رواية تائهه في بحور الذكريات الفصل الواحد والعشرون 21 والثاني والعشرون 22 بقلم دودو محمد
اشرقت شمس يوم جديد بنورها الساطع فى سماء العاصمه لتداعب بخيوطها الصفراء العيون الزرقاء لتستيقظ نيره على صوت ابوها
محمد :- نيره نيره
نيره :- امممم
محمد :- اصحى يا حبيبتى احنا وصلنا
نيره :- فتحت عنيها ولاقت ابوها قامت قعدة واترمت فى حضنه وقالت بابا واحشتنى اوى اوى يا بابا
محمد :- وانتى يا حبيبتى واحشتينى بس انا زعلان منك
نيره :- بعدت عن حضن ابوها وقالت ليه يا بابا
محمد :- انتى عارفه اخدى قرارك ومستنتيش لما احنا نيجى ونقعد نتكلم فى الموضوع مع بعض
نيره :- يابابا مفيش وقت ولو متجوزتش وليد بسرعه البنات هضيع منى
محمد :- مش يمكن كنت انا قدرت اقنعهم يتنزلو على الدعوه دى
وفى الوقت ده دخلت منيره
منيره :- حضنت نيره جامد وقالت واحشتينى يا حبيبتى اوى
نيره :- وانتو والله يا ماما البيت كان وحش من غيركم خالص يا ماما ربنا يخليكم لينا
منيره :- بس انا فرحانه اوى بالخبر ده يانيره ربنا يفرح قلبك زى ما فرحتى قلبى يا نيره يا بنت بطنى يارب
نيره :- خبر ايه
منيره :- خبر جوازك من وليد احسن حاجه عملتيها هيبقى هو سندك وامانك وهيقدر يحافظ عليكى وعلى بناتك مش تقوليلى شغل اهو ايه جالنا من وراه غير دخول الاقسام وسيرتك اللى على كل الجرايد
نيره :- ومن قالكم
منيره :- نادر طبعآ
نيره :- اهو اللى حصل بقى
منيره :- اوعى اى حد يأثر عليكى ويخليكى تغيرى رأيك اهم حاجه بناتك يبقو فى حضنك وانتى مش قدامك اى طريقه تحافظى عليهم غير بجوازك من وليد
نيره :- خلاص يا ماما ملهوش لازمه الكلام دلوقتى كده كده الجواز بكره ومش هغير رأى متخفيش
منيره :- حضنتها وقالت ربنا يسعدك يا حبيبتى ويهنيكى يارب ووليد ابن حلال وكويس وهيعرف يحافظ عليكى ويسعدك
محمد :- بص لبنته شاف فى عنيها نظرت قهر وذل وانكسار وقال ربنا يعينك يا حبيبتى ويسعدك
نيره :- اترمت فى حضن ابوها وقعدة تعيط والبنات داخلو
جيسى وجيرمين :- ماما ماما ماما طلعو يجرو على امهم وحضنوها
نيره :- مسحت دموعها واخدت بنتها بالحضن وقالت حبايب ماما واحشتونى اوى اوى يا قلبى
جيسى :- وانتى كمان يا ماما واحشتينى انت عارفه يا ماما البلد حلو اوى يا ماما ومشيت فى الزرعه وكنت باكل طماطم من الارض علطول
جيرمين :- اه يا ماما بس جيسى عملت شقاوه كتير وتعبت تيته اوى
جيسى :- كدابه هى اللى كانت بتعمل شقاوه وتيته زعلت منها
جيرمين :- كدابه مش انتى وقعتى الكوبايه فى الارض كسرتيها واتعورتى ساعة ما كانت تيته منيره بتكلم تيته امينه
الكل بص على منيره
نيره :- انتى كنتى بتكلمى حماتى
منيره :- ها ا.ا.اه ك.ك.كانت بتسأل على البنات
محمد :- ومقولتيش ليه
منيره :- يوه يا اخويه نسيت وبعدين ما هى علطول بتتصل تسأل على البنات
محمد :- ماشى يا منيره بس بعد كده حاجه زى دى تعرفينى
منيره :- حاضر
وفى الوقت ده جت نرمين
نرمين :- متجمعين عند النبى ان شاءلله
الكل :- اللهم امين
البنات طلعو يجرو على نرمين وقالو
خالتو خالتو
نرمين :- حبايب قلب خالتو واحشتونى يا بنات ايه الفسحه كانت حلو
جيسى :- اوى يا خالتو
جيرمين :- تعالى يا خالتو اقلك سر فى ودنك
نرمين :- وطت وادت ودنها لجيرمين وقالت ها قولى
جيرمين :- فى ودن نرمين انا ضربت ولد كان عايز يمسك ايدى وقولتله عيب خالتو نرمين قالت ليا كده
نرمين :- ها وبعدين
جيرمين :- جه تانى يوم كان عايز يغلس عليا وياخد المصاصه بتاعتى مسكت طوبه كبيره وضربته بيها وطلعت اجرى بس اوعى تقولى لحد
نرمين :- كفك يا جوجو جدعه خليكى جامده كده وقويه محدش يقدر عليكى
جيرمين :- ششششش وطى صوتك علشان محدش يسمعنا
نرمين :- بصوت واطى حاضر حاضر
منيره :- ايه يا اختى كنا نايمين فى حضنك داخله كده لا سلام ولا كلام
نرمين :- راحت عليها وباست ايديها وراسها وقالت وانا اقدر يا ست الكل ده انتى الخير والبركه
منيره :- اه منك بت بكاشه بطريقه
نرمين :- راحت سلمت على ابوها وقالت طب قولها انت يا حاج حاجه اسلم واحب فيها تقول بكاشه ماسلمش تقول كأننا نيميآ فى حضنك ارضى ست الحبايب ازاى
محمد :- هههههههههه مش هتبطلو منقره مع بعض ابدآ
نيره :- طب وانا ياست نونه
نرمين :- راحت باست اختها وحضنتها وقالت ده انتى واحشانى اوى يا نيرو والله
نيره :- اه بأمارة ما كنتى بتتصلى وتسألى
