رواية وجع صامت الفصل العاشر 10 والحادي عشر 11 بقلم اروي الشرقاوي
بعد الى حصل مع اسيل وادهم ادهم الليله دى نام على السرير واخدها فى حضنه وهى مش مصدقه ان ده ادهم الى واخدها فى حضنه وهى حاسه بالامان
النهار طلع وهوما فى حضن بعض ادهم صحى قبلها وقعد يتأمل فيها وقد ايه ملامحها هاديه وبريئه ولقاها بتتقلب عمل انه نايم اسيل فاقت لقت نفسها فى حضن ادهم اتأملت فى ملامحه واتكلمت بصوت واطى
اسيل :بحبك اوى ياادهم وبموت فيك وعشقتك ونفسى اقضى معاك عمرى كله
ادهم ؛وانا كمان بحبك وعايز اعيش حياتى كلها معاكى
اسيل وشها احمر ومردتش عليه
ادهم :بحب الطماطم وشك بيقلب علطول من الكلام امال الفعل هنعمل ايه
اسيل اتكثفت وقامت جريت دخلت الحمام
ادهم من بره :اهربى براحتك ياسولى
اسيل وهى جوه بصوت واطى محدش يسمعه :يخربيت حلاوتك يااخى عسل
وبعد فتره خرجت ولبست راحت الجامعه وادهم لبس وراح الشركه
............ ......... ........ ......
عند ساره خرجت بالعربيه رايحه المستشفى اسر وقفها فى الطريق
ساره نزلت من العربيه :انتى ازاى توقفنى بالطريقه دى انتا اتجننت صح
اسر :اه اتجننت من يوم ماوصلت وانا عايز اكلمك وانتى رافضه اسمعى مينى واحكمى انا ظروفى جبرتنى اعمل كده واظن انى رجعت تانى اهوه وبقولك تعالى نفتح صفحه جديده انتى الى رافضه
ساره :وانا بقا بقولك لا يااسر عارف ليه لان قلبى الى حبك كرهك ورافض الحب تعب من كتر مااستناك وانا تعبت يااسر ومتتعبش نفسك معايا وظروفك انتا حر فيها انتا الى حكمت على نفسك بكده سبتنى ومشيت يمكن كنت فقدت الامل واتجوزت ولا حبيت
اسر :بس انتى استنيتى ومحبتيش من جديد
ساره :اعتبرنى مش موجوده يااسرولاكنت موجوده فى حياتك وحب واتجوز لان انا مش هرجعلك تانى فاهم مش هرجعلك تانى واوعى تحاول تعمل كده تانى وتوقفنى بالطريقه دى لانى مش هسكتلك
يااسر وحيات حبك الى دمرنى زمان والى كسرنى وكسر قلبى ماهسكتلك وبنصحك تشوف حياتك
اسر :انتى حياتى ياساره ليه القسوه دى كله ليه بقيتى كده اتغيرتى ياساره
ساره :محدش بيفضل على حاله
اسر :وانا هفضل وراكى لحد ماتحبينى تانى ياساره وهترجعيلى تانى
ساره سابته ومشيت وهو مشى وكل واحد فيهم راح فى طريقه وكل واحد اقسم انه هيحقق هدفه اسر انه يرجع ساره وساره انها تعذبه زى ماعذبها
......... ........... ............
