ه علي خلق ودين قمة في الجمال والاحترام وبعد رجوعها من اخر امتحان فى اخر سنه في كلية تجاره بتدخل البيت وهي في قمة سعادتها
فاطمه ......... حمدالله بالسلامه ياروح عملتي ايه في الامتحان
روح .......... الحمد لله يا ماما ما سبتش سؤال واحد جاوبت علي كل الاسئله
فاطمه ........ ربنا يوفقك يا بنتي غيري لبسك وتعالي بابا عايزك
روح ........ حاضر يا ماما
محمود .......... روح فين يا فاطمه
فاطمه .......... هتغير لبسها و تيجي
روح ........ السلام عليكم
محمود ........ وعليكم السلام ورحمة الله وبركاته
روح ......... حضرتك عايزني يا بابا
محمود ........... ايوه يا بنتي انتي خلصتى الجامعه وبصراحه البنات الي في سنك اتجوز من سنين و معاهم اولاد وعادل اتقدم لك تاني وانا وافقت
روح ......... وفقت ازاي يا بابا مش هو ده عادل الي انت قولت عليه انو ابن امه وانو صايع ازي وافقت دلوقت
محمود ........ ربنا كرمه وسافر وعمل قرشين كويسين وانا عايز ايه غير اني اطمن عليكي
روح ........ ده جاهل يا بابا ازي نفهم بعض
محمود ....... هو انتي عشان دخلتي الجامعه تتريقي علي خلق ربنا
روح ........ لا يا بابا بس ده شخصيته وحشه وضعيفه
محمود .......... الكلام خلص ياروح انا اديته كلمه والجواز الاسبوع الي جاي فاطمه شوفي ايه الي ناقص في الجهاز عشان نجيبه
فاطمه ......... حاضر يا محمود
روح ....... دخلت اوضتها وهي تبكي
فاطمه ........ في ايه ياروح مالك
روح ......... يعني انتي مش عارفه مالي يا ماما ازي ترموني الرميه دي
فاطمه ........ الجواز ستره يا بنتي و ضل راجل ولا ضل حيطه
روح ......... انتو كده دمرتوا حياتي
فاطمه ........ هي ام الجامعه دي الي بوظة دماغك الموضوع ده اتقفل ومش عايزه اسمع كلام تاني فاهمه ولا يكون في حد لف دماغك
روح ....... لف دماغي ليه انا طفله قدامك بس من حقي اختار شريك حياتي
فاطمه ...... الله الله و تحبي كمان انتي اتجننتى وعايزه تفضحينا
روح ......... افضحكم ايه ده حقي الي الدين والعرف ادهوني انا مش هسامحكم طول عمري
فاطمه ........ الكلام خلص ابوكى يعرف مصلحتك اكتر منك
.روح لم تجد نتيجه من الكلام ومع الضغط استسلمت لقدرها وهي ترى احلامها تضيع اما عينها ولا تستطيع الدفاع عن ابسط حقوقها وهو اختيار شريك حياتها ومرت الايام وتزوجت روح واول ما دخلت البيت .......
عادل ........ البيت ليه نظام هنا وست البيت هي امي الحاجه فتحيه بوسي ايديها
روح ........ بصت له و بصت لي فتحيه وقالت في نفسها ما هي خلاص بقت زي امي و مسكت ايديها و بستها
فتحيه ....... ايوه كده شكلي هحبك مش عايزاكى تعملي اي حاجه غير بي اذني فاهمه يا روح
روح ....... حاضر يا ماما
فتحيه ....... يلا علي اوضتكم
عادل ........ اتفضلي يا عروسه برجلك اليمين
روح ......... دخلت وزي ما تكون بتدخل سجن بس عشان متدينه قرارت انها تراعي ربنا فيه وعدا شهرين وتعبت روح وراحت كشفت
الدكتوره ........ مبروك يا روح انتي حامل
روح ......... الله يبارك فيكي يا دكتوره
عادل ......... ولد يا دكتوره صح
الدكتوره ........ لسا بدري علي الكلام ده وبعدين كل الي يجيبوا ربنا كويس
فتحيه ........ لا هو ولد انا ابني مش يخلف غير ولاد
الدكتوره ........ ايه كلام المتخلفين ده اتقي الله يا ست انتي هو ابنك الي بيجيب ولا ربنا اتفضلوا لو سمحتو بره عايزه المريضه لوحدها
فتحيه ....... ماشي يا دكتوره و طلعوا بره
الدكتوره ....... ما تهتميش بكلامهم يا بنتي الي يجيبوا ربنا كله كويس
روح ....... اكيد يا دكتوره ده فضل ونعمه وما تاخديش علي كلامهم
الدكتوره ....... ربنا يحفظك يا بنتي تاخدي العلاج ده و تجيني كل شهر
روح ......... حاضر يا دكتوره بعد اذنك
عادل ........ براحه يا ام الواد
ولمدة شهرين واكتر و روح عايشه في دلع ورفاهية ومش بيخلوها تعمل حاجه في البيت لحد ما راحو ميعاده الكشف عشان يعرفوا نوع الجنين ......
