احمد ........ مين الي جاي الصبح بدري كده ويفتح الباب
فريده ........ انت ليه مش بترد علي تلفونك يا احمد
احمد ......... كنت نايم يا ماما خير في ايه
فريده ........ ما انا مش هسيبك كده انت لازم ترجع مراتك
احمد ......... ماما الموضوع ده انا خلاص خلص بالنسبالي
فريده ......... وانا مش هسيبك تدمر حياتك
احمد .........انتي مش عايزه تفهمي ليه اني حياتي ادمرت من اول ما سمعت كلامك ووفقت علي الجوازه دي انتي السبب في الي انا فيه دلوقت يا ماما انا عشت اسواء ايام حياتي بسبب اني كنت بحاول ارضيكي وبعد ده كلخ كمان جايه وعايزه تكملي عليا انا هسيب لك الدنيا كلها وماشى
فريده ........ يا احمد رايح فين يا احمد رد عليا
احمد ........ اخد الموتوسيكل بتاعه وطلع بسرعه جنونيه وهو يلف في الشوارع مش عارف رايح فين وهو يفكر انو خلاص الحياه قفلت عليه بكل قوتها وهو ما فيش في تفكيره غير الموت خلاص مبقاش عنده طاقه يتحمل ضغط امه المستمر و تفاجئ لما يلاقي نفسه قدام الشارع الي فيه بيت ليلي خالة روح و بيقول لنفسه انا ايه الي جابني هنا و بيلف عشان يمشي يلمح روح طالع بفستان شيك اووي وهنا بيوقف ولاحظ اني في اتنين موتوسيكل و مغطىن وشهم وماشين ورا روح وكمان الي من ورا بيشاور علي روح
بنجو ........ يلا يا سيد قرب منها
سيد ......... حاضر
احمد ......... بيطلع بي اقصي سرعه ناحية روح
روح .......... شايفه واحد راكب موتوسيكل ولبس خوذة وجاي بسرعه جنونيه عليها اتسمرت مكانها وصرخت
بنجو ........... بيفتح القزازه عشان يرشها علي روح
احمد ....... يقرب من روح و بيحضنها وهو ماشي بي الموتوسيكل و بيبعدها عن المجرمين دول
بنجو ......... وقف يا سيد وترجع تاني
روح ........ بتضرب في احمد انت مجنون سيبني
احمد ......... وقف الموتوسيكل و سابها وطلع المسدس و بيضرب علي المجرمين
بنجو ......... اهرب يا سيد
سيد ..........يهرب بي اقصي سرعه
احمد .......... بيضرب بنجو بطلقه في كتفه
بنجو ........ بيحضن سيد و بتوقع منخ القزازه
سيد ........ بيختفي بين العربيات
روح ......... اول ما شافت القزازه وهي بتوقع وبتفور علي الارض عرفت انها ميه نار انا اسفه انا فهمتك غلط
احمد ........ يخلع الخوذه ولا يهمك اي وحده مكانك كانت تفكر كده
روح ........ احمد بيه مش معقول
احمد ........ معاكي حق اقسم بالله انا مش عارف انا ايه الي جابني هنا اصلآ سبحان الله زي ما كون جاي هنا عشانك انتي رايحه فين الصبح بدري كده
روح ........ انا اتعينت معيده في كليه التجاره و النهارده اول يوم ليا
احمد ......... احنا لازم نفتح محضر بي الي حصل يا مدام روح
روح ........... بس ده مش و قته انا كده هتاخر
احمد ....... خلاص اركبى اوصلك وبعد ما تخلصي هستناكي في القسم عشان نعمل المحضر
روح ........ لا شكرا مش عايزه اتعبك انا هاخد تاكسي
احمد ......... ولا تعب ولا حاجه انا كده كده فاضي وكنت طالع من البيت مخنوق ويا ستي اعتبرني تاكسي
روح ........كانت لسا خايفه ووافقت وركبت معاه علي الموتوسيكل
احمد ......... يفكر في نفسخ ويبتسم ويقول لنفسه يعني ماما جاتني الصبح بدري عشان انزل وانقذ روح وانا الي كنت بفكر في الانتحار سامحني يارب استغفر الله العلي العظيم واتوب إليه
روح ........ هي كمان بتفكر في نفسها معقول يكون كده ده صدفه لا طبعا ده ترتيب ربنا لو اتاخر احمد شويه يا عالم كان حصل فيا ايه الف حمد وشكر ليك يارب
وهما الاتنين ساكتين وكل واحد منهم يفكر مع نفسخ......
