بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
نسرين .. هنعمل ايه دلوقتى يا شريف
شريف .. انا مرتب كل حاجه هندي البنت دي لي دكتوره في المستشفي هنا من الاسكندريه و هتاخد البنت وتمشي و هتدينا كمان ١٠٠ الف جنيه وكمان هتدينا جثة بنت لسا مولوده عشان اسماء تدفنها وبكده يبقا سرنا في بير ومستحيل حد يكشفه وكمان خلصنا من بنت عادل
نسرين .. انت هتبيع البنت هو انت محتاج فلوس
شريف ..البحر بيحب الزياده يا نسرين انا هروح اجيب البنت الميته
نسرين .. وانا هدخل اقولها الخبر وبتدخل وهي بتبكي
اسماء .. مالك يا نسرين بنتي فين
نسرين .. بتبكي ربنا يصبرك يا حبيبي البنت كانت نازله تعبانه وماتت
اسماء .. انتي بتقولي ايه بنتي ماتت لا مستحيل اه يا بنتي انا مالحقتش المسها ولا حتي ارضعها اه دي هي كانت عوض ربنا ليا انا اتجوزت شريف عشان كده وفي الاخر البنت تموت وبتصرخ
نسرين .. ده قضاء ربنا وقدره يا اسماء وحدي الله
اسماء .. لا إله إلا الله انا لله وإنا إليه راجعون ولا حول ولا قوه إلا بالله
نسرين .. بتحضنها ربنا يجعلها شافعه ليكي يارب
اسماء .. بتبكي بحرقه
شريف .. يدخل والدموع في عينيه ربنا يصبرنا يا اسماء انا حاسس انها حته مني مش قادر استحمل
نسرين .. استهدا بالله يا شريف ده قضاء ربنا وقدره
شريف .. ونعم بالله
اسماء .. بتمد ايدها عشان تاخد البنت
شريف .. بيقرب منها وبيدهالها
اسماء .. بتحضنها والدموع نازله من عنيها وقلبها وجعها كانه روحها بتسحب منها
شريف .. انا هروح ادفنها
اسماء .. لا انا هدفنها في البلد عشان تبقي جنبي
شريف .. بس هتستحملي السفر
اسماء .. ايوه يا شريف
شريف .. خلاص اجهزى لحد ما جيب العربيه من الجراش
نسرين .. ماشي يلا يا حبيبتي هساعدك تلبسي
محمود .. مالك يا عادل قاعد وحدك ليه
عادل .. ولا حاجه اهو بفكر في الدنيا
محمود .. يا ابو عمو لازم تشوف حياتك وتنسي اسماء
عادل .. ياريت كان بي ايدي بس مش قادر
محمود .. لازم تقدر يا عادل عشان تشوف حياتك وتجوز وتملا القصر عيال
عادل .. من بعد اسماء يحرم عليا صنف الحريم
محمود .. قوم معايا نطلع من القصر
عادل .. ماشي يلا بينا
محمود .. دمراني هات الخيل
دمراني .. حاضر يا محمود بيه وبيدخل الاسطبل وبيجيب فرس عادل وفرس محمود وبيحط عليهم السرج وبيقودهم لحد عند محمود وعادل
محمود .. يلا يا عادل انت من وقت ما خرجت من السجن ما ركبتش خيل
عادل .. يلا وبيركب علي الفرس و بيطلعوا
شريف .. خلاص ادينا داخلين البلد حمد الله بااسلامه
نسرين .. الله يسلمك
عادل ومحمود بيتمشو بالخيل وبيعدي جنبهم شريف عادل بيشوف اسماء مع شريف واسماء بتشوفه وبيزود شريف السرعه
عادل .. محمود سيبني وحدي شويه انا هروح اقعد علي نهر النيل شويه
محمود .. مش هينفع اسيبك
عادل .. ما تخلنيش اكرر كلامي يا محمود
محمود .. حاضر يا عادل وبيرجع علي القصر
عادل .. بيقعد علي نهر النيل وهو حاسس بخنجر مغروز بقلبه والحزن مسيطر عليه
اسماء بتوصل المقابر وحماده بيكون مجهز كل حاجه وبيدفنو الطفله واسماء مش قادره تسيطر علي نفسها ومنهاره عياط وبيرجعه علي البيت
شيرين .. معقول جيتوا من غير ما تقولوا
نسرين .. عمتي بنت اسماء ماتت
شيرين .. اتصدمت وحضنت اسماء ربنا يصبرك يا حبيبتي
اسماء .. بتبكي في حضنها
عادل .. وهو قاعد الدموع بتنزل من عينيه غصب عنه وهو مش عارف ايه السبب حاسس بخنقه كانه هيموت
اسماء .. بتدخل اوضتها وهي منهاره وبتقفل علي نفسها
