رواية ضماد جرح الفصل الواحد والعشرون 21 بقلم نوسه حمد
لقيت رسايل من محمد الولد الكنت شغاله معاهو قال لي جايكم زياره قلت ليهو طوالي اتفضل قال لي قاصد خير ان شاءالله قلت ليهو حبابك قال لي بعد المساء بجيكم انا وود عمي قلت ليهو تنورو قفلت منو وكلمت عبير اول شي سالتها من الشغل قالت لي تمام ومرات هو بساعدني قلت ليها الحمد لله قلت ليها طبعا لقيت منو رسايل وقال جايينا زياره قالت لي بكون جاي لشنو اكون شغلي م عجبو وما عاوز يحرجني قلت ليها لا لا مستحيل الولد دا طيب شديد وما اظن يكون كده المهم ارح نجهز البيت ولازم اكلم ابوي مشيت كلمت ابوي ف الاول حسيتو مضايق قلت ليهو والله يا ابوي انا م بعرفو عشان ما تزعل ساي ولا قاعده اتكلم معاهو جمعني بيهو الشغل وهسي قال قاصد خير يابا م تتسرع قال لي خير ادخلي واعملي ليك ضيافه قلت ليهو جايين بعد المغرب نعمل شنو قال لي شيلي دقيق وخميره من الولد جوه اعملي ليك زلابيه ورسلي عبير تجي تشيل اللبن انا بصلي المغرب وبجي داخل جوه قلت ليهو طيب مشيت جهزت الحاجات وبعد المغرب بشويه جونا ودخلتهم لي ابوي جوه وبقا يتونس معاهم ويتعرف عليهم وانا وعبير جهزنا الزلابيه والشاي وجبنا باسطه وبسكويت وعملنا قهوه واكرمناهم وانا نهاي م دخلت عليهم ياهو سلمت عليهم بس وقعدو كتير مع ابوي وحاول يمسكهم للعشاء بس رفضو قالو انهم جو من الشغل ي داب الناس بكونو منتظرنهم بعد مشو ابوي جا نادانا وانا برجف قلت ياربي مالو الولد دا قال لينا الولد دا جا عاوز يتقدم لي عبير وقال يشوف رايها اول حتي يمشي يكلم اهلا انا فرحت لي عبير فرح شديد وهي خشمها م فتحتو قال ليها اها رايك شنو قالت ليهو انا م عندي راي الراي راي اهلي قال ليها من ناحيتك انتي موافقه بخجل قالت ليهو اي لو ما قالت موافقه كان شاكلتها لانو زول ممتاز وولد حلال مشينا من ابوي وعبير كانت طايره من الفرح وانا زاتي فرحت ليها قالت لي عقبالك ي نوسه عباده اجي يتقدم ليك قلت ليها ان شاءالله يارب لمن عباده اتصل علي كلمتو فرح ليها قال لي بت مسكينه وعقبالنا انا وانتي قلت ليهو يارب ربنا يهون قال لي باقي لي اسبوعين واطلب الاجازه قلت ليهو ربنا يهون ليك وتجينا بالسلامه حبيتو شديذ بس م عارفه احساسي نهاي كان بقول لي م ح تعرسيهو ولمن اقول ليهو كده بزعل مني زعل شديد خلاص مرت الايام وعباده قبل يجي نتيجتي ظهرت وكانت درجتي حلوه شديد فرحت فرح شديد وابوي ضبح لي وعزم الناس ومن ضمن الناس العزمهم نزار وكانت المفاجاه طلب يدي من ابوي وابوي نهاي م ردا عليهو قال ليهو الراي رايها اتأثرت شديد لاني م ح اقدر اوافق لانو امو بتحبو شديد استحاله توافق علي لو عرفو حقيقتي
وانا بقيت احب عباده قلت لي ابوي انا في واحد عاوز اتقدم لي وحكيت ليهو بي عباده واني وريتو الحقيقه في الاول زعل مني قال لي ليه تتكلمي معاهو من وراي وما صاح الكلام دا فهمتو القصه كلها حسيتو لسه زعلان اعتزرت ليهو وكلمت عباده اني م ح اقدر اتواصل معاهو وانو ولد جيرانا جا كرامه نجاحي وطلب يدي وابوي وافق وانا م وافقت ووريتو اني بحبك انت قال ل نوسه احساس ابوك احساس طبيعي احساس ابو ربا بتو صاح وما عايزها تتكلم مع اولاد نوسه انا كبرتي في نظري لمن عرفت انك م بتعرفي اولاد وقلت دي زوجتي وام اولادي قبل اعرف اي شي عنك قلت ليهو عباده اعزرني انا تاني م ح اتكلم معاك كتير قال لي كلها ايام وانا ح اجي واطلب يدك قلت ليهو الله كريم للزمن داك قفلت منو الخط وكنت زعلانه اني م ح اتكلم معاهو كتير نفسي اتكلم نفسي احب واتحب بس ابوي م بقدر اكسر كلامو ونصيبي ح اخدو عبير الولد مشا خطبها من اهلا وادوهو طوالي وكانت فرحانه قالت لي عاجبني ي نوسه م اتوقعت اني ح اعرسو في يوم وبعد كانت بتقول لي اتجهزي لانو عباده جاي بقيت اجهز فيها انا وحبستها لي عرسها ومحمد زول فاهم وبخاف ربنا كل تفصيله كبيره وصغيره بدخلها فيها وخلاها تختار اي شي حتي العفش والوان البيت كانت مبسوطه انو عندها عفش حلو وسراير وكانت بتقول لي اخيرا ح يكون عندي سرير ح انوم زي الناس قلت ليها ليه بتقولي كده قعدت تحكي لي بي حياتهم وانو بيتهم ضيق ومافيهو غير