رواية نار الانتقام الفصل الثامن 8 بقلم جمال المصري
بسم الله ولا حول ولا قوه إلإ بالله
جاسر .. شكل المكان غريب
عصام ..ده مقر قديم للمنظمة هنا تكونوا في امان خصوصآ اني المظفر عرف بوجودكم هنا في المغرب و هيستخدم كل قوته عشان يلاقيكم
جاسر .. فاهم وعارف اني قوته كبيره كل المدمنين رجالتوا والموزعين كمان ده عامل امبراطوريه وكل يوم بيموت آلاف الشباب بسبب السم الي هو بيبيعه بس خلاص نهايته قربت
مروه .. انا مش عايزه احطم الامل اللي جواك بس مظفر ده من اقوي القاده في المنظمه يعني مش ساهل
ملك .. احنا مش بنحب الحاجه الساهله يا مروه واحنا هنا عشان نقضي علي مافيا المخدرات وان شاء الله هو ده الي هيحصل
مروه .. جميل اووي اصرارك وعزيمتك يا ملك ودلوقت انا متاكده اننا هننجح في المهمه
جاسر .. انتو متجوزين
عصام .. ايوه مروه دي حب حياتي ربنا ما يحرمني منها
جاسر .. ربنا يسعدك يارب بس انا حابب اعمل العمليه دي لوحدي يعني مفيش داعي انكم تشتركو فيها
مروه .. ايه الي انت بتقوله ده انتو هنا امانه عندنا و هنفضل معاكم لحد ما تطلعوا من المغرب بخير ان شاء الله
جاسر .. مش عارف اقول ايه
عصام ..قول لا إله إلا الله
جاسر .. سيدنا محمد رسول الله
مروه .. صلوا علي النبي
الكل .. عليه افضل الصلاه والسلام
مروه.. دلوقت هنسيبكم ترتاحو وبكره ان شاء الله هنيجي ونقعد ونتفق علي كل حاجه يلا السلام عليكم
جاسر وملك .. وعليكم السلام ورحمة الله وبركاته
وعصام بيمشي هو ومروه وبيسيبو جاسر و ملك لوحدهم عشان يرتاحو والبيت اللي هما قاعدين فيه في منطقه متطرفه عباره عن جنينه وبيت صغير وسطها .
جاسر .. بيقرب من ملك كنت عايزك في موضوع يا ملك
ملك .. اتفضل انا سمعاك
جاسر .. صلي علي النبي
ملك .. عليه افضل الصلاه واتم التسليم
جاسر .. انا بصراحه خايف عليكي ومش عايزك تدخلي في العمليه دي
ملك .. لا حول ولا قوه إلا بالله ايه الكلام ده يا جاسر احنا اتفقنا اننا مع بعض لحد النهايه وانا معاك مش بخاف من الموت
جاسر .. اتفقنا صح لكن انا مش هستحمل انك يجرا لك حاجه
ملك .. وحد الله واهده يا جاسر قل لن يصيبنا إلا ما كتب الله لنا
جاسر .. لا إله إلا الله وانا مقتنع بكلامك يا ملك بس انا ..وسكت
ملك .. انت ايه يا جاسر قول انا سمعاك وبتقرب منه اكتر وهما واقفين قصاد بعض
جاسر .. بيلف وبيدير ظهره ليها انا خايف عليكي انتي لسا الحياه قدامك والهدف اللي انتي عايزاه ان شاء الله انا هنفذه بس خليكي بعيد عن العمليه دي
ملك .. هدفي هو الانتقام وهو ده اللي جمعنا سوا واذا كنت خايف عليا فانا كمان خايفه عليك وانا اقدر اقوم بالعمليه لوحدي وانت ارجع مصر وارجع شغلك وعيش حياتك اما انا ما ليش حد يسأل عليا انا وحيده وهدفي هوصل له وبعد كده لو موت مش هيفرق معايا
جاسر .. استغفر الله العظيم انتي دماغك ناشفه كده ليه يا ملك
ملك .. تشاور علي قلب جاسر عشان اللي عندك هنا عندي انا كمان هنا و تشاور علي قلبها وانا مش هسيبك لحظه فاهم ولا لا
جاسر . قرب كمان وبيبص في عيونها يعني انتي ..وسكت
ملك .. تهرب من الكلام انا جوعت اووي يا جاسر هروح اعمل اكل تكون انت اخدت دش وغيرت لبسك
جاسر.. كانوا صحي من حلم جميل حاضر يا ملك وبيروح وهو مش بيفكر غير في ملك وعيونها اللي كانت بتقول كلام كتير
ملك .. بتدخل المطبخ وبتقول في نفسها لا انا لازم افوق انا هنا عشان مهمه محدده مش لازم اسمح لنفسي بي اي حاجه تانيه
