رواية ضماد جرح الفصل العشرون 20 بقلم نوسه حمد
بقيت اقرا في رساله عباده وراسي ملان كلام واسئله هل اذا عباده اتقبلني بوضعي دا اهلو ح يتقبلوني ولا مجتمعهم هل ح اكون سعيده ولا ح اتعذب بنظره الناس لي وقلبي جوه مقطوع وكل م احس بنقص من غير م اشعر بدعي للولدوني وجدعوني ومرات بستغفر بس م قادره اتجاوز انهم قتلو فيني اي شي حلو بدل ابوي يديني لزول ويصرف علي كأن اخليني معاهم وم اعيش باحساس اني بت حرام سرحانه ودموعي نازله عبير قالت لي مالك قلت ليها لا ماف حاجه م تركزي بقت تطبطب علي قالت لي انا م عارفه المزعلك لدرجه انو خلا دمعتك تنزل دا حبيبك صاح بس صدقيني خسر اطيب قلب قلت ليها عبير انا عمري م عملت علاقه واتونست وكده اي زول يحبني ببعد منو شديد قالت لي ليه ي نوسه الحب حلو قلت ليها حلو لناسو وانا م من ناسو لدرجه انو حاسه لو اتزوجت م ح احب قعدت تضحك قالت لي اتلما التعيس علي خايب الرجاء والله ي نوسه انا الحب دا اخر اهتماماتي عندي مسؤوليه تشيب الراس اهلي محتاجين لي اكتر من الحب وقصصو عشان كده بنتظر ولد الحلال والله اقدرني واحبو قلت ليها عبير الحب البي الحلال طعمو براهو انا م ضوقتو بس حاسه انو حلو فوق م نتصور عشان كده ربنا يرزقنا بيهو قالت لي انما علي نياتكم ترزقون انتي نيتك بيضاء وربنا ح يوقع فيك راجل طيب وحنين قلت ليها جمعا انا وانتي قالت لي قشي دموعك واقري ي نوسه القرايه حلوه انا ربنا حرمني منها بس م ح احرم اولادي قلت ليها ع فكره ي عبير انا كمان اتحرمت منها وبقيت احكي ليها بالماضي وهي مندهشه قالت لي م عارفه بس كل مره بتصدميني بي حاجه انا مفتكراك كنتي بتقري قلت ليها لا والله انحرمت منها وكانت روحي فيها ووصلت لي العاوزاهو بقيت احكي ليها لغايه م جاني اتصال من عباده ورديت عليهو قال لي نوسه انا منتظر ردك من قبيل قلت ليهو عباده انت الف بت تتمناك تكون زوجها وانا واحده من ضمنهم لكن م بقدر قال لي كيف م بتقدري نوسه انا م قلت ليك تعالي نحب بعض والقصص دي نوسه انا عايز اتزوجك علي سنه الله ورسوله قلت ليهو عباده انت عارف وضعي اهلك م ح يقبلو لي قال لي اكون لي معلوميتك انا اهلي بحترمهم وبعمل ليهم الف حساب في اي شي الا في اختياري لشريكه حياتي ولا حياتنا الخاصه بعد اتزوج حتي لو امي في حاجات م من حقهم يدخلو فيها وانا بفتش لراحتي وراحتي معاك قلت ليهو برضو لو عرفو ح تبقا مشكله بالذات ماضيني قال لي ماضيك ماف زول بعرفو قلت ليهو م معروف ي عباده وانا م عايزه حياتك تبقا نكد وماعايزه الناس انظرو لي اولادك نظره انهم ناقصين وامهم ما ليها اصل وفصل قال لي اولادي لو انتي امهم حظهم صدقيني ما كل واحده ليها اصل وفصل بتحمل صفاتك وانتي ليه منكده علي نفسك كده وخاته الحاصل ليك حاجز نوسه استهدي بالله وانا مستعد اتزوجك بس اديني فرصه ي نوسه واهلي م ح يعارضو قلت ليهو عباده خايفه اقسم بالله خايفه من كسرت النفس انا م بالساهل ارجع