رواية حبا تغير مجراه الفصل الثالث3بقلم مارينا مختار
بينما كانت كارما منشغلة بتفقد حقيبتها،كان سيف منشغلاً بمكالمته فلم ينتبه إلى تلك الفتاة التي اندفعت
.........نحوه بخطى متسارعة
The brothersفي شركة
وصل المهندس أحمد إلى مقر شركته
،فصف السائق السيارة أمام المدخل الرئيسي،ثم ترجل منها أحمد بهدوء و طلب من السائق أن يتوجه بها إلى جراج الشركة ليصفها هناك.أومأ السائق بالإيجاب،بينما دلف أحمد إلى داخل المبنى بخطوات ثابتة.توجه مباشرة إلى المصعد و ضغط على زر الطابق
.الخامس،حيث يقع مكتبه الخاص
لم تمضي سوى لحظات،حتى وصل إلى وجهته.خرج من المصعد،و اتجه
أولاً إلى مكتب السكرتارية الملحق بمكتبه.و فور ما رأته السكرترية بسمة
،هبت واقفة من مكانها،و قالت
:بابتسامة
-بسمة:صباح الخير يا بشمهندس
-أجابها أحمد و هو يواصل سيره نحو مكتبه :صباح الخير يا أستاذة بسمة حصليني على مكتبي،و هاتي معاكِ ورق صفقة مارودس عشان اطلع عليه
-بسمة:تحت أمرك يا فندم
توجهت بسمة إلى مكتبها،فتحت أحد
الأدراج و أخرجت منه ملف الصفقة
. ،بينما واصل أحمد طريقه إلى مكتبه
دلف إلى الداخل ،اتجه نحو مكتبه
.،جلس خلفه و أراح ظهره على المقعد
لحظات و دوى صوت طرقات خفيفة
.على باب مكتبه،فأمر الطارق بالدخول
دلفت بسمة بخطوات هادئة، تحمل الملف بين يديها،اقتربت منه و وضعت
:الملف فوق سطح المكتب قائلة
-بسمة:ورق الصفقة اللي حضرتك طلبته يا فندم
-أجاب أحمد دون أن يرفع عينيه عن الملف:شكراً يا بسمة
-بسمة:حضرتك تأمر بحاجة تاني؟
-أحمد:لا، شكراً...هو البشمهندس رفعت جه؟
-هزت رأسها نافية:لا، لسه يا فندم
-أحمد:طب بلغي مكتب السكرتارية عنده إنه أول ما يوصل، تبلغه اني عايزه
-بسمة:تمام يا فندم.تأمر بحاجة تاني؟
-أحمد:لا شكراً اتفضلي انتِ
أومأت بسمة و انسحبت بهدوء،بينما فتح أحمد الملف أمامه،و بدأ يتصفح
.أوراق الصفقة بعناية و تركيز
.................
في الكلية
داخل إحدى قاعات المحاضرات
جلست كارما بجانب يارا،و هي تشعر
:بالضيق و الملل،و أخذت تهمس
-كارما:نفسي أفهم حاجة من الدكتور ده ،بقاله ساعة بيرغي،مش فاهمة ولا كلمة
-يارا بابتسامة ساخرة:احنا من امتى أصلاً بنفهم منه؟انا مش عارفة هو ليه بيقع في قربزنا كل سنة
-كارما و هي تضع يدها على بطنها:أنا جعت أوي...مش هيخلص بقى؟
-يارا بسرعة:طب بس عشان بيبصلنا
و قبل أن تكتمل همساتهن،جاء صوت
:الدكتور حاداً
الدكتور:انتِ يا أنسة
-نظرت يارا بخوف و قالت مترددة:أنا يا دكتور؟
-الدكتور و هو يشير إليهما:انتِ و اللي جنبك
-ردت كارما هى الأخرى بصوت مرتجف:أنا يا دكتور؟
-الدكتور بصرامة:أيوة ، قولولي أنا كنت بقول ايه دلوقتي؟
سكتت كل من كارما و يارا، و نظرتا
...إلى بعضهما في ذهول
-الدكتور بحدة:حلو أوي،اتفضلوا برة عشان تبقوا ترغوا تاني،و ده أخر إنذار ليكوا.بعد كده،مش هتدخلوا لي أي محاضرة تاني.يلا
......................
في مكان آخر بالكلية
بعد أن انتهى سيف و أصدقائه من المحاضرة.خرج الجميع من المدرج يتناقشون في خططهم القادمة،و سألت
:هند و هي تنظر حولها
-هند:هتعملوا ايه دلوقتي بعد لما المحاضرة التانية اتلغت؟
-مصطفى بابتسامة:ايه رأيكوا نروح نشرب حاجة في الكافتيريا،و بعد كده نروح؟
_سيف:تمام ،ايه رأيكوا؟
-باقى الشلة:تمام
-سيف:طب اسبقوني انتوا،و أنا هحصلكم ، هسلم بس على واحد صاحبي و هاجي
-تيا:تمام
-هند:ماشي،يلا بينا احنا
تحرك الأصدقاء جميعاً نحو الكافتيريا
،فيما انفصل عنهم سيف و سار في
.اتجاه مختلف ليقابل صديقه
....................
في ركن آخر من الجامعة
كانت كارما تسير بانفعال و بجانبها
:يارا تحاول تهدئتها
-يارا:خلاص، اهدي يا كارما، مفيش حاجة تستاهل كل ده
-كارما بنبرة غاضبة مرتفعة:يعني طردنا قدام كل الناس و بهدلنا،و
؟!تقوليلي مفيش حاجة حصلت
-يارا بهدوء:يعني احنا أول ولا آخر ناس يتطردوا؟، اهدي بقى،و خلينا نشوف باقي المحاضرات اللي عندنا
-كارما بإصرار:لا،هو ماطردش باقي الناس اللي اتكلمت،هو طردنا احنا بس عشان اشتكناه قبل كده،
-يارا و هي تتنهد:يا بنتي فوكك منه و تعالي نحضر باقي المحاضرات...هو عنده نقص أصلاً
-كارما:لا،أنا مش هاحضر حاجة تاني
،أنا هاروح.عايزة تحضري؟ احضري انتِ
-يارا:لأ خلاص،هاجي معاكي، مش هسيبك كده لوحدك
اتجه الفتاتان نحو باب الكلية معاً،و كانت كارما تبحث داخل حقيبة يدها عن هاتفها لتهاتف والدتها،بينما كان سيف في الجهة المقابلة يمسك بهاتفه
،يتحدث مع ياسر ليسأله إن كانوا ما زالوا في الكافتيريا أم لا،ليذهب إليهم
.بعد أن أنهى لقائه مع صديقه
بينما كانت كارما منشغلة بتفقد حقيبتها،كان سيف منشغلاً بمكالمته فلم ينتبه إلى تلك الفتاة التي اندفعت
.نحوه بخطى متسارعة