الدكتوره ....... بنوته وصحتها حلوه
عادل ........ انتي بتقولي ايه
فتحيه ......... اتأكدى يا دكتوره
الدكتوره ....... بقولكم بنت
روح .......كانت مبسوطه اووي
.وعادل وامه كانو زي ما يكون حد ميت عندهم وفضلوا ساكتين لحد ما وصلو البيت ......
فتحيه ........ انتي رايحه فين
روح ....... رايحه اوضتي يا ماما
فتحيه ........ اوضتك ايه يا ام البت عايزاكى تقلبي البيت كله عايزاه يبرق فاهمه
روح فهمت انها تعيش العذاب الوان وشهر بالظبط وتجوز وحده غيرها وكانت عايشه زي الخدامه وكل ما تكلم باباها وامها يقولوا لها استحملي احسن ما تبقي مطلقه وضل راجل ولا ضل حيطه .......
عادل .......... يا امل انا الكلمه هنا لي امي فاهمه
امل ........ لا يا حبيبي انا طلباتي تجيني بدل ما قول لي بابا وانت عارفه ممكن يعمل ايه
فتحيه ........ واحنا نقدر ما انا زي مامتك يا امل
امل ......... ماشي يا حماتي يلا يا عريس الغفله مش كفايه اني اتجوزتك علي ضره
روح ....... مبروك يا امل
امل ....... هي دي ام البنت الله يبارك فيكي وياريت تجهزي الاكل بسرعه
روح ....... بتقولي ايه
فتحيه ....... انتي ما سمعتيش
روح ........... سمعت يا ماما حاضر
امل ......... بتضحك لا شكلك عرفتي تروضيها يا حماتي يلا يا بعلي
روح ......... دخلت المطبخ بتبكي و جهزت الاكل وفضلت لحد يوم ولدتها وهي متمرمطه في البيت و اوامر من فتحيه وامل وعادل لحد ما في يوم قامت من النوم وهي تصرخ
امل ...... ايه الصداع ده علي الصبح قوم شوف المنحوسه دي مالها
عادل ....... نامي وسيبك منها
فتحيه ...... في ايه بطلي صريخ
روح ........شكلي هولد دلوقت
فتحيه ........ طاب كويس بس مش عايزه اسمع صوتك يا منحوسه
روح ........ انصدمت
(خالة روح كانت ساكنه جنبها وسمعت صوت روح وجت جري)
ليلي ........ بتخبط علي الباب
فتحيه ....... مين الي هيجي من الفجر كده وفتحت
ليلي ....... هي روح بتصرخ ليه
فتحيه ....... شكلها هتجيب لنا النحس النهارده
ليلي ........ نحس لما يأخذك يا مره يا ......... و ذقتها ودخلت
روح ........ هموت يا خالتي
ليلي ........ ان شاء الله هما الي يموتوا
فتحيه ...... انا محترماكي عشان انتي في بيتي
ليلي ........ انتي تعرفي ايه عن الاحترام ده انتي يا يهوديه
امل ...... مين انتي عشان تدخلي هنا
ليلي ...... انا خالتها يا بنت رد السجون غوري من وشي
روح ...... مش قادره يا خالتو
ليلي ........ طلبت الاسعاف ونقلوا روح علي المستشفي
فاطمه ....... طمنيني يا ليلي
ليلي ....... اطمنك يا مفتريه منك لله انتي وجوزك
محمود ....... فيه ايه يا ليلي
ليلي ....... البنت كانت بتموت وكلهم سيبنها دي جوازه تجاوزها للبنت حسابنا بعد ما تقوم بالسلامه
الدكتوره ........ بسم الله ما شاء الله بنت زي القمر
ليلي ....... بسم الله الرحمن الرحيم قمر زي امها واذنة في ودنها