بسم الله ولا حول ولا قوه إلا بالله العلي العظيم
سعديه .. يا بشندي الست اسماء اغمي عليها هات الدكتوره من المستوصف وتعالى بسرعه
شمندي .. حاضر يا سعديه حمامه
سعديه .. بترن علي شيرين
شيرين .. الو
سعديه .. الحقيني يا كبيره الست اسماء اغمي عليها مش بترد عليا
شيرين .. انا هجيب الدكتوره واجي
سعديه .. انا بعت شمندي يجيب الدكتوره
شيرين .. خلاص مسافة السكه وهكون عندك
سعديه .. ماشي يا ستي
شمندي .. يا بت يا سعديه الدكتوره وصلت
سعديه .. اتفضلي يا دكتوره
الدكتوره .. بتدخل و بتفوقها
شيرين وشريف ونسرين وصلوا وشيرين ونسرين دخله معاهم وشريف استنا بره
شيرين .. خير يا دكتوره اسماء مالها
الدكتوره .. واضح انها مش بتاكل وكده ممكن تموت
اسماء .. ياريت يا دكتوره
الدكتوره .. استغفرى ربك يا بنتي وحرام عليكي اللي في بطنك
شيرين .. بطنها هي ..
الدكتوره .. ايوه انتو ما تعرفوش
اسماء .. ما نعرفش ايه انا مش فاهمه
الدكتوره .. انتي حامل يا بنتي ولازم تهتمي بنفسك عشان ابنك او بنتك
نسرين .. بتطلع لي بره وبتقرب من شريف مصيبه يا شريف اسماء حامل
شريف .. ايه المصيبه دي وبيسكت شويه وهو بيحاول يكتم عصبيته مش لازم حد غيرنا يعرف الحكايه دي
نسرين .. ليه
شريف .. هقولك بعدين
شيرين .. بتطلع مع الدكتوره الف شكر يا دكتوره
شريف .. خليكي يا امي انا هوصل الدكتوره
الدكتوره .. مفيش داعي المستوصف قريب
شريف .. اتفضلي معايا وبياخدها وبيطلع علي مخزن فاضي
الدكتوره .. انت جبتني هنا ليه
شريف .. بيطلع المسدس وبينزلها من العربيه
الدكتوره .. فى ايه يا شريف بيه
شريف .. بيدخلها المخزن وبيرميها علي الارض عارف يا دكتوره لو حد عرف ان اسماء حامل هعمل فيكي ايه
الدكتوره .. من غير ما تقول دي اسرار المريضه وانا مستحيل اطلعها
شريف .. انا حذرتك لو قولتي لي اي مخلوق هيكون اخر يوم في عمرك فاهمه
الدكتوره .. والله ما هقول بس سيبني امشي
شريف .. يلا غوري من وشي وانتي اللي هتابعي حالة اسماء ولو فكرتي تهربي هجيبك ومفيش حد هيخلصك من الموت فاهمه
الدكتوره .. حاضر فاهمه وبتقوم وبتطلع جري من المخزن
شريف .. بيرجع الدوار فين امي
نسرين .. جوه مع اسماء انت اتاخرت ليه ده المستوصف جنبنا هنا
شريف .. بس حبيت افهم الدكتوره لو حد عرف هعمل فيها ايه
نسرين .. مع اني مش فاهمه حاجه بس تمام
شيرين .. سمعتي كلام الدكتوره يا بنتي لازم تاكلى كويس يلا يا سعديه حضري الاكل وهاتيه
سعديه .. حاضر يا شيرين هانم
اسماء .. شكرا ليكي يا طنط
شيرين .. انتي زي بنتي دلوقت و مفيش بنت بتشكر امها وبتحط ايدها علي راسها انا كنت بتمنى ربنا يرزقني ببنت والحمد لله رزقني بيكي يا اسماء
سعديه .. الاكل جاهز يا ستي
شيرين .. يلا يا حبيبتي لازم تخلصي الاكل كله
