رواية القاسي والبريئه الفصل الخامس والثلاثون35بقلم ايمان ابراهيم

هديه كانت عارفه ان جاسر مش هيسيبها تروح تنام فى اوضه تانيه ولا هو كمان هيروح ينام فى حته تانيه كان فى كنبه كده عندهم فى الاوضه قالتله خلاص هنام عليها اتفضل بقى نام وسيبنى فى حالى قالها يسلام انتى كده يعنى هترتاحى قالتله اه وبجد كفايه كلام عشان عايزة انام وتعبانه  قالها ايه المشكلة يعنى اللى يضايقك كده  قالتله  يسلام انت شايف انه عادى انها تفضل تبعت تبعت خلاص بعتت مرة وانت مردتش يبقى تستنى لحد ما تفضى وترد عليها ده انت لما كنت بنزل الارض وكنت بتشوف حد من العمال بيكلمنى كنت بتبقى مش طايق نفسك ولا فاكرنى مكنتش واخده بالى  يبقى اللى مترضهوش عليا عايزنى اقبله عليك عادى يعنى  قالها  هو انا رديت يعنى ما انا كنسلت عليها  قالتله كنت هترد لولا انا اتكلمت انا مش عبيطة يا جاسر  قالها وايه المشكلة انى اشوف فى ايه ده شغل قالتله خلاص طالما شغل كنت بتتضايق ليه لما حد كلمنى  كل حاجه ليها حدود واصول وبعدين هو ده وقت تبعت فيه  كنت معاهم فى الشغل ايه يعنى اللى جد عشان تبعت دلوقتى بص انا  تعبانه وبجد عايزة انام  ودخلت الحمام عشان تتوضا وتصلى وطلعت صليت ونامت وجاسر كان قاعد بياكل فى نفسه قالها خلاص نامى انتى على السرير وخلينى انا على الكنبه قالتله لا انا مش هقوم قالها قومى احسنلك قالتله واذا مقومتش هتعمل ايه قالها عايزة تعرفى قالتله اه ورينى راح شايلها  😳😳  هديه شهقت من الخضه وقالتله نزلنى وكانت بترفص فى الهوا برجيلها  قالها بزعيق بطلى الهبل ده بدل ما تقعى ويجرالك حاجه وحطها على السرير بالراحة ومسكها  وقالها اوعى تقومى انتى سامعة 😠 هديه سكتت وقالتله خلاص طيب سيبنى انا هنام بقى سابها ودخل الحمام وطلع غير هدومه ونام وهو بينفخ وناموا هما الاتنين  وجاسر كان من وقت للتانى بيبص على هديه لحد ما عنيه راحت فى النوم .

جاسر وهديه صحيوا وصبحوا على بعض بس كل واحد مقموص من التانى وكل واحد قام يغير هدومه وبدريه جت وهديه فتحتلها ودخلوا يحضروا الفطار  وقعدوا يفطروا بدريه اخدت بالها ان فى حاجه مش طبيعيه بس مرضيتش تتدخل وهى واقفة مع هديه فى المطبخ قالت تتكلم معاها عادى وتطمن عليها قالتلها الدكتورة طمنتك اخبار التوام ايه هديه قالتلها الحمد لله وعلى فكرة هما تلاته مش اتنين  بدريه قالتلها ماشاء الله ربنا يقومك بالسلامة وكلهم بنات كمان بدريه قالتلها اللهم صلى على النبى  ربنا يكرمك يارب دول هيبقوا اصحابك وهيملوا البيت عليكوا  البنات رزق يا ست هديه هديه قالتلها ربنا يخليكى يا بدريه اعملى حسابك انتى مش هتسبينى انا بقلك اهو انا مش عارفه اصلا هعمل ايه معاهم ده انا هتروق باين عليا  قالتلها متخافيش انا معاكى متقلقيش هديه قالتلها خدى القهوة بقى لجاسر قالتلها حاضر واخدتها وديتهاله وشربها ونزل علطول من غير ما يقول اى حاجه  ووصل شغله وطلب هناء دى اللى كانت بتتصل بيه بالليل قالها تعالى عايزك فورا  وراحتله قالها خير فى ايه ليه كل الزن ده امبارح قالتله انا اسفة والله بس كان فى مشكلة فى الادارة وانا حاولت احلها بس معرفتش وكنت عايزة اسال حضرتك عشان اذا جه حد من الادارة قبل ما حضرتك تيجى اعرف اتصرف قالها برضه الموضوع مكنش مستاهل كل ده كنتى خليه ينتظرنى وانا لما اجى هعرف اتصرف او تبعتى المشكلة اللى حصلت على الواتس اب وانا هفهم وهعرف اعمل ايه ابقى شغلى مخك شويه عشان متتسببيش فى مشاكل على الفاضى ايوة ايوة  خليتى الراجل ينام على الكنبه 😄  قالتله انا بعتذر مرة تانيه قالها ايه اللى حصل بقى حكتله الموضوع ان فى شكوى كتيير من الاهالى ان المدرسين عددهم قليل ومستوى التلامذة مبقاش زى الاول والاهالى اشتكوا للادارة وقالبين الدنيا قالها خلاص انا هتصرف اتفضلى انتى ومشيت وجاسر اتصل بحد هو عارفه كويس فى الادارة وقاله انه هيعالج التقصير اللى حصل هيعمل مجموعات تقويه عشان يعوض التلامذة ويرفع من مستواهم التعليمى عرف يحل الموضوع وبعت لهناء قلها انه خلاص عرف يحل الموضوع هى بس هتابع الاشراف على تقسيم المجاميع وتظبط المواعيد واليوم كان مليان ده غير شغل الارض وكلام وحوارات مع التجار والعمال فى الارض واخيرا خلص وروح البيت كان حاسس ان دماغه هتنفجر هديه سالته هتتغدا قالها لا هنام الاول وبعدين اقوم اتغدا  اتغدى انتى وسابها ودخل نام .