اسيل وهند فى الجامعه كل واحده بتحكى الى حصل ليها بالتفصيل
هند :منا حكيتلك الى حصل على الفون
اسيل :لا انا بحب اسمع تفاصيل التفاصيل
هند حكتلها الى حصل كله
اسيل :ايوا بقا عدى ياجامد
هند :بس يابيئه
اسيل :قلبى الضعيف لايتحمل
هند :وانتى بقا ياحلوه حصل معاكى ايه بالتفصيل الممل وازاى اتصلحتى انتى
وادهم
اسيل ابتدت تحكيلها الى حصل
عند ادهم وعدى
عدى :خلاص هتجوز
ادهم:بالنسبه للى كان رافض الجواز وعايز كوكتيل من نانسى وهيفا ايه خلاص
عدى :لا منا خلاص حبيت وانكويت
ادهم :ومين سمعك
عدى :ياه ياادهم يابنى كان نفسى اشوفك متنيل كده من زمان
ادهم :طب بما ان مفيش اجتماعات دلوقتى ولا شغل انا رايح اجيب مراتى من الجامعه
عدى :وانا الى عندى شغل مثلا يعنى اشمعنا انا هروح اجيب خطيبتى من الجامعه انا كمان
ادهم :ياله يافالح ونفاجأهم
كل واحد اخدت عربيته وطلعوا على الجامعه
عند اسيل وهند قاعدين بيتكلمو لقو بعض البنات بتتكلم وبيطلعو بره الجامعه اسيل سألت واحده فيهم
اسيل :فى ايه يااميره
اميره :البنات بتقول ان فى شباب بره موزز وطالعين نشوفهم
اسيل تليفونها رن
اسيل :ازيك ياادهم
ادهم :انا مستنيكى بره علشان اروحك البيت خلصتى محضراتك وعدى معايا كمان الحقينى قبل مالبنات تخطفنى
اسيل :،اقفل انا طالعالك حالا
اسيل :هند الحقى عدى وادهم
هند :مالهم
اسيل :بيتعمل عليهم حفله بره
هند :يانهار بحلقى اجرى نلحقهم
هند واسيل وعنيهم بتطلع شرار
عند عدى وهند
هند :اركب العربيه واتلم ياعدى عجبك البنات الى واقفه تعاكسك دى
عدى :وانا مالى بيهم انا جاى اخد حبيبتى دى فيها حاجه
هند :طب ادخل العربيه بدل ماارتكب جنايه ادخل
عدى دخل العربيه
عند ادهم فتح لاسيل باب العربيه ودخلت وهى مكشره
ادهم :مالك يااسيل انا فكرت انك هتفرحى انى جاى اخدك من الجامعه
اسيل :افرح طبعا وحضرتك واقف والبنات بتعاكسك
ادهم :ايه ده هى المدام بتغير ولا ايه مكنتش اعرف انى حلو كده بس البنات الى معاكى دول مززز الواحد مشفهومش قبل كده ازاى
اسيل :اطلع بالعربيه بدل مااخليك متشوفش تانى خالص ولم الدور
ادهم :واهون عليكى ياسولى دنا الحب بردك
اسيل :اه هتهون وانجز فى السواقه وانشف كده
ادهم سمع الكلمتين منها وساق العربيه بأقصى سرعه اسيل مجنونه وبتحب السرعه ومش من النوع الى بيخاف
وصل اسيل وادهم للفيلا
اسيل :ايه ده ايه الى جاب عربيه رنا هنا
ادهم :رنا وايه الى هيجبها هنا اصلا
ادهم واسيل دخلو الفيلا بسرعه وجدوا رنا تمثل وتأخذ تاليا فى حضنها
ادهم راح شد تاليا من حضنها ومسك رنا من دراعها
ادهم :انتى هنا بتعمل ايه وازاى تسمحولها تدخل هنا وكمان تقعد مع تاليا
رنا بتمثيل :حررام عليك انا عايزه بنتى وانتا دلوقتى اتجوزت انا احق ببنتى بقا وعايزه بنتى تقعد معايا ولو رفضت هرفع عليك قضيه وتاليا لسه فى حضانتى وانا ارمله ومعايا فلوس وبنتى هاخدها يااما تطلق الهانم وترجعها تانى للشارع وبكده اسيبلك بنتى
ادهم :قولى كده وانا قولت بقا عندك قلب واخيراا حسيتى ان ليكى بنت بس طلعت غلطان وانتى والزباله الى زيك الى عايشين مع بعض فى الحرام بتخططو علشان اطلق مراتى الى بحبها علشان الكلب بتاعك لسه حاططها فى دماغها انا بقا هعرفه ازاى يبص لمرات ادهم الشافعى وان كان قبل كده عملها واخدك لانك زباله زيه انما اسيل انضف منك بمليون مره
