رواية حبا تغير مجراه الفصل العشرون20بقلم مارينا مختار
أشياء تحدث في الخفاء…و أخرى توشك أن تنكشف...
كانوا جميعاً يتجولون بين حدائق المنتزه،كلًٌ على دراجته.كانوا مبهورين بجمال الطبيعة من حولهم؛فقد كانت المناظر خلابة للغاية.لكن كارما لم تكن على ما يرام؛إذ شعرت بصداعٍ خفيف يهاجم رأسها،و .....
.....................
الفصل العشرون و الحادي و العشرون كاملين
الفصل العشرون
-رفعت:ألو يا كاميليا،ازيك؟مال صوتك؟في ايه؟،ايه اللي حصل؟اهدي و كلميني عشان مش فاهم منك حاجة
-كاميليا:تاليا نزلت من بدري عندها درس،و عمالة اتصل بيها بقالي ساعة
،جرس و مش بترد و عمرها ما عملت كده
-رفعت و هو ينهض من على مقعده بانفعال:ايه؟!بتقولي ايه؟!طب ما يمكن تكون في الدرس و مش عارفة ترد عليكي
-كاميليا بصوت باكي:حتى لما بتبقى في الدرس بتقفل عليا و بتبعتلي رسالة تقولي انها في الدرس و مش عارفة ترد...لكن عمرها ما عملت كده و ماتردش خالص
-رفعت:طب اهدي،انا جاي على طول إن شاء الله خير
-أحمد:في ايه يا رفعت؟ايه اللي حصل؟كاميليا مالها؟
-رفعت: تاليا راحت الدرس،و كاميليا عمالة تتصل بيها مش بترد
أحمد:إن شاء الله خير،ماتقلقش
-ناهد:طب روح انت،و احنا هنحصلك
-رفعت:لا، لا،ماتتعبوش نفسكم..بس اهم حاجة،لو سيف اتصل بيكوا
ما تبلغهوش بحاجة،عشان تيا ماتعرفش ،مش عايزين نقلقهم لحد لما نشوف في ايه
-أحمد:طيب،طيب،ما تقلقش و اتوكل انت على الله،و لو وصلت لحاجة طمنا
-رفعت:ماشي
...................
في الحافلات
وصلت الحافلات إلى مول سان ستيفانو، فترجل الجميع ليبدأوا
. جولتهم
-يارا:تعالي ناكل الأول و بعد كده نلف
-كارما:يا بنتي انتي على طول همك على بطنك!يعني احنا جايين من القاهرة للإسكندرية عشان ناكل؟تعالي نلف الأول
-يارا متضايقة؛أووف،على طول كده سادة نفسي
-كارما ضاحكة؛هو انتي في حاجة بتسد نفسك؟بقولك ايه تعالي ندخل نشوف المحل ده،شكله عنده حاجات حلوة
................
في إحدى الكافيهات
-جاكلين:أخيراً عرفنا نخرج معاكي
-بيري:مالك يا بنتي؟مش قاعدة على بعضك ليه؟و عمالة تتلفتي حواليكي كأنك عاملة عملة
-تاليا:ما أنا أول مرة أعمل حاجة من ورا بابا و ماما
-بيري:أيوة يعني انتي عاملة ايه؟انتي خارجة مع صحابك،و كلنا بنات،و قاعدين في كافيه مش رايحة
يعني.بصراحة أهلك هماnightclub
اللي أوفر
-جاكلين:اهدي بقى كده و ما تخفيش و بعدين احنا مش هنتأخر،هنرجع على نفس ميعاد الدرس يعني كأنك روحتي الدرس
-بيري:يلا نشوف هنشرب ايه
غمزت بيري بطرف عينها لجاكلين
،ففهمت الأخرى مقصدها.أمسكت جاكلين بهاتفها المحمول و أرسلت رسالة لشخص ما حسب اتفاقهم،بينما كانت تاليا منشغلة بقراءة لائحة
.المشروبات
.................