لو انكسرت عشان كده شوف غيري وزي م قلت ليك الف بت تتمناك بس انت شاور وربنا اديك بت الحلال قال لي لا م عايزهم عايزك انتي وماتخليني انكسر ليك واحنسك قلت ليهو عباده انا علي وش امتحانات وعاوزه اركز م تجهجه افكاري قال لي نوسه انا ظهرت عشان اساعدك واخليك تقري وتجيبي لينا نسبه نفتخر بيها بجد انتي مخك يوزن بلد بي حالها قلت ليهو طيب خليني امتحن وبنتفاهم قال لي حاضر وانا م يزعجك ي نوسه خلي بالك من نفسك شديد وابقي عافيه قلت ليهو حاضر وانت كمان ودعني وقفل رسل لي رساله حلوه لمن قريتا ادتني طاقه ايجابيه بفتش ليها لي زمن من ناحيه عاوزاهو ومن ناحيه خايفه قلت لازم اكلم ابوي وحكيت لي عبير بدون م اقول ليها انا بت حرام فرحت لي شديد وقالت لي اتمسكي بيهو قلت ليها بس كان حبيب صاحبتي قالت لي عادي هن صاحبات الزمن دا بشلبن بعض خليك انتي الصاحبتك ميته وبعدين ربنا حلل الزواج من الاخت بعد اختها تموت انتي منو عشان تحرميهو وتشوفي عيب نوسه انا حاسه بيهو كويس م تخسريهو تعالي علي نفسك واقبلي بيهو قلت ليهو هو الف بت تتمناهو يس انا متعقده عشان هو كان بحب صاحبتي ي عبير قالت لي عادي مافيها حاجه كلام عبير شجعني بس اصريت اكلم ابوي وحكيت ليهو في الاول حسيتو انو خايف علي وقال لي شفتي وين قلت ليهو دا كان عاوز ميار قال لي خلاص م تتونسي معاهو عاوزك يجيني بالدرب عديل قلت ليهو حاضر يابا حسيت دمعتو جرت قلت ليهو يابا مالك قال لي م متوقع تعرسي وتخليني انا لو علي تكوني معاي كده بس م ح احرمك ي بتي عاوز سعادتك غيرها م عايزا قلت ليهو م ح افوتك يابا
مرت الايام ونزلت امتحانات كنت متوتره وخايفه وعباده برسل لي رسايل يطمني كنت بنتظر رسالتو بفارغ الصبر وخلصت امتحانات وبعد انتهيت طلعنا انا وابوي وعبير وقضينا يوم حلو ابوي شبعنا ونسه وضحك وكنت لمن بعاين في عيونو بشوف حب عمري. م شفتو انا متاكده لو كان ابوي عديل م ح يحبني الحب دا
مرت الايام وكنا متواصلين مع بعض وشبه حبيتو واتعلقت بيهو وكان محترم معاي شديد حتي في حبو لي محترم واي كلمه تطلع منو بتفرحني اكتر مما تزعلني وكان صريح معاي واي بت ترسل ليهو بكلمني بيها انا كنت بغير شديد وهو بضحك علي بقول لي بحب غيرتك دي وهو م عارف انا جواي نار مشتعله وبنات اهلو كلهن خاتات عينن عليهو بس هو م شغال بيهن وماف زول عارف قصتنا من بيتهم غير اختو وكانت بتحبني شديد وطوالي بتقول لي حظك لو اتزوجتي عباده لانو امي بتحبو شديد ح تحبك انتي كمان عباده قال لي ح انزل السودان واطلب يدك منها وتكون نتيجتك ظهرت عشان تكون الفرحه فرحتين كنت مبسوطه شديد وكلمت عبير قالت لي اجهزي وجهزي نفسك عشان يجي يلقاك سمحه شفتي البنات سمحات كيف قلت ليها سمح ان شاءالله وبديت اهتم بنفسي شديد
يوم لقيت رسايل من الولد الكنت الشغاله معاهو لقيتو مرسل لي قال لي ي نوسه تسمحي لي اجيكم زياره موضوع خير ان شاءالله وقاصد خير تفتكرو الموضوع شنو🫢………يتبع