رواية احببت اسمراني الفصل الاول1بقلم نجمة الشمال
تبدا قصه عند زهراء بنت منتقبه وملتزمه عندها ٢٩ سنه بتشتغل معلمه للاطفال والنساء في المسجد، بتكلم الماني وفرنساوي وايطالي وانجليزي وصيني وروسي، مديره في أحد شركات A.Z.D.
زهراء كانت قاعده في مكتبها وبتترجم ايميل، دخلت السكرتيرة (هويدا) بعد ما استأذنت وقالت: زهراء، مستر علي صاحب الشركات نازل مصر، أنتِ عارفه انه كان بيدير الفروع بره لكن هينزل كام شهر ويرجع تاني عشان في صفقات مهمه جدا.
زهراء قلبها نبض، قالت وهي بتتصنع عدم الاهتمام: وانا هعمل ايه؟ واكملت عشان تخليها تغير الموضوع: كل سنه وأنتِ طيبه يا هويدا، رمضان كريم، قوليلي قررتي تعملي ايه عاده جديده في رمضان؟
هويدا ابتسمت وقالت: وانتِ طيبه وبصحه وسلامه، الحمدلله قررت اختم القران كذا مره وأبعد عن مشاهد التلفزيون، وهقرا قصص دينيه واحاول اطلع صدقات كتير، وهحفظ احاديث جديده واشوف تفسيرات، وانتِ هتعملي ايه؟
زهراء بهدوء: هقرا كتب لأدهم الشرقاوي واسمع بودكاست دينيه اكتر، استغل كل دقيقه بذكر الله، هحاول بقدر الإمكان ابعد عن اي حاجه وحشه كنت بعملها، وهعمل اكل وهنزله المسجد وهكذا، وإن شاء الله هستمر فيهم علي طول.
هويدا قالت: طب السلام عليكم، انا بقي هروح اشوف الشغل بتاعي وابقى اشوفك في المسجد.
قعدت زهراء تكمل شغلها.
بعد كام ساعه خلصت زهراء الشغل واخدت حاجتها وخرجت من المكتب، والشركه كلها كانت فاتحه الفون وبتقرا قران ومش واخده بالها.
خبطت في (علي) من غير ما تبص، كملت ماشيه وهي بتقول: انا اسفه مخدتش بالي.
علي بص عليها بضيق، وبعد ما مشيت قال: اللهم اني صائم، وراح كمل في طريقه للشركه.
لحظه
علي المحمدي ٣٥ سنه، رجل اعمال واخد الشركات دي عن ابوه وجده وجددها وكبرها، طويل وجسمه رياضي واسمر شوية وعنده لحيه، لكن بتاع بنات وبيعمل حاجات غلط كتير.
زهراء قفلت الفون وحطته في الشنطه وبصت لباقي الطريق، شافت ولد واقف بيفكر، قربت منه وسألته باهتمام: مالك يا بطل زعلان ليه؟ اولا كل سنه وانت طيب.
الولد بدموع في عيونه: وحضرتك طيبه، وانا رايح عند صاحبي عشان نحفظ القران سوا.
سمعت الجيران، طنط كانت بتقول لجوزها وهي بتعيط: مش مهم احنا ناكل، المهم الاولاد دول، حتي ناموا من غير سحور ومفيش حاجه في البيت نعمل منها اكل لفطار ليهم، هنعمل ايه؟
رد عليها عمو بصوت موجوع: طب مفيش حتي خمسه جنيه نجيب بيهم كيس فول يفطروا بيه؟
ردت طنط: للاسف مفيش، وعيطت. عمه طبطب عليها وقال: ربك يحلها من عنده، انا هنزل وهحاول اشوف اي شغل عشان اقدر اجيب منه حاجه للاولاد.
وبص عليه: وانا مش معايا فلوس عشان اساعدهم او اعمل حاجه.
