رواية جحيم اهلي الفصل الخامس 5 بقلم زينب نور

طبينه سنه جديده واني كمت اصرخ يا ربيييييييييييي ومحد يسمع صراخي لان شعالات والناس تضحك واني متحصره واشهك وابجيي..

وامي حاضنتني والدينا هوسه...نزلنه جوه سمعت الباب دتندك رحت يمها صحت منوو 

جارتنه : اني عمه افتحي

شمس : عمه ماكدر افتح الباب مقفوله..تعاي من باب المطبخ

جارتنه : جايه جايه عمه..

رحت فتحتلها باب المطبخ ومسحت دموعي وغسلت وهيه طبت صحت ماما كتلها واجتي...

كالت لامي..ام احمد تعالن انتي وبنتج اطلعن اتونسن ويانه رايحين للمول..

امي كالت ياريت بس لا والله ماكدر حتى رجلي يضربني..😢

جارتنه..يااا جا شمسويات ويكتلج  خاب تعالن ويانه راس السنه وحقجن تطلعن...

اني الصراحه كاعده عل كرسي وداستمع لحجيها واني استغرب من كلاكها يعني تحجي (جا وخاب وتعالن وحقجن ومدري شنو فأستغرب😂😅)

وامي كالت لازم وحده من عدنه تبقى بالبيت..واني ماكدر اعوف شمس لوحدها...

واني كتلها لا يمه انتي روحي واني راح اصعد عل سطح ولتتأخرين...

كالت لا يمه ماكدر اعوفج لوحدج...

كتلها ههه هوه شنو تعوفيني لوحدي ترا ناس وهوسه والشارع مليان والجيران وكلها صاعده عل سطح...

واذا اجه بابا اكوله راحت دجيب كيكه من المحل الي بصفنه...

كالت لا يمه واذا اكو ناس بس اني انقهر عليج ماكدر اعوفج..

كتلها اهوووو ماما لتلحين رووحي اتونسي وتعاي وبعدين اني اروح ويا جيرانه اشوف الفرع والشعالات واجي...شبيج ماما كبرتيها روحي وتعاي بسرعه حتى انتي تبقين واني اروح...

كالت الله كريم يلا يمه اروح اشوف هاذا المول البصفنه واجي بسرعه واجيبلج حلويات وكيك حتى نحتفل...ديري بالج على نفسج عمري...بوستها ورحت ويا جيرانه..

اني بقيت لوحدي وماما راحت وبيقت انتضرها وكعدت اكول فواكه وصعدت انطيت لحم لكرستينا بالسطح....وانتضرت ماما تقريبا لمدة ساعه ومجتي خفت عليها...

وكلت هسه بابا يجي ويكول وينها اوويلي شأكوله..

وضليت افكر اني وكرستين بحضني..لما صارت الساعه 2م سمعت صوت

قوي مال انفجار...البيت كوله انرج حسيت صار زلزال  والشبابيك انهزت تقريبا البيت ضل يرج لمدة 6   ثواني واني صرخت شفت..

دخان جاي من المول الراحتله ماما...والناس كامت تصرخ وتعيط...وشفت حريق وسيارات اطفاء كمت...

اصراخ كلت لاااا بس لا ماما ماتت عفت كرستين

ونزلت ركض مثل المخبله لبست عبايه وطلعت اركض واشوف شصاير..كمت اسئل طلع واحد انتحاري داخل للمول ومفجره...والنار حاصره الناس وميتين...

                                  

              

                    

واكو ناس طفرو من المول من الطابق الاخير حتى ميحتركون...بس ماتو...

وصارت هوسه والتمت الناس واجتي الشرطه وسيارات الاطفاء...كمت اصرخ وابجي بس محد يسمع صراخي لان اكو هوااي ناس مثلي يصرخون...

(حادثه المول حقيقيه تكدر تبحثون عليها صارت ابغداد وبمول مشهور مثل مول منصور وكول الوصفته حقيقي بدون اضافه او حذف)

واني صرت مثل المخبله ادور واصرخ ماما وينج وافتر بينهم وورى دقايق جان اشوف بابا واخواني...بابا اجه ضربني راشدي وكام يصيح ويكول وين امج ليش طالعين..

كتله...بابا ماما راحت دجيب حلويات بهاذا المول وانفجر...وهيه مادري وينها...

من كلت هيج هجم عليه ووكعت وضل يضرب بيه واجوي اخواني وخرو مني واني خشمي كام يطلع دم لان ضربني بوكس قوي ويكول مو كتلكم متطلعووووووووون(بصراخ)

كتله بابا مطلعنه بس اني جبرتها علمود تروح😭

وصار مثل المخبل يدور على ماما وكال للشرطه...