احمد ......... حمدالله بالسلامه
روح .......... الله يسلمك وبجد مش عارفه اشكرك ازي
احمد .......... اشكري الي جابني علي ملا وشي لحد عندك
روح ............. مين
احمد ............ ربنا سبحانه وتعالي ده انا حتي ما غسلتش وشي علي الصبح
روح ........ في كافتيريا جوه تعالي انا هعزمك علي الفطار
احمد ........ طبعا مش هقدر اقولك ادفع انا عشان نزلت من غير فلوس ولا تليفون
روح ....... يعني نازل من غير اي حاجه اشمعنا المسدس
احمد ......... لا ده حته من جسمي مقدرش انساه
ورح .......... تحب تفطر ايه
احمد ......... زيك بالظبط اطلبي ليا ولكي وانا هدخل الحمام اغسل وشي عشان افوق
روح ......... خلاص ماشي
احمد ........ زوقك في الاكل جميل
روح .......... تسلم يارب الف هنا
احمد .......... انتي بتمثلي انك بتاكلى
روح ........... بصراحه فطرت مع خالتو قبل ما انزل
احمد .......... بس لازم تاكلى اي حاجه عشان يبقا عيش وملح
روح ........... حاضر عشان خاطرك بس
احمد .......... شكرا
روح ........... بس انت كنت جايه ليه منطقتنا
احمد ............ والله انا كنت مخنوق وطلعت بي الموتوسيكل مش عارف مشيت فين ولا ازي لحد ما لقيت نفسي عندكم اكتر من كده معرفش
روح ........... ده ولا الافلام
احمد .......... حياتنا كلها عباره ان فيلم كبير كل واحد فينا بيكون بطل قصته
روح ......... معاك حق انا شوفت حاجات في حياتي اكتر من الافلام
احمد ........ مش لوحدك تعرفي اني حكايتي قريبه من حكايتك مع فرق بسيط انك بنت وانا راجل
روح .......... ازي
احمد .......... انا بسبب ضغط امي عليا وبسبب اني بحبها ومش عايز ازعلها وفقت علي الجواز من وحده لا بحبها ولا بتحبني وامي جبتهالي عشان بنت صحبتها و ابوها رتبه كبيره في الداخلية عندنا فضلت معاها سنتين شوفت العذاب الي في الدنيا كله البنت تكلمني من طراطيف مناخيرها كاني شغال عند ابوها سنتين وانا مستحمل عشان ماما ما تزعل سنتين وانا مضغوط وزي ما كون ميت مش عايش سنتين وانا قدام الناس مبسوط وبيني وبين نفسي مدبوح وأخيرا اليوم الي كنته عندي فيه عشان قضيه عادل جوزك كنت لسا مطلقها وزي ما يكون هم و انزاح من علي قلبي وبعد ده كله امي جايه النهارده الصبح بدري عشان تخليني ارجعها عرفتي اني مش فارق عنك كتير
روح ............ يا ده كله ربنا يعينك وانا كنت فاكر انه الاب والام يضغطوا علي البنات بس
احمد ....... لا هما للاسف بيكون شايفين انهم كده بيعملوا الي في مصلحتنا مش عارفين اننا كبرنا ونعرف نرسم حياتنا بطريقه الي تناسب كل واحد فينا
روح ............ كلامك صح ومش يفوقو غير بعد فوات الاوان
احمد .......... يلا شكرا علي الفطار الجميل ده وسيبك عشان معادك و هستناكي في القسم
روح .......... اخلص و هاجي علي طول
احمد ....... السلام عليكم
روح ....... وعليكم السلام ورحمة الله وبركاته
❤️❤️❤️❤️
احمد ........ رجع علي البيت اخد دش وغير هدومه ونزل راح القسم
❤️❤️❤️❤️❤️❤️
روح ......... السلام عليكم
جلال ......... وعليكم السلام ورحمة الله وبركاته اتفضلي يا بنتي
روح ........... شكرا يا دكتور
جلال ......... اتفضلي امضي اوراق تعينك
روح ......... بجد مش عارف اشكر حضرتك ازي يا دكتور
جلال ......... انتي طالعه الاولى علي الكليه وده حقك وانا كنت هزعل لو خسرنا وحده ذيك
روح ...... شكرا يا دكتور وان شاء الله اكون عن حسن ظنك
جلال ....... انا متاكد من كده يلا يا بنتي اتفضلي شوفي شغلك
روح ............ بعد اذن حضرتك
جلال ........ اتفضلي
❤️❤️❤️❤️❤️
بنجو ......... مش قادر يا سيد اطلع علي المخزن القديم بسرعه
سيد ......... حاضر يا بنجو
بنجو ......... بيرن علي المعلم الدكش
الدكش ........ ايوه يا بنجو نفذت ولا لسا
بنجو ....... الحقني يا معلم انا مضروب بنار و رايح علي المخزن القديم
الدكش ........... ازي ده حصل
بنجو ............ مش وقت ازي يا معلم انا بموت
الدكش ......... خلاص اطلع علي المخزن بس اتاكد اني ما فيش حد وراك وانا هجيب حد يطلع لك الرصاصه
بنجو ........ بسرعه يا معلم
سيد ........... قالك ايه
بنجو ........... هيجيب حد يطلع الرصاصه
سيد............ ادينا وصلنا يلا يا صاحبي انزل
بنجو ........ حاسس اني روحي بتنسحب مني
سيد ............ ما تقلقش هتعيش يا صاحبي
