بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
فتحي .. انتو شكلكم اتجننتوا خالص يا شريف انت وحماده
شريف .. لا انا لسا عاقل بس واضح انت وبنتك عايزين تشوفوا جناني ووقتها مش هخلي في عائلتك حد حتي الاطفال هتموت فاهم يا عمده
فتحي .. بيفتح باب العربيه وبينزل علي جثتي انك تتجوز بنتي انت اللي نسيت انا مين ولو فاكر ان سكوتي عنك وانت والزناتيه خوف لا لازم تفوق لنفسك وتعرف ان اللى قدامك فتحي العمده اللي لو صبري نفذ ههد عليكم قصركم وبيوتكم فاهم يا شريف الزفت واتقي شر الحليم اذا غضب وبوش كله غضب بيبص علي حماده وبيضربه بالقلم
حماده .. اتخبط في العربيه
فتحي .. اخد منه المسدس وضربه بالنار في رجله
شريف .. انت اللي جبته لنفسك ووجه السلاح ناحينه ٠
فتحي .. كان حاطط السلاح في دماغ شريف ايه يا شريف فكرني كبرت لا ده انا اقرقش عشره زيك
الغفر حاوطه شريف وشيخ الغفر ضرب شريف علي دماغه وقع المسدس من شريف ووقع هو كمان علي الارض
فتحي .. حمدالله بالسلامه يا عتريس يا ابو عمو
عتريس .. اخد العمده بالحضن وحشني يا عمده
فتحي .. انا قولت انك خلاص سبت مشيخة الغفر وسبت ابن عمك قدام الكلاب دول
عتريس .. انا اول ما عرفت اني الغفر رفضه تنفذ الاوامر عشان خايفين من الزناتيه طلعت علي المركز وخليت الغفر كلهم من ولادنا عشان يفدوك بحياتهم ومن دلوقت وسوا هنعرف كل واحد مقامه
فتحي .. وعهد عليا يا ابن عمي اني اقف في وش الكلاب دول الاي افتكره نفسهم اسياد وفتكرو اننا احنا العبيد يلا خده الكلبين دول علي الدوار
الغفر.. حاضر يا جناب العمده
فتحي .. بيحط ايده علي كتف عتريس اخيرا رجعت ليك سنه كامله مفيش حد يعرف مكانك
عتريس .. بس انا كنت عارف كل حاجه بتحصل ولما حسيت اني فيه خطر عليك جيت علي طول
فتحي .. بس انت عرفت ازي ان الكلاب دول مستنيني
عتريس .. انا اول ما رجعت طلعت علي المركز زي ما قولتلك وخلصت كل حاجه وانا راجع لمحت عربيتك بس ما كنتش متخيل الكلاب يتجراءه علي كده
فتحي .. خلاص من دلوقتى لازم يعرفوا حدودهم خلي رجالة العيله يجهزوا نفسهم بالسلاح النهارده لازم الكل يعرف حدوده
عتريس .. بس انت عارف ان سلاح ورجالة بيت الزناتي اكتر مننا بكتير
فتحي .. بس هما رجلتهم جيبينها بالفلوس لكن احنا من دم واحد
عتريس .. حاضر يا عمده هو ده الكلام اللي انا عايز اسمعه منك من سنين
عادل .. دخل الشركه ودخل المكتب اتفضلي ارتاحي يا اسماء
اسماء .. شكرا
عادل .. ضرب الجرس اللي علي المكتب
السكرتيره ليلي .. خبطت ودخلت صباح الخير يا فندم
عادل .. صباح الخير يا ليلي اتفضلي ارتاحي ورني علي المحاسب عشان يجي
ليلي .. رنة علي المحاسب وبعد كده بصت لي عادل خير يا عادل بيه في حاجه حصلت
عادل .. من النهارده الانسه اسماء هتمسك كل حسابات الشركات بتاعتنا والنهارده انتي والمحاسب هتعرفوها كل كبيره وصغيره في الشركه
ليلي .. تحت امرك نورتي الشركه يا انسه اسماء
اسماء .. شكرا ليكي
عادل .. رن الجرس دخل عامل البوفيه تشربي ايه يا اسماء
اسماء .. عصير
عادل .. وانتي يا ليلي
ليلي .. عصير
عادل .. اتنين عصير فرش يا عم عثمان واتنين قهوه طبعا عارف قهوة المحاسب
عثمان .. طبعا يا فندم ودقايق وطلبات تكون عندك
المحاسب دخل والقهوه والعصير جات وبدا الشغل واسماء كانت بتستوعب كل حاجه بسرعه ما هي الاولى علي دفعتها وجه ميعاد الغداء وعادل بعت جاب وجبات وبعد الاكل رجعوا كملو شغل وعادل كان سعيد جدآ وهو حاسس انه قريب من اسماء واسماء كمان كانت بتحاول تركز في الشغل بس كانت ملاحظه نظرات عادل وهي كمان حاسه اني قلبها بيميل ناحية عادل رغم انهم ما تكلموش غير في الشغل من اول ما وصلوا الشركه لكن عيونهم كانت بتحكي وتقول كلام كتير والوضع علي كده لحد ما جه تليفون لي عادل من محمود ابن عمه
عادل .. السلام عليكم
محمود .. وعليكم السلام ورحمة الله وبركاته في حاجه مهمه لازم تعرفها
عادل .. سامعك قول
محمود .. رجلتنا اللي بيرصده تحركات شريف قالوا انه كان عامل كامين لي العمده فتحي وكانوا هيدخلوا لكن الحمد لله في اخر لحظه جه شيخ الغفر عتريس واخد شريف وحبسوه في دوار العمده والعيلتين بيجهزه نفسهم
عادل .. قام وطلع من المكتب محمود جهز الرجاله وقبلني في مدخل الشرق وما تتاخرش
محمود .. حاضر يا ابو عمو
عادل .. دخل المكتب انتو كملوا شغل وانا هخلص شوية حاجات وراجع اسماء بعد ما تخلصي استنيني عايزك
اسماء .. حاضر
عادل .. وصل مدخل الشرق ولقي محمود والرجاله جاهزين يا رجاله النهارده مش عايز طلقه في الهواء القناصين بمجرد وصولنا ياخدو اماكنهم وكل واحد منكم يحمي التاني مش عايز غلط واحنا مش بنظلم حد لا احنا وزاي ما بنعمل طول عمرنا بنوقف مع المظلوم ضد الظالم جاهزين يا رجاله
الرجاله.. بصوت هز المكان جاهزين يا كبير
عادل ..عمي فين يا محمود
محمود .. مع باقي الرجاله هيحاصره الشرق
عادل .. علي بركة الله يلا بينا
فتحي .. عملت ايه يا عتريس
عتريس .. رجالتنا محاوطين الدوار من كل حته ما تقلقش
واحد من رجالة شريف راح بلغ ام شريف شيرين ..