نرمين :- خلاص بقى يا نيرو قلبك ابيض
نيره :- ماهى دى مشكلتى قلبى ابيض
نرمين :- لابصى بقى انا هخش اخد شاور فى السريع وبعد كده احكى ليا كل حاجه حصلت
نيره :- ماشى
……………………………………………………
عند ادم
كان قاعد مع نهى فى الكافتيريه
نهى :- لا انت مجنون رسمى فى حد يعمل اللى انت عملته ده
ادم :- عملت ايه يعنى
نهى :- عملت ايه خطفتها وتضربها بالراس يا مفترى وتقول عملت ايه سمعتها كلام زى السم وتقول عملت ايه وتسبها تمشى لواحدها من السكه دى وتقول عملت ايه انت بالشكل ده خسرتها للابد يا ادم
ادم :- انا كنت خطفها علشان اهوشها مش اكتر مستحيل يعنى اعمل حاجه تأذيها منكرش ان ضعفت للحظه بس حبها فوقنى وقولت الكلام ده ليها علشان اتغظت منها وحاولت اتمالك نفسى علشان متهورش اكتر من كده وسبتها تمشى علشان لو كانت قعدة ثانيه واحده كان ممكن تحصل حاجه اخسرها العمر كله
نهى :- وانت متأكد كده انك مخسرتهاش
ادم :- ماهو ده اللى عايزك تساعدينى فيه
نهى :- ياادم انا معاك وبساعدك لكن انت بتهورك بترجعنا تانى لواره
ادم :- يا نهى انا بحبها وغيرتى عليها بتخلينى افقد اعصابى واعمل حجات مجنونه من غير تفكير ونرمين دماغها ناشفه جدآ وعنيده اوى وانا عصبى اوى انا عايز اغير منها بس بطريقه غير مباشره.
نهى :- يعنى انت عايز ايه
ادم :- هقولك
……………………………………………………
عند وليد صحى من نومه على صوت تليفونه.
وليد :- السلام عليكم
امينه :- وعليكم السلام
وليد :- عامله ايه يا ماما
امينه :- الحمدالله المهم عملت ايه علشان تعرف تنزل بكره لكتب الكتاب
وليد :- برضه يا ماما مصممه على اللى فى دماغك طب اصبرى شويه لحد ماانزل اجازه
امينه :- انا قولت كلمه واحده تنزل بكره تكتب كتابك على نيره
وليد :- ولما اكتب كتبها هتقعد فين ان شاءالله
امينه :- هتاخدها معاك
وليد :- اخدها معايه فين الشغل
امينه :- لا فى الفندق اللى انت قاعد فيه قعدها معاك فى الاوضه بتاعتك
وليد :- وانتى عرفتى ازاى ان انا قاعد فى فندق
امينه :- ها م.م.مفيش يعنى هكون عرفت منين م.م.منك انت
وليد :- منى انا ازاى وانا مقولتش لحد نهائى
امينه :- يعنى بتكدبنى يا ولد
وليد :- لا مش قصدى بس مستغرب
امينه :- بكره هنستناك وكل حاجه جاهزه سلام وقفلت معاه
وليد :- فى حاجه غلط امى عرفت منين انا لازم اعرف ايه وراه الموضوع ده
……………………………………………………
عند عمرو وتقى
عمرو :- تصدقى هى الرحله دى نحس من اولها اولها اطحنت من اخوكى وبعدين اقطعنها ونزلنا بدرى بسبب نرمين
تقى :- والله مش عارفه ايه اللى حصل مابين نرمين وادم بس جت على اخرها ومش عايزه تكلم حد قالت ليا ان احنا هننزل القاهره ومن سعتها مكلمتنيش ولا كلمه وطول السكه سرحانه وسكته
عمرو :- طب ما شوفت يا بنتى كل ده بس مستغرب اختفاء اخوكى تكونش البت نرمين قتلته وعملت معا احلى واجب
تقى :- اتلم يا عمرو بس هو شكله لسه الندوه بتاعته مخلصتش علشان مجاش لحد دلوقتى الفيلا
عمرو :- ان شاءالله يطلع اللى فى دماغى صح وارتاح منه يا شيخه
تقى :- هزعل منك يا عمرو
عمرو :- لالالا مقدرش على زعل الجميل طب والله واحشتينى
تقى :- يا سلام ده احنا لسه كنا مع بعض مبقلناش ساعتين
عمرو :- يابت ده انتى بتوحشينى كل دقيقه مش تقولى ساعتين امته بقى نبقى مع بعض علطول وانا مش هسيبك تبعدى عن حضنى لو ثانيه واحده
تقى :- احم ا.ا.انا هقفل بقى احسن شكل فى مفاجئات كتير هتحصل فى الفيلا
عمرو :- ليه بتقولى كده
تقى :- دخلت لاقيت ماما بتقول لابيه وليد ان كتب كتابه بكره على نيره اخت نرمين
عمرو :- اللى هى كانت مرات اخوكى الله يرحمه
تقى :- اه هى
عمرو :- مش انتى كنتى بتقولى انها رافضه الجواز من اخوكى ده
تقى :- اه بس مش عارفه ايه غير رأيها
عمرو :- خلاص هسيبك انا بقى
تقى :- ماشى
عمرو :- تقى
تقى :- نعم
عمرو :- بحبك
تقى :- وانا كمان سلام وقفلت معاه التليفون
عمرو :- هههههههه يخربيتك بعشق امك
……………………………………………………
عند خالد
صحى من نومه و سمع الباب بيخبط
خالد :- ده مين الرزل ده اللى بيخبط
وقام يفتح الباب
رقيه :- صباح الخير الد
خالد :- صباح القشطه والمهلبيه يا عيون وقلب الد
رقيه :- الد انا روحت لوليد وقالت ليا اروح ليكى انتى ننزل علشان هى مش عايزه تنزل
خالد :- يقطعه
رقيه :- وانتى مش هتيجى مع اللى انا
خالد :- يقطعنى
رقيه :- قولتى ايه الد
