رواية بينهما الفصل السابع عشر 17 بقلم ال زهراء
ميسم جات وقالت ليهن كنتن قاعدات تعملن ليها في شنو نحن سمعن ضحكاتكن بحمد ربي اني نسيت هنا دواء امي!!!، وبحمد ربي انو همام يادوب عرف شرك!!!، همام جاء والشرار في عيونو وكفت وفاق وشالني طوالي وقال ليها لمن اجي بعديين القاك ماف هنا وانتي طالق!!، وفاق بقت مصدومة والدموع جرن منها ،وداني العربية بقيت بنزف قولت يا رب ما افقدو لمن وصلنا المستشفى طوالي دخلوني عمليه اجهاض ،كنت مخلوعة ومصدومة شديد وما قادرة استوعب البحصل بقييت اصرخ واقول لا يا همام اكيد في حل تاني ليه نجهضو قول ليهم حاولو اتحكمو في النزيف ولا اعملو لي اي حاجة عليك الله ،همام مسك يدي وقال لي اهم حاجة صحتك الطفل بتعوض وتاني طلعوهو.
لمن صحصحت بقييت ابكي بكاء شديد!! وخشيت في حالة اكتئاب في النهاية هو جزو منيي، همام دا ما عرف يعمل لي شنو فقعد جنبي ومسك يدي وقال لي ربنا يجعلو خلف لينا، بعدت يدو وقولت ليهو بصريخ كلو منك، انا كلمتك بوفاق وامورها وقولت ليك حا تندم يا همام وما سمعت لي شوفت بسببك خسرنا الطفل ،هي كعبة شديد قبيل كانت عايزة تحرقني يا همام وانت بس كل همك هي، واسي خسرت ولدي بسببك وبسببها ما عايزة اشوفك نهاي اطلع من هنا، قال لي نرجس ما حا اقدر اطلع ،قولت ليهو طيب بطلع انااا، كنت جادة في اني عايزة اطلع الدكتور جاء في اللحظة دي وبقى يفحص فيني، قال ليهو الدم حقها ضعيف محتاجة دم ،قال ليهو طيب بشوف ليهو متبرع، قال ليهو طيب انا عندي معاك كلام على انفراد، قولت ليهو انا عايزة اسمع الكلام لو بخصني، عاين لي وتاني عاين لهمام ،همام قال ليهو الأفضل اعرفو انا اول، انا قولت للدكتور عايزة اعرف ،قال لي طيب تمام، الاجهاض دة أثر على الرحم وللاسف احتمال ما يحصل حمل نهاي بس في النهاية يا نرجس قدرة رب العالمين كبيرة حا اتابع معاك حالتك دي وإن شاء الله حا اعالجك، بقييت اعاين ليهو وهو يعاين لي الدموع نزلن مني من غير أشعر!!، رقدت وغمضت عيوني كنت حاسة انو في مية سكييين مغروسة في قلبي ،بالجد الاحساس دة ما حا اتمناه حتى لعدوي،كلو منهم هم!!!، ما حا اقدر اسامح اي زول!! لا همام ولا وفاق!.
قعد فوق راسي وقال لي يا نرجس ما تبكي انا حا اوديك اي مكان عشان العلاج، عاينت ليهو وقولت ليهو انت بسس بعد مني ما عايزة اي حاجة تانية، قال لي انا عارف انك زعلانة بس انتي افهميني انا ما كنت قايل وفاق ممكن تتمادى للدرجة دي ،وفاق لا بعرفها من الليله ولا من امس عشان اصدق عنها كلام زي دة، قولت ليهو دة ما مبرر، قال لي انا ما قولت ليك اقنعيني زمان لو بس جبتي لي حاجة بتثبت كنت صدقك،المهم انا عاذرك انتي مارة بفترة صعبة ومستحيل ازعل منك!!، عاينت ليهو وغمضت عيوني بقى يربت على شعري وقال لي ربنا بعوضنا يا نرجس اوعي تتسخطي اي نعم كلام الأطباء كلام علمي بس زي ما قال الدكتور الحاجة دي بيد ربنا ولو ربنا أراد اكيد حا يجينا ولد تاني ،ما اشتغلت بيهو وقولت ليهو قوم من هنا واطلع عايزة انوم بس تعبانة.
لمن صحيت ما لقيت جنبي وحسيت بالذنب لانو انا حملتو فوق طاقتو!!سالت ميسم قالت لي ما عارفهو مشى وين ،اتصلت بيهو رد قولت ليهو بحس مرهق وين انت؟؟!، قال لي مشيت اشم هواء ،قولت ليهو الدينا برد تعال لو برة خلاص، قال لي طيب عايزة حاجة اجبيها ليك معاي، قولت ليهو تعال بس انت.