في أحد المحلات بالمول
(بلوزة)blouse-تيا:ايه رأيك في ال
دي عليا؟
-ياسر:تحفة..تجنن،بس يلا بقى هيجيلي هبوط
-تيا؛الله،انت بتكروتني على فكرة
-ياسر:حرام عليكي يا مفترية..بقالنا نص اليوم في المحل و بتقوليلي بكروتك!ده مش بعيد يكونوا خلصوا برنامج الرحلة و احنا لسه مخلصناش
-تيا:خلاص،خلاص...أهو داخلة أغير
-ياسر مبتسماً:ده أنا الفرحة مش سايعاني و الله!أخيراً ، اه يا ولاد المحظوظين،زمنكوا هايسين...مش بعيد تكونوا خلصتوا غدا و بتحلوا كمان
-تيا:بتقول حاجة؟
-ياسر:لا،أنا بقول ان سيف و مصطفى فاتهم كتير
-تيا:آه،انا بحسب
....................
صعد الجميع على متن الحافلات بعد أن انتهوا من جولتهم الثالثة،ليتجهوا إلى آخر جولة في البرنامج،و هي مكتبة الإسكندرية أم المنتزة على
.حسب رغبة كل شخص
..................
في إحدى الكافيهات
اقترب أحد الندلاء من الطاولة و هو يحمل صينية بها بعض المشروبات، ثم انحنى قليلاً ليضعها أمامهم على
.الطاولة،ثم انصرف
-نور:ايه ده،ايه الصدفة الحلوة دي؟ ازيك يا بيري؟
!-بيري و هي تنهض لتصافحه:ايه ده
ازيك يا نور،عامل ايه؟
-نور:الحمد لله،ازيك يا جاكلين...عاش من شافكوا.ايه مش هتعرفونا؟
-جاكلين:اه،دي تاليا صاحبتنا...و ده نور صاحبنا
-نور:هاي تاليا عاملة ايه؟
تاليا:الحمد لله
-جاكلين:طب اقعد،أنت واقف ليه؟
-نور:مش عايز اضيقكوا
-جاكلين:لا خالص
...................
في الحافلة
-يارا:هتروحي مكتبة الإسكندرية ولا المنتزة؟
-كارما:المنتزه طبعاً،حد يسيب البحر ده برضو؟دي القعدة على البحر تجنن
-يارا:أيوة،بس برضو محدش ييجي اسكندرية و ما يروحش مكتبة
الإسكندرية
-كارما:خلاص،روحي انتي عادي
؟(متأكدة)sure-يارا
-كارما:اه طبعاً
.....................
في المقاعد الأمامية
-سيف:هتعملوا ايه يا جماعة؟هتروحوا فين؟
-تيا؛أنا عايزة أروح المنتزه اقعد على البحر
سيف:أنا تمام-
-ياسر:و أنا تمام برضو
-سيف؛ايه رأيك يا مصطفى؟
-مصطفى:أنا تمام برضو
-تيا:طب كده يبقى كلنا هنروح المنتزه
-سيف:اه،بس هند هتروح المكتبة
-تيا:تمام
..................
وصلت الحافلات أولاً إلى مكتبة
الإسكندرية،فترجل كل من أراد زيارة المكان،بينما اتجه البعض الأخر إلى
.المنتزه
ترجلت يارا من الحافلة،فرآها نادر الذي كان يجلس في الحافلة الأخرى،فترجل
هو الآخر لأنه توقع أن كارما ستكون
معها،إذ لم تفترق عنها من قبل.كان يريد أن يتحدث مع كارما و يعتذر لها عما صدر منه،فهو لا يريد أن تسوء
الأمور أكثر بينهما أو أن يخسرها.لكنه لم يكن يعلم أن توقعه في غير محله؛
.فكارما لم تنزل مع يارا كما ظن
...........................
