رواية فتاة انحنت من أجل الحب
الفصل الحادي عشر 11والثاني عشر 12
بقلم دودو محمد
🌹فتاة انحنت من أجل الحب🌹
🌷الفصل الحادى عشر🌷
خرجت زهراء من الجامعه بتاعتها وقفت تاكسى وراحت عند الجواهرجى ودخلت وقالت
زهراء / السلام عليكم
العامل / وعليكم السلام اتفضلى يا فندم
زهراء / طلعت السلسله من شنتطها وقالت لو سمحت عايزه ابيع دى
العامل / طيب بعد اذنك الفاتوره بتاعتها
زهراء / للاسف ضاعت منى
عامل / انا اسف ممنوع اشترى حاجه من غير الفاتوره بتاعتها
زهراء / زعلت ولسه هتمشى جه صاحب المحل وقال
صاحب المحل / ورينى كده يا انسه
زهراء / رجعت ليه تانى وقالت اتفضل
صاحب المحل / اخدها منها وبص فيها وقال اتفضلى ثوانى وجاى
زهراء / قعدت تستنا صاحب المحل وشويه وجه صاحب المحل وقال اتفضلى يا انسه السلسله عملت كده
زهراء / اخدت منه الفلوس بفرحه وعدتهم وخرجت من المحل وهى مبسوطه وراحت اشترت فستان غالى جدآ وجزمه وكل مستلزمات الخطوبه وروحت على البيت ودخلت وقالت
زهراء / السلام عليكم
نبيله وأمينه / قالو وعليكم السلام
نبيله / ايه يا بنتى كل الشنط دى
زهراء / ايه جبت فستان بكل مستلزماته
نبيله / وهى الفلوس جابت كل ده
زهراء / ا.ا.ايوه
نبيله / ماشى يا اختى دخليهم اوضك واخلصى علشان امير زمانه جاى
زهراء / انتو اتصلتو بى
امينه / ايوه يا حبيبتى وقال قدامه نص ساعه وجاى
زهراء / ماشى يدوب ادخل اغير هدومى دى عن اذنكم ودخلت اوضتها وقفلت الباب عليها وخرجت الفستان من الشنطه بتاعته وحطته على جسمها وقعدت تلف بى من الفرحه ورجعته تانى الشنطه بتاعته وحطته فى الدولاب وطلعت الجزمه من الشنطه ولبستها وكانت بكعب عالى وقعدت تمشى فى الاوضه بدلع وقالت ده انتى هتكونى قنبلة الموسم فى خطوبتك يا بت يا زوزو وقلعت الجزمه وشالت الشنط كلها فى الدولاب وطلعت هدوم وغيرت اللى عليها وشويه وسمعت صوت جرس الباب عرفت أن هو امير بصت على نفسها فى المرايا بصه اخيره وفتحت الباب وخرجت لاقته فعل جه بصت ليه وضحكت غير وشه الإتجاه التانى
نبيله / ادخل يا ابنى
امير / معلش يا خالتى علشان منتأخرش
نبيله / ماشى يا حبيبى وبصت لزهره وقالت امشى يلا يا بت مع خطيبك
زهراء / مشيت ووقفت جنب امير
امينه / استنا يا حبيبى خد الدهب بيعه وهات ليها اللى هى عايزاه
امير / مش دلوقتى يا ماما انا معايه حق الدهب
امينه / ماشى يا حبيبى هات ليها اللى هى تختاره بلاش تزعلها
امير / حاضر يا ماما ووسع الطريق لزهره بمعنى أنها تمشى
زهراء / فهمت ومشيت قدام امير ونزلت السلم
امير / نزل وراه زهره وكان مش عارف يتصرف معاها ازاى ونزلو الاتنين فى الشارع وقف تاكسى وفتح الباب اللى من وراه لزهراء
زهراء / ركبت وفكرت ان أمير هيقعد جنبها
امير / قفل الباب وراح قعد جنب السواق
زهراء / اتغاظت من قلة اهتمام امير بيها ونفخت وقعدت تبص من الشباك
امير / كان كل شويه يبص عليها فى مراية العربيه واول ما يحس انها هتحرك راسها يبص بسرعه من الشباك ويعمل نفسه مشغول بأى حاجه وبعد وقت وصل التاكسى للمكان اللى امير قال عليه ونزلو الاتنين من التاكسى وحاسبه امير ومشى وساب زهره وقفه
زهراء / هبطت برجليها فى الارض بغيظ ومشيت وراه ودخلو المحل وقعدو قصاد بعض وطلب امير الدبله وجاب صاحب المحل الدبل تختار منهم زهره
زهراء / كانت فرحانه واختارت واحده وبصت لامير وقالت ايه رأيك فى دى
امير / معرفش دى حاجه مليش فيها اختارى اللى عايزه تختاريه
زهراء / بصت ليه بغيظ ومدت ايديها وقالت دى حلو
صاحب المحل / طيب شوفى المقاس
زهراء / لبستها فى صوبعها بصعوبه وقالت هى ضيقه شويه مفيش أوسع من كده لوسمحت
صاحب المحل / للاسف اخر حته بس ممكن اوسعها ليكى
زهراء / اوك وجت تقلع الدبله مسكت فى صوبعها ومعرفتش تطلعها
صاحب المحل/ ايه مش عارفه تخرجيها من صوبعك
زهراء / وهى بتحاول تطلعها لاء مش عارفه
صاحب المحل / هاتى ايدك اطلعها ليكى
زهراء / لسه بتمد ايديها
امير / كان قاعد متغاظ واول ما شاف زهراء مدت ايديها مسكها هو جامد وقال ممكن صابونه بس لو سمحت
صاحب المحل / اه طبعآ ثوانى ودخل يجيبها
زهراء / بصت على ايد امير اللى ماسكه ايديها وبصت لامير فى عينيه وقالت امير هتفضل كده كتير
امير / ششششش
زهراء / ما هو مينفعش كده احنا خطوبه وكتب كتاب هتفضل فى الفرح قاطع معايه الكلام ومش بتكلمنى
امير / انا قولتلك اسكتى فاهمه وفى الوقت ده الراجل جه ومد أيده بالصابونه واخدها منه امير وحاول يخرج الدبله من ايد زهره وبعد وقت خرجها من ايديها وقال ياريت توسعها ليها شويه
صاحب المحل / تمام حاجه تانى
زهراء / بأندفاع ايوه الدبله بتاعته
امير / بصلها بغيظ وبص لصاحب المحل وقال شكرآ انا هلبس دبله فضه
صاحب المحل / عندنا دبل فضه وتشكيله هتعجبكم اوى
امير / تمام هاتها
صاحب المحل جاب الدبل واداها لامير وسابهم ومشى
زهراء / شدت الدبل عندها واختارت واحده وقالت دى شكلها حلو اوى
امير /بص للى فى ايديها وقال محدش اخد رأيك ماشى وسحب الدبل عنده واختار واحده تانيه وطلعت مقاس صوبعه
صاحب المحل / رجع من تانى وقال كله تمام
امير / ايوه شوف حسابهم كام
زهراء / هى مش طنط قالت هات ليها اللى عايزاه
امير / بصلها ورجع بص لصاحب المحل وقال شوف حسابك احنا كده تمام
صاحب المحل / اخدهم وشاف حسابهم وقال ليه على الحساب وحطهم فى العلبه بتاعتهم وقال الف مبروك
امير / دفع الحساب واخد الشنطه اللى فيها الدبل وبص لزهراء بمعنى امشى
زهراء / مشيت وكانت هطق من امير
امير / لسه هيوقف تاكسى
زهراء / شدته من دراعه بعصبيه وقالت ولما انت مش طيقنى كده ليه خطبتنى وكمان هتكتب كتابى
امير / سابها ومشى قدامها ومردش عليها
زهراء / جريت وقفت قصاده وقالت كلمنى زى ما بكلمك ايه غرضك تتجوزنى مدام مبقتش تحبنى
امير / بعصبيه اه يا زهره مبقتش بحبك ولا بطيقك كرهتك من افعالك طول عمرى استحمل واقول دى صغيره وطايشه بكره تكبر وتعقل انما شكلى كنت غلطان لأنك كل ما بتكبرى بيكبر انانيتك وجشعك معاكى اه يا زهره مبقتش احبك انا كرهتك سمعتى انا بكرهك
زهراء / بدموع ولما انت بتكرهنى هتتجوزنى
امير / مغصوب
زهراء/ والله ده على اساس انك بنت أهلك هتغصب عليك
امير / لاء أهلك انتى اللى غاصبين عليا ابوكى طلب منى كده وانا مقدرش أرفض ليه طلب حتى لو هاجى على حساب نفسى
زهراء / الكلام جراحها اوى ووجعها بصت ليه والدموع فى عينيها وقالت لاء بلاش تغصب على نفسك علشان خاطر حد اهلى انا هتصرف معاهم وخلاص على كده مفيش خطوبه انا كده عملت اللى عليا وفكيت الحبل اللى حوالين رقبتك
