رواية ضماد جرح الفصل الثامن عشر 18 بقلم نوسه حمد
عباده بقا م برد علي وبقرا رسايلي وحسيت نفسي اتعلقت بيهو شديد يوم صحيت الصباح لقيت منو رسايل فرحت شديد لقيتو مرسل لي صوره ياسر وقال لي نوسه ردي بصراحه دا منو انا غلبني البعملو نفسياتي بقت صفر رديت عليهو قلت ليهو عباده انت كويس قال لي م كويس وردي علي حسب اسئلتي ممكن دا منو البشبهك دا وقصتو مع ميار شنو قلت ليهو عباده انا ح ارد عليك بس ع شرط ح ارد عليك بمكالمه ومستعده احكي ليك الماف زول عارفو قال لي تمام وياريت يكون بصراحه انا الان عندي شغل مهم جدا م بقدر اتكلم فضي نفسك المساء عشان تحكي لي قلت ليهو تمام وقررت احكي ليهو واليوم دا بالذات م مشيت المدرسه كانت عندي نفسيات م عارفه عباده شاف شنو او ميار كاتبه شنو وكان قلبي بضرب بصوره م طبيعيه وخايفه عديل
المساء جا وانا ماسكه التلفون في يدس انتظرتو اتصل علي سلمت عليهو وكان صوتو تعبان ردا علي ببرود جد انا كنت مشتاقه ليهو ومن غير م اشعر ولاول مره في حياتي قلت ليهو عباده انا مشتاقه ليك م ردا علي حسيت بي اني رخصت نفسي قال لي نوسه الرسلت ليك صورتو دا منو وبتعرفوهو من وين قلت ليهو دقيقه احكي ليك ي عباده الراجل الاسمو ياسر دا نحنا مشينا ليهو انا وميار عشان كنا بادين نشتغل برانا وقلنا ادعمنا لانو عندو شركات كتيره ميار هي الجابت موقع شركتو وهي الاصرت اننا نممشي انا مشيت معاها لسبب اعفي لي م ح اقدر اقولو المهم اول م شفنا الراجل احمونا ندخل ليهو بس ميار ذكيه انتظرتو طلعت وجرت ليهو وانا مشيت وراها ميار قالت ليهو عندنا مشروع وعايزنك تدعمنا قال ليها م عندي مشكله بتصل عليكم وانا قلت ليهو جيت معاها ساي لاني م بحب اتكلم مع الزي ياسر ديل المهم ي عباده ميار الله يرحمها علقت فيهو وقالت لي سنين يمين انا اعرسو وأقسم بالله ي عباده حزرتها منو وانا ح ارسل ليك دردشتي معاها لاني انا م قاعده امسح الدردشات وانا لمن جيتك ي عباده عشان اقول ليك بتكفل بي زواجك منها عشان م تتهور وتوقعو في طريقها بس في اقل من شهرين ميار ماتت وانا والله العظيم م مشيت معاها غير مره وحزرتها منو شديد والباقي خليهو هي ماتت ما نتكلم فيها قال لي لا تتكلمي عشان انا الزول دا لو جيت السودان م بخلي لو كسر رقبتو قلت ليهو نفسي شعوري بعد ماتت ميار بس حسبتها بالعقل خلاص ميار قسمتها كده وهي المشت ويومها المشت جاتني الصباح قالت لي قولي لي امي مشيت معاها وجيت راجعه منها وحزرتها اقسم بالله وهسي ح ارسل ليك اسكرينات من كلامي مع ميار في نفس اليوم المشت ليهو وحصل ليها الحصل الانا زاتي م فاهمه حصل كيف قال لي دا راجل نجس وانا بعرفو وم ح اخليهو لازم يموت زي م ميار ماتت في عز شبابها قلت ليهو عباده انت عرفتو كيف قال لي قبل اي شي بسألك تاني الزول دا بشبهك شديد هل دي صدفه ولا في قرابه سكتا م رديت عليهو قال لي نوسه الزول دا قريبك صاح م رديت بقيت اعمل اسكرن لي دردشتي انا وميار وارسل ليهو فيها وفي وسط الرسايل في مره سالت ميار قلت ليها ميار تعرسي الراجل الكبير دا وعباده كان ردها انو عباده عاطل وحيران وهي عايزه القروش والعز عمل لي استرداد لي رسايلها وبقا يقول لي ي خساره ويا خساره وكان ببكي زي الشافع ما عارفه مدي حبو ليها كنت بس ماف راجل ببكي عشان واحده الا اكون حباها حد الجنون قال لي عارفه لو ميار حبتني زره من حبي ليها صدقيني م كانت شافت غيري بس ي خساره بقا يستغفر وقال لي انا لازم انساها بس م قادر واتجرس شديد قلت ليهو عباده ربنا يخفف عليك جد انا م اتوقعت انك تحبها بالشكل دا وهي م كانت مدياني احساس انو انت بتحبها شديد قال لي عشان