رواية لنبلقي معا الفصل الثالث3بقلم مريم خالد
ليل: طلقني يا ياسين!
ياسين: أنتِ عايزة كده؟
وصلنا المكان ودخلنا
ليل: لأ مش طبيعي!
ياسين: إيه الأخبار الحلوة إللي عاملة تهل دي
نوران: شكلي حلو بالنقاب؟
ليل: تحفة أوي أوي اللهم بارك
نوران: عقبالك يا تحفتي
ياسين: ياريت والله
يونس: تعالوا نقعد هنا بعيد عن الدوشة دي
روحوا مكان في آخر الكافية عشان يعرفوا يتكلموا ب راحة أكبر
نوران: أدونا ريڤيو سريع عن الجواز يا خواتي
ياسين: سكن ودفا
ليل: راحة وحب
نوران: إجابات مختصرة بس حلوة يعني مش بتتخانقوا؟
ليل: ليه ملايكة؟ بنتخانق وبيحصل خلافات عادي زي أي أتنين عادي بس مبنخسرش بعض بنحاول نفهم بعض واللي يغلط غلطة ميكررهاش تاني
نوران: ما تحكوا لنا إيه أكبر مشكلة واجهتكم؟
ليل: أسرار دي يا بنتي مينفعش
نوران: قصدي أتعاملتوا إزاي
ليل: هو إللي أتعامل مبتعاملش من ساعة ما أتجوزته
نوران: سامع يا يونس؟
يونس: وفاهم
كانوا قلقانين من فكرة الزواج وإنه الحب بيقل وكلام أمهاتنا ودايرتنا الكبار وكلام فاضي ولا يمس الواقع ب صلة الرك على الإختيار حاولنا نخفف توترهم شوية وروحنا عشان نتسحر بقا
في العربية
ياسين: فرحت إنك محكتيش برغم أنهم قريبيين مننا
ليل: قريبيين على رأسي بس ممكن يشيلوا مننا ف حاجة بسبب ردود أفعالنا ف المشكلة ف ملهاش لازمة
ياسين: صح
ليل: فاكر أكبر خناقة بينا!
ياسين: أه
فلاش باك
ليل: طلقني يا ياسين
ياسين: أنتِ عايزة كده؟
ليل: أنا تعبت من إهمالك
ياسين: أنا مهمل؟
ليل: أه مابقتش تعمل حاجة غير إنك تشتغل وتيجي تنام أو تخرج مع صحابك مابقتش تكلمني تتطمن عليا غير لما تيجي من الشغل تقولي إيه الأخبار أقولك الحمدلله وخلصنا ع كده ماشي مضغوط وشغل قولت بكرا يحس بس بكرا ده مبيجيش!!
ياسين بصلها بعتاب: عايزة إيه دلوقتي
ليل: نتطلق وكفاية معاملة ببرود لحد كده كأني أثاث في البيت ملهوش أي لازمة
ياسين: راحة فين
ليل: هسافر أسبوع عند أهلك عشان لو روحت لأهلي أسئلتهم هتكتر وماما هتعرف إني تعبانة من غير ما أقول.
ياسين: خليها الصبح وهوصلك
ليل: لأ دلوقت مش قاعدة معاك أنا
ياسين: للدرجة دي
ليل: أنا تعبت يا ياسين! تعبت من برود أعصابك أنت مكنتش كده! شكل كلامهم صح ومع الوقت حلاوة البدايات هتروح أنا شديدة الاهتمام أنت مش بتظهر حبك ليا ودي حاجة بتخوفني! لو مشاعرك ماتت من ناحيتي أو ظهر في حياتك حد تاني أرجوك عرفني وننهي الموضوع دلوقتي بدل ما أتجرح جرح أكبر بعدين
ياسين: خليكِ في البيت همشي أنا
خد المفاتيح ونزل بغضب.
بصيت ع طيفه وبكيت!
معرفش إيه وصلنا لكده وليه! أنا مقدرش ع بعده، مقدرش أسيبه يمشي، هو أكتر شخص عايزاه يفضل جمبي، بس هو معاملته وتصرفاته بتوجعني لإني حساسة جدًا ناحيته وهو عارف ده.
الجرس ضرب لقيت باباه ومامته جايين مسحت دموعي
فتحت وسلمت عليهم وسألوا ع ياسين
أترددت لثواني أرن ولا لأ
بس رنيت عشان ميحسوش بحاجة
ياسين: تمام جاي حاولي
مكملش الجملة
ليل: حاضر
دخلت أعملهم عصير وأجيب فواكه وشوية تسالي
مامته عائشة دخلت ورايا
ماخدتش بالي وكنت واقفة ماسكة دموعي ع حالنا بالعافية
عائشة: مالك يا ليل مش ع طبيعتك
ليل: مفيش حاجة يا حبيبي
عائشة: عينك دبلت من العياط إيه الدموع دي
ليل: مفيش حاجة
عائشة سكتت وحضنتها وليل عيطت كأنها كانت مستنية
عائشة: ششش حقك عليا حقك عليا يا قلب ماما أهدي
هدتها
عائشة: على فاكرة ياسين مبيحبش الفراولة
ليل: أنا عارفة عشان كده عملتها عشان ميشربش
عائشة ضحكت: عرفتي أنه فيه!
