رواية ضماد جرح الفصل الثاني والعشرون 22 بقلم نوسه حمد
ابوي قال لي اديني رقم عباده عايز اتصل عليهو واقول ليهو مبروك عليك اديتك بتي انا غلبني اقول ليهو عباده من رجعو مننا تاني م رسل لي لانو هو قال لي م تتكلمي معاهو المهم اديتو الرقم وبقيت منتظراهو يتصل وفي حين انو انا اتصلت علي عباده كتير وما ردا علي بقيت قاعده اسمع الجرس الاول م ردا التاني التالت م ردا فرحتا قلت اكيد عباده حاصله عليهو حاجه لانو اتصلنا عليهو من رقم ابوي وهو م عندو بس الجرس الرابع ردا فيهو وانا قلبي بقا يضرب لمن حسيت بوجع وقلبي كان بقول لي عباده ح يخزلك ابوي كان مبتسم وسلم عليهو وبقا يسال فيهو من اهلو واعمامو الكانو معاهو وعباده برد كانو مجبور رغم انو نبرتو اتغيرت من عرف انو المتصل ابوي واحساس ابوي كان احساس طبيعي احساس ابو عايز يدي الموافقه للعاوز بتو وكان مبسوط حتي تعابير وشو كانت بتقول كده انا خايفه علي كسرت قلب ابوي اكتر من كسرت قلبي قال ليهو اتصلت عليك عشان اقول ليك نسيبه مبروكه عليك وتعال في اي وقت للعرس وحبابك عباده سكت م ردا عليهو ابوي قال ليهو سامعني يا ولدي قال ليهو سامعك يا حاج وعاوز اقول ليك ربنا ادي بتك الاحسن مني ابوي سكت وبقا يعاين لي خايف علي مشاعري وانا بعاين ليهو خايفه علي الصدمه ودموعي بقت نازله ابوي بصوت مبحوح العبره متغلبه عليهو قال ليهو قلت كده يا ولدي خير ان شاءالله ربنا يسهل ليك وقفل الخط وانا بقيت ابكي وبقا يقول لي م يستاهلك ولا يستاهل دموعك م تبكي ي بتي وانا كان لازم ابكي بقيت اقول ليهو خليتي يابا خليني ابكي اطلع حزن سنين جواي اطلع عذاب سنين مغروس فيني النقص الجواي بقا عايق في حياتي اكيد اهل عباده عرفو الحقيقه ودا الطبيعي يحصل ليه يا ابوي اتبنيتني ليه م جدعتني ليه خليتني زول وسط الناس وانا م زول ولا تامه زوله بقا يحنس فيني ويسكت فيني قال لي انا السبب انا العزمت اخواني هم السبب في تعاستك قلت ليهو لا ي ابوي لخير لو كان اتزوجتو وعرفو بعد الزواج ح يطلقني اكيد كويس انهم عرفو هسي الحمد لله علي قسمتي ابوي اتصل علي اخوانو وكان منفعل وبقول ليهم بت الله سترها وربيتا وتعبت فيها بعد قسمتها جاتا في داعي للخساسه تمسكو اهل العريس توروهو حقيقتها في واحد من اعمامي قال ليهو والله نحنا خشمنا م فتحناهو ومستحيل نعمل كده بس شكلهم عرفو من غيرنا عشان م تظلمنا وبتك تعبت فيها وربيتا احسن تربيه والله نحنا هديل بناتنا الامهاتن قاعدات ونحنا معاهن م زي بتك عيبك عليك يا اخوي تتهمنا اتهام زي دا ونحنا كلنا كنا مبسوطين انو جاها عريس وندمنا انو في يوم قاطعناك بي سببها نحنا كنا غلط وانت الصاح وبتك والله فوق راسنا كلنا والولد لو خلاها خسران هو عليك الله طمنها وريها انو قسمتها ح تكون احسن منو ابوي قفل الخط ولمن تعب واضايق وديتو المستشفى الدكتوره قالت لي ابوك عندو القلب لو هلك نفسو تاني وزعل ولا اتناقش ممكن اموت عشان كده لازم ياخد علاجو اول بي اول ويتجنب الزعل وصحتو اهم وكان تعبان شديد مشيت قلت ليهو يابا اعفي لي ممكن انا م زعلانه والله دي قسمتي حسبي الله ونعم الوكيل في الجابوني للحياه دي