امير / الكلام مش بقولك انتى ابوكى قال يوم الجمعه خطوبه وكتب كتاب يبقى كلامه هو اللى يمشى
زهراء / لاء يا امير مفيش خطوبه وانا اللى بقولها ليك مش انت انا مش عايزاك وسبته ومشيت
امير / بص عليها وهى ماشيه وشاط الارض برجله وراح عندها مسكها من دراعها وقال استنى هتروحى معايه
زهراء / سحبت دراعها من أيده وقالت لاء هروح لوحدى
امير / بعصبيه اللى اقول عليه تسمعيه فاهمه انا اخدك من بيت اهلك وهوصلك لبيت أهلك زى ما اخدك ووقف تاكسى وفتح الباب اللى من وراه وركبها وقفل الباب وركب هو جنب السواق وروحو على البيت
____________________________
وصل سامح الشقه عند عبير واول ما رن الجرس فتحت ليه الباب وقالت
عبير / واحشتنى
سامح /دخل وقفل الباب وراه وقال اخلصى ايه الصور اللى انتى بعتيها دى وايه اللى انتى بتعرفيه عنها وقولتى هتقوليه ليا لما اجى
عبير / مش لما تدخل تقعد وتشرب حاجه
سامح / بجديه انا مش جاى اضيف اتكلمى اخلصى
عبير / طيب ادخل اقعد علشان اعرف افهمك
سامح / اتنهد ودخل قعد وقال اتزفت ممكن بقى تتكلمى
عبير / الصور اللى بعتها ليك دى صور اختك مع اخويه اسلام وهى على علاقه بى من فتره وبتروح ليه الفيلا بتاعته وبيقضو اوقات مع بعض
سامح / اتعصب وقام مسكها من دراعها بعصبيه وقال مستحيل اختى تعمل كده انا اختى متربيه هى مخطوبه وبتحب خطبها تلاقيها صور انتى مفبركها علشان تنتقمى منى علشان اللى عملتو فيكى اشمعنا اختى انا بالذات هتعرف اخوكى انتى بالذات انا غلطان اصلا أن نزلت من نفسى وسمعت كلامك وجيت ومشى ولسه هيفتح الباب
عبير / بس انا معايه اللى يثبت صدق كلامى
سامح / رجع ليها تانى وقال ايه هو
عبير / فيديو انا صورته ليها وهى مع اخويه فى اوضت نومه علشان اثبتلك كلامى
سامح / فين
عبير / فتحت تليفونها وجابت ليه فيديو وهى أخته لابسه الفستان القصير والعريان واسلام واقف معاها فى اوضت النوم وبيلبسها السلسله وحضنها من ضهرها وبسها فى رقبتها قعد على الكنبه بصدمه والتليفون كان هيقع من ايديه
عبير / مسكت من أيده التليفون وقالت وده فيديو تانى وهما على السرير وكان المنظر هى نايمه على السرير وإسلام بيمشى أيده على جسمها
سامح / مستحملش يشوف اكتر من كده زق ايد عبير بالتليفون
عبير / بصت ليه بلؤم وقالت انا اتصدمت لما عرفت أن هى اختك وقولت لازم اعرفك وعمومآ اخويه بعد عنها علشان اخر مره سرقته
سامح / بصلها بصدمه وقال انتى بتقولى ايه
عبير / ايوه سرقت منه سلسله وخاتم الماظ وفلوس
سامح / وقف وقال انتى كدابه
عبير / انت مكنتش مصدق موضوع العلاقه وانا أثبته ليك وممكن كمان أثبت ليك موضوع السرقه من الجواهرجى اللى راحت باعت عنده الحاجه
سامح / حط أيده على ودانه وقال بس كفايه مش عايز اسمع حاجه تانى ولسه هيمشى
عبير / انت هتمشى كده
سامح / عايزه ايه تانى
عبير / مشترتش تمن سكوتى لحد دلوقتى
سامح / مش فاهم
عبير / يعنى ايه المقابل اللى يخلينى اسكت ومفضحش اختك فى المدرسه عندنا وأخويه يفضحها فى الجامعه بتاعتها بالفيديوهات والصور دى
سامح / يعنى عايزه ايه
عبير / تتجوزنى
سامح / اتصدم وقال ايه
عبير / قربت منه وقالت بدلع ت.ت.ج.و.ز.ن.ى
سامح / مستحيل
عبير / يبقى انت عايز بقى فضحتك وفضيحت اختك بجلاجل فى المدرسه والجامعه
سامح / مسكها من دراعها بعصبيه وقال انتى ايه شيطانه
عبير / انا بحبك ومن حقى اعمل اى حاجه علشان اللى بحبه يكون ليا انا لوحدى
سامح / وانا مش مستعد دلوقتى للجواز يا عبير
عبير / مش عايزه حاجه عندى الفيلا وعندى الشقه والاتنين مفروشين وكمان انا ممكن اكتب بأسمك كل رصيدى اللى فى البنك بس تتجوزنى
سامح / انا عمرى ما اقبل اتجوز واعيش على افه واحده ست
عبير / خلاص اتجوزنى بالطريقه اللى انت عايز تتجوزنى بيها
سامح / يا عبير افهمى انتى طالبه عندى وانا مدرسك مينفعش اتجوزك دلوقتى الناس تقول عليا أن انا ببص لطالبات بتاعتى
عبير / خلاص اتجوزنى عرفى دلوقتى وبعد الدراسه نتجوز رسمى
سامح / اتصدم وقال ايه اللى انتى بتقوليه ده
عبير / هما عقدين يتكتبو ويتوثقه عند المحامى وانا جبت من العقود اللى عند اخويه اسلام
سامح / برضه مينفعش يا عبير اخلاقى مش هتسمح اعمل كده انتى لسه صغيره ومش عارفه بتقولى ايه
عبير / لاء انا عارفه بقول ايه كويس اوى ويا تتجوزنى دلوقتى يا بكره صور وفيديوهات اختك هتبقى على تليفون الشباب
سامح / هاتى يا عبير الفيديوهات اللى عندك ربنا يهديكى وصدقينى ده حب مراهقه بكره لما تكبرى شويه هتقبلى الحب الحقيقى فى حياتك
عبير / انا قولت اللى عندى يا تتجوزنى يا اختك تتفضح
سامح / قعد على الكنبه وقال صعب عليا اعمل كده يا عبير
عبير / قعدت جنبه وقالت وعد منى محدش هيعرف بالموضوع ده لحد ما تتقدم ليا رسمى ونتقابل فى الشقه دى وقت ما انت تحب
سامح / بصلها وسكت
عبير / واول ما نكتب الورقتين العرفى هتكون عندك كل الصور والفيديوهات بتاعة اختك اعمل فيهم اللى انت عايزه
سامح / مردش عليها
عبير /ها اجيب الورقتين
سامح / غمض عينه وقال مش هقدر اعمل كده مش هقدر
عبير / بعصبيه براحتك استحمل الفضيحه اللى هتحصلك
سامح / اطلبى منى اى حاجه انشالله لو عايزانى المرادى اعتذرك قدام المدرسه كلها بجد هعتذرك بس بلاش حكاية الجواز العرفى دى
عبير / لاء انا ميهمنيش دلوقتى تعمل كده المهم عندى تبقى بتاعى انا وراحت جابت العقدين والقلم وقالت الورقتين أهم هتمضى ولا
سامح / بص لورقتين والقلم وغمض عينه وهز راسه بمعنى ايوه
عبير / فرحت ومسكت القلم وكتبت البيانات بتاعتها وقالت هات بطاقتك
سامح / خرجها من المحفظه وهو مكسور وحطها على الطرابيزه
عبير / اخدتها وكتبت البيانات ومضت على الورقتين ومدت ايديها بالقلم لسامح وقالت أمضى يا قلبى
سامح / بص للقلم ومد أيده بتردد وغمض عينه وهو حابس فيها الدموع ومضى على العقدين بصعوبه
عبير / اخدت ورقه وقالت خلى دى معاك يا حبيبى
سامح / بص للورقه ومد أيده وطبقها وحطها فى جيبه وقام وقف وقال هات الصور والفيديوهات بتاعة اختى
عبير / بفرحه من عنيا يا قلبى ودخلت الاوضه وجابت ظرف فيه الصور والفلاشه بتاعة الفيديوهات وقالت خد يا عمرى الحاجه اهى
سامح / انتى عارفه لو عرفت انك عامله نسخه تانيه موتك على أيدى
عبير / وانا هعمل نسخه تانيه ليه اللى عملته ده كله علشان تبقى جوزى حبيبى هى مش تهمنى فى حاجه ومسكت تليفونها وقالت واهو همسح قدامك الفيديوهات والصور بتاعتها اللى فيه ولا اقولك خد انت امسحهم بنفسك
سامح / اخد التليفون ومسح كل حاجه عليه تخص أخته واخد الظرف ولسه هيمشى
