رواية ضماد جرح الفصل الرابع عشر 14 بقلم نوسه حمد
مشينا الشركه وانا مشاعري متلخبطه وميار طبعا متظبطه عشان في بالها انها تتزوجو واول م قلنا عايزين المدير قالو لينا انتو منو وعايزين شنو بقينا نحكي ليهم طردونا ولي حسن الحظ اول م طردونا المدير جا طالع طوالي ميار جرت ليهو بقت تتكلم معاهو وانا واقفه بعيد خشمي م فتحتو وهو مركز معاي قال لي وانتي مشروعك شنو انا جوه قلبي مقطوع قال لي اسمك منو قلت ليهو ساجده سبقتا ميار عشان مع ربكتا ديك ح تقول ليهو نسيبه قال لي عاشت الاسامي فيك شبه من امي الله يرحمها قلت ليهو يخلق من الشبه اربعين وميار شغاله تقول في كلام حشو بس هو ولا فاهم ليها اي شي قال لينا تمام انتظرو دقايق وتعالو لي في المكتب وفات انا بقيت واقفه والعبره خانقاني ميار شغاله لي خطتي الاولي نجحت وانا ولا شغاله بيها بعد كان في راسي الف سؤال ليهو بس حسيت نفسي م عايزه اقول اي حاجه وندمت اشد الندم اني كلمت ميار. لانها عبيطه والنوع البتحب القروش ونهاي م عايشه في مستواها رغم اهلا ناس م شاء الله عليهم علي قدر حالهم وفي حالهم قلت ليها ميار ارح نرجع البيت انا عندي قرايه قالت لي منو البرجع موش دي كانت فكرتك بعد تعبنا ووصلنا للراجل عاوزه تتهابلي كان ماشه امشي وانا بكمل نوسه نحنا الفقر كتلنا نفسي البس زي الناس اكل زي الناس انتو م شاءالله م زينا قلت ليها القال ليك منو م زيكم ياخ كنا اكعب منكم وصبرنا ونولنا وصدقيني ي ميار ربنا بفتحها عليكم وارح هسي نحنا م قدر الراجل دا شفتي الحرس بتاعنو واقفين كيف قالت لي انا قدرو ودا الحا ينشلني من الفقر وانا ختيتو في راسي بعرسو بعرسو لو قعدتي ولا مشيتي بقيت اكورك فيها قلت ليها عاوزه تدخليني في مشاكل مع اهلك اقولو وديتك ليهو انا قالت لي اهلي ح يفرحو بعد الراجل دا يجي يطلب يدي وانتي بتكوركي كده مالك غيرتي مني ولا شنو قلت ليها اغير فشنو وبعدين انا م بدمر حياتي مع راجل قدر ابوي عشان القروش الغنا بالقناعه م بالقروش ومشيت خليتا واقفه والشارع كلو ابكي وصلت عيوني مورمات ابوي قال لي مالك قلت ليهو صدعتا وجيت ودخلت جوه بكيت قدرتي في الدنيا وبقيت اتكلم مع نفسي انا ابوي وامي الحقيقين ولدوني بالحرام وعايشين عيشه هنيه انا من حظي اكون بت حرام ويجدعوني واتعب واتعذب في الحياه دي واعذب معاي راجل م عندو ذنب بقيت م عارفه انا عايزه شنو واتندمت اني فتشت ليهو ولقيتو والندمني اكتر ميار وعباطتها والبت دي م ساهله مفتحه شديد ممثله لي اهلا انها مسكينه والله صحي التلفونات دي بتعلمك الاهلك م علمو ليك ولا في صفاتهم حاولت نومتا حبه وصحيت بصوت ميار بتقول لي نوسه قومي ياسر وافق علي مشروعي وقال ح يساعدني وسالني منك قلت ليها قلتي لي شنو قالت لي قلت ليهو م عايزه حاجه جات مرافق معاي ساي قلت ليها تمام وح تعملي شنو قالت لي ح ابدا اعمل مشروعي وحبه حبه ح اخلي يتكلم معاي واسمعيني ي