تعالى معايا المكتب
ودخلت رنا معاه المكتب
وفتح تليفونه وكمل كلامه :شوفى الفيديو ده وبعدين نكمل كلامنا
الفيديو ليها هى ومنير فى اوضاع حميمه
رنا اتصدمت
ادهم كمل كلامه :ايه عايزه بنتك وبكره الفيديو يبقى على كل المحططات وعلى السوشيال ميديا وهقدمه للبوليس كمان وتلبسى قضيه زنا
رنا :انتا ازاى تعمل كده ومين الى صور الفيديو ده
ادهم :طول عمرك زباله الى هامك مين صور انما انك مع واحد بالطريقه الزباله دى مش فارق معاكى
انتى تطلعى حالا وتقولى لتاليا انك مش هتاخديها معاكى لانك مش عايزاها ماشى ياهنفذ الى قولتلك عليه
رنا :ماشى ياادهم وانا وانتا والزمن طويل
رنا خرجت اتفاجأت بوجود اسر
اسر :رنا هانم بنفسها عاش من شافك
رنا بسخريه :وكمان اسر دانتو اتجمعتو مع بعض بس اوعو تنسو مين رنا وهرجعلكم تانى
وبنتك عندك مش عايزاها لانى بكرهك ازاى هحب حاجه منك
ومشيت وسابتهم
اسر :ايه الى جاب الزباله دى هنا
ادهم :كانت جايه تلعب معايا هى ومنير بس مشكلتهم انى سابقهم بخطوه اغبيه
اسر :انا كنت عايزك فى حاجه مهمه
بس فى المكتب
دخلو المكتب
ادهم :فى ايه يااسر
اسر :منير بيجهز لشحنه المخدرات الى هتدخل البلد وكمان فى شحنه ادويه وشحنه اطعمه فاسده منير بيدمر البلد
وديه الاوراق الى تثبت كلامى وفى ناس مهمه مشتركه معاه
ادهم :انا وانتا كده مش هننفع لازم حد من الحكومه معانا
اسر :قصدك ايه
ادهم :انا ليا صديق ضابط هيفدنا وكده نتعاون مع الحكومه علشان يوقع ونخلص منه لان منير لازم خبطه جامده ميقومش منها ولازم يتعلم الادب هو والكلبه الى اسمها رنا
اسر :رنا دى بالذات حسابها عندى انا ولازم اصفيه معاه
ادهم :هى رنا عملتلك ايه لكل ده
اسر حكاله الى رنا عملته فيه وانها بعدته عن حبه بس مقالش اسم حبيبته
وكملو كلامه وادهم اتصل بصاحبه وبلغه انه هيروحله هو واسر
اروى الشرقاوى
وجع صامت
#الفصل الحادى عشر
اروى الشرقاوى
وقفنا البارت الى فات لما اسر وادهم اتفقو على منير ورنا ادهم اخد اسر وراحو قسم الشرطه يقابلو صاحب ادهم
دخلو القسم وصاحب ادهم سمحلهم بالدخول
عمار :ادهم الشافعى بنفسه وانا اقول القسم ماله منور ليه كده مين الى حدفك علينا انهارده
ادهم :هو انا بجيلك غير فى المصايب
عمار :ادخل عليا بالشغل
ادهم :اعرفك الاول اسر الصياد اخو مراتى
عمار :وكمان اتجوزت من غير ماتعزمنى كده ازعل واجيب ناس تزعل كمان
ادهم :كل حاجه كانت بسرعه
عمار :قولى بقا ايه المصايب الدور ده
ادهم :اديله الملف يااسر
اسر اداله الملف عمار بيقلب فى الملف وتقريبا مش مصدق
عمار :ياولاد الكلب دول عايزين يموتو اجيال ياكلاب
اسر :هنعمل ايه بقا مع الناس دى
عمار :لا لازم تخطيط مع جهه اعلى مننا لان فى ناس متورطه معاهم كتير وشركات ادويه كمان متورطه معاهم دول مافيا
ادهم :اهم حاجه عيلتى متتإذيش ولا اى حد فينا
عمار :سيبلنا احنا الموضوع ده بس اى معلومه ورقه توقع تحت ايدك تبعتهالى
وخلصو كلامهم ومشيو وعمار بدأ يشتغل على القضيه
.......... ...... ...........