عبير / على فين يا عمرى فى حد يسيب مراته حبيبته اول يوم جواز وينزل ولفت دراعها حاولين راقبته
سامح / بعد دراعها عنه وقال مش هينفع اقعد اكتر من كده لازم اروح ضرورى
عبير / اوعدنى انك هتعوضنى اليوم ده
سامح / من غير نفس إن شاءالله
عبير / قربت منه تانى وقالت اوعى تبص كده ولا كده والبت الامريكيه دى ملكش دعوه بيها فاهم يا حبيبى
سامح / بص ليها بغيظ وبعدها عنه واخد الظرف اللى فيه حاجة أخته وفتح الباب ونزل
عبير / قعدت تنط بفرحه وقالت ابقى ورينى بقى يا ست روز هتقدرى تعملى ايه علشان تخدى منى دلوقتى بقى جوزى انا ههههههههههه حرم مستر سامح واووو واخدت الورقه العرفى وبستها وحطتها فى الشنطه ونزلت من الشقه
_____________________________
عند شقة توفيق
وصل امير وزهراء بالتاكسى نزلت زهراء وهى متعصبه وطلعت رنة الجرس وفتحت ليها ريم دخلت زهراء من غير ولا كلمه
ريم / بصت ليها بأستغراب وكان فى الوقت ده طلع امير قالت ليه هى زهره مالها يا أبيه
امير / مفيش حاجه يا ريمو ودخل
ريم / هزت كتفها وقفلت الباب ودخلت
امينه / جبتو الدبل
امير / ايوه يا ماما اهى
امينه / مجبتش ليها حاجه تانى
امير/ لاء
نبيله / يا اختى مالهم الدبلتين ربنا يسعدهم بس اهم من الدهب
وفى الوقت ده خرجت زهراء من اوضتها وقالت
زهراء / بابا انا مش موافقه على الجوازه دى
الكل بصلها بأستغراب
امينه / ايه يا بنتى اللى بتقوليه ده هو انتو زعلانين مع بعض ولا ايه
زهراء / لاء يا خالتى بس ولا انا انفع امير ولا امير ينفعنى
نبيله / قامت وقفت وراحت عندها ومسكتها من شعرها وقالت لاء انتى كده شكلك عايزه تفوقى بعلقه من بتوع زمان وقعدت تضرب فيها
امير ومحمود وشريف / ادخلو واخدو زهره من ايديها
شريف / أهدى يا ماما
نبيله / ربنا يتعبك زى ما تعبانى يا زهراء يا بنت نبيله
زهراء / زقت ايد امير من عليها وقالت بدموع البيه اللى انتو بتضربونى علشانه قالى النهارده أن هو مش عايز يتجوزنى واتجوزنى بس علشان انتو يا اهلى مرخصنى وغصبين عليه
شريف / بص لامير وقال صح يا أمير الكلام ده
امير / بص على الأرض ومردش عليه
شريف / رد عليا يا أمير كلام زهره ده صح
توفيق / مش عايز اسمع نفس حد فيكم والخطوبه وكتب الكتاب هيتعملو يوم الجمعه زى ما هما
زهراء / بدموع برضه يا بابا مصمم ترخصنى
توفيق / انا مش برخصك انت بديكى للبنأدم اللى هيعرف يصونك ويخاف عليكى ويحميكى
زهراء / حتى لو البنأدم ده مش عايزنى
شريف / انا عايز اعرف حاجه واحده انت اللى عايز تبعد عنها يا أمير واحنا غصبين عليك
وفى الوقت ده وصل سامح وهو عينه كلها شرار
توفيق / اللى انا اقولو هو اللى هيمشى فاهمين وحس بنغزه فى قلبه بس حاول يدارى
سامح / دخل ومسك زهراء من شعرها وقال انتى جنس جبلتك ايه مستعده تعملى كل حاجه غلط فى سبيل يبقى معاكى فلوس عملنا ليكى ايه علشان تحطى راسنا فى الطين طول عمرك متنمرده على عشتك ومش عجباكى استغربت لما لاقيتك بترفضى امير البنأدم اللى كان عايش ومش شايف غيرك قدامه انتى مستحيل تكونى بنأدمه انتى شيطانه عايشه وسط البنأدمين
زهراء / اه شعرى سيب شعرى يا حيوان انت مين انت علشان تمد ايدك عليا
سامح / انا للاسف اخوكى وهعرفك أن الله حق
شريف / فى ايه يا سامح انت كمان فهمنا
سامح / حدف الظرف لأخوه وقال شوف اختك الشريفه وهى فى حضن واحد وبص لامير وقال انت ربنا بيحبك وانت خساره فيها هى متسهلكش بكره ربنا يكرمك باللى احسن منها
الكل / شاف الصور واتصدمو وامير بص لساره بأستغراب ازاى عرفو
سامح / بيرفع أيده وهيضرب زهره
امير / مسك أيده وقالو خلاص يا سامح انا كنت عارف الموضوع وانقذتها فى الوقت المناسب
شريف/ بعصبيه انا عايز افهم كل حاجه دلوقتى حالا ايه الصور دى وجبتها ازاى ومين ده وايه دخل امير فى الموضوع
امير/ شد زهره من ايد سامح وقال انا هقولكم الحكايه
سامح / قطعه وقال هتقول ايه هتقول أن حبيبتك والمفروض هتكون مراتك كانت فى فيلا شاب وفى اوضت نومه هتقول انها بتوعده وبتروح ليه علطول هناك واحنا ولا فى اعتبارها
زهراء / بدموع ايه اللى انت بتقولو ده انا عمرى ما اعمل كده وبصت لامير بدموع وقالت قولهم الحقيقه
امير / لاء يا سامح الموضوع مش كده بس فى الوقت ده الباب كان بيخبط بطريقه وحشه الكل اتفزع وطلع يجرى يشوف فيه ايه وشريف فتح الباب واتخض وقال
شريف / ايوه يا فندم
الظابط / دى شقة زهراء توفيق الصاوى
زهراء / خافت اول ما سمعت اسمها
توفيق / كان قاعد على الكنبه ماسك قلبه ومش قادر يتكلم
شريف / بص لكل وقال ا.ا.ايوه يا فندم خير فى ايه دى تبقى اختى
الظابط / مطلوب القبض عليها بتهمة سرقة سلسله وخاتم الماظ من فيلا اسلام محجوب
زهراء / بدموع محصلش والله العظيم ما حصل
الظابط / الكلام ده تقوليه فى النيابه وبص للعساكر وقال هاتوها
زهراء / لالالا اوعو تتخلو عنى والله العظيم مظلومه
شريف / طيب يا فندم ممكن بلاش تخدوها كده واحنا هنجبها ليكم لحد هناك
الظابط / مينفعش لازم تركب معانا ودخلو العساكر مسكوها
نبيله / بنتى هتروح منى ابوس ايدك يا حضرة الظابط سيبو بنتى مستحيل تعمل كده ابوس رجلك
الظابط / ابعدى يا حاجه ده شغلنا
امير / اول ما شاف العساكر بتمسك زهره قال بغيظ احنا هنزلوها لحد تحت متخليش حد يمد أيده عليها
زهراء / بدموع امير انت اللى اخدنى من هناك وانا متخدره يعنى الوحيد اللى هتصدقنى بلاش تتخلى عنى ساره انتى كنت معاهم وأحمد كان معاكم قولو الحقيقه بالله عليكم ما تتخلو عنى
امير / حط أيده فى ضهرها وقال انزلى معانا وانا هظهر برأتك
سامح / لنفسه ماشى يا عبير الكلب انا هوريكى
ريم / بدموع زهره اختى أبيه شريف خليك معاها خليك معاها يا محمود زهره عمرها ما تعمل كده
محمود / أهدى يا ريم إن شاءالله هتظهر الحقيقه
نبيله / بنتى انا عايزه بنتى توفي وبعدين سكتت بتبص على توفيق لاقته واقع على الكنبه وأيده على قلبه ومش حاسس بحاجه صوتت وقالت توفيق قوم يا توفيق هات بنتك توفيق توفييييييييق
الظابط والعساكر وامير وسامح وساره نزلو مع زهره وشريف ومحمود اتصلوا بالاسعاف وحاولوا يفوقوه توفيق وبعد وقت جت الإسعاف واخدت توفيق المستشفى
_____________________________
فى القسم
وصلت العربيه اللى فيها زهره وكانت طول الطريق دموعها على خدها ومبطلتش عياط نزلت مع العسكرى ودخلت القسم وهى خايفه
ووصلو امير وسامح وساره فى التاكسى ونزلو يجرو دخلو القسم وشافو زهره وهى مستنيه تدخل يتحقق معاها وكان جسمها كله بيتنفض
ساره / زهره متخفيش احنا معاكى
