رواية كابتن احمد الفصل الاول1بقلم ريهام زيدان
-ي نادر باشا اقسم بالله ماقتلتها انت ليه مش مصدقني
بصلي بهدوء وطلع سجاره وولعها * بص ي كابتن احمد انا عامل حساب اننا كنا دفعه واحده وعايز اساعدك لكن هتصيع عليا وربي وما أعبد ولا كأني اعرفك
اتوترت بس حاولت اتحكم ف اعصابي -بص ي باشا انا فعلا كنت بدرب كريم ابن القتيله لكن انا مالي اصلا بيها انا شغلي كله مع ابنها ف الدور الاول
بصلي بهدوء وبعدها نده بصوت عالي *ي عسكررررري خد الكابتن ع الحجز وخليهم يقدموله عصير رمان من المخصوص
-لاا لا ابوس ايدك يا نادر يخونك امتحانات ثانويه عامه
حسيت بقلم ع قفايا خلت عنيا اتحولت
*اطلع برا ي رجب أما نشوف اخرتها مع الكابتن
مد أيده بكوباية مايه
*اشرب واهدى واحكيلي كل حاجه
باك
من حوالي شهرين كنت ف النادى اللي بشتغل فيه دخلت واحده ست حلوة وشيك جدا وبرفانها جايب اخر النادى
=هاي
بصت لها من فوق لتحت ـ اهلا بحضرتك اؤمريني
=سمعت عنك كتير يا كابتن احمد وحابه انك تدرب كريم ابني بس برايڤت
ـ دا احنا عنينا لكريم ولحضرتك
=مرسي ليك هتنورنا ف البيت امتى؟
ـ هظبط مواعيدي وأبلغ حضرتك
مدت أيدها بكارت = هستنى مكالمتك
منكرش انها فعلا عجبتني وهي تعجب اي حد شيك وحلوة موت اسم علي مسمى صافيناز
كنت واقف بظبط شكلي ادام المرايا وبصفر ومبسوط
"مابلاش ي احمد السكه دي انت شغلك ف النادى كويس
ـ ششش بقولك ايه ي عم على دي احلى سكه فلوس اكتر وست تحل من علي حبل المشنقه خلينا نمتع نظرنا ي اخي كفايه الهم اللي الواحد فيه
'للاسف مكنتش اعرف انها هتلبسنى بجد حبل المشنقه '
"اتقي الله ي احمد
ـ اطلع برا ي علي وسيبني
وفعلا روحت بيتها كان جميل ومتقسم دورين
التدريب كان ف غرفه مُجهزه ف الدور الاول
عدا اول اسبوع والدنيا فل مشوفتش زوجها ابدا ومكنتش لابسه دبله ف أيدها ، كان معاهم ف البيت خدامه بتقدملي مشروب وقت التمرين وأوقات صافيناز هي اللي كانت بتقدملي وتتفرج شويه علينا وبعدها تمشي
لحد ما ف يوم خلصت التمرين بس قبل ما امشي الخدامه بلغتنى أن صافيناز عوزاني ف الصالون
روحت للصالون وشوفتها كالعاده تخطف انفاس اي حد
=اخبار كريم معاك ايه ؟
من هنا ابتدى الكلام واتكلمنا كتير جدا وف مواضيع اكتر وووبعدها ابتدى كلامنا ع الواتس والفون كتير وو
بصلي بخيبة أمل *كمل ي كابتن ي محترم ي ابني دا انت اللي يخليني التزم ف الصلاه ف ثانوى
معرفتش ارد على كلامه
*ايه اللي وصلك ل كدا يا حم...ار
ـ ي باشا أنا مقتلتهاش ،اناممكن اكون فعلا شيطاني ضحك عليا لكن متوصلش معايا اني اعمل كدا
قام وقف واخد سلاحه *التحقيق لسا شغال ولسا كلامي معاك مخلصش هسيبك ساعه واجيلك نكمل
'اللي اوله شر آخره قهر' ي علي جولتلك حريم لا حريم متأمنش لأي حُرمه غير امك ولو ابوك طلجها متأمنلهاش😂