بسم الله ولا إله إلا الله وحده لا شريك له له الملك وله الحمد يحي ويميت وهو علي كل شئ قدير
عادل .. الدم بالدم وهو ده العهد اللي بينا وبينكم وشد الاجزاء
شيرين .. نزلت علي ركبها انا تحت امرك هعمل كل اللي انت عايزه بس ما تقتلش ابني ده هو الي بقي لى ٠
عادل .. بص عليها تمام يا شيرين انا مش هقتله بس هاخد الديه
شيرين .. وانا موافقه علي كل طلباتك
شريف .. اخد نفسه وكان روحه رجعت له
عادل .. الكلب ابنك مش هيتعرض لا للعمده ولا اي حد من بيت العمده و هتتنازلي عن ال ١٠٠ فدان الي من هنا لحد البوابة الشرقيه للعمده فتحي ومش بس كده انا هدخل برجالتي الشرق واطلع في اي وقت واي حد هيعترض طريقي هيموت قولتي ايه
شيرين .. ده كتير قوي يا عادل
عادل .. خلص الكلام يبقا روح ابنك ووجه السلاح عليه
شيرين .. خلاص انا موافقه بس سيب ابني
عادل .. تعالي جوه نخلص الورق
بتدخل شيرين بيت العمده مع عادل والعمدة وعتريس وبتمضي علي التنازل وبتطلع عشان تاخد ابنها وتمشي
شيرين .. بتفك ابنها وبتاخده عشان تمشي
عادل .. شيرين بلاش تختبري صبري تاني عشان المره الجايه ممكن ما يكنش عندك حاجه تدهاني ووقتها هاخد ارواحكم كلكم
شيرين .. سمعت الكلام واخدت ابنها ومشيت والرجاله اخدو حماده علي المستشفي
فتحي .. انا كنت خايف تقتله وكده كان هيموت ناس كتير
عادل .. انا مش عايز دم وبحاول احل كل حاجه بالعقل وربنا يبعدني عن نقطة الدم
فتحي .. اللهم امين يارب العالمين تعالى نشرب حاجه سوا
عادل .. تشكر يا عمده بس انا سايب اسماء مع المحاسب والسكرتيره وقدمنا شغل كتير
فتحي .. خلاص هستناك علي العشاء
عادل .. ان شاء الله السلام عليكم
الكل .. وعليكم السلام ورحمة الله وبركاته
شريف .. بيدخل البيت مع امه هنعمل ايه دلوقت يا امه
شيرين .. بتضربه بالقلم علي وشه انت السبب في كل ده لي اول مره من سنين يقدر حد من الهلاليه يدخل الشرق وكمان يحكم ويتحكم فينا بالطريقه دي وكله بسبب غبائك خسرنا كرمتنا في الشرق وكمان مية فدان وكمان الهلاليه هيدخلوا ويطلعوا علي مزاجهم فعلآ طول عمرك غبي
شريف .. امال كنت هعمل ايه وانا شايف العمده بيتحداني واسماء بترفض تشتغل معايا وبتروح تشتغل عند عادل
شيرين .. لو قدرت تقتل العمده كانت حاجات كتير اختلفت لكن المهم ما حدش يمسك عليك حاجه يا غبي اتعلم تشتغل في السر بلاش تمشي ورا غضبك والنار اللي جواك لازم تنطفي عشان تعرف تفكر ونعرف ناخد ال ١٠٠ فدان ونقطع رجل الهلاليه من الشرق ونضربهم ضربه تقسم ظهرهم
شريف .. بس ازاي هنعمل ده كله
شيرين .. حكاية شغل اسماء مع عادل اكيد وراها حاجه وانا حاسه انه بيحبها
شريف .. ده انا كنت اقتله
شيرين .. من دلوقت انت هتنفذ وبس وإلا اقسم بالله انا اللي هقتلك بايدي فاهم ولا لا يلا غور من وشي
شريف .. بيسيبها ويطلع عشان ياخد دش ويحاول ينسي اللي حصل
عادل .. السلام عليكم
الكل .. وعليكم السلام ورحمة الله وبركاته
المحاسب .. عادل بيه الانسه اسماء بسم الله ما شاء لله ذكيه جدآ وبتستوعب بسرعه وانا سلمتلها كل حاجه
عادل .. تسلم وبتمنى لك التوفيق في حياتك الجايه