زهراء / بدموع خايفه اوى يا ساره انا معملتش كده اقسم بالله ما عملت كده وامير شافنى وانا متخدره
امير / إن شاءالله بشهادة احمد وانا وساره تخرجى هما اكيد معندهومش شهود
ساره / افتكرت كلام احمد وان اسلام جاره فكرت تتصل بى وتتطلب منه أن يخلى اسلام يتنازل عن المحضر
سامح / بغيظ فيها ايه لو كنتى عايشه محترمه مكنش كل ده هيحصل ولا كنتى اتحطيتى فى خانة الشبهات منك لله زى ما فضحتينا وبسببك عملنا حاجات كتير علشان ندارى غلطاتك
امير /مش وقته الكلام ده يا سامح
سامح / انا هعمل مكلمة تليفونه يمكن اقدر أخرجها من هنا
امير / ماشى
وخرج سامح بعيد واتصل برقم عبير اللى كانت متصله منه بسامح الصبح وانتظر ردها
عبير / بفرحه حبيب قلبى متصل يطمن على مراته انا فرحانه اوى
سامح / عملتو كده
عبير / عملنا ايه
سامح / بعصبيه انتى هتستعبطى يعنى متعرفيش اللى حصل
عبير / والله ما اعرف هو ايه حصل
سامح / اختى فى القسم بسبب بلاغ معمول من اخوكى
عبير / بس انا معرفش انا اتفاجئت بالكلام ده والله
سامح / بتوعد ودينى وما اعبد لو اخوكى متنزلش عن المحضر لتشوفو وش عمركم مشفتهوش
عبير / بخوف م.م.ماشى
سامح / قفل السكه فى وش عبير وراح عند امير وساره وكانت زهره منهاره من العياط
ساره / لازم نشوف حل مع اللى اسمه اسلام ده شكله مش ناوى على خير ابدآ
امير / بعصبيه مبقاش انا لو مكنتش طلعت روحو بأيديه
ساره / لاء يا امير اهدا شويه علشان متحطش نفسك فى مصيبه ومنعرفش نخرجك منها انا هتصرف
امير / هتتصرفى ازاى
ساره / اسلام يبقى جار احمد هحاول اخليه يتكلم معاه يتنازل عن المحضر
امير / لاء متتكلميش معاه انا هكلمه
ساره / ماشى وفى الوقت ده تليفون امير رن برقم محمود فى نفس الوقت اللى دخلت فيه زهره يتحقق معاها
امير / رد على تليفونه وهو عينه على زهره وهى دخله وقال ايوه يا محمود وسكت شويه وقال بصدمه ايه والتليفون وقع من أيده
____________________________
فى المستشفى وصلو كلهم وراه الإسعاف اللى فيها توفيق ودخلو يجرو
وكان توفيق فى اوضت الكشف وبعد وقت خرج الدكتور من الاوضه والكل جرى عليه
شريف / طمنى يا دكتور بابا عامل ايه
الدكتور / بأسف البقاءلله
نبيله / اول ما سمعت كده اغمى عليها ووقعت على الأرض ريم وقعت على الأرض وقعدت تصرخ وتقول بابا وشريف قعد فى الارض وقعد يعيط محمود شال نبيله ودخلها الاوضه وهو دموعه على خده وامينه كانت عامله تعيط وراحت مع نبيله
ودخل الدكتور كشف على نبيله وعلق ليها محلول وقعدت معاها امينه وكانت ريم وشريف منهارين من العياط محمود مسك تليفونه واتصل بأمير وبلغه الخبر وقفل معاه وقعد جنب شريف وقال
محمود / شريف شد حيلك لازم تكون اقوى من كده انت دلوقتى مكان عم توفيق الله يرحمه لازم تسند ضهرك علشان تقدر تكون سند أهلك دلوقتى
شريف / بدموع ضهرى اتكسر يا محمود ابويه هو السند ودلوقتى مات مبقاش ليا ضهر يا محمود مش قادر أتخيل أن ابويه خلاص مش هشوفه تانى مش هيكون قاعد وسطنا فى البيت انا اتكسرت بموت ابويه
محمود / عارف انها صعبه والله ومجرب بس انت عندك عيله دلوقتى وبقت مسؤوله منك لازم تكون قوى اكتر من كده علشان تقدر تقويهم قوم خلص إجراءات الدفن علشان ندفنه اكرام الميت دفنه
ريم / سمعت كده وقالت لالالا مستحيل بابا يسبنى هو عمره ما اتخلى عن بناته وانا محتاجه اوى دلوقتى ه.ه.هو اكيد بيعمل كده علشان يشوف غلاوته عندنا ق.ق.قوله يقوم خلاص احنا نموت من غيره ط.ط.طيب قول لدكتور يكشف عليه تانى تلاقيه بس غلطان بابا مستحيل يموت م.م.مستحيل مصبحش عليه الصبح بابا كويس اه كويس د.د.ده كان لسه بيتكلم معانا دلوقتى والنبى يا محمود ادخل خلى الدكتور يكشف عليه تانى
محمود / بصلها ودموعه نزلت منه وقال حرام يا ريم متقوليش كده ادعيله ربنا يرحمه
ريم / لاء متقولش كده بقولك مستحيل بابا يموت وراحت عند شريف وقالت ط.ط.طيب انت تصدق كده ياابيه تصدق أن بابا يموت ويسبنا روح يا أبيه خليهم يكشفو عليه تانى طيب ناخده مستشفى تانيه دول مش ببعرفو يكشفو صح يلا يا أبيه ساكت ليه يلا
شريف / شدها فى حضنه وقعدو يعيطو الاتنين وبعد وقت قام شريف راح يخلص الإجراءات وساب ريم مع محمود
___________________________
فى القسم عند زهره
سامح وساره عرفو خبر موت توفيق وانهارو وامير كان منهار من العياط وزهره كانت جوه بيتحقق معاها
عند زهره
الظابط / اسمك وسنك ومحل اقامتك
زهراء/ بدموع زهراء توفيق الصاوى اتنين وعشرين سنه محل اقامتى (......)
الظابط / ايه علاقتك بالمدعو اسلام محجوب
زهراء / زميلى فى الجامعه ومش بتربطنى بيه اى علاقه
الظابط / وايه اقوالك على تهمتك بسرقة خاتم وسلسله الماظ
زهراء / بدموع محصلش والله العظيم ما حصل
الظابط / بس صاحب المحل اللى انتى روحتى بعتيهم عنده اتعرف عليكى فى الصوره واكد التهمه عليكى وجاب ليكى فيديو ساعة ما كنتى داخله عنده وخارجه من عنده
زهراء / اتوترت وقالت بدموع ف.ف.فعلا ا.ا.انا روحت بعت عنده سلسله بس دى بتاعتى مش سرقها ومبعتش عنده خاتم
الظابط / بس هو أكد أن المدعو اسلام محجوب اشتراهم منه يوم السرقه علشان كان رايح يخطب بيهم وبيدور عليهم ملاقهومش وأثبت انك كنتى اليوم ده عنده ومفيش حد دخل الاوضه غيرك علشان كده اتهمك انتى بسرقتهم
زهراء / والله العظيم مظلومه انا مسرقتش حاجه مسرقتش وقعدت تعيط
الظابط / أهدى يا انسه وطلب ليها واحد ليمون وقال للاسف الادله كلها بتثبت التهمه عليكى ومحتاجه محامى شاطر علشان يخرجك من موضوع السرقه وفى الوقت ده جه الليمون وقال اشربى يا انسه
زهراء / اخدته وشربت منه وهى ايديها بتترعش وقالت ط.ط.طيب ا.ا انا هقعد فين
الظابط / فى الحجز
زهراء / لالالا حجز لاء ا.ا انا بخاف منه ابوس ايدك انا والله مظلوم مظلومه
الظابط / مينفعش اخرجك أثناء التحقيق لازم صاحب المحضر يتنازل عنه علشان تخرجى ونده على العسكرى وأمره يخدها الحجز
العسكرى / مسكها من دراعها وخرج بيها وكان التلاته منهارين وبيعيطو
زهراء / اول ما شافت كده اتخضت وقالت ه.ه.هو فى ايه ا.ا انتو بتعيطو ليه ها
سامح / بعصبيه ابوكى مات مات يا زهره وانتى السبب مات بحسرته عليكى يارب دلوقتى تكونى ارتحتى كلنا اتأذينا بسبب طمعك وجشعك كلنا
زهراء / لاء بلاش تضحك عليا وتقولى كده ا.ا انت عايز توجع قلبى بس صح لكن بابا عايش ممتش طيب يا امير انت مش هتكدب عليا بابا عايش صح طيب ردى عليا انتى يا ساره بابا عايش حد فيكم يرد سامح بيكدب عليا بلاش كده بالله عليكم عاقبونى بأى حاجه الا انكم تضحكو عليا وتقول كده ردو عليا بقى انتو ساكتين ليه وبعدين بصت ليهم كلهم وشافت الدموع فى عينيهم صرخت وقالت باااااااااااااباااااااااااااا ووقعت على الأرض اغمى عليها