طلعنا من المستشفى وكانت حالتي سيئه جدا ومنهاره م عندي نفس لاي شي حتي اني اعمل الاكل ف البيت كنت بعاين لي ابوي وصحتو انسان وهب حياتو لي مستحيل اخزلو اتشجعت ومثلت فيها انو م فارق معاي كنت بضحك ومن جواي بموت بالالم ابوي عمل المستحيل عشان يخليني مبسوطه انا كنت بمثل انو مبسوطه ومافارق معاي شي قلبي مقطوع والزاد وجعي فتحت الواتساب ولقيت عباده خاتي حاله زواجو من بت خالو اول م قريت الحاله بقيت في عالم تاني وشفت الحنه في يدو اتزكرت وعودو لي كسر قلبي وحطمني كتبت ليهو ي خساره طلعت م عندك كلمه انا م فارق معاي انت ولا زعلانه عشان خليتني بس انت خزلتني وخليتني اكره الحياه دعوه من جوه قلبي ومن واحده انت ظلمتها وانت عارف الحاصل عليها غصبا عنها وماليها يد فيهو ان شالله زي م كسرت قلبي م تضوق سعاده في يوم ومحل م تقبل تلقا العذاب وتضوق الضوقتو وتتوجع وما تلقا البخفف عليك وخليت الرسايل وصلتو وحظرتو وبكيت من غير م اشعر ولبست عبايتي وطلعت الشارع من غير ابوي م يشوفني وكنت ببكي الشارع كلو والناس كلها بتعاين لي ومن غير م اشعر مشيت الشركه بتاعت ياسر والامن طردني شكلهم بقو حافظني وقالو لي لو جيتي هنا بنبلغ الشرطه وانا كنت ببكي وبكورك ومنفعله شديد قلت ليهم لو م دخلتوني م ح يحصل طيب في واحد جا قال ليهم مالكم معاها خلوها تدخل خافو منو وفكوني شكلو زول مسؤول قال لي مالك فشنو عايزه مساعده قلت ليهو الله لا حوجني ليكم انا عايزه ياسر قال لي عاوزه شنو انا هنا بالنيابه عنو وهو في مأموريه برا البلد احكي لي انا ح اساعدك والله وم تخافي مني اعتبرني اخوك م تبهدلي نفسك بالبكا في مواضيع م بتستاهل قلت ليهو لا انا عايزاهو يشوف لي حل انا تعبت قال لي كدي اهدي وانا معاك ح اشوف ليك حل بس انتي اهدي وروقي انتي محتاجه مساعده عايزه قروش وانا العاوزاهو بعملو ليك قلت ليهو م بتقصر انا بس عاوزه ياسر قال لي ابوي ماف عرفت انو دا اخوي قلت ليهو انا عايزه اشتغل عندكم في بيتكم ضروري
قلت ليهو انت ولد ياسر قال لي اي ولد شكلو محترم ومؤدب بقيت اعاين ليهو وساكته وفي قلبي في الف سؤال قلت ليهو متزوج قعد اضحك قال لي اي الحمد لله ليه سالتي انتي منو م عارف بس انتي تشبهي حبوبتي وابوي م رديت عليهو قال لي بتعرفينا وبقا يعاين لي شديد قلت ليهو اي انا بت عمك قال عمي منو م رديت لاني م بعرف اعمامو اسمهم منو قلت ليهو انا م بقدر اقول ولا احكي بالتفاصيل بس ح احكي ليك كلام مبهم وعلي شرط تساعدني ممكن قال لي بالاول اساعدك فشنو وريني قلت ليهو انا تعبت من نظره الناس لي وروحي طلعت بسبب عمك انا عايشه حياه كاني ميته وانا علي قيد الحياه قال لي مافاهم منك شي احكي ووعد اني اساعدك قلت ليهو عندك كلمه ولا زي عباده قال لي عباده دا منو قلت ليهو عباده دا واحد م عندو كلمه وم راجل زاتو قال لي لا انا راجل وعند كلمتي وعهد الله م اخزلك قلت لييهو يلا النحكي ليك انا بت عمك قال لي كيف انا عمي عندو بتين بس المتزوجها انا وواحده تانيه قلت ليهو يلا انا بتو بس جابني بطريقه غير شرعيه الولد بقا مخلوع وقال لي مستحيل م بصدقك قلت ليهو صدقني انا م جيت اكذب عليكم انا جيت لي ابوك يشوف لي حل قال لي ابوي دخلو شنو في الموضوع قلت ليهو اخوهو قال لي طيب كنتي وين انتي وانتي م ظاهر عليك آلكلام البتقولي فيهو دا قلت ليهو م ظاهر عشان في راجل اتبناني ورباني احسن تربيه انا متاكده بنات عمك الاساسيات م بكونن