خالد :- ياسلام انت تأمر يا عسل هخش البس هدومى وبعدين بص لنفسه وقال نهاااااااااار اسود ومنيل ا.ا.انا اسف
رقيه :- اسفه على ايه الد
خالد :- علشان فتحت ليكى وانا مش لابس حاجه من فوق
رقيه :- عادى الد مفيش مشكله وبعدين العضلات بتاعة اللى انت كبيره اوى حلوه اوى يا الد
خالد :- ربنا يجبر بخاطرك يا حاجه وغمز😉😉 ليها وقال يعنى انفع
رقيه :- تنفعى ايه الد
خالد :- ها انفع اغسل المواعين
رقيه :- هههههههههه انتى دمك خفيف الد
خالد :- وانتى كلك على بعدك عسل كنافه بالمكسرات
رقيه :- شكرآ الد يلا احسن البطن اللى انا عايز ياكل
خالد :- هوا هلبس بسرعه ودخل لبس ونزلو الاتنين المطعم
……………………………………………………
فى بيت محمد إبراهيم
كانت نرمين قعده مع اختها فى الاوضه
نرمين :- انتى ازاى توافقى على الجواز من اللى اسمه وليد ده مش ده اللى فى الفندق قال ان هو مش عايزك ولا نسيتى
نيره :- ده كلام يعنى هو مش بنت علشان امه تغصب عليه يتجوزنى وبعدين حتى لو هو كده ومش عايزنى
ده هيبقى مصلحه ليا مش هيطلب منى حاجه من حقوقه الزوجيه
نرمين :- طب يا بنتى عليكى بأيه كل ده ماكنتى رفضى وخلصتى نفسك
نيره :- انا تعبت من كتر ما بقولكو بناتى بناتى
نرمين :- اهدى يا نيره
نيره :- انا تعبت من الكل بيلوم عليا انا وافقت ليه ما لو الكل حط نفسه مكانى هيبقى ده نفس رد الفعل يعنى انا مش هموت على الجواز من وليد ولا على الجواز نفسه انا من بعد رامى الله يرحمه محدش يملا عينى وقلبى انا بموت فى كل دقيقه الف مره كل ما افتكر ان من بكره اسمى هيتكتب على واحد تانى وبعد ما كنت مرات رامى هكون مرات واحد تانى مبحبهوش مهما اقولك واشرح ليكم احساسى ووجع قلبى من جوه عامل ازاى محدش هيحس بى وعيطت وقالت انا تعبت والله تعبت بتمنا ان النهار ميطلعش عليا او كل اللى عشته ده كابوس وهينتهى وهصح الاقى نفسى نايمه فى حضن رامى وعايشه سعيده زى ماكنت
نرمين :- بزعل على اختها خلاص يا نيره اهدى واكيد كلنا عارفين ومقدرين اللى انتى فيه وحاسين بيكى وعارفين انتى ضحيتى قد ايه علشان بناتك بس انا كان نفسى تعملى لنفسك شخصيه اكتر من كده معاهم
نيره :- اللى حصل يا نرمين اهم حاجه بعد كتب الكتاب هيتنازل المحامى عن رفع الدعوه
نرمين :- وناويه على ايه مع وليد
نيره :- على ايه
نرمين :- احم بعد كتب الكتاب
نيره :- فهمت وقالت اه لا هو اخره معايه كتب الكتاب وبعد كده كل واحد فى حاله
نرمين :- وافرضى طلب حقه
نيره :- لا مفيش انا جسمى ملك رامى الله يرحمه بس
نرمين :- معتقدش ان الموضوع ده هيعدى بالساهل مع وليد بس ربنا يستر بقى انا هقوم انام بقى احسن هلكانا من السكه تصبحى على خير
نيره :- وانتى من اهله
وطلعت نرمين على اوضتها ونيره طفت النور ونامت
فى اوضة نرمين
كان تليفونها بيرن برقم تقى
نرمين :- السلام عليكم
تقى :- وعليكم السلام ايه يا بنتى كل ده بقالى ساعه برن عليكى
نرمين :- كنت سايبه التليفون فى الاوضه
تقى :- فى ايه يا بنتى من ساعة مارجعتى امبارح من عند ادم وانتى مش طايقه تكلمى حد كده ليه
نرمين :- تقى مش عايزه اتكلم فى الموضوع ده
تقى :- ليه انا محبيتش اسألك امبارح علشان مضيقيش وقولت اسيبك براحتك لحد ما تحكى انتى بنفسك
نرمين :- هحكى واقولك ايه اقولك ان اخوكى واحد واطى معندهوش دم هقولك ايه وكان عايز يعمل ايه معايا ده بنأم زباله اقسم بالله
تقى :- ليه كان عايز يعمل ايه
نرمين :- مفيش منه فايده الكلام دلوقتى ياتقى انا مش طايقه نفسى ومش عايزه اقول كلام ارجع اندم عليه بعدين
تقى :- انتى كراهتي يا نرمين
نرمين :- بدموع ماهو ده اللى تعبنى يا تقى بعد كل اللى بيعملو معايه مش قادره اكرهو ولا قادره اقسى قلبى عليه انتى عارفه امبارح اخوكى كان مقرب ليا اوى اللى مزعلنى ان مكنتش كرها قربه ليا بلعكس كان عندى شعور غريب بس حلو كنت بتمنى بدل ما احنا بنتناقر مع بعض اكون نايمه فى حضنه وبيطبطب عليا ويقولى كلام حلو ويبقى بدل ما هو خطفنى يكون جوزى وحلالى بس انا تعبت بجد منه تحسى ان عنده انفصال فى الشخصيه عينه بيبان عليها حبى بس كلامه بيقول عكس كده قربه ليا ودقات قلبه اللى بسمعها بتقول انها بتعشقنى بس افعاله بتقول غير كده غيرته عليا من عمرو وقربه من نهى انا مش قادر افهم حاجه خالص وفى كل الحالات بحبه يا تقى
تقى :- انتى عارفه المشكله فين
نرمين :- فين