ابتسمت زهراء من تحت النقاب وقالت: برافو عليك انك بتحاول تساعدهم ومردتش تطلب مساعده من حد، طب ايه رايك تاخد الفلوس مني ونروح انا وانت نجيب شنطه فيها حاجات كتير هيعوزوها وتروح تديها ليهم، ويبقي انا وانت اخدنا الثواب، المهم اسمك ايه؟
الولد: اسمي ريان، دي فكره حلوه جدا وانا موافق عليها، بس انا من النهارده هحوش فلوس واخد جزء منها واحطه في الجامع عشان لو في ناس مش معاها ياخدوا منهم، وهطلب من بابا وماما يساعدوني، بس مش هقولهم اني عايزهم لحاجه مهمه، لانهم قالوا اللي بيعمل خير مش بيقول.
زهراء عيونها لمعت وقالت: فخوره بيك، بارك الله في اهلك.
ومسكت ايده وراحوا السوبر ماركت وجابوا حاجات كتير جدا.
ولما جم يخرجوا، في شخص قال: ريان، واكمل بضيق مصطنع: مروحتش عند اريان ليه؟
ريان: بابا! حضرتك بتعمل ايه هنا؟ مروحتش عند اريان عشان كان في حاجه مهمه عطلتنا، مقدرش اقولك ايه هي، انا اسف.
الاب (تميم) قرب منه وحضنه وقال: انا سمعت كل حاجه وكنت واقف بعيد، اريان اتصل لما لقك اتاخرت وسأل عليك، فنزلت ادور عليك، بس شوفتك واقف مع الاستاذه، قربت شوية ووقفت اسمعكم وعجبني تصرفك جدا.
واخرج فلوس من جيبه وقال: هجيب ظرف واحط فيه الفلوس وتروح تقولهم دي حاجه رمضان مع الشنطه بتاعت الاستاذه، وانا هكلم مديري في الشغل عشان يشوف لي شغلانه كويسه.
ريان فرح جدا.
زهراء ابتسمت وقالت: ربنا يبارك في حضرتك ويحفظ ليك ريان والمدام، عن اذنكم استأذن، ومشيت.
عند علي، بعد ما راح الشركه، بس مكنش في موظفين، قعد علي المكتب وفتح اللاب توب وقعد يشتغل كتير اوي. سمع فونه بيرن، خرجه من جيبه وفتح، سمع صوت انثوي رقيق بتقول: علي حبيبي، ازاي تنزل مصر من غير ما تقولي؟
علي بهدوء: سوزي، انا حجزت ليك طياره بالليل، انا نزلت قبلك لان في صفقه مهمه اوي لازم اعملها انا بنفسي.
سوزي بدلع: اوكيه حبيبي، انا هلغي الحجز واحجز طياره خاصه واجي لك علي الفيلا.
علي قال: طيب باي دلوقتي عشان عايز اكمل الشغل.
###########
مساء في المسجد، زهراء كانت قاعده وحواليها اطفال ونساء.
زهراء بهدوء: تعرفوا ان حاجات بسيطه ممكن نعملها تبقي ورد وطاعه وناخد عليها ثواب كبير جدا؟ يعني لو كل يوم بتطلع صدقه اسمها ورد، ولو كل يوم بتقيم الليل ورد، ولو جيه يوم ما صلتش ربنا هيكتبه كأنك صليته، لو قولت كلمه حلوه كل يوم تبقي ورد، لو صومت اتنين وخميس وجيه مره مقدرتش ربنا هيكتب لك صيام، لو بتقرا الاذكار كل يوم وجيه مره مقولتش تكتب لك انك قولتها. حاجات بسيطه لو عاملنها كل يوم تبقي ورد. ايه رايكم حصه الاسبوع الجاي كل واحد بقي يعمل عاده جديده وتبقي ورد وييجي يقول لنا استفاد ايه؟
كنت عايزه اعمله اسكربت كامل بس قولت خليه علي كام بارت.
رايكم وهل استفادوا
الزهراء فاطمه حضرتك كنت طلبه مني روايه والبنت منتقبه انا لسه فكره بس كنت منتظره الوقت عشان ابدا فيها اتمني تعجبك