فى فيلا ادهم تجلس صفيه ومعها اسيل وايتن وساره
قاعدين بيحكو لساره الى رنا عملتهة
ساره :وادهم خلاها تمشى كده بسهوله وعملها ايه اتنازلت عن تاليا بسهوله الحكايه فيها انه
صفيه :المهم انها غارت من هنا
ايتن :دى بنى ادمه مستفزه ياساتر انا كنت عايشه فى الفيلا معاها كان ممنوع تدخل اوضتى ولا تكلمنى ولا اشوفها
ساره :بجد
اسيل :ايوا ياستى ومكانش حد بيدخلها غيرى ادخلها الاكل واساعدها فى اللبس وكل ده وهى فى اوضتها
ساره :مكنتيش بتشوفى ناس خالص
ايتن :لا مش عايزه احس ان فى حد بيشفق عليا لان المرض بيذل صاحبه ده الى كان اسمه خطيبى وحب عمرى قالى انتى معاقه مش هينفع اكمل معاكى انا عايزه واحده سليمه مستنيه ايه من الناس
واتاهم صوت شخص :ده يبقى هو الى انسان مريض ومحتاج يتعالج لان امتى ملكيش ذنب فى تعبك ده
صفيه :سامر ابنى حبيبى
سامر حضنها :وحشتينى ياصفصف ياقمر انتى
ساره :سامر المجنون بالحضن ياشق
سامر :حطو فى ايدك رق خش فى لحمك يافواز
ساره :بالحضن ياولد العم
اسر وادهم دخلو فى اللحظه دى
ادهم :طول عمرك مجنون مقولتش ليه كنت بعت حد جابك ولا انا كنت جيت اخدتك
سامر :واشوف المفاجأه فى عيون القمر دى ازاى هى وست الكل بالمناسبه مين القمرات دول
ادهم اتضايق :عين بدل مااحولك دى اسيل مراتى ودى ايتن اختها
سامر بتمثيل :ياه مكنتش اتوقع ان الضربه تيجى منك تتجوز من غير ماتقولى كده يخونك البيض والبسطرمه
سامر يوجه كلامه لاسيل :انتى وافقتى عليه ازاى ج
وراح يسلم على ايتن :ازيك ياانسه ايتن مش انسه بردك اوعى تكونى مدام كده ازعل ادهم خاد القمر الكبير امشى حالى انا بقا بالصغير
ادهم :انا بقول انك جاى تعبان من السفر وتطلع ترتاح ولا اخليك تريح بطريقتى وبيشمر كمام القميص
سامر وهو بيجرى :حصلنى بالشنط على فوق ياعم عبده
الكل ضحك
صفيه :متاخدوش على كلام سامر هو بيحب الهزار
اسر وهو على اخره:استأذن انا ياجماعه واخد ايتن ومشى
......... .......... ...........
هند وعدى
هند :انا متلخبطه وكل حاجه فوق دماغى
عدى :ليه انتى الى ملخبطه نفسك
هند :ياسلام واحده فرحها فاضله ٥ ايام المفروض تعمل ايه
عدى :تاخد عريسها ويروحو يقعدو فى مكان رومانسى ويطلعو كل المشاعر والاحاسيس الى عندهم
هند بغيظ :عدى هلغى الجواز انا عندى شغل كتير لسه هختار فستان الفرح والقاعه الى هنعمل فيها الفرح وديكورات الجناح الى مخصص لينا فى الفيلا وناقصنى حاجات وكل ده وانتا بتقولى نخرج اتشل يعنى
عدى راح جاب اللاب من غرفته
عدى :دول احسن مصممين ممكن تختارى الفستان الى يعجبك وهيجيلك لحد هنا
وديه التصاميم الى باعتها مهندس الديكور
اختارى النمودج الى يعجبك وهوما هيخلصو فى اقل من ٤٨ ساعه ودى صور افضل القاعات اختارى الى يعجبك ونحجزها حالا ودى صفحات اكبر المولات
فى البلد شوفى الى ناقصك واحجزيه وهيبعتوه على الفيلا
هند :ايه ده امال انا قلقه نفسى ليه طلاما الدنيا سهله كده
عدى :ياله نخرج نقعد فى جو رومانسى كده قبل منتجوز ونتنكد زى مالناس بتقول
بس انتى نسيتى اهم حاجه
هند :ايه هى
عدى: شهر العسل هيبقى فين
هند :ده بقا اختيارك انتا
انزل وانا هلبس واحصلك
........... ........... .............
