بسم الله ولا إله إلا الله وحده لا شريك له
محمود .. انا حاسس انك بتعمل مصيبه يا عادل وانا مش هينفع افضل مستني وركب عربيته وطلع علي الشرق واول ما وصل علي حدود الشرق شاف الفرس بتاع عادل في ارض الشرق وكمان شاف شريف جاي بالعربيه وهنا من غير تفكير اتحرك علي طول ودخل الشرق عشان يشغل شريف عشان ما يحصلش مشكله
شريف .. ايه المجنون ده وزاي داخل الشرق وبيضرب تلكسات
اسماء .. سمعت صوت التلاكسات وطلعة هي وعادل يشوفوا فيه ايه
عادل .. اول ما لقي محمود بينزل من العربيه سحب المسدس
اسماء .. لا يا عادل عشان خاطري بلاش انا مش عايزه مشاكل واكون انا السبب فيها
محمود .. طلع المسدس وضرب نار فوق عربية شريف وشاور لي عادل عشان يمشي
اسماء .. عرفت ابن عمك عمل ده عشان ما يحصلش مشكله يلا تعالى معايا وبتركب الفرس بتاعها
عادل .. هو كمان بيركب الفرس بتاعه
اسماء .. تعالى ورايا
عادل .. طلع وراها لحد ما طلعته من طريق مختصر
اسماء .. انا هرجع بقا
عادل .. بكره هستناكي عشان نتكلم في الشغل
اسماء .. ان شاء الله هاجي يلا بقا
عادل .. بيمشي عشان يدخل الشرق لمحمود
شريف .. سحب المسدس ونزل من العربيه انت عايز ايه
محمود .. ولا حاجه انا لقيت نفسي فاضي قولت اجي اشوفك
شريف .. ابقا اجبلك صوره بالحجم الكبير عشان ما وحشكش
محمود .. بص لقي عادل مشي لا ما تتعبش نفسك كل ما توحشني هاجي وشوفك
شريف .. انا لو شوفتك هنا تاني هتكون نهايتك يا هلالي
محمود .. هتشوفني كتير يا زناتي ولا تقدر تعمل حاجه ولو فكرت توقف قدام عادل تاني انا هولع في الشرق كله
شريف .. اه هو ده اللي مزعلك مني
محمود .. انا لو زعلت منك كان زمانك في الترب اوعي تنسي انت مين يا زناتي
شريف .. انا شريف الزناتي ولو علي الرجاله ملين الشرق والسلاح مفيش اكتر منه وطلق كتير وانا مستني اللحظه اللي اقضي عليكم فيها
محمود .. ده مش هيحصل حتي في احلامك انت اللي نهايتك انت واهلك بتقرب وللاسف وقتك خلص معايا إلي اللقاء وبيركب عربيته وبيرجع لوره ويمشي
شريف .. بيضرب ايده علي العربيه وبيفضي خزنة المسدس في الهواء
اسماء .. جايه بفرسها خير انت بتتخانق مع نفسك يا شريف
شريف .. لا كان في كلب هنا بس مشي
اسماء .. كلب مين ده
شريف .. محمود الهلالي
اسماء .. سبحان الله امبارح اتجننت ان عادل دخل الشرق وكنت عايز تصور قتيل ودلوقت محمود جه لحد هنا وبتضرب نار في الهواء
شريف .. عشان انا عايز اقتل عادل مش حد تاني
اسماء .. ربنا يهديك علي نفسك وبتتحرك بالفرس
شريف .. اسماء طب اسمعي
اسماء .. ولا كانها سمعاه وبتطلع علي البيت
شريف .. برحتك يا قمر بس برضاكي او غصبن عنك مش هتكوني غير ليا
عادل .. لقي محمود راجع نزل من فوق الحصان انت مجنون ايه اللي انت بتعمله ده
محمود .. انا اللي مجنون ولا انت الكلب شريف لو شافك كان هينتهز الفرصه عشان يقول انك انتي اللي بتبداء بالمشاكل لو عايز دم قول وانا ما خليش فيهم حد عايش
عادل .. اهداء يا ابو عمو انا من اول عمك ما مات وانا مش عايز اوسخ ايدي بدم حد ومش حابب اللي كان بيحصل لكن لو فيهم حد اتجاوز حدوده هيكون اخر يوم في عمره وعمر كل كلب يوقف معاه
