بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
الدكتور .. احنا عملنا كل اللي قدرنا عليه بس للاسف مش هقدر اطمنكم عشان المريض دخل في غيبوبه وكل اللي نقدر نعمله اننا ندعيله
ياسمين .. بتصرخ كريم وبتوقع وبيغمي عليها
عزه .. ياسمين ردي عليا الحقني يا دكتور
الدكتور .. قرب منها دي ضغطها وطي وعندها انهيار عصبي يا ممرضه خديها علي اوضة الكشف بسرعه
الممرضه .. حاضر يا دكتور وتدخلها الاوضه
الدكتور .. يعلق لها محاليل
عماد .. طمني يا دكتور
الدكتور .. ما تقلقش يا حاج ان شاء الله هتبقا بخير
عماد .. وبالنسبه لكريم ايه وضعه بالظبط
الدكتور .. للاسف احتمال انه يفوق من الغيبوبه دي ١٠ % وكمان
عماد .. سكت ايه يا دكتور
الدكتور .. مش وقته لما يفوق ان شاء هنشوف ايه وضعه بالظبط ادعيله يا حاج وبيمشي وبيدخل مكتبه
سامر .. بيزق العسكري وبيدخل علي نظير
نظير .. ابوس ايدك انا مش عايز اموت
سامر .. كنت فكرت في كده قبل ما تتجرأ وتضرب كريم بالنار وبيطلع المسدس
احمد .. بيجري عليه وبيوقف قدامه في ايه انتو كلكم اتجننته اطلع بره يا سامر
سامر .. مش هطلع غير لما اقتل الكلب ده
احمد .. ما تخلنيش استخدم القوه انا مقدر الظروف الي انتو فيها لكن نظير هياخد عقوبته بالقانون
ربيع .. بيدخل سامر اهدا ده مش وقته
احمد .. خده بره المستشفي خالص يا ربيع
ربيع .. يمسك المسدس يلا يا سامر و بياخده وبيطلعوا يقعده علي قهوة قدام المستشفي
علوان .. بيقرب من عماد خير ياسمين عامله ايه دلوقت
عماد .. الحمد لله يا عمده بخير
علوان .. هدخل اسال الدكتور عن حالة كريم
عماد .. ما فيش داعي انا سالته بيقول احتمال ضعيف انه يقوم من الغيبوبه ودموع بتنزل من عينه
علوان .. انت بتبكي يا عماد
عماد .. كريم بقي اكتر من ابني وانا بالوقت حاسس اني عاجز مش عارف اساعده بحاجه
علوان .. عنيه رغرغت وبيحاول يمنع دموعه ما تقلقش كريم ابن اخويا قوي وان شاء الله هيقوم منها
عماد .. ان شاء الله بلاش نقول حاجه من الكلام ده للحاجه سميحه وياريت تطمنها يا عمده
علوان .. ماشي وبيروح ناحيت سميحه
سميحه .. ما دخلتش للدكتور يعني
علوان .. الدكتور طمن عماد وقاله ان الغيبوبه دي شئ طبيعي يحصل وان شاء الله هيقوم منها
سميحه .. يارب يا علوان يارب
عزه .. سمعت كلام علوان وراحت لعماد وحد الله يا عماد والحمد لله ان الدكتور طمنك
عماد .. الحمد لله يا عزه
عزه .. هدخل اطمن علي ياسمين
عماد .. ماشي
عزه .. بتفتح الباب وبتدخل وبتلاقي ياسمين بتفتح عنيها الحمد لله
ياسمين .. وهي بين الصحيان والنوم كريم كريم
عزه .. حبيبتي كريم الحمد لله هيكون بخير ان شاء الله
ياسمين .. فاقت بجد يا ماما
عزه .. ايوه الدكتور قال مسالة وقت وان شاء الله هيفوق
ياسمين .. بتحاول تقوم
عزه .. لا ارتاحي شويه
