رواية ضماد جرح الفصل الثاني عشر 12 بقلم نوسه حمد
امي طردتنا انا وابوي ابوي كالعاده عاوز يعتزر ليها ويترجاها عشان تخلينا ودا كلو انا متاكده ابوي بعملو عشاني انا عشان م أتشرد بالشوارع بس لو عليهو هو م حصل امي دي ادتني احساس انها هي زوجتو زي بقيه النسوان عشان يستحملها ويتعلق بيها
وداير يبوس ايدها عديل انا مسكتو قلت ليهو ابوي لا م تعتزر ليها وطبعا هي متعوده علي السناريو بتاع اعتزار ابوي وكانها بتتعمد تهينو عشان ينزلا ليها وبتكون مستمتعه وابوي لمن يزعلها بعتزر ليها وبناديني انا زاتي اعتزر ليها وتقعد تتعزز فينا مسافه حتي ترضا لينا بتعاملنا كاننا خدام ليها انا استحضرت الكلام دا بعد كبرت ابوي قال لي خليني ي بتي نمش وين في الليل دا قلت ليهو ارض الله واسعه يابا م بقت عليها انا م ح اخليك تنزلا ليها نهاي ومسكتو وهو عاوز يعتزر ومصر وهي شده م عاجبها الوضع بتاع اهانه ابوي قربت تقول لي خلي يعتزر بس انا اصريت شديد وهي انفعلت قالت لي م اشوف وشكم دا تاني وهسي ترمي علي يمين الطلاق بالتلات ولو لاقيتك في الشارع م تسلم علي وبقت تكورك فيهو طلقني طلقني ابوي حلف م يطلقا قلت ليهو طلقا انت لا عندك منها اطفال لا محترماك ابوي حنين والعشره م بتهون عليهو بالساهل طلقا وقعدت تزغرت لملمت حاجاتي المهمه وشهاده ميلادي وورق ابوي كلو وملابسو وقبل اطلع اتصلت علي نزار كتير م ردا علي لمن طالعين رجع لي قلت ليهو نزار جيب الامانه العندك وتعال لي قدام النادي شويه قال لي نوسه في الوقت دا الناس بطلعو فيك كلام قلت ليهو م هاميني ممكن بس تجيب لي الامانه العندك وتجي قال لي طيب البس بس
انا وابوي طلعنا وامي ادتنا الباب في وشنا بعد جدعت لينا شنطتنا زي الكاننا بنصور في مسلسل طوالي مشينا ابوي قال لي اها ي بتي نمش وين نحنا غير بيت امك دا م عندنا بيت قلت ليهو ابوي ريا م امي ومن اليوم انا م ح اقول ليها امي انا تعبت من الاهانه ابوي انا تاني م ح اخليك تتهان لي زول انا ح ابقا ليك سند وح نعيش ي ابوي ح نعيش احسن ناس بس نتوكل علي ربنا ومقضيه بأذن الله بقينا منتظرين نزار قال لي وقفتي مالك قلت ليهو عندي امانه ح استلمها ماتابعت كلامي نزار جا سلم علي ابوي وبقا يعاين للشنط قال لينا خير مالكم قلت ليهو خير يا نزار بس نحنا عاوزين نرحل من البيت ابوي اختلف مع امي وطلقها قال لي ربنا يصلح الحال ومدا لي القروش قال لي نوسه القروش دي قيمتا كتيره غمزت ليهو فهم وسكت ابوي قال لي قروش شنو قلت ليهو باقي ورثتي من عبدالله ختيتو لليوم الزي دا وهسي محتاجين ليهم ح نأجر من وين قال لي الله كريم
نزار قال لي نوسه انتي م ح تعرفي تتعاملي مع القروش دي خليني اوصلكم مكان ماشين واحاسب انا وبعدين رحعيهن لي لمن تفكيهن في الاول رفضتا بس صراحه ماف لي حل غير اوافق قلت ليهو تمام قال لي اشوف ليكم فندق تقعدو فيهو وبكره بجي اشوف الحاصل عليكم شنو قلت ليهو تمام طلع تلفونو وشاف في النت اقرب فندق لينا وطوالي اتحركنا ليهو حجز لينا اول يوم ودفع القروش واداني قروش ابيت اشيلن قال لي نوسه دا دين فكي قروشك ورجعي قلت ليهو تمام طلع مننا ابوي بقا يشكر لي فيهو قال لي ولد محترم وكان طوالي بسالني منك قلت ليهو فعلا والله نزار ولد محترم ومتعلم شديد