نوسه شهر بالكتير لو م خليتو طلب يدي ابقا م اسمي ميار انا شميتا شمه وكرهتها عديل بقيت اتكلم معاها واقنع فيها قالت لي لا ي نوسه انا م صدقت عرفت لي جلابي في البلد دي والفضل يرجع ليك قلت ليها ميار وعباده قالت لي عباده شنو العاطل الما عندو موضوع قعدت تنبز فيهو بعد كانت بتحبو وبتموت فيهو وحلمها يتزوجا غيرت رايا من عرفت مكان القروش بطني طمت منها وبقيت م عايزاها عديل قلت ليها ميار انا ممتحنه ومافاضيه للتفاهات دي لو عاوزه تجي تضيعي لي زمني معليش تاني م تجيني قالت لي انتي مالك اتغيرتي من عرفتيني عايزه اتزوج الجلابي والحاله دي لسه م عرستو والله ي نوسه م كنت مفتكراك غيوره وحاقده كده صحي الما بعرفك بجهلك وانتي ظهرتي لينا حقيقتك علي العموم كتر خيرك ح امشي من غير م تطرديني والقرايه النابحانا بيها دي ان شالله يزيعوك م رديت عليها وطلعت زعلانه وبقيت هامه البت دي لو فعلا جا يتزوجها ح يجي هنا واكيد ابوي ح يحضر العرس ودي تبقا مصيبه احسن شي قطعت علاقتي بيها بقيت مرتاحه وبعد سطتا المكان سواطه قررت اني م اتكلم مع الاسمو ابوي دا ولا افتش وراهو لانو من شفتو بطني طمت بقيت عاوزه طريقه ابعد بيها ميار منو قلت النمش اشوف الولد البحبها واتكلم معاهو رغم اني م حبيتو نهاي بس لازم القا لي طريقه ابعدا من ابوي المهم بقيت افتش لي مكان بقعد والمساء مشيت لقيتو قاعد مع اولاد ناديتو وبقيت اتكلم معاهو قلت ليهو انا صاحبت ميار وشايفاكم بتحبو بعض قال لي انتي نوسه الجيران الجداد قلت ليهو اي قال لي طيب المشكله شنو وميار ليها يومين متغيره معاي وحظرتني قلت ليهو ميار اهلا عرفو وشاكلوها وقالو ليها لو جادي بجي بالباب عديل م بالدس بحبك قال لي والله ي نوسه انا عندي اخوات مستحيل اتكلم مع بت عشان اغراض تانيه والحمد لله انا بشهادتي بس ربنا م قسم لي اشتغل وكلو بي يد ربنا وانا م عندي استعداد اطلب يدها الان قولي ليها ربنا يقسم ليك غيري ويسعدك ان شاءالله قلت ليهو انت مشكلتك شنو قال لي نوسه انا اهلي للان بي بنيان القديم عاوز اشتغل عشان ابني ليهم اول وابني لي نفسي واتزوج قلت ليها عباده م مشكله البنيان ملحوق وبعدين االاولي انك تتزوج ما تبني قال لي ودا منو البفهم كده امي قالت لي لازم تبني حتي تفكر في الزواج وميار عارفه كده وموافقه قلت ليهو قبل اهلا م يعرفو بس هسي الوضع اتغير وانا هسي جيت من وراها م كلمتها وجيت اديك اقتراح رايك شنو انا اتكفل بي زواجك منها وتحلني بعد تشتغل قعد اضحك قال لي نوسه انتي مسكينه شديد انتي م عارفه التزامات العرس قلت ليهو عارفاهو ومستعده من الالف لي الياء اديك رايك شنو وعلي راحتك سدد الدين قال لي جد انتي طيبه شديد والله راجل ولد رجال م يعمل البتقولي فيهو دا وجزاك الله الف خير م قصرتي قلت ليهو انا م جايه عشان تشكرني إنا جايه عشان اخليكم تتلمو علي بعض وتحققو النفسكم فيهو في الأول رفض شديد وانا اصريت عليهو انو لازم يجي ويطلب يدها وانا م بقصر منو قال لي تمام انا مبدئيا بجي اتكلم قلت ليهو تمام بس عليك الله م تجيب سيرتي م عاوزاها تتحسسس عاوزاها تفتكر انك جيت تطلبها عشان فقدتها تمام قال لي تمام ومشيت منو
