رواية ضماد جرح الفصل السابع 7 بقلم نوسه حمد
كنت متاثره شديد لزوجي وكانو مانعين ليهو الزياره كان بدخلوني انا بس رفضو ادخلو اولادو لغايه ما يوم الصباح نحنا قاعدين الطبيب نادانا وقال لينا للاسف الحاج اتوفي انا قلبي انقسم النص 😭قدام الناس هو زوجي بس الاحساس الابوي اللقيتو معاهو ما لقيتو عند زول وبقيت ابكي وبكا من جوه قلبي واولادو م شاء الله صبرو شديد بس انا غلبني اصبر لاني بقيت براي احتمال هم كانو حاسين ابوهم عايق في الحياه بالنسبه ليهم لانهم شافو حياتهم وكل واحد كون اسره ومنشغل بيها وح يرجعو لي حياتهم ونسو بر الوالدين والدنيا دواره
لبست التوب الابيض وانحبستا امي جات قالت لي تمشي تنحبسي معانا هناك قلت ليها لا خلوني هنا قالت لي تقعدي براك قلت ليها المشكله شنو بقعد عادي اصلا انا وحيده وح افضل وحيده كنت مكسوره شديد وحاسه اني بتعاقب علي غلط امي وابوي الله يسامحهم بس كانت عندي عزيمه اني اكمل بس خلاص الكان بساعدني مات وما عندي قروش في يدي يعني لازم اطلع واشتغل بعد اطلع من الحبس اشتغل اي شي الشغل م عيب
يوم امي جات ومعاها مياده وبناتا وفادي بس فادي م خلو دخل علي عشان انا محبوسه هو مفتكر انو عادي الاقيهو واسلم عليهو لانو مسيحي بس ابوي قال ليهو م صاح نحنا مسلمين خالتو مياده عزتني واعتزرت لي قالت م كانت عارفه لمن امي كلمتا وكانو زعلانين علي موت زوجي قبل م يطلعو مني اديت تلفوني لي فاتن قلت ليها علميني اعملي لي واتساب عشان اتواصل معاكم قالت لي طيب فتحتو وشغلتو لي وعملت لي الواتساب واضافت لي ارقامهم
ومن وفات زوجي ما عشت ساعه مبسوطه الا لمن جوني ناس خالتو مياده فاتن ادتني فادي بالتلفون قال لي نوسه قلبي معاك قلت ليهو تسلم قال لي نفسي اشوفك كده م مطمئن عليك وانا قلبي شغال يضرب فادي بتكلم ببساطه بس كلامو بدخل جوه قلبي وبنغرس جواهو بعد قلت خلاص مشاعري ماتت اول م سمعت صوت فادي قلبي بيضرب قال لي اديني رقمك قلت ليو عند فاتن خليها تديك ليهو وقبل م يودعني اديتا التلفون وشكلو هو كان بتكلم معاي بقت تعاين لي وختت لي التلفون ف اضاني وفادي قال لي خلي بالك من نفسك وانا معاك م ح اسيبك ي نوسه انا غلبني ارد وفاتن كانت بتعاين لي قلت ليهو فادي تمام م قصرتا جزاك الله الف خير وسلام قفلت الخط واديتو ليها ومن لحظاتها انا طشيت شبكه وبقيت م معاهم نهاي طلعو مني المساء والوقت دا كلو فادي منتظر بعد مشو امي قالت لي الولد دا غريبه بتعامل معاك كده وكانت محتاره قلت ليها ديل زي اخواني كانو بعاملوني احسن معامله بقت تعاين لي حسيتا م صدقتني قلت ليها مالك انتي فشنو قالت لي انا ولا انتي مالك فشنو وما تقولي راجلي مات خلاص انا م عندي ولي وتباري لي اولاد الراحات ديل قلت ليها انا ولي ربنا وانتي فاهمه غلط بقيتي تديني