تقى :- فى عنادكم انتو الاتنين عندين هو بيحبك وبيكابر وانتى بتحبيه وبتعاندى والمشكله ان كل واحد منتظر التانى يتنازل عن عناده ويعترف بحبه بس فى الاخر محدش هيتنازل وهيحصل معجزه علشان تبقى مع بعض
نرمين :- وربنا اخوكى ده قليل الذوق ومعندهوش دم
تقى :- احم وبالنسبه ان انا اخته
نرمين :- اياكش تولعو انتو الاتنين على راس بعض واقفلى بقى علشان عايزه انام
تقى:- والله عنده حق ادم يطفش من لسانك
نرمين :- وحياة امك طب اقفلى علشان متسمعيش طولة اللسان على حق
تقى :- احم لا يا حبيبتى وعلى ايه تصبحى على خير يا قلبى
نرمين :- وانتى من اهله
……………………………………………………
عند وليد كان قاعد فى اوضه
وسمع خبط على الباب قام وفتح الباب وكان خالد ورقيه
خالد :- فى ايه يا ليدو حابس نفسك ليه فى الاوضه طول النهار
وليد :- بفكر فى مصيبة بكره
خالد :- برضه امك مصممه تجوزك بكره
وليد :- اه لسه قفله معايا واكدت عليا
خالد :- خلاص يا وليد اتجوزها وبعد شويه ابقى طلقها
وليد :- مش عارف ليه مش مرتاح حاسس فى حاجه بتحصل من ورايا
خالد :- ها حاجه زى ايه
وليد :- مش عارف
خالد :- انت بس علشان متوتر من بكره دماغك بتصورك كده
وليد :- مش عارف بقى اهم حاجه خلى بالك من رقيه بكره طول النهار مش هكون موجود
خالد :- متخفش عليها دى فى قلبى وقافل عليها
رقيه :- انتى روحى فين بكره وليد
خالد :- رايح يتجوز عقبالك يا حبيبتى
رقيه :- اوه انتى هتتجوزى واحد ست
خالد :- امال هيتجوز واحده راجل ده حتى يبقى عيب فى حقنا
وليد :- روح اوضك يا خالد انا مش فايقلك خالص
رقيه :- انا هخش انام تصبحى على خير
خالد :- تصبحى على سعاده وهنا وعلى وشى انا يارب وخرجت رقيه على اوضتها
خالد :- ناوى تقعدها فين
وليد :- مش عارف بس امى بتقولى اقعدها هنا معايا فى الاوضه
خالد :- فكره حلوه
وليد :- حلوه ايه يا اخى انا جى اتجوز ولا اشتغل وبعدين انا كده هشوف وشها علطول فى وشى
خالد :- مش يمكن تقربو لبعض اكتر هنا لما تكون معاها علطول
وليد :- مستحيل ده يحصل
خالد :- محدش يعلم الغيب تصبح على خير
وليد :- وانت من اهله
……………………………………………………
اشرقت شمس يوم جديد بنورها الساطع فى سماء العاصمه انه اليوم الموعود يوم الخميس يوم زواج وليد ونيره لتبدء نيره بالاستيقاظ وتفتح عنيها على صوت امها
منيره :- صحى النوم يا عروسه اصحى بقى ورانا لسه حجات كتير
نيره :- بحزن ماما اللى انتى عايزه اعمليه وسبينى فى حالى
منيره :- يوه يا بنتى هو انا اللى هتجوز ولا انتى مش تقومى كده وشوفى هتلبسى ايه واعملى زى العرايس ما بيعملو ما انتى فاهمه بقى ما انتى كنتى عروسه قبل كده وعارفه
نيره :- فهمت قصد امها وقالت ماما ابوس ايدك سبينى فى حالى دلوقتى انا على اخرى
منيره :- يا بنتى انا بقول كده لمصلحتك
نيره :- انا عارفه مصلحتى كويس
منيره :- انتى حره واه اعملى حسابك البنات هتقعد هنا معايا اليومين دول
نيره :- ليه بقى ان شاءالله بناتى هاخدهم معايا امال انا وفقت على الهم ده ليه ما علشان يبقى فى حضنى
منيره :- يا بنتى انا مش بقولك علطول انا بقولك اليومين دول بس
نيره :- فهمت قصد امها وقالت ماما ماما ماما ابوس ايدك بلاش الكلام ده
منيره :- يوووووووه بقى نكديه هروح اشوف اللى ورايا ايه
وخرجت منيره وقعدة نيره غرقانه فى بحور ذكريتها
……………………………………………………
فلاش باااااااك
كانت نيره قاعده فى اوضتها وتليفونها رن
نيره :- السلام عليكم
رامى :- وعليكم السلام اذيك يا عروسه
نيره :- الحمدالله
رامى :- بتعملى ايه
نيره :- ولا حاجه حضرت نفسى ومستنياك علشان تيجى تخدنى مركز التجميل
رامى :- امممممم جهزتى كله كله
نيره :- اه الفستان والشوز وكل حاجه
رامى :- مش قصدى على دول انا قصدى على حاجه تانيه
نيره :- فهمت قصده وقالت يا قليل الادب
رامى :- انتى شوفتى قلة ادب قلة الادب هتكون بليل
نيره :- رامى عيب كده انت غلس
رامى :- عيب ايه يا بت العبيطه انا جوزك
نيره :- برضه عيب
رامى :- مش كفايه منشفها عليا من يوم كتب كتابنا وانتى مدوخانى على بوسه
نيره :- لا طبعآ عيب مينفعش
رامى :- نهاررررك اسود ومنيل البوسه عيب وانتى مراتى امال بليل هتقولى ايه هتقيمى الحد عليا ولا ايه يا بختك الاسود يارامى متجوز واحده هبله
نيره :- ههههههههههه
رامى :- بس اعمل ايه بموت فيها وفى طيبة قلبها دى
نيره :- طب مش يلا تيجى بقى علشان توصلنا بقى بالعربيه
رامى :- هكون عندك علطول يا مزه بحبك