المحاسب .. بعد اذن حضرتك هخلص ورق الاستقاله وإخلاء الطرف
عادل .. ليلي تصرفي المكافئه الي قولتلك عليها وتخلصي له كل الاورق بسرعه
ليلي .. حاضر يا عادل بيه
المحاسب .. الف شكر لحضرتك بعد اذنك اتفضل
عادل .. اتفضل
ليلي .. تؤمر بي اي حاجه
عادل .. اتفضلي
اسماء .. امال كنت فين
عادل .. كنت عندكم
اسماء .. عندنا ازاي
عادل .. زي الناس كنت في الدوار عند العمده بنخلص شوية حاجات
اسماء .. انت مجنون انت عايز تعمل مشكله وخلاص
عادل .. امال لو عرفتي ان العمده عزمني علي العشاء هتعملي ايه
اسماء .. لا مش معقول انت بتهزر
عادل .. يلا بينا عشان ما نتاخرش علي العمده وكمان انا عايز اكل من ايدك انتي
اسماء .. لو بابا هو اللي عزمك يبقى اكيد عارف انه مش هيحصل حاجه بس ازاي ده شريف بيتجنن لما يسمع اسمك
عادل .. شريف ده مش مهم اصلآ المهم انتي
اسماء .. انا ايه
عادل .. عادل اخد نفس وطلعه قصدي هتاكلينا ولا مش بتعرفي تعملي حاجه يا متعلمه
اسماء .. ده انا هخليك ما تصتطعمش اكل غير من ايدي
عادل .. كلكم بتقولوا كده
اسماء .. كلنا ده شكلك يا عادل بيه تعرف بنات كتيره اهو
عادل .. تعرفي انه رغم سفري بتعامل مع كل الطبقات بس عمري ما فى بنت لفتت نظري
اسماء .. لحد دلوقت
عادل .. بصراحه من كام يوم بس في بنت هي اللي قدرة تملك قلبي من اول نظره
اسماء .. وشها احمر وابتسمت طب يلا عشان هنتاخر ولا مش عايزني انا اللي اعمل الاكل
عادل .. يلا بينا وبينزلوا تحت
اسماء .. ايه الرجاله دي كلها وليه ماسكين سلاح احنا هنحارب ولا هنتعشى
عادل .. بصوت واطي الله يخربيتك يا محمود ليه ما مشتش بصوت عالي محمود
محمود .. نزل من العربيه وراح ناحينه
عادل .. انا مش قولتلك تمشي قاعد ليه
محمود .. مش هسيبك تخطي خطوه لوحدك
عادل .. خلاص احنا اتفقنا واخدنا العهد واللي هيخلف هيموت يلا خد الرجاله وارجعوا علي القصر
محمود .. بس دول ما لهمش عهد
عادل .. ما تقلقش عليا اللي معاه ربنا ما يخافش من مخلوق
محمود .. ونعم بالله حاضر هرجع ما انا عارف دماغك ناشفه
عادل .. يلا بينا يا اسماء قبل محمود ما يرجع في كلامه
اسماء .. ركبت جنبه عهد ايه انا مش فاهمه
عادل .. بيشغل العربيه وبيتحرك وبيبص لي اسماء من النهارده الهلاليه هيدخلوا الشرق ويطلعوا و مفيش مخلوق يقدر يوقف قدامهم
اسماء .. وده حصل ازاي انا عايزه افهم
عادل .. بكل بساطه انا طلبت كده من شيرين الزناتي وهي وافقت
اسماء .. مش معقول بالسهوله دي
عادل .. ادينا وصلنا ووقف قدام الدوار ممكن اسالك سؤال وتجاوبيني بصراحه
اسماء .. اتفضل
عادل .. انتي مفيش حد بحياتك
اسماء .. الخجل سيطر عليها وقالت وهي باصه في الأرض لعادل انا ما كنش فيه بس من يومين بقي فيه
عادل .. يعني
اسماء .. قبل ما يكمل كلامه نزلت من العربيه وجريت لجوه الدوار
فتحي .. بتجري ليه احنا بخير ما تقلقيش
اسماء .. بخير ليه حصل ايه
عادل .. دخل حصل اننا عايزين نتعشى ولا هتسبينا بجوع
عتريس .. نورت الدوار يا عادل بيه
عادل .. نورك يا شيخ الغفر
اسماء .. عمي عتريس انت جيت امتي
عتريس .. هو عادل ما قلكيش
اسماء .. ما قليش علي ايه