اسماء .. بتسمي وبتاكل وجواها احساس غريب فرحه وحزن بنفس الوقت
شريف .. انا عايزك تملي دماغ اسماء ان اهلها هنا لو عرفه انها حامل ممكن يقتلوها عشان حامل من اللي قتل ابوها وخليها تخبي حملها ونحاول نقنعها تطلق عشان اتجوزها
نسرين .. ده وقت الكلام ده يا شريف
شريف .. دي فرصتي الوحيده يا نسرين ومش هضيعها وانتي لازم تساعديني
نسرين .. حاضر انا هعمل كل اللي اقدر عليه واسماء هتكون مراتك
شيرين .. الف هنا يا بنتي هسيبك ترتاحي يا سعديه العلاج ده تديه لي ستك في معاده فاهمه ولو فيه اي حاجه كلميني
سعديه .. حاضر يا شيرين هانم
شيرين .. يلا سلام يا حبيبتي
اسماء .. سلام
فرج .. يا استاذ ناصر ابن اخويا بريئ ولازم يطلع منها فاهم
ناصر .. ما تقلقش انا طلبت من النيابه انه يتعرض علي الطب الشرعي ويتحقق هل فعلا حد خدره ولا لا وكمان طلبنا كشف رسايل التليفون بتاعه عشان الرساله اللي اتمسحت وكمان العمده فتحي مقتول بسلاح وعتريس مضروب بطلقه من نفس السلاح وخزنه من سلاح تاني يعني فيه سلاحين مستخدمين في الجريمه
فرج .. انا واثق في ربنا عز وجل وان شاء الله الحق هيظهر وانت طول عمرك محامي العيله وانا واثق فيك
ناصر .. انا هعمل المستحيل عشان عادل بيه يطلع منها بعد اذنك يا عمده
بيعدي اسبوع واتنين ونسرين بتقرب من اسماء لحد ما بقيو صحاب وهي بتزرع جواها الخوف علي طفلها عشان تمهد موضوع طلاقها وفعلآ اسماء بترفع دعوة طلاق وبيجي معاد الجلسه وبتروح ومعاها نسرين وشريف
القاضي .. هل مصممه علي الطلاق يا بنتي
اسماء .. ايوه
عادل .. ممكن يا معالي المستشار اقعد معاها شويه يمكن اقدر اخليها تغير رايها
القاضي .. مفيش مشكله
اسماء .. انا مش عايزه اقعد معاه يا معالي المستشار
القاضي .. ده القانون يا بنتي لازم تقعده سوا
عادل .. اسماء انا عادل حبيبك ازاي تصدقي اني ممكن اقتل العمده ده كان زي ابويا
اسماء .. انا انخدعت فيك انت طلعت شيطان مش انسان كل ده عشان تاخد املاكنا ما كده كده كل اللي ابويا يملكه كان هيبقا ليا وهيكون ملك عيالنا ليه عملت كده انت دبحتني بسكينه تلمه
عادل .. انا
اسماء .. بتقاطعه خلاص اللي بينا خلص ومش فاضل غير الدم لو عندك زرة كرامه طلقني
عادل .. يا خساره علي الحب اللي كان بينا حاضر هطلقك يا اسماء
وفعلا يطلقها
نسرين .. يلا نروح انتي عملتي الصح ازاي كنتي هتبقي علي زمة راجل قتل ابوكي
اسماء .. خلاص يا نسرين مش عايزه اتكلم في الموضوع ده تاني
نسرين .. حاضر يا حبيبتي بس فيه موضوع مهم عايزاكي فيه
اسماء .. خير
نسرين .. لما نوصل الدوار
شريف .. حمد الله بالسلامه
اسماء .. الله يسلمك يارب معلش تعباك معايا
شريف .. تعبك راحه انا هروح اخلص شوية شغل وارجع عشان اخد نسرين
نسرين .. ماشي برحتك
اسماء .. خير ايه الموضوع اللي عايزاني فيه