حسيت نفسي مرتاحه شويه قلت النلحق البت دي قبل م تنفذ الفي راسها ودا كلو بسبب هبالتي بس م اتوقعتها تفكر في كده غايتو المصايب ماشه تهل علي زي المطر والحمد لله ابوي قال لي كنتي وين بقيت اتمتم قال لي ي بتي نحنا غربا في المكان دا خلينا نعيش مستورين قلت ليهو ابوي كنت مع ميار ما ردا علي دخلت جوه لقيت ميار قاعده انا لمن انخلعت قالت لي كنتي وين وكذبتي علي ابوك شفتي حبل الكذب قصير انا م اتوقعت انو ميار تجيني بعد طردتها قلت ليها مشيت الاقي نزار كذبت عشان اطلع من شكوكها قالت لي طيب ومالك عامله فيها قرايتي وممتحنه
قلت ليها فعلا انا والله اهملت قرايتي وان شاءالله ح ابدا من اليوم قالت لي نوسه زعلانه قلت ليها ازعل ليه قالت لي عشان قلت ليك حاسده نوسه م قصدي قلت ليها من حقك تقولي البتقوليهو وانا علي بالشي الحقيقي ميار انا م حاسده والله بتمني ليك كل الخير بس البهدله م بتمناها ليك قالت لي نوسه بهدله شنو بالعكس لو خطتي دي نجحت والله انتو اعزكم قلت ليها لا لا نحنا خلينا قالت لي نوسه ادعي لي بس قلت ليها ربنا ينولك الفي مرادك قالت لي امين جيت عشان اشيل منك حاجه امشي بيها بكره عندي موعد معاهو في الشركه قلت ليها مصره يعني قالت لي مصره شديد قلت ليها تمام هداك الدولاب شيلي العاوزاهو مشت فتحت الدولاب وبقت تلبس لبسه لبسه وتطلعها لغايه م لقت ليها فستان بجي ضيق فيها لبستو وهو شين بس عشان ضيق شالتو قالت لي يلا سلام بكره بجي احكي ليك قلت ليها تمام موفقه وفاتت رجعت لي عباده بي رساله قلت ليهو لقيت ميار تبكي ومشتاقه ليك وانت لازم بكره تجي تتقدم ليها تخلي علاقتكم في النور تمام قال لي طيب ي نوسه انا والله مانفسي اشوفها تبكي وانا زاتي مشتاق ليها نوسه حاولي خففي عليها لغايه م بكره اجي وانا والله اقتنعت من غير كلامك دا ح اجي قلت ليهو موفق ان شاءالله
تاني يوم ميار جاتني قاشره قشره من امها قالت لي ماشه الشركه اتغظت منها بس قلت الله يستر.
المساء جاتني امها مستعجله قالت لي نوسه انتي م مشيتي مع ميار قلت ليها وين قالت لي الشركه العاوزه تعمل ليكم المشروع قلت ليها لا لا قالت لي سجمي البت م جات للان وهداك جاها ولد الطاهر وطلب يدها قلت ليهو منو قالت لي م بتعرفي اسمو عباده بس البت اقول مشت وين وهي مفهامني انا وابوها انها معاك قلت ليها والله انا م مشيت معاها من اول يوم قلت ليها دي جرجره انا م بقدر عليها قالت لي خلاص لو فاضيه تعالي ساعديني مشيت معاها وبقيت اساعد فيها ولي بليل انتظرو ميار م جات فاتو وامها وابوها بدو يقلقو ولي الساعه واحده بليل البت م جات والخوف دخل فيهم تفتكرو الحصل ليها شنو …….يتبع