ليلي ......... دخلت علي روح والبنت الصغيره في ايديها حمدالله بالسلامه يا بنتي
روح ......... الله يسلمك يا خالتو
ليلي ......... خدي بنتك طالعه زي القمر زيك
روح ........ بسم الله ما شاء الله
محمود ....... حمدالله بالسلامه يا روح
روح ......... الله يسلمك يا بابا
فاطمه ....... البنت حته منك
روح .......... شكرا يا ماما
فاطمه ........ انتي بتكلمينا كده ليه انتي حتي مش عايزه تبصى علينا
روح ........... لسا بتسالو رمتوني رميت الكلاب لواحد انا مش عايزاه وما فيش اي تكافئ بينا مرمطني هو وامه وكانوا مشغليني خدامه و حتي ما فيش كلمك كويسه وما كملتش ٦ شهور واتجوز عليا عشان كنت حامل في بنت ما هو معذور ميعرفش أن ده رزق من ربنا وكل ما اجلكم زعلانه ترجعوني و يمرمطوني اكتر كل ده ولسا بتسالي
محمود ........ كل البيوت كده كلها مشاكل والناس تتحمل ولا عايزه تطلقي و تقعدي جنبنا احنا عايزين مصلحتك
روح .....مصلحتي انا اعرفها ومن دلوقت مش هسمح لحد يدخل في حياتي
فاطمه ........ قصدك ايه
روح ......... يعني انا مش هرجع للزفت ده تاني عشان بنتي كمان تتظلم
محمود .......... وايه كمان يا ست هانم
روح .......... و هشتغل عشان ما حدش يتحكم فيا
محمود ......... فيه اوامر تانيه
روح ......... انت ليه يا بابا شايفنى غلط انا بنتكم و اتظلمت مره ومليون بسببكم وسكت بس انا مش هسمح لبنتي تتظلم وبنت تاجر المخدرات تتحكم فيها زي ما كانت متحكمه فيا انا خلاص و بسببكم روح القديمه ماتت ومع ولادة بنتي اتولدت روح جديده مش هتسكت علي الظلم
محمود .......... انا مش هرد عليكي دلوقت عشان انتي تعبانه
ليلي ........ لا دلوقت ولا بعدين يا محمود روح هتقعد معايا لحد ما تطلق
فاطمه ....... انتي عايزه تخربي علي البت
ليلي .......... البت انتي الي خربتي عليها لما جوزتيها غصب عنها مش معقول تكوني ام
فاطمه ......... بصت في الارض
محمود ........ لا هي تروح معانا واحنا نشوف الموضوع ده
روح .......... لا يا بابا انا ما ليش مكان في بيت ما فيش حد فيه يفكر في كرامتي انا هروح مع خالتي
محمود .......... لا مستحيل انتي عايزه الناس تقول علينا ايه
ليلي .......... كل الي يهمك الناس وبس اما بنتك تتحرق انتي اكيد اتجننتو
محمود ........ وانتي مالك بينا ما طول عمرك وانتي في حالك واحنا في حالنا
ليلي ..........لما اشوف بنت اختي الي هي زي بنتي مرميه تصرخ وكلهم سيبنها عشان بس حامل في بنت يبقا لازم اتكلم واقسم بالله روح لو ما طلعت من هنا علي بيتي لا احبسكم كلكم زي ما حبست البلطجي الي اتعدى عليك ولا نسيت
محمود ........ ما نستش وعارف اني كل السيدات اللي متزوجين المستشارين والقضاه كلهم ما بيلبسوش غير من تفصيلك وكلهم يتمنوا يخدموكي بس انا مش عدو روح انا ابوها يا ليلي
ليلي .......... لو انت ابوها بجد يبقا اقف جنب بنتك وهات حقها
محمود ......... بين الراجل ومراته ما فيش حقوق
ليلي .......... كلامك صح بين الرجل وخد بالك الراجل اما ده مش راجل ولا يتحسب علي صنف الرجاله
محمود ....... طاب والنهايه ايه
ليلي ......... روح هتروح معايا ولما تعرفوا غلطكم ابقوا تعالوا خذوها
محمود ......... احنا ما غلطناش عشان نعرف غلطنا
ليلي .......... يبقا الكلام خلص
فاطمه ......... خلاص يا محمود مهو بيت خالتها بيتها بردو
محمود ......... يلا بينا يا فاطمه
فاطمه ........... يلا
محمود .......... وبعدين في اختك دي
فاطمه ......... ما انت عارف دماغها جزمه قديمه و خسرتك ليها هضرك مش تنفعك وهي ياما وقفت معانا وفي الاخر هي خالة روح وبصراحه كلامها صح احنا مكنش المفروض نجوز روح غصب عنها
محمود ......... حتي انتي يا فاطمه
فاطمه ...... بالعقل يا محمود الواد احنا عارفين من الاول اني امه هي المتحكمه في كل حاجه يعني كاننا جوزنا. البت ليه هو وامه
محمود ......... والعمل ايه
فاطمه .......... سبهم منهم لي ليلي وهي هتجيب حق البت
محمود .......... مش عارف اقولك ايه
