رواية ضماد جرح الفصل الحادي عشر 11 بقلم نوسه حمد
البت اسمها حنين قالت لي انا م بعرف ابوك وامك بس في زول بعرفهم وللان ابوك بديهو قروش شهريا قلت ليها منو قالت لي بقول ليك بس علي شرط انك م تقولي انا كلمتك م عشان انا خايفه ولا انا بكذب لا انا صادقه في اي كلمه قلتها بس عشان ابوك كان محلف ابوي انو م يتكلم وابوي حاسي بالذنب قلت ليها اولا انا والله لو عرفتهم م عشان اعيش معاهم ولا عشان ارجع ليهم لا والله انا م عندي استعداد اعيش معاهم لاني بكرهم وحتي لو اعترفو بي ح اكون بت حرام ودا م كلامي كلام الدين وانا خلاص قسمتي كده انا عايزه اعرفهم عشان اساسا انا م محتاجه لقروشهم بس عمري م ح اسامحهم عايزه اعرف هم عايشين طبيعين ومرتاحين كيف وانا من يوم عرفت اتمنيت اموت قالت لي والله انا م عارفه بس الشي العرفتو من القصه دي كلها امك كانت عاوزه تقتلك عشان م تنفضح لانو ابوها معروف في البلد دي قلت ليها ياخ ياريتا قتلتني ولا خلتني ملطشه في الدنيا وكلمه بت حرام بتتردد علي من اقرب الاقربين لي قالت لي ابوك رفض وبقا يفتش لي زول يربيك ويدفع ليهو وابوك خالد كان عقيم اتبناك وامك الحاليه هسي دي م وافقت الا لمن عرفت انو ح يدفع ليها شهريا وابوك بقا متعلق بيك وعلي فكره ابوك الهسي دا كان شغال مع ابوي بس بسبب تربيتك كان م بقدر يمش الشغل لانو انتي كنتي طفله وهو الشالك وهو الكان بحميك وبغسل ملابسك انا انخلعت قلت ليها ابوي الكان بعمل كده م امي يعني قالت لي اي ابوك ي نوسه واهلو لمن عرفو قصتك اتشاكلو معاهو وهو م قادر يقول ليهم انو عقيم عشان م ينحرج قلت ليها طيب منو الحاليا البعرف ابوي وللان بشيل منو قروش قالت لي واضحه ي نوسه من كلامي امك قلت ليها امي قالت لي اي ي نوسه وعارفه مكان ابوك وامك وعليك الله ي نوسه م تقولي كلمتك انا وانا والله جيت من هناك عشان اوريك وعرفتك ح تكوني كبرتي وعرفتي الحقيقه واعتبريني اختك ي نوسه وانا زوجي منعني اكلمك قال لي خليها تكون م عارفه لو عرفت م ح تستفيد بالعكس ح تتعب زياده بس أبوي قبل م يموت قال لي كلميها وانا عشان عارفه ابوي اخد وعد مع ابوك انو م يتكلم كلمتك وما عايزه اظهر ولا اظهرو في الصوره وانا والله تعبت حتي لقيت رقمك وما عشان احكي ليك الكلام دا وبس نوسه انا بديك دولارات هسي وتفتحي مشروع وتصرفي علي نفسك قلت ليها لا لا انا م محتاجه والله جزاك الله الف خير قالت لي خليني اكمل دي وصيه ابوي وديل خلاهم ليك ي نوسه وانا مستحيل م انفذ وصيتو اسمعيني ي نوسه انا اختك والله وما تنحرجي العاوزه منك بس تفتحي مشروع وتريحي ابوي في قبرو وتدعي ليهو والله لمن مات شايل همك قلت ليها ابوك ربنا يرحمو بس م عندو ذنب في الفيهو انا دا الذنب ذنب الغرقو في شهوات الدنيا ونسو انو ممكن بي غلطهم دا يلدو واحده وتدمر بسببهم والحمد لله يا حنين انا كنت م كويسه نهاي وتايهه بسبب طمع امي بقن علي اتنين بت حرام وقساويه امي قالت لي شوفي ي نوسه م تبقي مسكينه ابوك للان بدفع ليها م تسكتي ليها ابوي كلمني لانو ابوك كان