رواية أبناء الصبا الجزء الثاني من قدر صبا الفصل السابع والعشرون 27 والثامن والعشرون 28 بقلم سمية رشاد
إياس:اقترحوا أسئلة تانية
أحد الطلاب:أنا كنت بصلى الظهر ونسيت التشهد الأوسط مكنتش عارف أعمل اية أكمل صلاة والا أبدأ من الاول تانى
إياس :أيوة دي حاجة ناس كتير بتقع فيها مش بيكونوا عارفين يعملوا ايه سجود السهو بيكون سجدتين بعد التحيات وقبل السلام، وعليه فمن نسي التشهد الأوسط المفروض يسجد للسهو لأنه سُنة".
الطالب:يعنى أسجد سجدتين بعد ما أقول التشهد الاخير
إياس:أيوة أى أسئلة تانية
أحد الشباب :لو سمحت يا دكتور واحد صديقى مش مسلم سألنى سؤال بيقولى اية الإعجاز فى القرآن الكريم يعنى بيقول هو كلام عادي ممكن أى حد يقولة
إياس :نفس الكلام بتاعة هو الكلام اللى الكفار قالوة ايام الرسول صلى الله علية وسلم الرسول قال لهم أن يأتوا بمثل القرآن فقال
(فَلْيَأْتُوا بِحَدِيثٍ مِّثْلِهِ إِن كَانُوا صَادِقِينَ)
مقدروش فسهل عليهم التحدي فطلب منهم أن يأتوا بعشر سور فقط قال :
(أَمْ يَقُولُونَ افْتَرَاهُ قُلْ فَأْتُواْ بِعَشْرِ سُوَرٍ مِّثْلِهِ مُفْتَرَيَاتٍ وَادْعُواْ مَنِ اسْتَطَعْتُم مِّن دُونِ اللّهِ إِن كُنتُمْ صَادِقِينَ )
فعجزوا أن يأتوا بعشر سور مفتريات فسهل عليهم التحدي وطلب منهم أن يأتوا بسورة واحدة فقط وليستعينوا بمن أحبوا من الأنصار والأعوان من الشعراء والأدباء والبلغاء والعلماء قال سبحانه وتعالى:(وَإِن كُنتُمْ فِي رَيْبٍ مِّمَّا نَزَّلْنَا عَلَى عَبْدِنَا فَأْتُواْ بِسُورَةٍ مِّن مِّثْلِهِ وَادْعُواْ شُهَدَاءكُم مِّن دُونِ اللّهِ إِنْ كُنْتُمْ صَادِقِينَ)
وبعد أن عجزوا عن التحدي تحدى الله سبحانه وتعالى الإنس والجن إلى قيام الساعة أن يأتوا بمثل هذا القرآن وأخبر مسبقاً بأنهم لن يستطيعوا ذلك ولو تعاونوا جميعاً على ذلك ( قُل لَّئِنِ اجْتَمَعَتِ الإِنسُ وَالْجِنُّ عَلَى أَن يَأْتُواْ بِمِثْلِ هَـذَا الْقُرْآنِ لاَ يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيرًا )
وعلل سبحانه عجز الناس عن الإتيان بمثل القرآن بقوله(فَإِن لَّمْ يَسْتَجِيبُواْ لَكُمْ فَاعْلَمُواْ أَنَّمَا أُنزِلِ بِعِلْمِ اللّهِ وَأَن لاَّ إِلَـهَ إِلاَّ هُوَ فَهَلْ أَنتُم مُّسْلِمُونَ) فعجزهم سببه أن القرآن أُنزل بعلم الله سبحانه وتعالى خالق الكون فمن يستطيع أن يحيط بعلم الله تعالى فالقرآن طافح بالعلوم الربانية فهو كتاب علم بلا شك بنص القرآن الكريم فيه إشارات علمية واضحة تدل إلى أنه منزل من عليم حكيم.
هقول ليكوا قصة للفيلسوف الكندي اصحابة قالوا له: أيها الحكيم اعمل لنا مثل هذا القران فقال: نعم أعمل مثل بعضه، فاحتجب أياماً كثيرة ثم خرج فقال: والله ما أقدر، ولا يطيق هذا أحد، إني فتحت المصحف فخرجت سورة المائدة ،فنظرت فإذا هو قد نطق بالوفاء ونهى عن النكث، وحلل تحليلاً عاماً، ثم استثنى بعد استثناء، ثم أخبر عن قدرته وحكمته في سطرين ولا يقدر أحد أن يأتي بهذا إلاَّ في أجلاد"! فاهمين يعنى اية بيقول اما جيت أقرأ القرآن عشان اصنع مثلة لقيت ان آية واحدة بتشتمل على حاجات العلماء لو كتبوها هيكتبوها فى مجلدات أنت قول لصاحبك هات بس سورة زي القرآن وبعد كدا شوف هو كلام عادي ولا لأ
احد الشباب :سبحان الله
إياس:حد عنده أسئلة تانية
الشباب :لأ شكرا يا دكتور
إياس:تمام جدا المرة الجاية ان شاء الله هنقرأ الجزء العاشر ونتكلم عن موضوع مهم عايزين حاجة
الشباب:شكرا يا دكتور
جلست عائشة على المقعد بانهاك بعدما انتهت من تعليق البلالين بالسقف برفقة الفتيات قائلة:يا نهار أبيض دا أنا تعبت والله من النفخ والتعليق اية دا والله يا حور لتنفخى لى
حور :هههههه ان شاء الله بس اتجوزي انتى بس وأنا أنفخ لك
عائشة:إن شاء الله
أتت صبا وفجر قائلين:يلا يا عائشة عشان نمشى يلا يا أريج البسوا
ضحى:يلا روحوا وابعتوا يوسف أنا طردتة عندكوا مع مصعب على ما تخلصوا
حور:ههههه يعينى علية مفتريه انتى
ضحك الجميع وقامت الفتيات لكى ترتدي ثيابها وارتدت حور أيضا لكى توصلهم بسيارتها فهم اتو بدون سيارة
أريج :أنا هتصل ببابا ييجى ياخدنى
صبا :لأ هو وسارة عند لمار أصلا هى قالت لى من شوية وقالت لى انك تقعدي عندي على ما ييجو عشان متقعديش فى البيت لواحدك
أريج :لية عادي
صبا :لأ طبعا مينفعش إنتى عايزة اوس يضربنا ولا ايه
ابتسمت بحزن ثم هتفت عائشة قائلة:مش عايزة تقعدي معايا يا رخمة هتيجى يعنى هتيجى يلا وحور هتبقى ترجع مع أبوها
بعد ربع ساعة
كان الجميع يدلف فوقف مصعب قائلا بمرح :هالله هالله لسه فاكرة تيجى يا مدام
صبا بمرح :يعنى اتصلت بيا ولا عبرتنى