هديه اتغدت حتى بدريه كانت معاها  خلصوا اكل وجاسر صحى من النوم وطبعا كان لسه ضارب بوز  هو مرضاش يقولها على اللى حصل كان مستنى تساله  هى الاول بس هى لسه زعلانه برضه .

جاسر صحى من النوم واتغدى وكان اليوم ده هيروح بقى مع احمد عشان يتقدم لهند واحمد اتصل بجاسر قاله انا هعدى عليك الساعة ٧  جاسر قاله تمام  وجاسر قال لهديه انه رايح مع احمد هو طبعا كان قايل لهديه ومعرفها الموضوع قالتله ربنا يتمم على خير قالها المرة دى هروح انا واحمد بس المرة اللى جايه هبقى انا وانتى ونهلة طبعا عشان يتعرفوا علينا كلنا قالتله طيب انا عايزة انزل اتمشي مع بدريه شويه  انا اتخنقت وكمان الدكتورة قالت مفيش مشكلة انى امشي عادى واهى بدريه هتبقى معايا  عشان متقلش انى هبقى لوحدى قالها طيب بس هى نص ساعة بس مش اكتر لان الليل هيدخل ومش حابب تتمشي بالليل كده قالتله خلاص ماشي وسابها ونزل وراح مع احمد وطبعا احمد كان متفق مع هند وهى قالت لمامتها  وكمان قريبهم  اللى فى مقام عمها  كان موجود ووصلوا عند هند وطلعوا  ومامت هند فتحت الباب طبعا جاسر  مش مقتنع اوى بالموضوع لكن قدام اصرار احمد  مكنش عنده حل تانى وشاف انه كده احسن على الاقل يضمن انه خلاص اتجوز  واستقر ومامت هند رحبت بيهم اوى وكانت مجهزة حاجات والامور كانت ماشيه كويس وجاسر بعد ما اتعرف عليهم وشاف هند وكانت زى القمر  واحمد كان مبسوط اوى اوى جاسر قالهم احمد قالى كل حاجه عنكوا واكيد هو قالكوا برضه ان انا ولى امره واخوه الكبير  وهو جاهز الحمد لله  واحنا جاين عشان نطلب ايد هند  لاحمد اخويا على سنه الله ورسوله وياريت يبقى كتب كتاب علطول  قريب هند حاول كده انه يخليها خطوبه بس بس مامت هند قالتله لا كتب كتاب احسن خلينى ابقى مطمنة على بنتى وعشان محدش يقول حاجه كده ولا كده طبعا هى تقصد علاء احسن يعمل حاجه يبوظ الموضوع واتفقوا انها تبقى كتب كتاب وشبكة مع بعض وقروا الفاتحة واحمد لبسها الدبلة وخاتم رقيق وانسيال دهب كان جايبهم عشان برضه تبقى لابسه دبلته ومامت هند راحت مزغرطه 😍😍  .

