رواية لنبلقي معا الفصل الرابع4بقلم مريم خالد
ياسين: كانسر رحم!!
الدكتور: مرحلة تانية
ياسين خد نفس طويل وقال : يعني في خطر عليها!
الدكتور: مفيش خلفة
ياسين ب إندفاع: مش عايز أنا مش عايز، بسأل عليها دلوقتي
الدكتور: بعرفك لإن الموضوع صعب وأه في نسبة شفاء عالية
ياسين: قد إيه؟
الدكتور: نسبة الشفاء 75٪ بس هي لازم تبدأ جلسات الأسبوع ده
ياسين: هتتوجع!
الدكتور: أيوه
ياسين: تمام يا دكتور شكرًا ليك
كنت ماشي قلبي مفطور مش ع الخلفة ولا إننا ممكن نتحرم من حاجة كان نفسنا من ساعة ما أتجوزنا أنا مش عايزاها تتكسر لو جت فيا هبقى راضي بس هي لأ
شغلت قرآن في العربية
لقيت آية {فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا}
والعشاء أذنت عليا خدت نفسي على المسجد وصليت
يارب أنا عارف إنه اختبار بس اختبار تقيل أوي على قلبي والله، يارب متفجعنيش فيها، يارب أنا مش هستحمل أشوفها مسكورة، يارب قويني عشان أأقويها، يارب أنا مش عايز غيرها والله
بكيت وأنا ساجد أنا عمري ما بكيت كده في حياتي وأنا ساجد! أنا مش قادر أعمل حاجة بكيت لما تخيلت إن ممكن تضييع مني! يارب
خلصنا صلاة وروحت
كانت قاعدة منكمشة على الكنبة
دخلت ف قامت وقفت وفي أثر دموع في عيونها الحمرا
ياسين قرب بخضة: بتعيطي ليه مفيش حاجة التحاليل مفيهاش حاجة أهدي
ليل: هتسبني!
ياسين: أسيبك!
ليل بثبات: حقك تخلف وتكون أسرة ليه تعيش مع واحدة م عارفة إيه مصير حياتها أنا ممكن أموت فأي لحظة يا ياسين ليه توقف حياتك عليا الثبات أتحول لعياط هيستري ص دقن ي مش هبق ى زع ل نة هفرح ل ك
(صدقني مش هبقى زعلانة، هفرح لك)
ياسين شدها لحضنه: ششش أهدي أسمعيني أنا مش هسيبك حتى لو طلبتي ده، لو على الأسرة في أنتِ كل الأسرة، مش عايز أطفال ولو هعوز مش هعوز غير منك أنتِ أنا جمبك يا ليل مفيش حاجة وبعدين الدكتور الغبي ده قولت مترنش تقولها.
ليل: أنت كذاب أمال مين إياد ورنيم
ياسين: عيالنا في المستقبل بإذن الله
ليل: أنا
ياسين قاطعها: {وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّهِ إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} [البقرة: 155-157].
ليل: بس!
ياسين: قال ﷺ: "ما يُصيب المسلم من نصبٍ ولا وصبٍ ولا همٍّ ولا حزنٍ ولا أذًى ولا غمٍّ حتى الشوكة يُشاكها إلا كفّر الله بها من خطاياه" متفق عليه بعدين ابتسم ومسك أيدها هتخفي يا أم رنيم وأنا مش هسيبك
ليل: هتفضل جمبي!
ياسين: لازق وراشق
ليل ابتسمت بهدوء
بالفعل بدأوا الجلسات اللي كانت صعبة عليها أوي ف الأول الألم
ياسين: أجمدي أرجوكِ
ليل: أجمد أكتر من كده! أتقى الله
ياسين: بتحاولي تعملي فيها أسترونج!
ليل: أنت بتدمع ليه بقيت عيوط زيي
ياسين: بس بقا بس
ليل: بس الأوت فيت بتاعنا تحفاااة حتى واحنا بنتمرمط قمر قمر
ياسين ابتسم عشان عارف إنها موجوعة بس بتداري
ليل: أوعا الغمزة الحلوة
الدكتورة دخلت تشوفها
ليل: داري الغمزة الحلوة
قام ضاحك جامد
ليل: يا سوادي
الدكتورة قربت ف قام كاتم الضحكة
الدكتورة: أبشرك هانت أوي
ليل: أقولي والله
الدكتورة ابتسمت: والله كملي بس
ليل: عيونيي
الدكتور خرجت
ليل: سمعت؟
ياسين: سمعت يحبيبي
ليل: طب يلا خلصت جلسة النهاردة روحني وهاتلي حاجة حلوة
ياسين: عيوني لعيوني
مرت الأيام وجه رمضان والورم راح بس كانت بتاخد أدوية معينة وبتتابع مع الدكتورة عشان تتطمن أكتر ومايبقاش في خطر عليها بعدين وهكذا
كنا قاعدين بعد الفطار سوا في البلكونة
ياسين: حاسك مش على بعضك ليه
ليل: أنا حامل!