عودة مرة أخرى إلى الكافيه
تذكرت تاليا أنها لم تهاتف والدتها طوال اليوم على غير عادتها.أمسكت حقيبة يدها و أخرجت هاتفها،فوجدت أن والديها حاولا الاتصال بها أكثر من
.مرة و هي لم تنتبه
-تاليا بصوت مرتفع و هي تنهض من مقعدها:يا لهوي!ده بابا و ماما حاولوا يكلموني كتير و أنا مسمعتش
-بيري:طب ماشي،اهدي.ايه المشكلة؟ كلميهم و قوليلهم إنك ما سمعتِش
Silentالموبايل عشان كنتي عملاه
في الدرس عشان المستر كان بيزعق
-تاليا:يا سلام!و هما هيقتنعوا؟دول لو قفشوني هيموتوني
-جاكلين:يا بنتي اهدي،في ايه!مش للدرجة دي يعني.و بعدين ايه اللي مش مقنع؟و ممكن تزودي كلمتين كمان و تقولي انك من الصبح رايحة من درس لدرس فما مسكتيش الموبايل غير دلوقتي
بالظبط)دي فكرة )exactly-بيري
كويسة أوي
-نور؛هو أنا أسف على التدخل،بس هو في ايه يا جماعة؟هو ايه المشكلة؟
-جاكلين:أصل أهل تاليا مشددين عليها شوية،و هي مفهماهم انها في درس
نظرت تاليا إلى جاكلين بضيق،فهى لكن.أحرجتها أمام شخص غريب
جاكلين كانت تتعمد احراجها لتثبت لها أنها صارت مثلهم الآن،و لم تتميز عنهم في شيء.فهي طالما شعرتهم أنهم أقل منها أخلاقياً،و كانت تعطيهم دروساً في السلوك.لكن الآن جاء
.وقت الإنتقام كما خططوا
........................
فلاش باك
في إحدى الكافيهات
كان نور و بيري و جاكلين يجلسون
...سوياً على إحدى الطاولات و
-جاكلين:بقولكوا ايه،أنا البت تاليا دي فرساني و لازم أنزلها مناخيرها اللي هي رافعاها لنا دي
-جاكلين؛ناوية على ايه يا بيري؟ أنا عرفاكي
-بيري؛ولا حاجة،أخليها تبقى زينا
-جاكلين:ازاي؟
-بيري:بصي كل واحد و له نقطة ضعف.الشطارة اننا نعرف هي ايه و ندخل منها
-نور:و انتي تعرفي ايه نقطة ضعفها؟
-بيري:اه طبعاً.هي طول الوقت بتشتكي من معاملة أهلها و انهم مشددين عليها و مقيدين حريتها،و مش بيعاملوها كأنها كبيرة.دورنا احنا بقى اننا ندخل من هنا،و نفهمها إن ده غلط،و انها كبيرة و مسؤولة عن قراراتها.و من حقها تختار طريقة حياتها زي ما هي عايزة:تخرج ،تسهر
،كل الناس اللي في سنها أهلهم بيدوهم حريتهم.و نقنعها انها تعمل اللي هي عايزاه حتى لو من وراهم
،طالما ده حقها.و بعد كده،نظبطها احنا بقى
!جاكلين:ده انتي شيطان-
-نور:طب معلش،يعني انتوا هتستفيدوا ايه بكل ده؟ما تسيبوها و خلاص
-بيري:لا طبعاً.هنستفيد انها هتبقى زينا بدل الدور اللي هي عايشاه علينا
-نور:بس أنا آسف يعني،من الواضح كده من كلامك انها فعلاً مختلفة مش بتمثل ولا بتترسم عليكم مثلاً
-بيري:لا طبعاً،هي بس ما جتلهاش الفرصة.و عامةً هنشوف لو فعلاً محترمة زي ما بتقول،يبقى عمرها ما هتوافقنا ولا تعمل حاجة من ورا
أهلها.لكن لو وافقت،يبقى هي مجرد ما لقتش الفرصة مش أكتر.و بعدين ماتدوشنيش،مش عايز تبقى معانا براحتك،قول و أنا أجيب واحد تاني
-نور:لا واحد تاني ايه؟هو أنا قولت حاجة!أدينا هنتسلى
-بيري:جاكلين؟
-جاكلين:أنا تمام معاكي
-بيري:يبقى اتفقنا