نيره :- احم سلام
رامى :- ماشى ماشى لو مكنتش اسمعها منك بليل مبقاش انا سلام
……………………………………………………
بااااااك
نيره :- مسحت دموعها وقالت الله يرحمك يا حبيبى احلا ايام عمرى شفتها معاك واحلا الذكريات
……………………………………………………
عند وليد فى الفندق
كان نايم فى اوضه وصحى على صوت الباب
وليد :- مفيش غيره الرزل على الصبح
وقام فتح
خالد :- ليدو حبيبى صحى النوم يا بابا انت ناسى انك عريس
وليد :- والله العظيم انا قولت مفيش رزل على الصبح غيرك
خالد :- عيب عليك يا ليدو ده انا وش السعد عليك
وليد :- خالد عايز ايه اخلص
خالد :- ولا حاجه انا قولت اصحيك علشان تجهز نفسك يا عريس وغمزله😉😉
وليد :- قصدك أيه يا روح امك
خالد :- ههههههههه انت عارف بقى 😂😂
وليد :- انت عارف لو ممشيتش من وشى دلوقتى هولع فيك
خالد :- ليه بس يا ليدو ده انا عايز مصلحتك
وليد :- كان بيبص حواليه
خالد :- بدور على حاجه
وليد :- اه بدور على حاجه افتح بيها دماغك
خالد :- احم طااااااب يا ليدو معلش بقى مضطر اسيبك دلوقتى يا حبيبى علشان مش فاضى وطلع يجرى وقفل الباب وراه
……………………………………………………
ومر اليوم وجاء الليل وبدء الكل بتجهيز
وكانت نيره قعده فى اوضتها بتعيط
وخبط الباب وقامت فتحت
منيره :- خبطت على صدرها وقالت يا نهار اسود انتى مسودها كده ليه
نيره :- فى ايه يا ماما ما هو لبس عادى اهو
منيره :- يا بنتى انتى رايحه كتب كتابك ولا رايحه عزاه مالك لابسه كله اسود كده وايه الجيبه الواسعه دى وايه البلوزه اللى من ايام امى الله يرحمها وحتى الطرحه سوده ولا حطه احمر ولا كحل فى ايه يا بنتى انتى ناويه تشلينى حرام عليكى يا شيخه
نيره :- والله هو ده اللى عندى وبعدين انا فعلا ريحه عزاه بس بتاعى مش بتاع اى حد تانى
منيره :- ربنا يهديكى يا بنتى وربنا يستر على الراجل لما يشوفك بالمنظر ده يلا يا اختى احسن ادم وقف بالعربيه بتاعته تحت
ومشيو كلهم ونزلو تحت
نرمين :- اول ما شافت ادم بصت النحيه التانيه وركبت العربيه من وراه
وركب نادر جمب ادم
وطول الطريق ادم بيبص على نرمين فى المرايا ومحدش نطق بكلمه واحده فى العربيه لحد ما وصل الكل على الفيلا
……………………………………………………
بقلمى (دودو محمد)
«تائهه فى بحور الذكريات»
الفصل الثانى وعشرون
فى فيلا وحيد الدمنهورى
كان الكل قاعد وبيتابع المأذون
ووليد قاعد على جنب وعلى الجانب التانى قاعد محمد وفى النص المأذون
وفى الوقت ده سرحت نيره فى ذكرياتها
……………………………………………………
فلاش باااااك
رامى :- ايه يا بت القمر ده
نيره :- بس يارامى حرام الكلام مع بعض واحنا لسه مفيش حاجه شرعى ما بنا
رامى :- خلاص كلها دقايق وتبقى مراتى وهقطعك
نيره :- احم ب.ب.بيندهو عليك
رامى :- عط على شفايفه وقال ااااه هروح ورجعلك يا جميل
وراح رامى وقعد قصاد محمد والمأذون فى النص وحط ايده فى ايد محمد
والمأذون قال قول ورايا ومع كل كلمه تتقال رامى يغمز لنيره بعنيه
نيره :- وشها احمر واتكسفت من نظرات رامى ليها وبعد وقت قال المأذون بارك الله لكما وبارك عليكم وجمع ما بينكم فى خير ونرمين جريت وشدة المنديل وقالت
نرمين :- لامؤاخذه يا جماعه المنديل ده يخصنى حد ليه شوق فى حاجه
رامى :- لالا يا كبير خدى ولو عايزه نيره كمان معاه خديها
نرمين :- لا متشكره هخد انا المنديل وشدة نيره وقالت وانت خد نيره وغمزت ليهم 😉 الله يسهلو ومشيت
رامى :- انتو متأكدين ان دى بنت
نيره :- ههههههههههههه
رامى :- عسل يا ناس وهى بتضحك وباسها فى راسها وقال مبروك يا حرم رامى وحيد الدمنهورى
نيره :- اتكسفت وبعدت عن رامى وقالت عيب يارامى
رامى :- عيب ايه ده انتى مراتى وبعدين انا راضى ذمتك ببوسك قدام الكل وابوكى واخوكى شافو كل حاجه لو هو عيب كانو اتكلمو صح
نيره :- هزت راسها بمعنى اه
رامى :- يا نيرو انتى دلوقتى مراتى على سنة الله ورسوله يعنى حلالى طبعآ فى حدود لحد الفرح
نيره :- م.م.ماشى
رامى :- تعالى وشدها من ايديها وداخلو الصالون
نيره :- ايه فى ايه
رامى :- اقعدى بس
نيره :- قعدة ورامى نزل على ركبته قدمها وطلع علبه قطيفه وفتحها وطلع منها خاتم الماظ ومسك ايديها ولبسهولها وباس ايديها وقال
رامى :- دى حاجه بسيطه ويارب يكون زوقى عجبك وان شاءالله هخليكى تنزلى تنقى اللى انتى عايزاه من الصايغ
نيره :- بصت على ايديها وقالت الله يارامى تحفه بجد ربنا يخليك ليا يارب