مربيات زيي م ردا علي قال لي طيب انتي الوصف ليك مكانا منو والراجل الرباك وين احكي قلت ليهو عرفت مكان ابوك بالصدفه وانا م عايزه غير انو تحتوني انا م قادره اعيش انا تعبت قال لي الضمني شنو انو كلامك صاح وانتي م كذابه قلت ليهو الشبه قال لي لكن انتي تشبهي ابوي م عمي قلت ليهو عمك يعني اخو ابوك فهمتا قال لي بس عمي بشبه ابوهو وابوي البشبه حبوبتي قلت ليهو انا جيت اشبه حبوبتي انت ليه م عاوز تصدقني انا م عايزه منك شي غير تسوقني اشتغل عندكم خدامه ان شاءالله اغسل ليكم ملابسكم قال لي لا م لي الدرجه دي انا حاسي بيك مافكرتي في قرارك دا وبتتصرفي ساي قعدت ابكي وفعلا كلامو صاح ونظرتو لي صاح قلت ليهو انا تعبت شديد انا الحبيتو من عرف حقيقتي خزلني قال لي لانك م حبيتي راجل وانا حاسي بيك كنت منهاره وببكي شديد لمن برجف جاب لي مويه شربتها قال لي امشي ارجعي لي ابوك وانا ح اشوف موضوع عمي دا كيف وح اعرف الحقيقه قلت ليهو انا لو رجعت ح اموت البيت بزكرني عباده انا لو رجعت راجعه اطمن ابوي قال لي ابوك الرباك م تخزلي وتفوتي تخلي انا متاكد عمي م ح يعترف بيك قلت ليهو مصيرو يعترف بي بس انت سوقني معاك انا كان عندي اصرار عجيب امشي معاهو عشان اشوف امو واللهيا امي وقلت ليهو اني بت عمو عشان يسوقني معاهو لو قلت ليهو بت ابوك ح يطردني بقيت اترجا فيهو قال لي يلا انا ح اساعدك بس بطريقه غير مباشره المهم م تجيبي سيرتي الليله عندنا خطوبه اختي وناس عمي بكونو متجمعين المهم انا ح اسوقك ع اساس انو جيتي تساعديهم في الضيافه وعمي ح يجي انتي تاني اتصرفي معاهو بس ع شرط م تجيبي سيرتي علي لسانك لانو عمي دا انا متزوج بتو لو بتو عرفت انو انا عرفت الحقيقه وجبتك ليهم ح تزعل تمام انتي ادخلي ع اساس تبع ناس الضيافه تمام قلت ليهو تمام كان قلبي بضربك وانا مرعوبه م عارفه البحصل لي وقلبي في ابوي بكون افتش لي المهم مشيت معاهو وهو دخل قدامي انا جيت وراهو بيتهم عباره عن قصر والناس الجوه فيهو كانهم عايشين في نعيم لدرجه اني شكيت انو الناس ديل م عايشين في السودان دخلت لاقاتني بت شغاله معاهم قالت لي اتفضلي ودخلتني وبقت تفهم فيني انو الناس ديل بحبو النظام ولازم اكون مرتبه في نفسي قبل اي شي لانو جاينهم ضيوف عرفت انو البت خطيبا ولد وزير والبيت عباره عن جنه ادتني ملابس لبستهم وبقينا نجهز اتصلت علي ابوي قلت ليهو ما تشفق علي انا كويسه قال لي انتي ما ياهك فشنو قلت ليهو كويسه يا ابوي بس مشيت لي عبير ح اقعد معاها اليوم وعملت حسابي وريت عبير انها تكلم ابوي عشان م اوجع قلبو المهم انا بقيت بعاين للتفاصيل والناس المعزومين كلهم مشاهير فنانين ووزراء وانا قلبي مقسوم النص ليه م اكون بتهم وعايشه وسطيهم فجاه جات امي وبقت تكورك فينا اعملو كده ورتبو هنا وشيلو دا انا واقفه بعاين ليها بس قالت لي انتي جديده ولا شنو قلت ليها اي قالت لي م تعايني لي شوفي شغلك بعد شويه جات فاتن لمن شفتها لمن انخلعت هي زاتا انخلعت قالت لي نوسه حبيبتي وجات ضمتني عليها الولد طوالي جا قال ليها فاتن بتعرفيها قالت ليهو كيف م بعرفها نوسه دي اختي قبل تكون شغاله عندنا قلت ليها فاتن دا منو قالت لي نسيت اعرفك ي نوسه دا مهيلم زوجي انا قلبي قال شح عرفت انو ناس فاتن وفادي اولاد عمي ………..يتبع