عدينا اليوم دا علي خير اول مره احس ابوي انوم مرتاح ريا م كانت مريحاهو ومستحمل بسببي عشان كده ح اعوضو عن كل شي بعد اصبحت نزار اتصل علي قال لي صباح الخير كيفكم قلت ليهو تمام قال لي نوسه تخلي ابوك ونطلع انا وانتي نفتش لي بيت قلت ليهو تمام قلت ليهو انا عايزه مواصفات بيت يكون فيهو دكان عشان افتحو لي ابوي قال لي بتلقي م عايزه في حته معينه و م شرط بس المهم قال لي تمام انا بفطر وبجي عليك تحتكم مطعم انزلي اطلبي ليكم فطور قلت ليهو تمام نزلت طلبت بروست ومشوي وجبتهن وابوي كانو ما بعرفهن انا زاتي اول م ضوقتهن في بيت ناس مياده لمن غلبني اقول ليهم دا اسمو شنو امي كانت حارمانا من حاجات كتيره لمن شبع قال لي الله اديك العافيه قلت ليهو امين يارب قال لي عاوز قهوه اعمل ليك معاي قلت ليهو لا ليه تعملا انت بعملا انا قومت عملت القهوه وبقينا نتونس لمن ابوي نام وقبل انوم كلمتو اني خ انزل اشوف بيت نأجرو قلت ليهو م يتحرك نهاي الا اذا انا لو يومين م جيت ممكن يتحرك بس انا ح اجي نزلت لي نزار وبقينا نفتش سمسار اودينا لي سمسار وبعد تعب حتي لقينا بيت والبيت العجبني فيهو الجيران لاقيت واحده من جيران البيت اول ما شافتنا جات قالت لينا ح تاجرو قلنا ليها اي وبقت تسال فينا وانا ارد وهي ظريفه شديد والعصر الرجال الكبار خاتين كراسيهم جنب الباب قلت بس الجو دا ح يعجب ابوي شديد اجرناهو بسعر كويس ومضينا الورق واستلمنا المفتاح هو نص بيت غرفه بي صاله ومطبخ وحمام داخلي ونظيف شديد رجعت فرحانه كلمت ابوي وشيلت ليهو اكل نزار قال لي بنتظرك تغديهو وتجي نشتري ليكم الحاجات المهمه قلت ليهو تمام طمنت ابوي وقلت ليهو معاي نزار قال لي تمام غديتو تمام وقال لي تعبان تاني بنوم حاسي نفسي اول مره انوم ليهو حق لانو لو كان نايم امي كانت بتصحي من عز نومتو ونزلت مشينا نشتري الحاجات وجبت الحاجات المهمه سراير ودولاب وكراسي بلاستيك وبوتجاز وتلاجه نزار قال لي القروش دي كتيره والله ح تعمل ليك كل النفسك فيهو بي قلبي بقيت ادعي لي محمد صاحب ابوي لو م هو كان اكون في الشارع واي شي مكتوب سبحان الله امي طردتنا في اليوم الحنين ادتني فيهو القروش يوم كامل انا ونزار لافين لمن جسمي هبط وخلصنا لي بليل ومن التعب م قدرت امش اجيب ابوي مشا جابو لي وجا ابوي كان خايف علي وما عارف انا مالي ووين لمن شافني انبسط وقال لي دا بيت منو قلت ليهو دا بيتنا ي ابوي قال لي جبتي القروش من وين الحاجات دي كلها جديده قلت ليهو ربنا كريم