بحكي ليهو وابوك م كان قادر يتكلم لانو امك كانت بتهددو بتقول ليهو بوريها انها بت حرام وهو م كان عاوزك تعرفي عشان م تتاثري قلت ليها انا كنت شاكه لانو امي بتعاملني معامله كافر عديل بس قلت دا طبعها وفي كتار زيها بس استبعدت انها تكون م امي وانا م بقدر ي حنين ارد عليها لانها خلاص في الحساب امي وجزاهم الله الف خير م قصرو بس م كنت عارفه انو ابوي خسر اهلو وشغلو بسببي قالت لي ابوك طيب وغالبو البعملو وكان بسكر عشان القهر المعيشاهو فيهو امك بسبب تهديداتها وكان مجبور عليها عشان انتي م تتشردي وكل شي لخير وابوي كان مبسوط انك كنتي بت محترمه ودي اكتر حاجه مفرحاهو قلت ليها الحمد لله ي حنين م اشكر نفسي بس لو تصدقيني ولا م تصدقيني انا اول مره اطلع مكان طلعت ليك انتي اليوم وحتي بعد عرفت اني بت حرام م قلت خلاص انا كده كده م معترف بي النضيع واعمل اي شي لا بالعكس انا الفيهو دا هسي خصم مني كتير وبي اعتباري صفر علي الشمال وفي. قصص كتيره م قلتها ليك امي دي حرمتني من القرايه وم اكتفت بكده شغلتني خدامه في البيوت والحمد لله لقيت ناس البيت كويسين احترموني شديد وحبوني وحبيتهم وزوجتني لي صاحب ابوي عبدالله الله يرحمو قالت لي نوسه انتي جاده قلت ليها خليها بالنيه بس عبدالله احترمتو واحترمني وكنت ليهو بت م زوجه لغايه م مات واولادو طردوني من البيت قالت لي عبدالله الواحد دا صاحب ابوي قلت ليها ياهو زاتو يا حنين والله انا عافيه ليهو لانو حقق لي جزو من احلامي ودخلني المدرسه واتعلمت بس في النهايه فات خلاني لي الدنيا ربنا يرحمو قالت لي ليه امك تعمل كده وتخليك ارمله قلت ليها انا الحمد لله زوجتو علي الورق كنت قالت لي بس في نظر الناس ارمله انتي ح تمسكي الناس وتحكي ليهم حياتك الخاصه وانك متزوجه. علي الورق بس اكيد لا قلت ليها فعلا بس م مشكله كان خير بالنسبه لي رغم اني في الاول كرهتو بس بالعكس طلع ارحم علي من امي ونقتها وقدرت الان كملت تعليمي وهسي ممتحنه ثالثه ثانوي وانتي عارفه امي بتقول لي الا تشتغلي ولميت في شغل عشان كده فتحت التلفون قالت لي سبحان الله كويس انو حصل كده عشان تفتحي التلفون ونتلاقه وارتاح نفسيا ويا نوسه م تشتغلي اسمعي كلامي اقري واتخرجي والقروش دي بتعمل ليك مشروع حلوووو يغنيك عن الشغل عشان تتفرغي لي قرايتك وما تكلمي امك نهاي عشان ح تشيل منك القروش افتحي ليك دكان لي ابوك اشتغل فيهو عشان يطلع من نقه امك دي وم تظهرو ليها انو الدكان حقك نهاي عشان ح تبيعكم ليهو البت دي حبيتا ادتني حلول حلوه جداا قلت ليها طيب انا ح اعمل القلتي عليهو وفكره زاتو عشان ابوي بتعذب يوميا بسبب كلامها يطلع منها قالت لي دا رقمي احفظيهو وانا ح اتواصل معاك اطمئن عليك ادتني القروش وودعتني وفاتت قالت لي اعملي حسابك الدولارات دي م تديها لي اي زول لانو قيمتها كتيره قلت ليها حاضر وصلتني بي عربيتها قريب للبيت ولاقاني نزار في وشي شكلو جاي من الجامعه سلم علي قال لي نوسه كويسه انتي قلت ليهم كويسه ي نزار انت كيف والجامعه كيف قال لي الحمد