رواية نار الانتقام الفصل الرابع 4 بقلم جمال المصري
جاسر يلف بالراحه انا احمد دخلت لقيت جلال مرمي كده .العنصر يقرب منه بيكشف وش جاسر انت مش مننا وهنا جاسر بيكتم نفسه لحد ما بيموت ويسيبه يوقع علي الارض و بيجرهم و يدخلهم في اوضه و بيغطيهم عشان محدش يشوفهم وهو فاكر ان كده محدش شافوا لكن للاسف ملك وهي فتاه شديدة الجمال كانت بتمشط المنطقه وسمعت صوت العنصر اللي دخل علي جاسر و شافت جاسر وهو يكتم نفسه وصورته كمان واختفت عشان جاسر ما يشوفهاش وفضلت تراقب تحركات جاسر من بعيد اما جاسر كل تفكيره ازي هيوصل لي معتز الملقب بسيف المنظمه اما النقيب عاطف رن كتير علي جاسر والرقم مقفول وقرر انه لازم يروح له البيت و يطلعوا جاسر من اللي هو فيه و الحكايه دي جات متاخر عشان فريق الصقور وفريق النسور كانوا في مهم خارج البلد لمدة ثلاث شهور وراحوا علي البيت وفضلوا يخبطو بس مفيش رد وهنا عاطف قلق وقرر انه يكسر الباب و افتكر ان جاسر كان بيسيب نسخه من مفتاح الشقه في عداد الكهرباء اللي قدام باب الشقه وفعلآ بيحط ايده يدور علي المفتاح وفعلآ بيلاقيه وبيفتح الباب وبيدخل لكن مش بيلاقي اي اثر لي جاسر وهنا القلق زاد اكتر جوه عاطف وقرار يبلغ النقيب علي اللي طلع بنفسه علي الشقه لكن ما وصلش لي اي حاجه وتابع الكاميرات اللي وصلتو للعربيه بتاعت جاسر وبعد كده جاسر اختفى واتفاجئ اكتر لما لقي ان جاسر نزل بمجرد العسكري ما مشي وعلي رفع المراقبه عنه وهنا اتاكد ان جاسر مخطط لي حاجه وفضل يدور علي اي خيط يمشي وراه بس جاسر كان اذكاء من الكل وما سبش اي خيط يوصل ليه وفضل اختفاء جاسر لغز غريب بنسبه لي علي وعاطف وكل زمايل جاسر اللي كانوا خايفين عليه . جاسر وصل الجبل بس للاسف كان لازم كل واحد فيهم عشان يدخل لازم يقول كلمة السر وهما بس اللي يعرفوها وهنا جاسر بداء يقلق ويحط ايده علي السلاح عشان شكله هيستعملو بس هو عارف انه لو عمل كده هيموت ومش هيوصل لي معتز وخلاص مفيش غير واحد قدامه وبعد كده يدخل هو وتقرب ملك و تبص له انا مش عارفه اي النظام ده ما كلنا عارفين ان كلمة السر هي الليله المظلمه دول مش هيبطلو الروتين ده . جاسر معاكي حق بس لازم يعملو كده عشان اكيد هما ما يعرفوناش كلنا و بكلامه ده كان حابب يتاكد من المعلومه دي وملك طمنتو كلامك صح يا رفيق كل يوم بيجى ناس جديده عشان كده لازم يعملو كده انا ملك وانت . جاسر بصلها وانا جلال بس مستغرب من حاجه وقبل ما يكمل كلامه جه عليه الدور و استاذن من ملك ودخل الامن سالوا كلمت السر ايه . جاسر بتردد الليله المظلمه وهو حاطط ايده علي السلاح . الامن تمام ادخل والحق المطبخ قرب يقفل وقبل ما يدخل دخلت ملك وهي بتهزر مع الامن ايه تحبو اقول كلمة السر ولا . الامن ضحك اتفضلي يا اخت ملك انتي مش محتاجه كلمة سر ودخلت هي وجاسر . ملك انا هموت من الجوع ايه رايك نروح المطبخ سوا . جاسر اكيد طبعا انا هموت من الجوع و جاسر فضل ماشي معاها وهو يتظاهر انه عارف المطبخ لحد ما وصلو هناك