رواية ضماد جرح الفصل السادس 6 بقلم نوسه حمد
بقيت اتناقش مع امي وابوي حسيتهم عاوزين الراجل عشان قروشو وما عاينو لي انا ولا عاينو لي مستقبلي وبقيت جايطه فيهم امي طوالي قالت لي اسمعي م تكوركي فينا بارك الله فينا اللميناك من الشارع قلت ليها انتي تقصدي شنو قالت لي عشان اكون معاك واضحه لا انا امك لا دا ابوك انتي بت حرام انا قلبي وجعني وحسيت الدنيا لافه بي قلت ليها انا بت حرام يعني والعمر دا كلو عايشه تحت رجليكم وقبلت الزله والاهانه وكنت بصبر نفسي واقول ليها استحملي ي نسيبه ديل امك وابوك وطاعتهم واجبه وحرمتيني من التعليم وكل مره بجيني احساس انو في شي م طبيعي وافتكرت انك عصبيه ولازم استحملك اقوم في النهايه اكتشف اني بت حرام وانتي مستحملاني بالعافيه وكنت ببكي ببكي اصعب احساس ممكن احسو الانسان انو يقوم ويوعا للدنيا ويلقا نفسو ابن حرام الموت ارحم من الاحساس دا ابوي قال ليها ليه يا ريا ليه قلتي ليها قلت ليهو م قصرت دست مني السنين دي كلها بس يا ريتا م دست لاني استحملت نكدها وكلامها الكلو تجريح لو كنت عارفه اني بت حرام دقيقه م كان قعدتها معاكم انتو ذنبكم شنو تستحملوني وتشيلو همي انا بس بشكر امي علي خوفها علي اني ممكن اغلط نفس غلط امي الما عارفه هي منو وكنت ببكي ببكي ببكي وقربت اجن عديل كيف انا امي وابوي مجهولين ذنبي شنو انا في غلطهم قلت ليها يمه ابشرك انا م ح اطلع زي امي انا مستحيل اغلط غلطتهم وأنجب اطفال ويتعذبو بسببي الضوقتو انا م ح اضوقو لي اولادي وسالتهم قلت ليهم زوجي عارف قالو لي اكيد عارف لانو شاف اوراقك مشاعري اتلخبطت وامالي اتحطمت وبقيت ابكي كانو ميت لي زول فعلا ميت لي زول زول لا شفتو لا رئيتو امي وابوي المجهولين يوم كامل ابكي ومتوتره امي جات لاول مره تطبطب علي قلت ليها م قصرتي والله اجرك عظيم لميتيني فعلا من الشارع لو م انتو م كان عرفت اعمل شنو بس كان تتمي جميلك وتضميني وتضوقيني حنان الام الانحرمت منو وانا مفتكراك انتي امي انا كنت بفتح القنوات الدينيه البتتكلم في امور الدين عشان لمن تكون الحلقه عن طاعت الابوين انا بكون مركزه عشان م اعصاكم ودا كلو وانا م عارفه نفسي بت حرام شعورك قصادي طبيعي حتي لو ربيتيني انا م جناك تعطفي علي كيف تجامليني قالت لي لا والله م كده ي بتي انا كنت خايفه عليك لدرجه انو جاني هوس انك لو دخلتي المدرسه مختلطه احتمال تغلطي غلطه امك قلت ليها تاني جايه تقولي لي غلطه امك خليك من غلطه امي انتي م بتعرفي البت من صغيره بظهر عليها اي شي لو بتاعت لعب ولا محترمه وانا كان حلمي اقرا والكلام الفي بالك انا والله لا عرفتو لا حسيت بيهو ووقت كنتي خايفه كان توعيني يمه انا حتي لمن بقيت بالغه ودا الطبيعي يحصل انتي ما ارشدتيني وعشان م متعلمه م كنت عارفه الحاصل علي لغايه م استاذه فاطمه شرحت لي تبرير امي ما دخل راسي وزعلت منها اكتر مما زعلانه ابوي كان متأثر رغم اني حسيت بي الابوه معاهو بس برضو م كان بدافع لي قلت ليهم انا بشكركم انتو م قصرتو معاي كبرتوني لغايه م عرستو لي وسترتوني بس يمه احب اقول ليك انا لو عايزه اغلط في عصمه راجل انا ممكن بغلط بس انا مستحيل اغلط والحصل