بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير
نظير .. بيدخل وهو لابس لبس منقبه واول ما بيشوف كريم و ياسمين في الكوشه بيسحب المسدس وبيوجهه ناحيت ياسمين وبيضغط علي الزناد
كريم .. بياخد باله وبيطلع المسدس وبيضرب عليه وهو بيرمي نفسه قدام ياسمين
نظير .. وقع علي الارض
احمد .. سحب المسدس ووقف فوقه وبيقرب منه عشان يشوفه عايش ولا مات
ياسمين .. اتخضت وما خدتش بالها ان كريم اخد الطلقه مكانها
كريم .. بيحاول يمسك نفسه والناس كلها ملهيه في نظير ومره وحده كريم بيوقع علي الارض
ياسمين .. بتصرخ كريم وبتحضنه مالك يا كريم رد عليا وبتبص في ايدها بتلاقيها كلها دم
سميحه .. ابني وجريت عليه والكل اخد باله ان كريم اتصاب
عماد .. بيطلع التليفون وبيرن علي الاسعاف
سامر .. كريم رد عليا يا صاحبي
احمد .. سامر ركز معايا احنا لازم ناخد كريم علي المستشفي عشان كده دمه هيتصفي
سامر .. ماشي يلا بينا
ياسمين .. بتبكي ومنهاره
عزه .. اهدي يا حبيبتي ان شاء الله هيكون بخير
ياسمين .. بتبص في ايديها اللي كلها دم كريم يا ماما كريم لا مستحيل
عزه .. قولي يارب
ياسمين .. يارب يارب يارب
عزه وياسمين وسميحه بتتحرك والكل بيتحركوا وراهم علي المستشفي وبيسيبه نظير مرمي علي الارض لحد الاسعاف ما تيجي تاخده
وبيجي عسكري من المركز بيبقا معاه لحد ما الاسعاف جت عشان تنقله علي المستشفي
احمد .. وصل المستشفي وصراخ معايا مصاب بطلق ناري
لحظات المستشفي اتقلبت والدكاتره جات بتجري وعلي طول دخلوا كريم العمليات
العمده علوان عم كريم دخل المستشفي وهو بيجري سميحه طمنيني حصل ايه وزاي الكلب ده قدر يدخل الفرح
سميحه .. الكلب كان لابس لبس ست ولابس نقاب عشان كده ما حدش شك فيه
علوان .. يا راتني ما مشيت بعد كتب الكتاب
عماد .. اهدا يا عمده وان شاء الله كريم هيكون بخير هو دلوقتى محتاح دعواتنا
الاسعاف .. بتوصل المستشفي ونظير علي النقاله قاقد الوعي
علوان .. اول ما شافه طلع المسدس ووجهو عليه
احمد .. وقف قدامه اهدا يا عمده
علوان .. اوعى من قدامي يا احمد بيه الكلب ده لازم يموت
احمد .. ما ينفعش يا عمده انت رجل القانون في البلد اوعدك انه هياخد جزائه و بالقانون
علوان .. بيمسك نفسه بصعوبه
احمد .. بيشاور للممرضين عشان يتحركه و ياخده علي العمليات
سعديه .. بتدخل المستشفي وبتمسك في عماد انت السبب في كل ده ابني بيروح مني
عماد .. بيزقها انتي السبب في كل حاجه من يومك وانتي محرات شر زرعتي الكره والحقد في قلب ابنك وادي النتيجه واقسم بالله كريم لو حصله حاجه لا هقتلك انتي وابنك وبيدي
سميحه .. قربت منها غوري من قدمي بدل ما النهارده يكون اخر يوم ليكي في الدنيا
سعديه .. بصت حواليها و شافت الشر في عيون الكل ورجعت لي وراه وراحت تستنا ابنها قدام العمليات الناحيه التانيه
ياسمين .. دول طولو اووي يا ماما و مفيش حد بيطلع عشان يطمنا
عزه .. كل تاخيره وفيها خيره
سميحه .. بتقرب من ياسمين وبتحضنها وبتبكي
ياسمين .. هي كمان بتبكي
سميحه .. ربنا موجود يا ياسمين وهو اعلم بحالنا تعالي يا حبيبي اغسلي ايديكي وبتاخدها وبتغسلها ايديها وهي بتحاول تبين انها قويه لكن كانت بتتقطع من الوجع و الحزن علي ابنها الوحيد
ياسمين .. ان شاء الله هيقوم بالسلامه
سميحه .. ان شاء الله يا بنتي وبتاخدها و يرجعوا عند اوضة العمليات
الكل قلقان والتوتر والخوف مسيطرين علي الكل والكل مستني حد يطمنهم لكن الوضع معقد والدكاتره ٣ ساعات متوصلين في اوضة العمليات لكن نظير طلع من العمليات وتنقل لغرفه والعسكري كلبشه في السرير
سعديه .. يا باشا ممكن اطمن علي ابني
احمد .. هسمحلك بس ٥ دقايق مش اكتر فاهمه
سعديه .. حاضر وبتدخل وبيكون لسا تحت تاثير البنج وبتحط ايديها علي دماغه انا فعلآ السبب في كل الي حصلك يا ابني سامحني ما كنتش اعرف ان الحقد والكره الي انا زرعته جواك هيكون هو السبب في النومه اللي انت نايمها دلوقت واكيد بيت العمده مش هيسكته وكمان الحكومه ليه بس كده يارب انا عملت ايه عشان اعيش الوجع ده
سميحه .. بتفضل رايحه جايه والقلق مسيطر عليها وخلاص ما بقيتش قادره تتحكم في نفسها وتروح بعيد عنهم وتبكي
عزه .. بتروح وراها سميحه
سميحه .. تمسح دموعها و بتبص لعزه
عزه .. ما تخبيش دموعك يا حبيبي
سميحه .. بتبكي وبتترمي في حضن عزه
عزه .. بطبطب عليها ابكي عشان ترتاحي
سميحه .. كريم هو الي انا طلعت بيه من الدنيا يا عزه انا مش معترضه علي حكم ربنا بس مش قادره استحمل الوجع ده سامحني يارب
عزه .. ان شاء الله كريم هيقوم منها
سميحه .. ان شاء الله يا حبيبتي
عزه .. يلا امسحي دموعك وتعالي
سميحه .. حاضر يلا بينا
عزه .. ما حدش طلع يا عماد
عماد .. لسا يا عزه
ياسمين .. دموعها مش مبطله وساكته خالص
عزه .. بتقعد جنبها وبتحضنها
ياسمين .. كانها مش موجوده خالص كانها في دنيا تانيه
سامر .. بيقول في نفسه الكلب نظير لازم يموت ويقوم من جنبهم ويروح الاستقبال ويسأل علي رقم الاوضه اللي نظير فيها
الممرضه .. في غرفه رقم ٣٧ الدور التاني
سامر .. بيطلع علي الغرفه زي المجنون
سعديه .. بتطلع من الغرفه
احمد .. لو سمحتي تمشي انتي شايفه الوضع عامل ازاي
سعديه .. ماشي يا حضرت الضابط وبتنزل وهي بتركب الاسانسير
سامر .. بيكون طالع علي السلم و بيطلع علي الاوضه مباشرا
العسكري .. ممنوع يا استاذ
سامر .. بيحاول يفتح الباب
العسكري .. بيمنعه
سامر .. بيزق العسكري وبيفتح الباب
الكل اول ما باب غرفة العمليات انفتح جريوا ناحيته وبصوت واحد طمنا يا دكتور
الدكتور .. احنا عملنا كل الي قدرنا عليه بس للاسف