عند ساره لقت تليفونها بيرن برقم غريب
ساره :الو مين
الشخص:انا اسر واوعى تقفلى عشان لوقفلتى مش هيهمنى حد وهاجيلك حالا
ساره :عايز ايه يااسر
اسر :عايز اعرف ايه الى حصل انهارده ده انتى ازاى تحضنى واحد بالشكل ده انا مش راضى اضغط عليكى سايبك براحتك انا كنت زى زيك زى مانتى كنتى عايشه على ذكرياتى كنت انا زيك مع ان كان قدامى اغراءات كتير بس انتى الى فى قلبى انا عمرى ماحبيت ولا هحب غيرك
ساره :انا حره يااسر اعمل الى انا عايزاه وهحب وهبتدى من جديد مع اى حد الا انتا اقتنع بقا انى خلاص مش هرجعلك يااسر
اسر :هترجعيلى ورجلك فوق رقبتك
ساره قفلت التليفون
ساره بتكلم نفسها:مش هرجعلك يااسر الا لما ادبك واعلمك ان الله حق
اسيل :ياعينى عليك يااسر دنتا ايام هتبقى سواد ياخويا
ساره :انتى هنا من امته
اسيل :من ساعة ماكنتى بتتوعدى لااسر اخويا
ساره :يستاهل الصراحه دنا عشت ايام وسنين سواد وانا بتعذب وكل ماعريس يتقدم ارفض وادهم يشك فيا يوم ورا التانى انى بحب مهو رفضى للعرسان من غير سبب ده يخليه يشك
وهوما قاعدين يتكلمو الباب خبط دخل سامر مش عيب عليكم ابقى لسه جاى من السفر وسايبنى وقاعدين لوحدكم
اسيل :لا انا مش قد ادهم سلام انتو الاتنين انا مش ناقصه خناق
ساره :اخلعى وسيبلى الطالعه دى
اسيل :مش مرتحالك يااوختشى
ساره :دنا هريحه على الاخر
اسيل :اى مساعده انا موجوده
سامر :هو انتو ريا وسكينه انا قربت اقلق منكم
اسيل :لا احنا غلابه هو انتا كنت مسافر ليه
سامر :كنت باخد دكتوراه انا دكتور مخ واعصاب
اسيل :اه تشرفنا ياحضرت اخلع انا بقا
ساره :اخلعى وانا هشوف سامر وهنحصلك على تحت
اسيل نزلت وساره وسامر اتكلمو شويه وبعدين نزلو تحت
اسيل :تعالى ياساره جمبى وانتا ياسامر اقعد على الكرسى الى هناك ده
سامر :اشمعنا
ساره :ادهم بيغير عليها يرضيك يزعقو مع بعض
سامر :لا هروح اقعد هناك وامرى لله
سامر قعد وشويه وادهم جيه وصفيه نزلت قعدت معاهم وتاليا
ادهم :هتبدأ شغل امته
سامر :احتمال بكره فى مستشفيات كتير معروضه عليا هشوف الانسب ليا
ساره :تعالى المستشفى عندنا كويسه وهتعجبك
سامر :انا اشتغل معاكى انتى ليه اتهبلت انزل مستوايا ليكى انا واحد واخد دكتوراه من احسن جامعات لندن مش زيك يابيئه
ساره :انا بيئه تصدق حلال فيك الى عملناه
ادهم:عملتو ايه
ساره :خليه يقوم من على الكرسى كده وانتا تعرف
سامر جيه يتحرك لقا نفسه لزق فى الكرسى
كله قعد يضحك
سامر :حسبى الله ونعم الوكيل فى كل مفترى
اسيل :ليه الغلط طاه هنسيبك كده ملزوق فى الكرسى
سامر :هو انتو اتفقتو مع بعض عليا شوف مراتك ياادهم
ادهم :ياخويا شوف نفسك وانتا ملزوق وحل مشكلتك الاول
صفيه :انتو الاتنين مشكله شوفتى ياتاليا
تاليا :هيهيهيه سامى مش بيتحيك هيهيهيه
سامر :حتى انتى طب انا هعمل ايه دلوقتى
ادهم :الصبح نشوفلك حل ولا نكسر الكرسى هنتصرف
سامر :اوعى تقولها انا هفضل كده طول الليل
ادهم :خلاص نكسر الكرسى
اسيل :لا احنا معانا الماده الى تفك اللزق
بس يعتزر لينا الاول
سامر :انا اسف ليكم فكونى بقا
اسيل :عفونا عنك
ساره واسيل فكو سامر وكل واحد فيهم طلع على غرفته
............ .......... .......... ....