🌹فتاة انحنت من أجل الحب 🌹
🌷الفصل الثانى عشر 🌷
فى المستشفى انتهى شريف من أجراءات الدفن واتجهز توفيق واستلمه شريف وكان أمير وسامح وصلو والكل راح وراه الإسعاف واندفن توفيق واخدو العزاه شريف وسامح وامير ومحمود وبعد وقت انتهى العزاه ورجعو المستشفى عند نبيله
نبيله / فاقت وبصت حاوليها وقالت توفيق فين توفيق
امينه / يا حبيبتى شدى حيلك كلنا لها محدش هيعيش فى الدنيا علطول
نبيله / لا توفيق ممتش هو عدنى أن هيفضل العمر كله معايا لحد ما نكبر ونعجز ونبقى جد وجده مش معقول توفيق يضحك عليا ويسبنى من نص الطريق هو بس تعب شويه وهخده معايا وههتم بى والله
امينه /لاحول الله ياربى يا نبيله مش كده هو دلوقتى تحت التراب ادعى ليه بالرحمه
نبيله / بدموع ااااااه يا قلبى اه يا عشرة عمرى وسنينى يا رفيق عمرى عمرك ما كنت بتقسى عليا ولا عمرك كنت بتقسى على حد من عيالك كان قلبك طيب ومش بتحب تجرح حد هعيش ازاى من غيرك ازاى هنام على السرير وانت مش فيه من يوم ما اتجوزنا واحنا مبعدناش عن بعض ابدآ مع السلام يا حبيبى مع السلام يا عمرى اللى راح كله وعمرى اللى جاى مع السلامه يا غالى اااااه يارب الصبر من عندك
ريم / دخلت اترمت فى حضنها وقالت بدموع بابا مات يا ماما خلاص مش هشوفه تانى مش هسمع صوته فى البيت تانى
نبيله / البيت ضلم خلاص من بعد موت ابوكى مفيش فرحه هتدخل فيه يارب ما طولش عليا العيشه من غيره خدنى عنده
ريم / بدموع بعد الشر عليكى يا ماما انتى كمان عايزه تسيبينا زى بابا ما مات وسابنا
امينه / لا إله الا الله وحدو الله يا جماعه موت توفيق وجعنا كلنا بس هو ده حال الدنيا بتبقى ناس معانا وفى ثانيه بتتخطف من وسطنا وبتندفن تحت التراب كلنا هنموت بس لينا معاد وساعه محدده اقوى يا ريم يا حبيبتى بابا بقى فى مكان احسن من هنا مليون مره وانتى يا نبيله لازم تكونى اقوى من كده انتى دلوقتى بقيتى ام واب فى نفس الوقت لازم تقوى علشان تقوى عيالك كلهم منهارين ومحتاجينك جنبهم وبنتك زهره محتاجكم كلكم جنبها الله يكون فى عونها اكيد عرفت خبر موت ابوها صعبه عليها لما تبقى مش عارفه تشوف ابوها لآخر مره وحبستها فى القسم دى صعبه عليها جدآ
نبيله / مش بنتى ولا اعرفها كانت السبب فى موت ابوها والعيله كلها وقعت واتكسرت تستاهل اللى بيحصلها ربنا يوجع قلبها زى ما وجعت قلوبنا على موت ابوها
امينه / حرام عليكى يا نبيله راحت ولا جت عيله طايشه واحنا اهلها لازم نستحملها ونقف جنبها بلاش تقسى عليها الدرس كان صعب اوى عليها وقاسى
ريم / بدموع انا مش عارفه هبص فى وشها تانى ازاى بعد ما كانت السبب فى موت بابا
امينه / ده عمره وانتهى يا حبيبتى وربنا كاتب كل ده يحصل يعنى كل شئ مقدر ومكتوب
وفى الوقت ده دخل شريف وسامح ومحمود وامير
نبيله / بدموع خلاص حطيتو ابوكم تحت التراب خلاص كده مفيش توفيق تانى طيب كنتو اصبرو لما اشوفه واودعو ده والله واحشنى وهو لسه ميت مش بقاله ساعات يارب الصبر من عندك
شريف / قعد جنب أمه واخدها فى حضنه وقال ربنا يصبرنا كلنا يا ماما على فراقه ابويه موته كسر ضهرنا بجد
سامح / قعد الجنب التانى وقال اجمدى يا ماما علشان خاطرنا احنا
نبيله / اللى كان بيقوينى راح وسابنى فى الدنيا لوحدى
شريف / احنا معاكى يا ماما ومش هنتخلى عنك ابدآ وبسها فى راسها وقعد يطبطب عليها
امينه / انتو كلكم هنا ومحدش مع زهراء
امير / ساره معاها فى المستشفى وانا دلوقتى رايح
امينه / مستشفى ليه ايه اللى حصل
نبيله / بصدمه بنتى ايه جرارها
امير / لما عرفت الخبر اغمى عليها ولما فاقت جالها انهيار عصبى وقعدت تصوت والدكاتره ادوها حقنه مهدأه
نبيله / وسيبنها وقعدين هنا روحو ليها ما تسبوش اختكم لوحديها
سامح / وانتى يا ماما
نبيله / انا هروح على شقتى
محمود / روحو انتو التلاته ليها وانا هاخدهم واروحهم البيت
شريف / ماشى خلى بالك منهم
محمود / متقلقش وابقو طمنونى على زهره
امير / ماشى ونزلو التلاته راحو على المستشفى عند زهراء ومحمود اخد نبيله وأمينه وريم وراح بيهم على الشقه
_____________________________
فى فيلا اسلام وعبير
عبير دخلت بعصبيه عند اوضت اسلام وقالت
عبير /انت ايه اللى عملتو ده
اسلام / عملت ايه
عبير / انت عملت محضر فى القسم ان زهره سرقتك
اسلام / ايوه
عبير / ليه طيب
اسلام / ماانتى عارفه أن انا حالف لاندم كل واحد فيهم
عبير / قولتلك اصبر ليه استعجلت وعملت كده
اسلام / ده كده ولا حاجه من اللى هيشفوه من ورايا هعرفهم ازاى يمدو أيديهم على اسلام محجوب
عبير / يا اسلام افهمنى انا قولتلك اصبر شويه نفكر ليهم فى مصيبه اكبر من كده
اسلام / مفيش فضيحه اكبر من دى وهى نازله وسط حارتهم مع العساكر شبه المجرمين وأحمد ده لسه حسابه معايه بس اخلص من انتقامى من زهره والبتاع بتاعها ده والقضيه فى صالحى دفعت قرشين لصاحب المحل وقال إن هى راحت باعت الحاجه عنده
عبير / بس انا عايزاك تتنازل عن القضيه
اسلام / هو ايه اللى اتنازل لاء طبعآ واطلعى بره علشان البس هدومى وانزل الجامعه
عبير / بس يا اسلام
اسلام / قطعها وقال عبير سمعت قولتلك ايه
عبير / بصت ليه بقلة حيله وخرجت من الاوضه وهى بتفكر تخرج زهره ازاى
اسلام / لبس هدومه وقال الدور الجاى عليك يا احمد مبقاش انا لو مكنتش ندمتك ندم عمرك على اللى حصل و نزل ركب عربيته وراح على الجامعه
____________________________
عند زهراء فى المستشفى
فاقت زهراء من نومها وبصت حاوليها وبعدين شافت المحلول اللى فى ايديها والايد التانيه محطوط فيها الكلبشات ومحطوطه فى السرير افتكرت اللى حصلها وافتكرت موت ابوها دموعها نزلت منها وصرخت بأعلى صوت وقالت باااااااااااااباااااااااااااا
العسكرى / دخل بص عليها لاقها منهاره راح يبلغ الدكتور وبعد شويه جه الدكتور وكشف عليها واداها حقنه مهدأه وخرج من الاوضه
ساره / طلعت تجرى عليه وقالت خير يا دكتور
الدكتور / لسه منهاره ادتها حقنه مهدأه تانى
ساره/ وهى هتفضل على الحال ده كتير يا دكتور
الدكتور / الصدمه كانت شديده عليها وهى كل ده لسه عقلها مش عايز يستوعب الخبر بتنده عليه علشان يسمعها ويجى ليها وتثبت لنفسها أن هو لسه عايش وهتاخد وقت على ما تتأقلم
ساره / شكرآ يا دكتور
ومشى الدكتور وتليفونها رن ردت وقالت ايوه يا احمد
احمد / فينك يا بنتى ليه منزلتيش الجامعه النهارده
