رواية ضماد جرح الفصل التاسع عشر 19 بقلم نوسه حمد
ابوي جا لقاني ابكي قال لي عرفتي الخبر يعني قلت ليهو خبر شنو قال لي ريا اتوفت وارح البسي عبايتك نسترها قبل اهلا يصلو حسيت اني قصرت في حقها شديد وم رجعت ليها تاني وبكيت قدرتي ولمن مشيت لقيتا جنازه قلبي انقطع وبطني طمت شديد الدنيا دي كعبه كعبه م دايمه ليها لي زول سترناها واهلا وصلو وكنت كرهاناهم لانهم كانو مقاطعنها انا م عارفه سبب قطع صله الرحم شنو بس مهما كان ماف داعي لي قطع صله الرحم وقعدو يومين علي عين الناس وفاتو بقينا انا وابوي البت الجبناها تساعدها بقت تحكي لينا وقالت لي كان بتسال منك وانا م كنت عارفه مكانك وين وختت ليك امانه قلت ليها امانه شنو قالت لي قالت ليك في واحده اسمها نوال امشي ليها ولو موتا كلموها اني موتا وخلوها تكلم ناس الشغل اتزكرت شغلها بعد البت طلعت قلت ليهو ابوي انت امي دي كانت شغاله شنو قال لي شغاله فراشه في مستشفى قلت اكيد غاشه عليهو قلت ربنا يرحمها ويغفر ليها كان نفسي الدنيا تديها فرصه وتصلي وتصوم وترجع لي ربنا بقيت ادعي ليل نهار ليها والبت الشغاله ليها شكلها اهلا بسيطين ابوي قال ليها م قصرتي ي بتي جزاك الله الف خير وداها قروش وعايزه تفوت قلت ليها ممكن تقعدي معاي وافهمك شغل لو اشتغلتي ح اكون عندك راس مال بي خلعه كده قالت لي شغل شنو انا شغل غير حلال م بشتغلو الحوجه م ح تخليني ابيع نفسي وكان عندكم ولد في البيت م بقدر امشي معاكم قلت ليها الولد شغال ف الدكان جوه شكل بيتنا كيف م بعرفو وانا عشان ابوي حكا لي ظرفك عايزه اساعدك لو حابه قالت لي انا اشتغلت كتير في بيوت م بحس بي راحه لانو بكونو عندهم اولاد وفي منهم البضايقني قلت ليها انا القدامك دي اشتغلت في بيوت انخلعت وبقت تعاين لي قالت لي معقوله يعني انا بعدين ربنا بفتحها علي قلت ليها اكيد انتي اسمك منو قالت لي عبير قلت ليها اعتبريني اختك وامشي معانا تمام قالت لي طيب بنتونس كده جات الاسمها نوال وما كانت عارفه انها اتوفت لغايه بالصدفه قابلت واحده من نسوان حينا وكلمتها وكانت بتبكي عليها شديد كانها ماتت هسي قلنا ليها ادعي ليها محتاجه دعوات قالت لي الله يرحمها م بنساها وخلت ليك امانه عندي وادتني ورقه مكتوبه فيها البيت بي اسمي قلبي وجعني شديد وقالت لي كانت قبل م تمرض بتحكي لي عليك كتير وانها متأسفه لي اي حاجه عملتها ليك بس م بتعرف تعتزر قلت ليها انا م زعلانه منها نهاي قالت لي كتبت البيت بي اسمك عشان اخوانها م يجو يقولو عاوزين الورثه وادعي ليها ي بتي قدمتها حدي الباب سألتها من المكان الشفت فيهو امي قالت لي امك كانت بتمشي لي ابوك بديها قروش شهريا وياهن هن الاشترت ليك بيهن البيت قلبي وجعني وحسيت اني ظلمتها بس انا م كنت فاهمه انها م شغاله هنا واتسرعتا في حكمي عليها قالت لي انتي شفتيها متين قلت ليها يوم حنين قالت انو امي بتشيل قروش شهريا من ابوي قررت اتابعها واشوفا لمن وصلت المكان دا خوفتا والولد البرا حزرني قال لي اوعك تدخلي قالت لي اي المكان دا م تمشيهو وزي م ربوك اهلك م تتغيري لو احتجيتي لقروش انا قاعده قلت ليها م بتقصري قالت لي الحال واحده انا وامك واحد بقيت حاسه بذنب الله اعلم اروح مني بس مشكلتها امي م واضحه بس انا كنت غبيه كيف هي تشتغل شغل كعب وكانت خايفه علي لدرجه انها حرمتني من المدرسه بسبب الاختلاط ندمت ندم شديد علي سوء الظن قصادها.