وكالوله الطبو بهاذا المول ولا واحد نجى بي..كولهم ماتو حرق...

وبابا كام يعيط...وراح يشرب جكاير...وكال ماتتتتت ويصيح مقهور...

واخواني كامو يبجون واني بس اصرخ واكول مامااااااااا احبج لتعوفيني وين اروح من دونج واشهك بوجع واجى الشرطي..

عباله مره كاعده تبجي لان لابسه عبايه بس باوعت بعيونه شافني بنيه صغيره...وكال عموو ليش انتي هنا..كتله ماما جوه وأأشر للمول المحروك...واشهك

كال انا الله واليه راجعون...الله يرحمها عمو ليش خشمج بي دم كومي عمو ويايه اعالجج...

كتله لا عمو شكرا ودروح للبيت شفتهم طلعو جثث محروقه...وهاذا الموقف مستحيل انسى وكل ليله احلم بكوابيس بسبب هل موقف...حسيت السماء 

والارض موسعتني من حزني وكمت اضرب على صدري...واصرخ

واني امي ممكن تكون وحده من هل جثث وكمت اصراخ حيل (مامااااااااااااااا)اجوي اخواني سحلوني للبيت واني نفسي انكطع اختنكت من شفت هيج واجه بابا ضربني ضربه...

كطع انفاسي وصوتي وكولشي...وكمت اشهك اريد اتنفس ماكو نفس اختنكت واشهك ماكو نفس يالله حتى طلعت الاورده والشرايين مالتي على ركبتي  وصار وجهي وركبتي لونها احمر دم ..

واشهك بس ماكو نفس ولا صوت حتى ماكدر ابجي...وفجأة اغمى عليه...

كعدت لكيت نفسي بالمستشفى والمستشفى هوسه واني نايمه والاجهزه بخشمي وبحلكي واني وحدي بغرفه...وانداريت للشباك شفتهم ديعيطون وديجيبون جثث محروقه...

واتذكرت وكمت اصرخ على ماما وابجي ووخرت الاوكسجين مني بس رجعته لان  اختنكت مكدرت اتنفس...وبقيت ابجي وابجي لما طلع الفجر والدنيا هوسه...

اجه اخويه حسام وهوه احسن اخواني..وشافني ابجي انقهر عليه...وهاي اول مره هيج اشوفه منقهر عليه...مسح على راسي وطلع...اني بقيت افكر بأمي وابجي واشهك واريد اصرخ بس اختنك وينكطع نفسي..

ف ماكدر...صار الفجر واني محد يمي احس نفسي صرت يتيمه...مر اسبوع تقريبا او اقل وطلعت من المستشفى...اجيت ويا اخويه حسام..شفت بالبيت مسوين فاتحه لامي...

طبيت للبيت اختنكت صارت بيه غصه...يعني شلون افقد حياتي وافقد روحي وافقد الحنان بلحضه واني بحضن بيبي واشكي وابجي واشهك...واكول بيبي ماما اتعذبت من احتركت....بشهكه...

وابجي وابجي حتى مسولها قبر لان جثتها ماكو صايره رماد....

مر شهر صار2011/2/1 وانكتل وانضرب وحتى صار بيه امراض من شكد ميكتل بيه بابا..وكليوم انضرب واروح للمستشفى وانزف دم...

واني بعدني ابجي على امي ونور اصعب شي بالحياة اخسر 2 اشخاص اعشقهم وبنفس الوقت احير عليمن ابجي...

وصار بيه ضعف بعيوني وكمت البس نضاره لان هوواي جنت ابجي وعيوني تحترك...

واجه عيد ميلادي صار عمري 2011/6/25 صار عمري 14

ف صعدت فوك عل سطح وجنت احجي ويا كرستين على عيد ميلادي ومقهوره....لكيت بابا موجود كال هاي شدسوين هنا صاعده شعندج ولج عالسطح ويامن دتحجين...

كمت ابجي عرفت راح يأذني...كتله لا بابا فدوه والله صعدت  دحجي ويا بزونتي...وضربني راشدي...كال لتجذبين...ولج طالعه عالسطوح علمود تشوفين ولد مثل اختج ....موو حتى تصيرين عارر مو ولج بصراخ..

وسحلني جوه بالبيت...وكسر نضاراتي...وكام يعيط كال شدسوين عالسطح...واني احلفله اشوف بزونتي...وبكلبي اكول اني نيتي نيت طفل وهوه عباله رايحه اشوف ولد...

...وكال بعد متصعدين فوك بنت الكح...بعياط ونزع حزامه....يتبع

                الفصل السادس من هنا