رواية سرطان الفصل العاشر 10 بقلم محمد منصور
ساطول مد ايدة ناحية الارض لانه شاف كتله من شعر انثي جنب الحيطة بالظبط مسك الكتلة دي
و بص لها بتركيز شديد وبص ل سرطان وقال
اية دة
سرطان هنا افتكر اخر بنت خطفها وهو بيسحبها وبيدخلها الاوضة السرية والحيطة قفلت علي شعرها ونسي يشيل كتله الشعر دة فقال ل نفسه
انت غبي يا سرطان
لكن هنا ساطول كرر سؤاله وقال
سيد غدير اية الشعر دة
سرطان بثبات انفعالي
انا بائع عطور ومعظم زبائني من النساء ودة اكيد شعر واحدة من الزبائن
بص ساطول بمكر الثعالب للحيطة اللي كان جنب منها الشعر وقال
بس ما فيش رف عليه عطور في الحيطة دي علشان تقف عندها واحدة من الزبائن.
سرطان
الهواء يا قائد الحراس كفاية ينقل الشعر من مكان ل مكان
وفتح سرطان باب المحل وفعلا الهواء دخل للدكان وحصل تيار هواء بسبب الشباك الموجود في وش الباب. فمسك ساطول مقبض الباب وقفله وقال باستهزاء
فعلا الهواء شديد عندك. ولازم تخلي بالك من نفسك. ومن شعر الزبائن بتوعك لان واضح انه بيقع من جمال عطورك
سرطان كان بيغلي من جوه وهو شايف ساطول رايح ناحية الحيطة اللي وراها الاوضة السرية وبدا يحسس عليها وكانه شك انها باب سري وقال
والافضل انك تستغل حيطة بالحجم دة وتحط عليها ارفف تستوعب عطور اكتر
سرطان
هبقي افكر فيها.
ساطول شال ايدة من فوق الحيطة لانه ما وصلش لاي حاجة وراح ناحية باب الدكان وقال
اتشرفت بمعرفتك سيد غدير
سرطان
الشرف ليا يا قائد الحراس
ساطول
الافضل تناديني بملك المذنبين. ساطول اسال عني اهل المملكة وانت تعرف اني كابوس لاي كائن حي
وخرج ساطول من الدكان وسرطان بيبص ناحيته وهو قلقان منه ،،،،،،
سرطان
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
ويتغير المشهد ونشوف ساطول فوق حصانه ومع لويس ولويس بيقوله
شاكك في السيد غدير
ساطول
انا شاكك فيك انت
وابتسم ساطول وضرب الحصان برجليه علشان يتحرك وفعلا الحصان مشي بخطوات بسيطة وساطول بص ل لويس اللي كان لسة واقف بحصانه فقال له
هتفضل واقف
ضرب لويس بطن حصانه برجله وبدا الحصان يتحرك وبقي ماشي جنب حصان ساطول اللي قال
مالك يا لويس اتصدمت لية ما كلامي
لويس
مش عايزني اتصدم ازاي وانت بتقول انك شاكك فيا انا
ساطول
انا ما اقصدش انك مع السفاح وبتساعده. انا اقصد اني لازم علشان اوصل للسفاح اشك في اي حد يمكن يكون هو السفاح ولغاية ما يثبت لي العكس
ف الكل قصاد مني متهمين. ودة مش حبا في المملكة واهلها. لا. دة علشان اوصل لبنتي اللي خطفها السفاح. ودلوقتي مطلوب منك تعرفني كل المعلومات عن الاربع بنات اللي خطفهم السفاح وانا هقدر اوصل للرابط بين الاربع بنات. والاهم من كدة لو السفاح قتلهم فين جثثهم ولا هما لسة عايشين وتحت ايده
لويس
اية الاسئلة دي كلها
ساطول
دي الاسئلة اللي لازم نسعي للوصول ل اجابتها علشان نوصل للسفاح
لويس
طيب انت عايز تبدأ باية