ها دا انت هتنام فى الصاله هنا النهارده نظر مصعب لأولاده ثم توجه تجاة غرفتة قائلا :طيب هطلع أنا بقا قبل ما تطلع هى و تقفل الباب
عمار بمرح :إطلع اطلع وعامل شبح عليا
نظر الية مصعب بغضب ثم توجه إلى حفصة وأمسك يدها ثم نظر إلى عمار قائلا :كدا كدا أنا مطرود النهاردة هطلع بقا أنام مع بنتى فى أوضتها أحسن وسحبها خلفة وصعد إلى غرفتها وسط ضحكات الجميع ونظرات عمار الحاقدة علية
كانت أريج واقفة تبتسم بهدوء فأخذتها عائشة وجلست بجوارها وظلت تتحدث معها
بعد ساعة انسحب الجميع ولم يتبق سوي عائشة وأريج وأوس وإياس
كان إياس جالسا بجوار أوس يرية بعض الأشياء على هاتفة فقالت عائشة:إياس
نظر إليها باستفهام فقالت :ممكن تيجى معايا برا عايزاك فى حاجة
أومأ إليها بإيجاب ثم توجه معها إلى الخارج
بعد خروجهم نظرت أريج إلى أوس ثم نظرت الى هاتفها وفتحتة وظلت تقلب فية أما هو فنظر إليها بضيق ثم فتح هاتفه هو الأخر يعبث فية ولم يتحدث معها
فى الخارج
نظر إياس إلى عائشة قائلا :بتوزعينى
ضحكت عاليا ثم قالت :انت فهمت
إياس:كان باين جدا على فكرة وكنت لسه هقولك يلا نخرج بردوا ﻻن من الواضح انهم زعلانين مع بعض
عائشة :ربنا يصلح لهم الحال يااارب
إياس :ياااارب صحيح
عائشة:ها
اياس:تعالى بس نقعد هناك عند البسين
عائشة:لأ هتعمل فيا مقلب وتزوقنى فى المايه
اياس:وانا هعملها وأوس جوة يعنى
عائشة:خلاص يلا صحيح النتيجة هتبان امتى
إياس:انتو لحقتوا فى مواد لسه متصححتش وبعدين زي كل سنة هتاخديها زيك زي صحابك مش هجيبها لحد كلكوا زي بعض
عائشة بغيظ:والله كلنا زي بعض
إياس:كلكوا كطالبات زي بعض أما بقا انك زوجتى دي حاجة تانية بقا ولا ايه ها
ابتسمت بخجل ثم قالت لكى تغير الموضوع:صحيح هو الراوتر مش شغال ولا غيرت الرقم ولا ايه
إياس:أيوة غيرتة عشان القديم اتهكر
عائشة بابتسامة:ما أنا اللى هكرتة
نظر اليها بغيظ ثم هتف قائلا :طب شوفى مين هيدخلك الرقم الجديد بقا
عائشة:أوس هخليه يدخلة
إياس:أنا اللى غيرتة وأوس مش عارفة مفيش حد غيري
عائشة:عادي هجدد الباقة
اياس:ابقى جدديها بقا
عائشة :ما أنا عايزة أفتح دلوقتى
إياس ببرود:مليش دعوة
عائشة:يلا بقا
إياس:قوليلى حاجة حلوة وأنا أكتبة ليكى
عائشة :حاجة زي ايه
إياس بتفكير:اممم مثلا بحبك يا حبييى كدا يعنى
عائشة :لأ مع نفسك بقا ابقى قابلنى وهات تليفونك بقا ألعب بية
اياس:لأ مش هتاخدي حاجه إلا ما تقولى
عائشة:مترخمش بقا مش هعرف أقول حاجة
إياس:لأ هتعرفى مليش دعوة
عائشة:هتكسف
إياس:فى حد يتكسف من حبيبة
نظرت إلى الجهه الاخري بخجل ولم تجيب فابتسم بهدوء ثم هتف بمرح قائلا:يلا بقا قولى
عائشة: أقول ايه
إياس وهو ينظر لعينيها بحب:بحبك
وضعت وجهها بين يديها من فرط خجلها فابتسم ثم اتظر قليلا فأمسك يدها وأزاحها عن وجهها برفق قائلا :صحيح مقولتليش
عائشة:اية
إياس بمكر :كنتى بتعملى ايه بالتيشرت
فقالت يخجل:إياس بطل بقا والله هطلع
إياس :بتروحى عند حور من غير ما تقوليلى أنا عدتها بمزاجى
عائشة:والله بعت لك رسالة ومخدتش بالى ان مفيش شبكة على فونى
إياس:ومبتتصليش ليه
عائشة :كدا اتكسفت
إياس:عشان شوفتك وانتى عمالة تحبى فى التيشرت بتاعى
فنظرت إليه بصدمه ممزوجة بالخجل قائلة:لا بقا دا انت مصر تطفشنى سلام
تركتة وتوجهت إلى غرفتها تحت صوت ضحكاتة التى تملاء المكان فهمست أثناء سيرها قائلة:وبضحكتة دي عايزنى محبهوش يخربيت جمال ضحكة أمك يا شيخ
فى الداخل
كانت أريج جالسة تنظر إلى الارض بشرود بينما أوس مازال يعبث فى هاتفة فنظرت الية بغيظ ثم هبت واقفة فنظر اليها قائلا ببرود:على فين
فهتفت بعصبية قائلة:ماشية
أوس وهو مازال على بروده:مفيش حد فى البيت هتقعدي مع مين
فقالت :دي حاجة تخصنى أنا عارفة أنا هعمل ايه
أجلسها بجوارة بغضب قائلا :اتكلمى عدل واقعدي أحسن لك يا أريج
نظرت الية بعتاب فتنهد بعمق ثم هتف قائلا:المفروض إن انتى اللى تكونى زعلانة
أريج بطريقة طفولية :مش انت زعقت لى صالحنى عشان زعقت لى الأول وأنا أصالحك
ابتسم بدون ارادتة ثم هتف قائلا :أنا آسف عشان زعقت لك فى حاجة تانى
أريج :لأ انت بتقولى آسف هزعل أكتر وكمان بتتكلم من غير نفس
أوس يابتسامه مصطنعه:متزعليش ها كدا بنفس
أريج :لأ مأقنعتنيش
اخرج من سترتة بعض قطع الشيكولاه التى كان يهدي بها طلابة فى المسجد فمجرد أن رأتها أخذتها منة بالقوة فنظر إليها بصدمة قائلا :طب ادينى فرصة أتكلم طيب
سمع الاثنين صوت عائشة التى تقول :الله شوكولاته مليش دعوة أنا عايزة
وضعتها أريج فى حقيبتها واحتضنت الحقيبة بشدة فنظرت اليها عائشة بغيظ قائلة:مليش دعوة أنا عايزة
أريج :والله ما هى طالعة روحى يا حاجة العبى بعيد
نظر أوس إليها بيأس ثم هتف قائلا لعائشة:إياس معاة احنا كنا جايبين مع بعض