سريرين واحد فيهو امها المكسره والتاني ابوها وهي واخوانا بنومو في الارض ودموعها كانت نازله قالت لي كان نفسي استرهم واشتري ليهم بس م مشكلة اخوي بكبر وبشتغل وبجيب الماقدرت اجيبو انا وكانت متاثره انو م قدرت توفر ليهم كل احتياجاتهم قلت ليها م تشيلي هم طلبت منها توصف لي بيتهم ووصفتو لي تاني يوم سوقتا ابوي ومشينا من غير علمنا وفعلا كلام عبير صاح حالتهم سيئة جدا ورغم العليهم ابوها زول كرم وواجب ما خلانا نطلع ومشا الدكان م خلا شي م جابو واكرمنا وانا متاكده انو الجابو دا كلو دين بس م عندي اثبات قال لي عبير كويسه العريس جا طلب يدها وقال انو انتو شغالين معاهو وعبير لمن جاتنا زياره قالت موافقه قلت ليهو اي محمد دا زول ممتاز وح يعيش عبير سعيده قال لي اهم شي تكون بتي مبسوطه ومرتاحه
قلت ليهو اكيد ابوي قال لي اتزكرت حياتنا زمان وامك الله يرحمها انا عايز اعمل ليها صدقه كل مره قلت ليهو وانا كمان نبداها بي اسره عبيره جاييهم عرس ان شاءالله نجيب ليهم سراير ولحفات قال لي طوالي خلّي الموضوع دا علي قلت ليهو تمام ربنا يهون مرت الايام وابوي مشا اشترا ليهم الحاجات وفرحو شديد ابو عبير جا مبسوط يحكي لي عبير انا العبره خنقتني معقوله في ناس بي طيبه القلب والبساطه والبراءه دي عبير شكرت ابوي قال ليها انتي بتي ودا الواجب جاي عليكم عرس وسبحان الله لحسن حظهم محمد قال ليهم م تكلفو نفسكم ح نعمل عرسنا الاتنين في صاله وحلف عليهم من اي شي محمد زول فاهم جدا شاف حالتهم وقرر يخفف عليهم عبير كانت م مصدقه انها ح تعرس في صاله قلت ليها وليه م تعرسي في صاله البعرسن ديل م احسن منك ولا انتي اقل منهن قالت لي نوسه انتي بجد كنتي خير علي انا بشكرك لو م انتي م كان عرفت محمد في يوم قلت ليها دا نصيبك ي عبير اكيد كان عرفتي بس م عن طريقي وتستاهلي كانت مبسوطه
عباده جا زي الليله وبكره عرس عبير وانا كنت مشغوله مع عبير والتجهيزات سلمت عليهو ورسلت ليهو الدعوه وتاني يوم محمد جا ساق عبير وحلف علي يسوقني معاها في الاول رفضتا وعبير قالت لي لو م مشيتي م بمش الكوفير مشيت معاها وجينا الحفله واول م دخلت لاقاني عباده م عرفني بالمكياج بس انا عرفتو وقفت وسلمت عليهو انخلع قال لي نوسه قلت ليهو ياها زاتا قال لي ي صلاه النبي اتحصني وكان بعاين لي بدهشه لدرجه وترني غلبني البعملو ابوي شافني معاهو جا ناداني وقال لي اوعك القاك واقفه مع ولد قلت ليهو دا عباده ي ابوي قال لي انا لابعرف عباده لا غيرو هرشني وقرب يضربني بي عكازو مشيت عشان كان زعلان والحفله كانت رهيبه وعبير طلعت عجيبه اهل راجلها كلهم اشتهدو من جمالها انا زاتي لمن ست الكوفير انتهت منها م عرفتها الا من صوتها الخبيره طلعت جمال كان مدفون وكانت مبسوطه ومحمد فرحان بيها فرح حسيتو كانو متحدي بيها الناس شكلو طلبو قاسي وم اقتنع بي اي واحده خطوبها ليهو جات عبير وكانت النصيب الحلووو❤️❤️❤️ جات لحظات وداع عبير هي تبكي وانا ابكي والشي القطع قلبي محمد قال بيتو في الجزيره يعني تاني م ح الاقي عبير ولا ح اشوفها كانت لحظات صعبه العجب ابوي التقول بتو بكا عليها بي دمعتو
عباده رسل لي قال لي ح اجيب اعمامي وح اجي اطلب يدك ابوي قال لي ح اعزم اخواني عشان يجو قلت ليهو تمام فعلا اتصل عليهو وتاني يوم جو هم ومعاهم اخواتو وابوي ضبح وجهز اي شي وعماتي واعمامي م قصرو وعباده واعمامو وابوهو وامو جو واكرمناهم وعمي طلع صاحب عمو زمان كانو في السعوديه وطلب يدي واكرمناهم وابوي قال ليهم ادونا يومين بنديكم رد وانا كنت طايره من الفرحه كلمت عبير ومنتظره رسايل من عباده بس م جاتني رساله رسلت ليهو رسايل وعبرتا عن شعوري ليهو وما ردا علي وقراهن واختو كانت تتونس معاي قبل الخطوبه بعد عباده جا البيت رسلت ليها وما ردت احترت منهم والليل كلو م نومتا وبرسل وبتصل لي عباده م برد تاني يوم ابوي قال لي عاوز اتصل علي الولد اديهو رد قلت ليهو تمام اتصل عليهو وانا كنت جنبو ردا عليهو شكلو م عارف رقم ابوي ابوي قال ليهو الف مبروك اديتك بتي وانا كنت بسمع فيهو عباده قال ليهو معليش ماف نصيب ربنا يرزقها بالاحسن مني ………….. يتبع