احساس انو انا ح اغلط ح اغلط انا لو عايزه اغلط لو طابلاني في غرفه بغلط جوه الغرفه بس افهمي يمه انا زوله بقيت واعيه جداااا جداااا ومستحيل اغلط قالت لي خلاص ارح معانا البيت م تقعدي براك قاعده براك ليه قلت ليها لا انا م ماشه معاك لسبب واحد انو انا قاعده اقرا وانتي عايزه تحبسيني انا زمان كنت مجبره علي قرراتك لاني شايفاك امي كنت بس الان انا م مجبره انا عايزه اقرا وعايزه اعمل لي نفسي قيمه ما عايزه اكون في نظر الناس بت حرام زي الاحساس الكنتي بتديني ليهو انتتي واهلك واهل ابوي وانا ي حليلي بحبهم من جوه قلبي وهم انا في نظرهم بت حرام بيخافو منها ومن التعامل معاها وقع لي في الاخر وكنت بشوف اهل ابوي بحزرو بناتهم مني وانا كنت بقول عشان انتي مشاكلاهم م كنت عارفه انو الشكله فيني انا قلت ليها م قصرتو اقسم بالله جميلكم دا فوق راسي وم ح انساهو وزي م لقيتكم ح تلقوني وم ح احوجكم لي زول بس هسي انا م عايزه اقعد معاكم انا عندي مشوار طويل ومشواري دا انتي بالذات م بنفع معاك لمن اكون فاضيه بزوركم وما تقيفي في طريقي ي امي انا محتاجه اقرا واتعلم واتفوق وانفع نفسي وانفعكم امي زعلت مني وفاتت كانت عشمانه اني ارجع معاها بس م كان عندي استعداد اني اعيش بالاحاسيس العشتها معاهم دي تاني ومعزتهم جوه قلبي بس م قادره طاقه تحملي خلصت عندهم قفلت البيت علي واتوضيت وصليت مسكت التلفون قلت النشوف الواتساب وهو كان مقفول من يوم اتوفا عبدالله اول م مسكتو التنبيه اشتغل مواعيد حبوبو قعدت ابكي بكا قلبي انقطع عليهو كل م اتزكر كلامو لي وحنيتو علي ببكي من جوه قلبي ودخلت المنبه ووقفت التنبيه ولقيت رسايل في الواتساب فتحتها لقيتا من فادي سلمت عليهو وكنت مضايقه شديد اتصل علي مكالمه واتساب وصوتي كان رايح من البكا قال لي نوسه انتي كويسه قلت ليهو الحمد لله قال لي كنتي تبكي صاح سكتا م رديت عليهو قال لي نوسه حبيتيهو ؟؟؟ برضو م رديت عليهو بس كنت ببكي قال لي نوسه انتي مضايقه مني اقفل الخط قلت ليهو لا العفو بس انت اتصلت في وقت كنت مضايقه فيهو قال لي ممكن تحكي لي نوسه انتي حبيتي زوجك صاح قلت ليهو حبيتو اي قال لي جد قلت ليهو جد ي فادي بس م الحب الفي بالك فادي انا م عارفه اقول شنو ولا بقدر احكي ليك بس كل البقدر اقولو ليك عبدالله كان زي ابوي عوضني عن حاجات كتيره قال لي نوسه انا بس سالتك انتي حبيتي ممكن تردي علي قلت ليهو فادي علاقتي بزوجي م علاقه زوج وزوجه وقعدت احكي ليهو قال لي نوسه انتي جاده معقوله في اولاد بهملو ابوهم بالشكل دا قلت ليهو اي ي فادي وزوجي كان اقرب مثال قال لي نوسه انتي جاده ولا بتهظري صاح قلت ليهو م بهظر ودي الحقيقه الماف زول حكيتا ليهو غيرك لانك سالتني سؤال خاص قال لي نوسه ممكن اقول كلام قلت ليهو قول قال لي نوسه م عارف بس انا اكتشفت اني بحبك انتي وعمري م حبيت حبيبتي