ساره / بدموع ابو زهره تعيش انت
احمد / بصدمه لا حولا ولا قوة الا بالله البقاء لله حصل امته ده
ساره / بعد رجوع امير وزهره بالدبل امبارح حصلت مشاكل ووصل صور لزهره مع إسلام فى الاوضه لاخوها سامح ازاى معرفش وجت الشرطه اخدت زهره بسبب أن اسلام عامل فيها محضر انها سرقة منه دهب يوم الحفله زهره مظلومه لأننا اخدنها من هناك وهى متخدره وابوها مستحملش طب ساكت مات بحسرته عليها وهى دلوقتى فى المستشفى عندها انهيار عصبى بعد ما عرفت خبر موت ابوها
احمد / الندل الجبان هو السبب فى اللى حصل ده كله طيب والعمل ايه
ساره / العمل أن انت تكلمه
احمد / مش هيسمع كلامى طبعآ خصوصآ أن هو متغاظ منى أن قولت ليكم على اللى حصل وعرفتكم مكان فيلته
ساره / جرب مش هتخسر حاجه
احمد / حاضر
ساره / احمد لو امير كلمك وطلب منك انك تكلم اسلام بلاش تقولو أن انا قولتلك
احمد / متقلقيش مش هقول حاجه
ساره / شكرآ يا احمد
احمد / العفو وان شاءالله اقدر اقنع اسلام يتنازل عن المحضر وبليل لو موجودين فى البيت هاجى اعزى فى ابو زهره
ساره / محدش فى البيت اول ما يروحو من المستشفى هبلغك
احمد/ أن شاءالله مش محتاجه حاجه
ساره /سلامتك وقفلت مع احمد فى نفس الوقت وصل شريف وامير وسامح
امير / زهره عامله ايه
ساره / لسه زى ما هى تصحه تنادى على عمو توفيق وتنهار ويدخل الدكتور يديها حقنه مهدأه
شريف / طيب والعمل هنسبوها هنا احنا لازم نعمل بكل طريقه نخرجها من هنا
امير / هكلم واحد اسمه احمد مع زهره وساره فى الجامعه ويبقى صاحب اسلام ده يكلمه يتنازل عن المحضر
سامح / امته
امير / دلوقتى
سامح / هروح معاك
امير / لاء خليك انت يا سامح علشان لو شوفت البنأدم ده متعملش حاجه بعصبيتك تضيع كل اللى هنعملو
سامح / لاء متقلقش
شريف / وانا جاى معاكم
امير / لاء خليك انت هنا مع ساره علشان لو احتاجو حاجه
شريف / ماشى بس ابقو طمنونى
امير / ماشى ومشى امير وسامح وراحو على الجامعه عند أحمد
____________________________
فى الشركه عند لميس عرفت بخبر موت شريف اتصلت بى وانتظرت الرد
شريف /بصوت حزين ازيك يا لميس
لميس / بدموع مش كويسه طول ما انا عارفه انك موجوع وحاسه بوجعك البقاءلله يا شريف
شريف /ونعمه بالله يا لميس ابويه مات ضهرى انكسر خلاص كان تملى هو فى ضهرى سندنى وحاميه فى مشكلتى مع مراتى كان هو اللى بيحاول يصلح الموضوع كان تملى سندى وامانى واهو مات وسبنى
لميس / بدموع ربنا يرحمه يا شريف بلاش تعمل فى نفسك كده علشان خاطرى مقدرش اشوفك كده بتتعذب والله العظيم بحس بوجعك عشر أضعاف اللى انت بتحس بى
شريف / مش بأيديه يا لميس موت الأب وحش اوى بيحسسك انك اضعف انسان على وش الارض كل حاجه تتعوض فى الدنيا دى الا الاب والام الدنيا من غيرهم وحشه اوى اوى
لميس / حاسه بمعنى كلامك انا اوقات كتير بحس أن محتاجه ماما جنبى وان انا ضعيفه من غيرها رغم محاولات تيته انها تعوضنى غيابها بس مهما تعمل مفيش حاجه تعوض غياب الام والاب
شريف / شكرآ يا لميس على سؤالك وانك حاولتى تخرجينى من اللى انا فيه
لميس / انا لو اطول اشيل عنك اى وجع واحط مكانه فرح كنت عملت كده يا شريف انت بالنسبه ليا الهوا اللى بتنفسه روحى اللى بعيش بيها ومش بحب اشوف حاجه بتوجعك أو حاجه مزعلاك
شريف / ربنا يخليكى ليا
لميس / وميحرمنيش منك ابدآ انت فين دلوقتى
شريف / ها ف.ف.فى المستشفى ا.ا.اختى تعبانه شويه بعد خبر وفاة بابا
لميس / الف سلامه عليها ادينى العنوان علشان اجيلك
شريف / لالالا متجيش ا.ا اصل شويه ومروح الشقه شكرآ يا لميس
لميس / بليل هاجى ليك فى بيتك اللى فى الحاره بس اوصفلى المكان بالظبط
شريف / أن شاءالله مع السلامه
لميس /مع السلامه وقفلت معاه وقالت يارب ريح قلبه ومتوجعهوش ابدآ وصبره على فراق ابوه ورجعت تانى تشوف شغلها
___________________________
فى المدرسه عند روز
وصلت روز المدرسه وبعدها بشويه وصلت جهاد
جهاد /صباح الخير يا مزتى
روز / صباح النور
جهاد / عامله ايه
روز / تمام بس مش عارفه ليه مخنوقه ومضايقه
جهاد / اللى هو ازاى مش عارفه ليه انك مخنوقه ومضايقه هو فى حد بيتخنق من غير سبب
روز / ا.ا ايوه انا
جهاد / بلؤم عينى فى عينك كده مش عارفه ولا مش عايزه تقولى
روز / لاء وانا مش هقول ليه
جهاد / بغمزه يمكن حاجه تخص حد كده ولا كده
روز / انا مش فاهمه قصدك ايه
جهاد / لاء متحطيش فى بالك المهم المستر جه ليكى امبارح
روز / اه وصل فى نفس الوقت اللى وصلت فيه من المدرسه
جهاد / بس ده بدرى اوى
روز / ايوه كان عنده مشوار ضرورى علشان كده جه بدرى حتى طول الوقت كان قاعد حزين ومهموم
جهاد /من ايه
روز / معرفش بس كان شكله فى حاجه مزعلاه اوى
جهاد / ومتعرفيش مجاش ليه امبارح
روز / لاء
جهاد / ممكن تكون مشاكل عنده فى البيت ولا حاجه
روز / ممكن
جهاد / بس انا عرفت انتى ليه مضايقه
روز / من ايه يا ام العروف
جهاد / مضايقه علشان الراجل الغامض بسلامته
روز / مين ده
جهاد / استاذنا الفاضل
روز/ لا والله
جهاد / بغمزه اه والله
روز / طيب امشى يا اختى وبلاش استنتاجاتك الفاشله دى
جهاد / انا برضه اللى استنتاجاتى فاشله ولا انتى اللى فاشله فى انك تدارى
روز / ليه ياربى من دون البنات اتعرفت على دى بالذات دى هتجبلى شلل
جهاد / ده انتى تبوسى ايدك شعر ودقن انك مصاحبه واحده زى السكر زى ده انتى من المحظوظين اقسم بالله
روز / oh No عندك كمية تواضع مواصفتش
جهاد / هههههههه عارفه عارفه
روز / سابتها ومشيت
جهاد / بت يا فوشيه انتى يا بت استنى هقولك وقعدو وشويه ودخل ليهم المدرس بتاع امبارح وقال
المدرس / يؤسفنى ابلغكم ان مستر سامح مش هيقدر يجى اليومين الدول لظروف وفاة والده ندعوه ليه ربنا يصبر قلبه ويرحم والده ويدخله فسيح جناته وهديكم انا لحد ما يرجع تانى
روز / اول ما سمعت كده بصت لجهاد بزعل
جهاد / عرفتى امبارح كان عامل ليه كده تلاقى باباه كان تعبان وعلشان كده مقدرش يجى امبارح المدرسه بس مرضاش يأجل الدرس بتاعك جه اداه ليكى بدرى
روز / احنا مش المفروض نروح نعزى المستر
جهاد / واحنا نعرف بيته منين
روز / نسأل اى مدرس هنا اكيد هما عارفين بعض ساكنين فين
جهاد / طيب اسكتى دلوقتى علشان المستر بيبص لينا
روز / اوك وقعدت طول الشرح مش مركزه وبتفكر فى حالة سامح
وبعد وقت خلص الشرح المدرس وخرج طلعت جهاد وروز وندهو على المدرس
جهاد / مستر يا مستر
المدرس / ايوه
روز /please يا مستر ممكن تقولنا مستر سامح ساكن فين علشان نروح نعزيه فى موت والده
المدرس / ساكن (.......)
