رواية حظي الفصل الحادي عشر 11 بقلم سلوى اسماعيل
لما الساعه بقت 1
صحيت فجأة من غير سبب واضح، كده قلبي دق دقة غريبة
لقيت مهاد جنبي نايمه لكن نومها متقطع
الجو كان مكتوم واللمبة الصغيره مولعه
سمعت حركه خفيفه شديد… كأنو زول بقلب في شنطه
فتحت عيني عديل وعاينت بهدوء واحده من البنات كانت قاعده في طرف السرير التحت والتانيه واقفه جنب الدولاب
قلبي وقع قمت على حيلي وقلت ليهم !!
– في شنو؟
الاتنين اتخلعو وبقو يعاينو لبعض ..
قالت واحده فيهم:
– لا لا مافي حاجه… بس بنفتش في شاحن
قلت ليها:
– شاحن الساعه 1؟ وبدون ماتسألو؟
في اللحظه دي مهاد اتحركت
واحده فيهم قربت منها شديد أنا بدون تفكير قمت واقفه
قلت ليهم بصوت عالي:
– ابعدي منها حالاً
التانيه حاولت تضحك
– ياختي مالك مكبره الموضوع؟
قلت ليها:
– لا مكبره ولا حاجه، انتو من أول يوم قاصدين أختي
و الليله بالذات م ريّحتني قعدتكم دي ..
مديت يدي مسكت تلفوني وقلت ليهم: هسي يا تطلعو برا الغرفه يا بكلم المشرفه هسي هسي شافو الجديه في عيني
واحده قالت للتانيه: يلا امشي ما دايره مشاكل لكن قبل ما يطلعوا واحده منهم قالت لي: خلي بالك من أختك… الدنيا م بتمشي كده ساي
الكلام ده قشعر بدني
قفلت الباب وراهم بالمفتاح وصحيت مهاد عديل وقلت ليها: الليله ده م بنوم هي كانت مرعوبه قالت لي: امونه، هم كانو دايرين شنو؟
قلت ليها: والله ماعارفه… لكن خير إن شاء الله مسكت تلفوني وكلمت عامر رد من أول رنه قلت ليه الحصل صوته اتغيّر قال لي:
اسمعي، اقفلي الباب كويس وخليكم صاحيات
لو حسّيتي بأي حاجه كلميني فوراً أنا هسي ما بعيد قعدنا الاتنين متكيين الوقت كان بيمشي تقيل
الساعه 2
2:30
3
وفجأة…
اتزكرت انهم فتحو الدرج المخصص لينا وجريت جرري فتحت الدرج !!
لقيت 3 تلفونات فاتحين ولقيت اسوره وخاتم وشنطه
ولا كذبت شلتهم ختيتم في الشنطه وختيتم مكان م البنات كانو نايمين ومهاد نامت قاعده م صحيتا عملت نفسي م عارفه شي لانو الغرفه كلها بتشهد انه البنات ديل دخلو هنا وشايلين شنطه ونامو على السرير ده ..
سمعنا خبط خفيف على الباب ومعاه همس
مهاد مسكت يدي بقوة وقالت لي : امونه… ده صوتهم
قربت من الباب وقلت
– منو؟
جانا صوت من بره :
– افتحي بس دايرين نعتذر
قلبي قال لي لااا
قلت ليهم الاعتذار الصباح …
سمعنا صوت المفتاح بتجرب في الباب وفعلا الباب اتفتح ودخلو البنات الاتنين ومعاهم المشرفه بعد شويه جات معاها مشرفه تانيه وولعو النور وبقو يقولو كلام والله جابت ليها سرقه كمان وعلى حسهم صحو الغرف الجمبنا كلهم وجو يشوفو في شنو !!
وفي بنات جو يكوركو واااي تلفوني م لقيتو وكم وحده بيتكلمو انو الحرامي دخل هنا صحينا كلنا وبقيت منتظراهم يتكلمو قالو انهم شافو مهاد بالليل ده دخلت الغرفه
قمت سالت المشرفه قلت ليها انتي مش جيتي معاهم وفتحتي الباب ده والبنات ديل قالو دايرين اعتزرو ؟!
تاني سرقة شنو ؟!
المشرفه قالت لي انا جيت وفتحت الباب لانهم قالو لي شافو الحرامي دخل هنا ..
قلت ليهم تمام داك درجنا فتشوه المشرفات وقفو ومافتشو اي شي لانه كان فاضي قالت لي فاضي قلت ليهم شوفة عينكم ..
وحده فيهم جرت الشنطه وقالت لي ياها الشنطه
في سرير مهاد البنات الكانو في الغرفه كلهم قالو ليهم الشنطه دي جبتوها انتو وانتو الجيتو نمتو في السرير ده وهي خلتو ليكم ونحن كلنا شايفين انكم انتو الجيتوهم وانتو غلطانيييين
الناس دي لمة فيهم واتكلمو معاهم كان عامر وصل وجاطا مع المشرفات وقال ليهم ح افتح فيكم بلاغ وهم حقلبو وماخلو للبنات جمبه ينومو عليها دق ومشاكل وقالو يطلعوهم من الداخليه وعامر قال نطلع نبيت في شقته
ركبنا وطلعنا وصلنا الشقه عمار قال لي الشقه انا مأجره قدري ومامعاي زول غرفه وصاله ومطبخ وحمام
قال لي نومو انتو جوه وانا ح انوم هنا ..
كملنا نومنا ولما صبحنا لقيتو قاعد والساعه. 10 م طلع الجامعه لانو ماغير ملابسه واحنا نايمين في الغرفه
مشيت فتحت دولابه لقيت ملابسه طلعت ليه الغيار وطلعنا نحن بره لانه الحمام داخلي جهزت العطر وتمرت الجزمه لما جاء قال لي ياسلااام على اي حاجه تلمسا يدك بتجمليها ..
م تجي تسكنو معاي ..
قلت ليه م ح نسكن معاك لكن ح نأجر
ولقينا شقه في نفس العماره في الطابق التاني نقلنا عليها مباشر وهو اجر القصادنا طوالي..
بقينا معظم اليوم بنقضيه مع بعض في الجامعه ونكمله سوا في البيت واي واحد ينوم في مكان
في الفتره دي اتعلقت بي عامر شديد لما خفت
وخاالص م حصل قلت ليه اني بحبه وطبعا اخواتي نقو في راسي والا تعترفي ليه والا تكلميه قررت فعلا اكلمه .