فهرولت مسرعة إلى الخارج فوجدت إياس مازال بموضعة فأسرعت تجاهه وهى تنظر بشر فنظر إليها باستغراب فظلت تقترب منه فهتف بمرح:اهدي يا حاجة فى أية فتابعت خطواتها تجاهه وكأنها ستفعل شيئ اجرامى ووضعت يدها بسترتة فنظر اليها بخوف مصطنع قائلا:اهدي يا حاجة انتى معندكيش اخوات ولاد ولا ايه أنا معنديش غير شرفى حرام عليكى ثم نظر إليها براحة عندما وجدها أخرجت الشكولاتة التى كانت معة فتحدث قائلا:طب اتكلمى طيب يا شيخة عمال أقول شاربة دي ولا ايه
عائشة:قاعد معايا بقالك كام ساعة ومعاك شوكولاتة ومدتهاش ليا اومال هتديها لمين
إياس بمرح :هو فى غيرها دكتورة إسراااء
عائشة وهى تضربة على صدرة برفق:لا والله
نظر إلى يدها رافعا احدي حاجبية فتوترت نظراتها قائلة:بهزر ايه يا رمضان مبتهزرش فضربها على مؤخرة رأسها(قفاها)قائلا :لأ بهزر يختى
فنظرت إليه بغيظ ثم قالت :معاك شوكولاتة تانى
فقال بخوف مصطنع:لا يا معلم مش معايا
فنظرت إلية بغضب فنظر إليها مبتسما قائلا :بحبك على فكرة فابتسمت بخجل ثم توجهت إلى الداخل مرة أخري فضرب كفة على الآخر قائلا :متجوز عبدة موتة
فى الداخل
أوس:ها كدا اتصالحتى
أريج بابتسامة:نص نص
أوس :لا والله
أريج :بص بقا متزعلش عشان الفرح والله ما كنتش أقصد حاجه بس
أوس مقاطعا إياها بابتسامة:خلاص أنا مش زعلان يا أريج أنا عمري ما هغصبك على حاجة ولا هفرض نفسى عليكى ومش بقولك كدا انى زعلان لأ أنا مقدر جدا موقفك وعارف انة عشان دراستك اتضايقت وقتها عشان كنت فرحان أوي بس دلوقتى خلاص مش زعلان أهم حاجة عندي انك تكونى مرتاحة وعايزة انك تعيشى معايا أكتر منى أنا استنيتك سنين وانتى عارفة كدا كويس مش هتفرق سنتين
أريج :على فكرة أنا كنت هقولك انى موافقة وبعد كلامك دا وافقت أكتر
أوس:مش هينفع تكونى موافقة عشان أنا عايز كدا قلت لك أنا مقبلش كدا
أريج:أوس أنا بتمنى يوم فرحنا دا أكتر منك بكثير على فكرة أنا كنت خايفة عشان دراستي بس لما فكرت فيها لقيت انى أقدر أوفق بين الاتنين ما هي الدراسة زي الشغل أصلا فوافقت عشان كدا وكمان واثقة انك هتشجعنى زي ما بتعمل دايما مفيش مانع اننا نتزوج أصلا خلاص ولو فى أولاد أو حاجة نبقى نقعد هنا مع أهلك لحد ما أخلص
أوس:أريج عايزك تكونى مرتاحه
أريج :وأنا والله لو مكنتش مرتاحة مكنتش وافقت انت مش عارف انت عندي ايه انت نبض قلبى فى حد تيجى له فرصة انة يعيش مع قلبة ويرفضها دا يبقى مبيفهمش افهم بقا أنا بحبك بعشقك لو فى كلمة أكبر من العشق كنت قلتها
احتضنها بسعادة بعد سماعة لكلماتها تلك فهى لأول مرة تتحدث معة بهذة الطريقة فجذبت نفسها من بين يدية بخجل مبتعدة عنة فهى قالت كلماتها بصعوبة وإن كانت من أعماق قلبها
نظر إليها بعشق قائلا :انتى عارفة كلامك دا فرحنى أكتر من موافقتك أصلا بموووت فيكى يا بنت قلبى
يوم خطبة حور
كان جميع الرجال يستمعون إلى صوت المأذون وهو ينهى كلماتة قائلا قولوا جميعا :بارك الله لكما وبارك عليكما وجمع بينكما فى خير
ردد الجميع كلماتة منهم من يرددها بحب ومنهم من يرددها وهو يتمنى أن يكون مكانهم يوما ما ومنهم من لا يرددها أصلا
بعد انتهاء المأذون ذهب ياسين إلى الداخل إلى تلك التى طلب من المأذون أن يذهب اليها هو كى توقع على الأوراق بدلا من أن تخرج هى أمام الرجال وتوقعها أمامهم ذهب إلى الداخل وحمحم قبل دلوفة فكانت حور واقفة بجوار والدتة بخجل شديد بعدما استشعرت وجودة فتوجه اليها وسلم عليها وقبل رأسها قايﻻ:مبارك يا زوجتى العزيزة
ابتسمت بخجل ولم تجيب فطلبت ضحى منة أن يجلس بجوارها فأجلس حور التى كانت ترتدي فستان من اللون الافوايت وكانت تترك العنان لشعرها فهو أصبح زوجها ولا داعى لاخفائة
كانت احدي الفتيات تحاول أن تلتقط اليهما بعض الصور فمنعها باسين متعللا بأن حور لا ترتدي حجابها
جلس معهم عدة دقائق وألبسها الشبكة وسط خجلها الشديد منة بعد انتهائهم توجة إلى الشباب مرة أخري لكى يحتفلوا على طريقتهم الخاصة
ظلت الفتيات تحتفل مع بعضهم البعض والأناشيد الاسلامية تصدح فى أنحاء البيت
بعد عدة ساعات انتهت حفلة الخطبة على خير وعاد الجميع على منازلهم تاركين حور بمفردها مع ياسين والذي أصبح زوجها
كان ياسين جالسا فى غرفة من احدي غرف البيت منتظرا قدوم حور فطرقت الباب بخجل ثم دلفت بخجل وهدوء فوقف وهو ينظر إليها ثم خطى تجاهها عدة خطوات احتضنها بحب قائلا:أحلى يوم فى عمري
أغمضت عينيها بخجل شديد ثم ابتعدت عنه برفق فجذب يدها وجلس على احدي المقاعد وجعلها تجلس بجوارة
نظر اليها وأمسك يدها وقبل باطن يديها بحب قائلا :بحبك
ارتجف بدنها بخجل شديد من فرط المشاعر التى داهمتها دفعة واحدة نظرت إلى الأرض بخجل تتمنى أن تنشق الأرض وتبتلعها أو أن يحدث شيئ وتذهب هى من أمامة فهى لا تقدر على مواجهة كل هذا