بس فين بالظبط معرفش
جهاد / شكرآ يا مستر احنا هنروح هناك ونسأل
المدرس / بس هما لسه فى المستشفى بوالدته علشان تعبت بعد وفاة والده
روز / اوك نبقى نروح ليه بكره شكرآ يا مستر
المدرس / العفو سابهم ونزل وهما رجعو قعدو تانى يكملو بقيت اليوم الدراسى
___________________________
فى شقة توفيق
وصل محمود ونبيله وأمينه وريم وفتح باب شقة توفيق
نبيله / شغلت النور وبصت على الشقه كلها ودموعها نزلت منها وقالت هقدر اعيش ازاى من غيره اه يا غالى البيت بقى وحش اوى من غيرك الدنيا كلها ملهاش طعم وانت مش فيها اه يا كسرة قلبى عليك يا غالى
محمود / مسكها من دراعها وقعدها على الكنبه وقال أهدى يا خالتى بالله عليكى
نبيله / كان قاعد هنا جنبى على الكنبه مفيش من كام ساعه فاجئه يروح من الدنيا طيب ازاى
امينه / قعدت جنبها وقالت وحدى الله يا اختى
نبيله / لا إله إلا الله يارب الصبر من عندك انت بس اللى عالم باللى جوايا
ريم / كانت وقفه على الباب وحطه ايديها على بؤقها وعماله تعيط
محمود / راح عندها وقال أهدى يا ريم مش كده ادعيلو بالرحمه
ريم / بدموع بدعيلو يا محمود بس واحشنى اوى عمرى ما قعد المده الطويله دى مشفتهوش حاسه ان روحى مسحوبه منى يا محمود
محمود / طبطب عليها وقال ادعيلو كتير طول ما انتى قاعده وربنا ان شاءالله هيصبرنا على فراقه
ريم / غمضت عينيها وهدت شويه ومسحت دموعها وقالت محدش اتصل بيك من عند زهره
محمود / لسه زى ما هى منهاره وعايشه على الحقن المهدأه
ريم / هزت راسها وقالت ماشى عن اذنك وسابته ودخلت اوضتها وقفلت الباب وراها واترمت على السرير وقعدت تعيط
____________________________
فى الجامعه عند أحمد
دخل احمد الجامعه وقعد يدور على اسلام وشويه وشافوه وهو واقف بيضحك وبيهزر مع الشله بتاعته راح عنده وقال
احمد/ اسلام عايز اتكلم معاك على انفراد
اسلام / شوفو مين جاى يتكلم عم احمد النحنوح
احمد / غمض عينه علشان يهدا وقال ماشى يا اسلام تعال
اسلام /لاء مش فاضى
احمد / عايز اتكلم معاك فى موضوع يا اخى
اسلام / اللى عايز تتكلم فيه اتكلم فيه قدام الشله كلها مفهاش حد غريب
احمد / اسلام متستعبطش انت اصلا عارف انا جاى اتكلم معاك فى ايه ومينفعش اتكلم معاك فيه قدام حد
اسلام / طيب ما تقول إن انت جاى تتكلم بخصوص زه
احمد / قطعه وقال اسلااااااااام
اسلام / هههههههههههه خلاص امشى ومشو الاتنين وقعدو فى حته بعيده عن الناس
احمد / اسلام ليه عملت كده فى زهره
اسلام / والله تستاهل محدش قال ليها تبص لفوق اهى وقعت على جدور رقبتها اتكسرت
احمد / انت عارف كويس انها كانت رايحه عندك الفيلا على أساس أنها تحضر عيد ميلادك المزيف اصلا وان هى مأخدتش من عندك حاجه
اسلام / لاء اخدت
احمد / حرام عليك زهره مش حراميه
اسلام / اخدت سلسله كنت أدتها ليها وراحت باعتها
احمد / يعنى مسرقتهاش زى ما انت قولت
اسلام / انا كنت ناوى اقلعها ليها بعد ما اخد غرضى منها لكن انت ضيعتها من تحت ايديه وجه اللى تابعها ده اخدها وهى لابسها
احمد / يا شيخ اتقى الله فى بنات الناس انت معاك اخت مش خايف عليها ليتعمل فيها زى ما انت بتعمل فى البنات
اسلام / بقولك ايه وفر نصيحك لنفسك واوعى تفتكر أن انا نسيت اللى حصل منك لسه دورك جاى معايه يا احمد
احمد / انا مش بخاف وانت عارف ثانيآ لو عندك ذرة خير روح اتنازل عن المحضر البنت ابوها مات بحسرته عليها وهى مشفتهوش قبل ما يندفن وهى دلوقتى مرميه فى المستشفى عندها انهيار عصبي بسبب موت ابوها
اسلام / تستاهل هى اصلا بنأدمه طماعه وعايزه تعيش على حساب غيرها
احمد / حرام عليك لا الموت ولا المرض بيتشمت فيهم
اسلام / وقف وقال مش هتنازل على المحضر وخليها تتمرمط شويه وتعيش فى الحجز وسط المجرمين علشان تعرف أن الله حق
احمد / يا اسلام وحياة العشره اللى كانت ما بنا اتنازل عن المحضر انت اصلا بنأدم طيب بس الفلوس الكتير هى اللى عملت فيك كده غيرتك وخلتك واحد انانى جشع من غير قلب
اسلام / العشره انت اللى بعتها مش انا وبعدين دى حياتى حاجه متخصكش عجبانى على كده محدش ليه دعوه بيها
امير / من وراه بس لما حياتك تيجى على بنات الناس يبقى لازم الناس تدخل علشان تمنع شرك
اسلام / انت ايه جابك هنا
امير / جاى اخليك تتنازل عن المحضر الكداب اللى انت عاملو ده لان انا واخد زهره متخدره من عندك
اسلام / عندى شهود وشهدو عليها
امير / كدابين
اسلام / اثبت
سامح / كان واقف بيدوس على ضروسه وبيبص لاسلام بغيظ
احمد / اسلام انت لازم تتنازل البنت منهاره اقسم بالله
اسلام / لاء
امير / بعصبيه انت شكلك نسيت ايدى اللى سايبه أثر على وشك لحد دلوقتى
اسلام / حسابك لسه معايه الدور جاى عليك
امير / ولا تقدر تعمل حاجه
اسلام / بكره هخليك تقول حقى برقبتى وبص لاحمد وقال وبرضه انت دورك جاى ولسه هيمشى
سامح / مسكه من رقبته وقال وهو بيدوس على سنانه شايف نفسك ليه من بدرى بحاول اتحكم فى إعصابى لكن انت انسان بارد تخلى الواحد يفقد عقله هتيجى معانا وهتتنازل يا اما اقسم بالله هتشوف منى درس عمرك فى حياتك ماأخده
اسلام / بدء يظهر على وشه علامات الاختناق
امير وأحمد / ادخلو حاولو يبعدو سامح عن اسلام وبعد صعوبه من الاتنين قدرو يفصلوهم عن بعض
امير / اهدا يا سامح مكنتش عايز اجيبك معايه علشان كده
اسلام / وهو بياخد نفسه بصعوبه قال و.و.ودينى لاخلى زهره تسف التراب وورينى هتقدر تعمل ايه
امير / شده من هدومه وقال احنا لو نفخنا فيك هطير يا ابنى شايف نفسك على ايه احنا ممكن ندفنك مكانك ومحدش يعرف ليك مكان وهتيجى تتنازل على المحضر فاهم
احمد / شد اسلام من ايد امير وقال اهدو بس يا جماعه كل حاجه هتتحل دلوقتى بس اهدو شويه
اسلام / مفيش حاجه هتتحل ومش هتنازل
سامح / لسه هيمسكه
احمد / اهدا بس ثوانى وبص لاسلام وقال اسلام اعتبرها زى اختك وكفايه عليها اللى حاصل فيها دلوقتى والله زهره مدمره على الاخر
امير /اقسم بالله لو مجتش معانا دلوقتى حالا واتنازلت هتندم يا اسلام
اسلام / على فكره انا مش بخاف من تهديدك ده
سامح / انا عارف الاشكال الو**** دى بتيجى بأيه
احمد / صدقنى يا اسلام مش هتقدر عليهم واوعى تفكر فلوسك هتعملك حاجه الناس دى بتاخد حقها بدراعها وانت اللى هتبقى خسران
اسلام / بص ليهم وقال هتنازل بس بشرط
التلاته بصو لبعض بأستغراب
احمد / ايه هو الشرط
اسلام / اتجوز زهره
امير / اتعصب ومسكه من هدومه وقال تتجوز مين دى خطيبتى
اسلام / عايزينى اتنازل يبقى اتجوزها
احمد / يا ابنى انت أفهم زهره مخطوبه لده وشاور على امير
اسلام / يبقى مفيش تنازل
التلاته بصو لبعض وسكتو
اسلام / ها قولتو ايه لو وافقتو انا مستعد اروح معاكم اتنازل بس قبل ما نخرج من القسم اكون كاتب كتابى عليها
امير / مستحيل
اسلام / يبقى انتو عايزين تخلوها كده ولسه هيمشى
احمد / اسلام انت بتطلب المستحيل زهره وامير بيحبو بعض ومينفعش تفرقهم عن بعض
اسلام / ده اخر كلام عندى وسابهم ومشى
امير قعد على الكرسى بأنكسار وقال والعمل دلوقتى
سامح / مش عارف
احمد / طلبه صعب بس قصاده حرية زهره
سامح / مستحيل البنأدم ده يتجوز زهره
احمد / طيب فى حل تانى
سامح / هز راسه بمعنى لاء وبص لامير وقال ساكت ليه موافق انو يتجوز زهره
امير /بدموع لو ده فى مصلحتها وهيكون سبب خروجها مقدرش امنعه انا اهم حاجه عندى راحة زهره
سامح / غمض عينه بزعل وقال لاحمد روح قوله موافقين
امير / دموعه كانت بتنزل منه وقام وسابهم ومشى
