بسم الله ولا حول ولا قوه إلا بالله العلي العظيم
خالد .. نايم علي السرير وبيفكر في رهف وبداء حديث بينه وبين نفسه هو انا ليه بفكر في رهف علي طول وفي الاساس انا معرفهاش وكل ده غلط وانا عارف انه غلط
نفسه .. انت بتحبها يا خالد ووضح انها هي كمان بتحبك
خالد .. لا كده حرام دي دلوقتى متزوجه مستحيل انا افكر كده
نفسه .. انت خلاص سمحت لما كلمت بنت ما تعرفهاش وبقت كل حاجه في حياتها زي ما هي بقت كل حاجه في حياتك
خالد .. لا مستحيل ربنا يسعدها مع جوزها وانا هكمل حياتي زي ما انا وربنا يعملها اللي فيه الخير ليها
نفسه .. انت مش هتقدر تعيش من غيرها والبت واضح انها حلوه
خالد .. حلوه لنفسها مش ليا ويجيب السبحه و بيستغفر ربنا عز وجل
رهف .. صاحية علي خبط جامد علي الباب قامت مفزوعه
محمد .. جري علي الباب عشان يفتحه
الضابط .. رهف علي موجوده
محمد .. ايوه انا اخوها خير
الضابط .. عايزينها هناخد اقوالها وحترجع علي طول
رهف .. انا رهف يا حضرت الضابط خير
الضابط .. لو سمحتي غيري هدومك وتعالي معايا كلمتين وهتمشي
محمد .. حضرتك تبع قسم ايه
الضابط .. مش تبع قسم انا امن وطني
محمد .. والامن الوطني عايز ايه من اختي
الضابط .. زي ما قولتلك كلمتين وتمشي مين عايش معاك هنا
محمد .. بابا وماما ونزلوا من شويه
رهف .. انا جاهزه يا حضرت الضابط
محمد .. استني هاجي معاكي
الضابط .. مش هينفع
محمد .. ممكن اشوف كارنيهك
الضابط .. اتفضل عشان تطمن
محمد .. ماشي بس رهف مش هتتاخر
الضابط .. ما تقلقش ساعتين بالكتير وهتكون هنا اتفضلي يا مدام رهف
رهف .. نزلت ولقيت علياء هي كمان في العربيه ركبت جنبها خير يا طنط
علياء .. مش عارفه يا بنتي ما حدش قالي حاجه
رهف .. يبقى الموضوع يخص حاتم
علياء .. بتقولي ايه يا بنتي
رهف .. سلامتك يا طنط مش بقول حاجه
الضابط .. اتفضلوا وفضلوا ماشين لحد ما وصلوا مكتب الضابط ارتاحوا شويه هنا
علياء .. انا قلقانه يا بنتي هو فيه ايه لحسن يكون حاتم حصل له حاجه
رهف .. ما تقلقيش يا طنط شويه وهنفهم كل حاجه
العسكري .. اتفضلي يا مدام علياء
علياء .. قامت دخلت لقيت الضابط قاعد علي المكتب
الضابط .. ابنك حاتم فين
علياء .. مش عارفه ليه هو حصل له حاجه
الضابط ..يعني انتي ما تعرفيش ان ابنك ارهابي
علياء .. ارهابي ازاي حضرتك ده ليه سنين بره مصر
الضابط .. تم القبض علي ابنك مع جماعه ارهابيه من يومين
علياء .. مستحيل يا حضرت الضابط ابني مستحيل يعمل كده
الضابط .. كان بيبعتلك كام كل شهر
علياء .. لا انا الحمد لله معاش المرحوم ابوه مكفيني وبيزيد كمان وحضرتك تقدر تتاكد بنفسك
الضابط .. يعني انتي ما تعرفيش اي حاجه عنه
علياء .. انا اعرف ابني كويس ومستحيل يخون بلده
الضابط .. ارتاحي شويه بره يا عسكري دخل مدام رهف