محمود .. انت عايز ايه من اسماء
عادل .. اسماء اه يا اسماء ورده عايشه وسط وحل علي فكره اسماء هي الي هتمسك حسابات الشركات من بكره ان شاء الله
محمود .. والله انت مش هتجيبها لبر
عادل .. ايه عندك اعتراض
محمود .. لا عشت ولا كونت يا كبير انت تؤمر وانا انفذ
عادل .. حبيبي يا ابو عمو وبيحضنه
محمود .. يلا عشان عمك مستنيك بيقول ابن اخويا من اول ما وصل وما قعدش معايا
عادل .. يلا يا ابو العمده
فتحي ..انتي جيتي يا اسماء
اسماء .. ايوه يا بابا وكويس اني لقيتك كنت عايزاك في موضوع
فتحي .. خير يا حبيبتي
اسماء .. عادل الهلالي عرض عليا اني اشتغل معاه وانا شايفه انها فرصه كويسه
فتحي .. سكت هي اكيد فرصه كويسه بس ممكن تفتح علينا ابواب جهنم
اسماء .. اسفه انا خلاص هقوله اني مش موافقه
فتحي .. حس اني اسماء عايزه الشغلانه دي لا يا حبيبتي خلاص اللي عايزه ربنا هيكون والليله هصلي استخاره وبكره ابلغك بقراري
اسماء ..تسلملي يا اجمل اب في الدنيا
عادل بيقعد مع عمه وبيتكلموا في كل حاجه و حواليه شاب بيت الهلالي بيتكلمه ويهزره ويضحكه وبعد كده بيدخل عادل ينام عشان يصحي الفجر يروح المسجد يصلي الفجر و يرجع يقعد في القصر وهو مستني اسماء واسماء بتصحي تصلي الفجر ومستنيه قرار ابوها
فتحي .. بيخبط علي باب اوضة اسماء
اسماء .. اتفضل يا بابا
فتحي .. انتي صاحيه
اسماء ..ايوه يا حاج صليت الفجر وكنت بقراء قرآن
فتحي .. ربنا يتقبل
اسماء .. منا ومنكم يا حاج
فتحي .. انا موافق انك تشتغلي مع عادل وان شاء الله تحققي كل احلامك
اسماء .. ظهرت السعاده علي وشها وحضنت ابوها الف شكر يا بابا
فتحي .. اهدي يا بنتي انا مش قدك
اسماء .. ما تقولش كده يا حاج ده انت الجبل الي بتسند عليه
فتحي .. ربنا ما يحرمني منك يا بنتي هتروحي امتي
اسماء .. ساعه كده تكون الشمس طلعت
فتحي .. خدي مفتاح العربيه بدل ما تروحي بالحصان ما انا عارفك مجنونه
اسماء .. مقبوله منك يا حجوج
عادل .. قاعد في الجنينه متوتر وهو مش عارف اسماء هتيجي ولا لا
فرج .. صباح الخير يا عادل
عادل .. صباح الورد يا عمي
فرج .. مالك كده حاسك فيه حاجه
عادل .. لا يا عمي بفكر في موضوع مهم
فرج .. من اول ما ابوك الله يرحمه مات وانت شلت هم العيله كلها
عادل .. الحمد لله يا عمي انك معايا وواقف في ظهري
فرج .. ولحد اخر يوم في عمري هفضل معاك يا ابني
عادل .. ربنا يديك طولت العمر وما يحرمنيش منك وبيمسك ايد عمه يبوسها
فرج .. ولا منك يا ابني وبيحضنه
محمود .. الله الله فيه ايه يا حاج ده انا ابنك عمرك ما حضنتني
فرج .. شوف الود ايه هتغير
محمود .. ايوه يا حاج بغير وضحك وقعد جنبهم
عادل .. ايه صاحي ليه بدري يا حوده
محمود .. اذا كان الباشا اللي بيصحى العصر صاحي من الفجر هنام انا
عادل .. ما انا مش بخلص من تريقتك
اسماء .. طالعه من البيت
فتحي .. ايه رايحه
اسماء .. ايوه يا بابا
فتحي .. استني هاجي معاكي
اسماء .. ليه حصل حاجه
فتحي ..لا بس عايز اسلم علي العمده فرج
اسماء .. ماشي يا بابا
فتحي .. بيركب العربيه وبنته جنبه وقبل ما بيطلع من الشرق بيلاقي شريف واقف في الطريق
