رواية لنبلقي معا الفصل الثاني2بقلم مريم خالد
ساعات كل حاجة ممكن تتغير في يوم وليلة فعلًا!
ليل: يونس ونوران حددوا ميعاد كتب الكتاب
ياسين بفرحة: بتهزري!!
ليل: تؤ
ياسين: تصدقي دول إللي علاقتنا بيهم متأثرتش من أيام الجامعة
ليل: هو مش بنتكلم على طول بس لسه الودّ بينا موجود
ياسين: عشان إللي بينا مكنش هين
ليل: دي حقيقة بس علاقتنا ف الأول كانت قرايب وصداقة قوية وكان في شوية عك كده
ياسين: ما أستغفرنا وأتجوزتك أصل استحالة كنت أسيبك لحد غيري
ليل: فاكر علاقتنا كانت عاملة إزاي؟
فلاش باك
ليل: يلا يا نوران لأحسن هقول لخالتي بنتك كل يوم تأخرنا ع أول محاضرة
نوران: ما برواحة طيب
ليل: لو الدكتور زعق هلطش لك
نزلنا جري وروحنا وزعق فعلًا ياسين ويونس يسكتوا! أبدًا
ياسين: ما بالراحة يا دكتور قالوا كان في زحمة في المواصلات
يونس: غير إن بيتهم بعيد
الدكتور: طب وأنتم كمان برة معاهم
طلعتوا ولا طايقين الدوك ولا إحنا شخصيًا
ياسين: أنا مش قولتلك اصحي بدريي
ليل: هي اللي اخرتنيي
نوران: يعني أنا الغلطانة يا يونس صح!
يونس: لا نوران مبتغلطش محصلش حاجة يعني الدنيا متهدتش
ليل: يا مرارتي ع الحب!
ضحكوا
يونس: بكرا تقعي ونشوف هتبقى عاملة إزاي
نوران: هي أصلًا واق
ليل: أسكتي يا نوران عشان بجد هلطشك
نوران: يلا نروح نفطر بما إن المحاضرة راحت علينا
روحنا فطرنا كلنا
ليل: عايزة اكلمكم في حاجة مهمة
ياسين: قولي يا دكتور
ليل: احنا دلوقتي طلاب في طب بشري عين شمس يعني كبرنا والمفروض عقلنا صح!
نوران: مش مرتاحة لباقي الكلام!
ليل: هكمل بردو صداقتنا الرباعية دي مش نافعة، قربنا للحد ده غلط، حتى لو إحنا شايفين إننا دلوقتي صحاب، ممكن في لحظة مشاعر الصداقة دي تتغير أظن كلامي واضح، وهندخل في دايرة غلط جدًا ف ليه من الأول
يونس: جاية تقولي قبل ما مشاعري أتغيرت!
نوران: احلف
ليل أتعصبت: أنا بتكلم بجد دلوقتي ممكن تركزوا في كلامي!!
ياسين: اهدوا يا شباب واسمعوا
ليل: الارتباط حرام، تقدري تفهموني بكلامكم ده حتى لو صحاب صحاب إزاي!!
قال تعالى: ﴿مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ﴾ [النساء: 25]، والأخدان هم الأخلاء أو الأصدقاء من غير الزوج إزاي بقا
يونس: خلاص أنا بعترف قدامكم إني مش بعتبرها صديقة وفي مشاعر تانية ناحيتها
ياسين: غبي ولا كأننا بنتكلم طب يا سيدي بردو حرام
قال تعالى: ﴿وَلَٰكِن لَّا تُوَاعِدُوهُنَّ سِرًّا إِلَّا أَن تَقُولُوا قَوْلًا مَّعْرُوفًا﴾ [البقرة: 235].
نوران: ليه ربنا رزع الحب جوانا من الأول! طب ليه حرام نرتبط!
ليل: عشان أنتِ لسه متعرفيش نصيبك فين ليه زرعه ف دي لحكمته هو مريم خالد والاسباب ممكن متعرفيهاش غير بعد سنين
ليه يُحرم الارتباط؟
دي بتبقى العلاقات محرمة ليه؟
وسيلة للفاحشة: تؤدي إلى الخلوة والنظر والمراسلة، وهي خطوات الشيطان
تدمير العفة: تُضعف الإيمان وتُلقي في القلب الحب المذموم
غش وخداع: غالبًا ما تبنى على غير أساس شرعي وتهدم البيوت.
يونس: واللي مش هيعرف يدخل دلوقتي يعمل إيه!