واخدو الاكل . ملك بصت لي جاسر انت هتاكل وانت مغطي وشك كده . جاسر لا طبعا وشال القناع ملك بصت في عيون جاسر انا شايفه في عيونك غموض ما شوفتهوش في حد قبل كده . جاسر ضحك ولا غموض ولا حاجه انا انسان زي اي انسان وهبت نفسي للجماعه من اجل الدوله الجديده اللي هتحرر العالم من الظلم . ملك واضح اني ليك كتير بتناضل من اجل التنظيم . جاسر بصراحه لا انا لسا منضم للتنظيم من شهر . ملك يبقا انت جيت من اسبوع هنا مع الفوج الي وصل من سوريا . جاسر ايوه بس حب القضيه بيجري في دمي . ملك لهجتك مصريه . جاسر فعلآ وانتي كمان . ملك ايوه انا مصريه وليا سنه في التنظيم . جاسر بس انتي فيكي حاجه مختلفه عنهم . ملك لا بالعكس انا عاديه خالص بس انت عشان جديد لما هنكون اصدقاء هتعرفني اكتر يلا هسيبك انا وبتمشي وبيقوم جاسر عشان يستكشف المكان ويعرف هيوصل لي القائد بتاعهم ازي وهو ماشي بيسمع صوت ملك متعصبه اطلع بره يا رفيق احنا هنا عشان قضيه مش عشان المسخره الاي انت عايزها . انتي متعصبه ليه محدش هيعرف حاجه هننبسط وبعد كده ولا كاني حاجه حصلت . ملك قولتلك اطلع بره . انا مش هطلع غير لما اخد اللي انا عايزه وبيتهجم علي ملك . جاسر دخل الخيمه علي ملك لكن اتفاجئ لما لقيها بحركه وحده كسرت رقبته و ترمى علي الارض و بص لي ملك اللي اتخضت لما شافته داخل عليها . جاسر مش قولتلك انك مختلفه عنهم . ملك قعدت علي الارض يعني كنت عايزني اعمل ايه وهو بيتهجم عليا يا جاسر . جاسر بصلها مين جاسر . ملك ايه مكنتش متخيل ان ممكن حد يعرفك صح . جاسر قرب منها لا ده انتي حكايتك حكايه وعرفتي من فين اني جاسر . ملك الحكايه مش صعبه انا شوفتك وانت بتقتل اتنين من رجالتنا وعرفت انك جاي عشان هدف معين وصورتك وعن طريق صورتك وصلت لكل حاجه عنك وكمان موت مراتك الله يرحمها وعرفت انك جاي هنا عشان الانتقام . جاسر قعد قدامها كنتي تقدري تقتليني او تسلميني لهم اول ما وصلنا ايه اللي خلاكي سكتي. ملك بصت علي اللي مرمي علي الارض عشان الكلاب الي زي ده انا كمان كنت مخطوبه وهما قتلوا خطيبي اللي كان كل حياتي واهلي ودخلت هنا عشان انتقم وكنت مستنيه الفرصه المناسبه . جاسر بس انتي بتعرضي حياتك للخطر وانا مستحيل اوافق علي كده . ملك انت توافق او لا دي حاجه ما تهمنيش لكن انا هنتقم منهم حتي لو لوحدي وانت من غيري مش هتعرف تعمل حاجه ولا هتوصل لي هدفك لكن لو اشتغلنا سوا هننهي التنظيم ده كله قولت ايه . جاسر سكت شويه موافق بس بشرط تسمعي الكلام وما تعرضيش نفسك للخطر . ملك تمام اتفقنا انت ايه هدفك . جاسر معتز او زي ما بتسموه سيف التنظيم . ملك طلبك صعب بس طول ما اتفقنا ان شاء الله مفيش حاجه صعبه بس لازم تحصل حاجه كبيره عشان نشد نظر الحرس بعيد عن خيمته وبكده تقدر توصل له بسهوله . جاسر فكر شويه محتاج متفجرات . ملك وقفت مخزن السلاح قريب من هنا تعالى معايا وطلعت خليك هنا وانا هروح لحد خيمة معتز علي اساس اني جاتني معلومات بتقول اني في تمرد في القريه والحكومه