شريف .. بيوقفهم صباح الخير
فتحي .. صباح النور مالك واقف هنا ليه
شريف .. عشان لو حد من الغرب فكر يدخل البلد لكن انت رايح فين ارضك مش من هنا
اسماء .. ايه لازم نديك تقرير عن تحركاتنا
شريف .. لا يا اسماء بس انتم داخلين علي الغرب
اسماء .. فعلآ رايحين لي عادل بيه عشان هشتغل معاه عندك مانع
شريف .. الكلام نزل عليه زي الصاعقه ووشه اتغير
فتحي .. طلع بالعربيه وكمل طريقه
شريف .. بيصرخ وبيضرب ايده علي العربيه انت لازم تموت يا فتحي لازم تموت عشان تبقا لوحدها وفي النهايه هتكون ليا مستحيل حد ياخدها غيري
الحارس .. بيكلم عادل بيه بالاسلكي
عادل .. فيه ايه
الحارس .. العمدة فتحي بره عايز يدخل
عادل .. خليه يتفضل
فتحي .. دخل بالعربيه القصر ونزل السلام عليكم
الكل .. وعليكم السلام ورحمة الله وبركاته
فرج .. الحاج فتحي نورت الغرب
فتحي .. الغرب منور بيكم يا حاج فرج وحشني واخدو بعض بالاحضان
عادل .. شرفتنا يا عمده
فتحي .. تسلم يا ابني
فرج .. اتفضلي يا بنتي ارتاحي
عادل .. افهم من كده يا عمي ان اسماء موافقه تشتغل معانا
فتحي .. اكيد يا ابني وزي ما كان ابويا وجدي معاكم احنا كمان هنكمل
فرج .. خلاص تعالى احنا نقعد جوه ونسيب الولاد لي شغلهم
فتحي .. يلا انت وحشني اوي يا صاحبي
محمود .. هطلب لكم اتنين عصير
عادل .. لا خليهم يجهزو الفطار هنفطر كلنا سوا
محمود .. من عنيه
عادل .. نورتي القصر
اسماء ..اول مره اشوف قصر كده حتي قصر الزناتيه ولا حاجه في القصر ده
عادل .. القصر ده تاريخ يا اسماء
اسماء .. معاك حق المهم هبداء من امتي الشغل
عادل .. انتي خلاص بداءتى بعد الفطار هاخدك ونروح الشركه المحاسب هيفهمك كل حاجه قبل ما يسافر وانا هكون معاكي
محمود .. الفطار جاهز
عادل .. اتفضلي يا اسماء
محمود .. يا حاج الفطار جاهز
فرج .. اتفضل يا عمده
وقعدو كلهم علي السفره وفطره وفتحي وفرج بيحكوا عن المواقف اللي عاشوها في شبابهم وبعد الفطار شربه الشاي
فتحي .. هتبداو شغل من امتي
عادل .. دلوقت هنتحرك علي الشركه
فتحي .. بالتوفيق يارب استاذن انا يا عمده وان شاء الله هنتقابل كتير
فرج .. اتفضل يا عمدة خليكم يا ولاد انا هوصله
فتحي .. مش هوصيك علي اسماء يا فرج
فرج .. هتوصيني علي بنتي يا راجل يا عجوز ما تقلقش دي في عنيه
فتحي .. هو ده العشم برده يلا اسيبك في رعاية الله
فرج .. مع الف سلامه يا فتحي
عادل .. يلا نتحرك
اسماء ..يلا وبتركب العربيه جنب عادل وبيتحركوا علي الشركه
شريف .. النهارده لازم احطلك حد يا فتحي الكلب شكلك كبرت وخرفت
حماده .. بيرن علي شريف
شريف .. ايوه يا حماده طمني
حماده .. العمده راجع لوحده
شريف .. يبقا جه لي قضاه خليك وراه مش عايزه يهرب مننا
حماده .. انا وراه ما تقلقش
شريف .. بيقفل الطريق بعربيته
فتحي .. ماله ده واقف ليه في الطريق كده وبيوقف خير يا شريف انت ما وركش حاجه ولا ايه النهارده
شريف .. بيطلع المسدس مش ورايا غيرك
فتحي .. بيسحب المسدس من جيب السديري
حماده .. بيحط المسدس في دماغه لا يا عمده انت كبرت علي مسك السلاح وبيمد ايده وبياخد المسدس منه