دا كلو لخير كويس اني عرفت الحقيقه واعفو لي م ح اقدر اجيكم وجزاكم عند ربنا لميت حاجاتي كلهن وطلبت منهم شهاده الميلاد والرقم الوطني في الاول رفضو بس اجبرتهم ادوني ليهم والاتنين كانو ببكو ودعتهم وفوتا حسيت نفسي قاسيه عليهم مشيت البيت لقيت زوجي قاعد قال لي السمحه جيتي قلت ليهو ايوا قال لي كيف امك وابوك الجيتي منهم قلت ليهو ياتو فيهم قال لي كيف ياتو فيهم موش انتي كنتي مع امك وابوك ولا كنتي وين قلت ليهو تقصد ريا وخالد قال لي مالك انتي وقام علي حيلو قلت ليهو انا عرفت الحقيقه قال لي حقيقه شنو قلت ليهو الحقيقه الداسنها مني خليك من امي وابوي انت ليه اتزوجت بت حرام سكت م ردا علي قلت ليهو عايز تعطف علي ولا استغليت اني صغيره وبت حرام اهلا بدوك ليها قال لي لا والله ما تظلمي ابوك ابوك دا صاحبي كنا بنتونس سوا وكان بحكي لي عليك وانو امك خايفه عليك وعايزه تعرس ليك قلت ليهو بتدوني ليها قال لي اي وانا جيت خطبتك وعرستك علي سنه الله ورسوله م طلبت منهم اتزوجك سرا لالا انا جيت بالباب عديل وعجبتيني عاينت ليهو واساسا م قادره اتقبلو زوج وهو مستحملني قلت ليهو شكرا ليك م قصرتا قال لي القال ليك منو وكلمك قلت ليهو عرفت براي وكنت حاسه من تعامل امي لي في حاجه غلط بس م كنت عارفه فشنو ممكن طلب قال لي اتفضلي قلت ليهو ممكن تطلقني قال لي ليه اطلقك شفتي مني شنو شين قلت ليهو انا عايزاك تطلقني عشان انا بقيت حره في قرراتي وما عايزه اغشك انا لمن عرستك الكنت فاكراهم اهلي ومفترض اسمع كلامهم غصبوني عليك واتزوجتك غصب انا هسي عاوزه آطلق عشان م نفسي اغشك وعشان حاجات جواي م نفسي احكيها قال لي لا انا م عايز اطلقك انتي مليتي علي حياتي انا م عارف الجوه قلبك قصادي شنو بس انا غلطت في حقك ما مفترض اتزوجك وانا في العمر دا وانتي عايشه معاي زي بتي ربنا ح يسالني بس انا ربنا عالم بي اولادي بعد ربيتهم وعلمتهم كل واحد في حياتو وما شغالين بي وبناتي كذالك ومرتي الله يرحمها وقفت معاي لمن اتوفت قلت ليهو كان ممكن تجيب بت تخدمك بالقروش قال لي شينه في حق اولادي اجيب بت الناس اقولو شنو قلت احسن اتزوج وماصدقتا لقيتك ومن ناحيه ضميري مأنبني انتي بت صغيره وانا زول شايب المرض هالكو قلت ليهو ناهيك عن اي شي بس عاوزاك تطلقني قال لي ممكن تقعدي معاي وح اطلقك بس تكوني في نظر الناس انتي زوجتي اخدميني وشيلي فيني الاجر انا من يوم فوتي م اخدتا لي علاج نسيتن زاتو وجسمي تعبان شديد من السرير م قومتا اكل م اكلت اقعدي معاي واخدميني واكسبي فيني اجر قلت ليهو ليه م اخدت العلاج انت كده ح تتعب نفسك مشيت جبتا ليهو الحبوب القبل الاكل اديتن ليهو واديتو حقنه الانسولين وفطرتو لمن شبع قال لي الله اديك العافية واعفي لي قلت ليهو عافيه ليك انا اتفهمت موقفك بس تصرفك غلط كان تعرس واحده من سنك قال لي قسمتي انتي تكوني زوجتي في يوم من الايام قلت ليهو فعلا قلت ليهو طيب ممكن طلب قال لي تأمري انتي وانا بنفذ ليك قلت ليهو عايزه اقرا قال لي طوالي تقري قلت ليهو يعني م ح تثق فيني زي امي قال لي انا واثق فيك اكتر من بناتي وم ح احرمك من شي وح اقريك في مدرسه خاصه قلت ليهو شكرا