فى الوقت ده كانت هديه بتتمشي مع بدريه وهما بيمشوا  كانوا قربيبن من اوضه الحصان فاكرينه  وهى مع بدريه سمعت اتنين كانوا بيتكلموا على الحصان ده واحد قال للتانى هو اذا حبيت اشترى الحصان من جاسر بيه هيرضى ماهو مش عايزة بعد اللى عمله فيه الكلمة دى خلت هديه  تركز اكتر  قالها عمل ايه قاله هو انت متعرفش ان الحصان ده جاسر ضربه بالجرباج لحد ما عوره 😳😲😲  هديه اتصدمت من اللى سمعته قالت فى نفسها معقوله دى جاسر هو اللى عمل كده  هديه حست ان رجلها مش قادرة تشيلها  وبدريه قالتلها مالك يا ست هديه قالتلها عايزة اروح  تعبت مش قادرة بدريه قالتلها كنتى كويسه ايه بس اللى حصل الكلام ده ضايقك اوى كده ليه قالتلها مفيش ومتجيبيش سيرة خالص ماشي يا بدريه والله مهفتح بقى بكلمة بس اهدى اكيد فى حاجه فى الحكايه دى مش كل اللى تسمعيه تاخديه كده اسمعى الحكايه على بعضها قالتلها حاضر يابدريه  ولو انى مش قادرة اتخيل ان جاسر يعمل كده وروحوا وبدريه قالتلها انا هروح بقى وانتى خلى بالك من نفسك وامانه عليكى بالهداوة قالتلها ربنا يخليكى ليا يا بدريه وسلمت عليها ومشيت .

جاسر كان خلاص خلص وراجع مع احمد اتكلم مع احمد  كلام عادى يعنى عن اللى احمد ناوى عليه هيعمل فرح ولا حاجه بسيطه حاجات كده يعنى ووصلوا البيت وطلعوا كانت نهلة وهديه قاعدين مع بعض شويه وقعدوا معاهم وهديه قامت تحضر العشا ونهلة قامت تساعدها وهديه مجبتش سيرة خالص باللى شافته او سمعته وخلصوا القعدة واحمد ونهلة روحوا عشان يناموا وجاسر كان مهدود اليوم طويل ومن اوله احداث كتيير اوى وهديه كانت عايزة تسال جاسر عن اللى حصل وياترى رد جاسر عليها هيكون ايه والموقف بينهم اصلا لسه مش صافى اوى 

هديه مقدرتش انها تسكت متسالش جاسر على اللى سمعته قالتله جاسر معلش عارفه انك تعبان بس فى حاجه حصلت ولازم تعرفها قالها مينفعش بكرة انا تعبان مش قادر قالتله معلش هو سؤال وعايزة اجابه قالها خير فى ايه قلقتينى قالتلها انت فعلا اللى ضربت الحصان بالكرباج مدخلش فى سور حديد زى ما اتقالى 🥺🥺🥺  جاسر قالها انتى ليه بتسالى فى الحكاية دى خلصت من زمان وعرفتى ازاى قالتله جاوبنى وانا هقلك قالها اجابتى هتفرق معاكى قالتله اه طبعا  قالها طيب وحكلها اللى حصل هديه فضلت تعيط 😥😥 قالها بتعيطى ليه قالتله عشان مكنتش متخيلة انك تعمل كده قالها انا كنت متعصب اوى من الوجع اللى حسيت بيه مكنتش حاسس بنفسي وبحاول من ساعتها انى اتعامل معاه بس هو رافض قالتله طبعا خايف منك مش حاسس بالامان قالها هحاول بس متكلمنيش فى الموضوع ده تانى انا  عايز انساه  تمام هديه قالتله خلاص ماشي ياجاسر قالها هتنامى لوحدك برضه قالتله معلش سيبنى على راحتى انا مخضوضه منك الصراحة قالها دى حاجه قبل ما اعرفك متخليهاش تاثر على حياتنا قالتله مش دى اللى هتاثر لكن طبعك وطريقتك اللى هيفرق معايا فاهم بصلها وسكت وقام عشان يغير هدومه وهو فى الحمام بياخد دش عشان يهدا من تعب اليوم قال كنت ناقص انا حكاية الحصان ده على الله متتعقدش الامور تانى  بقى انا دماغى مش ناقصة مش كل شويه حاجه تحصل وخلص الدش وطلع عشان ينام وهديه كمان كانت نامت جاسر مش قادر يسيبها تنام كده لوحده راح نام جمبها وحط ايده عليها وحضنها وقال تعمل اللى تعمله بقى  وهديه مش حاسة ورايحة فى سابع نومه بس ياترى لما تقوم هتعمل ايه والموضوع ده هياثر عليها وهتشوف جاسر ازاى بعديه