لمن جاء كان واضح انو مرهق!!، قعد قال لميسم بعد كدة انتي ارجعي ناس الوفاة ولو سمحتي ما تكلمي امي حالياً، قالت ليهَ طيب.
طلعت هو جرا كرسي وقعد قدامي قولت ليهو انا اسفة يا همام على كلامي القاسي القبيل ،انت ما عندك ذنب في الحاصل في النهاية كنت بين خيار صعب، قال لي ما تشغلي بالك بالكلام القولتيهو انا عاذرك المهم انك تكوني بخييير ،قولت ليهو انت ما تعاملني بالطريقة دي، قول لي غلطتي، كدة انااا بحس بالذنب اكتر،ضحك ومسك يدي وقال لي انسي اي حاجة اسي المهم تكوني بصحة كويسة ،انا اعمل شنو لو جاتك حاجة؟؟!، إبتسمت ليهو زح شعري لوراء وقال لي ايوا كدة إبتسمي، باسني في جبهتي وقال لي ربنا يخليك لي، قولت في نفسي مفروض اواسيهو في النهاية هو اتصدم من وفاق هو بحبها فاكيد اسي بكون زعلان شديد.
قولت ليهو همام انت اكيد زعلان من موضوع وفاق ومضايق لأنك اكتر انسانة واثق فيها بسس....، قاطعني وقال لي انا انتهيت منو موضوع وفاق وما عايز تاني سيرتو تتفتح ،قولت ليهو لا لازم اتكلم انت لو قعدت كدة حا تخش في ضغط نفسي وفاق ما انسانة عادية عندك دي كانت حب حياتك اكيد مضايق!!، قال ليي صاح مضايق بس اكتر حاجة مضايق فيها انو انا عميت بحبها لدرجة خسرت ولدي ،قولت ليهو الحب مرات يا همام بخليك تمشي لطريق ما كنت عايز تمشيهو مثلا في بنات بنتحرن بس عشان ما اتزوجن البحبوهم ،وفي اولاد بجنو عشان بنات خلنهم وفي بنات وأولاد بهربو وبخلو اهلهم محسرون ،وفيي بنات بنغشن بدافع الحب وفي النهاية بلقن نفسهن خسرن دنيتهن واخرتهن وفي اطفال جو في الدنيا دي بسبب ما يسمى الحب وفي النهاية اتجدعو في الشوارع ولا يودهم الميتم.
سكتا حبة وتابعت الحب سمح يا همام ما اكذب بس يكون حب في حدود وما يخالف الشرع ولا يفقد الأنسان المنطق ويخليهو يعمل اي حاجة في سبيل ارضاء المحبوب!.
الحب الحقيقي انو توري حبيبك اغلاطو وتهديهو للصاح ،ما انك تتغاضى عنو، انت في فترة من الفترات كان معمول ليك سحر عشان كدة بقييت معادي لأهلك وبتطيع مرتك طاعة عمياء بس بعد فك منك!!! ما كنت قادر تصدق انك كان معمول ليك، ودة كلو بسبب حبك ليها، قال لي يا نرجس كيف انا أصدق، كلام زي دة ما بخش العقل، فتحت ليهو مجموعة اسمها توبة من السحر قولت ليهو بتعرف شيخ طارق اللبيب هو مرة اتكلم عن الحاجة دي!!، اتكلم عن سحر المحبة واتكلم عن سحر كرة الاهل واتكلم عن اسحار كتيرة منها سحر التفريق وسحر التعطيل،قال لي طيب جيبي النشوف شاف انواع السحر!! واحدة واحدة وقال لي دة هو!!، قولت ليهو اي، قال لي كل الأعراض دي عندي كانت، قولت ليهو يلا انا موش كلمتك!!، المهم انا رقيت ليك وحتى خليتك تتداوم على رقية من غير ما تعرف وكلو بس عشان عايزة انقذك ،انت كنت خسرت كل البتحبهم بسببها هي بس لو فهمت انك بتحبها من غير ما تعمل الحاجات الفارقة دي ،التملك ما كويس!! وهي مهووسة بأنها تخليك ليها وبس، بتعرف عدم ولادتها ما عقم! دا بسبب الدجل في النهاية كل حاجة بمقابل واي زول عمل سحر لزول وعذبو رجع فيهو وباكعب صورة يا كانسرات ولا ابتلاء في اولادو ولا اهلو ،ربنا كريم وبجازي الزول حسب العملو، قال لي انا بديت اقتنع بقى يقرأ في حالات في القروب، قال لي الزول يتعالج كيف، قولت ليهو في مركز رقية حا تتابع معاهو هو السحر فك بس نحن عايزين نزحو كلو كلو عشان لو في يوم نسيت تتحصن ما يرجع ليك.
