رواية لنبلقي معا الفصل الاول1بقلم مريم خالد
ليل: أعتبرني عيلة يا ياسين! أنا هعمل عزومة لوحدي إزاي بتحطني قدام الأمر الواقع!!!
ياسين: لو كنت قولتلك قبلها كنتي هتوتري وتقولي لأ ف يلا بقا يا شيف هتأكلي أهلي إيه عشان دودو
ليل: بتهزر! نهارك م فايت دودو أمي!!!!
ياسين: أصلي أنا عزمت أهلي وأهلي بردو أصل أهلك أهلي بس بكسل أوضح
ليل بدأت عينيها تدمع!
ياسين: لأ يا أسترونج وامن ده احنا يومنا طويل يلا قومي لي كده عشان نعمل عزومة عسولة
ليل: حسبي يالله في الظالم والمفتري
ياسين بزعل: أنا ظالم!
ليل: ومفتري وأبعد عني عشان م طايقاك خالص
ياسين: مكنش العشم يا لول لأ
ليل بصتله بقرف وهو رفع حاجبه!
ياسين: ياشيف ها هتأكلينا إيه
ليل: عزومة يبقى هعمل إيه؟
ياسين: متقوليش محشي!
ليل: ومكرونة بشاميل وفراخ وسلطات وكفتة غير الحلاويات
ياسين: أنا جوعت!
ليل: يلا عشان هتحشي معايا
ياسين: أنا اللي ماحدش بيعرف يتكلم معايا كلمتين ونص ع بعض ألف محشي! أنسي يا قطة
ليل ورفعت السكينة عليه: نعم؟
ياسين: السلاح يطول أهدي بس أقصد عمرك شوفتي راجل قمور وخطير يقف يلف محشي!
ليل: وفين الراجل القمور الخطير ده أنت مش بتشوف ولا إيه
ياسين: إيه الكسفة دي طب م لاعب
ليل: ولا! متصدعينش أنت مش دبستني أنا مش هلحق أعمل كل ده لوحدي أنجز يلا معايا كده
ياسين: هتتحولي عليا ولا إيه حاضر يستي بالراحة!!
فضلت تعمل وهو واقف ماسك البتنجان والسكينة
ليل: خلصت البتنجان صح وريني كده
ياسين: أه قشرته كله أهو بس تقريبًا مش بيتقشر هيتحشي إزاي ده!
عمل القشرة من برة وساب حشو البتنجان
ليل صوتت في وشه: يخربيت إللي دخلك مطبخ إيه دههه مش بيتعمل كده ده
ياسين بخضة حقيقة: يما بالراحة طيب ما مقولتيش بيتعمل إزاي أنا عمري ما دخلت مطبخ يستي!
ليل: حسبي يالله فيا أنا إللي اعتمدت عليك مني لله
ياسين: متدعيش ع نفسك دلوقتي لما تخلصي العزومة أدعي براحتك
خبطته ب غطا الحلة ف وشه
ليل: هوس مسمعش نفسك يا غبي منه فيه أنت
" بضحك وأنا بكتب"
ياسين: أهه عينيي هبقى أعور! يعني واقف بحشي محشي وأعور كمان! إيه العزومة اللي جاية عليا بخسارة ديي
ليل صعب عليها راحت بصت ع عينه ونفخت له فيها
ليل: كده فل ركز معايا يا ياسين عشان خلقي ضيق ومقتلكش النهاردة
ياسين: أول مرة أحس إني خايف منك بجد
ليل: تاني مرة يا كذاب!
ياسين ضحك
ليل: افتكرت!
ياسين: أه ساعة لما نزلت الحمدلله الذي تتم بنعمته الصالحات تم خبطتي اليوم
ليل: وأنا ساعتها صوت ف وشك وكنت ماسكلك السكينة
ياسين وقع ع الأرض من الضحك ومكنش عارف يتكلم
ليل ضحكت ع صوت ضحكته
ليل: قوم يا ظريف من يومك قوم
ياسين: دمي خفيف وأتحب
ليل: جدًا أنت هتقولي!
ياسين: كده هنحشي صح!
ليل: أيوه بص أنت هتحشي البتنجان والكوسة وأنا ورق العنب والكرنب عشان أنت مش هتعرف تلفه
ياسين: عيوني لعيوني
ليل ابتسمت
خلصوا كل الأكل
ليل: هيح والله إحنا شطورين الساعة كام؟
ياسين: أربعة
ليل: نعمل السلطة ونسوي الأكل
ياسين: أنا لسه هعمل تاني ضهري وجعني مش قادر
ليل: تعبت معايا فعلًا بس يلا هانت
ياسين: حاضر
ياسين: تمت المهمة بنجاح
ليل: لأ فاضل العصاير
ياسين: هنزل اجيبها جاهزة أنا مش قادر
ليل: أقعد وأنا هعملها
ياسين: مش هسيبك لوحدك غير لما نخلص سوا
ليل: مش مستاهلة
ياسين: أنجزي اطلع فراولة وتمر وايه كمان؟
ليل ابتسمت ع لطفه معاها
ياسين: أه عارف إني أتحب قولتلك بس مش وقته الناس دي مش هتشرب كلام حلو ها اطلع إيه يا مزة
ليل: إحنا صايمين أتهد
ياسين: أوبس نسيت حاضر
عملوا العصير وخلصوا
بدأ أهله يجيوا وأهلها والساعة جت خمسة ومامت ياسين ماجتش
ليل: ياسين تعالى ثانية محتاجاك
ياسين: نعم
ليل: أنت معزمتش مامتك يا ياسين!