رامى :- طب ايه مفيش اى مكافأه على الهديه دى
نيره :- مش فاهمه عايز ايه
رامى :- بوسه والنبى
نيره :- والله انت قليل الادب
رامى :- قليل الادب ايه والله انا جوزك يعنى مش واحد غريب هاتى بوسه بقى
نيره :- رامى بس بقى
رامى :- بيقرب منها علشان يبوسها دخلت عليهم نرمين
نرمين :- ايه ده ايه ده اللى بيحصل من ورانا
نيره :- طلعت تجرى على نرمين وقالت لالالا محصلش حاجه والله اوعى تروحى تقولى لبابا والنبى
رامى :- تعالى هنا يا هبله انا جوزك الله يخربيت التخلف
نرمين :- ههههههههه اه صح تصدق كنت ناسيه انك جوزى اختى
رامى :- وحياة امك وبعدين فى حد يخش كده من غير ما يخبط على الباب
نرمين :- ههههههه شكلى قطعت عليك القعده الرومانسيه هههه😂😂
رامى :- يخربيت غلستك يا شيخه بيع الدم بتاعك مفيش خالص
نيره :- بس يا رامى ملكش دعوه بأختى
رامى :- اولعو انتو الاتنين على بعض وسبهم فى الاوضه
نيره ونرمين :- بصو لبعض وضحكو على منظر رامى ههههههههههههه😂😂
……………………………………………………
باااااااك
فقت نيره على صوت اخوها وهو بينادى عليها علشان تمضى
نادر :- نيره نيره
نيره :- ها ايوه
نادر :- فى ايه يا بنتى بقالى ساعه بنادى عليكى وانتى بتضحكى بس ومش بتردى
نيره :- ايوه يا نادر عايز ايه يعنى
نادر :- خدى امضى هنا على اوراق المأذون
نيره :- اخدت الدفتر ومضت وخلصت الاجراءت ومشى المأذون واتبقى العلتين وبعض الاشخاص المقربه ليهم
وبعد التهانى اللاتنين وقف ادم وقال
ادم :- احم يا جماعه انا عايز ابلغكم خبر
امينه :- خير يا ابنى
ادم :- انا قررت اخطب
الكل :- مبروك يا ادم
ادم :- الله يبارك فيكم
تقى :- وهى فرحانه وبتبص على نرمين قالت ومين سعيدة الحظ اللى ناوى تخطبها
نرمين :- كان قلبها بيدق جامد ومبسوطه من جواها
ادم :- وهو باصص على نرمين قال سعيدة الحظ تبقى نهى
الخبر نزل بصدمه على نيره ونرمين وتقى
تقى :- ا.ا.انت قولت مين
ادم :- الدكتوره نهى
الكل :- بارك لادم ولنهى
نرمين :- حبست الدموع فى عنيها وقالت عن اذنكم يا جماعه هروح انا علشان مصدعه شويه
امينه :- يا بنتى اقعدى معانا شويه
نرمين :- معلش يا طنط
محمد :- نادر روح مع اختك
نادر :- حاضر يا بابا
ومشيت نرمين مع نادر من غير ما تنطق ولا كلمه
تقى :- زعلت على نرمين ووقفت وقالت عن اذنكم انا طالعه اوضى وسابتهم ومشيت
امينه :- بصت لوليد وقالت خد مراتك يا حبيبى وامشى انت واحنا العوجيز هنقضى السهره مع بعض
نيره :- يخدنى فين هو انا مش هعيش هنا
امينه :- هتعيشى هنا بس هو دلوقتى قاعد فى فندق تبع الشغل مش هينفع يسيب الشغل ويقعد هنا
نيره :- خلاص يروح هو وانا هقعد هنا
منيره :- يوه ودى تيجى ازاى يبقى انهارده كتب كتابكم وهو ينام فى حته وانتى تنامى فى حته
نيره :- وانا مش هروح فى حته مع حد انا هقعد هنا مع بناتى
امينه :- يا بنتى ربنا يهديكى قومى مع جوزك قولها حاجه يا وليد
وليد :- هى حره لو عايزه تيجى انا هستنا شويه فى العربيه وبعد كده همشى
نيره :- لا متتعبش نفسك يا حضرة المقدم روح شوف انت شغلك
وليد :- احسن برضه ولسه هيمشى
محمد :- استنا يا ابنى خد مراتك معاك
نيره :- يابابا ان
محمد :- قطعها وقال كلمه واحده مع جوزك
نيره :- يابابا انت عمرك ما غصبت علينا فى حاجه
محمد :- بس لما يكون بتعملى غلط لازم اوقفك روحى مع جوزك ربنا يهنيكم
نيره :- بغيظ هطلع اجيب هدوم من فوق
منيره :- الشنطه بتاعتك جهزه بهدومك كلها وفى الشنطه بتاعة العربيه بره
نيره :- مين عملها
منيره :- انا
نيره :- انتى عرفتى منين ان انا مش هقعد فى الفيلا وهقعد فى فندق
منيره :- ما خلاص يا بنتى اسأله وروحى مع جوزك علشان متتأخروش
نيره :- ماشى يا ماما انا ليا معاكى كلام بعد كده
منيره :- يلا بقى امشى
ومشيت نيره ووراها وليد وراحت عند العربيه وفتحت الباب اللى وراه
وليد :- اللهم يطولك ياروح ما قولنا قبل كده انا مش سواق حضرتك علشان تقعدى وراه
نيره :- انا حره اركب ما كان انا عايزه اركب وركبت وقفلت الباب وراها
وليد :- نفخ وقال استغفر الله العظيم صبرنى ياربى
وركب عربيته وراح عند الفندق
……………………………………………………
فى بيت محمد إبراهيم
وصلت نرمين ونادر وكل واحد دخل اوضه
فى اوضة نرمين اترمت على السرير وقعدة تعيط وسمعت صوت تليفونها لاقتها تقى
نرمين :- ايوه يا تقى
تقى :- عامله ايه دلوقتى