في اليوم التاني جيت البيت وهو طوالي لملم عفش وفاق ولقى فيهو ورق كتير انا طوالي جيت شلتو قولت ليهو دي كتابة كان مكتوب فيهو تدمير خراب! ودا كلو لي انا، بس انا الحمد لله محصنة نفسي!!.
______________________________
بلسان همام
شلت كل العفش ووديتو بيتهم!!!، وفاق لقيتها قاعدة مما جات بقت تبكي وتقول لي اديني فرصة ،قولت ولا نص فرصة ماف ليك، بعد خسرت الجنين ،وبعد عرفت حقيقتك ياخ انا كنت بحبك من غير اي حاجة ليه بس تمشي للدجالين عشان تكتبيني وتبعديني من اهلي امي دي عندها غيري منو؟؟!، وانا قصرت معاك في شنو عشان تعملي كل العمايل دي، مسكت يدها وقولت ليها ما تقربي تاني مني، ولو بس حاولتي تمشي لي للدجال وقسما بالله اضبحك وانتهي منك وانا حذرتك، خافت خوف شديد وقالت لي ليه تصدق كل الحاجات....، قاطعتها وقولت ليها لانو انا لقيت الدليل الليله بعيني. انخلعت خلعة شديد وقعدت في الكرسي وقالت لي كنت شغال باهلك اكتر مني موش بعد العرس مفروض تهتم بي انا براي، قولت ليها انا متين ما اهتميت بيك وثم ثانيا الفترة دي مظفر لسه ما كان عندو شغل، وامي واخواتي كانن محتاجات، قالت لي ياخ كل قعادك كان بهناك معاهن خليهن القروش،قولت ليها لااا انا كنت بديك معظم وقتي بس انتي اتعمى على قلبك من الغيرة!!، وبسبب غيرتك الولادة اتحرمتي منها ،انا فهمت من نرجس انو بسبب عمايلك العقم دة!!!، اكتئبت وبقت تبكي قربت وقولت ليها البكاء ما ليه اي لزوم اسي!!! انا كنت مافي وعييي وانتي بقيتي طرطورة في نظر كل الناس وما خليتي لي شخصية بسس بعد صحصحت ما حا اخليك! وحا اادبك!!!، شلت الخرطوش وقررت انو اجلدوها عشان تتأدب جلدها قدام امها ،جلدها عمي جاء داخل!!!وقال لي بغضب همام احسن ليك وقف البتعمل فيهو،جات بتو مودة الصغيرة وقالت ليهو خلوهو انا من زمان ساكتة وصابرة على سلوك امي واختي الكلو حرام هن بتاعات داجليين!!، ولو ما مصدق هاك الدليل طلعت ليه ورقة، قالت ليهو دي مكتوبة لعمي عماد عشان يتعطل في شغلو ويتوقف منو الرزق!!، عاين ليها وقال ليها دا كلام فارغ سمعتو تسجيل وقالت ليهو اسمع سمع انو امها قررت تعمل كدة عشان حالتهم احسن منهم وعشان مرتو بتريد البوبار!!، انا عارف انو مودة طيبة شديد وحافظة لكتاب ربنا عشان كدة بتقيف مع الحق!!، قال ليهو انا ما كنت عايزة اكشف الحقائق وكنت خايفة بس لو سكتا اكتر حا اخد ذنب.
عمي شال عكازو وجاء ضرب بيهو مرتو في رجولها لمن وقعت وقال ليها انتي طالق!!!..
طلعت وانا غضبان وحاس انو لسه ما فشيت غليلي فيها، اتصلت بمظفر وقررت القاهو مشيت وقعدت وهو كان قاعد وحاس ان صحتو متدهورة، قررت ما اكلمو بمشاكلي لانو ألفية مكفية ،قولت ليهو ماف امل من وُد، قال لي لا هي خلاص قررت تتزوج علي، قولت ليهو معقول!!، قال لي اي بس هل علي بقدر يسعدها، قولت ليهو لو بحبها اي، قال لي اي بحبها!، قولت ليهو طيب حا يسعدها، مسك يدو في راسو وقال لي همام كان تكفتني الوقت داك ولا تربطني وما تخليني اعرس ولا اقول الكلام الشين داك، قولت ليهو انا ما اتوقعتك تعمل كدة اصلا، ظاهر انك كنت بتحب وُد، قال لي لا ما بحبها، قولت ليهو أفعالك بتوضح مدى حبك ليها ،قال لي انا ماش يا همام ما قادر اقعد اكتر!!، قولت ليهو اقعد شوية اسمع معاي شوية قران خلي أعصابك تهدأ ،شغلت لي رقية جديدة قولت اداوم عليها بقى يسمع فيها وفجاءة تعب واتغير لمن وقفتها!!!، قولت ليهو انت كويس ،قال لي اي بسس الحصل لي شنو ؟؟!، قولت ليهو ما عارف ممكن تمشي معاي البيت ونشوف نرجس.