فى غرفه سامر
فتح الفيس يكلم ايتن
سامر :هبدا شغل بكره هتعملى العمليه امتهة
ايتن :انا خايفه ممشيش واكون بضحك على نفسى
سامر :خلى املك فى ربنا كبير ومتقلقيش حالتك عاديه خالص
ايتن :انا وافقت اعمل العمليه لان انتا اقنعتنى
سامر :اهم حاجه النفسيه وانا هفاتح اسيل وادهم فى موضوع العمليه دى ومبينش اننا عارفين بعض
ايتن :ماشى وانا نفسيتى زى الفل خلاص هفاتح اسيل وادهم ونعمل اشعه وتحاليل ونتكل على الله
ايتن :اوكى سلام
سامر :سلام
.......... ........ ........... ....... .. .........
فى غرفة ادهم واسيل نايمين على السرير واسيل فى حضن ادهم
ادهم :انتى وساره مفترين
اسيل :لازم ندبح القطه من اولها يفتكرنا طيبين يعنى ويبوظ سمعتنا
ادهم :بقولك ياسولى
اسيل :قولك
ادهم :هو احنا مينفعش نلغى الخطوبه بتاعتنا ونقلبها جواز مهو مينفعش يبقى حبيبتى فى حضنى كده ومقضينها خطوبه
اسيل :لا انا عايزه فرح الاول
ادهم :نامى يااسيل الله يرضى عليكى عندى شغل الصبح نامى انا الى عملت كده فى نفسى
اسيل ضحكت واستقرت فى حضن ادهم ونامت وادهم ضحك وضمها جامد ونام
........ ............ ........ ..........
وعدى الليل على ابطالنا
فى الصباح فى شركة الصياد
تجلس رنا مع منير
رنا :انتا مطمن من الشغل ده انا خايفه دى فيها مؤبد
منير :متقلقيش يارنا الشغل ده مكسبه يعيشنا ملوك واحنا هنعمل هنستلم ونوزع والبوليس مش عيعرف بالموضوع احنا فوق الشبهات
رنا :انا نفسى انتقم من ادهم واسر
منير :هنستلم بكره الشحنه ونوزعها ونفضى لادهم واسر على الاخر ونلاعبهم
امضى على الورق ده
رنا :ورق ايه ده
منير :ورق للشغل امضى
رنا :استنى اشوف فيه ايه
منير :يعنى همضيكى على ايه يارنا ده ورق للشغل امضى هنا ياله ورانا حاجات اهم
......... .......... .......... ......