وبتتحول حياة اسماء لحزن وبتجري الايام والسنين وبيعدي ٢٣ سنه والسر ما نكشفش واسماء كاتمه وجعها جواها وعادل عايش في عذاب ٢٣ سنه وجع وقهر ٢٣ سنه ونسرين وشريف نسيو السر وافتكره خلاص انهم مش هيتكشفوا لكن مشيئت ربنا ان الدكتوره اللي اخدتها من ٢٣ سنه تعمل حادثه
وعد .. ماما ما تقلقيش انا هعملك العمليه وان شاء الله هتبقي بخير
عفاف .. مفيش وقت يا بنتي انا خلاص وصلت لي النهايه سامحيني يا بنتي انا ظلمتك بس حبيتك اكتر من نفسي في الخزنه في البيت هتلاقي ظرف يخصك اقريه وسامحيني
وعد .. بلاش كلام كتير يا ماما ان شاء هتبقى كويسه
عفاف .. وعد سامحيني يا بنتي
وعد .. ماما لا فتحي عنيكي ما تسبنيش يا ماما ماااااااااما
وبتموت عفاف وبتسيب الدكتوره وعد تواجه المجهول لوحدها وبعد ما وعد بتخلص الجنازه وبترجع علي البيت والحزن مسيطر عليها بتترمي علي السرير وهي بتبكي وماسكه صورة امها عفاف ومنهاره من العياط
شريف .. عملت ايه يا حماده
حماده .. ما تقلقش انا مخلي واحد من رجلتنا يراقبه
شريف .. عايز اعرف كل تحركاته عشان نخلص منه انا ما بقتش قادر اتخيل وجوده في الدنيا
حماده .. ما تقلقش يا شريف بيه اول ما يكون لوحده هبلغك
شريف .. تمام فين اسماء
حماده .. في المركز في اجتماع لكل عمد المحافظه
شريف .. ما انا كان نقصني العمديه دي كمان
حماده .. معلش ما انت عارفها دماغه ناشفه وبعد ما رجعت من القاهره ودفنت بنتها كان لازم تتلهي في حاجه وعشان كده انت نفسك ساعدتها عشان تاخد العمديه
شريف .. كنت متخيل انها شويه وهتزهق منها لكن حتي العمديه دي جات فوق دماغنا
حماده .. والعمل ايه
شريف .. لازم تسيب العمديه احنا مش عارفين نعمل حاجه في البلد كل ما نعمل حاجه نلاقيها في وشنا
حماده .. انت فكر وانا تحت امرك
شريف .. نخلص الاول من عادل وبعد كده يجي دور اسماء يلا روح شوف شغلك
عادل .. راجع من المحافظه ودخل البلد
اسماء .. كانت راجعه من المركز والطريق ضيق وجه الاتنين قصاد بعض ووقف
عادل .. نزل وقرب منها اسماء ممكن نتكلم شويه
اسماء .. نزلت نتكلم في ايه يا قاتل
عادل .. فكري شويه بعقلك مش عقل اللي حوليكي انا ايه اللي هستفاده من قتل ابوكي
اسماء .. كنت عايز تسيطر علي الشرق
عادل .. دي لعبه اتلعبت علينا يا اسماء فوقي لنفسك ٢٣ سنه والكره معبي قلبك ٢٣ سنه وانا عمري ما نسيتك
اسماء .. انا متزوجه دلوقت وفي عصمت راجل
عادل .. انا هتجنن واعرف قدرتي ازاي تتجوزي شريف بعتيني وبعتي حبنا يا اسماء عشان ايه و بكام
اسماء .. انت اللي بعتني ودخلت الدم بينا ومهما حصل لازم تموت يا عادل قصاد دم ابويا دمك انت
عادل .. انا قدامك اهو اقتليني الرصاص اهون عليا من كلامك يا اسماء
اسماء .. اوعه من طريقي يا عادل
عادل .. لا مش عايزه دم يلا انا قدامك اهو
اسماء .. بتسحب المسدس وبتوجه علي عادل
حماده .. شريف بيه عادل واقف مع اسماء علي طريق مدخل البلد
شريف .. ده شكله اتجنن ولازم يموت يلا يا رجاله اركبوا العربيات وبيتحركوا
محمود .. بيجيله تليفون و بيطلع من القصر يا رجاله هاتوا السلاح ويلا بينا
فرج .. فيه ايه يا محمود
محمود .. واحد من عيونا في الشرق كلمني بيقول الكلب شريف اتحرك برجالته لما سمع اني عادل بيتكلم مع اسماء عند مدخل البلد وانا لازم الاحقه
فرج .. يلا يا رجاله بسرعه
وعد .. بتقوم وبتفتح الخزنه وبتلاقي ظرف مقفول واسمها مكتوب عليه وبتفتحه