ياسين: يبقى ليه نعلق نفسنا ببعض أكتر؟ ليه نتعب قلوبنا؟ مع نصيب مش عارفين هيبقى مكتوب لينا ولا لأ! نبعد ومن ترك شيئًا لله عوضه خيرًا منه ويمكن يعوضك بيها في الحلال
قال رسول الله ﷺ: «يَا مَعْشَرَ الشَّبَابِ، مَنِ اسْتَطَاعَ مِنْكُمُ الْبَاءَةَ فَلْيَتَزَوَّجْ؛ فَإِنَّهُ أَغَضُّ لِلْبَصَرِ، وَأَحْصَنُ لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ؛ فَإِنَّهُ لَهُ وِجَاءٌ».
ليل: مظبوط اللهم بارك عليك وفعلًا الراجل المحب يحافظ على أحبته أوصى النبي ﷺ بالرفق بالنساء: «اسْتَوْصُوا بِالنِّسَاءِ خَيْرًا». يعني متدمرش مشاعرك ومشاعرها وتسنزوفها ومتعرفيش الأقدار مخبية لكم إيه حافظ عليها عشان ربنا يكرمك بيها في النهاية أقتنعتوا؟
كلهم في صوت واحد: أقتنعنا
ليل: إذًا ممنوع حد فينا يتمادى مع التاني في الكلام لأي سبب هنتكلم ك قرايب سوا وبس، ونحافظ بقا على نفسنا وندعي يغفرنا ما مضى يلا نقوم عشان باقي المحاضرات وممنوع حد فينا يتمادى مع التاني مفهوم!
كلهم بصوت موحد مفهوم
باك
ليل: كان قرار صعب بس عملناه
ياسين: يونس كان كل شوية يصيح لي بجد
ليل ضحكت: وأنا نوران كانت كل يوم تعيط عايزة أكلم يونس يارب لو مش خير ليا خليه خير ليا وأتجوزه يارب كانت شوية وهشك إنها أتجننت
ياسين بضحك: مش قادر
ليل: فرحت والله عرفتوا دلوقتي إن الحاجة في وقتها بتبقى أجمل وفرحتها بتبقى ألذ
ياسين: كفاية إنها في الحلال ومكشوفة للكل
ليل: بالظبط كده طول ما أنت قادر تتكلم عن الموضوع قدام الكل بعين ثقة يبقى الموضوع مش غلط
ياسين: بحيث كده تيجي نخرج إحنا الأربعة؟
ليل: دلوقت!!
ياسين: ما أنتِ ماشية مع جوزك يا فنانة مالك
ليل: طب رن شوفهم
ياسين: طب أنزل يلا
يونس: فوريرة هعدي أخد نوران ونتقابل هناك واقفلوا الكول
ليل: هنخرج فين
ياسين: كافية
ليل: هقوم ألبس
ياسين: بيج في زيتي ها
ليل: هنعمل ماتشنج؟
ياسين: إحنا الأربعة
ليل: واوو
خلصت لبس ونزلنا ركبنا العربية
وبعد شوية ليل بصت ع أيده ملقتش الدبلة
ليل: بقولك إيه
ياسين: ها
ليل: هي فين دبلتك!
ياسين: أهي
جه يرفع أيده ملقهاش
ياسين: أوبس نسيتها في الحوض بتاع الحمام بعد صلاة العشاء
ليل: وأنا راكبة معاك دلوقتي بصفتي إيه
ياسين: يعني مش هتخرجي غير لما أرجع أجيبها عشان ماتبقاش بنكد صح
ليل بعصبية: أه وبسرعة
خمس دقايق وطلع جيبها وركب
ياسين: أهي أهي
ليل: صالحها
ياسين: اصالح الدبلة؟
ليل: أه عشان أهملتها ومش واخد بالك منها لدرجة أنك رميتها وملبستهاش
ياسين: يا بنتي كنت بتوضى ف نسيتها بس
ليل: صالحها بقولك
ياسين: هي طالبة معاكِ جنان؟
ليل: لأ دي هرمونات وصالحها هي وصاحبة الدبلة يلا
ياسين: ده عيوني لعيوني
قرب باس راسها
ياسين: حقك عليا بعد كده هاخد بالي
ليل: شطور هات تليفونك كده
ياسين: خدي
ليل: الرمز يوم زواجنا ولا غيرته
ياسين: أه غيرته بقا يوم ميلادك
ليل جربت فتح!
ليل: بحسبك بتتريق!
ياسين: لأ مبتريقش يوم ميلادك فاضل عليه تلات شهور ف خليته هو الرمز عشان كل ما أزعلك أما اجي افتح الموبايل افتكر إنه قرب واقوم اصالحك عشان مزعلكيش
ليل: أنت إزاي حلو كده!
ياسين: هاتي معلقتين تربية ع معلقتين وسامة على معلقتين احترام على معلقتين حب على معلقتين سكر هيطلع لك أنا
ليل ضحكت
ياسين: يلا وصلنا
دخلوا
ياسين وليل بصوا لبعض بصدمة
ليل:***********
ياسين: إيه الأخبار الحلوة اللي عاملة تهل ديي