ليك ماقصرتا رغم اني متزوجاهو بس يدي م قاعد المسها قال لي م تزعلي انا امك وابوك واخوك وقدر ايامي القاعدن ديل بحترمك وبشيلك في عيوني لانك احترمتيني رغم انك مغصوبه علي قومتا منو مشيت صليت وبقيت ابكي ومقهوره م قادره اتجاوز حته اني بت حرام بقيت اتحسبن علي امي وابوي الما عارفه هم منو اصلا حسبي الله ونعم آلوكيل فيهن زي م دمرو انسانه م عندها ذنب يدمرو هم انا م ح اسامحهم ختوني في موقف اخير منو الموت بقيت اكره الاولاد زمان كنت لمن اتزكر فادي بحس بمشاعر حلوه من عرفت اني بت حرام جاتني عقده منهم حتي فادي بقيت م بتزكرو وقررت اقرا واكمل تعليمي والراجل الرضا بي وانا بت حرام دا م ح اقصر منو رغم انو قلت ليهو طلقني عشان لو جاتو حاجه اهلي م يطمعو فيهو لانو امي غرضها تعرسني ليهو عشان الورثه لانو هو غنيان ح اخاف فيهو الله لانو اترجاني وح اتحاما فيهو واكمل تعليمي واشق طريقي مرت الايام وسجل لي في مدرسه خاصه امتحنت تامن ع طول عشان م قاريه تعبت شديد في القرايه اتزكرت الاستاذه الدرستني جبتها لي وبقت تشرح لي وماشه في القرايه تمام امي وابوي بقيت م بمش ليهم بس ابوي بجي لينا وكم مره بترجاني اني اسامحهم قلت ليهو انا مسامحاكم بس م قادره اتجاوز معامله الحمير الكنتو بتعاملوني بيها وح تحتاجو لي وح تلقوني ان شاءالله لانكم ربيتوني قال لي م تنقطعي مننا كده امك متندمه قلت ليهو علي شنو م تتندم ادعو لي بس انا شقيت طريقي زوجي قال ليهم خلوها ما تغصبوها وتعالو ليها انتو مرت الايام ونجحت في تامن بتفوق ودخلت الثانوي السنين بتجري سريع وانا بس هدفي اتعلم وابقا عندي مكانه في المجتمع لمن وصلت تالت ثانوي زوجي حالتو ادهورت ومرض مرض شديد اتصلت علي اولادو عشان يجوهو ولحظتها هو دخلوهو العنايه المكثفه كان بهاتي بي اولادو لمن غاب عن الوعي كان بقول لي م بزعجهم متي م يتزكروني يجو يسالو مني اتمنيت يوم يجو يسالو منو بس للاسف نهاي م جوهو كنت بقول ليهو احتمال عشان انت اتزوجت هم زعلو قال لي هم القالو لي بنعرس ليك بس م بنجيب ليك خدامه اتأثرت شديد وهو زاتو متأثر كنت علي قدر م اقدر بخفف عليهو عشان ما يتعب نفسيا وكان بقول لي باقي ايامي عشتها سعيد وانتي معاي مليتي علي البيت والله من يوم دخلتي علي شفتك زي بتي م عارف ربنا ح يغفر لي الحاجه دي بس بدعي ربنا اني م اشيل فيك اثم انا اتزوجت وكانت ماقايل نفسي كده العاوزو منك تعفي لي قلت ليهو اشهد الله انا عافيه ليك وانت كمان م قصرت مني عاملتني احسن معامله اهلي م عاملوني ليها بتزكر في كلامو وببكي قلت لي اولادو كان محتاج لي طلتكم تسلمو عليهو م كان محتاج تقعدو معاهو اولادو اتاثرو وبناتو بقن يبكن بس للاسف وحيث لا ينفع الندم سبحان الله ناس ربنا اداهم ام واب حقيقين اقصرو منهم وهم في اعز حوجتهم ليهم هسي انا امي وابوي الربوني ديل اول م يكبرو بكونو مسؤوليتي انا حتي لو م هم ابوي وامي الحقيقين بس هم ربوني وشالوني واحتوني مستحيل اقصر منهم كنت متاثره شديد لزوجي وكانو مانعين ليهو الزياره كان بدخلوني انا بس رفضو ادخلو اولادو لغايه ما يوم الصباح نحنا قاعدين الطبيب نادانا وقال لينا للاسف الحاج اتوفي ………يتبع