ياسين ب إستهزاء: ما أنتِ عارفة إللي فيها يا ليل
ليل: ولولا دي لو ضربتك بالنار واجب عليك تحترمها وبالوالدين إحسانا يا ياسين هنخيب ولا إيه
ياسين: غصب عني مش قادر أصفى ناحيتها
ليل: ده شهر كريم يا ياسين ومينفعش أصفى لها دي مامتك ماتنساش كل الحلو عشان غلطة كلنا بنغلط ماحدش ملاك يعني وبعدين أنت كمان رديت عليها رد غبي وقتها مسكتش يعني وبعدين رضا الله من رضا الوالدين: قال ﷺ: "رِضَا الرَّبِّ في رِضَا الوالدين، وسخطُه في سَخَطِهِما" عارف عقوبة عقوقهم
ياسين: قال ﷺ: "رغم أنفه ثم رغم أنفه ثم رغم أنفه". قيل: من يا رسول الله؟ قال: "من أدرك والديه عند الكبر، أحدهما أو كليهما، ثم لم يدخل الجنة".
ليل: هي أهم من أي حد أهم مني أنا شخصيًا هقولك حديث تاني جاء رجل إلى النبي ﷺ فقال: من أحق الناس بحسن صحابتي؟ قال: "أمك"، قال: ثم من؟ قال: "ثم أمك"، قال: ثم من؟ قال: "ثم أمك"، قال: ثم من؟ قال: "ثم أبوك". يعني هي تعبت في رعايتك ماتجيش لما تكبر متقدرهاش! وبعدين ماتنساش هي سبب في إتمام علاقتنا وزواجنا وكمان ف الأول كنا بنختلف كتير أنا وأنتِ هي إللي كانت بتصالح بينا حتى لو وحشة واجب عليك تبيرها
ياسين: حاضر هنزل أجيبها و أجي
ليل: مش هنفطر غير لما تيجوا
ياسين: مش هتأخر
نزل فعلًا وراح
ياسين خبط الباب مرتين وبعدين طلعت له بصتله بصة عتاب وجعته
ياسين أتنهد: ماجتيش معاهم ليه يا ماما؟
الأم عائشة: أنت مقولتش لي ومعتقدش وجودي مرغوب فيه
ياسين: إزاي بس ده بيتك
الأم عينيها دمعت وبكت: تلات شهور متعرفش عن أمك حاجة هونت عليك!
ياسين مردش واكتفى إنه خدها في حضن حضن طويل كان مفتقداه وهي كانت مفتقداه
ردد جمب ودانها آسف يا ماما حقيقي آسف وقرب باس راسها
ياسين بإبتسامة: أتصالحتي يا مزة ولا الحضن عاجبك
عائشة ضربته: أتلم يا واد
ياسين: عيون الواد يلا ألبسي عشان ليل مذنبهم لحد ما تيجي
عائشة: حبيبتي دي حاضر
لبست وراحوا
ليل أول ما شافتها سابت صب العصير وجريت حضنتها
ليل: وحشتيني أوي أوي
عائشة: وأنتِ كمان يا حبيبتي
ليل: تعالي شوفي بنتك عملت إيه
ياسين: مش بنتك بس أنا كمان ساعدت!
أخته ردت: ده أنت ف بيتنا كنا بنتحايل عليك تشيل الكوباية مكانك
ياسين: يادي الفضايح
كلهم ضحكوا
الأذان أذن وكلهم فطروا سوا وقعدوا قعدة ونس كلهم وكانوا مبوسطين ب لمتهم أوي
مشيوا
ياسين قرب باس أيد ليل: تسلم إيدك يا حبيبة ياسين الأكل ولا غلطة
ليل: وأنت كمان تسلم ايدك تعبت معايا
ياسين: هسيبك لوحدك بعد ما دبستك يعني هيبقى معنديش دم
ليل: مين هيغسل المواعين دي بقا
ياسين: لأ عند عمو حسن بتاع الكوتش
(إفيه ضحك بدل الألفاظ إللي ملهاش لازمة)
ليل ضحكت: هعملها معاك
ياسين: حاضر حاضر أوف وبيدبدب ف الأرض
ليل: أشتغل كويس وبصدر رحم ي دوك
ياسين: خليتي فيها دوك! أنا طلع عيني
ليل: فدايا
ياسين: حصل
ليل: صح نسيت أقولك
ياسين: أستر يارب
ليل: ***********
ياسين بفرحة: بتهزري!!!