نسرين .. لحد دلوقت ما حدش يعرف انك حامل وزي ما انتي عارف الشرق كله لو حد عرف حياتك هتكون بخطر انتي والي في بطنك وكلها شويه وبطنك هتكبر وعادل لو عرف هياخد الطفل منك ما انتي عارف الهلاليه مش هيسيبوا عيالهم يتربوا بره
اسماء ..و العمل ايه
نسرين .. مفيش غير حل واحد انك تتجوزي شريف والطفل ده يتكتب بي اسمه وكده ابنك او بنتك هيكون في امان ويتربى بحضنك
اسماء .. لا مستحيل اتجوز شريف
نسرين .. ده هيكون جواز علي الورق بس
اسماء .. ازاي
نسرين .. يعني شريف بيقول انك زي اخته مش هيلمسك
اسماء .. وشريف موافق علي كده
نسرين .. شريف كل الي يهمه انك انتي وطفلك تكونوا بامان
اسماء .. مستحيل اتجوزه يا نسرين
نسرين .. فكري في طفلك ولسا قدامنا ٣ شهور مش لازم تطلعي ولا حد يشوفك
اسماء .. ماشي هفكر
شريف .. بيضرب تلاكسات لي نسرين
نسرين .. ارتاحي دلوقتى وفكري زي ما قولتلك
اسماء .. ماشي
نسرين .. بتطلع وبتركب العربيه مع شريف
شريف .. عملتي ايه يا نسرين
نسرين .. اصبر فاضل علي الحلو تكه
شريف .. اه امتي بس تبقي مراتي
نسرين .. انت عرفني مش بحط دماغي بحاجه غير لما اعملها
شريف .. عارفك يا ام فارس وعشان كده مطمن
اسماء بتفكر وبتقلب الموضوع في دماغها وبيعدي الوقت بسرعه وبتخلص العده بتاعتها
نسرين .. فكرتي يا اسماء مفيش وقت معانا
اسماء .. مش عارفه اقول ايه
نسرين .. انتي حامل في الخامس وبطنك ظهرت ولازم نتصرف ولا هتخلي ابنك او بنتك يتربى في الغرب عند الهلاليه اللي قتله جده
اسماء .. ماشي موافقه
نسرين .. قومي البسي حاجه واسعه عشان بطنك ما تظهرش وانا هخلي شريف يجيب الماذؤن
اسماء .. بسرعه كده
نسرين .. احنا بنسابق الزمن وبعد كتب الكتاب شريف هياخدك وتنزلوا القاهره لحد ما تولدي وتقعدي كام شهر هناك عشان نظبط كل حاجه بالظبط
اسماء .. ماشي
وفعلآ جاب الماذؤن وكتب الكتاب وشريف اخدها وسافر القاهر وقعده هناك وفعلآ طول الوقت ده ما حولش يقرب منها
ناصر .. مبروك يا عمده اخير عادل بيه طلع براءه
فرج .. الله يبارك فيك يا متر و حلاوتك كبيره اووي المره دي
ناصر .. انا كفايه عليا الفرحه اللي شايفها في عنيك يا عمده كلها ساعه وخلص الاجراءات
وبعد ساعه بيطلع عادل من السجن ويلاقي الهلاليه كلهم مستنينه
فرج .. حمد الله بسلامتك يا ابني
عادل .. بياخده بالحضن الله يسلمك يا عمي الي سمعته صح
فرج .. سمعت ايه
عادل .. اسماء اتجوزت شريف
فرج .. ايوه يا ابني وخلاص لازم تنساها
عادل .. انساها دي هي الانسانه الوحيده اللي حبيتها
محمود .. الي باعك بيعه يا ابو عمو
عادل .. عندك حق ربنا يسعدها
محمود .. يلا بينا
عادل .. بيتحرك علي القصر
وبتعدي الايام وبيجي معاد ولادة اسماء وفعلآ بتدخل المستشفي وبتولد بنوته زي القمر وما بتكونش عارفه ايه الي مخبهولها القدر