م حبتني م حست بي حبي ولا احتمال عشان كنت عاطل وحيران زي م قالت ياريتا انتظرت انا اشتغلت ووصلت للنفسي فيهو قلت ليهو عباده استغفر دا قدرها قال لي نوسه ردي علي سؤالي ووضحي لي قلت ليهو عباده انت مصر تجرحني صاح قال لي اجرحك كيف قلت ليهو لو اتكلمت ح انكسر وعلي العموم ي عباده انا ح اتكلم وح احكي بس توعدني وعد الكلام دا يفضل سر بيني وبينك قال لي قولي بوعدك قلت ليهو عباده ياسر دا ابوي قال لي شنو شنو انتي مجنونه كيف ابوك ولا هو ابوك وما عارف نوسه انتي عارفه انا بثق فيك قدر شنو قلت ليهو عباده انا م بكذب قال لي لا كذابه ويا استاذه انا م لقيت دردشات ميار القديمه بس بعد شغلت الواتساب جاتني رسايل من الزول دا ومحتوي الرساله كان قال ليها انتي وريني عايزه كم وانا بدفع ليك وتستقطي الفي بطنك وما اشوف وشكم انتي وصاحبتك دي كيف هو ابوك وم يكون عارف قلت ليهو انتظر اكمل يا عباده النحكي عباده انا بت حرام قال لي انتي ليه مصره تكذبي قلت ليهو م بكذب وعشان اقنعك قومتا صورت ليهو اوراقي واوراق التبني رجع لي قال لي نوسه انتي جاده قلت ليهو اكتر من كده اثبت ليك كيف قال لي م مصدق قلت ليهو النكمل انا رباني ابوي الحالي دا وكنت مفتكره اني بتهم بس اسلوب امي لي كان بقول غير لغايه م يوم اعترفت لي وانو ابوي خالد ابوي الهسي دا م بلد المهم وزوجوني لراجل كبير عشان احرسو وامي دي تورثو بس بس بعد مات اولادو ما ادوني جنيه وعانيت معانا شديده بعد عرفت اني بت حرام وامي طردتنا انا وابوي وفجاه جاني تلفون من بت مشيت ليها ورتني الحقيقه وبقيت اسال في ابوي وكان نفسي اعرف ابوي الحقيقي عشان نفسي اقول ليهو كلام وابوي بعد تعب اعترف لي وقال لي معلومه انو ابوي زول مشهور وعندو شركات وفندق وقال لي اسمو المهم انا كان عندي اصرار اني اعرفو عشان عارفه ميار مخها متفتح اكتر مني في السوشيل ميديا سآلتها من اسم ابوي وما قلت ليها انو دا ابوي طوالي بحثت ف النت وجابت معلومات عنو قالت لي انتي عاوزه بيهو شنو م قدرت اقول ليها انا بت حرام ودا ابوي قلت ليها دا قالو بمول المشاريع الصغيره ماشه اعرض ليهو مشروع يمولو لي وطوالي ميار مسكت في الموضوع وفجاه بقا يوما كلو اسئله عنو لغايه م عرفت مكانو ومن عرفت انها عايزه تتزوجو انا قلت ليها خليت المشروع لمن لقيتا مصره مشيت معاها اول يوم ودي رسايلي معاها عشان تصدق عباده بقا ساكت وم بتكلم نهاي ونسخت ليهو كل دردشتنا وميار كانت بتقول لي انا مستعده اعمل اي شي عشان يتزوجني الزول دا عباده بقا يضحك وقال لي سبحان الله انا م قادر اصدقك عارفه ليه لانو اخلاقك م اخلاق بت حرام واخلاق بت الحلال زي بت الحرام انا حاسي نفسي ح اجن قلت ليهو عباده انسي كلامي دا م نفسي اعيش منزله راسي بسبب غلطه مالي فيها ذنب وما اوصف ليك انا تعبت قدر شنو لمن اللهو ابوي دا كرر الغلطه مع ميار وماتت بسببببها جد انا متندمه اني جبتا سيرتو لي ميار وخليتا تدمر بسبببي قال لي نوسه ناهيك عن القال لي ميار بي الراجل دا منو بس ميار بمفهوما دا كان ح تغلط مع غيرو عشان القروش ربنا يرحمها ويتولاها بي رحمتو وربنا يجبر بخاطرك ويخفف عليك وصدقيني سرك في بير وعشان ي نوسه اكون معاك واضحه انا الراجل دا م بخليهو نهاي ح اسففو التراب قلت ليهو نفسي اعمل فيهو كده انا بس عايزه اخليهو لي ربو وانا ربنا سترني وعايشه احسن عيشه قال لي ربنا يحفظك ويكملك بي عقلك وابقي عافيه وقفل الخط بكيت قدرتي ابوي جا لقاني ابكي قال لي عرفتي الخبر ودمعتو كانت نازله قلت ليهو خبر شنو م فاهمه قال لي امك ريا ماتت الله يرحما ولازم نلحقها نسترها مسافه اهلا يصلو ………يتبع