فتحي .. طب جهزي العشاء عشان احنا هنموت من الجوع
اسماء .. حاضر بس بعد كده تقولولي كل حاجه
فتحي .. اتفقنا بس بسرعه بدل ما عادل يوقع مننا
اسماء .. لا ادوني وقتي ولا عايزني اكروتكم يا حاج
فتحي .. امرنا لله برحتك اتفضل يا عادل يا ابني ارتاح
عادل .. شكرآ يا عمي
فتحي .. وانا اللي مش عارف اشكرك ازاي لولا وجودك كانت هتبقى مجزره
عادل .. ربنا عز وجل بيسبب الاسباب وانا مجرد سبب مش اكتر
فتحي .. ربنا يكرم اصلك يا ابني فعلا اللي خلف ما ماتش
عادل .. تسلم يا عمي انا عمري ما هنسى انك من اعز اصدقاء المرحوم ابويا
فتحي .. الله يرحمه انا كل ما بشوفك بفتكره انت طالع له في كل حاجه
عادل .. الله يرحمه المهم يا عمده لازم تخلي بالك الناس دي مالهمش عهد زيهم زي اليهود ولازم تخلي بالك منهم
فتحي .. ما تقلقش يا ابني والبركه في عتريس
عادل .. لو محتاجين ابعتلكم رجاله من عندي
عتريس .. تشكر يا عادل بيه بس انا ورجالتي هنفتح عنينا ولو حصل اي حاجه هنكلمك
عادل .. ان شاء الله ما يحصلش غير كل خير
اسماء .. يلا اتفضلوا العشاء جاهز
فتحي .. يلا يا عادل يا ابني اتفضل
وبيقومه كلهم وبيتعشو سوا واثناء العشاء فتحي بيحكي كل حاجه لي اسماء واسماء بتبص لي عادل وكانها بتلومه انه خبه عنها كل ده وعادل كان بيحاول يهرب من نظراتها لحد ما خلصوا عشاء واسماء جابت الشاي وقعدو يشربوا الشاي في الصالون
عادل .. بصراحه انا اول مره اكل بالطريقه دي تسلم ايدك يا اسماء
اسماء .. بتبصله الف هنا مطرح ما يسري يمري
فتحي .. من دلوقت بيتي هو بيتك ولو احتاجت اي حاجه انا تحت امرك
عادل .. تسلم يا عمده ما يوامرش عليك ظالم استاذن انا
فتحي .. لسا بدري يا عادل
عادل .. الايام جايه كتير وبيطلع وكلهم معاه بكره هاجي اخدك الصبح
اسماء .. لا انا هاجي بعربيتي عشان نكمل الشغل اللي ناقص
عادل .. شغل ايه اللي ناقص اسماء .. بصت له
عادل .. اه ده انا كنت هنسا يلا السلام عليكم
الكل .. وعليكم السلام ورحمة الله وبركاته
عادل .. اتحرك بالعربيه وهو سعيد جدآ وحاسس انه طاير من الفرحه
اسماء .. يا عمي ابعت رجاله وراه لحسن حد يغدر بيه
عتريس .. حاضر يا بنتي يا رجاله خليكم ورا عادل بيه لحد ما يطلع من الشرق
الرجاله.. ركبوا عربياتهم وطلعوا وراه
عادل .. شافهم وراه وكمل طريقه وهو مش بيفكر غير في نظرات اسماء وكلامها
وبيعدي الوقت والعلاقه بين اسماء وعادل بتكبر لكن من غير ما يصارحه بعض وفي يوم من الايام كان عادل خلاص مش قادر يستحمل حبها وقرر انه لازم يقولها ويتقدم ويطلبها في الوقت ده كانت شيرين وشريف بيتابعه كل حاجه من بعيد ومستنين الوقت المناسب عشان يغدره بالعمده وعادل سواء
عادل .. لقي عمه قاعد في الجنينه السلام عليكم
فرج .. وعليكم السلام ورحمة الله وبركاته ليه ما نمتش لي دلوقت
عادل .. فيه موضوع كنت عايز اخد رايك فيه
فرج .. موضوع ايه انا سامعك
عادل .. عايز اخطب
فرج .. ابتسم واسماء موافقه
عادل .. عرفت ازاي
فرج .. انا من وانت صغير وانا بعرفك عايز ايه قبل ما بتقول
عادل .. ربنا ما يحرمني منك يا عمي وبصراحه انا حاسس انها بتحبني زي ما بحبها