فاطمه ......... لا إله إلا الله
محمود ......... محمد رسول الله
ليلي .......... يلا يا حبيبتي نروح
روح ......... يلا يا خالتو بس انا مش عايزه اجبلك مشاكل
ليلي ......... ايه الي بتقوليه ده انا من اول عمك ما مات وانا عايشه لوحدي بكلم الحيطان والشبابيك ده انتي تنوري البيت عليا
روح ....... ربنا ما يحرمني منك يا خالتو
ليلي ......... ولا منك يا حبيبتي
روح ...... بيتك جميل يا خالتو
ليلي .......... ولسا يزيد جمال بوجودك خدي راحتك وانا هعمل لقمه عشان تقومي كده و تشدي حيلك
روح ....... تسلمي يارب والاكل يجنن
ليلي ........ تفكري تعملي ايه يا بنتي
روح ......... انا متخرجه من كلية التجاره بتقدير امتياز وجاني جواب تعيين معيده بس عادل رفض و الفرصه ضاعت عليا
ليلي ....... ربنا موجود يا بنتي وان شاء الله يكرمك ويوقف معاكي
روح ....... ان شاء الله
ليلي ........ انا الحمد لله مستوره و فلوسي هي فلوسك ولا عندي ولد ولا بنت انتي دلوقت بنتي وكل حاجه ليا فمش عايزاكى تعملي فرق بينا
روح ....... خالتو عشان خاطري سبيني براحتي انا هنزل ادور علي شغل
ليلي ....... شغل وانا موجوده
روح ......... ربنا يحفظك ليا يا خالتو بس انا عايزه احقق ذاتي عشان خاطري ما تقفيش في طريقي
ليلي ....... موافقه بس بشرط
روح ......... شرط ايه
ليلي ........ تدورى على شغل بس بعد ما تربعاني وما فيش مناقشه
روح ........ حاضر يا خالتو
امل ........ انت يا سبع الرجال البيت بيضرب يقلب مش تروح تجيب روح خليها تنظف البيت بدل المنظر ده
عادل ......... نسيبها كام يوم اكيد تعبانه
فتحيه ........ ما فيش حاجه اسمها تعبانه تيجي وتشتغل
عادل ........ حاضر هروح لي ابوها و اجيبها
فاطمه ....... محمود الباب بيخبط شوف مين
محمود ......... فاتح مين عادل اتفضل
عادل ......... شكرا يا عمي
محمود ......... خير
عادل ........ عايز مراتي يا عمي
محمود ........ انت واخد البنت عشان تشغلها خدامه ليك انت ومراتك الجديده وامك
عادل ........ هي خدمة الست لجوزها وبيتها بقيت يتقال عليها خدامه وبعدين انا لما جيت وانت طلبت مني مهر ما حدش دفعه قبل كده انا اتكلمت معاك في حاجه
محمود ........ قصدك ايه
عادل ........ قصدي روح دي مراتي و بتخدم بيتها ويلا عشان مش فاضي
محمود .......... مراتك عند خالتها
عادل ......... ازي من غير ما اعرف هي ملهاش راجل
محمود ......... انا سالتها نفس السؤال عارف قالتلي ايه
عادل ......... ايه
محمود ......... قالتلي انك مش راجل ونزل رجلك وانت قاعد قدامي وانا الي كنت بدافع عنك طلعت كلب ولا تستاهل وفعلا انا أطلقها منك
عادل ......... ده لما تشوف حلمة ودنك روح مراتي و هروح اخذها من عند خالتها بالجزمه
محمود ......... ضربه بالقلم اطلع بره يا كلب
عادل .......... انا هدفعك تمن القلم ده
فاطمه ......... شكلنا فعلآ غلطنا
محمود ........... ايوه ياريتني ما جوزتها غصب عنها رني علي ليلي وقولي لها عشان دول بلطجيه وممكن يعملوا اي حاجه وانا هروح ومش اخلي حد يلمس روح
فاطمه .......... رنة علي ليلي
ليلي ........ السلام عليكم
فاطمه ........ وعليكم السلام ورحمة الله وبركاته اللي ما يتسماش كان هنا وقال انه هياخد روح بالعافيه من عندك
ليلي ......... ما تقلقيش انا هتصرف
فاطمه ......... ومحمود جايلك
محمود .......... دخل المطبخ واخد سكينه و خباها في هدومه ونزل علي طول
امل ........... امال فين الزفته ولا جايه وراك
عادل .......... الهانم عند خالتها جنبنا واحنا ما نعرفش و ابوها عايز يطلقها و ضربني بالقلم
فتحيه ......... يلا بينا نجيبها من شعرها
عادل .......... طالع هو وامه ومراته وراحوا لبيت ليلي و بيخبطو عليها
روح ........ هنعمل ايه يا خالتي
ليلي ........ متخافيش انا كلمت حرم معالي المستشار و هتبعت الشرطه وانا اعلمهم درس مش هينسوه
محمود ........ جاي من وراه و بيقرب منهم و بيطلع السكينه عشان يضرب عادل
ليلي ......... بتفتح الباب