نظر إليها مبتسما وهو يري وجهها يميل إلى اللون الأحمر بطريقة عجيبة من فرط خجلها فقال بهدوء:ممكن تهدي مفيش حاجة لكل دا
أخذت نفسا عميق ثم نظرت الية بخجل قائلة:معلش مش متعودة بس
ياسين :ولا يهمك يا حبيبتى
خجلت مرة أخري من كلمتة فنظرت إلى كل الجهات الموجودة بالغرفة ما عدا الجهه التى يجلس بها
فقال لكى يزيل خجلها:الفرح عندكوا كان عامل ازاى
فى فيلا الهادي
كان الجميع جالسا يتحدث عن حفل الخطبة وما حدث بة فقال مصعب:صحيح أوس وإياس خدو البنات بكروا وروحوا شوفوا الفساتين والحاجات الخاصة بالفرح لأن فاضل أقل من شهر على الفرح أنا هحجز قاعتين قاعة للرجالة وقاعة للنساء والبنات تجيب الفرقة اللى بيجبوها وانتو لو عايزين حاجة اعملوها
أحمد :أيوة فكرة حلوة
أحمد :أيوة فكرة حلوة لأن زي ما انت عارف فى رجال أعمال عايزهم ييجوا ومش هينفع هنا وكمان عشان فرحين هيكون الناس كتير كدا أفضل
مصعب لأوس وإياس:وانتو موافقين
أوس وإياس:مفيش مشكلة
مصعب:خلاص شوفوا انتو عايزين قاعتين فين واحجزوهم وشوفوا الميعاد المناسب وهاتوا الفساتين وباقى الحاجات
أوس:تمام
صعد الجميع إلى غرفتة بعدما تحدثوا لعدة دقائق دلفت عائشة إلى حجرتها وقرأت الورد المخصص لها ثم فتحت هاتفها على موقع اليوتيوب وفتحت فديو للداعية الاسلامى ذاكر نايك وكانت فتاة تسألة هل لأننى مسيحية سأدخل النار انا اتعمد الا أرتكب أخطاء ولكن أصدقائى المسلمين يخبرونى دائما اننى سأدخل النار لأننى لست مسلمة
فأجابها قائلا:اذا كنتى مسيحية وتفعلى كل تعاليم الدين المسيحى ستدخلى الجنة فابتسمت الفتاة بسعادة فأردف قائلا :ولكن اذا كنتى تتبعين التعاليم الحقيقية للمسيح علية السلام المسيح علية السلام قال ( وتعرفون الحق والحق يحرركم)ولكن الآن انا لا أعلم ما تتبعين الكنيسة أم المسيح علية السلام اما إن كنتى تتبعين الكنيسة ففرصة دخولك جهنم كبيرة جدا اما ان كنتى تتبعين المسيح فإن شاء الله ستدخلين الجنة الآن اذا قرأت الكتاب المقدس بعض الاقوال خاصة بالمسيح علية السلام لا أعلم مدي معرفتك بالكتاب المقدس كل تلك الأقوال مكتوبة بحروف حمراء اختى هل تؤمنين بأن المسيح إله؟ فأجابتة الفتاة قائلة:أنا عندي بعض التشويش بهذة النقطه فلن نتحدث عن ذلك
فسالها مرة أخري قائلا :أنا أسأل أنعم أم لا
فلم تستطع الاجابة فقال: مشوشة
فقالت :لست مشوشة ولكن لا أستطيع الإجابة عن شيئ لا أعلمة
فقال لها :أنا لا أسألك عما تعلمين ولكن أسألك عما تؤمنين به
فقالت :نعم أؤمن بأنة اله
فقال:حسنا لا أسأل هما تعلمين لأنه يصعب إثباته اختى الاسلام هو الدين الوحيد غير المسيحي الذي يجعل كل معتنيقينة يؤمنون بالمسيح المسلم يكون غير مسلم ان لم يؤمن بالمسيح المؤمنون يؤمنون بالمسيح انه واحد من أولى العزم من الرسل نحن نؤمن بولادته الاعجازية بدون أب وأنه هو المسيح (والتى تترجم بكرايست)نحن نؤمن بأنة يحيى الموتى بإذن الله نحن نؤمن انه يبرأ الاكمه والابرص بإذن الله المؤمن والمسيحى إلى الآن معا ولكن ما وجة الاختلاف الاختلاف هو أن أغلب النصاري ان لم يكن كلهم يؤمنون أن المسيح هو الإله العظيم يؤمنون أنه ادعى الألوهية فى الحقيقة اذا قرأتى الكتاب المقدس فإنة لا يوجد جملة واحده صريحة يقول فيها المسيح بنفسه أنا الإله أو اعبدونى اختى اذا استطعتى عن تشيري على جملة واحده فى الكتاب المقدس يقول فيها المسيح بنفسه انا الإله فأن مستعد لاكون مسيحيا اليوم
الفتاة:أنا لا أتحدث عن قبولك للأمر او رفضة
فقال:سأكمل حديثى أنا أعطيتك نصف الإجابة فقط
فأومأت له الفتاه فقال:لقد أخبرتك إن كنتى مسيحية حقا ستدخلين الجنة انتى لا تعلمين المسيحية الصحيحه أنا أعطيتك معلومات عن المسيحية الحق ان قرأتى انجيل يوحنا يقول أن المسيح يقول (أبى أعظم منى )(هو أعظم من الكل)(أنا بروح الله أخرج الشياطين)(انا بإصبع الله أخرج الشياطين )لا أستطيع أن أفعل شيئ لنفسى)اذا المسيح يقر أن الله الذي أرسلة اذا هو مسلم مكتوب فى الصحاح أن لحم الخنزير حرام المسلمين لا يأكلوة والمسيحين يأكلوة مكتوب فى الصحاب أن شرب الكحول حرام المسلمون لا يشربوة والمسيحيون يشربوة اذا اتبعنا تعاليم المسيحية الصحيحه سنجد أن المسلمون أكثر مسيحية من المسيحيون أنفسهم فإذا كنتى تتبعى تعاليم المسيحية حقيقة المسيح علية السلام يقول فى صحيح يوحنا(لكننى أقول الحق هو خير لكم أن انطلق لأنه ان لم أنطلق لا يأتيكم المعزي ولكن لن انطلقت أرسلته اليكم) (ان لى أمورا كثيرة لأقوله لكم ولكن لا تستطيعون ان تحتملوا الان وأما متى جاء ذاك روح الحق، فهو يرشدكم إلى جميع الحق؛ لأنه لا يتكلم من نفسه، بل كل ما يسمع يتكلم به، ويخبركم بأمور آتية ذاك يمجدني؛ لأنه يأخذ مما لي ويخبركم) اقتباسات نصية من الكتاب المقدس فالمسيح علية السلام تنبأ بقدوم خاتم المرسلين محمد علية الصلاة والسلام فإن كنتى مسيحية حقا وتؤمنين بكل ما يقوله المسيح علية الإيمان بمحمد صلى الله علية وسلم فإن آمنت بمحمد ستكونين مسيحيه حقا وتدخلين الجنه أتمنى أن تكون اجابتى وافية