_______________________
في مكان آخر :
=اسمع هنااا عايزة كل الناس تكرهها امها تكرهها ابوها يكرهها حتى العايز تتزوجو يكرهها وخلي الاسمو مظفر دة يتعطل اكتر واكتر
_الزول الاسمو مظفر دة مكتوب من كم جهةة ما منك انتي بسس متأكدة عايزة تعملي ليهو تاني عمل
=الكتبي منو ؟؟!
_دة ما بقدر اقولو ليك بس مكتوب من 3 انفار واي واحد سحر براهو
ضحكت ضحكة عالية وقولت
=مالو انا اكون الرابعة اكتبو!!.
طلعت برة صادفت واحدة كاني بعرفها!!، مشيت بعليها قولت ليها شهد!! بت عوضية، قالت لي خالتو رحمة كيفك؟؟!، قولت ليها تمام الحمد لله وانتي كيف والليله الجابك شنو للمكان دة ،اتوترت وقال لي جاية لصحبتي هنا ،إبتسمت وقولت ليها طيب كلمي امك انو عندنا رمي ودع يوم الجمعة ،قالت لي بلهفة انا زاتي عايزة اجي!! بحب الأمور دي، قولت ليها مرحب بيك، مشيت منها ووقولت في نفسي زي امها بالضبط! قايلاني ما شايفة رجل الجدادة الهي شايلاها ،هل هي من الناس الكاتبين مظفر.
رجعت البيت ولقيت جمال قاعد ومقلق قولت ليهو الحاصل شنو؟؟!، قال لي اهدي اول، قولت ليهو انا هادية وريني في شنو، قال لي اتصلو بي من برة وقالو لي انو بتنا مرقدة في المستشفى!!، قعدت فى الكنبة جنبو لاني ما كنت قادرة اقيف قولت ليهو وانا ببكي مالها ؟؟!!، قال لي الراجل طلع كعب واعتداء عليها ،قولت ليهو شنو شنو لكن نحن بنعرفو...، قاطعني وقال لي بنعرف ليهو شنو انا ما كلمتك زول ما موثوق ما تديهو ليهو ودخل جيت لاحقاهو ،قولت ليهو نعمل شنو ؟؟! يا مبارك ،قال لي السفر لهناك صعب حا اشوف صاحبي الهناك يساعدها تجي ،قولت ليهو ولو ما خلاها، قال لي بخليها هو اصلا مقبوض عليهو.
_______________________________________________
بلسان نرجس
لمن جوني مظفر وهمام وحكو لي الموضوع عاينت ليهو شديد وحسيت بقبضة في صدري يادوب قدرت افهم البحصل لية كنت غبية للدرجة دي!!، قولت ليهو مظفر اسمع الرقية دي كويس وانا بشوف البحصل شنو معاك!!!، مظفر بقى يسمع فيها اتغير وبقى يقول في كلام غريب وعرق عرق شديد ،وقفتها منو!!، وعاينت لهمام وقولت ليهو للاسف مظفر دة ما طبيعي احتمال تكون عين واحتمال كبيير يكون مكتوب! مظفر هنا ضحك وقال البكتبني منو ؟؟!، قولت ليهو اي زول ما كل الناس كويسين ولا كلهم بعرفو الحرام من الحلال، عاين لي وقال لي طيب اثبتي!! ،بقيت اقرا ليهو في آيات قرآنية وتاني استحضر وقفتهن منو بعد هدا شوية قال لي اعمل شنو، قولت ليهو عليك بمركز الرقية.إ ونحن كدة اتصلت بي رماز اخت وُد وقالت لي الجماعة ديل اسي في بيتنا وقالو دايرين يعقدو ،قولت ليها كيف الكلام دة ابوك موافق، قالت لي لسه ما رد بسس مصرين يعقدو تعالي لو بتقدري ساعديني.................
____________________
أنْ يُصبح هُوَ كُلّ أهلهَا دُون أهلِها ..
فـ يُعاتب نفسَه إن قصّر
وَ ينصحَ نفسهُ إنْ جانَب الرِّفق
فـ تشكُو منهُ إليهِ وَتلجَأ منهُ إليهِ وَتفِرّ منهُ إليه
أنْ تعلمَ أنّهُ ينصِفُها مِن نفسهِ
وَلا يَظلِم فـ ترضاهُ هُوَ حكمًا بينَها وَبينَه
أنْ يكُون هُوَ حصنَها مِنْ نفسِه
إنْ طَغَت وَ أمانها مِنْ نفسِه إنْ قَسَت ..
*فَـ لا يكُونُ فِي عينَيها سِوَاهُ🫂.*