ياسمين .. عايزه ابقا جنب كريم
عزه .. علي الاقل استني المحلول يخلص
ياسمين .. انا بخير يا ماما ما تقلقيش و تشيل الكالونه من ايدها وبتقوم
الممرضه .. اهدي ايدك بتنزف وبتجيب قطنه وبتحطها مكان الكالونه
ياسمين .. بتطلع بابا عايزه اشوف كريم
عماد .. حاضر هندخل للدكتور ويدخل
للدكتور .. خير يا حاج
عماد .. معلش يا دكتور بنتي عايزه تشوف كريم لو ممكن
الدكتور .. هو ممنوع بس عشان انا عارف الوضع هسمحلها تدخل بس هي بس
عماد .. الف شكر يا دكتور
الدكتور .. بيطلع تعالي معايا يا بنتي
سميحه .. بطبطب علي كتف ياسمين يلا يا بنتي ادخلي له
ياسمين .. حاضر يا ماما وبتدخل مع الدكتور اوضة العنايه
الدكتور .. خليكي معاه ودعيله يا بنتي وبيطلع
سميحه .. انا هروح المصليه اصلي ودعيله يا عزه
عزه .. انا كمان هاجي معاكي وبيروحه مصلية النساء الي في المستشفي
ياسمين .. بتقعد جنب كريم وتمسك ايده و بتبوسها والدموع نازله من عينيها يارب اشفيه يارب وبتحط ايدها علي شعر كريم وهي بتبصله ما تسبنيش يا كريم انا مصدقت القيك انا بحبك اووي ومش هقدر اعيش من غيرك انا عارفه انك حاسس بيا وعارفه ومتاكده ان ربنا عز وجل مش هيختبرني بيك عشان ربنا احن عليا من امي وابويا عشان ربنا هو الرحمن الرحيم بينا انت النفس الي بيدخل جوايا انت الدم الي بيجري في عروقي انت روحي وحياتي وبعد ما كتبنا الكتاب بقيت جوزي هتسيب مراتك لوحدها زعلانه حزينه اللهم لا اعتراض علي قضائك ولكن انت اعلم مني بحالي فاللهم اشفه شفاء لا يغادر ثقمك يارب المعجزات ولا يعجزك شئ اللهم اسالك باسمائك الحسني ما علمت منها ومالم اعلم ان تشفيه و تعافيه وبتطلع التليفون وبتقرأه قرآن وهي حاطه ايد كريم علي خدها ودموع مش مبطلع تنزل من عنيها
سميحه .. بتصلي وبتسجد وبتفضل تدعي ان ربنا يشفي كريم
عزه .. هي كمان تصلي وتدعي ربنا
علوان .. الفجر اذن تعالى نصلي وندعي ربنا عز وجل يشفيه ويقومه بالسلامه
عماد .. يلا بينا يا عمده وبيصلو الفجر وبيدعو ربنا وبيرجعه يقعده قدام غرفة العنايه وكل واحد منهم بيمسك تليفونه وبيقرأه قرآن
سعديه .. قاعده في البيت وبتكلم نفسها هو كده الواد ضاع لا انا لازم الاقي حل لازم اوصل لمحروس وخليه يغير اقواله بدل الود ما يروح مني بس حتي لو عملت كده مش هيطلع بعد ما ضرب كريم بالنار ولو طلع بيت العمده هيقتلوه لازم يكون فيه حل انا دماغي هتنفجر يعني لازم تتجنن وتنزل من الجبل يا نظير ضيعت كل حاجه في لحظة غضب
ربيع .. هنفضل قاعدين هنا يا سامر وما تيجي ندخل المستشفي
سامر .. خايف يا ربيع
ربيع .. ان شاء الله ما فيش غير الخير يا صاحبي
سامر .. كريم ده حته من قلبي ده هو صاحب عمري من يوم ما وعيت علي الدنيا وهو صاحبي واخويا لو احمد بيه سابني كان زماني خلصت علي الكلب نظير عشان ارتاح