سامح / بص عليه بزعل وفى الوقت ده جه اسلام واحمد وراحو جابو المأذون وراحو على القسم
____________________________
عند امير
مشى امير وهو دموعه نازله منه قعد يمشى فى الشارع وهو مش عارف رايح فين وصل عند مقبرة ابوه وقف قصادها ودموع نزلت وقال ليه ليييييييييييه انا اللى بيحصلى كده ليه كل ده علشان فقير كل ده علشان ساكن فى حاره ليه حبيبتى تبعد عنى ليه تكون من نصيب حد تانى اتفقنا انا وساره أن احسسها أن انا بكرها بس والله عينى مش شايفه غيرها محدش فى قلبى غيرها عمرى ما كرهتها ولا اقدر اكرهها ازاى هقدر استحمل تبقى من نصيب حد تانى ازاى وقعد على الأرض وحط راسه على مقبرة ابوه وقعد يعيط وفى الوقت ده حس بأيد على كتفه بص لاقى شخص باين عليه من لبسه أن هو صعيدى
امير /مسح دموعه وقال مين انت
الراجل / انت بجى ولد اخوى
امير / اخوك مين
الراجل / اخوى إحمد
امير / بصله بأستغراب
الراجل / متستغريبش يا ولدى ايوه انا عمك اخو بوك واكتير كنت باجى اهنا المجابر استنا اشوف حد منيكم حاولت اكتير اوصل ليكم بس مجدرتش يا ولدى
امير / وكنتو فين كل ده وليه ابويه محكاش عنكم ابدآ
عمه / يااااااا يا ولدى دى احكايه جديمه جوى من ايام جدك الله يرحمه
امير / وايه فكرك بنا بعد كل ده
عمه / تعال يا ولدى نجعد فى مكان نتكلم براحتنا
امير / قام من الأرض ونفض هدومه ومشى مع عمه وقعدو على كافيه وقال اتفضل اتكلم
عمه / انا عمك حسين اخو ابوك الكابير وكنت بحبه جوى وفى عمك حسن الصغير وفى عمتك منار تووم ابوك
امير / ماشى انا مش عايز اتعرف على العيله انا عايز اعرف كنتو فين كل كده وايه فكركم بينا
حسين / هجولك يا ابنى زمان وابوك لسه صغير هو الوحيد اللى اتعلم فينا اهنا فى مصر وكان هو الجريب من جلب چدك وكان كل حاجه رايدها تتنفذ ليه طوالى واحنا عندنا فى العيله أن الشباب يتجوزو بنات اعممهم وانا اتجوزت بنت عمى وكان الدور على ابوك أنه يتجوز بنت عمه بس ابوك كان جابل امك اهنا وحبها ولما ابوك رفض يتجوز بنت عمه وطلب أن هو يتجوز امك چدك مرضيش وجال ليه يا يتجوز بنت عمه وينسا امك يا يغضب عليه اه نسيت اجولك احنا من كبرات الصعيد الچوانى المهم ابوك طبعآ اتمسك بأمك ورفض يتجوز بنت عمه جدك غضب عليه وطرده من البلد كلتها واعتبره انه ميت ومن يومها وعلاجتنا انجطعت بى حاولنا بعد كده ندور على ابوك اهنا بس مكناش بنعرف نوصله وچدك تعب بعد كده وطلب يشوفه بس معرفناش طريجكم وچدك مات وچينا المجابر اهنا اللى ابوك كان مشتريها اهنا بأسم العيله وكان بناء على طلب چدك يندفن فى نفس الارض اللى ابوك موجود فيها وچينا واتفاجئنا بأسم ابوك على المجبره ولما سألنا عرفنا أن هو ميت بجاله سنه وبردك معرفناش نوصل ليكم علشان چدك كاتب لابوك نص التركه علشان يعوضه عن الايام اللى عاشها بعيد عن أرضه وماله وبجيت اجاى كل أسبوع اجرا الفاتحه لچدك وابوك و استنا اشوف حد فيكم ولما سمعتك بتتحدد عرفت انك ولد اخوي والشكل واحد كلك ابوك الله يرحمه
امير / ويعنى انت عايز مننا ايه دلوقتى
حسين / عايز انكم تتعرفو على اهلكم وناسكم وتستلم ورثكم انت عيندك اخوات
امير / محمود وساره توأم اصغر منى
حسين / ربنا يخلى وانت اسمك ايه
امير / امير عندى تسعه وعشرين سنه
حسين / اللى خلف مامتش يا ولدى كلك ابوك الله يرحمه متجوز يا أمير
امير / افتكر زهره حبس دموعه فى عينه وقال لاء
حسين / ولا خاطب
امير / هز راسه بمعنى لاء
حسين / يبجى تيجى تشوف بتى انت أوله بيها من الغريب انت واد عمها وانت أحج بيها
امير / بس يا عمى انا مش بفكر فى الجواز دلوقتى
حسين / يا ولدى احنا فى سنك فى البلد متجوزين ومعاهم ولد كتير وعلى فكره بنتى متعلمه بردك وضاكتوره جد الدنيا
امير / بس يا عمى
حسين / قطعه وقال تعال بس يومين عيندنا البلد وشوفها وبعد كده ابجى رد عليا وبالمره استلم ورثك انت واخواتك وهاتهم معاك
امير / صعب اليومين دول يا عمى جارنا اللى مربينا مات امبارح ومينفعش نتخلى عنهم ونيجى شويه كده يا عمى وهبقى اجيب اخواتى واجى
حسين / وقف وقال طيب يا ولدى احنا هنستنظروكم وسلم عليه ومشى
امير / بص على عمه وهو خارج وقال ياريت اقدر اشيل زهره من قلبى وتفكيرى واحب غيرها واتجوزها ياريت يا عمى ودفع الحساب ومشى
_____________________________
فى المستشفى عند زهره
فاقت وبصت حاوليها وبصت على ايديها ورجعت تانى قالت بأعلى صوت
زهراء / باااااااااااااباااااااااااااا
العسكرى / نده ليها الدكتور
شريف / دكتور ممكن بلاش تديها حقنه وخلينى انا ادخلها اتكلم معاها احسن
الدكتور / هو طبعآ هيبقى احسن بس ممنوع تدخل ليها
شريف / ارجوك يا دكتور
الدكتور / بصله شويه وبعدين قال تعال معايه
واخد شريف ولسه هيدخلو
العسكرى / ممنوع تدخلها
الدكتور / ده شغلى ولازم يدخل للمريضه
العسكرى / ماشى بس ميتأخرش جوه علشان لو حد شافه انا هتأذى
الدكتور / لما حد يتكلم قول الدكتور اللى أمر بكده ودخلو الاتنين
زهراء / اول ما شافت شريف قالت بدموع بابا يا شريف بيضحكو عليا وبيقول أنه مات هما بيكدبو صح بابا عايش بس هو زعلان منى شويه صح رد عليا يا شريف ساكت ليه بابا فى البيت صح طيب روح قوله إن زهره بتعيط هيجى يخدنى فى حضنه ويطبطب عليا زى ما بيعمل تملى روح يلا يا شريف واقف ليه قوله إن انا مظلومه ومعملتش كده والله مسرقتش حاجه يا شريف
شريف / قعد جنبها وقال بدموع للاسف يا زهره بابا فعلا مات واندفن خلاص
زهراء / قعدت تضرب فيه وتقول لاء انت كداب انت كمان بتضحك عليا بابا عايش ممتش سامع ممتش ه.ه.هو جاى ليا دلوقتى
شريف / مسكها وقال ابوكى مات مات يا زهره لازم تتقبلى الحقيقه
زهراء / هزت راسها بتنفى الكلام اللى بيقولوا شريف وقالت لاء عايش عايش
شريف / مات مات مات
زهراء / لااااااااااااااااا بابا ليه سبتنى ليه ليه موت وانت غضبان عليا ليه اااااااااااه يارب عقبتنى اصعب عقاب ابويه مات غضبان عليا واندفن من غير ما اشوفه يارب
شريف / اخدها فى حضنه وقعد يطبطب عليها
زهراء / بابا يا شريف مات وسابنى لوحدى
شريف / بدموع احنا كلنا معاكى يا زهره
زهراء / ابويه كان هو الصدر الحنين بتاعى هو اللى كان بيفهمنى من نظرة عينى كان هو ضحكتى والامان ليا يا شريف
شريف / ششششش أهدى يا حبيبتى هتخرجى من هنا واحنا كلنا معاكى ومش هنتخلى عنك يا زهره
الدكتور / انا شايف انك بقيتى احسن يا زهره
زهراء / لاء مش احسن يا دكتور انا مكسوره من جوه
الدكتور / انك اتقبلتى موت ابوكى ده تقدم كبير اما احساسك من جوه ده شئ طبيعى بيشعر بى اى انسان فقد حد عزيز عليه ومع الوقت بيقل تدريجيآ لحد ما تبقى ذكرى مؤلمه
شريف / يعنى يا دكتور هى دلوقتى ايه هيحصل معاها
الدكتور / هكتب ليها على خروج وهترجع تانى القسم تتحط فى الحجز لحد ما ينتهى التحقيق معاها
زهراء / بدموع لالالا حجز لاء ابوس ايدك يا دكتور خلينى هنا
الدكتور / مع الأسف مينفعش لازم ترجعى القسم
زهراء / شريف بلاش تخليهم يخدونى الحجز ا.ا.انا بخاف منه ابوس ايدك يا شريف متخلهومش يخدونى فيه
شريف / مقدرش لازم تروحى هناك
وفى الوقت ده دخل العسكرى فك الكلبشات من ايديها
زهراء / استغربت ومسكت ايديها تدعكها من وجع الكلبشات
شريف / خير
العسكرى / افراج هتروح تخلص الإجراءات وهتخرج
زهراء / مصدقتش نفسها وقالت بجد ا.ا.انا خلاص هخرج من هنا يعنى مش هدخل حجز
العسكرى / ايوه
شريف / ازاى دى
وفى الوقت ده دخل اسلام واحمد وسامح ومعاهم المأذون
سامح / علشان هتتجوزى اسلام