ساطول
تجمع لي كل المعلومات عن الاربع بنات حتي لو معلومة تافهه. وتيجي لي بيتي في سوق السمك
لويس
حاضر،،،،،،،
ويتغير المشهد ونشوف ساطول جوة بيته في حي السمك و مراته انجلينا في حضنه وكانت مش مصدقه انه قصاد منها وعيطت من الفرحة فقال لها ساطول
حتي وانا بين احضانك بتبكي
انجلينا
ما كنتش مصدقة كلام اهل المملكة اللي شافوك راكب حصان ووراء منك الحراس
ساطول
ما انا بقيت قائد الحراس
انجلينا
من مذنب ل قائد الحراس. طيب ازاي
ساطول
الحكاية باختصار ان حراس الملك فشلو في القبض علي السفاح خاطف البنات العذراء وقرر الملك اللجوء لي علشان اوصل للسفاح اللي خطف بنتنا صوفيا
انجلينا عيطت بحرقة وقالت
بنتنا يا حسره قلبي عليها كانت ليا السند والعون في ليالي الوحده. اللي انت كنت مسجون فيها
ساطول
انجلينا السفاح ضحايا كلهم كانو عند الطريق المهجور. اية اللي خلي بنتك تروح هناك
انجلينا باستغراب
بنتنا اتخطفت من سوق السمك. وعمرها ما راحت الطريق المهجور
ساطول هنا مخه اشتغل بمنتهي السرعه وقال
متاكده
انجلينا
طبعا متاكده احنا فين والطريق المهجور فين. واية يودي بنتنا هناك
ساطول بدا الشك يدق ابواب قلبه وقال
تعرفي عدد ضحايا السفاح
انجلينا
خمسه زي ما اهل المملكة بيقولو
ساطول
العدد دة قبل بنتنا ولا بعد بنتنا
انجلينا
لا قبل بنتنا لان اخر بنت اختفت هي بنت لويس قائد الحراس
ساطول
لويس اللي ارتبك لما قولت اني بشك في. وكدة بنتنا تبقي
انجلينا كملت الجمله وقالت
الضحية السادسة للسفاح
ساطول برق بمنتهي الغضب وقال
لا. ضحايا السفاح خمس بنات انما السادسة مش ضحيته
انجلينا
وعرفت ازاي
ساطول
الملك الفريد كدب عليه وقال ان بنتي الضحية الخامسة
انجلينا
يمكن غلط في العد
ساطول
و لويس قائد الحراس هو كمان غلط
انجلينا
تقصد اية انا مش فاهمه
ساطول
اقصد ان الملك بيلعب بيا وهو اللي خطف بنتي علشان اوصل للسفاح بدون اي الاعيب مني ويضمن ولائي لي
انجلينا
انت متاكد
ساطول
مع وصول معلومات الضحايا من لويس هتاكد ووقتها
يا ويل الملك الفريد مني ،،،،،،،
ومع حلول الظلام يوصل لويس لبيت ساطول وادي له كل المعلومات عن الضحايا وكان الرابط بين الاربع ضحايا واللي هي تفصيله ما حدش خد باله منها. عشقهم للعطور ودة خلي ديما ريحتهم مميزه لان جسمهم امتص زيت العطور و اختلط بخلايا جسمهم و ساطول قال في سره
بنتي مستحيل تكون من ضحايا السفاح لانها عمرها ما اهتمت بالعطور. بنتي في سجن من سجون الملك الفريد
هنا وقف قصاد منه سرطان بص له ساطول وقال
انت
سرطان
زيارة قصاد زيارة
ساطول
هات اللي عندك
سرطان
انا عارف بنتك فين
ساطول. بص للويس وقال
لويس قائد الحراس هو جاسوسك في قصر الملك مش كدة
سرطان
عايز بنتك
ساطول
اية المقابل
سرطان
تسلم السفاح للملك الفريد
ساطول
ومين السفاح
سرطان
انا، ،،،،،،،،،،
بوم تيش طخ. حد عايز مني حاجة اشوفكم بكرة باذن الله. سلام