شيرين .. يبقا اليوم لازم نكسر الشوكه اللي زرعوها الهلالية وسطنا اجمع كل الرجاله هنروح نولع في بيت العمده وناخد شريف ونرجع
..وفعلآ بيتحركوا وبيوصلوا دوار العمده وكل واحد بياخد موقعه استعداد للحرب ..
فتحي .. اهلا يا شيرين بس مفيش داعي للرجاله دي كلها ابنك غلط وانا هربيه
شيرين .. ايه الجراءه الي انت فيها دي يا فتحي راجع نفسك قبل فوات الاوان
عتريس .. بيطلع من الدوار لسا زي ما انتي يا شيرين الزناتي بس نسيتي احنا نقدر نعمل ايه
شيرين .. عتريس انت رجعت انا قولت ارتحنا منك للابد
عتريس .. لا ما تحلميش انك تخلصي مني بالسهوله دي انا راجع وهفضل مع العمده لحد اخر يوم في عمري
شيرين .. انا مش جايه اسمع الكلام ده انا هاخد شريف وامشي وحسابك يا عمده علي الاي انت عملته هنتكلم فيه بعدين
فتحي .. ابنك اعترض طريقي وهددني وكان عايز يقتلني وانتي جايه تاخديه بساهل كده
شيرين .. بلاش تعاند ووقتها انت اللي هتندم
فتحي .. اليوم ده ما حدش مننا هيطلع عايش
شيرين .. انت اللي اختارت يلا يا رجاله
عادل .. بيدخل بالعربيات بتاعته ولحظات ورجالته سيطره علي المكان فيه ايه يا عمده
فتحي .. عادل بيه انتي ايه اللي جابك
فرج .. كلم محمود علي الاسلكي وطبعآ الكل سامع الصوت احنا حصرنا الشرق كله واي حد هيحرك سلاحه هيموت ٠
واحد من رجالة شريف بيحرك البندقيه وبيبص حواليه جاته طلقه ووقع علي الارض ...
عادل .. قرب من شيرين العهد هو اللي جابني ولا نسيتي يا شيرين
شيرين .. بتبص حواليها وبتحسبها كده لو اتحركت هخسر كل حاجه بصت لي عادل وعلامات الخوف ظهرت علي وشها عهد ايه يا عادل
عادل .. من بعد جدي ما قتل جدك رماح واتفاقنا اننا نسيبكم تعيشوا في سلام مقابل مفيش نقطة دم من الشرق تنزل وخصوصآ من بيت العمده ولا نسيتي شكلك نسيتي انا هفكرك مين بيت الهلالي واللي اتعمل زمان يتعاد دلوقت يا عمده هات شريف
فتحي .. هاته هو و الكلب التاني يا عتريس
عتريس .. جابه ورماه تحت رجلين عادل
شيرين .. كان قلبها اتخلع من جسمها
شريف ..( بص في المنظر حواليه) يا امه الحقيني
شيرين .. لو حصل حاجه لي ابني ناس كتير هتموت
عادل .. الوحيد اللي هيموت هو انتو انتي شايفه بعنيكي تحبي تشوفي اكتر خلي اي كلب من رجالتك يتحرك وقبل ما يتحرك هيكون ميت الاول ده كان تحذير عشان كده الرصاصه جات في رجله لكن بعد كده مفيش غير الموت
شيرين .. بس العمده اهو عايش وواقف علي رجليه
عادل .. انتو وزاي العاده خنتوا العهد وانتي عارفه مصير اللي يخون العهد معانا
شيرين .. انت عارف ان شريف ده متهور انا هربيه بس بلاش اللي بتفكر فيه يا عادل انا ام وعارفه انك مش هتحرمني من ابني
عادل .. ده قانون وحطينه من سنين وانا بحكم اني كبير بيت الهلالي بنفذ الحكم وانتي عارفه كلمتنا وحده
عادل .. حط المسدس في دماغه الدم بالدم يا شيرين وانتو اللي بديتوا