نرمين :- زفت يا تقى زفت شوفتى المجنون اخوكى عمل فيا ايه علقنى بي وراح خطب واحده تانيه طب ليه عمل فيا كده ليه
تقى :- اهدى يا نرمين
نرمين :- ما تقوليش اهدى هو اللى عملو اخوكى ده يخلى الواحد عاقل طب كان سابنى فى حالى ومعلقنيش بى مكنش رسم ليا حياه ورديه وراح عاشها مع غيرى كان ساب قلبى وحيد ولا كان علقه بيه وبعد كده سابه
تقى :- انا نفسى استغربت مع ان واضح اوى ان هو بيحبك بس مش فاهمه حاجه هتجن اقسم بالله ليه عمل كده ليه
نرمين :- علشان واحد معندهوش دم واحد انانى مش بيهمو حد اهم حاجه مصلحته انا خلاص يا تقى مش عايزه اعرفه تانى ولا حتى كصديق زى ما هو بيقول انا هشيله من حياتى وهبص على مستقبلى وبس انا خلاص تعبت من حبه تعبت مأخدش من وراه حبه غير وجع قلب وضعف وقلة قيمه انا مش هفكر في تانى يا تقى
تقى :- صعبت عليها نرمين وقالت مش هقدر الوم عليكى ولا ارجعك فى كلامك علشان فعلا انتى عندك حق بس هطلب منك تفضلى زى ما انتى نرمين الطيبه الجدعه القويه اللى متخفش من حد متخليش اى حد يهز ثقتك فى نفسك مهما كان
نرمين :- متخفيش عليا هكتم وجعى فى قلبى وهحتفظ بى لنفسى وبس
تقى :- ربنا يريح قلبك يا حبيبتى ويفرحك
نرمين :- الفرحه راحت لاصحابها يا تقى تصبحى على خير
تقى :- بزعل على حال صحبتها وانتى من اهله
وقفلت نرمين مع تقى ونامت على السرير وقعدة تعيط لحد ماراحت فى النوم من كتر العياط
……………………………………………………
فى الفندق
وصل وليد ونيره ودخل عند الاستقبال وبلغ بوجود نيره وما يثبت ان هى مراته وشال الشنطه وبص لنيره وقال
وليد :- يلا
نيره :- يلا فين
وليد :- على الاوضه
نيره :- انا عايزه اوضه لوحدى
وليد :- ازاى يعنى لوحدك ومعايه خالد صاحبى لما يشوفك نايمه فى اوضه لوحدك يقول ايه
نيره :- مليش دعوه بحد انا مش هروح معاك اوض انا عايزه اوضه لوحدى وانا اللى هدفع حقها من معايه
وليد :- اتعصب وقال ليه شيفانى سوسن ولا ايه انتى متجوزه راجل يعنى يقدر يصرف عليكى مش يخلى مراته تصرف على نفسها
نيره :- انت مصدق نفسك ولا ايه دى حتة ورقه مكتوبه لكن فى الحقيقه انت بالنسبالى ولا حاجه فاهم
وليد :- لا حوشى انا يعنى اللى كنت هموت واتجوزك ده انتى خرج بيوت يابت
نيره :- والله خرج بيوت مش.مع حد غريب مع اخوك اللى هو جوزى حبيبى ابو بناتى اللى انت كنت السبب فى موته وبكل برود جى تتجوز مراته
وليد :- مية مره قولتلك انا مش سبب فى موته ولو على جوازى منك فهو اللى كان السبب بوصيته
وفى الوقت ده جه خالد
خالد :- فى ايه يا جماعه صلو على النبى صوتكم عالى والناس بتتفرج عليكم
نيره :- وانت مين اصلا علشان تخش فى الكلام
خالد :- احم سورى انا خالد صاحب وليد ومكنش قصدى ادخل ولا حاجه بس المنظر وحش وانتو وقفين مع بعض وصوتكم العالى وانا اسف مره تانيه
نيره :- ما هو انت هتكون ايه غير زى صحبك معندكش دم
وليد :- لمى لسانك ومتخلنيش اعصابى تفلت منى علشان ممدش ايدى عليكى
نيره :- اه ما انت هتعرف الرجوله منين غير بمد الايد
وليد :- رايح على نيره وهيمد ايده عليها ويضربها بالقلم وقف فى النص خالد وقال
خالد :- لا وحد الله كده واهدى وبلاش الوقفه دى وتعالو نطلع فوق
نيره :- مش طلعه معاه فى اوضه انا عايزه اوضه لوحدى
خالد :- طب ثوانى وراح عند الاستقبال ورجع تانى وقال للاسف مفيش اوض فاضيه هنا
نيره :- حد قالك عليا عبيطه
خالد :- لا عاش ولا كان اللى يقول عليكى كده
نيره :- سبتهم وراحت للاستقبال وطلبت اوضه والاستقبال بلغها ان مفيش اوضه فاضيه رجعت تانى وقفت مكانها تانى
خالد :- ها صداقتى يا ستى
نيره :- اه
خالد :- يبقى يلا بينا نطلع بدل وقفتنا السوده دى
نيره :- هو انا ممكن اطلب منك طلب
خالد :- اه طبعآ امرى
نيره :- شكلك كويس وابن حلال ممكن اخد اوضك وانت تروح تنام معاه فى الاوضه
خالد :- اروح انام مع مين وليد لا طبعآ استحاله
نيره :- بزعل ليه
خالد :- ها ا.ا.اصل انا بتقلب كتير وانا نايم وبتكلم كتير وانا نايم وبمشى وبضرب وليله كبيره سعادتك
نيره :- هههههههه
خالد :- ايوه كده يلا بقى ونطلع زى الشاطرين الاوضه ونتكلم فوق
نيره :- انت اسمك ايه
خالد :- الد
نيره :- ايه
خالد :- خالد بس فى سنان لولى بتاكل الحروف وبتبقى ليا الد بس
نيره :- الصراحه مش فهماك
خالد :- لا ما هو وقفتنا كده هتخلى وليد يجى يولع فينا تعالى نروحو ليه والايام الجايه كتير نبقى نتكلم مع بعض كتير