.وبيعدي الوقت بصعوبه وبيطلع جاسر من الحمام و يقعد ياكل هو وملك ولكن الاتنين بيبصو لبعض من تحت لتحت والسكوت ساد المكان وبعد كده ملك شالت الاكل واستاذنت من جاسر تروح تنام وطول الليل بتتقلب علي السرير و مفيش نوم ولا عارفه تبطل تفكير في جاسر . اما جاسر نفس الحكايه طول الليل يتقلب و مفيش نوم بردوا ومش بيفكر غير في ملك وبيعدي الوقت بطيئ جدآ لحد الفجر ما يأذن ويقوم الاتنين بنفس الوقت و بيتوضوا وبيصلو الفجر وشويه وملك بتجهز الفطار وبعد ما بيفطرو الباب بيخبط
جاسر .. يقوم يفتح الباب يلاقي عصام ومروه وبيدخلوا
ملك .. بتجهز الشاي عشان يقعدوا كلهم يشوفوا هيعملو ايه بالظبط عشان يوصلوا للمظفر
عصام .. بيطلع خريطه وبيفردها علي ترابيزه دي خريطة المكان وفيها كل التفصيل
جاسر.. قرب وبص فيها وبعد ما درسها كويس يعني كده مفيش غير نقطة ضعف وحده وهي دي و بيشاور علي المدخل الجنوبي وده حراسته قليله بس الغريب انو قريب من مقر المظفر ودي حاجه غريبه المفروض النقطه دي تكون اقوى نقطه في المعسكر
عصام .. انا فكرت كده بردو المشكه اننا مستحيل نقدر ندخل المعسكر من اي مكان غير المدخل الجنوبي
ملك .. المدخل الجنوبي ده فخ والمكان مستحيل اي حد يقدر يقرب منه التامين عالي خالص
مروه .. كلام ملك صحيح بس لازم نلاقي حل
جاسر .. الحل موجود بس انا الي هدخل لوحدي
ملك .. مستحيل اسيبك تروح لوحدك
جاسر .. هتسبيني عشان مفيش حل تاني عشان نوصل للمظفر
ملك .. انت عارف ان دخولك لوحدك ده معناه الانتحار
جاسر .. بالعكس دخولي لوحده هو الصح لو دخلنا كلنا سوا يبقا انتهينا
عصام .. مش فاهم ممكن تفهمني بتفكر في ايه
جاسر .. بداء يتكلم معاهم ويشرحلهم كل حاجه
ملك .. انا مش موافقه طاب اروح انا
جاسر .. احنا مش رايحين السنيما يا ملك لو اي حد غيري راح هيموت لكن لو انا اللي دخلت احتمال اعيش ونوصل للمظفر والكلام خلص عصام السلاح جاهز
عصام .. اه كل حاجه جاهزه وده الجهاز الي انت طلبته مني وده اصغر حجم منه
جاسر .. تمام الله ينور عليك
مروه .. بتمسك ايد ملك بعد اذنكم عايزه ملك في كلمتين
جاسر .. اتفضلوا
ملك .. خير يا مروه
مروه .. الشغل اللي احنا فيه يا ملك مينفعش فيه العواطف
ملك .. شغل ايه انا كل الي يهمني الانتقام
مروه .. حتي الانتقام مينفعش فيه العواطف خوفك علي جاسر واضح اوي في عيونك وكلامك وده اكبر غلط و جاسر ده كان ضابط جيش يعني اتدرب اعلا تدريب يعني متخافيش عليه
ملك .. مش هكدب عليكي انا حبيته ومش قادره مخافش عليه
مروه .. واضح اووي انك بتحبيه بس حاولي تتحكمي في نفسك عشان حبك في الوقت ده ممكن يضعفه عشان هو كمان بيحبك
ملك .. انتي بتقولي ايه هو بيحبني ازي
مروه .. الحب هو الحاجه الوحيده الي مش بنعرف نخبيها وزي ما باين في عنيكي هو كمان عينيه تفضحه بس الوقت ده وقت العزه والكرامه وقت الانتقام من الشر وتدميره ولازم كلنا نكون في قمة اليقظه عشان العمليه تخلص علي خير فهامني يا ملك .. فهمتك يا مروه وبجد شكرا علي كلامك معايا فعلآ لازم اتحكم في قلبي وكل حاجه في وقتها حلوه والحمد لله انك موجوده
مروه .. انا الي بشكر ربنا عز وجل اني اتعرفت عليكي يا حبيبتي ويلا عشان نشوفهم خلصو ولا لسا
ملك .. يلا يا حبيبتي
جاسر .. كده كل حاجه تمام
عصام .. تعالى نطلع نتمشي في الجنينه
مروه .. استنو واحنا جاين معاكم
ملك .. وهي بتتمشي فعلآ الجو هنا جميل جدآ
جاسر .. المغرب بلد جميله وكان نفسي من زمان اجيبها في كل بلد عربي بروحها بحس اني في بلدي