حسيت في راسو في الف كلام وبدا يخاف شكرت نزار وودعنا وفات قال لي لو احتجتي لحاجه انا موجود تمام قلت ليهو م بتقصر اخدمك وانت عريس عاين لي وما ردا فات بعد مشا جيت قعدت جنب ابوي قلت ليهو يابا انت بتثق فيني قال لي شديد بس ي بتي الزمن دا ماف زول بدي قروش ساي انتي جبتي القروش دي من وين قلت ليهو ابوي دا فاعل خير قال لي فاعل خير منو ي بتي وشكلو كيف اسئلتو كانت كلها خوف مفتكر فاعل الخير ابوي الحقيقي وم قادر يقول لي بس انا حسيت بكلامو قلت ليهو ابوي فاعل الخير دا بت عم محمد الجابني ليك قال لي بت عم محمد منو ولاقتك وين قلت ليهو صدفه اتعرفت عليها ف النت ولمن اتعرفت علي عرفتني ولمن جات السودان ادتني قروش افتح بيهن مشروع قالت لي ابوي كان بحكي لينا عنك قال لي ي سلام شكلها كريمه زي ابوها سبحان الله ابوها دا عندي معاهو زكريات حقيقيه قلت ليهو ابوي احكي لي وقبل م تحكي نقوم نصلي واظبط ليك شاي حليب ونجي نتونس بمزاج قال لي تمام مشينا صلينا وانا عملت الشاي لقيت ابوي منتظرني بقا يحكي لي لاول مره قال لي محمد دا كنت شغال معاهو في نفس الشركه انا كنت اعلي عليهو بس حصلت لي ظروف وبقيت اتسيب من الشغل وبجي بمزاجي لانو ظروفي كانت صعبه شديد قلت ليهو ظروف شنو احكي لي يا ابوي قال لي هو اي شي بتحكي ي بتي م بقدر احكي بقيت احنس فيهو عشان يحكي الظروف شنو بس رفض انا كان نفسي يحكي لي عشان اعافيهو بقيت ليهو سبب بي رفدو من الشركه وبقا متمرمط مع امي قلت ليهو ابوي انا م عارفه ظروفك شنو بس بالنيابه عن ظروفك حقك علي ومعليش واوعدك الجاي احلي قال لي ست البنات انتي الزيك م بعتزر انتي تاج راسي وحياتي وضماني عليهو حضن كنت مشتهياهو ونفسي فيهو لمن قعدت ابكي قال لي م عاش ولا كان الببكيك طول م انا حي م تبكي اعفي لي انا قسيت عليك وانا والله صبرت الصبر دا كلو علي امك عشان انتي م تتشردي وعشان كنتي مفتكره انو هي امك استحملت عشانك وانتي امانه في رقبتي قلت ليهو أبوي انت شفت ابوي الحقيقي وممكن ترد بصراحه قال لي نوسه انتي عايزه بيهم شنو انا خلاص قنعتي مني عايزه تفوتي تخليني 💔 قلت ليهو يابا انت مفتكر انو لو عرفتهم ح اعيش معاهم موش بقولو الجنه تحتهم ادخل النار وما اكون معاهم الوالدين الحققين الربو ما الولدو. قال لي انا م بخليهم يشيلوك مني قلت ليهو وانا م بمش انا بقيت واعيه ي ابوي وعايزاك انت بس وريني هو منو قال لي خايف منك وهو كان قاعد في السودان لمن كنتي صغيره كان بجيب ليك ملابس ومصاريف والبامبرز بس فتره قطع مني المصاريف وبقت امك تصرف عليك قلت ليهو لا ابوي لسه م قطع المصاريف وامي البتستلمهم قال لي كيف كيف ي بت امك م بتعرفو قلت ليهو لا عرفتو قال لي انتي جبتي الكلام دا من وين والقروش ديل من وين قلت ليهو اقسم بالله يا ابوي انا صادقه في كلامي معاك الادتني القروش بت اسمها حنين بت محمد صاحبك وقالت دي امانه ختاها ابوها ومنعتني اكلم زول عشان الاداها تمشي بس انت ابوي ومن حقك تسالني بس ي ابوي م تفكر اني ممكن اشيل قروش من ابوي وانا عايزه اعرفو عشان اقول ليهو كلام بس قال لي لا لا ي بتي احتمال يموتك لو عرف انك عرفتي قلت ليهو قل لن يصيبنا الا م كتب الله لنا ولو موتا النموت قال لي الزول دا مسؤول وزول عندو سمعتو قلت ليهو انا م عندي شغله في مكانتو يعني عشان مسؤول اعمل كده قال لي ي بتي دا ماضي وخلاص ربنا عوضك بي قلت ليهو عارفه بس وريني ابوي رفض يوريني قلت لازم اتابع امي واشوفا زاتا شغاله شنو بدايه الشهر بقيت مراقبه امي والاكتشفتو امي شغاله شغل م كويس للاسف