هتدعيه واول ما اطلع هنده عليك وهندخل مخزن السلاح علي اساس اني دي اومر تمام . جاسر اروح انا مكانك . ملك مش هينفع انا معروفه والكل بيثق فيا هنا لكن انت محدش يعرفك وممكن تموت قبل ما تعمل حاجه وتحركة ونفذت الخطه بالظبط وفعلآ وصلت لحد مخزن السلاح وندهت علي جاسر واخدة شنطة متفجرات وطلعت علي خيمتها واخد جاسر المتفجرات وفضل يحط المتفجرات في كل حته لف المعسكر كله وملك كانت بتغطي عليه . ملك ايه كل حاجه تمام . جاسر تمام دقيقه بالظبط واول قنبله هتنفجر وباقي القنابل هتنفجر بعد خمس دقايق يعني قبل الخمس دقايق ما يخلصو لازم تكوني بره فاهمه . ملك فاهمه وانت كمان تكون خلصت . جاسر اتفقنا يلا بسم الله توكلنا علي الله . ملك لا إله إلا الله . جاسر سيدنا محمد رسول الله .جاسر قرب من خيمة معتز ولف من وراها واول ما انفجرت القنبله الكل ركز في اتجاه الانفجار وجاسر استغل الفرصه ودخل الخيمه كان معتز طالع لبره يشوف ايه الانفجار ده .جاسر رايح فين . معتز انت مين وازاي تدخل عليا كده وبيطلع المسدس . جاسر هجم عليه ونزل ضرب فيه و المسدس وقع من معتز و الرجاله بره مش سامعين حاجه بسبب الاصوات والصريخ بسبب الانفجار. معتز بيزحف علي الارض انت عايز مني ايه . جاسر عايز روحك انا جاسر اللي بسببكم مراتي ماتت . معتز انا ما ليش دعوه انا هعوضك انا عندي فلوس كتير خدها بس سيبني اعيش . جاسر انت عشت خاين وهتموت كلب انتو لازم تدفعو تمن اللي بتعملوه . معتز ابوس ايدك ارحمني وانا تحت امرك . جاسر عز الرجال فين وازاي اوصل له. معتز عز الرجال في أفغانستان وسكتو المخدارت هو من كبار تجار المخدرات علي مستوى العالم . جاسر ما تقلقش قريب هيحصلك طلع تليفونك ورن علي حمزه . معتز طلع التلفون ورن علي حمزه . جاسر اخد التليفون منه بعنف . حمزه الو . جاسر دي البدايه يا حمزه وانا بكلمك عشان تعرف اني نهايتك قربت وقريب اووي هتبقى زي الكلب قدامي و بدات القنابل تنفجر و جاسر رمى التليفون وطلع المسدس و فضى الخزنه كلها فيه و بسكينه قطع الخيمه من وراه وطلع منها والقنابل تنفجر وحده وراء واحده وملك بتقرب من مخزن السلاح والكل بيجري وترمي قنبله فيه ويتحول المكان كله لي جحيم وجاسر بيقرب من ملك وبيمسك ايدها ويجرو وفي عربيه عليها جرينوف وهو سلاح بيتنصب علي عربيه الدفع الرباعي ويطلق طلقات كثيفه ويركب جاسر علي العربيه وملك علي عربيه بعد ما يقتلو الامن اللي جنب العربيات و بيفتحو النار علي الكل عشان يحولو المكان لساحة حرب والعناصر التكفيريه دي تعيش جهنم علي الارض واثناء الضرب واحد منهم بيضرب ملك بالنار و بتوقع علي العربيه و جاسر بيضربو بالنار وبينزل يجري عشان يطمن علي ملك .جاسر ملك انتي بخير. ملك اهرب يا جاسر الدنيا هتتقلب هنا دلوقتى وفي رجاله تبعهم قريبين هيجو دلوقت . جاسر اسكوتي انا مستحيل اسيبك ويا نطلع سوا من هنا او نموت سوا يا ملك وكان بيبص لها وكانوا شايف ليلي وبداء نور عربيات جايه من بعد . ملك دول وصلوا يا جاسر بقولك اهرب