عصام .. الوطن العربي كله واحد بس فيه ايدين خارجيه هي الي عملت الحدود بين الدول عشان تضعفنا وللاسف لحد دلوقت مش عارفين نفهم اللعبه الي اتلعبت علينا
جاسر .. معاك حق عارف الدول العربيه بنسبالي زي عيله عندنا في الصعيد كلهم ولاد عم بس فيهم كام واحد اتعرفوا علي اصحاب من بره العيله وتعلقو بيهم لدرجه انهم بقيو بيحكو معاهم كل اسرار العيله و اصحابهم دول خدو الاسرار و جمعوها ولما عرفوا كل نقاط الضعف ضربوا العيله دي وكسروها واول الي اتضربو هما صحابهم الي فضلوهم عن اولاد عمهم
عصام .. معاك حق لو العيله فضلت كلها علي قلب واحد عمرها ما كانت اتكسرت
ملك .. الوقت بيروح هندخل نجهز الاكل
عصام .. واحنا هنتمشي شويه كمان ونرجع
جاسر .. طبعا عارف هتعمل ايه لو انا حصل لى حاجه
عصام .. ما تقلقش هنفذ كل الي طلبته مني وملك هتوصل مصر بامان ما تقلقش المهم انت واثق من خطتك
جاسر .. ان شاء الله انا مش عايزك تقلق ربنا موجود
عصام .. ونعم بالله واسال الله العظيم رب العرش العظيم ان يجمعنا علي خير
مروه .. بصوت عالي يلا الاكل جاهز
عصام .. يلا يا جاسر ناكل ونتوكل علي الله
. ويقعده ياكلو وجاسر وملك ساكتين وبعد الاكل يقوم جاسر يلبس ويستعد للعمليه وبعد ما بيكون جاهز ويخرج لهم انا جاهز يلا عشان نتحرك
عصام .. يلا وبيركبو العربيه و بيطلع عصام لحد ما يوقف بالعربيه
جاسر .. عصام زي ما اتفقنا لو سمعت صوت رصاص يبقا انا اتكشفت ووقتها تتحرك علي طول فاهم
عصام .. فاهم انت بس ما تقلقش وركز علي المهمه
ملك .. بتنزل من العربيه وبتقرب من جاسم انا عمري ما هسامحك لو حصلك حاجه فاهم
جاسر .. فاهم بس المهم تلتزمي بالخطه
ملك .. هحاول يلا لا إله إلا الله
جاسر ..سيدنا محمد رسول الله
مروه .. بتنزل وبتحط ايدها علي كتف ملك وحدي الله يا حبيبتي وان شاء الله خير
ملك ..اشهد ان لا إله إلا الله واشهد ان محمد رسول الله
مروه .. يلا اركبي العربيه
جاسر.. قرب من المدخل الجنوبي و بيتسحب براحه ووصل لي اول واحد وكسر رقبته والتاني ضربوا بسكينه من مسافة مترين ويتحرك بحذر ولكن بيطلع الارهابين من تحت الارض ويلاقي نفسه محاصر و بيعرف انهم عاملين فخ ومستنينه وكل دول كانوا حطين برميل مدفونه في الارض ونزلين جواها ومستنين
المظفر .. ياهلا بالعزيز الغالي انا كنت فاكرك اذكى من كده لكن طلعت جسم علي الفاضي
جاسر .. عرف انه خلاص ما مفيش مهرب من هنا ضرب واحد والتاني
المظفر .. عايزه عايش فاهمين و يقرب واحد منهم من جاسر وبيضربه من الخلف علي دماغه وبيغمي عليه
ملك .. اول ما سمعت صوت الرصاص نزلت من العربيه وتجري ناحية المعسكر
مروه .. جريت ووقفت قدامها لا يا ملك انتي عارفه جاسر قايل ايه يلا نمشي
ملك .. ازي امشي وانا مش عارفه جاسر حصلوا ايه
عصام .. هي دي الاوامر يا ملك
ملك .. لا انا لو هموت يبقا اموت مع جاسر
مروه .. بطلع حقنه بسرعه وبتضربها في رقبة ملك
ملك .. ليه كده يا مروه وبتوقع علي الارض
مروه .. بتشيلها وبتحطها في العربيه
عصام.. اتحرك بالعربيه عشان يرجع علي البيت
المظفر .. بيضحك و يقرب من جاسر وهو مرمي علي الارض ويطلع التليفون وبيرن علي حمزه
حمزه .. الو
المظفر ..الطير وقع في المصيده
حمزه .. بتتكلم بجد
المظفر .. استنا يا امير افتح لك الكاميرا
حمزه .. مسك التليفون ومستني واول ما شاف جاسر علي الارض
المظفر ..قرب منه وقلبه علي ظهره عشان وشه يكون واضح
حمزه .. تسلم ايدك فعلا صدق اللي سماك المظفر وأخيرا دي الفرصه الي ليا سنين مستنيها اقتلوا وهستناك في الاجتماع وانا هكافئك علي اكبر انتصار ليا"