فى فيلا ادهم بيتكلم مع سامر واسيل
ادهم :يعنى ممكن تعمل عمليه لاايتن وتخف وتقدر تمشى
اسيل :المشكله ايتن رافضه العمليات وحاولنا معاها قبل كده كلنا
سامر :نحاول تانى مش هنخسر حاجه
اسيل :نحاول نش هنخسر حاجه
ادهم :المهم ياسامر انا هبنى مستشفى وانتا وساره تديروها
سامر :كويس بس يبقى فيها قسم لمعالجة الفقرا بالمجان
ادهم :ده الى انا ناوى عليه اهم حاجه اتفقنا الفتره دى اشتغل فى اى مكان على مانخلص المستشفى والتصريحات
سامر :اتفقنا اخلع بقا على شغلى سلام
سامر مشى واسيل راحت الجامعه
وادهم جاله تليفون
.....:هيستلمو بكره البضاعه ياباشا
ادهم :متأكده طب المكان فين
....:ياباشا هوما متكلموش فى اى حاجه غير ميعاد التسليم بس منير مضى رنا على ورق كتير
ادهم:والورق ده بتاع ايه
......:انا معايا نسخه من الورق ده ياباشا
ادهم :تمام تقدرى تسلمهولى امته
.....:فى اى وقت ياباشا هبعتهولك
ادهم :اهم حاجه مش عايز غلطه ولاحد يعرف اننا مع بعض
...:متلقش ياباشا انا واخده كل الاحتيطات
ادهم :سلام وحق المعلومات هيوصلك مع الى هيجيب الورق
....:سلام ياباشا
.ادهم قفل معاها واتصل بعمار
عمار :قولى عندك معلومات جديده فرحنى
ادهم :عندى كتير
عمار :انتا فين دلوقتى
ادهم :فى البيت
عمار :انا قريب منك دقايق واكون عندك
وقفلو وادهم استنى عمار على مايوصل
.......... .......... ........... .....
عند ايتن بتلعب بالكوره مع تاليا فى الجنينه وفرحانه
ايتن :تاليا انتى بتنصبى كده انا جبت جون
تاليا :لا انا جبت جون انا كسبت هيهيهيهه تاليا كسبت
ايتن :هجيب فيكى جون حالا واكسبك ياتاليا
تاليا :مس هتعرلفى (مش هتعرفى )
كل ده وعمار واقف وشايف الموقف ومستغرب من تعامل ايتن مع تاليا
ايتن انتبهت ان فى حد واقف
ايتن :حضرتك عايز مين
عمار :نعم بتقولى ايه
ايتن :عايز مين
عمار :دى فيلا ادهم الشافعى صح
ايتن :ايوا
عمار :وايه الى جاب القمر عنده فى الجنينه
ايتن :افندم
عمار :لا واللهى بتكلم جد
ايتن :حضرتك عايز مين
عمار :انا عايز ادهم
ايتن :عم محمد
محمد :ايوا ياست ايتن
ايتن :بلغ ادهم بيه ان فى حد مستنيه وبعد كده اما تدخل حد هنا ابقى دخله على جوه علطول مش تسيبه فى الجنينه كده
عمار :انا مستنيك هنا على ماتبلغه
ايتن :انتا عايزه ايه هو انتا حضرتك مش واخد بالك انى قاعده على كرسى يعنى مش بمشى بتعاكس ايه دلوقتى انتا
عمار :انتى مرتبطه
ايتن :يادى النيله هرتبط ازاى وانا قعده انهى عاقل هيرتبط بيا كده ده يبقى مجنون
محمد :ادهم باشا مستنى حضرتك جوه
دخل عمار لادهم
عمار :ادهم قبل اى كلام انا عايز اتجوز
ادهم :انتا اهبل ياواد انتا
عمار :اه وهتجوزنى اختك حالا
ادهم :اختى ساره عرفتها امته
عمار :لا ايتن الى بره فى الجنينه
ادهم :ايتن اخت مراتى واخت اسر متأكد انك عايز تتجوزها ايتن مش بتمشى
عمار :مش مهم انا حبيتها من اول نظره
ادهم :تعالى نتكلم فى موضوعنا ونبقى نجوزك يامجنون
ادهم حكاله كل الى عرفه
عمار :بس كده دول وقعو ومحدش سمى عليهم انا هعرف المكان فين
ادهم :مش عايز غلط عايزين نسبقهم دايما
عمار :متقلقش ياادهم اسيبك علشان اشوف شغلى