الدكش ........... رن علي بنته
امل ........... قول و فرحني يا سيد المعلمين
الدكش .......... اقول ايه يا وش الفقر الواد اضرب بنار و شكلنا هنروح في داهيه بسبب غبائك ياريتني ما سمعت كلامك
امل ........ في ايه يا بابا
الدكش ....... الود الي كان بينفذ العمليه اضرب بنار
امل ............ ايوه انا فعلآ سمعت صوت طلق نار وقولت يمكن العاب ناريه
الدكش ........ اطلعي من عندك دلوقت قولي لهم انك جايه عندي عشان اكيد الحكومه هتيجي تاخدهم
امل ........ حاضر يا معلم مسافة السكه و هكون عندك
الدكش ......... يلا يا حكيم البهايم خلينا نشوف ابن الفقريه ده
سرنجه ........ يلا يا سيد المعلمين
الدكش .......... وصل المخزن وبعد ما تاكد اني ما فيش حد حوالين المخزن دخل يلا يا سرنجه شوف شغلك
بنجو ......... ده الي هيطلع الرصاصه يا معلم
الدكش ........ ماله ده ايده خفيفه امال هما سمو ليه سرنجه عشان يتوغل بسرعه ويخرج في لمح البصر يلا خليه يشوف شغله
سرنجه ......... عنيه يا سيد الناس خد الخشبه دي عض عليها
بنجو .......... شكل اخرتي هتكون علي ايدك
سرنجه ......... ده انا ياما ريحت ناس كتير
بنجو .......... ااااااااااااااااااااااااااااااااااااااااااه
الدكش .......... تعالي يا سيد احكيلي الي حصل
سيد ........... فضلنا واقفين لحد المزه ما طلعت وقبل بنجو ما يرش مية النار علي وشها جه واحد بموتوسيكل زي الافلام الاجنبي و خطفها من قدامنا وكنا هنرجع وراه لكن فجاءه وقف وضرب نار علينا وجات طلقه في كتف بنجو و هربنا منه وجينا علي هنا
الدكش .......... ومين ده
سيد ....... ما شوفنهوش كان لابس خوذة
الدكش ........... ربنا يستر والموضوع ده يعدي علي خير
سرنجه .........بنجو بيموت يا معلم نزف دم كتير
سيد ............ لازم نوديه المستشفي يا معلم
الدكش ......... اخرس انت مستشفى ايه اللي انت عايزنا نوديه فيها انت عايز تودينا في داهيه
سيد .......... امال هنعمل ايه بنجو بيموت يا معلم ده ذراعك اليمين
الدكش ............ سرنجه
سرنجه .......... نعم يا معلم
الدكش .......... اديه حقنة الراحه الابديه انا مش هقدر اشوفو يتعذب قدامي
سرنجه ........... حاضر يا سيد المعلمين
سيد .......... يعني ايه انا مش فاهم
الدكش ......... يعني دلوقت انت ذراعي اليمين والله يرحمك يا بنجو عشت راجل وموت راجل
سيد ............ سكت وحس انه لو اتكلم هيموت زي بنجو
امل ......... يا عادل انا هروح اشوف ابويا عشان كلمته الصبح و حاسه انو تعبان
عادل ........ ماشي روحي
فتحيه ........ سلمي علي المعلم كتير السلام
امل .......... يوصل يا حجه من عنيه
روح ............ خلصت الجامعه وراحت علي القسم السلام عليكم
العسكري .......... وعليكم السلام ورحمة الله وبركاته
روح ......... لو سمحت عايزه ادخل لي احمد بيه
العسكر ........ حضرتك مدام روح
روح .......... ايوه
العسكري ........ اتفضلي هو في انتظارك
روح ........ السلام عليكم
احمد ........ وعليكم السلام ورحمة الله وبركاته اتفضلي ارتاحى يلا يا ابني افتح المحضر
الامين ....... حاضر يا فندم
احمد .......... يا عسكري هات ليمون لي مدام روح
العسكري ......... حاضر يا فندم
احمد ........... بتتهمي حد بمحاولة رش مية النار عليكي
روح .......... ما فيش غير جوزي وامه ومراته الي بيفكرو في اذيتي
احمد ........... وايه السبب
روح ............. المشاكل الي بيني وبينهم وفي محضر رسمي عند حضرتك بكده
احمد ........ في اي حاجه عايزه تضيفها
روح .......... لا
احمد ........ قفل المحضر يا ابني و عايزك تطلع لي اذن من النيابه بالقبض علي الثلاثه دول وتروح تجيبهم
الامين ......... حاضر يا فندم بعد اذنك
العسكري ......... الليمون يا فندم
احمد ........... اتفضلي اشربي الليمون
روح ......... شكرا لذؤقك حضرتك ممكن امشي
احمد .......... ايوه طبعا وانا كمان اوصلك
روح .......... لا ده كتير حضرتك
احمد ......... كده كده انا مروح وانتي في سكتي يلا بقا
روح ............ ركبت العربيه معاه امال في الموتوسيكل
احمد ......... الموتوسيكل بركبوا لما بكون مخنوق بس
روح .......... فضلت ساكته لحد ما وصلت قدام شارعهم شكرا ليك بعد اذنك
احمد ......... اتفضلي
ليلي .......... ترمي الزباله لقيت روح نازله من العربيه الملاكي واتجننت