لله ي نوسه بس القرايه كتيره انتي عملتي شنو قلت ليهو تمام ممتحنه تالت السنه دي قال لي موفقه لو احتجتي مراجعه انا موجود قلت ليهو شكرا ي نزار اتزكرت القروش قلت ليهو نزار ممكن طلب قال لي اتفضلي قلت ليهو امسك لي الامانه دي قال لي جدا قلت ليهو م تجدعها ساي قال لي لا لا م تخافي ديل شنو قلت ليهو دولارات بقا محتار وبعاين لي وفي وشو في الف سؤال قال لي نوسه العربيه النزلتك دي عربيه منو حسيت انو فهمني غلط قلت ليهو نزار م تفهمني غلط بحكي ليك بس م هسي انت بس امسك لي القروش دي واديني رقمك عشان قربنا لي البيت الجيران م يشوفونا ويطلعو فينا الف كلام قال لي الاقولو العايزين يقولو م فارق معاي قلت ليهو بفرق معاي انا قال لي تمام اسمحي لي بعدين اتصل عليك اتكلم معاك قلت ليهو كويس ومشيت منو قلت افضل ادخل نزار في الموضوع عشان يساعدني لاني م بعرف اعمل اي شيء بس بقيت محتاره اقول ليهو جبتهن من وين اتزكرت قصه البيت البعناهو قلت اقول ليهو دي الورثه ودا حقي من البيت
و دخلت البيت امي استلمتني ابوي قال ليها خليها بتي م كعبه وبقت تكورك انا اصلا كنت شاماها م بحب النفاق نهاي قلت ليها فشنو انا اطلع متي م انا عايزه انا زوله كبيره وواعيه وسمعتي سابقاني في الحله والاوهام الفي راسك دي شيليها وما تبقيها حجج فارغه لانو انتي عارفه اني حافظه نفسي ومستحيل العب بنفسي م عشانك انتي عشان انا خايفه ربنا ابوي بقا يقول لي معليش وهي تسمع فيهو في فارغ قلت ليها انتي زالانا كده ليه فشنو موش شهريا بتاخدي حقك قالت لي حق شنو البتتكلمي عنو قلت ليها انتي فاهمه كويس بس سؤال يمه لمن تمشي تشيلي القروش من ابوي الحقيقي وانتي بتعامليني اسوأ معامله ضميرك ما بأنبك وهل ابوي عارف الجحيم المعيشاني فيهو قالت لي ي بت دا كلام شنو انتي جبتي الكلام دا من وين قلت ليها من مكان عرفت حقايق كتيره وانا الكنت بقول عليك امي وللان معتبراك امي ومحترماك وما شفتي مني شين وابوي الاتسببتا ليهو في مشاكل كتيره وخسر اي شي شغلو واهلو بسببي ما بعاملني معامله اليهود المعاملاني بيها دي قالت ليهو ساكت مالك انت الوريتا الحقيقه انا عارفه ماف غيرك وبقت جايطه في ابوي وتكورك فيهو باعلي صوت استفزتني قلت ليها انتي بتكوركي فيهو كده ليه وانت يا ابوي ساكت ليها ليه عشان شنو دي اهانه وزله منها قالت لي تتهانو وتنزلو كده عندكم غيري تعيشو معاهو ويستحمل قرفكم وما تعملي فيها بتاعت دين وتعلمي لي في ابوك الصلاه قلت ليها م بتاعته دين والله اتمني اصل المرحله البتتكلمي عنها دي وهسي انتي لو بتصلي كان احترمتي راجلك خليك مني انا م تحترميني قالت لي راجلي م بحترمو وهو رضيان قال ليها م رضيان انا مستحمل عشان بتي م تتشرد في الشوراع انا الله عالم بي م عندي قرش عشان اطلع بيهو ومجبور عليك وكان ببكي قلت ليهو ابوي اعفي لي دا كلو بسببي بس بجي يوم وربنا بكشف الحقايق وح اتخرج وانفعك قالت لي انفعي من هسي والليله واحد ببيت في البيت معاي مافي سوقي ابوك وامشي انفعي يا النافعه انتي وطردتنا ……..يتبع