سوقنا معانا عبير ورجعنا البيت عبير بت مهذبه ومحترمه شديد بتفتش لي لقمه حلال قررت اني اقيف معاها واساعدها سالتها بتعرف تقرا وتكتب قالت لي اي انا طلعت من تامن بسبب ظروف ابوي وشغلو امي معاقه قلت ليها كل بيد ربنا انا عاوزه اشوف ليك زول كنت بشتغل عندو وشغلو حلو شديد قالت لي انا مع راجل م بشتغل قلت ليها لا ما معاهو عديل من بعيد لبعيد قالت لي تمام اتصلت علي الزول الكنت شغاله معاهو سالني وين مختفيه ووين صاحبتي ميار قلت ليهو ميار اتوفت الله يرحمها اتاثر شديد وقال لي م بحب ازعج بالرسايل بس انتي من البنات المحترمات الاشتغلو معاي قلت ليهو جزاك الله الف خير وهسي جيتك في طلب حكيت ليهو بي عبير وظروفها قال لي ابشري والله موش واحده من طرفك انا م عندي اي مشكله عندها تلفون ارسل ليك صفحاتي تثبيتيهن ليها قلت ليهو م عندها بس انا بديها تلفوني قال لي لا لا انا بكره برسل ليها تلفون تشتغل بيهو وبخصم منها نسبه بسيطه كل شهر عشان انتي قلتي ظروفها قلت ليهو م بتقصر جزاك الله الف خير وربنا يكرمك في الدارين ويوسع طريقك قال لي امين ويسعدك انتي كمان وقال لي برسل ليك قروش طلعيهن صدقه لي صاحبتك بجد راجل محترم قلت ليهو عبير اولي بالصدقه دي لانها محتاجه قال لي ابشري ح احول ليك في حسابك قلت ليهو طيب وحكيت لي عبير بيهو فرحت شديد قالت لي انت جيتوني من السماء انا تعبت شديد وانا بفتش لي لقمه سمحه تسندني قلت ليها معليش ي عبير كلو بيد ربنا تاني يوم جاب ليها تلفون وقروش ودي كانت اول مره اشوفو ولد صغير م كبير انا كنت مفتكراهو كبير عشان صوتو قال لي انا من اولاد البطانه ومن شكلو ظاهر انو محترم جدا ناديت ليهو عبير سلمت عليهو واداها التلفون وقال ليها نسيبه ح توريك الشغل وودعنا وفات عبير فرحت شديد انسانه بسيطه وامالها بسيطه تلفوني اتصل رقم اول مره يمر علي لقيتا مياده عزتني في امي وقالت لي انا جاياكم وصفي لي وصفت ليها وقومنا رتبنا المكان جات هي ومعاها فادي وكانت لابسه لبس إسلامي وسالتها قالت لي انها اسلمت فرحت ليهم شديد وطبعا فادي اتغير تغيير شديد نهاي م رفع عينو عاين لي غير مره لمن شفتو كل الاحاسيس الحلوه رجعت لي بس مستحيل انا اغلط واخلي يتعلق بي تاني وهو زاتو حسا بي اني متجنباهو اكرمناهم وشكرونا وفاتو قالو لي زورينا قلت ليهم ان شاء الله حكيت لي عبير بيهم قلت ليها ديل كنت شغاله عندهم بس ربنا كريم قالت لي لمن مشيتي تعملي القهوه والشاي هي حكت لي بيك وقالت انك سبب في دخولهم الاسلام جد كبرتي في نظري ي نوسه قلت ليها تسلمي حبيبتي قالت لي انتي دعوه امي الكانت بتدعيها لي طوالي وكنت كل م تدعي لي بلقا العكس وبلقا ناس كعبه والدنيا ملطشاني بس عرفت انو دعوات امي استجابتا كانت مؤجله لغايه م لقيتك انتي بجد انا مبسوطه قلت ليها علي شنو ي عبير العفو منك انا والله م عملت حاجه لي الشرف انك تكوني اختي عبير بريئه شديد الدنيا عوضتني بيها وبدت شغل مع الولد وفهمتها اي شي وكنت بساعدها لمن اكون فاضيه وبشتغل معاها ومرت الايام وعبير واهلا مبسوطين مني وانا فرحانه من قلبي وجات امتحاناتي بتاعت الثانوي قررت اقفل تلفوني ويومي القررت اقفلو لقيت من عباده رساله طويله وعريضه لمن شفتها افتكرتها نصايح ولا روايه شده م طويله كنت بقرا فيها وضربات قلبي زايده وكان مضمون الرساله كالاتي
نوسه كيفك عساك طيبه انا اسف جدا اني زعلتك في يوم واسف اني بعدتا عنك كل ايامي معاك انا كنت فيها مفتكر اني بحب ميار شديد بس بعد اختفيتي اكتشفت اني كنت بتحجج بي الكلام في ميار عشان انتي م تقولي الولد دا عاوز مني شنو لانك اول م طلبت منك تواصلي رفضتي وقلتي م عايزه تتكلمي مع اولاد انا كبرتي في نظري جدا وفضلت متواصل معاك ومشاعري شبه بقت معاك واخر يوم حكيتي لي فيهو انا للان صوتك بتردد جواي نوسه انا لو زعلتك اعفي لي وانارجعت عشان اقول ليك انا حبيتك وعندي استعداد اتزوجك واكمل معاك حياتي وما تقولي لي فكر او استخير انا جيتك بعد تفكير واستخاره وشايف نفسي انتي النصيب واكون لي الشرف ويا نوسه حته انك بت حلال ولا حرام دي م فارقه معاي ومستعد اعيش واقيف قصاد اي زول يقول عليك انك بت حرام انتي افضل من بنات حلال كتير قابلتهم في حياتي انا عاوزك انتي م عاوز اصلك ولا فصلك انا ح اكمل معاك حياتي وعارفك انك ممتحنه وحسيت انك كمان حبيتيني ولمن بعدتا كل يوم كنت بلوم في نفسي اني زعلتك ورجعت عشان اسمع منك رد واحد واقيف معاك لمن تخلصي امتحانات اديني فرصه ي نوسه وح اكون ليك سند وح انسيك اي الم عشتيهو كل السنين الفاتت وح اكون ليك ام واب وأخ واخت قبل زوج اديني فرصه انا عايزك في النور م عايز علاقه والسلام ولو م عايزه تكملي معاي م تردي علي رسايلي واحظريني وربنا يخفف علي واقدر اشيلك من قلبي ودمتي بخير يا غاليه ❤️🫰🏻
انا بقرا في الرسايل دي وانا برجف معقوله عباده جادي بعد عرف حقيقتي لسه عاوزني وبقيت متردده في الرد اوافق ولا لا ……يتبع