ليل: أنا أتخنقت من أسلوبه وبروده معايا
عائشة: هو اعتمد على نفسه في سن صغير متعودش على الدلع والاهتمام اللي بالك فيه أتعود يظهر حبه في حاجات تانية مش كلام أنا مقدرة أنك بنت وزوجة ومحتاجة ده بس هو مبيعرفش بس صدقيني أنتِ غيرتي في أسلوبه كتير طب أقولك سر!
ليل: أقولي
عائشة: أنتِ باباكي مكنش موافق عشان قرايب وبتاع وخاف منتفقاش ويحصل مشاكل ونخسر بعض كلنا وعمك مالك زعل منه
ليل: وبعدين
عائشة: باباكي عارف إن ياسين عنده حساسية من الفراولة عشان كلها معاه مرة وتعب وأتحجز ف المستشفى وخرج جاب له وقاله كُل على أساس مش هياكل وهيخاف ع نفسه أو ممكن ياخد حتة صغيرة وميكملش كل الطبق كله مع صدمة والدك ياسين قاله عشان تبقى عارف لو مابقتش ليا مش هتبقى لغيري يا عمي!
ليل: بجد أنا معرفش الحاجات دي غير منك
عائشة: أنا عرفت من مالك عشان كان معاهم وكان مصدوم بردو
ليل: وياسين تعب؟
عائشة: تعب شوية بس راح خد علاج عشان يكمل زن ع باباه وباباكي ويتفقوا
ليل: ده حارب عشاني!
عائشة: عشان بيحبك حتى لو مش بيقولها غير كل قرن مرة
فجأة سمعنا صوت الباب بيتفتح لقناه هو دخل وأتعاملنا كأن مفيش حاجة حصلت وهزارنا وخلاص
مالك أبو ياسين: يلا عايزين حاجة يا ولاد
ليل: أقعد شوية مستعجل ليه
مالك: مستعجل إيه يا بكاشة بقالي ساعتين قاعد يلا يا عائش
سلمنا عليهم ومشيوا
ياسين قفل الباب وراهم وبصلي
ليل: تصبح على خير
ياسين: بحبك
ليل: إيه؟!
ياسين: بحبك يا ليل
ليل من الصدمة سكتت حاولت تكتم ابتسامتها
ياسين: أنا آسف على تقصيري بس صدقيني بعد كده هحاول أقعد ونتكلم واهتم ومتعاملش ببرود وأديكِ حب إللي تستاهليه
ليل: والطلاق؟
ياسين: لأ مش هطلق
ليل: هو عافية
ياسين: أه عافية وماتجبيش السيرة دي تاني
ليل وقفت شوية تبص له بعتاب
ياسين قرب ناحيتها وحضنها
دفا غريب هوب الزعل كله أختفى بمجرد حسيت إني فارقة له وإنه شاريني لآخر لحظة أخص عليا كنت ناوية أدلع عليه شوية راح عليا الدلع
ياسين: آسف
ليل: متعتذرش كمل الحضن
ياسين ضحك ورجع حضنها تاني
وهو ف حضنها
ياسين: هنفضل كده كتير طيب؟
ليل: زهقت ولا إيه يا ابن الناس المحترمين
ياسين: لأ
قعدوا شوية ساكتين وبعدين ليل خرجت من حضنه
ليل: كان وحشني أوي
ياسين: حضني!
ليل: أهه
ياسين: بعد كده هتزهقي منه يسلام بسببي
ليل: ياريت والله
أفتكرت آية ولتسكنوا إليها وقد إيه فعلًا وجود شخص حنين يراعي ربنا فيك يحبك ويحترمك طول العمر دي بالدنيا متخافوش من الزواج بس في نفس الوقت متخلهوش لهفتكم تخليكم تختاروا شخص غلط
ياسين: لسه زعلانة؟
ليل: لأ
ياسين: ممكن سيرة الطلاق دي ماتجيش تاني
ليل: حاضر
ياسين: عملتي فراولة عشان مشربش!
ليل: عرفت إزاي
ياسين: هتوه عن مراتي يعني
ليل: إللي خلاك تاكلها عشان تتجوزني يخليك تشربها عشان تراضيني
ياسين: مستعد أشربها دلوقتي ثانية عرفتي منين!!
ليل: مش منك أكيد أنت محكتش العصفورة قالتلي
ياسين: أمي أكيد
ليل: يا بني فين عنصر الغموض طيب
ياسين: أصل دي حركات أمي
ليل: أحلى حركات
ياسين: وشقلبظات
ليل: يلا ننام عشان أنت هيست
ياسين: يلا يا محترمة في واحدة تقول لجوزها أنت هيست
ليل: أنا عندك مانع!
ياسين: على قلبي زي العسل!
باك
ليل: كان لازم أقولك نطلق عشان تتغير يعني
ياسين: أنا يومها الضيق كنت حاساه بياكل أحشائي ليل أنتِ كل حاجة بالنسبة لي المهم مش هتلبسي النقاب قريب بقا
ليل: ناوية بس مترددة لسه
ياسين: متخافيش مش هتزهقي هساعدك
ليل: حاضر
ياسين: حاسك مش ع بعضك ليه
ليل عيطت و كأن هو أداها أذن تخرج إللي جواها!
ليل: *******
ياسين برق: بتقولي إيهه؟!!!!