الفتاه بابتسامه :شكرا لك
انتهى الفصل
رأيكوا فى موافقة أريج ؟
رأيكوا فى موقف ياسين ؟
استفادتوا من الأحكام الدينيه فى الفصل دا ؟
By:Somaya Rashad
أبناء الصبا الثامن والعشرون* فى صباح اليوم التالى
استيقظت من نومها على دقات هاتفها نظرت بنعاس إلى الهاتف ثم التقطته وفتحت دون أن تنظر إلى المتصل قائلة بنوم :ألووو
المتصل: السلام عليكم
فأجابت:عليكم السلام
المتصل :انتى كنتى نايمة ولا اية
فأجابت بدون وعى:أيوة أنا نايمة
المتصل:طيب هقفل دلوقتى وأكلمك بعدين كملى نوم عايزة حاجة
فأجابت بدون وعى:لأ يا حبيبى أنهت المحادثة وأكملت نومها دون أن تدرك ماذا فعلت
أما هو فابتسم باستغراب على كلمتها التى ولأول مرة تقولها له شعر بالسعادة من كلمتها يعلم جيدا أنها لم تعى ما تقول فلو علمت حتما ستموت من الخجل ياتري مين دول ؟
مر الوقت دون أى أحداث تذكر حتى أتى المساء وذهب أوس وإياس إلى إحدي القاعات التى بحث عنها إياس على موقع الفيس بوك ووجدها مناسبة وتتكون من قاعتين مقابلين لبعضهم دخل هو وأوس القاعة وأعجبهم منظرها واتفقوا مع مدير القاعة على عدة أمور منها الاغانى التى سوف يقومون بتشغيلها والفرقة التى سوف تحادثهم عائشة و أريج فى قاعة الفتيات حددوا اليوم المناسب وعادوا إلى المنزل واخبروا الجميع بالوقت المحدد فقالت عائشة :ايه يعنى بعد عشرين يوم بس
إياس:دا الوقت اللى لاقيناة مناسب اللى بعد كدا هيكون كمان شهر ونص نأخر الفرح شهر ونص
عائشة:ما اية يعنى
أوس :لأ بقا هو كدا حلو أوي مليش فية
صبا :يعينى عليك يا ابنى وأنا اللى كنت فاكراك عاقل
نظر اليها بإحراج فضحك الجميع علية
بعد عدة دقائق أخذت عائشة المصحف الخاص بها وخرجت تجلس فى مكانها المفضل بجوار المسبح وتقرأ الورد المخصص لها بعدما انتهت نظرت بجوارها ثم شهقت قائلة:اية دا انت قاعد هنا من امتى
إياس :بقالى عشر دقايق
عائشة بخجل:وانت بتسمعنى وأنا بقرأ لية
إياس :مزاجى بقا ثم قال وهو يغمز لها بعينية بس اية الصوت الجميل دا
عائشة:اه بتتريق حضرتك ايه يعنى بردوا
إياس:هههههه لأ بس قراءتك حلوة جدا والله وأصلا اما بتقرأى بالتجويد بيحلى الصوت
عائشة بغرور مصطنع:أنا عارفة ان صوتى كراوان أصلا
نظر إليها إياس رافعا احدي حاجبية فضحكت قائلة:عارفة انه وحش والله عارفة وبعدين انت كمان صوتك وحش
إياس :هو مين دا يا حبيبتى اااه عشان كدا كنتى قاعدة تسمعينى اما كنتى بتعيطى لأ ومسجله لى
نظرت الية بغيظ قائلة :انت بتاخد بالك من كل حاجة كدا
إياس :مين دا أنا غلبااان
عائشة:أوووي أوووي
ظلا يمرحان لبعضهم فترة من الوقت ثم جلس بجوارها يتصفح هاتفه وفعلت هى المثل حتى هتقت قائلة:بص بص
إياس :ايه فى اية
عائشة:فاكر الدكتورة رشا اللى كانت بتكشف عليا اما رجلى كانت مكسورة
إياس:ااه
عائشة :منزلة بوست كاتبة فية ايه
أخذ منها الهاتف وقرأ ما اشارت الية وكان محتواة: أما تمنعى البناطيل هيتريقوا عليكى هيقولولك انتى معقدة اما تلبسى خمار هيتريقوا ويقولوا ست الشيخة اما تلبسى نقاب هيتريقوا لكن لو بينتى خصلة من شعرك هيقولولك واااو بجد تحفة اما تلبسى بنطلون ضيق شوية هيقولولك ايه الحلاوة دي طيب رأيهم دا هيفيدك بإية عارفة هيأثر عليكى فى اية انك اما تقفى ادام ربنا مش هتفكري غير فى الكلام اللى فى الآية دي( وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلا يَا وَيْلَتَىٰ لَيْتَنِي لَمْ أَتَّخِذْ فُلَانًا خَلِيلًا لَّقَدْ أَضَلَّنِي عَنِ الذِّكْرِ بَعْدَ إِذْ جَاءَنِي ۗ وَكَانَ الشَّيْطَانُ لِلْإِنسَانِ خَذُولًا )هتأثر فى ان ممكن بنت تشوفك وانتى مبينة شعرك وتقلدك وتبقى السبب فى كدا طيب انك تبقى من النادمين يوم القيامة أرحم ولا اما صحابك يتريقوا عليكى أظن مفيش أصلا مقارنة هيتريقوا والكلام هيضايقك بس مع الوقت هيتعودوا وهيسكتوا اما بيتريقوا عشان مش عارفين يكونوا زيك احمدي ربنا على النعمة اللى انتى فيها حجابك عفة مش تعقيد ولا تخلف ولو كان الالتزام بالدين وبأوامر الله تعقيد قوليلهم فأنا راضية انى أكون معقدة احنا فى زمن الفاسدين بيتريقوا فية على الصالحين اوعى تيأسى ولا ترجعي لورا بعد ما خلاص لقيتى نفسك انتى عايزة جنة ولازم نتعب شوية عشان نستاهلها اوعى تتراجعى بسبب كلامهم !!