فرج .. البنت ونعم الاخلاق والاصل كمان وابوها من بيت ناس اصله ومحترم ابآ عن جد انت بس شوف رايها ولو موافقه نتوكل علي الله ونطلبها
عادل .. شكرا يا عمي
فرج .. ده اسعد يوم في حياتي لما تتجوز واشيل اولادك قبل ما اموت
عادل .. ربنا يديك الصحه وطولت العمر
فرج .. يلا اطلع نام والصباح رباح
عادل .. تصبح علي خير يا عمي
فرج .. وانت من اهله يا شيخ الغفر
شيخ الغفر .. نعم يا عمده
فرج .. لف علي الرجاله كلهم عايز الكل يفتح عينيه
شيخ الغفر .. حاضر يا عمده
واول ما الشمس تطلع عادل بيطلع عشان يروح الشغل وبيقعد في مكتب اسماء عشان يستناها
اسماء .. بتدخل الشركه وبتطلع علي المكتب وبتفتح الباب بتلاقي عادل ايه النشاط ده كله
عادل .. انا ما نمتش اصلآ
اسماء .. ليه حصل حاجه وليه ما كلمتنيش فون
عادل ..عشان الكلام ده مش هينفع في التليفون
اسماء .. بداءة تفهم الكلام اللي عادل عايز يقوله انا هموت من الجوع وجبت الاكل معايا عشان نفطر سوا
عادل .. ماشي
اسماء .. كانت طول الوقت مبسوطه ومكسوفه وبتهرب من عيون عادل
عادل .. كمان كان متوتر ومش عارف يفتح الموضوع ازاي
اسماء .. الحمد لله هروح اجيب الشاي
عادل .. لا وبيوقف قدامها وبيستجمع قوته انا بحبك وعايز اتجوزك
اسماء .. مع انها كانت عارفه بس لما سمعت الكلام حصل جواها احاسيس مختلفه فرحه وكسوف وتوتر لكن هي كمان خدت نفس جامد وطلعته وبتتكلم براحه وانا موافقه
عادل .. انا مش مصدق نفسي انا اسعد انسان في الدنيا
اسماء .. انا مش قادره اخد نفسي سيبني يا عادل دلوقت
عادل .. حاضر انا هكلم باباكي وحدد معاه ميعاد النهارد وهطلب ايدك وطلع علي طول
اسماء .. قعدت علي الكرسي وهي طايره من السعاده ورنة علي ابوها وقالت له عادل هيكلمك عشان يجي يخطبني
فتحي .. رحب وقالها ماشي يا عتريس
عتريس .. ايوه يا عمده
فتحي .. عادل عايز يخطب اسماء اهو بيرن السلام عليكم
عادل .. وعليكم السلام ورحمة الله وبركاته اخبارك يا عمي
فتحي .. الحمد لله انت عامل ايه والعمده فرج اخباره ايه
عادل .. الحمد لله الكل بخير كنت عايز اجي انا وعمي نشرب معاك الشاي
فتحي .. لا يا عادل خليها عشاء وانا مستنيك
عادل .. ماشي يا عمي مع السلام
فتحي .. سلام
سعديه الخدامه سمعت كلام العمده مع عتريس ودخلت المطبخ ورنة علي شيرين الزناتي
شيرين .. الو في حاجه جديده
سعديه .. ايوه يا ستي عادل الهلالي جاي النهارده بالليل يطلب ايد اسماء
شيرين .. هو ده الخبر اللي انا كنت مستنيه يلا اقفلي وفتحي عنيكي وودانك فاهمه
سعديه .. حاضر يا ست هانم انا تحت امرك
شيرين .. بتقفل السكه وبصوت عالي شريف
شريف .. ايوه مالك كده مبسوطه اووي
شيرين .. جه وقت الانتقام جهز نفسك عادل الهلالي هيطلب ايد اسماء النهارده بالليل
شريف ..مستحيل ده اتجنن ما حدش هياخد اسماء غيري
شيرين .. مش عايزه تهور انت هتنفذ اللي انا هقول عليه زي ما هو فاهم ولا لا
شريف .. فاهم يا امه قوليلي هنعمل ايه
شيرين .. قرب مني عشان الحيطان ليها ودان
عادل .. جاهز يا عمي
فرج .. ايوه يا ابني يلا بينا وبيروحوا علي هناك والعمده وعتريس بيستقبلهم