رهف .. بتدخل
الضابط .. اتفضلي ارتاحي
رهف .. شكرا
الضابط .. ايه علاقتك بي حاتم
رهف .. مكتوب كتابنا
الضابط .. بتحبيه
رهف .. ده سؤال حضرتك
الضابط .. يعني جواز عن حب ولا
رهف .. عادي والحب بيجي بعد الجواز
الضابط .. تعرفي حاجه عن شغل حاتم
رهف .. كل اللي اعرفه انه ليه سنين مسافر
الضابط .. جوز حضرتك بيتعاون من تنظيم ارهابي
رهف .. سكتت وهي مش عارفه تقول ايه
الضابط .. سكتي يعني
رهف .. هقول ايه وانا مش عارفه كلامك صح ولا اتهام
الضابط .. حاتم رهن التحقيق دلوقتى وكل حاجه هتظهر
رهف .. يبقى لو سمحت ما تقولش عليه ارهابي غير بعد التحقيق ما يخلص
الضابط .. ولحد التحقيق ما يخلص ممكن نستدعيكي
رهف .. مفيش مشكله بس مش بااطريقه دي زي ما اكون قاتله قتيل حضرتك انا مواطنه وليا حقوقي وحضرتك سيد العارفين بكده
الضابط .. احنا اسفين علي الطريقه اللي جبناكي بيها
رهف .. ممكن اشوفه
الضابط .. للاسف لا
رهف ..فيه اي حاجه تاني
الضابط .. لا تقدري تتفضلي
رهف .. وطنط علياء
الضابط .. خديها معاكي يا عسكري
العسكري .. افندم
الضابط .. خليهم يمشوا
رهف .. طلعت يلا يا طنط هنروح
علياء .. انا عايزه اشوفه يا بنتي
رهف .. للاسف يا طنط الامن الوطني مش زي الاقسام العاديه وان شاء الله قريب هيطلع منها
علياء .. ان شاء الله يا حبيبتي
رهف .. طلعت من الامن الوطني لقيت اخوها محمد مستنيها
محمد .. الحمد لله انك طلعتي انا كنت هتجنن في ايه
رهف .. لما نروح تعالى نوصل طنط علياء الاول وبعد كده هنروح
محمد .. حاضر اتفضلي يا طنط تاكسي
وركبوا كلهم ووصلوا علياء للبيت وبعد كده روحوا علي بيتهم
علي .. انتو كنتو فين
محمد .. الامن الوطني جه اخد رهف
علي .. الامن الوطني وياخدها ليه
رهف .. بيقوله حاتم ارهابي
علي .. قعد علي الكرسي وهو مصدوم ايه المصيبه دي
رهف .. ولا مصيبه ولا حاجه كده كده انا ما كنتش حابه اكمل في الجوازه دي ومن بكره هرفع قضية طلاق وبعد اذنكم ودخلت اوضتها
رجاء .. العمل ايه في المصيبه دي يا علي
علي .. العمل عمل ربنا يا رجاء ده لو الحكايه دي صح هتبقى مصيبه
رجاء .. ربنا يستر
منال .. بتخبط علي الباب
رجاء .. تقوم تفتح
منال .. اخبارك يا ماما
رجاء .. الحقيني يا بنتي جوز اختك بيقولوا ارهابي والأمن الوطنى جه اخد اختك الصبح
منال .. وهي فين دلوقت
رجاء .. في اوضتها
منال .. هدخل لها وبتخبط علي الباب وبتدخل تلاقيها بتعيط بتجري عليها وبتحضنها
رهف .. انا تعبت يا منال كل مره اقولكم لا وفي الاخر بتصدم انا تعبت من كتر الصدمات
منال .. لازم تحمدي ربنا عز وجل في الوجع والحزن قبل الفرح يا حبيبتي وربنا بيبتلي عبده المؤمن عشان يشوف هيصبر ولا لا
رهف .. الحمد لله بس الصدمه المره دي كبيره