إياس :كلام جميل جدا
عائشة:أيوة هى بقت صديقتى من وقت ما كشفت عندها يعتبر بنتكلم كل يوم على الواتس بتعجبنى كلماتها اوي وبحبها بحب البنات اللى تنشر حاجات زي دي حاجات ممكن أى حد يستفاد منها بجد بدل اللى بيفضلوا ينشروا اغانى وصور بنات وشباب ملهاش اى لازمة مش هياخدوا من وراها الا ذنوب أما دي كلامها ممكن يشجع بنات كتير تتغير للأحسن تعمل حاجات تقربها من ربنا
إياس:أنا بحب جدا الحاجات اللى بيكون محتواها مهم مش بحب الحاجات الهايفة اللى بتتنشر فى الوقت الحالى دي
عائشة:احم احم
إياس:هههههههه لأ والله مش قصدي عليكى انتى بتنشري حاجات مهمه وشيقة جدا انتى أصلا معظم بوستاتك سارقاها من عندي ههههه
عائشة:أعمل اية يعنى كلامك بتعحبنى
إياس بمكر:والله
عائشة:اه والله
إياس:كل كلامى كل كلامى
عائشة وقد أدركت نيتة:لأ انت شكلك فايق بقا قوم من جنبى
إياس بجدية:هنروح بكرة ان شاء الله نشوف الفساتين والحاجات دي
عائشة:اه وانت تقف برا زي المرة اللى فاتت
إياس :المرة اللى فاتت فين دي
عائشة بغيظ:يوم الخطوبة كنت بااارد
إياس رافعا احدي حاجبية:لا والله بقينا بنغلط كتير وانا بعديها بمزاجى
عائشة:انت بتخوفنى كمان وانت اللى غلطان
نظر إليها بصدمة قائلا :غلطان هو انتى عملتيها خناقة كمان
عائشة :بص بقا فى صورة لبنت بتعيط مكتوب عليها كلام حزين عجبتنى أووي نتخانق بس على ما أنشرها وبعدين صالحنى
إياس :يا شيخة
عائشة ببرائة:اه والله
إياس :هو انتى بقا كل ما يحصل مشكلة تنزلى بوستات وكدا
عائشة :هو أنا نزلت قبل كدا يعنى عشان دي هتكون خناقة كدا وكدا هنزل بس أما يكون خناقة بجد بفضل اعيط ومش فاضية أنزل حاجة
إياس بسخرية :لأ وجهة نظر بردوا ثم أردف بجدية قائلا:أى حاجة خاصة الافضل متنزلهاش يا عائشة وبالذات انتى لأن معظم صحابك عارفينى بحكم انتى بدرس لهم وزي اى طلاب فى الدنيا من فضولهم بيكونوا عايزين يعرفوا اى حاجة عن اللى بيدرس ليهم
عائشة:وأنا عارفة كل دا ومش بنشر حاجة
إياس :كويس جدا
فى مساء اليوم التالى
كانت عائشة وأريج تسيران بضيق برفقة إياس وأوس كادتا تنفجران من تصرفاتهم كلما أعجبت إحداهما بفستان رفضة زوجها بسبب غيرتهم الشديدة
نظرت عائشة إلى دريس أعجبها للغاية أشارت إلية قائلة هو دا ومش واخدة غيرة مفيهوش أى حاجة تخليك ترفضة
إياس بضيق:ضيق من فوق ازاى
عائشة:إياس هلبس كاب أصلا كل اللى انت عاملة ملوش لازمة
إياس :خلاص انتى حرة هاتى اللى انتى عايزاة
عائشة:لا يا شيخ صدق أقنعتنى انت ديموقراطي أووي بعد دا كله وتقولى هاتى اللى انتى عايزاه
إياس :شوفتى بقا
عائشة:مستفز أووي
إياس:الله يسامحك يلا هتاخدية ولا ايه
عائشة:طب قول رأيك
إياس:مش بطال
عائشة بغيظ:مبتقولش على حاجة حلوة أبددا
إياس غامزا بإحدي عينية:انتى حلوة
ابتسمت بخجل ثم قالت:رخم على فكرة ومش هكلمك تانى بقا
إياس:أيوة عشان تنزلى البوست نزلية نزلية وانا هعمل نفسى مزعلك
جاءت العاملة ناظرة إلى أوس وإياس بابتسامة قائلة:الله توأم شكلكوا حلو أووي
نظرت اليها كلا من عائشة وأريج والشر يشع من عينيهما فقالت عائشة بابتسامة صفراء :أة شوفتى واحنا زوجاتهم وعايزين فساتين للفرح
العاملة باحراج:تمام اختارتوا حاجة
كاد إياس أن يتحدث فنظرت الية عائشة بغضب وهتفت قائلة:لأ مفيش حاجة عاجبانا
إياس :مش كان عاجبك الفستان دا
عائشة:لأ دا أنا كنت بتريق هو مش حلو خالص صح يا أريج
اريج:أيوة اية دا لأ مش عاجبنى تعالى نشوف فى مكان تانى المكان هنا يخنق
عائشة:أيوة عندك حق والجو حر كمان
كادت العاملة أن تموت من الغيظ بسبب كلماتهم فنظرت اليهم بغيظ وتركتهم حتى لا تفتك بإحداهن
نظر أوس إلى أريج يهز رأسة بيأس وأخذها وخرج إلى مكان آخر
بينما سار خلفهم إياس وعائشة فنظر اليها بغضب ولم يتحدث
عائشة بغيرة: فى اية عايزها تعاكسك وأقف أتفرج
نظر إليها بغضب قائلا :قلت لك ألف مرة إما تتكلمى معايا صوتك ميعلاش صح ولا لأ
عائشة بخوف:مكانش قصدي
إياس :بعد كدا تاخدي بالك أنا بعديها بمزاجى والا أقسم بالله يا عائشة هفضل ثلات أيام متكلمش معاكى كلمة واحدة
عائشة:لأ خلاص بالله ما تخاصمنى دي أكتر حاجة بكرهها اعمل اى حاجة بس متخاصمنيش وأنا والله مش هعلى صوتى تانى
إياس:وبعدين بتكذبى لية مش الفستان كان عاجبك
عائشة بتوتر :ما هو مكنتش عايزة أشتريه
إياس:خلاص تقولى مش عايزاة لكن متكذبيش تانى فاهمة
عائشة:فاهمة فاهمة ثم قالت بغيظ بصوت لا يسمعه:كل حاجة كدا يزعق وانا اما اتكلم يزعق اى حاجة يزعق و يزعل وخلاص والله لأنزل البوست اللى عاجبنى حاضر ماااشى
إياس:سمعيني كدا بتقولى ايه
عائشة بغيظ:بفكر فيها حاجة دي بكلم نفسى أنا حرة
إياس:ماشى
عند أوس
نظر اليها بعتاب قائلا بهدوء:ينفع اللى عملتوة دا
أريج بغيظ:هو احنا كدا عملنا حاجة أصلا دي كانت بتقولكوا شكلكوا حلو هى مالها أصلا اية الرخامة دي دا أنا مش بقولك كدا
أوس بمكر:ما تقولى حد مانعك
أريج بخجل:لا والله
أوس :اه والله
أريج:بارد على فكرة
أوس:اما أروح أشوف واحده تعاكسنى أحسن بدل اللى بتمشى تقولى بارد دي هروح أمشى مع إياس أما بمشى معاه بتعاكس كتير
أريج :إشمعنى يعنى
أوس:عشان احنا شبة بعض بنلفت النظر وكدا
أريج:أيوة يبقا متمشوش مع بعض تانى
أوس:انتى هتقطعى علينا ولا اية
أريج بغضب:لا والله