نيره :- ماشى
وراحو لوليد
وليد :- ما لسه بدرى
خالد :- طب كويس تعالى نرجع تانى
مدام احنا متأخرناش
وليد :- خااااااالد انا مش طايق نفسى وعلى الاخر وسبهم وطلع
خالد :- ااااااوبا بقى شكلنا هنتكسر من
ليدو
نيره :- هههههه ليدو
خالد :- لا ده لسه هعرفك عليه بلاوى بس يلا دلوقتى
وطلعت نيره مع خالد لاوضة وليد
خالد :- خشى برجلك اليمين يا شابه
نيره :- هههههههههه
وليد :- اتفاجئ من ضحكة نيره وبص ليها شافها مختلفه عن كل مره
خالد :- ايه يا عم سرحان فى ايه
وليد :- ها ولا حاجه
خالد :- مراتك معاك مطوتك فى جيبك اللى يسألك ويقولك الجواز حلو غزو علطول سلام يا ليدو سلام يا مرات ليدو وخرج من الاوضه وقفل الباب وراه
وليد :- احم شنطتك اهى ورصى هدومك فى الدولاب براحتك انا مش حاطط هدوم ليا كتير
نيره :- شكرآ
وليد :- لو عايزه تغيرى هدومك اطلع بره الاوضه
نيره :- هخش اغير فى الحمام وراحت فتحت الشنطه واتصدمة وقالت يا نهار اسود بقى كده يا ماما لما اشوفك
وليد :- فى حاجه ولا ايه
نيره :- ها لالالا م.م.مفيش
وليد :- ماشى
نيره :- قفلت الشنطه تانى ورجعتها مكانها ودخلت الحمام
وليد :- استغرب انها داخله الحمام ومش معاها هدوم
وبعد شويه خرجت وهى بنفس الهدوم
وليد :- هو فى مشكله
نيره :- لا ليه
وليد :- اصل شايفك طالعه بنفس الهدوم
نيره :- ها م.م.مفيش عادى يعنى وبعدين انا حره
وليد :- انا مالى وسبها ودخل الحمام
ومسكت نيره تليفونها وطلبت امها
منيره :- السلام عليكم اذيك يا عروسه
نيره :- وعليكم السلام ايه اللى انتى عملتيه ده
منيره :- عملت ايه يا بنتى
نيره :- بصوت واطى حطه كل الهدوم قمصان نوم
منيره :- مش عروسه وهو ده لبس العروسه فى شهر العسل
نيره :- عسل ايه وبصل ايه مش عارفه اقولك ايه بصراحه
منيره :- يابت البسى وادلعى كده ودلعى جوزك احسن ما يطفش منك بلاش كائبه بقى
نيره :- ماما اقفلى يا حبيبتى تصبحى على خير
منيره :- وانتى من اهله
وقفلت مع امها وقالت
نيره :- اعمل ايه انا دلوقتى مش معقوله هقعد كل ده بطقم اللى عليا ده
عند وليد نسى الفوطه طلع ياخدها سمع كلام نيره مع امها وعرف ايه سبب انها مغيرتش وبعد ما قفلت مع امها طلع اخد الفوطه ودخل تانى
……………………………………………………
فى فيلا وحيد الدمنهورى
فى اوضة ادم كان ماسك تليفونه وبيكلم نهى
نهى :- حرام عليك يا شيخ انت جايب قسوة القلب دى منين والله العظيم البت صعبت عليا
ادم :- مش حكاية قسوه بس بحاول اغيرها دلوقتى علشان متتعبنيش بعدين
نهى :- ده لو رضيت تبص فى وشك تانى بعد اللى حصل
ادم:- لا انا واثق انها عمرها ما هتبطل تحبنى
نهى :- انا مش خايفه غير من الثقه الزياده دى
ادم :- المهم انا عارف بكره رايحه فين عايزك بكره تيجى معايه
نهى :- يا ادم خف شويه على البنت هتروح من ايديك
ادم :- متخفيش انا عارف بعمل ايه
نهى :- ماشى يا ادم لما نشوف اخرت الجنان ده ايه
ادم :- كل خير
……………………………………………………
فى الفندق
فى اوضة وليد ونيره
خرج وليد من الحمام بس ملاقاش نيره
بيبص فى الاوضه لاقها نايمه على الكنبه
وليد :- احم ا.ا.انتى ن.ن.نيره
نيره :- امم
وليد :- احم قومى نامى على السرير
نيره :- قامت قعدة وقالت نعم يا اخويه لا بقولك ايه انت اخرك معايه كتب الكتاب متفكرش فى حاجه تانيه
وليد :- وانا مش بفكر فى اى حاجه تانيه انا قصدى قومى نامى على السرير وانا هنام على الكنبه
نيره :- لا شكرآ انا مرتاحه كده
وليد :- نييييييييره قومى واسمعى الكلام بقى مش كل شويه مناهده ووجع قلب
نيره :- متتعبش نفسك علشان انا مش هقوم
وليد :- بصى يا بنت الناس علشان منتعبش بعض انا متجوزك علشان ارضى امى ومش عايز حاجه منك ولو هنعيش فتره مع بعض ياريت نعشها بهدوء قدام الناس انتى مراتى مابنا وبين بعض كل واحد فى حاله
نيره :- تقصد ايه نعيش مع بعض فتره
وليد :- يعنى نعيش فتره قد كام شهر مع بعض وكل واحد يروح يشوف حاله
نيره :- وبناتى
وليد :- مالهم
نيره :- مش هتاخدوهم منى
وليد :- لا طبعآ
نيره :- ماشى بس على شرط كل واحد حر يعمل اللى هو عايزه
وليد :- مدام هنحافظ على صورة بعض قدام الناس يبقى مفيش مشكله
نيره :- وانا ايه يثبت ليا صدق كلامك
وليد :- انا عمرى ما اقول كلمه وارجع فيها
نيره :- ماشى
وليد :- خلاص قومى بقى نامى على السرير
نيره :- ماشى
وقامت نيره نامت على السرير ونام وليد على الكنبه