ربيع .. وكان زمانك في السجن دلوقت كده كده نظير في السجن هيكون تحت عينا والي. احنا عايزينه هنعمله المهم نطمن علي كريم
سامر .. معاك حق يا ربيع ربنا يطمنا عليه
ربيع .. يلا ندخل يمكن يكون فاق انشاء الله
سامر .. ان شاء الله يا صاحبي وبيدخله المستشفي
احمد .. وقف قدامهم علي فين يا سامر
سامر .. انا اسف يا احمد بيه ما كنتش في وعي
احمد .. يعني خلاص مش هتحاول تعمل حاجه تاني
سامر .. لا المهم اني اطمن علي كريم
احمد .. كلنا عايزين نطمن عليه وانا هاجي معاكم
ياسمين .. بتقرأه قرآن ودموع بتنزل علي ايد كريم الي علي خدها وهي مركزه في التليفون الي بتقرأه منه
كريم .. بدأ يفوق وبيبص لقي ياسمين جنبه وسمعها وهي بتقرأه قرآن وشاف دموعها وبيقرب ايده التانيه من خده وبيمسح دموعها
ياسمين .. بتتفاجئ وبتبص عليه اخيرآ الف حمد وشكر ليك يارب
كريم .. بيتكلم بالعافيه ايه يا بت انتي طلعتي بتموتي فيا اهو
ياسمين .. ان بعشقك يا كريم انت كل حاجه بنسبالي
كريم .. يعني كان لازم اضرب بنار عشان عقدة لسانك تتفك وبيحاول يحرك ايده الي علي خدها الي هي مسكاها بس للاسف ما قدرش ومره وحده ياسمين اندهي الدكتور
ياسمين .. حاضر يا حبيبي وطلعت جري
الكل وقف واتخضوا وهي دخلت علي الدكتور علي طول كريم فاق يا دكتور
سامر .. لما شافها طالعه جري خاف اكتر ودخل العنايه علي طول
عماد ..فيه ايه يا بنتي طمنينا
ياسمين .. كريم فاق يا بابا
عماد .. الحمد لله
علوان .. يا ما انت كريم يارب
ياسمين .. فين ماما وطنط سميحه
عماد .. في المصليه
ياسمين .. انا هروح عشان افرحهم
عماد .. ماشي يا بنتي الحمد لله
سامر .. الحمد لله حمدالله بسلامتك يا صاحبي
الدكتور .. حمدالله بالسلامه يا بطل
كريم .. انا مش حاسس بايدي ولا رجلي يا دكتور
الدكتور .. للاسف الطلقه جات في العمود الفقري
كريم .. يعني مش هعرف احركهم تاني
الدكتور .. الامل في الله ما بيتقطعش
كريم .. يا دكتور ممكن ما حدش يعرف حاجه
الدكتور .. زي ما تحب
سامر .. بيحط ايده علي ياسمين كتف كريم الحمد لله يا كريم وان شاء الله هنشوف دكتور وميه ومش هنسكت لحد ما ترجع زي الاول واحسن
كريم .. الحمد لله يا صاحبي بس مش عايز حد من اهل ياسمين يعرف
سامر .. ليه
كريم . اعمل اللي انا بقولك عليه
سامر .. حاضر
ياسمين .. ماما طنط كريم فاق
سميحه .. سجدة شكر لله
وعزه .. كمان سجدة شكر لربنا وقاموا جري كان الدكتور لسا طالع
علوان .. طمنا يا دكتور
الدكتور .. الحمد لله دلوقت اقدر اطمنكم مع ان الي حصل معجزه لكن ما فيش حاجه مستحيله علي ربنا وبالوقت هننقله اوضه عاديه
سامر .. ياسمين كريم عايزك
ياسمين .. بتدخله
سامر .. بيطلع بره المستشفي
ربيع .. بيستغرب من شكل سامر الي كان باين عليه الحزن رغم انه كان بيحاول بيخبي حزنه