أوس:أنا بتضايق والله أما ألاقى البنات كدا الجرأه تيجى لهم انهم بيتغزلوا فى شباب كدا عادي ربنا يهديهم تعالى ندخل هنا يمكن تلاقى حاجة تعجبكوا صحيح مش بتجيبوا فساتين الحنة
أريج بمكر:لأ احنا اتفقنا هننزل يوم تانى نجيبهم
أوس :اشمعنى
أريج:كدا عشان نختار براحتنا انتو بترخموا علينا
أوس:لا والله لية انتو عايزين تجيبوا اية ان شاء الله
أريج بتوتر:لأ عادي خالص بس نختار براحتنا
أوس:عارفة لو كان اللى فى بالى صح
أريج بقلق:لأ متخافش
أوس:ماشى انتو حرين بس هعرف بردوا
نظرت إلية بتوتر ثم دلفت معة إلى معرض آخر وخلفهم إياس وعائش
فى فيلا الهادي
كانت حفصة جالسة على الأريكة تبكى بصمت على ما أخبرتها الطبيبة وعمار جالسا بجوارها يواسيها بصمت
صبا :اية عملتوا اية عند الدكتورة
نظرت فجر إلى حفصة بقلق وهى تجلس بجوارها من الجهه الاخري قائلة:حفصة مالك يا حبيبتى فى اية بتعيطى لية
ارتمت حفصة فى أحضانها تبكى بشدة فنظر عمار إليها بحزن ثم شد على قبضتة متوجها إلى الخارج غير قادرا على رؤيتها هكذا
صبا :فى اية يا بنتى قلقتينا
فجر وهى تربت على ظهرها:اهدي بس يا حبيبتى مالك
حفصة ببكاء: إياس كان بيقولى انى وشى مورم شوية والمفروض أعرف الدكتورة اما روحت قلت لها قالت لى انها ملاحظة كدا وعملت لى تحاليل طلع عندي نسبة زلال والضغط عالى وكدا هيأثر على الأجنة والدم مش هيوصل للدماغ وقالت لى المفروض أولد فى آخر السابع عشان الحضانة أفضل
صبا :لا اله إلا الله طيب ما عادي فى ناس بتولد فى السابع وإن شاء الله خير
حفصة ببكاء:المشكلة إنهم حجمهم صغير واحد 500جرام والتانى550 يعنى نص كيلو وكدا ازاى هيكونوا كويسين كدا خلاص أنا عارفة خلاص
فجر:طيب اهدي بس كدا الأول ومتزعليش نفسك وإن شاء الله هتتحل خلى عندك ثقة فى ربنا وربنا مش هيخذلك ادعى وربنا هيحلها ربنا كريم ادعى له دا اختبار ليكى من ربنا والله أنا فى عائشة كان عندي ضغط عالى والدكتور قالى نفس الكلام بس ربنا يسرها من عنده وعدت على خير روحى عند دكتور تانى وشوفى هيقولك اية
حفصة ببكاء:أنا قلت كدا فى واحده هناك قالت لى كدا بس مفيش دكتور تانى كويس الا راجل وعمار مش راضى
صبا:طيب اهدي بس دلوقتى واحنا هنكلمة انتى مش عارفة إن الزعل بيعلى الضغط أكتر ولا اية اهدي وخلى عندك ايمان بالله
حفصة:أنا هطلع أنام وبالله عليكوا محدش يقول لإياس ولا أوس حاجة عشان فرحتهم متضيعش
فجر:مش هنعرفهم بس متزعليش نفسك ومطلعيش وتنكدي على نفسك خليكى قاعدة معانا و انتى يا صبا اطلعى كلمة عمار وقوليلة كدا عارفه انك هتقنعية
صبا بابتسامة:حاضر
كان جالسا بشرود يتألم من حزنها وبكائها امامة صوتها وهى تبكى مزق قلبة هذا ما كان يخشاه منذ البداية أن تتعلق بالامال ثم تنصدم من الواقع نظر أمامه عندما شعر بأحد يأتى تجاهه فوجدها صبا تنظر إلية بابتسامة قائلة وهى تجلس بجوارة:هتعدي بس خلى عندك ثقة فى ربنا دا اختبار ليكوا انتو الاتنين
عمار :اكتر حاجة مخوفانى ان املها يتحطم وقتها مش هتعرف تقاوم تانى خايف ترجع للى كانت بتفكر فية قبل كدا انتى عارفة دماغها عاملة ازاي لسة كانت بتقولى من كام يوم عارف يا عمار لو مكنتش بقيت حامل مكنتش هرتاح الا ما تتجوز وتخلف وتبقى سعيد فى حياتك من مجرد كلام قلبى وجعنى وفضلت مخاصمها لحد النهاردة هى مش فاهمة ان هى عندي بكل الدنيا دي
صبا :إن شاء الله مش هتفكر فى كدا وأولادكوا هيبجوا على خير انا واثقة ان ربنا مش هيخذلكوا أبدا خليكوا واثقين فى كدا
عمار :واثق فى ربنا والله وحتى لو محصلش لينا نصيب يكون عندنا أولاد عارف ان دا اختبار من ربنا بس خايف منها هى خايف تحاول تبعد عنى تانى المرة دي مش هستحمل
صبا :مفيش بعد ولا فى دا كلة أولادكوا هيكونوا معاكوا بس روحوا عند دكتور تانى يمكن يكون لية رأى تانى غير كلام الدكتورة دي شوفوا اكتر من دكتور
عمار بغيرة:لأ بتقولى مفيش الا رجاله وأنا مش هستحمل أشوف راجل بيكشف عليها ولا يبص لها حتى مينفعش
صبا :عمار دي ضرورة عشان متندمش بعد كدا لازم تعملوا اللى عليكوا دي حاجة ربنا رخصها ليكوا معلش اضغط على نفسك شوية عشان خاطرها وعشان ولادك صعبة عارفة بس معلش هى هترتاح كدا
عمار :صعب أوي
صبا :معلش دا مش حرام ادام مفيش ستات كويسين روحوا عند الدكتور اللى قالوا لها علية معلش وافق بقا أنا قاعدة معاك وعمك لو شافنى مش هيعديها
ابتسم عندما تذكرة ثم قال:طيب خلاص ماشى نبقى نروح
صبا :طيب تعال نروح دلوقتى هى مش هترتاح غير لما تطمن
تنهد بضيق قائلا:ماشى
ذهبت إلى الداخل وأخبرت حفصة بموافقة عمار واتصلت بمصعب وأخبرته أنها ستذهب معهم فوافق
فى سيارة إياس :ها ارتاحتى وجبتى اللى انتى عايزاه
عائشة بغيظ منه :أة عاجبنى
إياس :ماشى
أمسكت هاتفها ونشرت ما أرادت وابتسمت بمكر وهى تتخيل رد فعلة على كلماتها
بعد دقائق وصل إلى الفيلا ولم يجدوا أحد غير فجر وأخبرتهم أن صبا برفقة عمار و حفصة
جلست عائشة بارهاق وجلس اياس مقابلها وفتح هاتفة وبعد دقيقتين نظر إليها بغضب قائلا:نهارك أبيض اية اللى انتى منزلاه دا اللى يشوفك يقول اتجوزت عليكى
نظرت إلية والدتها بعدم فهم فابتسمت إليها بتوتر وتركتهم وهرولت إلى غرفتها وأغلقت الباب خلفها حتى لا يستطيع الوصول إليها
ظل جالسا بمكانه يعلم جيدا انها ستغلق الباب خلفها
فجلس متوعدا لها بداخلة عندما تذكر ما نشرت فكانت فتاة ترتدي نقاب وتمسح دموعها وأعلى الصورة مكتوب