منال .. وربنا مش هيسيبك وهيكون معاكي واحنا كمان معاكي يا حبيبتي وهنعدي كل حاجه سوا وان شاء الله انا متاكده ان اللي جاي هيكون خير يا حبيبتي
رهف .. يارب يا منال يارب استغفر الله العلي العظيم واتوب ايه
منال .. هسيبك ترتاحي يا حبيبتي و هطلع اقعد مع ماما بره
رهف .. ماشي يا حبيبي وشكرا انك جنبي
منال .. انا اختك يا هبله وبتطلع
رجاء .. عامله ايه اختك
منال .. هترتاح شويه يا ماما ما تقلقيش رهف قويه وهتتغلب علي الظروف دي ان شاء الله
رجاء .. يارب يا بنتي يارب
رهف .. بترن علي خالد
خالد .. السلام عليكم
رهف .. وعليكم السلام ورحمة الله وبركاته
خالد .. كنت عايز اقولك ما ينفعش نتكلم تاني يا رهف
رهف .. ليه يا خالد انت شوفت مني حاجه وحشه
خالد .. بالعكس انتي ست البنات بس اللي بيحصل ده غلط وانا كنت واخد الموضوع عادي بس واضح انه مفيش حاجه اسمها صداقه بين ولد وبنت
رهف .. انا مش هناقشك ومش هرن عليك تاني وعارفه كلامك صح وحاسه ان في حاجه جوايا ناحيتك وده غلط بس قبل ما اقفل عايزه اخد رايك في حاجه
خالد .. اتفضلي
رهف .. حكتله اللي حصل وانها هترفع قضية طلاق
خالد .. عين العقل وربنا معاه ان كان مظلوم ودي حاجه يعلمها ربنا
رهف .. ربنا معانا كلنا وزي ما قولتلك مش هرن عليك تاني
خالد .. ممكن خدمه
رهف .. اتفضل
خالد .. عندي شغل عندكم ممكن العنوان ولو بعتلك رساله تخلي محمد اخوكي يقابلني عشان انا غريب زي ما انتي عارفه
رهف .. حبعتلك العنوان لو احتاجت حاجه قولي واخلي محمد يخلصهالك
خالد .. وطلب اخير لو حصل طلق ابعتيلي رساله طمنيني
رهف .. حاضر وبجد شكرآ علي كل حاجه عملتها عشاني
خالد .. الشكر لله مع السلامه
رهف .. سلام
وبدات رهف في رفع القضيه والفتره دي كانت مخنوقه اووي بسبب بعد خالد والظروف اللي هي فيها الايام بتمر ببطئ وعلياء كلمتها عشان تقنعها انها تستنى شويه لكن رهف اعتبرت اللي حصل ده إشاره من ربنا وانها مش لازم تكمل وبتمر الايام ورهف مش بتروح الشغل ومن المحامي للبيت لحد ما تحدد معاد الجلسه وكل الوقت اللي مر عليها كانت في حيره ومش عارفه تعمل ايه ويا ترى قرار الطلاق صح ولا غلط كانت مشتته و ضايعه ومش عارفه هيحصل ايه بس كانت ديما تصلي وتطلب من ربنا يعملها اللي فيه الخير ليها وفي يوم الجلسه لبسة وطلعت علي المحكمه والمحامي كان مستنيها وكان حاتم في القفص
حاتم .. انا بريئ يا رهف صدقيني
رهف .. خلاص يا حاتم كل حاجه بينا خلصت (رهف كانت قويه من بره بس من جوها تايها مش عارف ترسي علي بر )
حاتم .. وانا هعملك اللي انتي عايزاه روحي وانتي طالق
وكان طلاقه ليها قبل حكم المحكمه
رهف .. كانت حاسه بوجع وبتكتم دموعها رغم انها هي اللي عايزه الطلاق بس الموقف كان صعب عليها اووي و الاصعب واللى هز رهف من جواها لدرجة المحكمه كلها اتقلبت اللي حصل بعد ما حاتم طلقها