وصاح بابا بعصبيه وانداريت شفت بيده صونده وصاح تعااااااي بعياط ....
كمت ابجي واجيت يمه لزمني من ايدي واخواني وامي صاحو لاتضربها تموت...
هوه كال لا ماضربها على راسها بس على جسمها اريد أدبها...شلون تكصين ايدج وركبتج وطب بالصونده..
وكمت اصرخ كتله كصيتها لان تعبت الله واكبر عليكم حتى انتحار متخلوني انتحر...
وكام يضرب واخواني وامي كامو يلزمون بي واعيط اعيط وهوه يكول حتى يكولون الناس حبيبها خاينها وانتحرت مووو اني اربيج يا كح...وطب
انتهيت بين ايده واصرخ وكمت مأحس بالالم يضرب واحس جسمي مدمن عل كتل
هوه يضرب يكول تعيديها ويضرب واني ساكته بس دموعي تشرح المي صرت جثه حتى اخواني المعدهم رحمه انقهرو عليه
والله من داحجيلكم قصتي اني انقهرت على نفسي اوووف حالتي تبجي الصخر....
بابا يضرب واني جثه ماتحرك يكول احجيييييييي تعيدها لو لا ويضرب مثل النار واني من الكتل
اباوع عل حايط كمت اضحك بكل قوتي دموعي بعيوني مسحتهن وكعدت اضحك واضحك بهستيريا وهوه انصدم وكف مضربني واخواني وامي انصدمو
كالو البنيه اتخبلت وامي صرخت يمه بنيتيييي وتبجي واجتي حضنتني وشافت راسي دينزف عاطت امي واخواني اخذوني للمستشفى...
كالو الدكاتره ودوها على دكتور نفسي لان هاي تعبانه نفسيته ...
واخذوني على دكتور نفسي واني اضحك وماحجي ويا اي احد وغامضه ومأتألم اذا ضربوني...
وطبيت للدكتور النفسي عافوني بس اني ويا...
كال عمو اشكيلي شكو بكلبج اعتبري نفسي كدام مرايه...
كتله تعبت تعبت من الضرب والالم وبجيت ومن شكد مضربوني صرت مخبله وكمت اضحك لوحدي وراحو كتلو اختي ب٣ طلقات كدام عيوني
وخسرت روحي وياها وضربوني حيل وميخلوني اطلع وبطلوني من المدرسه وانتحرت وعاقبوني بالضرب لان انتحرت وكمت اشهك تعبت تعبت..
محد يحس بيه
كال الله واكبر انتي تحتاجين راحه ميصير هيج روحي اشتكي بل شرطه
اذا ديسون بيج هيج كتله لا ماكدر مستحيل
كال يا بنتي احسن حل تبتعدين عنهم وهسه لازم انطيج هاي الادويه لازم تشربيها وابتعدي عن الي يأذوج وانشالله تصيرين زينه
وطلعت وطبو همه كال الدكتور لازم ترتاح اذا بقت هيج ممكن تتخبل او تفقد الذاكره او يصير عدها انفصام شخصيه...لازم تنتبهولها
اني سمعت هيج انقهرت وودوني للبيت اول مطبينه طلع ابويه من الغرفه وكال وين جنتو كالت امي يم الدكتور النفسي...
ورحت بغرفة اخواني لان امي مقبلت اروح لغرفتي كالت اكعدي يمهم لما ننقلج الغرفه...ف صعدت يمهم ...دكيت الباب دخلت جوه..يباوعولي بنضرة الشفقه..
احمد : هلا بالمخبله وكالهم ضحكوو وكامو ييصحولي مخبله تف
تتفف عليج يا مخبله حسيت نفسي عدوتهم مادري ليش يكرهوني كمت ابجي احمد كال لااا بجت العار مال اختهاا...
اني كتله انته العار اختي ماكو اشرف منها...
وكاملي ديضربني بس لزمو اخواني كالو يلا اطلعي بره ترا اندكج دك...
طلعت ركض لحضن امي شبكتها حييل وكتلها..كالت يلا عمري لتهتميلهم روحي بغرفتج الجديده...
رحتلها شفتها مسويتها حلوه عجبتني فتحت السبلت وقفلت الباب ورحت دنأم ضليت اتكلب بالفراش وابجي على نور واتذكرها وبجيت لما غفيت....
كعدت طبيت سبحت باوعت بالمرايه عيوني منفوخه...
بس راسي خفت اغسله لان حيل يوجعني المهم وطلعت لبست تراك اخضر ...وضفرت شعري بس جسمي من الضرب يخوف مشوه يوجعني...اول من طلعت ..
امي سوتلي ريوك وكعدو اخواني وبابا انهزمت بغرفتي...وسديت الباب وسمعته يصيح يكول وين العااااار خل تجي تنضف وتسوي ريوك امي صاحتلي ونزلت...
شفتها تتوسل بي علمود ميضربني...كال تعاااي اجيت يمه ولزمني من اذاني وكال نضفي البيت وسوي اكل عسريييييع...
ورحت انضف واني مريضه...دخت ووكعت بالكاع ارفس ماكدر اتنفس...امي كامت تركض تجيب الادويه...شربتهن وصرت احسن وامي كالت روحي سوي الاكل واني انضف ...
ومشت الايام وصارت 2010/12/22 يعني راس السنه كولش قريب وهنا بدت المصايب..
امنيتي جانت اني ونور نطلع للسوق ونشتري لرأس السنه ونطلع للمولات ونفتر ابغداد ونروح لمطعم ونحتفل بكيكه بس كل امنياتي
واحلامي اتحطمت ابويه حتى من التلفزيون حارمني مادري ليش يكره البنات لهدرجه...وماما
حاجته بخصوص الطلعه...وصاح بأعلى صوته لاااا ممنوع النسوان يطلعن 🚫بس اني وولدي نطلع انتو نسوان ممنوع الطلعه
كالتله بس...صاح اشششش لاتناقشين...روحي من يمي ترا اكوم اضربج...
اني رحت قفلت الباب وكمت ابجي واشهك اااوووف...واجتي راس السنه يوم 1/1وابويه واخواني طلعو وقفلو الباب بقينه بس اني وامي بالبيت وحتى تلفزيون ماكو....
شفتهم راحو طلعت بالسطح اني وامي شفنه وكرستينا (بزونتي)وشفنه هوسه والدنيا شاعله وكله تضرب طلق ناري اني كمت ابجي واكول لامي ليش بس همه حلال يطلعون...
واحنه حرام نطلع..وابجي😭جان تصير الساعه11:59دقيقه والناس بالسطوح وبالكاع تصيح 1 2 3 4 5 وجان تصير الساعه 12:00
طبينه سنه جديده واني كمت اصرخ يا ربيييييييييييي ومحد يسمع صراخي لان شعالات والناس تضحك واني محتسره واشهك وابجيي...يتبع