لم يستوصوا بنا خيرا يا رسول الله لقد كسروا القلوب والخواطر💔

صعدت عائشة إلى غرفتها وفتحت هاتفها بعدما اطمئنت من عدم صعوده خلفها كانت تستمع مقطع فديو للدكتور عبدالله رشدي والذي كان يتحدث عن حكم الغناء والموسيقى بعد ان افتتح الكلام قال بنسمع ناس كتير بتقول الغناء حلال وناس كتير بتقول انه حرام مش عايزكوا اول ما تسمعوا حد بيقول الغناء حرام تقولوا دا متشدد ومعقد لأن رأية بيستند على أدلة يعنى مش بيقوله بمزاجة وبردوا اما تسمعوا حد بيقول ان فى لون من الغناء حلال ركزوا معايا بقول لون من الغناء مش كل الغناء دا بردوا بيكون بيستند لرأى وأدلة وسلف معين مينفعش نحكم عليه بأى حكم تعالوا بقا نفصل القول فى الموضوع دا ايه هو الغناء وايه هى الموسيقى الغناء هو كلام عادي بيتوزن على أوزان معينة وألحان معينة و بيتقال بقافية وطريقة معينة والموسيقى دي اللى هى الادوات الموسيقيه المعروفة ايه بقا حكمهم هنعرف ايه حكم الغناء لواحدة وايه حكم الموسيقى لواحدها أولا فى صور لازم نكون عارفين انها محرمة الغناء والموسيقى هما الاتنين او كل واحد لواحدة فى صور معينة لو اقترن بيها يكون حرام ايه هى أولا ان يكون اللى بتغنيها لابسة لبس مش كويس بتبين عورة مثلا او كدا تانى حاجة ان تتغنى فى أماكن زي الديسكوهات والكلام دا كلة وفى بقا شباب وبنات بترقص واختلاط وكل ما هو حرام تالت حاجة ان اللى بيغني او اللى بتغنى يغنى بصوت مخنث او ناعم مكسر اللى هو الصوت اللى بيثير المشاعر والشهوة دا وخلينا متفقين ان معظم الاغانى دلوقتى كدا بتتغنى بصوت يثير الغرائز او بتتعرض فى كليبات فيها بنات بترقص وطبعا الكلام دا كلة مفيش عقل بشري يقول انة حلال زي الاغانى اللى بتتعرض اللى يقول بوس الواوة ولا معرفش ايه دا كلة أكيد متفق انة حرام شرعا نيجى بقا للى مختلف علية اختلفوا فى الاغانى اللى هى من غير موسيقى واللى مفيهاش اى صورة من الصور الحرام اللى أنا قلتها لحضراتكم والاغانى اللى مفيهاش اى صورة من الصور دي بس بتقترن بصوت آلة موسيقية تمام هو دا الاختلاف قالوا ايه بقا لو واحد بيغنى بيدندن مع نفسة كدا من غير موسيقى وطبعا الكلام يكون خالى من الصور المحرمة اللى احنا قولناها دا حكمه اية انة لو فى مناسبة للغناء زي الأعياد والافراح مثلا فهو جائز لكن لو مفيش مناسبة فهو مكروة جهمور العلماء اللى قالوا كدا ومنهم كمان قال انة مكروه كراهية شديدة بس مقالوش انة حرام الكلام دا فى الغناء اللى من غير موسيقى طيب الغناء اللى بموسيقى قالوا انة حرام ودليلهم قولة صلى الله علية وسلم( ليكونن من أمتي أقوام يستحلون الحر والحرير والخمر والمعازف) طيب هما لية قالوا رأيهم دا بيقولوا فى حديث وكان الكلام دا فى يوم عيد عن عَائِشَةَ قَالَتْ: [دَخَلَ عَلَىَّ رَسُولُ اللَّهِ -صَلَّى اللَّهُ عَلَيْهِ وَسَلَّمَ- وَعِنْدِي جَارِيَتَانِ تُغَنِّيَانِ بِغِنَاءِ بُعَاثَ، فَاضْطَجَعَ عَلَى الْفِرَاشِ وَحَوَّلَ وَجْهَهُ. وَدَخَلَ أَبُو بَكْرٍ فَانْتَهَرَنِي وَقَالَ: مِزْمَارَةُ الشَّيْطَانِ عِنْدَ النَّبِيِّ -صَلَّى اللَّهُ عَلَيْهِ وَسَلَّمَ-! فَأَقْبَلَ عَلَيْهِ رَسُولُ اللَّهِ - عَلَيْهِ السَّلاَمُ - فَقَالَ: «دَعْهُمَا». فَلَمَّا غَفَلَ غَمَزْتُهُمَا فَخَرَجَتَا") فقالوا ان لو مكانش حرام مكانش ابو بكر قال كدا دا مذهب الجمهور فى رأى اخر مقابل لمذهب الجمهور ومعنى ان فى رأى آخر يعنى مفيش إجماع على رأى الجمهور ولو مفيش اجماع يبقى انتفى وقوع الإجماع المهم الرأى الآخر مقابل لرأى الجمهور بيقول بإباحة أى ترخيص استخدام أدوات اللهو منهم عبدالله ابن جعفر كان لا يري بأسا بضرب العود وعبدالله بن الزبير وعبدالرحمن بن عوف وكمان أهل المدينه الإمام الشوكاني بيقول اية ابطال دعوي الاجماع على تحريم مطلق السماع يعنى ايه الكلام دا يعنى مينفعش نقول كل السماع حرام فى رأيين فى ذلك الأول للجمهور ودا تقريبا بنسبة 70فى المئة بيقولوا تحريمه وطبعا ليهم أدله لا يستهان بها الرأى التانى بقا بيقول لأ مش نحرم كل أنواع الغناء فى نوع من الغناء مش حرام اية هو اللى ميشغلش عن الطاعات اللى مش يهيج الشهوات يعنى من الآخر مش فية المحرمات اللى قلناها فوق طيب لو خلى من كل هذة الأشياء قالوا لا حرج علية أن يستمع اليها فى أوقات فراغة يبقى لازم نعرف أن الموضوع فى خلاف طيب أنا كمسلم أعمل ايه أسمع ولا مسمعش والله انا بفضل البعد عن سماعها ليه عشان أما أقف ادام ربنا يوم القيامة مكونش عليا أى ذنب فى قاعدة بتقول ايه الخروج من الخلاف مستحب يعنى اية يعنى لو لقيت خلاف فى مسألة فافعل الأمر الذي لا يلومك علية أحد طيب تمام بالنسبة للرأى التانى اللى هو بيحلل سماع الاغانى اللى مفيهاش معصية فين الأدلة بتاعتهم وردوا بإية على الأدلة بتاعة الرأى الأول الدليل الأول ليهم قالوا ان الرسول صلى الله علية وسلم مر ذات يوم بالسيدة عائشة على واحدة قينة يعنى مغنية فقال لها تعرفى الست دي قالت لأ يا نبى الله قال لها هذة قينة بنى فلان اتحبين أن تغنيكى قالت نعم يا نبى الله إلى آخر الرواية فقالوا فلو كان الغناء حرام مكانش الرسول طلب منها تغنى تانى حاجة هنا بيقولوا ان الأدلة فى تحريم الغناء ليست صريحة يعنى مثلا الحديث بتاع يستحلون مش معناة ان الغناء حرام لأن اللفظ دا يحتمل معنيان الأول يستحل