ياسين برق: بتقولي إيه؟!!!
ليل بدموع: حامل أنا حامل هبقى ماما
ياسين: بتتكلمي بجد!
ليل هزت رأسها وخدت أيدهه حطيتها على بطنها هتبقى أحن أب
ياسين عينيه دمعت وحط أيده الأتنين على وشه
وهنا تذكرت آية ﴿وَآتَاكُم مِّن كُلِّ مَا سَأَلْتُمُوهُ وَإِن تَعُدُّواْ نِعْمَتَ اللّهِ لاَ تُحْصُوهَا﴾ وقد إيه ربنا جميل أوي وكريم وقد إيه هو حاسس بينا ولطيف حتى بعد البلاء بعد ما يخفف عننا سيئاتنا بيعوضنا ويراضينا
الدنيا شتت علينا
ياسين قام وقف وبأعلى صوت عنده: الحمدلله يارب هبقى أب بكرمك يارب بحبك يا ليل
ليل ابتسمت لف لها
ياسين: طبعًا مفيش شغل بيت مفيش خروج مفيش حركة فيه أكل وطلباتك هتتنفذ وأنا اللي هعمل شغل البيت وع فكرة ممنوع تبصي ع حد بصي لنفسك عشان عايز البنوتة تبقى شبهك
ليل: إفرد طلعت ولد
ياسين: الحمدلله بس أنا مايل للبنت أكتر هفضل العب بيها ليل نهار وأبوسها واحضن فيها وأخرجها وأدلعها ف بصي لنفسك كتير عشان تطلع حلوة زيك
ليل: هو أنا هجيب لنفسي ضرة؟!
ياسين: ده مفيش ضرة حلوة كده أسكتي
ليل بعصيبة حقيقية: بتحب بنتك أكتر مني
ياسين أتخض: هي هرومانات الحمل بتبدأ من بدري كده ليه
ليل: بتوشوش نفسك تقول إيه سمعني
ياسين: بقول بحبك أنتِ أكيد هحبها من حبي فيكِ يا حبيبتي
ليل: امم مش مصدقة
ياسين: أعمل إيه عشان تصدقي
ليل: أمم متروحش الشغل بكرا
ياسين: حاضر
ليل: وتنزل تجيب لي حاجات حلوة دلوقتي!
ياسين: حاضر
ليل: وتحب فيا فالرايحة والجاية والطالعة والنازلة
ياسين كمل: والعايقة والرايقة والماشية والمتنازلة مش كده!
ليل ضحكت: أنت بتتريق عليا!!
ياسين: لأ طبعًا أخص عليا
ليل: عايز تتعلم الأدب
ياسين: علميني
ليل: بقولك ما تقوم تجيب لي أكل وحطت رجل ع رجل
ياسين رفع حاجبه: والله؟
ليل: الاااه أنت م لسه قايل متعمليش حاجة رجعت ف كلامك ولا إيه يا راجل عرفني
ياسين: بتقولي راجل عشان أتزنق ف الرد يعني
ليل: بالظبط
ياسين: طب مش لاعب
وراح جاب لها تاكل أهم حاجة الثبات على المبدأ
ياسين: حاجة تاني؟
ليل: تؤ أنزل أشتري لي بقا اندومي وحاجات
ياسين: لا اندومي لأ هجيبلك حاجات حلوة تانية بس صحية
ليل: يعني إيه يعني
ياسين: بس يشاطرة وشغلها كرتون روبانزل اسمعي بقا عشان حبيبة باباها تطلع شبهها
ليل: أنت مش قولت عايزاها شبهي
ياسين: أه وشبه روبانزل ف الشعر
ليل: شايفني قرعة؟
ياسين: يادي النكد
ليل: أنا نكد يا ياسين! بقا ده جزاتي! ده أنا
ياسين: يا بنتي قلبتي على أمهاتنا كده ليه الحمل بيغير للدرجة ديي
ليل: كمان مش مستحملاني وأتخنقت! وبدأت تعيط
ياسين: نهارك أبيض بتعيطي بجد بحسبك بتتدلعي ده الموضوع شكله كبير خلاص يا حبيبتي آسف مش هقول كده تاني بحبك أوي يا أجمل ست في الكوكب والمجرة
ليل: أحلف
ياسين: والله
ليل: طب أنزل يلا سامحتك
ياسين نزل واشترى لها حاجات كتير أوي بس
ياسين: وأنت إيه اللي جابك هنا؟!!!