اقولها ليك وانت الف بت تتمناك وما تستاهل ترتبط بواحده زيي بتمني ليك السعاده من قلبي م تزعل من كلامي وخت لي العذر ممكن وقفلت التلفون م انتظرتو ردا ومن لحظتها انا ابكي ابوي يحنس فيني عشان يعرف انا مالي وانا رافضه احكي وببكي بس امي قالت ليهو مرضت بالتلفون وما بعرفو فيهو شنو كم مره لقيتا توسوس اظنها بتتكلم مع ولد وبقت تنق فيني وتعيد لي ف الاسطوانه القديمه اتغظت منها قلت ليها انا لو قدرت طلعت منكم م بتلقيني ابوي بقا يترجا فيني انا بعمل خاطر ليهو لانو هو بسببي قاطع اهلو ورباني ورغم انو م نفسي يقاطع اهلو بسببي بس افوت وين واقبل وين غلبني البعملو بالذات انا م متعوده علي الشارع ونهاي م فتحت تلفوني وكل يوم بمر علي انا قلبي بنقطع وطلعت من بيت الحبس ورجعت مدرستي وامي كانت رافضه بس ختيتا امام الامر الواقع ونزلت المدرسه وكل يوم بستحمل زله واهانه ومابي يدي حاجه عشان اعملا مجبوره استحمل افووت وين وامي م اكتفت بي كده كل مره بتعيد لي اسطوانه اني بت حرام وح اغلط زي ما اهلي غلطو وح احمل بالحرام كانو الحاجه دي فرض علي شككتني في نفسي عديل لدرجه انو جاني هووس وقطعت علاقاتي بي كل الاولاد سلام الله م بدي لي ولد نزار طبعا دخل الجامعه وكل م يلاقيني بعاين لي وانا م مركزه معاهو بحترمو هو وامو حاول اتكلم معاي بس رفضت وعديل قلت ليهو انا م عايزه راجل في حياتي كفايه تجربتي السابقه وما اديتو فرصه نهاي كفايه فادي حبيتو وقلبي انقطع لمن بعدتا بس افضل لي كده ولا اقول ليهم انا بت حرام وتاني ربنا كريم علي وماف زول زاتو ح يوافق يتزوج بت حرام الا راجل كبير ولا زول اهلو قنعانين منو بس لكن واحد كده بي اهلو م بعرسني وما عشمانه نهاي امي قالت لي تشتغلي انا م بقدر علي مصاريفك قلت ليها بشتغل م عندي مشكله قالت لي مياده قالت عاوزاك تشتغلي معاها قلت ليها مستحيل قالت لي مالك قلت ليها بس كده في بيتهم انا م بمش قالت لي اها تشتغلي شنو انا بخاف عليك م بخليك في اي مكان قلت ليها عند ناس مياده برضو خافي علي عندها ولد وم صاح انا اكون في بيتهم قالت لي هو يا يمه ولدها بعاين ليك والله لو غلط معاك حظك قلت ليها حظي شنو يعني مثلا يغلط عشان عندهم قروش غلطو م عيب انتي خايفه علي ولا دا كلام ساي قالت لي خايفه عليك قلت ليها طيب مهما كان مياده عندها ولد كسر رقبه انا م بمش ليهم ودا اخر كلام عندي قعدت تكورك فيني واشتكتني لي ابوي قلت ليهو م ماشه بشتغل اي شي بس م بمش ناس مياده وما قادره اواجهم بالحقيقه
مرت الايام وانا روحي طلعت وبفتش لشغل لقيت لي مره من جيرانا قالت دايره بت تشتغل ليها قلت ليها بجي من المدرسه اشتغل ليك بس قعاد معاك م بقعد قالت لي م مشكله بقيت اغشاهم من المدرسه وهم م منظمين بيتهم سمح بس وسخان وراجلها نوع المعرس تلاته بي قلبي لمن شفت البيت قلت ليهو حق شكلو هو م مقصر معاها بس هي النوع الوسخانه داك الايام الاولي تعبت تعب حتي قدرت اظبط ليها البيت وهي متكيفه مني وانا مجبوره علي الشغل بس كنت مضايقه لانو المكان بنظفو بهنا ببهدلو بهنا المهم كانت بتديني قروش كويسه بقرا منهن وبسكت بيهن امي ومريحاني انها موافقه انو اجيها بعد المدرسه وانا شبه اتعودتا عليها هي واولادا وعلي البيت. وابوهم كان ماف لمن كان جاي هي كانت ف الكوفير انا جهزت ليها البيت والاكل وجهزت ليها اولادا ابوهم لمن جا لمن اتكيف سلمت عليهو وطلعت وبقيت اجيها بعد كل مدرسه وزوجها عينو طايره كم مره حاول المح لي بس م بركز معاهو لغايه ما يوم جيت لقيتا ماف ولقيتو هو قاعد لمن انا جيت قفل الباب وحاول يعتدي علي ………..يتبع