سكتا وضربات قلبي زادت كيف فادي بحبني رغم اني اتزوجت قلت ليهو فادي خلينا اخوان ونخلي المقامات محفوظه انت عارفني انا بحترم امك واهلك قدر شنو م عايزه اخسركم كنتو لي سند قال لي نوسه تخسرينا كيف واهلي علاقتهم شنو بي حبي ليك انا حر من حقي احب البحبها واتزوج البتزوجها قلت ليهو فادي استهدا بالله انا لا من توبك لا بشبهك انا كنت شغاله عندكم عارف يعني شنو شغاله يعني ولا حاجه في الدنيا موش في صفر وواحد واتنين يلا انا الصفر قال لي حرام عليك ليه انتي بتقولي كده وبعدين نحنا كلنا م كنتي في نظرنا زي ما مفتكره انتي انتي كنتي جزء من بيتنا وروح بيتنا نانا رغم انها شغلها حلو بس عمرها م كانت بي طلتك الحلوه زمان نحنا كنا لمن نجي داخلين بنقول لي نانا ماما وين ولمن دخلتي حياتنا بقينا اول م ندخل بنسال نوسه وين انا حبيت فيك حاجات كتيره فاقدهم ونفسي فيهم انا عارف الظرف الانتي ماره بيهو بس صدقيني انبسطت شديد لمن زوجك اتوفا وجيت جري عشان اقول ليك انا بحبك بس عرفت انو ما صاح اشوفك وانتي محبوسه قلت ليهو فادي خليك من اي شي انا ديانتي غير ديانتك يعني ما صاح نحب بعض اساسا قال لي البمنع شنو ماف شي بمنع قلت ليهو لا دينا م بسمح لينا نرتبط بي مسيحي قال لي نوسه خليك معاي ونشوف البحصل شنو احتمال ادخل الاسلام وانتي تكوني سبب في دخولي قلت ليهو فادي نفسي والله اموت واشوفك مسلم صدقني ح انبسط شديد م ضروري ارتبط بيك بس نفسي اكون سبب في اسلامك قال لي م معروف ي نوسه وما تخافي مني نوسه انا بحترم ديناتك شديد وعمري م ح تشوفي مني حاجه غلط بس ممكن تديني فرصه سكت وم رديت قال لي نوسه افتحي الكميرا قلت ليهو لا غلط انا محبوسه قال لي مشتاق ليك قلت ليهو فادي ممكن طلب قال لي قولي قلت ليهو ممكن م تقول لي كلام رومانسي قال لي وينا الرومانسيه قلت ليهو بحبك ومشتاق ليك قال لي اسف والله تاني م ح اقولن ليك بس انتي خليك جنبي قلت ليهو وحبيبتك قال لي ح اخليها مستحيل اكمل معاها انا لقيت نفسي معاك اتونست معاهو كتير وكنت مبسوطه شديد ولمن نومتا من غير م اشعر وصحيت متاخره لقيتو مرسل لي فيديو وبقول لي فيهو في كلام حلووووو فادي شكلو حنين ورومانسي شديد انا بقيت اتبسم براي اول مره اصبح مبسوطه كتبت صباح الخير استلمها واتصل قال لي ي نوامه قلت ليهو اعزرني النومه دي نفسي فيها من وعيت للدنيا قال لي نوسه اوعدك من هنا ولي قدام ح تنومي زيها كتير فادي كل كلمه بقولا لي بحسو انو بحبني وشديد فجاه سمعت الباب بدق استاذنت منو قلت ليهو الباب قال لي خلي الخط فاتح واتكمكمت بالتوب مشيت فتحت الباب لقيتهم اولاد عبدالله راجلي قالو لي كيفك قلت ليهم بخير قالو لي دا زول عايز يشوف البيت عشان عاوزين نبيعو ………..يت